بعد رمت أفراح الودع
أم منيع عملت كدة😱
لدرجة كلهم إحتاروا
وبقوا منتظرين حتقول ليهم شنووو
سوسن: ظهر ليك شنو خلاكي تتخلعي كدة يا مره?
أفراح : ااااي كدي قولي خوفتيني
أم منيع حاولت تطنش كلامهم وم ترد وقامت غيرت الموضوع عشان م تجأوب علي اسألتهم خصوصاَ رحاب قاعدة وقدر م حاولت أفراح تعرف حاجة من أم منيع بس م قدرت
أخدوا قعدتهم والونسة جرت لحددي م جاء موعد الغداء رحاب دخلت المطبختجهز الغداء ودخلت معاها رتاج بينما أفراح قاعدة لسه وبتحاول تجرجر أم منيع ف الكلام عشان تعرف منها الظهر ف الودع شنو خلاها تعمل كدة. بس برضوا أظنها م حتقدر تأخد كلام من أم منيع جات سوسن وأم منيع قالت ليها تعالي عايزاك ف موضوع مهم سوسن ساقته و وقفه علي جنب عشان مافي زول يسمعهم بس أفراح لحقتهم من غير م يحسوا بيها عشان تعرف أم منيع عايزة تقول شنو👂🏻
سوسن: خير ف شنو قلقتيني
أم منيع : خاييفة أقول ليك تقولي علي بكذب عليك
سوسن :عاد ده كلام كدي بسم الله الرحمن الرحيم وأحكي
أم منيع : أسعد ح يتزوج أفراح
سوسن : إنتي جادة ف كلامك ده😧😳
أم منيع : والله ف الودع لمن أفراح رمتو ظهر لي زوجها أسعد ياحليلك ي رحاب والله م عجبني ليها كونه أسعد يتزوج صديقتها
سوسن : (طايرة من الفرح) أنا م مصدقة والله ده أحلي خبر سمعته ف حياتي 😍وعشان الخبر الحلووو ده عندي ليك حلاوة بس منك طلب وضروري تنفذي لي
أم منيع : قولي طلبك وكانت مستغربة ومصدومة ف نفس اللحظة معقول خبر مشؤم زي ده يخلي سوسن مبسوطة كدة😳😳قالت ليها خلاص قولي طلبك
سوسن: بس عايزاك م تكلمي زول بالموضوع ده تمام
أم منيع: تمام م تخافي م بكلم زول
وفي اللحظة دي كانت أفراح سمعت كل حاجة وكانت ف قمة السعادة م فاضل ليها إلا تجري تنطط من الفرح وقبل م يلاحظه لوجودة طوالي إتسحبت رجعت قعدت ف العريشة
ورتاج ورحاب ف المطبخ بجهزوا بعد دقائق جاء دخل عليهم أسعد
أسعد : اها ي مدامات الغداء ده لسه ياخ مصارينا صوصوت من الجوع
رحاب : خلاص قربنا ننتهي وبعدين إنت م خليت ف السلطة حاجة وبعد ده جوعان
رتاج : تضحك😂 أرح نحطوا بسرعة الود ده بياكلنا بعد ده
ف ثناء م بتكلمو جات أفراح وأسعد من يشوفها يتذكر الحركة العملتها ليهوالمهم جهزه الغداء والكل إتغداء وخلاص ناس رحاب ماشين محجوب أصر علي أسعد يبيتوا عندهم ويمشه الصباح بس هم رفضوا طلعوا فاتو وف العربية كل م أسعد يتلفت يلقي أفراح بتعاين ليهو وتبتسم بقوا علي الموال ده لحدي م وصلوا أفراح محل م عربيتها واقفة نزلت أفراح وقالت لي رحاب بجيكم قريب
بعد هي إتحركت هم إتحركوا وراها وصلوا البيت وأسعد كان ناوي يكلم رحاب بتصرفات أفراح
أسعد : رحاب
رحاب : نعم
أسعد : تعالي عايز أتكلم معاك
رحاب : اها أحكي سامعه أنا
أسعد : الموضوع بخصوص صحبتك أفراح دي ياخ البنت دي أصلاَ م دخلت راسي يعني عندها تصرفات كدة م سمحة
رحاب : كيف يعني م فاهمة😳 وبعدين هي عملت شنو وقبل م أسعد يتم باقي كلامه تلفون رحاب يرن وتطلع دي أفراح
رحاب :الوووو
أفراح :ريري كيفك و وصلتوا كيف
رحاب : يامرحبا أفراح الحمدلله وصلنا تمام وإنتي وصلتي كيف ... أسعد من يسمع دي أفراح. إضايق شديد قام دخل الحمام ياخد شور بعد طلع كانت رحاب حلصت مكالمتها ومنتظره يجي
رحاب : أسعد 😍
أسعد : عيون أسعد عايزة حاجة شكلك مبسوطة ولا مشتاقة لي وغمز ليها😉
رحاب: أووف أسعد بطل حركاتك دي بس عندي ليك خبر حلو أفراح جاية تقعد معانا كم يوم لحدي م خالتو مريم تجي من السفر😊😍
أسعد : شنووووو
رحاب : ومالك مخلوع كدة 😳 قلت ليك أفراح جاية تقعد معانا كم يوم
أسعد : م مخلوع بس هي م عندها أهل البجيبها لينا شنو😪
رحاب : أسعد بطل البتعمل فيهو ده إنت من متين بتابه الناس 😒
أسعد : ي ستي م بابه الناس بس أفراحك دي م هضمتهاـ
رحاب : عايز ترد تسمع جرس الباب برن بكون دي أفراح جات. جرت رحاب فتحت الباب وفعلا كانت أفراح
أسعد من شافها ملامح وشه إتغيرت سلم عليها سلام بارد وقال لي رحاب أنا داخل أنوم وم تصحيني
دخل ورحاب ساقت أفراح ودخلتها غرفة الضيف وقالت ليها بمشي أعمل ليك عصير وبجي😊 أفراح قالت ليها طيب
مشت رحاب تعمل العصير وزولتنا قاعدة هنا تتأمل إنو هي بقت زوجة أسعد وبقت ست البيت ورحاب طلعت من حياتهم وبقت تقول ف نفسها الله ي أسعد م متخيله حلمي يبقي حقيقة أنا بحبك بحبك بحبك
يتبع.....