،
.
رجع مشعل لبيته وهو مرتاح نوعاً ما.. دخل والكل التفت يناظره مستغرب غيبته!!
بو مشعل عبس بوجه ولده وصد يتكلم مع ضيوفه..
عزيز دخل وشاف مشعل انبسط والتفت ع الرجال/تفضلوا ع العشاء حياكم الله..
الكل دخل يتعشى..
عزيز مر من مشعل وهمس له/ابوك حييل معصب الله يهديك.. شلون بخطب زينه اذا زعل هاه
مشعل ابتسم له/هذا اللي يهمك اللحين
عزيز/يااابرردك ياااخي..ابعد عن وجهي بس
**راح وتركه..
مشعل تلفت وما شاف عمر موجود!! /ويين هذا ما جاء للحيين!!
اخذ جواله واتصل فيه وانتظره يرد عليه/..
ع الطرف الثاني بالجوال عمر/الوو
مشعل/السلام عليكم..
عمر/وعليكم السلام..
مشعل/وينك يا رجل؟..ليش ماحضرت
عمر/اعذرني ..قابلت واحد من سنين ماشفته وحلف علي وعزمني..
مشعل استغرب/من سنين؟! منهو اعرفه أنا؟
عمر/ايه.. زياد قريب زوجتك
مشعل/ايييهه.. طيب دام كذا ما اعطلك.. سلملي عليه
عمر/سلام..
،
.
،
.
،
.
،
.
بيت زياد.. *
سكر عمر جواله والتفت لزياد/مشعل يسلم عليك
زياد ابتسم/الله يسلمك ويسلمه،وش اخباره؟ عساه تزوج
عمر بابتسامه/شكلك ماعندك خبر، هو رجع زوجته وانتهت القطاعه
زياد صب له فنجان ومده لعمر/زيين الحمدلله،والله صاير ما دري عن شي ..خبرك تزوجت ونقلت بيت لحالي وانشغلت. حاليا زوجتي عند اهلها علشان كذا جبتك بيت اهلي
عمر ابتسم/عساه عامر بالطاعه
زياد/امين يارب
بعد شوي...
عمر طرأ عليه سؤال وحب يقوله/زياد
زياد باابتسامه/سم
عمر/سم الله عدوك،
زياد استغرب سكوته وسرحانه/عمررر تكلم وش فييك
عمر/ لو جاك واحد مثلي انا.. بتزوجه اختك
زياد استغرب/اكيد، انت ونعم فيك
عمر ابتسم/لازم ترد لي هالزياره
زياد ابتسم له وفهم قصده/وصلت خير
.
.
،
.
،
.
،
.
عند لوجين..
جالسه من نص ساعه ساكته.. ولمياء جالسه قبالها وتناظرها بعدما هدأت/شفيك؟! انا كلمتك ومافيك الا العافيه.. شلون انقلبتي فجأه كذا!!
لوجين بعدما استعادت نفسها، تناست اللي صار/ولا شي
لمياء/بس انا شفت مشعل وهو طالع.. ايش اللي صار بينكم
لوجين/ابداً ..كان هنا يتطمن عليّا... وتكلمنا شوي
لمياء سكتت وتخزها/
لوجين وهي تقوم/بروح اجيب القهوه..
لمياء قامت معها/اخذيني معك.. حابه ندردش.. ودي افضفض
لوجين/يلا ..
،
.
،
.
،
.
في بيت هنادي*
ساكته لها ربع ساعه.. مو مصدقه الكلام اللي قاله لها خالها...
ابو عهود/هااه يا بنتي ايش،قلتي
عهود جالسه جانب هنادي وتنغزها/يا بنت انطقي نشفتي ريقي
هنادي/خالي انتا قلت انو كان متزوج!
عهود/كلنا نعرف انه تزوج وطلّق من زمان.. الرجال حابك مو قادر ينساكِ
ابو عهود/ايوه يا بنتي صح هالكلام..
هنادي فكرت كثير.. وترددت..
عهود/هنااادي.. الله يوفقك، ترى فارس ما ينرد.. ونعم الرجل.. وضابط شرطه مركز مرموق.. ايش تبغين اكثر من كذا
ابو عهود/عهوود لا تضغطي عليها.. خليها براحتها.. فكري يا بنتي ووقت ما تقرري قولي.. لا تستعجلي، وتأكدي ان خالك معك سواءاً وافقتي،او رفضتي..
هنادي ابتسمت لخالها/الله لا يحرمني منك.
ابو عهود/انتي بنتي مثل عهود بالضبط..
هنادي بعد سكوت/فارس كان خطيبي من زمان.. وكنت موافقه عليه وحابه اكون زوجته... انا موافقه خالي.. موافقه اتزوج فارس
عهود زغردت/الحمدلله... الف مبروووك حبيبتي هناادي
بو عهود/الف مبروك يا بنتي.. انا اتفقت مع فارس انو لو وافقتي ،الزواج بيكون نهاية الاسبوع.. وراح يكون بس عشاء هنا بالبيت ،لأن ام فارس توها متوفيه من فتره قصيره..
هنادي بخجل/اللي تشوفه خالي..
ابو عهود قام وراح لغرفته...
عهود التفتت بحمااس على هنادي/دااام كذااا.. من بكرااا ننزل السوق يا احلى عروس..
هنادي هاللحظه تذكرت "جابر" اول رجل بحياتها،هذاك الشاب الطايش اللي عشقها واخذها غصب عنها وعلمها كيف العاشق يعشق حبيبته ويحافظ عليها بدوون انانيه.. بدون حب تملك.. شلون عشقها وما تعامل بأنانيه معها وقت مرضه بالايدز.. نزلت دمعتها وهي تتذكر اخر جمله قالها لها بابتسامه(بموت ماقلتي لي أحبك)..
عهود لاحظت دمعتها وحززنت/هنااادي ليييش الدموع اللحيين
هنادي بنبرة حزن/مدري ليه تذكرت جابر الله يرحمه
عهود/الله يرحمه
هنادي وهي تمسح دمعتها/اشتقت لعمي ابو علي.
