"كم حيرتني عيناه ! كم عانيت من تناقض العواطف في اول لقاء !!"
-- نجيب محفوظ*
بقايا قلبي التالف ينبض أنين.. روحي مثقله بحمل علاقه تضاربت مشاعري وتناقضت تجاهها.. يا تُرى هل أحببته حقاً..أم أنه حُب تملك ولإثبات قدرتي لأنسيه عشق إمرأتاً غيري!!
بل السؤال الأهم: لماذا اهتم واحترق لتعامله المتأرجح بين القسوه واللين؟!
لماذ أشعر وكأنني طفله حائره وعنيده و لا تعرف ماذا تريد؟
/
/
/
/
الساعه الحاديه عشر ليلاً... ،
جلسه نسائيه في صالة الدور الثاني..تضم زينه وامها ولوجين ولمياء.. وتدور بينهم سوالف وضحك ..بإستثناء ام مشعل اللي عابسه طول الجلسه ونظراتها ناقده!!
زينه/يا زين الجلسه معك يا لمياء.. والله انبسطنا بشوفتك
لمياء اعجبتها روح زينه/وانا كمان انبسطت بشوفتك..
لوجين وهي تشوف ساعتها وقامت/الشغاله تأخرت ماجابت الشاهي، بروح استعجلها
زينه قامت بسرعه/اجلسي انتي مع بنت خالك. انا بروح اشوفها وجايه
لوجين/مشكوره حبيبتي
راحت زينه .
لمياء لاحظت أم مشعل بس ساكته وتخزهم، وتكلمت/شكلنا يا خاله تعبناكِ معانا في السهره
ام مشعل بغرور/والله صدقتي.. السهره معكم تجيب الهم.
لمياء انصدمت من الرد وماتكلمت/!!!!
لوجين انقهرت لكن ردت بأدب/والله يا خاله منتي مضطره تسهري معانا.. تقدرين تروحين غرفتك وتنامين
ام مشعل بنظرات احتقار/انا رايحه غرفتي مو علشانك قلتيها.. علشاني انا قرفت منك ومن ضيفتك.
لمياء استغربت وقاحة ام مشعل/!!!!
لوجين/الله يسامحك يا ام مشعل...انتي بهالطريقه غلطتي بحق اهل الجنوب لأن مو من اخلاق اهل الجنوب انهم يهينون ضيوفهم مثلك
ام مشعل انحرحت من هالنقطه وما قدرت ترد.. قامت و راحت لغرفتها وتركتهم...
لمياء التفتت على لوجين/يا أمي ..ايش هدا يا لولو ؟ حماتك هذي باين انها مو طايقتك بالمرّه
لوجين كانت مقهوره من تصرف ام مشعل/ماعلينا.. انسي اللي قالته.. واعتبريها ما قالت شي.. انا أتأسف لك بدالها
لمياء بابتسامه/ياهوو ما راح ازعل من وحده بعمر أمي.. الله يسامحها يا شيخه... انتي بس لا تشيلين هم
لوجين ببتسامه/حبيبتي يا لموش
لمياء وهي تتلفت حواليها/فين غرفتك حابه اشوفها واحوس فيها شوي
لوجين شافت زينه مقبله عليهم/لا تستعجلين هذي زينه وصلت بالشاهي.. بعدما نشرب الشاهي وترتاحين امشيك بغرفتي و بكل مكان..
لمياء/اتفقنا
/
/
/
/
*بيت عُمر..،
بعدما انتهت سهرت الشباب الكل طلع.. وجلس مشعل لحاله عند عمر ..
عمر لاحظ ان مشعل مثلما هو ما تغير.. للحين مب مرتاح، راح وجاب شاهي وصب له كاسه/تفضل
مشعل اخذ الكاسه/زاد فضلك.
عمر يبي يستنطقه/اشوفك ماسريت بدري، ناوي تنام هنا والا كيف
مشعل ببتسامه باهته/ شكلي بنام عندكم الليله
عمر بمزحه/بيتنا مفتوح لك وانا اخوك.. بس اخاف انك مسوي مشاكل مع احد وجاي تتخبى عندي!!
