..
لوجين انقهرت من برود عمها وما اهتمت للكف اللي سلخها وردت بثقه واصرار/أنا زوجته ،ومن حقه علي أوقف معه في شدته اذا اقدر.. وما راح اطيعك في شي خطأ لو بتذبحني.
المكان الهادي بدأت فيه همسات من المراجعين القليليين للمستوصف،وهم متعجبين من اصرار زوجة مشعل رغم الكف!!
بو مشعل تركها وراح..
عزيز اعجبه كلامها واصرارها/لوجين وانا اخوك.. مشعل في غرفه رقم2 بس لا تخافين الدكتور طمنا عليه
لوجين تركتهم واتجهت له شافته متغير360درجه..!!
وجهه شاحب وشفايفه بيضاء ويتنفس بصعوبه،بلعة ريقها بخوف وهي تلمس جبينه وتقرب منه/مشعل.. رد علي مشعل..
مسكت يده وضغطتها من عند المعصم وتفاجأت ان نبضه ضعيف والتفتت عليهم وهي تهز راسها بخوف، ورجعت ناظرت جهاز القلب وشافت الضغط ينزل ..
اخذت السماعه تبع الطبيب اللي كانت مرميه على طاولة الضماد الصغيره.. وحطتها بسرعه على صدر مشعل وبدأت تسمع ونظراتها كلها خوف.. تركت مشعل واللتفتت
ورفعت صوتها تنادي بعدما شافت عمها بوجهها/عمممي الحقني يا عمي ..مشعل بيروح فيها
بو مشعل عصب وطبعاً ما يثق فيها ويحتقرها/قلت لك ابعدي عنه الدكتور طمنا عليه.
لوجين انقهرت اكثر بعدما قالها عمها ان الدكتور طمنهم عليه..
تركت عمها و اتجهت لغرفة الطبيب ولقته متكي يناظر بالجوال ببروود وصرخت عليه/دكتوور انت تارك مريضك يحتضر وجالس تتسلى!!!
عزيز دخل معها من باب الفزعه لأنه معتبرها أخته/..
الدكتور خاف/لو سمحتي يا اخت انا اشرفت ع الحاله وهي مستقره
لوجين بنبرة أمر/مستقره هاااه!!. اللحين تقول لممرضاتك يجهزون لي ابرة ادرينالين بسررعه، زوجي جالس يعاني من التهاب رئوي وحضرتك متكي هنا تتسلى بسررعه تحرك والا اقسم بالله ألبسك جريمة قتل مريض بالاهمال وراح تمنع نهائي من ممارسة الطب
عزيز عقد حواجبه وهو يخز الطبيب/يله جاوبها يالـ..
الدكتور فز واقف لأنه سمع نبرة الثقه في كلامها مع عزيز اللي معها زاد موقفها قوّه/انا.... انا..
لوجين/انت تنفذ اللي اقوله اللحين وبعددين لي تصرف مع اللي عينك هنا انا أدرس طب وفاهمه وش قاعده يصير هنا..الدنيا مو سايبه..
عزيز/يلاه تسنع واسمع كلامها.. يا ويلك لو صار لمشعل شي.. اقسم بالله ما اخليك
الكل برا سمع الحديث اللي دار لان الممرات ضيقه وباب العياده مفتوح..
طلعت لوجين ونادت الممرضه اللي عرفتها من المره السابقه/نيرس تعالي معاي
الممرضه لحقتها وهي مبسوطه بشوفتها/اوكي دكتور
لوجين كانت تكلم الممرضه انجليزي.. وتفاهمت معها/..
حطوا كمادات ثلج بعدما اعطته ابرة ادرينالين علشان تنشط الحياه فيه..
كانت حوله والدكتور من خوفه اشتغل بجديه وبضمير..
بو مشعل وعزيز واقفين ويتفرجون ومب مصدقين اللي سوته لوجين.. !!
عزيز التفت على عمه/شفت يا عمي ..بنت اخوك طلعت شقرديه واخت رجال.. والا كان ضيع هالدكتور المهمل ولدك
بومشعل تركه بدون يرد عليه وراح لغرفة الانتظار وهو ساكت.. مهما كان لوجين "بننننتتتتت"...
اللي كان متواجد من اهل القريه كان متفاجأ بجرأة "زوجة مشعل"..!
عزيز ظل يسأل لوجين/هاه بشري وانا اخوك عسى زوجك تعدى الخطر
لوجين بـ راحه/الحمدلله بعد الابر اللي اخذها وقف الانخفاض وكل شي صار معتدل .ويمكن يصحصح معانا ومايكون بوعيه تمام. و يرجع ينام مره ثانيه.. يعني يبي له ملاحظه
عزيز/يعني نخليه هنا
لوجين وعينها على مشعل/لا... ما اقدر اخليه بين يدينهم وامشي..يبي له عنايه لأن جسمه كان قرب ينهار من اهمالهم له.. عزيز الله يخليك انا حابه ناخذه معنا للبيت و راح اعتني فيه بنفسي هناك
عزيز /شورك وهداية الله..بس هو غايب عن الوعي
لوجين/حالياً هو نايم طبيعي.. بس اذا صحي من النوم أخذناه، ولازم مايجهد نفسه... انا عارفه ان مشعل عنيد بس حاول ماتخليه يبذل مجهود
عزيز/ان شاء الله.