عهود/اتصلي به هو اللحين بحسبة ابوكِ
هنادي/عهود انتي ماتعرفين هالرجال.. قديش كان مثل ابوي بتصرفاته وتعامله معي.. وحبني اكثر بعدما تغير جابر وتاب لله.. اخاف عمي بوعلي يعرف اني بتزوج بعد جابر ويضيق صدره
عهود/صادقه.. يمكن يزعل
هنادي سكتت وصدرها ضايق..
/
/
/
/
/
/
/
/
طلع من بيت ابو زياد..
ومعه زياد ..ضلوا يسولفون شوي عند سيارة عمر..
عمر/ماقصرت يا زياد..
زياد/ي بن الحلال ماقمنا بواجبك.. لازم تزوورني مره ثانيه ولا تقطع فيني.
عمر/الله لا يجيب قطاعه.. باذن الله بتشوفني كثير
زياد يمازحه/شووف ان اختفيت مره ثانيه.. انا اعرف ديرتك وبيتك ومكان عملك بنشب لك هههه
عمر/هههههههه حياك الله.. عزيز وغالي يا زياد.. يلا انا ماشي
ركب سيارته..
زياد وهو يبتعد عن السياره/الله معاك عمر .
عمر شغل سيارته ومشى ..وزياد دخل البيت ..
تذكر انه نسي جواله ببيت زياد ورجع بسررعه...
هاللحظات وصلت سيارة سايق لمياء،..
عمر فكر وش،ممكن يسوي،و اتجه بسيارته بسرعه ووقف لعندها و يناديها/لمياا
لمياء استغربت تصرفه توقعته متعمد يلاحقها/عمر!!!
عمر بنبره مصطنعه/شخبارك؟
لمياء تلفتت وماشافت احد.. خافت من الفضيحه/انت تلاحقني؟! انجنيت!!
عمر يستهبل عليها ويمثل الجديّه/انتي اللي حديتيني ع هالشي
لمياء بارتباك/عمر تكفى خليك عاقل زي ماعرفتك رووح من هنا بتفضحناا
عمر بتصرف غريب/انا رميت العقل ..ماني محتاجه بعد اليوم..قد جربته ومانفع معس
لمياء حاولت تفتح الباب،لانها فهمت قصده/.
عمر شاف يدينها ترجف وهي تحاول تفتح الباب/ماراح تفتحينه.
لمياء لفت عليه وهي خايفه/انت وبعدين معك؟
عمر وهو رافع حاجب ومنزل الثاني بيخوفها/انتي ادرى..
لمياء وهي تحاول تفتح الباب/ايش صار لك فجأه
عمر/اللي صار انك جننتيني!! وماني مسئول عن تصرفاتي لمن اشوفك
لمياء فهمت قصده،لكن تستغبي/ايش تبغى مني
عمر رفع يده يبي يرن الجرس ويلعب باعصابها المتوتره/جاي اخطفك
لمياء ابعدت عنه وهي تطلق صرختها وطاحت من فوق ثلاث عتبات لانها لفت على الخلف بدون تلتفت..
نزل لها عمر بسرعه وحاول يمسكها/لميااء.
لمياء انهارت هاللحظه اصلا هي متوتره.. ،
طلع بهاللحظات زياد وهو مستغرب وجود عمر واخته واتجه لهم/ايش صاااير
لمياء من الرعب اغمي عليها لانها خايفه اخوها يفهمها غلط او يظن انها بعلاقه مع عمر!!
عمر وده يسند ظهرها ويجلسها بس خاف/زياد.. انا نسيت جوالي عندك ورجعت اخذه وتفاجأت بها طايحه قدام الباب!!!
زياد اتجه لاخته بسرعه واخذها/عمر افتح باب السياره بسرعه هي مغمي عليها..
عمر بسعاااده فتح باب سيارته الخلفي وركبها زياد وراء وركب هو قدام مع عمر !..
،
.
،
.
،
.
،
.
،
ببيت مشعل* •
طلعت من غرفتها وهي حيل متضايقه..شافت اخوات مشعل كلهم مجتمعات بغرفة أمهم سهرانات ويسولفون وضحكهم واصل آخر الدنيا..وهي محد معطيها وجه بهالعايله!!
انقهرت من هالوضع الممل وحبت تسوي اكشن وتنكد عليهم.. اول شي طرأ ببالها "الصغار"..!!
اتجهت لغرفة اولاد مشعل.. ودخلتها وهي تلفت تبي تشوف وش ممكن تسويه لأذيتهم!! ..
اتجهت للي نايم ع السرير اليمين والشر باين بعيونها وهي تمتم(ماني مرتاحه لين اذبحكم واحد واحد يا عيال لوجين، خلي الحزن يموتهم كلهم..وخسارة عيالك يا مشعل مصيبه ماراح تنساها طول عمرك هههه)..
اخذت وساده صغيره وهي تتجه نحو "نايف" وتشوفه نايم بسلام..لكنها ضغطت على قلبها و اتجهت بالوساده لوجهه ..في مشهد يخلو من الانسانيه..
.
،
.
،
.
،
قامت من نومها مفزوعه.. ما ارتاحت ابد كانت تشهق وتنادي/نااايف..!!
تنفسها صار مضطرب ودقات قلبها غير منتظمه..بسرعه اخذت جوالها بيد مرتجفه وهي تبكي اتصلت على مشعل وكانت تحاول تسيطر ع بكاها.. انتظرته يرد ولكنه تأخر.. وبكت ..
ع الطرف الثاني رد بصوت فيه نوم/الوه..
لوجين وهي تنهد وواضح انها تبكي/مشعل ..
مشعل استقعد وانتبه للجوال وصوتها الباكي/لوجين.. وش فيك. اذكري الله
لوجين حاولت تسيطر ع نفسها/لا اله الا الله بس يا مشعل ابي عيالي بليييزز
مشعل رحمها وهو يحس العبره تخنقها/ابشري اذا قاموا بكره اجيبهم لك بس وقفي بكي
لوجين وهي تحاول توقف بكاها وماتقدر/رووح لهم شوفهم اذا نايمين ودافيين والا لا الله يخليك طمني، قلبي مو مرتاح يا مشعل يمكن نايف تعبان او ايمي بردانه او ميشو يبكي.. انا اعرف مشعل حبيبي يحب ينام والنور بالغرفه مضوي رووح ماماا
مشعل ابتسم وهو يشوفها تترجاه علشان عيالها/ان شاء الله اروح اللحين لغرفهم واتطمن واطمنك بعد، يلا سلام
لوجين وهي تترجاه/لا بليز لا تسكر الخط خليك تكلمني
مشعل طلع من غرفته وهو يكلمها بالجوال/اوكي،هذا انا طلعت من غرفتي ورايح لغرف الصغار..