مشعل/ههههههه تطمن مافيه مشاكل.
عمر/اشوى
مشعل/بنت خالة زوجتي جايه اليوم من جده.. ومحتار وين اروح
عمر/اللي يسمعك،يقول ان بيتكم صغير..لا تخاف لوجين بتتصرف وزينه اختك بعد ما راح تقصر
مشعل وهو يصطنع التعصيب/لا تجيب طاري اختي
عمر/هههههه يا رجال اسكت بس، زينه بزرر ماتغطت مني الا قبل سنتين ما يمديني اعاملها مثل الحريم هههههههه
مشعل ببتسامه/تصدق بعد اني احسها ما كبرت،احس بس أنا اللي اكبر في السن
عمر يستهبل عليه/ايه ناظر الشيب في راسك وناظر شكلك مشيب ههههههه تستهبل انت!
مشعل/هههههههه
عمر/تدري شلون قم روح لأهلك بس..ما استضيف ناس تستهبل
مشعل قام وهو مبسوط من دردشته مع رفيق عمره/يلا انا اصلا ماشي ماني منتظرك
عمر يكمل استهباله/يا رجال انقلع بس لا اشوفك الا بكره
مشعل وهو طالع/ههههه ابشر طال عمرك.
عمر/لحظه يا مشعل
مشعل/شفيك
عمر بجديه/نسيت أسألك شلون جابر ابن عمك؟
مشعل/والله ما زرته.. ناوي ازوره ان شاء الله
عمر/ممتاز اجل خذني معك متى ما رحت
مشعل/ابشر يالخوي... يلا تصبح على خير
عمر/وانت بخير ..
/
/
/
/
/
*القصر*
غرفة ساره ..
كل شي مثلما تركته ساره ماعدا المفرش غيرته زينه وحطت واحد جديد..
لوجين ببتسامه/هاا اعجبتك الغرفه
لمياء جالسه ع السرير وهي تحس بخمول وكسل/رووعه
زينه/لمياء اذا احتجتي شي ترى غرفتي جنب غرفتك،
لمياء بكسل/كل اللي احتاجه اللحين النوووووم
لوجين ببتسامه/اوكي راح نتركك تنامين.. سلام
لمياء/سلام
زينه طلعت مع لوجين من الغرفه.... ،
لمياء رمت راسها ع المخده من شدت التعب/...
بعد دقايق..
دخلت لوجين وسكرت الباب/لموش نمتي؟
لمياء خافت/بسم الله... ايش رجعك عليا تااني
لوجين/يوووه من جدك بتنامين دحين؟
لمياء وهي ترمش بكسل/ايووه بنام دحينه ناسيه اني مسافره ومتمرمطه اليوم.
لوجين/وانا اقول بجي اسهر معاكِ للصباح!!.
لمياء/روحي اسهري مع زوجك زمانو جاي دحين ويستناكي
لوجين بلامبالاه/خليه يستنى للصباح مابي اسهر معاه.
لمياء استغربت هالكلام منها/لوجين!!... انتي من جدك والا تستهبلين؟!!
لوجين/من جدي طبعاً
لمياء استقعدت/قصدك انك منتي خايفه منه وعادي تتركينه ولا تسألين فيه وينام لحاله!!
لوجين بابتسامة غرور ممزوج بثقه/حبيبتي.. صاحبتك ماتسوي شي غصب عنها ،حتى لو انهم قدروا يزوجوني مشعل غصب،ما راح يتم كل شي غصب
لمياء فهمت/قصدك انك للحين ما لمسك
لوجين/ولا يسترجي بعد..يقول كنت اظنك موافقه علي بإرادتك لكن دامك مغصوبه علي ما اقدر افرض نفسي عليكِ
لمياء ابتسمت بإعجاب/وانا كنت اسب مشعل واقول عنه همجي.. طلع فوق الوسامه رجوله وعزة نفس..
