من متى و الغصـن يختـار الطيـور..!!

41

.
،
في غرفه باثاث كلاسيكي بني وذهبي، فيها سريرين منفصلين ..
صحى ابو مشعل من نومه وقام يتلفت ما شافها بسريرها المنفصل، قرر يقوم ويدورها معاد يثق فيها ابداً، وجالس يصبر نفسه لين يرجع للجنوب ويوديها لأهلها.. مثلما اخذها منهم.. وكل هالشي احتراماً وتقديراً لأبوها الامام الملتزم اللي هي نفسها ما احترمته..
طلع من الغرفه وهو يتعكز لابس قميص نوم سكري مقلم وكمه ربع (وين راحت هاللي ماتستحي)

..سمعت صوت عكازه في الممر وقامت واتجهت لبنتها/زينه زينااه
زينه استقعدت من نومها بصعوبه/لبيه يمّه
ام مشعل/ابوك طالع من غرفته هالوقت،قومي شوفي وش يبي.. اخاف تعبان او جوعان
زينه استغربت لهفة أمها عليه/فديتك يمه، تخافين عليه وهو مطلقك ومتزوج عليك بعد!
ام مشعل وهي تسوي نفسها ماسمعت/زيناااه بسررعه قوومي لابووك يا بنت
زينه قامت وطبعت بوسه على راس أمها وطلعت/..
ام مشعل جلست وهي تفكر بكلام ابو مشعل معها...
.
،
.
طلعت زينه واتجهت لابوها/يبه
بومشعل بعد تردد/وين مشاعل؟
زينه استغربت/اخبرها تقول بتروح تنام!! يعني مو عندك؟!
بومشعل يصرفها/قمت وما لقيتها.. ابيها تجيب لي الدواء
زينه/يمكنها رايحه دورة المياه او بالمطبخ تاكل.. تعال معي يبه انا بعطيك دواك
بومشعل/لا ما يحتاح
زينه بابتسامه/اللحين امي مقومتني تقول روحي لابوك شوفي وش يبي..وانت تردني!!
بو مشعل ابتسم/أمك فيها الخير ..
اقبلت مشاعل وهي مرتبكه/ايش صاير هنا!!
زينه/ابوي جاي يدور عليك
بومشعل بنظرات ناريه/وين كنتي فيه؟
مشاعل توترت/كـ كنت اتمشى في الحوش شوي
زينه استغربت/في هذا الوقت!!
بومشعل/امشي قدامي للغرفه
مشاعل خافت/فيصل حبيبي في شي
بومشعل/ابيك ..قدامي للغرفه
مشاعل استغربت نبرته معها اللي كل يوم تزيد في جفوته.. دخلوا الغرفه والتفتت مشاعل عليه/فيصل ماتقولي شفيك علي
بومشعل بضيق/قصري صوووتك ووجع
مشاعل انصدمت/هالكلمه لي أناااا
بومشعل/اي نعم لك..الزمي حدودك وعدلي من نفسك احسن لك
مشاعل خافت لا يكون انكشفت، واتجهت لكيدها،وبنظرات تسحر اي رجال اتجهت لفيصل وهي تمثل دور البريئه ونبرة صوت فيها سحرها/ماصدق ان حبيبي فيصل يقولي هالكلام.. مستحيل اهون عليك انا اعرف انك تحبني مثل ما انا احبك وماعاش من يفرقنا
بو مشعل يذوب من غنجها وهي حلوه بزود، صد عنها علشان ما يتأثر منها وتكلم بصوت في جديه وحزم/اسمعي الكلام اللي يجمد على الشارب..اتعدلي وصيري مرت شيخ سنعه، زمان الدلع والميوعه انتهى..الانسان لو ماتحلى بلباس بالحياء والدين مايستره جمال مظهره.. وحذي ببالك زين يا مشاعل هالبيت له احترااامه وانا ماني حي الله شايب وتزوجتيه غصب عنك.. لاااا.. هالشايب بيوريك ان الله حق وبيخليك تعرفين السنع بعد
مشاعل مدت بوزها بدلع اطفال مصطنع/هذي اكيييد ام مشعل وززتك علي.. لكن هييين يا فيصل..
بو مشعل التفت عليها وهو معصب/وشو اللي هين ..انتي تهدديني؟!!!
مشاعل وهي تقصر صوتها وتصد عنه/امحق بس وش اهدد فيك يا هالشايب العايب.
بو مشعل سمعها وعرف انها تستهزء برجولته ومستهونته!!
دخل دورة المياه وهو يكبت غضبه ناظر بوجهه بالمرايه وغسل وجهه،تذكر ان لوجين منعته من اي نشاط يضر قلبه.. ولمحت له ان لزووم له الراحه التامه ..
بس هالشي يطعن برجولته وما يتحمل..مسح وجهه بالفوطه بعدما غسله وطلع لها.. اتجه لها وهي معطيته قفاها وتفك شعرها ..
شدها من شعرها بحركه مفاجأه وخلاها تصرخ وسكر فمها بقوه هي نفسها ماتوقعتها وهو مازال ساكته ويناظرها بعيون تلمع غضب..
مشاعل ناظرته بخوف/..
بو مشعل وهو يتأمل ملامحها.. ماشاف فيها الجمال اللي كان يسحره.. بالعكس شاف فيها قبح ..مع ذلك لازم ينتقم لرجولته ويدفع بصحته.. مسكها بقووه مفرطه وصفقها كف محترم ورماها بقوووه على السرير وهجم عليها بقوه ما عمرها شافتها منه وهو يتمتم/ماعجبك هالشايب يا قليلة الحياء هاااه.. اللحين بتعرفين وش بيسوي هالشايب.. مشاعل كانت بحاله يرثى لها وهي تنضرب تحته وتنهان بشكل غير متوقع من الرجل اللي كانت مستغفلته سنواات..
.
،
.
،
.
،
.
:::::::::::::