ႏိုးထလာတဲ့မနက္ခင္းတိုင္းတြင္ ညီ့ ကိုပထမဆံုး
ေတြ႔ျမင္ေနရျခင္းက မဂၤလာတစ္ပါး။
ကုထံုးစတင္ျပီးႏွစ္ပတ္ေျမာက္ေန႔--အသက္ႏွင့္
မလိုက္ေအာင္တည္တည္ျငိမ္ျငိမ္ႏွင့္ကိုေသမင္း
အားရင္ဆိုင္ေနလ်က္ က်ေတာ့္အားအျပံဳးေအး
ေအးေလးေတြနဲ႔ တဖန္ျပန္လည္ႏွိမ့္သိမ့္ေပးေန
တတ္ေသး၏။
မနက္ခင္းဆရာဝန္ႀကီးRoundမလွည့္ခင္ညီ့ိကုိ
အိပ္ရာႏႈိုးထားရသည္။ညီကိုအိပ္ရာႏႈိုးဖို႔
ဘယ္ေတာ့မွ မခက္ခဲခဲ့။
အျဖဴေရာင္လိုက္ကာတို႔ဆြဲဖြင့္သည့္အခါေနေရာင္
ေႏြးေႏြးတို႔က ညီိကုတင္ေပၚထိ အတင့္ရဲစြာတက္
လာရင္ ညီကမ်က္ခြံမို႔မို႔ေလးမ်ားဖြင့္လ်က္
""Morning ကိုဇက္""ဟူ၍အျပံဳး
တစ္ခုႏွင့္ရႊင္လန္းစြာႏိုးထတတ္သည္။
""ဒီေန႔ဘယ္လိုေနလဲ ညီ""
""ေနလို႔အဆင္ေျပပါတယ္။ကိုဇက္ေကာ ညက
အိပ္ေပ်ာ္ရဲ႕လား??""
""အင္း အိပ္ေပ်ာ္တယ္""
က်ေတာ္တို႔ႏွစ္ေယာက္၏ေန႔သစ္တစ္ခုအား
စတင္ပံုသည္ရိုးရွင္း၏္။က်ေတာ္က ညီ့ကို
စိတ္ပူေနတတ္သလို တစ္ေယာက္အိပ္ေခါက္
ကုတင္ေပၚ ေကြးေကြးေခါက္ေခါက္နဲ႔အိပ္ေနတတ္
ေသာက်ေတာ့္အား ညီက တဖန္ပူပန္ေပးတတ္
သည္။
ညဖက္ ေဆးတိုက္ဖို႔ ပိုက္ခ်ိတ္ဖို႔Male
Nurseတစ္ေယာက္ေခၚထားေပမယ့္ က်န္သည့္
ညီနဲ႔ပတ္သတ္သမွ် ကိုက်ေတာ္ကိုယ္တိုင္သာ
စီမံျဖစ္၏
""သြားတိုက္တာ မ်က္ႏွာသစ္တာေလာက္ေတာ့
က်ေတာ့္ဘာသာလုပ္လို႔ရပါတယ္""
က်ေတာ္သြားတိုက္ မ်င္ႏွာသစ္ေပးခ်ိန္တိုင္းထိုသို႔
ျငီးျငီးျငဴျငဴေလးေျပာတတ္သည္။
""ကို လုပ္ေပးခ်င္လို႔ပါ။မ်က္လံုးမွိတ္ထား""
မ်က္ႏွာႏုႏုကို ေရေႏြးနဲ႔ေပါင္းထားေသာပုဝါျဖင့္
ပြတ္သပ္ေပးရင္ ျငိမ္ျငိမ္ေလးေနေနတတ္ေသး
၏။
""က်ေတာ္က စီလီကြန္အရုပ္ႀကီးလိုျဖစ္ေနျပီဲ""
""ဘယ္စီလီကြန္အရုပ္က ဒါေတြရွိသလဲ??""