لوجين/اوكي انا بجلس عنده اراقبه اذا احتاج شي.. انت خلك مع عمي واذا جد شي ناديتك
عزيز/طيب وانا اخوكِ
...
مرت ساعتين ولوجين جالسه قبالته وتناظر فيه بتأمل واحيان تقرب منه وتلمس جبينه تتحسس حرارته و تمسك بيده وتمسح عليها وتقرأ عليه بعض الأيات..
فتح عيونه بعد هالساعات وأول وجه شافه "لوجين" ما كان مصدق.. هو كان عارف انها رايحه وبتتركه!!
لوجين ما انتبهت انه فتح عيونه.. كانت تناظر جوالها وترد على مسجات زينه. .
مشعل بصوت مبحوح/انتي من؟
لوجين تركت الجوال وقربت منه،خافت يكون صار لعقله شي، ضمت كفه بكفها وهي تمسكه/مشعل هذي أنا لوجين
مشعل ببتسامه وعينه نااعسه من شدة التعب وصوت مبحوح/الظاهر اني بحلم
لوجين مسكت يده ببتسامه/لا مو بحلم أنا لوجين
مشعل وهو يكح ويدوب يتكلم/ظنيتك سافرتي!
لوجين ببتسامتها وبصوت مبحوح/ومن قال اني كنت بسافر..اصلاً روحي تعلقت هنا مابين المطر والغيم.انا كنت رايحه اودع بنت خالتي وبس
مشعل بنظراته اللي تبيّن على ملامحه حجم التعب/احس بدوخه ماني قادر أركز..
لوجين /يبي لك راحه علشان ترجع تركز اهم شي الحمدلله على سلامتك، انا رايحه انادي عزيز وعمي
مشعل رجع يغمض من جديد من شدّة التعب/... .
لوجين مسحت على يده وتركتها بنعومه وطلعت/...
/
/
/
/
بالليل *
ام مشعل تكلم بالتلفون والدنيا من السعاده مو سايعتها/بذمتك يا عزيز ،الحمدلله ... ..طيب طيب... راح اجهز كل شي .. كم باقي لكم...... طيب انتظركم
زينه كانت واقفه جنب أمها وتسمعها/هااه يمه بشرري
ام مشعل/اخوك تعدى مرحلة الخطر.. وبيجيبونه بعد شوي للبيت
زينه/اي، الحمدلله قالت لي لوجين
ام مشعل استغربت/وهذي وش دراها؟!
زينه/هي كانت هناك وهي اللي انقذت اخوي بعد الله من اهمال الطبيب..
ام مشعل استغربت اكثر/ومن وين جايه هالهايته
زينه/تقول انها كانت عند عيال خالتها..
ام مشعل بسوء ظن/اخافها كانت نايمه هناك من امس..
زينه وهي مو متأكده/هاه.. لا ماظن يمه
ام مشعل/اجل كيف امداها تروح من دون نشوفها قولي لي.. لا انا ولا ابوك شافها وهي تطلع وحنا نقوم بدري!!
زينه سكتت تفكر/... .
ام مشعل/اكيييد نايمه برااا انا قااايله هالبنت بتجيب كارثه للبيت
زينه/يممماااه حرام عليك، حسني ظنك و لا تقولين هالكلام لأخوي... انتي عارفه انه تووه متعافي من سالفة زوجته الأولى..
ام مشعل/بسكت دامني اقدر اسكت... بس ما اضمن سكوتي للاخير... هالبنت المو متربيه تنرفزني
زينه ماتبي ترادد أمها اكثر قامت/انا رايحه اجهز اكل لأخوي..
ام مشعل/اخذيني معك.
/
/
/
/
وصلوا للبيت
وكان مشعل يادوب يمشي وعزيز ماسكه/عزيز تراك محسسني اني شايب بو 70سنه فكني ترى اعرف امشي
لوجين/عزيز لا ترد عليه.. خلك ماسكه.. الاخ يتكلم وفيه حراره
عزيز/هههه اللحين بتضيعوني بينكم
مشعل/لوجين تبالغ..
لوجين/انا ما ابالغ... انت اللي تكابر
عزيز/مشعل وين تبي احطك
مشعل كان بيتكلم/...
لوجين سبقته/اكيد بغرفتنا فوق
مشعل استغررررب منها هالاقتراح والتفت لها/..
لوجين استحت تناظره قدامهم/يلا بسرعه ..
عزيز/طيب..
،،
وصلوا للغرفه...
