قامت الصباح وهي تحس راسها مصدع.. ارمشت بكسل واستقعدت وهي تضغط على راسها بيدها اليمنى،تلفتت ومالقت مشعل موجود!! ،تذكرت اللي صار البارح وكرهت نفسها وهي تتقرب من مشعل ويصدها.. ،
قامت من سريرها وهي غاضبه اتجهت لمرايتها وهي تشوف شكلها وتكلم نفسها/شفتي كيف ردك ثااني مرره؟ احسسسن تستاهلين.. اميره ساكنه بقلبه، انتي مالك مجال انسسسي ولا عاد تفكرين تتقربين منه.. لا ترخصين نفسك اكثر من كذا..
تركت المرايه وراحت دورة المياه تتسبح وتغير ملابسها..
/
/
/
/
الملحق*
عزيز،صاحي بدري ومجهز الفطور.. اتجه للغرفه الثانيه ..وتفاجأ بمشعل طالع/صباح الخير
عزيز/صباح النور توقعتك تتأخر بالقومه
مشعل ببتسامه/ورانا شغل..
عزيز/تعال افطر حاط نواشف
مشعل/اكيد ماراح القى عندك الا نواشف هههه
عزيز/ههههه وش نسوي.. عزوبيه
مشعل/ليش ماتتزوج يا ولد.. وش تنتظر
عزيز صب له شاهي/يا رجاال افطر بس واصبح ويصير خير
مشعل/هههه حالتك صعبه
عزيز بنص عين/هذا انت متزوج وجاي تنام هنا !!
مشعل بمزح/افااا هذي طرده يابو عز
عزيز/ايه انت بتغير الموضوع لطرده.. ي رجااال خل عنك السوالف ورانا شغل افطر افطر
مشعل رجع لهدوءه وابتسم/وسعت صدري الله يسعدك
عزيز لفت نظره نبرت الامتنان والتفت عليه/مشعل وانا اخوك صاير معك شي..!! اذا تبي تفضفض... هذا انا مثلما تقول اخوك..
مشعل بابتسامه عريضه/ونعم الاخو والله.. انا ما اثق غير فيك.. لانك الوحيد اللي عارف طبعي ومبادئي ومتربين سوا.. ابيك تكون مثلما عهدتك رزيين وعااقل وتتصرف بنضج.. وتنسى شي اسمه عصبيه.. لان العصبيه تدمر بيوت مثلما قالت جدتي الله يرحمها ..الواحد ما يدري وش ممكن يهدم بلحظة غضب وحده..
عزيز ببتسامه/لا تخااف تربيتك..
مشعل براحه/كفو يا عزيز
كملوا فطورهم...
/
/
/
/
/
نزلت من فوق وهي متوتره بس تحاول ما تبين،وصبت لها كاسة شاي وجلست/هاي
شافتها زينه جايه تمشي عادي ومو مهتمه بقدمها/لوجين، انتبهي لأقدامك ترى باقي وقت علشان تمشين بهالسرعه
لوجين وهي تتصنع الإبتسامه/ماعليك انا تمام ومافيني شي
زينه لاحظت انها تتلفت وكأنها تدور أحد،بس ما علّقت لأنها عارفه ان اخوها طلع البارح من غرفة لوجين وكان زعلان وما رد على احد!!
لوجين وهي ترص ع الكاسه بيدها،علشان تسيطر ع غضبها/الا وين مشعل ماني شايفته
زينه/ما شفته اليوم
ام مشعل وهي ماره سمعتهم وقطت حكي/ليه يا بعدي ماتدرين وين زووجك!!!
لوجين حاولت تكبت وماترد/
ام مشعل ناظرتها بابتسامة خبث واحتقار/ اكيد منحاش منك؟
زينه تبي تنهي المشكله قبل تصير/يمه!!
لوجين التفتت على ام مشعل وخزتها بنظرات ناريه وقامت مستعجله وطلعت الدرج وهي تضغط على جرحها،...
وقفت بالدور الثاني وهي تتألم وتسمو على جرحها.. وتناظر للدور الثالث بحقد،صعدت وهي تتنفس بسرعه من السرعه.. اتجهت لغرفة مشعل القديمه وحاولت تفتحها لكن لقتها مقفله وضربت الباب بقوووه وتكت بظهرها عليه وهي مقهوره،(مشعل يجي كل ليله علشان ذكرى أميره.. وانا منتظره منه يتقرب مني!!... ارخصتي نفسك كثيير يا لوجين..)
تركت الغرفه ونزلت لغرفتها.. وهي تجمع بقايا كرامتها اللي حست انها تبهذلت بعد معاملة مشعل لها وتجنه لها..
YOU ARE READING
من متى و الغصـن يختـار الطيـور..!!
Romance#الكاتبه/شخصيه خياليه رشا ولأن قصص هالبشر لو بدأت ما تنتهي.. ولو انتهت ترجع تبدأ من جديد. و لأن هالحياه عباره عن مسرح كبير ..وكل واحد مننا له نصيب من العرض فأحيان يؤدي فيها دور البطوله وأحيان يكون مجرد متفرج سلبي صامت .. الحياه ليست مثاليه لأي أحدم...