ခပ္ဟဟရယ္ေမာရင္းေမးဖ်ားကိုဆြဲကိုင္ကာ
ရွတတျဖစ္ေစေသာေနရာေလးကို လက္မနဲ႔ပြတ္ဆြဲထိေတြ႔ရင္းေျပာေတာ့ ရွက္ရယ္ ရယ္ရင္း
""က်ေတာ့္ဘာသာလုပ္မယ္""ဟူ၍ျငင္းဆန္ေန
ေသး၏
""ျငိမ္ျငိမ္ေန ဓားရွမယ္""
အေပၚႏႈတ္ခမ္းအထက္ႏွင့္ ေအာက္ေမးရိုးတစ္
ဝိုက္အားရွိစိမ္းျမျမေမႊးညွင္းေတြေပၚ Creamလိမ္းက်ံေပးရင္းKnifeကိုလည္းက်ြမ္းက်ြမ္းက်င္က်င္ကိုင္တတ္ေနျပီျဖစ္သည္။
""ျပီးျပီ။""
လက္က်န္Creamေဖြးေဖြးေတြကိုသုတ္ဖယ္
ေပးေတာ့ က်ေတာ့္အားေငးႀကည့္ေနေသာညီ~~
က်ေတာ္သိတယ္။ညီ အနည္းနဲ႔အမ်ားေတာ့
အားငယ္ေနမယ္ဆိုတာ။သူလုပ္ႏိုင္တယ္လို႔ေျပာ
တဲ့အရာေတြကို သူတကယ္လုပ္ႏိိုင္ဖို႔ဆိုတာ
ထင္သေလာက္မလြယ္ေတာ့မွန္းသူေရာ က်ေတာ္ပါသိေနတယ္ေလ။
ကုထံုးတစ္ခုျပီးတိုင္း ညိကိုယ္ထဲမွအင္အားေတြ
ကိုသဲ့ယူသြားတတ္တာ။ရိုးတြင္းျခင္ဆီ၏စြမ္းေဆာင္ရည္ကိုေႏွာင့္ေႏွးေစ
တတ္ေသာ RCT ကုထံုးေႀကာင့္ ႏွစ္ရက္သံုးရက္
ေလာက္ထိေခါင္းမေထာင္ႏိုင္ေလာက္ေအာင္
Pressureေတြ ထိုးက်ေနတတ္၍ ေသြးျပန္
သြင္းေပးေနရတာေတြ။ဒါေတာင္ညီက ဘယ္ေတာ့မွ အားယုတ္ေနဟန္မျပ၍ဆရာဝန္
Nurseေတြအကုန္လံုးက ညီ့အားမခ်ီးက်ဴးပဲ
မေနႏိုင္ႀက။
""မွန္း ေမႊးလားႀကည့္ရေအာင္""
ေျပာပါတယ္။ညီိ့ကို ရန္ခုန္တာကလြဲျပီးတျခား
ဘာမွ မေတြးမိေစဖို႔ က်ေတာ္အျမဲႀကိဳးစားေနမယ္
ဆိုတာ---
က်ေတာ့္ေမးေအာက္ပိုင္း အသက္ရႈေမႊးညွင္း
ေပါက္ေတြမွတစ္ဆင့္ကာဗြန္ဒိုင္ေအာက္ဆိုဒ္
္ဓာတ္ေငြ႔အခ်ိဳ႔ကိုဝင္သက္တစ္ခုနဲ႔သယ္
္ေဆာင္ေနသူ
ဝင္သက္နဲ႔ထြက္သက္ႀကားအခိုက္အတန္႔
ကပင္ဒီေန႔အသက္ရွင္ႏိုးထလာႏိုင္ျခင္းအတြက္
ကံေကာင္းသည္ဟုေတြးထင္ေစ၏
တစ္စကၠန္႔ ?ႏွစ္စကၠန္႔လား?? မဟုတ္ေလာက္ေတာ့ဘူးက်ေတာ့္ရင္ခုန္သံေတြ
သည္ပင္ ရာေက်ာ္ေနျပီ
""ေမႊးတယ္""
ဖယ္ခြာသြားသည့္တိုင္နားခိုသြားေသာအနမ္းလိပ္
ျပာ၏ဝင္သက္တစ္ခုကေႏြးက်န္ရစ္ဆဲ
ရင္ခုန္ျခင္းမွအပ က်ေတာ္တျခားမခံစား
တတ္ေတာ့--
""မေန႔က Drကေျပာတယ္။ဒီေန႔ေရ
ပတ္တိုက္ခ်င္တိုက္ထားလို႔ရတယ္တဲ့။ျပီးရင္
ေဆးရံုေနာက္က ပန္းျခံထဲလမ္းသြားေလ်ွာက္ႀက
မယ္။သြားမယ္ မလား??""