لوجين قلبها يرجف ودموعها تبلل وجهها/حباايب ماماا
مشعل ابتسم وهو يسمع نبرة اللهفه وصوت الامومه الحاني بصوتها.. وتترجاه علشانهم وهي عمرها ما ترجته...
.
،
اقبل وهو يشم رائحه حريق ما كان متوقع كارثه تصير ببيته كذا..،سكت فجأه بعدما كان يطمن لوجين بالجوال ..
لوجين استغربت سكوته/مشعل شفيك سكتت؟!.....
مشعل قرب بسرعه وركض صوب غرف عياله وشاف الدخان من اتجاهها!! وصرخ ورمى الجوال بدون شعور ودخل بالنار!!!
على الجهه الاخرى لوجين بدأت تبكي بعدما سمعت الصرخه وصوت رمي الجوال ع الارض،ضلت تناديه ومتمسكه بالجوال/مششعل!! رررد علي
سمعت اصوات البنات يقربون ويصرخون وباين صوت زينه تصرخ وهي تقول/غرفة عيال مشعل احترررقت يباااه الحقنااا
،.
.
،
.
طلعت من غرفتها زي المجنونه واتجهت لغرفة امها وابوها وهي تطق الباب بقوووه/اممممميي ابوووي الحقوووني
طلعوا بسرعه وهم مرعووبين/لوجين ايش صاايرر؟!!
لوجين ودموعها تبلل وجهها وتبكي بحرقه/اولادي احترقوا يا ابوي الحقني..الله يخليك وديني لبيت مشعل..الله يخليك انا كنت اكلمه وهو رمى الجوال كنت خايفه
ماجد لاحظ اضطراب بنته وضمها يهديها/لوجين اسسكتي هدي نفسك يا بنتي
لوجين وهي ترجف و ترفض الهدوء/مااقدررر يابوي مااقدر
ماجد اشر هدى/هاتي عبايتها خلينا نروح نتطمن
هدى/اخذوني معاكم
ماجد/لا ياهدى خليك مع احمد..
هدى راحت وجابت عبايتها وساعدتها تلبس وطلعت مستعجله كانت حييل منهاره وطوول الطريق يدها على قلبها و تفكر بالمشهد الكارثي اللي رسمه خيال الامومه عندها...،
.
،
.
،
**فتحت عيونها بعدما صحصحت..وشافت نفسها بمكان غريب عليها، لكن الجو جو مستشفيات ومو غريب عليها..تلفتت وشافت ممرضه تحاول تعطيها ابره ومنعتها/ابعدي عني
الممرضه/مالك يختي
لمياء استقعدت بضيق/ما احتاج الابره
الممرضه/ازاي تئولي كده..سيبيني اشوف شغلي
لمياء/نيرس لو سمحتي،قلت لك ما احتاج هالابره،انا دكتورة طب طوارئ وفاهمه..
الممرضه ماصدقت/انتي دكتوره بجد؟!!
لمياء وهي تضبط حجابها وتتحاول توقف و تتجهز للخروج/وين راح زياد..
دخل بهاللحظات وهو يتبسم بخبث/الحمدلله ع السلامه
لمياء حست راسها يصدع، الدنيا تلف بها/عُمر!!.. وش تبي مني ايش جابك
عمر/أنا اللي جبتك هنا..
لمياء استغربت/واخوي وينه
عمر/مدري عنه.. انا خطفتك من قدام بيتكم واخوك يطالع اكيد هو منجن او متصل بالشرطه علشانك
لمياء طار عقلها من كلامه/مستحيل اصدق انك تسوي فيني كذا
عمر وهو يكتم ضحكته ويتجه للباب/ليش ماتصدقين يعني.. انا ماني ملاك يعني ممكن ارتكب اخطاء.. محد معصوم من الخطأ ،بس خير الخطائين التوابين.. لكن انتي في كل مره تجرحيني وماتتوبين..وش فيها لو خطبك واحد متزوج.. انتهت الدنيا!!
لمياء/ان ما طلعت اللحين راح اعمل لك فضيحه بالمستشفى وألم الناس عليك
عمر/بالله عليك؟!!..يلا اصرخي سويلي فضيحه ليش سااكته.. تكلمي
لمياء ألتزمت الصمت وقررت ماتسوي اي شي يضيق صدره..
عمر بابتسامه هاديه/ع العموم ،اخوك راح يجيب أمك علشان تطمن عليك. لا تخافين لا خطفتك ولا شي
لمياء رفعت راسها وتناظره مستغربه/!!!
عمر بابتسامه باااهته ويائسه/معقوله تصدقين سوالف الخطف ههههه انا كنت معزوم عند اخوك الليله ونسيت جوالي بمجلسكم وكنت راجع اخذه وصادفتك.. وتهورت وخوفتك اسف
لمياء استحت من كلامها.. وضلت ساكته..
عمر وبصوته نبره أليمه/ماحبيت اتركك هنا بهالمستوصف لحالك واخوك رايح يجيب امك.. ضليت واقف عند الباب لحد ماعرفت انك صحيتي..واللحين انا ماشي... سلام
اتجه للباب بيخرج... ووقفه صوتها وهي تناديه على استحياء.. /عُمر
عمر وقف بدون يلتفت عليها أو يتكلم/...
لمياء بصوت يغلفه الخجل والحياء/مساء يوم الجمعه ابوي يكون فاضي.. تقدر تزوره اذا حبيت تكلمه بأي موضوع رسمي..
عمر فهم عليها و ابتسم وهو طالع مبسوط..
لمياء ارتاحت بعدما قالت اللي بخاطرها أخيراً..استرخت مكانها وهي تهيم بعالمها..
،
.
وسط حضور المطافي والاسعاف..