لوجين ماقدرت تكمل لان الحديث عن مشعل بهالطريقه يعلقها فيه اكثر وهي تحاول تتجاهل مشاعرها تجاهه، خزت لمياء/
لمياء ببتسامه تخزها/شفيك فجأه سكتتي!!
لوجين مالقت جواب/... .
لمياء تبي تستفزها/وش رايك تتركينه لي؟
لوجين اخذت المخده وضربتها براس لمياء/شرايك تكملين نومك بس
لمياء/ههههههههه
لوجين/شكلك بديتي تفقدين تركيزك بسبب النوم ،باااي انا طااالعه انام
لمياء بابتسامه/اوكي نوم العوافي.. ولا تنسين تبوسين لي مشعل
لوجين كانت عند الباب.. التفتت وخزتها/باستك حيطه.. يلا نااامي احسن لك، قبل اكسر لك راسك.
لمياء/ههههههههههه
طلعت لوجين وسكرت الباب..
لمياء وهي تحط راسها ع المخده مره ثانيه/الله يعينك يا مشعل عليها
/
/
/
/
رجعت لغرفتها بهالليله الطويله ..وهي متكاسله عن كل شي بس ما تقدر تنام زي العالم !!
وصلت غرفتها وفتحتها ودخلت وسكرتها... ناظرت الغرفه بشكل بانورامي والتفتت ع الباب وهي تتخيله داخل عليها وتتبسم...
جلست ع طرف سريرها بهدوء. وسمعت صوت حمامها ينفتح.. خافت ووقفت من خوفها/مين؟
طلع بهاللحظات وهو يمسح وجهه،بفوطه صغيره لابس تيشرت اسود كت ماسك على عضلاته وبنطلون بيجامه رمادي واسع شوي/هذا انا
لوجين ارتااحت اول ما شافته/يوو مشعل هذا انت!!خوفتني
مشعل ببتسامته/اسف.. خوفتك
لوجين وهي تحس براحه تواجده معها/لا عادي
مشعل وهو يحط الفوطه على كتفه الأيمن/حاب انام بالغرفه.. ع الأرض كالعاده يعني..اذا ماعندك مانع
لوجين هزت راسها بالموافقه وهي مستغربه رجوعه للنوم هنا بعدما طردته/..
مشعل انبسط/شكراً
لوجين تركته وراحت تبدل ملابسها...
مشعل بدأ يفرش فراشه ولاحظها تأخرت شوي واتجه لمخدتها واخذها ومسح عليها بنعومه ووفربها لوجهه و شمها..
سمع صوتها جايه ونزل المخده واتجه لفراشه...
،
طلعت لوجين من دورة المياه..واتجهت للمرايه وتفك ربطة شعرها وتاخذ لوشن وتدهن يديها وترفع نظرها للمرايه اللي تعكس صورة مشعل وهو نايم.. سوت نفسها مو مهتمه وراحت لسريرها وحاولت تنام..
قربه لها ووجوده معها بنفس الغرفه يوترها.. ويخليها مو على بعضها...ولسان حالها يقول;
[ روّضت لك خيــل الغلا وسط صــدري
وأصهل عليك الشوق من بين الأضلاع
ليتك عن اللي خلف الأضــلاع تـدري
حتى تجي لي بالغلا غصب منصاع ]
،
،
،
،
* بسريره ويحاول ينام... تقلب كثير.. لكن النوم مجافيه..!! دوم تفكيره حول مستقبله مشغله،لين نتى بيضل عزوبي ،خطب اكثر من مره.. وتفشل خطوباته.. ومره من المرات تملك لكن اضطر يطلق لعدم التوفيق..!!
محتااار حيل.. رن جواله بنغمة مسج وفتحه بسرعه ولقاه من رفيقه بالعمل[ لا تنسى رحلة القروب السياحي بكرا لرجال ألمع الساعه 8]..
هنا تذكر المطاره والهويه اللي لقاها..