لوجين/خلاص عزيز يعطيك العافيه تقدر تروح.. انا بساعده
عزيز/يلا انا طالع تصبحون ع خير
لوجين/وانت من اهله..
مشعل مستغرب تصرفاتها معه،كان بيدخل ..
لوجين فصخت النقاب و مسكت يده وضمت ذراعه ودخلته وهي تساعده ببتسامه ساحره/اعتبرني ممرضه وتأمر علي
مشعل بادلها الابتسامه بوجه ذابل من المرض ودخل/..
وصلته للسرير وفصخت جاكيته ونزلت لرجليه وفصخت جزماته/يلا ارتاح شوي ..انا رايحه اجيب عشاك.. موصيه زينه على شوربة دجاج.. علشان تدفيك
مشعل/لا تتعبين نفسك ..ماراح اكل شي مالي نفس
لوجين تخصرت بدلع وهي ترفع حاجب وتنزل الثاني/اصلاً مو على كيفك.. بتاكل يعني بتاكل... هذا أمر مني
مشعل/لا والله..!!!
لوجين قربت منه واشرت عليه اصبعها بتهديد/شوف لا تتحداني.. هذي مملكتي،يعني انت بهالغرفه تحت أمرري أنااا.. واللي أنا اقرره انت تنفذه بدوون مناقشه. قبل لا اعاقبك
مشعل اكتفى بالابتسامه وهز راسه بالإيجاب/امرك
لوجين بابتسامه/ايه خليك كذا... انا طالعه..
طلعت لوجين..
مشعل استرخى وهو يحس بالتعب...لكن مبتسم ومبسوط نعس ونام بدون مايحس... ،
،
،
،
،
،
*في مدينة جِــدّه*
جوه مكهرب وكئيب.. دخل وهو ما حس بالموجودين..
ام زياد ببتسامه/وعليكم السلام.
زياد انتبه لهم واتجه لهم/السلام عليكم
سلّم وطبع قبلات على رأس أمه وأبوه.. سكت و وجهه يوحي بأنه متكدر ومتضايق..
ام زياد لاحظت عليه/زياد.. فين اختك
بهاللحظه دخلت لمياء وهي تسحب شنطتها والابتسامه مرسومه على وجهها/ انا جيييت
ام زياد بابتسامه/يا هلا ببنووتتي الاموره..
لمياء تركت شنطتها عند الباب و اتجهت لامها وابوها تسلم عليهم وهي تتبسم/يرضيكم هالأخ اللي نزل وتركني اشيل شنطتي بنفسي
ابو زياد ببتسامه/لا لا بهذي ماله حق ابد.. ايش فيك يا ولد
زياد بضيق/معليه سامحوني هالمره ..المره الجايه بشيلها وبشيل شنطتها معها..
لمياء/ايوووه اتمسخر عليا
الكل/هههههههههه
زياد/أنا طالع انام.. مابي احد يزعجني
لمياء/اي معليه
ابو زياد/روح نام بدري لاني بمرك بصحيك الفجر ورانا شغل
زياد/ان شاء الله... عن اذنكم..
طلع زياد لغرفته.. وراح ابو زياد لغرفته. .
ام زياد التفتت على لمياء وسألت بخوف/لمياء ايش فيه اخوك مو على بعض.. وكأنه زعلان من شي
لمياء عارفه وش مضايق اخوها بس تغطي/لا تخافين يمه زيزو صار له يومين مو نايم علشان كذا مصدع ومو طايق احد
ام زياد/متأكده ؟
لمياء/ايوه يا أمي... يلا عن اذنك انا كمان حابه ارتاح
ام زياد/ما قلتي لي كيف لقيتي لوجين؟
لمياء ببتسامه/صارت بنت متزوجه رجال طول وعرض ومسؤله هههه
ام زياد/ياعمري يا لوجين.. يلا عقبالك انتي يا لموش
لمياء/مااامااا هههه..ما افكر بالزواج دحين خليني اكمل دراسه وبعدين نفكر بالزواج والاولاد
ام زياد/ههههه وانا ماقلت تزوجي الليله.. قلت عقبالك يعني مستقبلاً
لمياء ببتسامه/اذا كان كذا مو مشكله هههههههه
ام زياد/هيّا قوومي نامي
لمياء/تصبحي على خير.
ام زياد/وانتي من اهله.
/
/
/
/
/
/
رجعت للغرفه وهي تحمل بيدها صحن العشاء اللي هو عباره عن شوربه وصحن سمبوسه وفطاير.. اتجهت للسرير وشافت مشعل ناايم. راحت وحطت العشاء على الطاوله وغطته..
اتجهت لمشعل وتقيس حرارته وتأكدت انه مرتاح ونايم جلست عنده... وتتأمله بنظرات تفسيرها واحد "الحب الدفين"..وتتساءل كيف هالرجل النبيل يطلع من هالبيئه القاسيه!!