واقف مشعل عند غرفة عياله المحروقه وهو حاس بداخله حريقه تشتعل..كيف عياله يتأذون بعدما يجون يعيشون عنده ،..
بعدما عاشوا بهدوء وسلام بحضن أمهم طول السنوات الماضيه..ربتهم علمتهم،وعندهم لغتين..ومؤدبين حيل وماخلتهم يكرهونه بالعكس،هي خلتهم يتعلقون فيه من صوره وقصصها عنه،..
وبالنهايه بدال ما يشكرها "قهرها" و اخذهم يعيشون عنده وتأذوا من اهماله لهم ..!!
وبيّن فراغ أمهم في حياتهم وحاجتهم لها..
،
تحت*
دخلت مع ابوها وهي مذعوووره من الوضع بالبيت!!مطافي وشرطه واسعاف..
ماجد انرعب/الله يستر وش صاير يا جماعه
لوجين شافت منيره موجوده بالصاله ومعها بنتها وساره ومشاعل اللي تناظرها بخبث...واضح ان الكل مصحصح!!
كانت تتجاهلهم وتنادي/ناااايف حبيبي ايماا..مشعل
زينه اتجهت لها وحاولت تكون هاديه/لوجين اهدأي شوي
لوجين خافت وحاولت تبعد زينه عنها وتبكي/ابعدي عني وين عياالي
نزل مشعل بعدما سمع صوتها.. خاف من مواجهتها/
لوجين شافته واتجهت له وهي تسأله بحرقه/مشعل وين عيالي
مشعل/بخير لا تخافين ماصار الاخير
لوجين مسكته من ياقة تيشرته و هزته بقوه/لا تكذب.. قول لي وينهم
مشعل بقلبه اللي يغلي وعقله اللي بينفجر من التفكير باللي حاول يحرق غرفة عياله..
سرح بتفكيره.. ولكنه صحئ بكف مدووي ..!!
لف وجهه وتفاجأ انه من لوجين وعقد حواجبه!!
الكل بالصاله في حالة صمت رهيب بعد الكف....
لوجين بانفلات اعصاب/وين وديت عياالي.. اخذتهم مني علشان تحرمني منهم باهمالك!!
ام مشعل اتجهت لها تحاول تهديها/يا بنتي هدي اعصابك.. اولادك بخير..
لوجين بهدوء مصطنع/اوكي انا هاديه.. وينهم يلا وينهم؟!!
مشاعل حبت تستغل الفرصه وتجلطها.. هذي الفرصه المناسبه/بصراحه احترقت غرفتهم وهم نايمين المساكين محد دري بهم
مشعل بصوت ززجر عالي/مشاااعل محد سألك
لوجين ماتحملت تخيلت عيالها بابشع مصير ..رجليها ما شالتها ولكن حاولت تتمالك نفسها وهي تفقد توازنها اتجهت للدرابزين وتمسكت فيه علشان ما تطيح..
مشعل اتجه لها وهو يشوفها تنهار ومسكها/لوجي حبيبتي اقسم لك انهم بخير ونايمين بغرفتي بعد، تعالي شوفيهم بعد.. اللي صار ان نايف انكتم شوي من الدخان لكنه اللحين بخير..
لوجين نزلت دمعتها بابتسامه/اكيد مشعل
مشعل بنظرات حب مفضوحه/اكيد
لوجين بنبره باكيه/ابي اشوفهم
مشعل وهو يضم كفها بكفه/تعالي معي..
راحوا لفوق...
وضلت ام مشعل مبتسمه/ماندري وين الخيره فيه.. عساها خاتمة الفراق يا رب
الكل ماعدا مشاعل/امين
منيره وهي تمسح دمعتها/رحمت لوجين والله
ساره/ايي والله
زينه بوادي ثااااني وتشك باللي صاير/اللي مجنني.. شلون احترقت غرف عيال اخوي لحااالهاا بسسس!! مو معقوله اكيد فيه ان بالموضوووع،الشرطه لازم تحقق
مشاعل خافت/ولا ان ولا هم يحزنون اكيد ماس كهربائي
زينه/انا بقول لاخوي.. يخليهم يفتحون تحقيق بالحريق..
ام مشعل بطيبة قلب/حسبي الله على من حاول يأذي ولدي واحفادي
منيره بحزن/واقلبي على نايف.. تعب حيل مابغى يرجع يتنفس مره ثانيه..
ام مشعل/فددديته..
مشاعل خزت زينه وهي تتوعدها بداخلها (شغلك عندي يا زينه ان ما خليتهم يقلبون عليك ماكون مشاعل).
.
،
دخلها الغرفه بهدوء/هذولا هم نايمين ولا دروا عن شي..
اتجهت لهم لوجين وهي مشتاقه لهم بعد هالغياب بوستهم بيدينهم ووجيههم وضلت تتأملهم وهم نايمين بسلام،اشتاقت لهم بالحيل..
مشعل جلس عندها/انا طلعتهم بسرعه من غرفتهم وهم نايمين ماحسوا بشيء لكن نايف صحى شوي وكان مكتوم.. لكن الحمدلله عدت على خير ونام
لوجين ودمعتها تلمع،مدت يدها ليد نايف وهي تتفحص اطراف اصابعه وبالتحديد اظافره..وتبوسها/فقد اكسجين ما انكتم..!
مشعل/مافهمت؟!
لوجين وهي توريه يد نايف/شوف اطراف يده، توضح انه فقد اكسجين لفتره.. يمكن 60ثانيه او كثر.يعني ولدي كان مخنوق.
مشعل بلع ريقه بخوف وهو يفكر من ممكن يسويها!!
تذكرت الكابوس اللي خلاها تفزع وتتصل بمشعل وتنقذ عيالها/انا شفت كابوس مزعج صحاني من نومي وخلاني اتصل فيك.. ما ارتحت ابداً، اشغل بالي..
مشعل مسك يدها بنعومه وقومها/اذا جلستي شوي عندهم اكيد بيقومون،اتركيهم
لوجين وعينها على عيالها/بس انا جايه علشانهم وحابه اضل معهم
مشعل وعينه عليها/حتى انا حابك تضلين معهم..
لوجين التفتت عليه مستغربه/؟؟!!
مشعل حاول يرقعها/اكيد العيال مشتاقين لك.