قام بسرعه من فراشه واتجه لثوبه وطلّع بطاقة الهويه.. وتفاجأ من اللي شافه.. *عمره ما شاف هويّة بنت*
جلس يتأمل الصوره بتمعن والتفت يشوف الأسم *لمياء عبدالعزيز الرايد*
وكانت بشوشه بالصوره عكس الصور الشخصيه بالعاده!! رجعها عمر لمحفظته، بدون مايفكر بشي ثاني/يا رب اتذكر بكره وابلغ عنها..
نازعته نفسه يطلع الصوره مرّه ثانيه بس ضغط ع نفسه ورجع لسريره وحاول ينام..
،
،
،
،
،
صباح اليوم الثاني.. ،
وصل ابها وكان بطريقه ماشي للبيت له يومين غايب.. لاحظ حركه غريبه قبال مزارع ال عاصم،واليوم جمعه يعني مافي عمل!!
اتجه لها وراح يشوف ايش الحاصل هناك...
وقف "عزيز" سيارته ولاحظ ان هذول العمال مب عمالهم!!
شافهم يتراكضون ويركبون سياراتهم بعدما تعالت الأبخره والدخان من جنوبي المزارع البعيده/اقسم بالله ما اخليكم..
اتصل بالدفاع المدني وراح يلحقهم وعرف لوحات السيارات..
،
،
،
،
رجع للبيت بسرعه و اتصل مشعل بس ما رد !!
دخل المجلس وحصل ابو مشعل جالس يتقهوى: ألحق يا عمي الحق..
بو مشعل وقف وهو عاقد حواجبه/علامك يا ولد
عزيز وهو يحاول يلتقط أنفاسه. /وانا جاي شفت مجموعة عمال يحرقون مزارعنا الجنوبيه وينحاشون..
بو مشعل/افااا وانا بو مشعل.. ليه ما اتصلت بمشعل؟
عزيز وهو خايف/اتصلت فيه بس ما يرد!!
بو مشعل ناظر بساعته/اللحين الساعه 9وما قام.. وش هالكسل...
بو مشعل بدون ما يحس/يا زززينننه... ززززينه
عزيز خاف تدخل وهي ماتدري انه هنا/انا طالع يا عمي
بو مشعل بصوت خشن/خلللك مكاانك يابن الحلال
زينه دخلت وكانت متحجبه وتلثمت اول ما شافت عزيز مع انه كان صاد بوجهه للجهه الثانيه/يووه عزيز هنا!!
بو مشعل/ماعلييك منه هذا صبيك ما في مشكله لو شافك
عزيز هنا انصدددم صدمة عمره وعوره قلبه،دارت به الدنيا ألف دوره وهو بمكانه،كيف يقول الكلام وقدام البنت اللي يتمناها!!!!
زينه انقهرررت من كلام ابوها واحتقاره لعزيز/تفضل يبه بغيت شي
بو مشعل/رووحي نادي هالكسلان اخووك يشوف لنا وش صاير من مصيبه..
زينه/ابشر يبه..
عزيز صارت عيونه حمرا من كثر ماهو يحبس دموع..
بو مشعل بلا مبالاه/قم صب لي قهوه يا ولد
عزيز اصطنع الابتسامه وهو يصب القهوه/ابشر يا عم
عزيز جلس بعدما صب القهوه وهو يحاول يجمع شتات نفسه اللي انهانت قدام البنت اللي يحبها... وأيقن عين اليقين ان بو مشعل مستحيل يزوجه زينه لو صار ماصار.. زينه راح تظل بالنسبه له حلم مستحيل تحقيقه.. بينه وبينها فروق المجتمع القاسي.. حتى لو هم نفس القبيله الا ان عزيز ابن رجل كان فقير وكان مزارع عند بو مشعل!!
/
/
/
/
/
رن جوالها ..وقامت بكسل وردت بدون تشوف مين المتصل/الووه.
المتصل/صباح الخير
لوجين وكأنها عرفته استقعدت،سألت بشك/من معي؟
،
**مشعل قام على صوتها وهي تكلم بالجوال وظل يسمعها.. ،
،
المتصل/ولو يا لوجين.. نسيتي صووتي
لوجين نست وجود مشعل معها و بابتسامه/زيــاد!!