وبدلت ملابسها ولبست بجامة النوم وراحت تنام بالطرف الثاني من السرير ،كانت متردده انها تنام جنبه بس في حالة مشعل هذي مضطره تنام جنبه ظلت تتأمله وهو نايم و سرعان ما نامت لأنها كانت حيل مرهقه..
/
/
/
/
صباح اليوم الثاني*
كانت ساره أول من جاء يزور مشعل ،بعدما عرفت من الجيران عن اللي صار بالمستشفى. جالسه ومتأثره وعيونها تغص دموع/يمه شلون اخوي.. كيف ماتقولون لي انه مريض!!
ام مشعل/يا بنتي هدي شوي.. اخوك بخير ونايم بغرفته
ساره/بس سمعت من الناس انه كان بيموت..
ام مشعل/الناس!!
ساره/اللي كانوا بالمستشفى امس يقولون لولا فزعة لوجين كان راح اخوي بشربة ماء!!.. ويقولون انها هددت الدكتور تفضحه بعدما شافت الاهمال بالمستوصف
ام مشعل/يا فضيحتنا من هالبنت
زينه جاءت بالشاهي وجلست/أي فضيحه يمه لوجين ما سوت الا الصحيح.. كلنا نعرف ان المستوصف وضعه سيء ولا تنسين الاخطاء الكبيره اللي يرتكبها بحق المرضى
ساره/اي والله يا زينه.. مشعل ارسل برقيه للوزاره علشان يجون يشوفونه بس لا حياة لمن تنادي!
ام مشعل بوادي ثااااني تفكر بـ لوجين اللي تسوي اللي يطلع براسها وما تخاف من احد/بكرا الناس بتبدأ تتكلم وتقول زوجة مشعل ماتستحي
زينه/يعني البنت انقذت ولدك بعد الله.. وللحين تسبينها ماني عارفه يمه وش تبين منها بالضبط!!
ام مشعل بلامبالاة/اقول نقطينا بسكاتك بس
ساره/يوووه انا جايه اشوف اخوي ليش هالهواش مع الصبح!! ام مشعل/اخوك عند الساحره ست الحسن.. ناسي ان فيه ناس بهالبيت قلقانه عليه
زينه قامت/انا رايحه اصحيهم..
راحت زينه...
ساره ألتفتت لأمها/يمه يا حياتي انتي.. خفي شوي ع البنت.. مايصير تضايقينها على كل شي
ام مشعل بنظرات/بكرا بتعرفون وش حقيقة هالحيّه... راح تنكشف قدامكم بس وقتها بيكون قد تأخر الوقت ..وراح تنصدمون كلكم
ساره استغربت كلام أمها/وش قصدك يمه؟! اذا انتي شايفه ع البنت شي؟ قوولي لنا
ام مشعل/انا شايفه بلاوي وساااكته علشان اخوك.. بس بيجي اليوم اللي تنكشف فيه بنفسها
ساره ما ارتاحت ابداً لكلام أمها سكتت وما علقت....
/
/
/
/
/
زينه عند الباب ومتردده تدق عليهم.. وبالنهايه قررت تدق الباب...
،
بالغرفه كان الاثنين نايمين عالسرير بهدوووء ومو حاسين بالدنيا من التعب البارحه...
،
تركتهم زينه بعدما تأكدت انهم ما راح يردون عليها..
،
بعد ساعه... ،
صحي مشعل وهو يحس بنشاط بعد الحمى الشديده اللي كانت بتقضي عليه، كان يشم ريحه حلوه و يحس براااحه... سمع نفس هااادي جانبه والتفت على يمينه وارتسمت على محياه اصدق ابتسامه من سنيين.. شافها نايمه جنبه وباين عليها الإرهاق..
ضل يناظر ملامحها بحب، من رسمة عيونها العربيه اللي واضح وسعها الى أنفها وشفايفها..ويتذكر وقفتها معه البارح..
مد يده ليدها ..وتراجع بسرعه ،وحاول يتسحب من السرير بهدوء لأن وراه صلاه طافته..
قام واخذ شور بعد الحمى اللي مر فيها وتنشف ولبس وخلّص.. ولوجين ما زالت غارقه بالنوم..
اتجه للسرير ولاحظها نايمه ومحتضنه الوساده،تنهد وكأنه يتمنى يكون بدال هالوساده..
غطاها عن البرد وطلع مستعجل ما يبي يقعد عندها اكثر وبينهم حواجز ما انكسرت.. طلع بالرغم انه تعبان.. علشان يخليها ترتاح منه.