لوجين قامت وهي تناظر الغرفه بنظره بانوراميه وساكته،
مشعل مو مصدق انها معه بغرفته وعياله معه بعد.. اخيراً اجتمعوا مع بعض/تعالي نجلس هناك احسن علشان ما يقومون.
لوجين من قلب حابه تجلس معه راحت واتجهت لهالجلسه اللي تطل ع الحديقه و هي كنب ابيض طويل ومرريح وقدامه طاوله منخفضه وعليها فازه وريموت تلفزيون..
مشعل/تقدرين تاخذين راحتك وتشيلين عباتك،اعتبريها غرفتك
لوجين التفتت عليه بعدما قال "اعتبريها غرفتك"..!!
مشعل وهو مرتبك وفرحاان بوجودها/تشربين قهوه والا عصير والا جوعانه نطلب شي من برا؟
لوجين تناظر فيه وللحين ساكته مستغربه تصرفاته معها/..
مشعل وعينه بعينها/ليش ساكته؟شفيك تناظريني كذا؟
لوجين بلعت ريقها وصدت/ولا شي
مشعل قرب من الكنبه وجلس وهو يحاول يقرب منها وخايف ترده.. !
لوجين بالطرف الثاني من الكنبه نفسها وتحس باضطراب نبضات قلبها وهو قريب منها كل هالمسافه.وحاسه فيه يحاول يتقرب منها!!
مشعل مد يده ولامس اطراف اصابعها ..ولكنها
سحبت يدها من يده و قامت بسرعه بعدما شافته يقرب منها..اتجهت للشرفه المطله على الحوش ووقفت متكتفه تخفي توترها الواضح..!
مشعل ابتسم وهو يشوفها تتهرب منه،قام واتجه لها بخطوات هاديه ووقف جانبها وتكتف مثلها/كأنك تتهربين مني؟!
لوجين بتوتر واضح من نبرة صوتها/لا تظن ان جيتي لبيتك الليله خضوع!!...انا جيت علشان اتطمن على عيالي وراجعه بعد شوي بيت اهلي لا اكثر
مشعل بابتسامه/طيب ليش انتي معصبه
لوجين بارتباك/ماني معصبه لكن ماحبيت تفهم جيتي غلط
مشعل قرب منها وهو يطالعها بحب وهمس لها/انسي امر طلوعك من هالبيت
لوجين لفت عليه وعاقده حواجبها/يعني شلون؟! بتحبسني؟!!
مشعل بهدوء/انتي زوجتي وملزوومه تطيعيني
لوجين صدت عنه وهي تكبت غيضها بسكات/..
مشعل ببرود/زعلتي؟
لوجين التفتت عليه وهي تصغر عيونها/لا سلامتك بس اشوفك تستغل سلطتك وتبتزني "اكيد بكون مبسوطه"
مشعل بابتسامه تقتلها/اسف لكن مضطر ابتزك
لوجين صدت عنه بغضب ..
مشعل اتجه لها وهو يستغل هالفرصه ويحاول يقرب منها، بدون يتكلم..وقف وراها وكأنه بيضمها حاول يسحب الربطه اللي تمسك شعرها بنعومه ولكنها منعته وهمس بأذنها/رووقي اعصابك،ترى ماراح يصير الا اللي يرضيك
لوجين خافت ماتدري ليه..حاولت تبعد ولكنها تفاجأت به يثبتها وانخرست/..
مشعل ثبتها بكل قوته وعينه بعينها/لا تحاولين مجرد محاوله انك تهربين مني،انتي اللحين ملكي من جديد وكلمة تنازل حذفتها من قاموسي..
لوجين ضلت ساكته وعينها بعينه وتنتظر منه اي شي..غير الكلام!!
مشعل ماقدر يصبر قرّبها له حييل وضمها ولكن..
بهاللحظه انفتح باب الغرفه..!!!!
مشعل ابعد عن لوجين ولف يناظر من هالهمجي اللي دخل بهالشكل!!
لوجين بتموت قهر ع اللحظه اللي راحت عليهم..
و استغربت وهي تشوف مشاعل تدخل بدون استئذان وابعدت عنه وراحت تجلس مكانها..،
دخلت مشاعل بابتسامتها المُستفزه ولاحظت مشعل معصب منها/مساء الخير..اسفه بس حبيت اتطمن ع الصغار
مشعل/الصغار بخير ماعليهم
مشاعل ناظرت لوجين بطرف عينها ورجعت تناظر مشعل/مشعل ممكن تجي معي شوي
لوجين التفتت عليها وهي مو شايلتها من ارضها،نظرات مشاعل ماتطمن!!
مشعل اتجه لمشاعل اللي واقفه عند الباب من داخل/نعم؟!
مشاعل بوقاحه مسكت يد مشعل وطلعته معها برا الغرفه وسكرت الباب وهي تناظر لوجين باحتقار..!!
لوجين هنا وبعد هالتصرف ما ارتاااحت،من هذي وليش تتعامل مع مشعل بهالطريقه..؟!!
تفكيرها بيجننها وهي تستغفر ربها وتطرد وساوس الشيطان من راسها، ،..وحاولت ماتفكر بشيء..
،
.
عند باب الغرفه ..
سحب يده من يدها وهو يقصر صوته وعيونه ترسل شرارت غضب/وش جابك لغرفتي وتدخلين بدون استئذان بعد!!! انتي ماتستحين؟
مشاعل بجديه/كل شي منك بتحمله إلا انك مع وحده غيري بغرفه لحالكم!!! هالشي يجنني
مشعل حاول يمسك نفسه لكنه ماقدر ،ضربها كف مدوي/كفي بلاك وشرك عني
رفعت راسها والتفتت عليه بابتسامه مغلفه بالخبث والوعيد،وهي تحط يدها مكان الكف/وربي ما اخليك تتهنى مع غيري يا مشعل
مشعل مسكها من ياقتها وحشرها وهو يهمس لها علشان ماتصبر فضيحه/وانا اتحداك يالمريضه، لو قدرتي لا تقصرين
مشاعل مبسوطه وهو قريب منها/تأكد اني ما راح اذخر جهد في انهي سعادتك مع غيري،مفهووم
شافته قريب منها وباسته في خده وبهاللحظه فتحت لوجين الباب وشافت مشعل حاشرها ع الجدار وهي تطبع قبله على خده!!!؟؟
لا شعورياً سكرت باب الغرفه وقفلتها بدون اي ردة فعل منفعله!!!