စကားတေျပာေျပာနဲ႔ ေဆးရုံအက်ီ
မွႀကယ္သီးေတြအားတစ္လံုးခ်င္းျဖဳတ္ေနေသာ ကိုဇက္သည္က်ေတာ့္အားရွက္ေနခြင့္မေပးပါ။
လည္ပင္းရင္ဖက္ပိုင္းဗိုက္ေက်ာျပင္ေနရာတစ္
္ေနရာမလပ္သြားေစရ။ေရေႏြးဝတ္ေႏြးေႏြးျဖင့္က်ေတာ့္ခႏာၶကိုယ္အ
ေပၚပိုင္းတစ္ခုလံုးကိုစိတ္ရွည္လက္ရွည္ပြတ္သပ္သန္႔စင္ေပးေနသည္။
သူ၏ညီအစ္ကိုဆန္ေသာေႏြးေထြးမႈသည္ရင္ခုန္
္ျခင္းတြင္စိတ္ရိုင္းမဖက္ပဲျငိမ့္ေညာင္းစြာျဖင့္မ်က္
ရည္ဝဲရသည္အထိႀကည္ႏူးေစသည္။
""ခုဆိုအလုပ္သင္ဆရာဝန္ေလး
ေတြကကိုယ့္တို႔အခန္းကို လာရမွာေႀကာက္တယ္
တဲ့""
အသင့္ထုတ္ထားေသာ ေဆးရံုအက်ီ ၤအသစ္ကို
ျပန္ဝတ္ေပးကာ ေပါ့ေပါ့ပါးပါးစကားဆိုေနသူ
""ဘာလို႔တဲ့လဲ?""
အလိုက္သင့္ျပန္ေမးခြန္းထုတ္ေတာ့
""စိတ္ေျပာင္းသြားမွာဆိုးလို႔တဲ့။ဟိုေန႔က Nurseက ျပန္ေျပာျပေနတာ။ညီသိလား ကိုေျပာ
တဲ့ အဓိပၸါယ္""
က်ေတာ္သေဘာတက်ေခါင္းညိတ္ျပေတာ့မွ
သူ႔စကား-ဟာသရသေျမာက္ျခင္းအေပၚေက်နပ္
စြာျပံဳးေတာ့ က်ေတာ္ေငးရျပန္ျပီ
က်ေတာ္အား ျမင္ကြင္းထဲမွ ေပ်ာက္သြားမည္ဆိုး
သည့္အလားတေမ့တေမာ ေမာ့ေငးႀကည့္ေန
ေသာညီ ပံုစံက အခုမွအေမအား--မွတ္ေနေသာ ရင္ခြင္ပိုက္လသားကေလးေလးလို--
Wheel Chairေပၚမထိုင္ခ်င္ေသာညီသည္
ေဆးရံုေနာက္ကလူလုပ္ေတာအုပ္ငယ္ဆီ ေျဖး
ေျဖးခ်င္းႏွင့္က်ေတာ့္အားတြဲလ်က္ျဖင့္သာသြား၏
ေယာက်ာ္းတို႔ဇြဲေသခါမွေလွ်ာ့မယ္ဆိုတာ
ဒါမ်ိဳးကိုေျပာတာလား??