/
/
/
/
تحت.. *
ام مشعل بفضول نسوان/سويره وش صاير في بيت شبيب
ساره صبت فنجان لها/والله مادري يمه بس سمعت ان جميله حاولت تنتحر المسكينه
ام مشعل اخذت فنجانها تتقهوى/يووه بسم الله الرحمن الرحيم... وليش تنتحر ان شاء الله
ساره وهي تشرب فنجانها/وانا وش دراني ليه!!.. ماحب اتدخل بأمور الناس
ام مشعل/انتي ما منك فايده، هذولا جيرانكم المفروض تعرفين عنهم كل شي،اللحين ماتعرفين البنت ليش منتحره
اقبلت زينه وجلست وهي خايفه/مين المنتحره يممه وش اللي صاير
ساره/جميله مرت شبيب الثالثه اللي تو متزوجها حاولت تنتحر بس لحقوا عليها
زينه حزنت/يوووه الله يعافيها ولا يبتلينا
ساره/امين
زينه/كنت حاسه ان هالبنت مو طبيعيه.. بعد طريقة استقبالها لنا في بيت اهلها قبل تتزوج.. كانت شرسه بتعاملها ونظراتها للوجين ناريه وكأن بينها وبين لوجين ثأر قديم! وماخلتنا نسعف هاجر الله يرحمها غير بالغصب.
ام مشعل تكره طاري لوجين/ززين تسوي في لوجين
مشعل كان نازل وسمعهم... ،وقف يكمل السالفه.. *
ساره/يمااااه شقلنا عن موضوع لوجين
ام مشعل/بنت فاشله وتستغفل اخوك وش ترجين من وراها.. بفضلها سيرتنا على كل لسان..
زينه/يمااه ليش تقلبين المواضيع ضد لوجين
ساره حزنت من ألفاظ أمها/يمه انتي بهالكلام تقذفينها!
ام مشعل بقهر/بلاكم ماسمعتوا اللي ينقال عنها.اليوم الصبح جايتني أم سعيد الدايه وتقول لي انها راجعه مع ولدها سعيد من الرياض و شافوا لوجين بالمطار جالسه مع رجال غريب وكانوا يسولفون ومعهم قهوه بعد!!
زينه عصبت/يا كرهي لها ام سعيد هذي فتانه
ام مشعل/الا بيض الله وجهها تعلمنا باللي يصير من ورانا مب تخلينا مثل الاطرش بالزفه. ام سعيد ما يطوفها شي
ساره باستغراب/شلون عرفتها طيب وهي متنقبه
ام مشعل/ام سعيد من جرّة قدم الواحد وطريقة مشيته تعرف اذا هو مريض والا مافيه الا العافيه وتعرف اذا كانت البنت "بكر والا ثيب" بعد، فما بالك بعيون وجسم!! ..تدرين انها قالت لي انك حامل قبل أقول لها! "
زينه باحباط/صادقه أمي ام سعيد قالت لنا انك حامل
ساره خافت/يمه منها
ام مشعل/صبيلي قهوه بس.. صبيلي، البنت سمح لها اخوك تدخل وتطلع بكيفها وهي ما صدقت وراحت تتمهيص مع حبيبها الحجازي القديم
،
من وراء الجدار كان واقف وسمع حكيهم صدره يرتفع وينزل بغضب.. عصب كثيير وما قدر يوقف اكثر.. طلع من الباب الخلفي للمطبخ..ما يبي يقابل احد بهالبيت، دام انك الكل مفكره مغفل وما يدري عن زوجته!!
رن جواله وكان عمر و رد عليه هو يركب سيارته/هلا عمر
عمر بالجوال/السلام عليكم
مشعل وهو يحاول يكبت نفسه وما يبين ضيقته/وعليكم السلام ..شلونك عمر
عمر/الحمدلله هذا انا بالدوام انت بشرني عن صحتك
مشعل وهو يتنفس بضيق/بخير الحمدلله..
عمر/كان ودي اني امرك وازورك بس تعرف هاليومين زحمة عمل
مشعل/ماعليك يالخوي..يلا اخليك بشغلك سلام..
عمر/مشعل لا تطلع من البيت وانت مريض
مشعل ماعاد حب يجادل اكثر/عمر ما اسمعك مع السلامه...
سكر جواله وهو حيل متضايق..
رن جواله مرّه ثانيه من "عُمر" ..وكان مزعوج ويسوق بسرعه...اخذ الجوال وقفله.. وحطه على التابلون.. وناظر بطريقه بنظرات حاده وحواجب مقطبه من شدّة الزعل...
ماحس على نفسه الا وهو طالع من القريه ومتجه إلى "مدينة النماص"..ولسان حاله يقول:
[يا صدري احنك عن الضيق وتضيق ..
الى متى ذا الحزن ياصدر قلي
ياصدري الدنيا حظوظ وتوافيق ..
وانا من الثنتين ذي ماحصلي
لو ان حظي مثل حظ المرازيق ..
ماكان عوّد بي على طيري ياللي
ماني بشاكي ضيقتي للمخاليق ..
اخاف احد يدري بكثري وقلي
دام الرجال اسرارهم في الصناديق ..
ماني بشاكي لو اموت بمحلي]
ظل ماشي الين وقف عند مقهى شبابي شعبي ..جلس بأحد اماكنه وظل سرحان يفكر بالي يصير ببيته .. ومعقوله كلام العالم عن لوجين!!..و كيف مستحقرينه.. ومو مقتنعين برجولته.. كيف يظنون انه مو قادر يسيطر على زوجته..!!.. ليش أمه بالذات ضدها..<<كلها أفكار تدور برأس مشعل ومشغله تفكيره..