زياد ارتااح انها عرفته/ايووه زياد الحمدلله تذكرتيني.. كيفك؟
لوجين وهي مستغربه اتصاله/الحمدلله..
زياد/مستغربه كيف عرفت رقمك صح؟..سرقته من لمياء بس لا تقولين لها هههه
لوجين/ههههه اوكي
زياد/كنت عارف اني بحتاج ادق عليك دامها راحت لك.. وهذا أنا أدق عليها من بدري وماترد!!
لوجين/لا تخاف.. لموش عندي و بخير ،ماقلت لي متى بتوصل؟
زياد/ بعد ساعه طيارتي
لوجين لاحظت مشعل جالس ويسمعها تكلم زياد وما قال شي!! /توصل بالسلامه.. يلا استأذن
لوجين وعينها على مشعل/سلام
مشعل قام وراح لدورة المياه بدون يكلمها/...
لوجين استغرربت برووده وهو يشوفها تكلم واحد عنده!! ،انقهرررت...
قامت من سريرها وغسلت وجهها ومسحته وراحت تشرب مويه من الثلاجه الصغيره عندها... ووقفت بتوتر ..
طلع مشعل بهالأثناء ..واتجه للماستر روم علشان يلبس..
لوجين ماقدرت تسكت اتجهت له/اشوفك ما سألتني من أكلم..
مشعل ببرود مصطنع/ما يهمني
لوجين/يعني تبي تفهمني انك منت متضايق
مشعل ماقدر يلتفت عليها لأن عيونها تحطم قوته/انا اغار على زوجتي حبيبتي وبس ..
لوجين/زوجتك!!... يعني انا وشو بنظرك؟!
مشعل خلص لبسه واخذ شماغه وقرر يطلع/..
لوجين اعترضت طريقه وهو طالع/قول لي أنا وشو بنظرك؟
مشعل بقوة قلب حط عينه بعينها/أنتي ولا شيء..
طلع وتركها....
لوجين ظلت واقفه مكانها بإحباط العالم وجملته يتردد صداها بأذنها
أنتي ولا شيء..
أنتي ولا شيء..
،
طلع مشعل وهو عاقد حاجبه وتفاجأ بـ زينه قدامه/خير زينه في شي
زينه وهي ملاحظه عصبيته/ابوي يبيك بالمجلس ضروري
مشعل خاف/ليش، حاصل شي مادريت عنه
زينه/اعتقد انه صاير مصيبه بالمزارع.. بس ما استفسرت منه كان جالس عنده عزيز.
مشعل لبس شماغه وهو ماشي ونزل تحت مستعجل بدون يرد عليها..
بهالأثناء طلعت لوجين وشافت زينه/زينه ايش فيك
زينه/في مشكله كبيره صايره بالمزارع.. وابوي ارسلني انادي مشعل يتصرف
لوجين خافت/ايش المشكله بالضبط؟
زينه/ما ادري بس اليوم سمعت صوت الدفاع المدني حولنا، اظن مزارعنا صاير بها حريقه
لوجين/وتقولينها كدا ببساطه
زينه/يختي مو اول مره.. دوم في شي ينكد علينا،اخر مره احترقت نص مزارع الذرهو كان اخوي مشعل قريب منها و رموه ناس للحين مانعرفهم،ترى اثار الجرح اللي بعضده الأيمن سببه رصاصه..
لوجين خافت/ايييش.. رصاصه.. الله يستر
زينه شاكه بالوضع،لأن لوجين اول ما طلعت كانت زعلانه وعيونها تلمع وكأنها بتبكي،لكن تغيرت بعدما سمعت القصه منها./بنت خالتك هذي متى بتصحي،نبي نحط الفطور
لوجين/حطي الفطور علبال ما اصحيها
زينه/أوكي
/
/
/
/
في مكان اخر خلف المزارع..،
أرض كلها رماد ..والابخره تتصاعد من كل ناحيه!!
و بقية الأوراق المتساقطه تتطاير مع الريح..