က်ေတာ့္ခ်စ္သူ စိတ္ႀကီးသလို ခ်စ္သူအတြက္
စိတ္ႀကီးဝင္မိတာက က်ေတာ္
Cancer ေရာဂါခံစားေနရသူေတြအတြက္
္သီးသန္႔တည္ေထာင္ထားေသာဤေဆးရံုတြင္
Cancerအားအႏိုင္ယူႏိုင္မည့္နည္းလမ္းေပါင္း
မ်ားစြာကို လက္ေတြ႔အသံုးခ်လ်က္ရွိ၏
ကုထံုးေတြႀကားေဝဒနာႀကီးစြာခံစားေနရသူတို႔
၏ဤိုရပ္ဝန္းအားေဆးရံုႏွင့္မတူေစရန္အတတ္ႏိုင္
ဆံုးဖန္တီးထားသည္။
ဘာသာအလိုက္ဝတ္ျပဳဆုေတာင္းခန္းေတြရွိသလို ေယာဂေလ့က်င့္ခန္းေတြလည္းစီစဥ္ေပးထားေသး၏။ဒီေတာအုပ္ငယ္ကိုေတာ့ ညီေရာက်ေတာ္ပါ
သေဘာက်သည္။
""ညီ ဖိနပ္ခ်ြတ္ရေအာင္""
ခံုတန္းေပၚအေမာေျဖရင္း ေနထြက္လာတာကို
ေငးႀကည့္ေနေသာညီ့ေရွ႔ဒူးေထာက္ကာေဖာ့ဖိနပ္
ပါးကို ခ်ြတ္ေပးေတာ့ ညီကလက္မခံ
""ေန-ေန ဒီဖိနပ္ေတာ့ခ်ြတ္ႏိုင္ေသးပါတယ္ကိုဇက္ရာ။""
ႏွစ္ေယာက္သား ေျခဗလာနဲ႔ေတာအုပ္ငယ္၏
ျမျမက္စိမ္းခင္း ႏုႏုေပၚေျခစလွမ္းစဥ္ ပုခံုးႏွစ္ဖက္ကိုင္ကာ ဟန္ခ်က္ထိန္းေပးေနေသာ
က်ေတာ့္လက္ေတြကို ပုတ္ခ်ေလေတာ့၏
ြႏုန္းခ်ိေခြက်သြားေသာက်ေတာ့္စိတ္အစဥ္ကို
ိုအဝီစိတြင္းထဲသို႔အဆငး္မခံခဲ့ပါ။
ညာလက္တစ္ဖက္ကိုတင္းတင္းယွက္ျဖာဆုပ္ကိုင္
လ်က္ အျဖဴစင္ဆံုးအျပံဳးတစ္ခုႏွင့္ အားသစ္ေသြး
ေပး၏။
က်ေတာ့္လက္ေခ်ာင္းေတြႀကားမွ ေဖာင္းအိအိလက္ေခ်ာင္းေလးေတြကို ငံု႔ႀကည့္ေန
ရသည့္ ထိုအခိုက္အတန္႔~~
ခ်ည္ေဘာင္းဘီရွည္ပြပြေအာက္မွ ေျခလွမ္းလွမ္း
လိုက္တိုင္း ထြက္ေပၚလာတတ္တဲ့ ေျခဖမိုးတို႔အားခိုးႀကည့္ေနမိေသာ ထိုခဏ~~
ဆံပင္ေတြမရွိေတာ့၍ သူတို႔အလွကိုပိုမိုလင္းထင္း
စြာျပေနေသာ မ်က္ေတာင္ဖ်ားစိတ္စိတ္ေတြကို
စိုက္ႀကည့္ေနမိသည့္ ဤကာလပိုင္းအျခား~~~
ရင္ခုန္ျခင္းအရိပ္ေအာက္က်ေရာက္ေနေသာ
က်ေတာ့္ေလာကသည္အသံဆိတ္လ်က္ ႀကည္ႏူးျခင္းမီးတိုင္ငယ္တို႔ျဖင့္သာလင္းထင္း
ေတာက္ပေနေစသည္။
ေဆးရံုခန္းထဲတြင္သာ တစ္လနီးပါးအေနႀကာလာ
သူမို႔ ေျခဖဝါးႏုႏုက ေျမသားအထိအေတြ႔ကိုႀကာ
ရွည္ေတာင့္မခံႏိုင္။
""လာ--ညီ ဒီမွာခဏထိုင္""
ဝါေရာင္ေရးေရးမ်က္ႏွာျပင္ေပၚခိုသီးေနေသာေခြ်း
စက္ေတြအား လက္ဖဝါးျဖင့္ပြတ္သပ္ဖယ္ခ်ေပး
ရင္းဆုပ္ကိုင္ထားေသာလက္တစ္ဖက္သည္လည္း
မလႊတ္ျဖစ္ေသး
""ေမာေနျပီလား??အသက္ရႈရတာေကာ အဆင္
ေျပရဲ႕လား?""