/
/
/
/
/
/
بفضول ..قامت ساره واتجهت لجناح مشعل وزوجته..حصلت الجناح مفتوح بس الغرفه الرئيسيه مسكره.. اتجهت لها و طقت الباب كذا مرّه..وهي محتاره من نفسها.. ليش جت ووش تبي بالضبط..!!
،
داخل الغرفه قامت لوجين بعد صوت الباب و تفاجأت بعدم تواجد مشعل جانبها..!!
ومع الصوت المتواصل ..نزلت من السرير ببجامتها الحرير.. وغسلت وجهها ومسحته واتجهت للباب وفتحته وتفاجأت بساره/..!!
ساره استحت لأنها اول مره تتلقف وسلمت عليها/السلام عليكم..
لوجين وهي تبعد شعرها المنثور ع وراء/وعليكم السلام.. اهلين ساره تفضلي
ساره وهي تحرك يدينها بعفويه/ككنت هنا من الصبح ومانزلتي.. للظهر ..خفت يكون صاير لكم شي
لوجين ببتسامه/ابدا سهرنا البارح شوي ..اخوك حب يتدلع علينا حبتين و صحي بدري وطلع
ساره لاحظت السرير محيوس/اها... كيفه اليوم
لوجين/هههه هو تحسن بس المفروض ما يطلع... حسابه عندي بعدين
ساره ببتسامه/سمعت انك اسعفتيه.. مشكوره
لوجين/هذا زوجي ..وما بيني وبينه شكر...
ساره/صح
لوجين/خلاص انا راح اخذ دوش وابدل ملابسي وانزل وراك
ساره/طيب ننتظرك.. سلام
لوجين/سلام..
طلعت ساره وسكرت لوجين الباب.. واتجهت لدولابها بسعاده وتبحث عن شي تلبسه.. وكانت دقيقه في اختيارها.. وتفكر يا ترى وين راح "مشعل" وهو لسه تعبان... ؟!!
/
/
/
/
،،
الليل ..الساعه9:00
البنات كانوا مجتمعات ويشربون قهوه وتدور بينهم السوالف ام مشعل كانت معزومه وطالعه..
لوجين حيل مرتاحه بس كل شوي تناظر ساعتها وتترقب رجوع مشعل اللي مقفل جواله...!
زينه/لوجين ماهي معنا وين وصلتي
لوجين بمزح/وصلت جدّه ورجعت..
ساره تذكرت كلام أمها عن علاقة لوجين مع زياد وتعوذت من الشيطان وسكتت/..
زينه/كان خذيتينا معك
لوجين/هههه الا ماقلتي لنا ساره وش حابه يجيك بنت والا ولد
ساره ببتسامه/حابه يجيني بنوته
زينه/يالله متحمسه اعرف وش بتجيبين.. يا ترى متى يبين في السونار اذا بنت او ولد
لوجين ببتسامه/عادة يبين اذا كمل الحمل اربع شهور ..طيب زوجك وش حاب
ساره/اكيد يبي ولد نفس كل الرجال
لوجين ابتسمت بحالميه/بصراحه حتى أنا حابه اول مولود لي ولد
زينه وساره تغيرت الوان وجيههم وسكتوا لأنهم عارفين ان مشعل عقيم ....
لوجين استغربت ردة فعلهم/شفيكم تنحتوا كذا ههههه
ساره تلعثمت/ءء ولا شي
لوجين وهي تناظر ساعتها/مو كأنه مشعل تأخر برا..
زينه/ههههه لا تخافين تلاقينه ناسي نفسه مع عمر
ساره جات بتتكلم و سمعت صوت جاي عليهم..
،
بعد لحظات دخل "ابو مشعل"وهو يحس بضعف عام وضيق نفس..وخمول..
زينه قامت بسرعه ومسكت ابوها وسندته/ابوي شفيك
ساره لحقتها/شفيك ابوي تكلم
بو مشعل بضعف/مدري وش بلاي يا بناتي.. اطرافي خامله وصداع من جبهتي جلسوني بسرعه جلسوني
البنات جابوه وجلسوه..
لوجين وهي تناظره قبالتها/سلامتك عمي
بو مشعل ما رد عليها/...
لوجين ما استغربت/وش تحس فيه عمي.. وش يوجعك بالضبط
زينه/يقول ضعف وخمول بالاطراف وصداع من هنا ..<<اشرت على جانبي الجبهه
لوجين ببتسامه/بسيطه لا تخاف عمي هذا انخفاض بالضغط.. زينه روحي قطعي خيار وزيدي ملحه شوي وجيبيه لعمي ياكله وراح يتعدل ضغطه وسوي له كوب كركديه بارد بعد كذا علشان يرتاح..