هناك واقف مشعل وهو مقهور من المنظر وقلبه يحترق، جمع اصابعه في قبضة يده يكبت فيها غضبه/ما بعد طلع تقرير الدفاع المدني؟
عزيز/لا للحين
مشعل والف قصه تطري بباله/تقدر توصف لي السياره اللي شفتها؟
عزيز/سيارة تويوتا قديمه..
مشعل تذكر اللي حاول يضايقه في الطريق لولا لطف ربي..
عزيز /انت تشك بأحد؟
مشعل/موديلها2004 صح
عزيز حاول يتذكر/ايه
مشعل وبباله السياره اللي حاولت تحده عن طريقه هذيك الليله..راح وركب سيارته بسرعه.. ،
عزيز لحقه/مشعل وين رايح
مشعل وهو مستعجل/انزل
عزيز/والله ما انزل.. بروح وين ماتروح
مشعل مايبي يطول نقاشه.. مشى بسرعه..
/
/
/
/
/
في استراحته..
جالس وهو مسند راسه على الكرسي ويكلم بجواله/ياااخي وييينك
مفلح/قرريب يا رجال
جابر/عحل علينا ولا تنسى الثلج
مفلح/طيب
جابر اشعل سيجارته بعدما سكر الجوال.. واسترخى يطالع بالتلفزيون ومدد رجله المكسوره..
دخل بهاللحظات مشعل ووراه عزيز..
جابر عدل جلسته وهو خايف لأن نظرات مشعل الناريه تخوف،وتلعثم بالحكي/هـ هلا بولد عمي هلا اقلط تفضل
مشعل قرب منه واخذ السيجاره منه وهو يخزه/
جابر/ممشعل شفييك
مشعل/انت اللي شفيك ..شتبي مني؟..عندك شي واجهني مثل الرجال.. لا تجيني من وراي وتطعني بالغدر. نفسي لو مره انت واخوك تسوون سوات الرجال.
جابر من خوفه ماقدر يرد..
مشعل وهو يشوف الكسر اللي برجله/هذي جزات اللي يحاول يأذي خلق الله بدون سبب
جابر بلع ريقه من خوفه/شقصدك
مشعل/انا عااارف ان انت اللي حاولت تصدمني بسيارت خويك يالجبان.. حتى خويك تضحي به علشان ماتثبت عليك اي ادانه!!
جابر/انت تتهمني بالباطل
مشعل/عزيز هات خويه اللي شفناه وحنا داخلين
جابر من جد خاااف/انت تحاول تخوفني
عزيز راح وجاب مفلح وكان مربط..
جابر بغى ينجلط/
مشعل/خويك اعترف بكل شي... وقبل لا يعترف انا عرفت كل شي عن طريق مركز صيانة السيارات بس سكتت وعديتها،..لكن كونك تتعدى حدودك وتتمادى وتحرق المزارع هذي كبيره يا جابر كبييره
رن جوال جابر وكان بياخذه/...
مشعل سحب الجوال منه وشاف مكتوب على الشاشه( المزّه)
التفت لجابر وناظره بإحتقار/مثلك مثل اخوك.. وجهين لعمله وحده..
جابر نزل راسه/..
مشعل عطاه لكمه على وجهه/قل لي ليش تحرق المزارع ليييش
مفلح تكلم بخوف/هو اللي قال لي استأجر عمال واحرقها قسم بالله مالي دخل وحاولت امنعه ورفض
جابر خزه علشان يسكت/مفلللح
مفلح بخوف/مستحيل اروح فيها لحالي..
مشعل طاح فيه تكفيخ وتركه/مشكلتي معك انك ولد عمي سمعتي من سمعتك والمشيخه عندي.. مابي بكره الناس تقول عيال عم الشيخ رخوم،انا ما راح ابلغ عنك لكن بكتفي بالتهديد.. والمره الثانيه اققسسسم بالله محد بيفكك مني..