""အင္း ေနလို႔ေကာင္းပါတယ္။ကိုဇက္ လည္း
လာထိုင္ေလ""
ေဘးနားကြက္လပ္လက္ႏွင့္ပုတ္ျပကာငုံ့ႀကည့္
ကာအေခၚေတာ္ရွိေနသူအားဒူးေထာက္လ်က္ပင္မ်က္ေတာင္မခတ္ေမာ္ႀကည့္ေနရတာကိုက်ေတာ္
သေဘာက်သည္။
ေသးသြယ္ေနေသာေျခခ်င္းဝတ္မွ ကိုင္ကာ
ေျခဖဝါးတြင္္ ကပ္ညိက်န္ေနေသာေျမမႈန္အခ်ိဳ႔ကို လက္ဖဝါးတို႔ျဖင့္ပြတ္ကာသပ္ကာဖယ္ရွားေပးေနသူ
""မ--မလုပ္နဲ႔ ကိုဇက္။က်ေတာ္ငရဲႀကီးလိမ့္မယ္"
""လမ္းေလွ်ာက္တတ္ခါစတည္းက ႀကီးေနတဲ့
ငရဲကိုခုမွ ေထြထူးေႀကာက္မေနနဲ႔""
ဟုတ္သားပဲ။ဒါက ခုမွလုပ္ေပးတဲ့ အျပဳအမူမွ
ွမဟုတ္တာ။
က်ီဆယ္မႈေႀကာင့္ရယ္သံလြင္လြင္တစ္ခုဖန္ဆီး
ျပီး ေတးဆိုငွက္တို႔ကို စိမ္ေခၚေလ၏။ဒိုင္သူႀကီး
ကက်ေတာ္ျဖစ္ေနေသာအခါ ေတးသီငွက္တို႔
စိတ္ေကာက္သြားႀက၍့္ ေလတိုးသံ
ကသာ က်ေတာ္တို႔ကိုအေဖာ္သဟဲျပဳေလ၏
ေဘးနားထိုင္ကာညီ့အားေငးခြင့္ရေသာ ဤတခဏကိုထာဝရအျဖစ္ေျပာင္းလဲခ်င္ပါကမည့္သူအားလာဘ္ထိုးသင့္ပါသနည္း။မျမဲျခင္းအနိစၥတရားကိုသက္ဝင္ယံုႀကည္ေပမယ့္ ထိုတရားအသိအားဥာဏ္အလင္းပြင့္ေစဖို႔ညီ့ကို စေတးမထပ္ႏိုင္ပါ။
က်ေတာ့္အား ေမတာၱတရား၏အႀကည္ဓာတ္
သေဘာကိုသင္ႀကားျပသေပးခဲ့ျပီးျပီေလ။ဒီေလာက္ဆိုရင္ပဲညီ့အတြက္ လံုေလာက္လြန္းမကအတိုင္းထက္လြန္ေနျပီ
မဟုတ္ဘူး။
ကံႀကမၼာကိုအျပစ္ဖို႔မေနခ်င္ေပမယ့္ ခါတေလ စိတ္နာမိတာေတာ့တကယ္
"ဒီေန႔ ညေန တည္းခိုခန္းကိုခဏျပန္ပါလား""
""ဘာလို႔လဲညီ??""