مشعل ترك اللي بيده اتجه للباب حاول يفتحه ولكنه مقفل ضرب بيده على الباب كذا مره ومافتحت!!
مشاعل بابتسامة سخريه مشت وتركته...
،
.
،
.
،
.
في مكان ثاني،..
بعد حالة قلق.. هدأت. ولكنها مازالت تفكر اتجهت لزوجها اللي يحاول ينام/مااجد
ماجد وهو يعدل مخدته/نعم يا هدى،ما انتهت أسئلتك للحين!!
هدى/ماجد انا خايفه من روحة بنتي لهناك
ماجد/يا بنت الحلال هي رايحه بيت زوجها وهو اللي طلب مني اخليها..
هدى/يعني ماجلست هناك برضاها؟!!
ماجد/لو انتظرناها تطلب تقعد عند مشعل. ،بنموت وحنا ماشفناها عايشه مع زوجها ببيت واحد..انتي ادعيلها بالتوفيق وبس
هدى/الله يوفقها حبيبتي.. وبكره سفرتها لدبي ما يمديها تخلص
.
،
.
،
.
،
.
نزل للمجلس وصدره ضايق من الموقف اللي حطته فيه مشاعل اللئيمه..
جلس وهو يحاول يسترخي ويفكر شلوون يفتك من مشاعل ووشلوون يفهم لوجين هاللي صار..
ماعنده استعداد يخسرها وهو خلاص قرب منها اخيراً..
طلع جواله اللي اخذه من زينه قبل شوي.. حاول يتصل في لوجين لكنها ماترد عليه..
جلس يفرك جبينه باصابعه...
لحظات و رن جرس جواله... وبسرعه ناظر بالشاشه على باله انها "لوجين"..
لكن طلع "عُمر"
رد على جواله/هلا عُمر
عمر بسعااده/هلا بالخووووي مساااك ووووررد
مشعل كبت بصدره ضيقته/قوول صباح الورد هههه وش عندك متصل هالوقت عسى خير
عمر/الا خير وكل خير بعد..مشعل انا قررت اتزووج
مشعل استغرب/بتتزوج على زوجتك
عمر ماعمره حكى عن قصته مع فاتن لأحد سترها/اي الشرع حلل اربع وش فيها
مشعل ابتسم/عسااك ع القوه،هاه خطبت والا بس نويت تتزوج
عمر/هذا اللي انا مكلمك علشانه..ابيك تجي تخطب لي انت وابوك
مشعل بابتسامه/ابشر ما طلبت شي
عمر/مشعل شكل ماحولك نوم شرايك امرك ونطلع نتمشى
مشعل/لا والله ماقدر ..انا بكرا مسافر دبي انا وزوجتي ابي ارتاح وانام
عمر/وش عليييك بتسحب علينا ههههه
مشعل كتم ضيقته/اكيد بسحب عليك ههههههه
عمر/الله يوفقك وانا اخوك وعساها رجعه مباركه
مشعل تنهد/امين...ماقلت لي من ناوي تخطب انت؟
عمر بسعاده/اخت زياد الرايد
مشعل ابتسم/بنت خالة زوجتي؟! مبرووووك ما اخترت
عمر/امين يا رب
مشعل/الله يرزقك بالذريه الصالحه يا عمر تستاهل كل خير،
عمر بابتسامه/اميين يا رب
ضلوا يسولفون ،.،.،
/
/
/
/
/
في غرفة مشعل..،
جالسه بعيد هناك على كرسي الشرفه وهي تبكي بصمت شكل مشعل مع هاللي ما تتسمى مشاعل استباح دموع غيرتها، وش معنى هالبوسه وهالحضن غير ان بينهم علاقه،هذا اللي كانت تفكر فيه لوجين,
لفت بنظرها في غرفته وجلست تدور فيها وهي متضايقه وتقول بخاطرها(اكيد ما قعد كل هالسنوات وحيد..اكيد فيه احد بحياته،وانا رجعني بس لأني أم اولاده، مافيه حب ماشفت بعيونه لهفه،والدليل اللي سواه فيني بعد الملكه،ماقالي كلمه وحده..انا اوريك يا مشعل، لكن مو اللحين، بعدما ارجع من دبي، عملي اللحين اهم منك دامك ما صنت لي نفسك مثلما انا صنت نفسي لك)
انهارت بالبكاء..ونامت مكانها.....،
/
/
/
صباح يومٍ جديد..
البنات صاحيات بدري ويجهزون الفطور..
ام مشعل/مابعد قاموا الصغار
زينه بابتسامه/اللي قام بس مشعل ونايف وراحوا
ام مشعل بقهر/تمنيت اسوي حفله ما صارت ولا استوت لرجعت لوجين ومشعل بس مااااش ما صار اللي ببالي
منيره/ولا يهمك يمه..الوقت ما بعد راح.. وهذا حنا فيها
ساره/اي والله فيه وقت..هم بيسافرون دبي اسبوع ويمكن زياده..يمدينا نجهز
ام مشعل استانست/جبتوها..اجل توكلنا على الله
منيره/بروح اشوف لوجين خلصت والا للحين نايمه
ام مشعل/ايه ،لان طيارتهم بعد كم ساعه
،
.
نزلت لوجين بهاللحظه وكانت لابسه عبايتها وماسكه بيدها بنتها
منيره تفاجأت بلبسها/لوجيين وين رايحه من بدري كذا
لوجين وباين مستعجله/بيتي..سلمي لي على خالتي والبنات
منيره/ليش تاخذين ايمي معك؟؟
لوجين استغربت هالسؤال ولفت عليها/نعم؟!!
منيره/هذا بيت ابوها..
لوجين امتلئت عيونها دموع غاضبه/هالبنت حملتها انا لحالي وولدتها أنا وربيتها أنا بدون ابوها كل هالسنوات،وتجين انتي تسألين بوقاحه ليش تاخذينها معك؟!!
