***
Isang araw
sasapat ka rin
kahit na kulang
ang kalansing ng barya sayong bulsa
Isang araw
mapapanatag ka rin
kahit na nagmamadali
ang pagbisita ng iyong pangarap
Isang araw
masasagot mo rin
ang lahat ng tanong
na pilit mong iniyakap sa pag-asa
Isang araw
magpapaubaya rin
ang lahat ng iyong lumbay
sa bawat mong piniling ligaya
Isang araw
magmamahal ka rin
nang hindi binabawi
ang kamatayan ng iyong puso
Isang araw
lilipas din
ang lahat ng nagi mong pilat,
luha, hirap at hapo.
Isang araw
sasapit din
ang lahat ng iyong hinihintay,
inaabot,
itinatanong,
ipinagpapaubaya,
ipinagmamahal,
ipinagtitiis,
ipinagpapagal.
Hindi pa lang ngayon
pero sigurado...
Isang araw.
#Mar212016