جابر/هذا ان خليتك تظل عايش
مشعل ابتسم بسخريه/يعني اعتبر هذا تهديد؟
جابر وهو خايف منه/ايهه
عزيز اتجه لجابر بيضربه/منت كفو
مشعل مسك عزيز/اتركه عنك هذا ما يذبح بعوضه.. مشينا ولا تنسى تحذيرك يا جابر..
**طلعوا من عنده..
جابر التفت على مفلح/تفوووه عليك ما حد يقدر يعتمد عليك!!
/
/
/
/
العصر.. *
عُمر وهو راجع من مشوار رجال ألمع.. راح لمكتبه وتفاجأ بمشعل جالس ينتظره/هلااا بالحبيب
مشعل بضيق/هلا
عمر/افاااا... علام الخوي متضايق
مشعل/يابن الحلال لي ساعه ونض انتظرك
عمر/قووم معي نروح نتمشى
مشعل/ماني راايق.. تعال معي للبيت ابي اغير وننزل البحر
عمر ببتسامه/مششعل يطلب نسافر!!! ماصدق قداااام وانا اخوك.
مشعل/اجل يلا مشينا..
/
/
/
/
وصل القريه مع ليموزين. .وسأل عن بيت الشيخ ودلوه عليه ..زياد كان متعجب من الطبيعه الحلوه والبيوت العصريه بجانب البيوت التراثيه الحجريه بشكل جميل.. العجيب ان كل مكان موجود فيه تين شوكي وكل بيت بجانبه اكواخ عنب وزهر رمان.. بمعنى طبيعه ساحره..
وقف عند باب القصر وهو مبهور من جمال المنطقه..
نزل من التاكسي وسأل السواق اللي كان واقف ويمسح سيارته/صديق هذا بيت مشعل آل عاصم
السايق/ييس بابا هذا بيت سير مشعل
زياد نزل وهو لابس جينز ازرق غامق وتيشرت ارماني اسود اكمامه طويله،فصخ نظاراته وهو يطالع القصر والساحات اللي حوله/(اجل هذا سجنك يالحبيبه)
انتظر شوي وحاول يتصل بأخته...
لحظات ووقفت سيارة مشعل وراه.. ونزلوا مستغربين الرجل اللي واقف عند الباب..
عمر/مشعل من هذا؟
مشعل مستغرب/ما ادري.. خلني انزل واشوف
اتجهوا له.
مشعل ببتسامه/ياهلا بالضيف.. ارحب تفضل داخل
زياد استغرب انه يدخله وهومابعد تعرف عليه/هلابك اخوي
مشعل/شفيك واقف ادخل
عمر/اقلط يا رجااال
زياد/بس أنا..
مشعل قاطعه/قسم بالله ما ترفض.. عشاك الليله عندنا.
عمر/الشيخ حلف ماعاد يمديك ترده
زياد استسلم للأمر ودخل معهم.. اعجبه المكان والطبيعه والكرم،مع الغريب لأنهم ما سألوه من انت وبدأوا بالترحيب فيه،هذي عادات الكرم الجنوبيه.. ،
،،
،
،
،
البنات جالسات في قعده خارجيه حلوه وكل وحده معه كوب كافي..
لوجين ناظرت ساعتها/لموش مو كأن اخوك تأخر؟
لمياء وهي تنزل كوبها وتطلع جوالها/اي والله خليني اتصل..
لمياء تفاجأت باتصلات كثيره من اخوها وشهقت/يوووه جوال ع الصامت واخوي يتصل من زمان
لوجين/غبيه.. انتي عارفه انو جاي ليش تصمتي الجهاز
لمياء/غباااء..
زينه قامت/بنات فيه ضيوف جايين مع مشعل انا رايحه اشرف ع الخدم..
لوجين/اذا احتجتي مساعده قولي لي
زينه/طيب
لمياء اتصلت على اخوها وانتظرته يرد/طووول
لوجين/اصبري بيرد
لمياء سمعت صوته/الووه زيزو
زياد بالجوال وبكلام رسمي/هلا
لمياء/وينك ياخي
،
،
،
مجلس الرجال..
زياد وهو يكلم اخته/انا وصلت عندكم بالبيت... بعدين نتفاهم يلا سلام
عمر ومشعل/!!!!