مشعل اقبل وسمع كلامها وعذرها،جاء من وراها/منيره روحي لأمي تناديك
منيره فهمت قصده وراحت،عرفت انها غلطت/....
ايمي اتجهت لابوها وحملها وباسها..
مشعل ألتفت على لوجين/تبين أوصلك بيت اهلك؟!
لوجين بدموع محبوسه/مابي منك شي اوكي، اطلع من حياتي
مشعل ابتسم ببرود/اسمحيلي ماقدر
لوجين انفها صاير احمر من بكاها الصامت وساكته
نزلت مشاعل من فوق وشافت لجين ناويه تطلع ولكن مشعل موقفها مبين بينهم نقاش فرحت انها فرقتهم..!
مشعل لمح مشاعل وقرر يقهرها اتجه للوجين وقرّب منها ومسك كتوفها بنعوومه وطبع قبله على جبينها وهمس لها بأذنها/دامك مصره اجل خليني اوديك انا..وناخذ عيالنا بعد
لوجين استغربت تصرفه كذا/!!!
مشعل/معك حق بيت اهلك أأمن لهم من هنا
لوجين استغربت اكثر وردت عليه بنفس همسه/سيارتي برا تنتظرني..عن اذنك
مشعل مسك يدها ورفع صوته شوي بحيث تسمعه مشاعل بعد/يلا مشينا
لوجين حست انه في شيء يصير مو طبيعي بس قررت تطلع وتريح راسها..
مشاعل واقفه وتناظر فيهم وهم طالعين وتتبسم بخبث(يصير خير )
/
/
/
/
/
في مكان ثاني من مدينة جده*..
في بيت ابوها تجتمع مع اختها في الويكند والاجازات..،
هنادي وهي تتكلم مع ولد اختها اللي صار كبير وعمره ١٣سنه/شفيك مؤيد ليش زعلان
مؤيد/مابي اروح مع أمي لبيت زوجها ابي اقعد هنا
هنادي استغربت/ليش حبيبي في احد مضايقك هناك
مؤيد وهو يعقد حواحبه/انا ما اطيق اولاد زوج أمي ..دووم يعايروني لاني ماعرف ابوي ..يقولون انو مالي اب ولا اهل
هنادي بابتسامه/وانا وين رحت انا خالتك وهذا بيت جدك واهل امك
مؤيد بضيق/يا خاله..انا ماعدت صغير وعارف انكم اخوالي لكن وين ابوي واعمامي ليه مالي اولاد عم ولا قرايب،
هنادي وهي تمسك يده وتناظره بفخر/كبر حبيب خااالته وصار يبي اهله.
مؤيد/تكفين يا خاله ارجعي للبيت هنا خليني اسكن معك.
هنادي/هههههه لا تخاف ما راح اتركك..
اقبلت نسرين وجلست/ايش الهرجه اشوفكم تودودوا لحالكم باين فيه اسرار
هنادي/ولااسرار ولا حاجه..انا قررت نرجع ونسكن هالبيت واحاول اقنع مؤيد يجي معاي هنا ووافق
نسرين ابتسمت/واهون عليك حبيبي
مؤيد بضيق/يا أمي انا واخوي ما نرتاح في بيت زوجك
طلع وتركهم...
نسرين ضاق صدرها وبندم/اللحين صرت غلطانه وانا ماتزوجت الا بعدما كبروا ..!
هنادي بابتسامه/نسرين لا تزعلين انتي اللحين معك بنت صغيره وحامل الله يعينك خلي مؤيد ومازن عندي اريح لهم ماني حابتهم يختلطوا مع اولاد زوجك،..لا تنسين انهم كبروا وبعدين صار الوقت انهم محتاجين رجال كبير يربيهم
نسرين خافت/ايش قصدك
هنادي/جدهم يا نسرين محتاجهم..جدهم رجل طيييب وحنون،، يكفي اني لمن قلت له عنهم فرح وسجد شكر لربي بعدما عوضه عن اولاده باحفاده،وحلف انه ما يحرمك منهم وقالي متى ما بغت امهم تجيبهم راح يكون البيت مفتوح لهم ، لا تنسين اني عشت عندهم وعرفت معدن هالرجل الطيب
نسرين وكأنها رضت/شورك وهداية الله، لكن لا يقطعون فيني
هنادي/هههه من هالناحيه لا تخافين انا اضمن لك بعد الله
نسرين سكتت بضيق وهي تفكر بفراق عيالها..،
.
،
.
،
.
،
.
وصلهم البيت ونزلوا الاطفال ببرائتهم فرحانين ودخلوا البيت ماعدا "ايمي" جالسه بحضن ابوها
لوجين تحاول تكون هاديه/ايمّاا انززلي
ايمي مدت بوزها ببرائه/No ابي بااباا
مشعل ضمها لصدره بحنان/وبابا يبيك بعد
لوجين كل ما تذكر شكله مع مشاعل تنقهر، نزلت وطنشته/
مشعل عارف وش في خاطرها وعارف انه في ورطه كبيره/لوجين لا تنسين طيارتنا الساعه 7بمرك
لوجين سمعته وسفهته ودخلت البيت بدون ترد عليه..
.
،
.
،
.
،
.
،
رجعت البيت وهي تحس براحه مابعدها راحه.. فصخت عبايتها ورمتها ع الكنبه وجلست باسترخاء..
ام زياد بابتسامه وهي تشوف بنتها مرتاحه/سلامتك يمه خوفتيني عليك
لمياء/الله يسلمك حبيبتي
ام زياد/ثاني مره انتبهي لخطواتك وانتي تمشين.. الحمدلله هالمره جات سليمه
لمياء/الحمدلله
دخل زياد وهو يخزها بنظرات اربكتها/السلام عليك
لمياء عدلت جلستها/وعليكم السلام
ام زياد/ايش فيك يا ولدي، كأنك مو على بعضك زوجتك فيها حاجه
زياد وهو يخز لمياء/لا مو زوجتي..
لمياء بدأت تخاف،وقامت/انا رايحه اشوف بنتي اشتقتلها
ام زياد/!!!
زياد يبي يخرعها/لمياء ..
لمياء وقفت والتفتت عليه/ايوه
زياد/تعرفين عُمر الفهاد؟!