زينه راحت ركض وجابت اللي قالته لوجين وعطته ابوها/..
بو مشعل ماعنده اي اعتراض كان تعبان ويبي اي شي ينقذه/..
ساره تناظر ابوها/هاه يبه ارتحت
بو مشعل/الحمدلله..
ساره ابتسمت للوجين/هذا بفضل لوجين بعد الله..
لوجين تبي توصل له رساله/اساعد لوجه الله.. ما انتظر شكر أحد،كذا الطب علمني.
بو مشعل ما عليه منها ولا كأنها سوت له معروف ما تكلم..
زينه جابت كوب الكركديه ومدت على ابوها/تفضل يبه
بو مشعل/وديني لغرفتي بشربه هناك.. وانام..
راح وزينه ودته...
ساره ببتسامه/بصراااحه انتي تتوزنين بذهب على صبرك
لوجين ابتسمت وبالها مع مشعل/لأجل عين.. تكرم مدينه
ساره ما فهمت قصدها/..
دخل بهاللحظات مشعل وكان راايق وابتسم بشوفة ساره/السلام عليكم
الكل/وعليكم السلام
لوجين وعينها ما تنزل منه/وينك من الصباح تأخرت
ساره اتجهت لمشعل وسلمت عليه/سلامات اخوي الف لا بأس عليك
مشعل/الله يسلمك..
ساره/انا رايحه اجيب لك فنجان قهوه جديد. تفضل نبي نسولف
مشعل/طيب
راحت ساره وبقيت لوجين واقفه،اتجهت له وعينها بعينه/وين رحت وليه؟
مشعل/حبيت اختلي بنفسي شوي
لوجين وهي تقصر صوتها وما يسمعها غير مشعل/وأنا ؟!!
مشعل/انتي وش فيك!!
لوجين/مافكرت تعطيني خبر او تكلم تطمني
مشعل جلس بدون اهتمام لها/هههه يعني بتفهميني انك كنتي قلقانه علي!!!
لوجين لاحظت بروده وانقهرت منه وكبريائها يضغط عليها،ابتسمت بلا مبالاة/معك حق.. من انت علشان أقلق عليك؟.. عن اذنك رايحه غرفتي..تصبح على خير..
مشت بسرعه ..وهي تحبس دموعها وتبكي بصمت...
مشعل سكت واسترخى ع الكنبه وصدره ضايق.. وبعدها جوه خواته...
زينه/اخيرا شرفت سيد مشعل.. ذبحتنا مرتك كل شوي تقول ايش فيه تأخر وما يرد ع جواله هههه
مشعل ابتسم وهو مستغرب ان لوجين كانت "فعلا مشغول بالها عليه"..
ساره جلست جانب زينه/الحمدلله تحسن ابوي وعرف ينام
مشعل استغرب/ليش وش فيه ابوي؟
زينه/جانا وهو تعبان وحالته حاله من الضعف والخمول.. وفهمتنا لوجين انه انخفاض بالضغط بعدما عرفت الاعراض والحمدلله عرفنا نتعامل معه وعطيته خيار بملح وارتاح.
مشعل ما علّق /...
ساره/مع ذلك ابوي ما عطاها وجه وما شكرها!! ..مدري وش مسويه هالبنت؟
زينه نغزتها علشان تسكت/..
ساره تذكرت نفسها وسكتت/...
مشعل قام من عندهم بهدوء وراح لأبوه.. يتطمن عليه ..
/
/
/
في مكان آخر وبالتحديد غياهب السجون...
في احد العنابر المظلمه.. واقفين على رجلين على جنب.. وباين عندهم موضوع خطير لأنهم يتكلمون بالهمس والصوت المنخفض!!
علي وكأنه انتهى من اموامره/هااه اعتمد عليك يا حسين والا شلون..
حسين وهو يمسح على وجهه اللي فيه سطوه من تحت الخد حتى الفم/اذا ضمنت فلوسي اعتمد.. غير كذا ما عندي
علي عصب بس مقصر صوته/قلت لك فلوسك جاهزه ..بس تطلع من هنا تاخذ 100الف من اخوي جابر والـ100الثانيه بعد تنفيذ العمليه.. شرط انك تهرب مكان محد يعرفك فيه حتى الجني الازرق.. وتنساااني
حسين بابتسامه خبيثه/صااااار.. ولا يهمك يا
علي انبسط/يعني اعتمد
حسين/انا بطلع بكرا من السجن وراح اتكتك لك خطه تخلصك منه و اريحك منه.. اعتبره ماااات من اللحين
علي ربت على كتفه/كفووو
حسين ابتسم/ماعليك زووود
/
/
/
،
**نرجع للقريه ذاتها ولذاك القصر....
بغرفتها..
جالسه وتقرأ كتاب "أساسيات الجراحه"(بلي أند لف). اشترته وقت ما راحت تتسوق مع لمياء، لأن حلمها تدرس جراحه.. مندمجه وتفكر بداخلها( آه ليتني جبت معي اللاب توب.. كان اقدر اتفرج على العمليات والمحاضرات وما يفوتني شي.. هففف)
،
لحظات ودخل مشعل وهو ساكت..