عزيز يصب القهوه..
زياد شافهم كلهم يناظرونه وبنظرات شك/كذا انا صار لازم اعرفكم على نفسي..
مشعل بصوت رجولي هادي/مرحبا بك مهما كنت
زياد/الله يسلمك.. بس حبيت اوضح لكم.
مشعل/خذ راحتك.. اذا هالشي بيريحك..
زياد/انا زياد عبدالعزيز الرايد،اختي وصلتكم البارح لحالها وانتم ماقصرتوا وانا اليوم لحقتها
مشعل عرف انه هو ابن خالة لوجين وانقبض قلبه لا شعوريا/ونعم بخوال زوجتي
زياد لاحظ ان مشعل تغيرت نبرته/ونعم بحالك..
عمر تذكر اسم صاحبة البطاقه *لمياء عبدالعزيز الرايد*
يعني هذيك تكون اخت هذا والصدفه خلتني بينهم(زين اني للحين مابلغت عن البطاقه،بس شلون اوصلها لها؟! بدون ما اخوها يدري)
مشعل/الليله عشاك عندنا.. كنا مستنينك توصل علشان ضيافتك مع اختك يا مرحبابك والله
زياد/انا نازل في فندق هنا وجاي اخذ اختي و ما اقدر احضر بهاللبس وانت سيد العارفين.
مشعل بابتسامه/اذا ع اللبس مالك عذر.. وعمر بينزل معك لفندقك في ابها وغير بكيفك وارجع معه
عمر/وهو صادق... وبالمره نمر المؤسسه حقتي وتشوفها ومنها اوريك المنظقه لين الليل ونجي
زياد انبسط معهم وببتسامه/دام كذا مافي مشكله ..حليتوها
مشعل/عزيز.. هات عنك القهوه وسو لنا شاهي تلقيمه ع الفحم بسرعه
عزيز/ابشرر
/
/
/
/
/
في الاستراحه; :
جابر بحسره/غبي ماتفهم.. خرربت كل شي انا مخطط له
مفلح/اقوول الشرهه علي اللي مطاوعك.. وانت ناوي تجحدني
جابر/لا تحط راسك براس اعمامك يا واطي
مفلح بقهر فجر كل اللي يعرفه/والله العالم منهو الواطي.. يا راعي روزاليتا وماهيتاب وعزّه..والا نسيت ان خرابيطك كلها انا خابرها.. وزوجة اخوك علي اللي تزوجها ورماها معلقه في جده بعدما جابت له ولدين.. حتى ابوك خاشين عنه!! قال ايش. ما تشرف بها لانها مب قبيليه..!!
جابر ضاق صدره من زوجة اخوه وعياله منها لانه يرحمهم مالهم ذنب.. وتذكر انه من زمان ما زارهم/ولا تنسى انك طرف بكل مصيبه يعني انت ماتقدر تأذيني وتأذي اخوي بدون ما تتأذى انت فاااهم يا بابا
مفلح/داامنا فاهمين على بعض كذااا.. خل بينا احترام.. ومسألة الشيخه والمال ..انسووها.. الشيخ هو مشعل وابوه والكل عارف.. ع الأقل مشعل متزوج بنت عمه.. مب اخوك اللي متزوج طرش بحر<<<اكره هالعنصريه المقيته
جابر انخرس وماقدر يتكلم...
مفلح قام وهو يناظره باحتقار/عن اذذنكك
/
/
/
/
/
يتبع
आप पढ़ रहे हैं
من متى و الغصـن يختـار الطيـور..!!
रोमांस#الكاتبه/شخصيه خياليه رشا ولأن قصص هالبشر لو بدأت ما تنتهي.. ولو انتهت ترجع تبدأ من جديد. و لأن هالحياه عباره عن مسرح كبير ..وكل واحد مننا له نصيب من العرض فأحيان يؤدي فيها دور البطوله وأحيان يكون مجرد متفرج سلبي صامت .. الحياه ليست مثاليه لأي أحدم...