لمياء فتحت عيونها ع الآخر من هالسؤال اللي خوفها، بس ماعندها شي تخبيه/شقصدك بهالسؤال؟!
ام زياد/زياااد.. ايش هالسؤال ..
زياد/جاوبي وبس
لمياء بدبلوماسيه/مو غريب علي الاسم والاغلب انها حاله وعالجتها بالمستشفى..
زياد ابتسم براحه/يقول انه واخته شافوك بالمستشفى وكلمني عنك بالجوال قبل شوي ..
ام زياد/شكلك انت تعرفه
زياد/عز المعرفه رجال كفو ويستاهل.. واكييد لمياء تذكره
لمياء انحرجت/انا رايحه اشوف بنتي..
زياد استغرب/اممما موضوع خطبه ومافيه اعتراض من لمياء
ام زياد ابتسمت بسعاده/عساه يكون نصيبها..
.
،
.
،
.
،
في مكان آخر'''
جهزت كل اغراضها و ضلت هي تتجهز وتلبس عبايتها وبالها مشغول بالموقف اللي شافت فيه مشاعل تبوس مشعل في خده!!..وتتذكر أثآر الروچ على ياقة ثوبه وتربط بين المواقف وتستغفر ربها(اعوذ بالله منك يا ابليس..مشعل مستحيل يكون رخيص لهالدرجه..)
اخذت ساعة معصمها وشافت الدبله في يدها اليسار هدية زواجها من مشعل قبل خمس سنوات..حركته وكأنها بتطلعه من اصبعها ولكنها رجعته مكانه..
دخلت أمها وهي تشوفها جاهزه/ناموا الصغار كلهم الحمدلله
لوجين/حبااايبي
هدى بابتسامه/ناايف حااس انكم بتروحون بالزووور نام
لوجين/لولا المؤتمر مهم وبيحضره نخبة الاطباء في مجالي ماكان رحت ولا كان ذليت نفسي لمشعل
هدى قربت منها وربتت على كتفها/حبيبتي عطي نفسك فرصه للحياه،انتي تعبتي ،اذا انتي حابه مشعل لا تحرمين نفسك تراه نصيبك وابو اولادك..وترى مشعل مو انسان سيء ،وانا اشوف بعيونك تردد ،انسي كل شي صار حاولي تغيرين جو..وتنبسطي.
رن جوالها /هذا مشعل وصل.
هدى ناظرتها بنص عين/ردي عليه
لوجين حطت الجوال بشنطتها/ما يحتاج..اصلا انا نازله له..
هدى/الله يهديك
لوجين وقفت عند باب غرفتها وتنادي/ساااندي نزلي شنطتي
اقبلت ساندي مستعجله واخذت الشنطه..
،.،
،
.
،
بالسياره ينتظرها من ربع ساعه..متأنق كعادته لابس بنطلون اسود وتيشرت اسود وجاكيت اسود رفع يده يناظر ساعة معصمه بتملل..شاف الشغاله اقبلت بالشنطه وهي للحين ما وصلت!!
نزل واخذ الشنطه وحطها بالسياره وهو مستغرب نظرات الشغاله له ..
شوي وتجي لوجين تمشي على هونها ،..
مشعل وقف ينتظرها عند باب السياره/اخيراً تكرمتي علينا ونزلتي
لوجين بتلكوء/اوه اسفه ،تأخرت عليك؟
مشعل بابتسامه ساحره/ماعليه، انتظرتك بشوق خمس سنوات و مستعد انتظرك طول العمر..شلون تبيني اتذمر من انتظار ربع ساعه
لوجين وهي ترفع حاجبها الأيسر ومعجبه بكلامه/اشوفك حاسب الدقايق شكلك متملل
مشعل وعينه تحكي قصص شوق طاغي/عديت الدقايق من لهفتي عليك ماعديتها من ضيقه
لوجين خلاص انسحرت وصدت عن عيونه تتهرب/تأخرنا ع الرحله ممكن نمشي
مشعل ابعد عن الباب وفتحه لها/تفضلي يا غناتي
لوجين ركبت وهي متعجبه من اللي يحصل وتقول بخاطرها(يا رب هذا واقع اعيشه والاخيال؟!!هذا حبيبي والا واحد ماعرفه)
،
.
،
.
الساعه٩ليلاً..،
في مكان ثاني..،
انهت مكالمتها بحماس وسكرت جوالها طلعت برا وهي تتلفت لايكون احد شافها وهي تطلع بهالساعه..
فتحت باب الشارع وهي تطل وتشوف حرمه سمراء تدخل عليها ولابسه عبايه مهترئه وبصوت خشن اشبه بصوت رجل/انتي مشاعل اللي كلمتنا
مشاعل كانت خايفه منها/ايوه أنا
الحرمه الغريبه مدت عليها الشنطه المثقله بالاغراض/هذا طلبك..
مشاعل مدت يدها علشان تاخذ الغرض منها ولكنها تفاجأت بالحرمه تسحب الشنطه/شفيك؟!!!
الحرمه الغريبه/بالاول هاتي المقسوم اللي اتفقنا عليه
مشاعل طلعت بوكها وهي ترجف واعطتها المبلغ المُتفق عليه/تفضلي
الحرمه ناظرتها بنظرات خوفتها وناظرت الفيلا الكبيره وتركت الشنطه ع الارض ومشت/...
مشاعل اخذت الغرض ودخلت وهي ترجف من الخوف..استرخت عند الباب قبل الدخول (وررربي ما اخلييك يا مشعل...هاللي بين يدي كفيل انه يفرقك عن اهلك كلهم وعشيرتك مو بس زوجتك ، دامك ماراح تكون لي فما راح تشوف بحياتك غير الجحيم)ههههههههههه
صعدت فوق وهي تشوف الاجواء هااديه.. واتجهت لغرفة مشعل الخاصه...وفتحتها بنسخة المفتاح اللي نسختها لنفسها..وهي تمتم بداخلها(يمكن ماقدرت احرق قلبك على عيالك لكن الوقت ماتأخر.. وباذن الله هالمره راح تتحسر على عيالك وزوجتك وانت بالسجون يا مشعل مثل ما احرقت قلبي عليك)...
.
،
.
،
.
،
.
يتبع