لوجين شافته يدخل بس ما اهتمت لتواجده ابداً واستمرت بقراءة كتابها اللي بين يدينها..
مشعل قرب منها وجلس على طرف السرير وانتظر شوي وتكلم/انا آسف عن تصرف ابوي .
لوجين بدون ما ترفع نظرها له/عادي تعودت..
مشعل/وبالنسبه للي سويتيه لي بالمستشفى حاب اشكرك.
لوجين انقهرت من بروده/مشعل انا اللحين مشغوله بالقراء ياليت تأجل تشكراتك بعدين
مشعل ناظر بكتابها وعنوانه ومستغرب/وش هالكتاب اللي معك... تقرين عن الجراحه!! هههه وش تبين بها
لوجين بجفاف/ماظنتي اني بيوم سألتك عن خصوصياتك!! . وبعدين ياخي كيفي أقرأ الكتب اللي أبي..والا بعد ممنوع!
مشعل لاحظ زعلها من نبرة صوتها ويدها اللي بتقطع الكتاب من طريقة مسكتها له/مو ممنوع ولا شي بس استغربت
لوجين وعينها بكتابها وتتحاشى تطالع فيه/وين الغرابه بالموضوع يعني؟!!
مشعل/توقعت تقرين عن طب الاسنان أو الاطفال او شي زي كذا..
لوجين سكرت الكتاب والتفتت عليه معصبه/شقصدك يعني.. لا يكون مو ماليه عينك مستر مشعل
مشعل/ما قصدت كذا.. اللي قصدته أن الجراحه يبي لها قلب جامد
لوجين بجديّه/وأنا مو ضعيفه.. وقلبي حديد لا تخاف.
مشعل ابتسم/طيب ليش انتي معصبه اللحين
لوجين بتوتر/ماني معصبه
حطت الكتاب على الكومدينه وقامت وهي تلم شعرها على وراء.. ومرت من قدام مشعل ..
مشعل مسك يدها بسكات ووقف/..
لوجين كانت معطيته قفاها لأنها تضعف قدام عيونه/اترك يدي
مشعل لفها عليه بقوه وثبتها من خصرها وحط عينه بعينها، بسكات..
لوجين جاها خرس مؤقت وبلعت ريقها بعدما ألتقت عينها بعينه/..
مشعل همس لها/ليش دوم انتي زعلانه؟!!
لوجين لمعت عينها من سؤاله/ليش دوم انت متقلب مزاجك معي؟!!
مشعل/بعض تصرفاتك تنرفزني.
لوجين/وبعضها؟
مشعل سكت/..
لوجين/ليش منت قادر تشوف مني غير الجانب السلبي
مشعل/أنا مشتت محتاج زوجه اثق فيها
لوجين نزلت دموعها/انا بين يديك وانت تعرف اني ماقد خنتك ..وانك اول رجل يلمسني..
مشعل/كلام الناس ..و..
لوجين/انا وانت بهالغرفه اترك كلام الناس و شوفني بدون تأثير كلامهم عليك ..تكلم معي ..عيش معي واتعرف علي واترك لهم سوء الظنون..
مشعل حب طريقتها بالكلام/لو هم حاولوا يفرقونا بتتركيني.. ؟!
لوجين ابتسمت له/لو تعرفني صح.. ما كان سألتني هالسؤال..
مشعل ابتسم وهو مرتاح بعد هالحديث معها/...
لوجين/وانت؟
مشعل/وانا ايش؟
لوجين/لو حاولوا يفرقونا بتتركني؟!
مشعل/تفارقني روحي ولا افارقك.. بس ما قلتي لي تحبيني؟
لوجين بين قلبها وعقلها حرب.. بين حب مشعل وبين حب الطب.. والمستقبل الدراسي ما قدرت ترد.. حاولت تترك يده بهدوء/...
مشعل ثبتها بإصرار/جاوبيني
لوجين/اتركها للأيام.. اذا حبيتك بيبان لك حبي.. وان ماحبيتك ما راح يتغير من احترامي لك وقدرك كزوجي.. و تأكد اني مستحيل اخونك لو أموت
مشعل أُحبط بس قلبه يعشقها.. قرب منها وضم وجهها بيدينه و طبع قبله على راسها وباس خدها وهمس لها وكان بيطول/أحبك.
لوجين من ترددها ما ردت عليه بنفس اللحظه، وحاولت تتهرب منه بدون تجرحه،وتضايقه،صدت عنه/مشعل أنا نعست ..حابه أنام.. ممكن؟
مشعل فهمها و سحب يدينه منها وتركها تروح.. وطلع للشرفه يتنفس هواء خالي من عطرها ومن وجودها.. اللي يخليه ضعيف قدامها/..
/
/
/
/
/
يتبع.... ،
..