رحاب كانت واقفة وبتسمع كل حاجة وعبدالقادر قال لزينب هو م قال لينا عايز يتزوج منو وتقطع حبل أفكار عبدالقادر رحاب دخلت وقالت ليهم حيتزوج أفراح الكل بقي عامل كدة😱😱😱😱
زينب : أفراح ياها م غيرة 😱
رحاب : آيوه ي أمي أفراح زاتها طعنتي ف ظهري 😭
عبدالقادر : لا حولا ولا قوة إلا بالله معقول أفراح دي مش صحبتك من الجامعة
رحاب : تتخيل ي آبوي صحبتي خانتني وسمحت ليها تقعد ف بيتي شهور وم قدرت الملح والملاح😭 وخانتني مع زوجي 😭
مهند :آهدي رحاب ديل م بستاهلوا دموعك دي آمسحيهاا أوعك تبكي عليهم لأنو ناس خنازير وأنا بجيب ليك سيد سيدو
زينب : تجيب ليها شنو ي ولد كدي نحاول نستوعب الموضوع أول أنا لسه الحكاية دي م داخلة راسي أسعد ده بنعرفه من وهو شافع وقبل م يكون بينا قرابه كان بحترمنا شديد م متذكر ي عبدالقادر
عبدالقادر : اي والله كان زول شهم وطيب شديد عمره م رفع عينه ف عيني ولا علي صوته علي بس الحاصل شنو خلاهو يتصرف كدة
رحاب : م عارفة ولا عايزة أعرف حاجة عنو ومش هو قال بطلقتي خليهو يطلقني تاني م عايزة أرجع ليهو وأمشي ي مهند وصل ليهو الكلام ده ومشت غرفتهاا
عبدالقادر : سبحان الله مين كان يتوقع الأمور توصل لي هنا بس نقول الحمدلله
وهناك ف بيت ناس محجووب
سوسن : ايووووووي ايوووووووي زين م أخترت ي ولدي ألف مبروك ألف مبروك تعالي ي مرت ولدي أضمك سوسن الوحيدة الكانت مبسوطة بالخبر ده وهناك محجوب كان بحاول يقنع أسعد يتراجع عن قراره بس بدون فائده
أسعد : أبوي الموضوع ده بالنسبة لي وأنا قررت أتزوج أفراح لأني بحبهاا وتقطع حبل أفكاره رتاج أخته
رتاج : قلت بتحب إفراح طيب رحاب إنت نسيت كنت بتحبها قدر شنو ونسيت إنت عملت شنو لمن أمي رفضت ليك ترتبط بيها متذكر ولا لا لو م متذكر أنا بذكرك ي أسعد لمن أمي رفضت ليك تتزوج رحاب إنت بطلت الأكل والشراب وطلعت من البيت وم عرفنا مكانك قعدت شهر برا البيت وكلنا م عرفنا مكانك وين إلا رحاب دورت عليك لحدي م لقتك
عايزة تكمل كلامهاا يقطع حبل أفكاره أسعد
أسعد : يااخ كل مرة رحاب رحاب زهجتوني بالإسم ده تطلع شنو رحاب دي ياااخ البنت دي أنا بكره موت م بطيق أسمع بإسمها أووووف بقرف من إسم رحاب
رتاج متفاجأه من كلام أسعد وغلبهاا تمسك دموعها وم قادرة تعمل شئ لأنو هي عارفة أفراح أحتمال أكتر واحدة بتفهم طبعهاا أفراح م زولة ست بيت أفراح بتاعت حفلات وسهرات ومستحيل تقدر تسعد أسعد بقت محتارة تتصرف كيف أخر حاجة فكرت تمشي لي رحاب وفعلاً ركبت عربيتهاا علي بيت ناس رحاب
☀★☆☀★☀☆
ف بيت ناس رحاب
زينب : ده منو الفي الباب ده ي رماز
رماز : دي رتاج ي أمي إتفضلي رتوجة مشتاقين كتير ي بت
رتاج : بالأكتر والله حبيبة أخبار تامر شنو وزوجك كيف ف الغربة دي
رماز : والله كلو تمام تعالي ناس أمي ورحاب جوه دخلوا رتاج من شافت رحاب جرت حضنتهاا وقعدوا يبكوا الإتنين وااااي ي رتاج شفتي أسعد وأفراح غدروا بي كيف
رتاج : 😭 م عارفة أقول ليك شنو ي رحاب
يتبع....