အမွန္ကေမးေနစရာကို မလိုပါ။လြန္ခဲ့တဲ့ႏွစ္ပတ္
ကလည္း ပထမဆံုးRCT(regional chemotherapy treatment)ယူစဥ္ကလည္းက်ေတာ့္အား အလိမာၼနည္းနဲ႔ ပထုတ္ခဲ့ျပီးျပီ
""ဒီေန႔ ဘယ္မွမသြားဘူး။ကို ညီ့နားမွာပဲေနမွာ""
""ေမေမ ရွိေနတာပဲ။ကိုဇက္ အိမ္ခဏျပန္ျပီး
ေရခ်ိဳးျပီး တေရးတေမာအိပ္ေလ ညမွျပန္လာ""
""ရတယ္ ကိုတစ္ေန႔လံုး ေနမွာ။ကို ေျပာထား
တယ္ေလ။ညီ့ကိုတစ္ေယာက္တည္းထားမသြား
ႏိုင္ဘူး""
""ေမေမ့ေရွ႔ ကိုဇက္ နဲ႔ --က်ေတာ္မ်က္ႏွာပူလို႔""
""ဘာရွက္စရာရွိလို႔လဲ ညီရယ္။ကိုတို႔အေႀကာင္း
တစ္ႏိုင္ငံလံုး မဟုတ္ဘူး ခု Thai မွာေရာက္ေန
ေတာ့ Thaiက လူေတြေတာင္သိေနတာ""
ကိုဇက္သည္ က်ေတာ့္စကားနားေထာင္တတ္ေပ
မယ့္ ခါတေလ ေျပာရခက္လြန္းလွ၏။နာက်င္ခံစားေနရသည့္ပံုစံအားသူ႔အားမျမင္မေတ႔ြ႔ေစခ်င္။နာက်င္ေနတဲ့က်ေတာ့္ကိုႀကည့္ေနရတဲ့
သူလည္းနာက်င္ရမွာပဲ။
သူ႕အတြက္ မိသားစုတစ္ခုဖန္တီးေပးႏိုင္တဲ့
မိန္းမလွတစ္ေယာက္ဆီက သူ႔ကိုလုယူခဲ့တာနဲ႔တင္က်ေတာ္ေတာ္ေတာ္လြန္
ေနျပီကို။
""က်ေတာ့္စကားနားေထာင္ပါဗ်ာ။ေျပာခဲ့တယ္
မဟုတ္လား??က်ေတာ္စိတ္ခ်မ္းသာေအာင္ထား
မယ္ဆိုျပီး--""
""ေအးေလ ညီ့နားေနျပီး စိတ္ခ်မ္းသာေအာင္
ထားမွာကိုေျပာတာေလ။ေဝးေနရင္--""
ပါးျပင္ေပၚလ်ပ္တျပတ္အေနနဲ႔က်ေရာက္လာ
ေသာႏႈတ္ခမ္းႏုႏု။က်ေတာ္ဆြံ႕အသြားစဥ္
""က်ေတာ့္စကားနားေထာင္ပါ ကိုဇက္ရာ""တဲ့
အနမ္းမပီေသာ အနမ္းတစ္ပြင့္ႏွင့္ ဗီဒိုအာဏာ
စနစ္က်င့္သံုးလိုက္ေသာ က်ေတာ့္ဘဝရဲ႕
ပေဒသရာဇ္ငယ္ေလး။
""အခန္းျပန္ရေအာင္""
အာဏာရွင္သည္ အမိန္႔ေတာ္ျပန္စာတမ္းတို႔အား
အလ်စ္အလပ္မရွိေစပဲ ဆက္တိုက္ျပဌာန္း၏
ဒူးတစ္ဖက္ေထာက္ကာျဖင့္ ေက်ာကိုျဖန္႔ခင္းေပး
ေနေသာ ကိုဇက္
အခြင့္အေရးဆိုတာေပးတိုင္းမယူသင့္ဆိုေသာ
ဆံုးမသြန္သင္ေလာကနီတိအေျခခံကိုသင္ႀကား
ထားသူတစ္ေယာက္အေနနဲ႔ ျငင္းဆန္ပါရေစ။
ေယာက်ာ္းတစ္ေယာက္သိကာၡအတြက္လည္း
လက္မခံပါရေစနဲ႔
""က်ေတာ္ လမ္းေလ်ွာက္ႏုိင္ပါေသးတယ္""
""သိတယ္။ခု ေက်ာမပိုးပဲ ေပြ႔ခ်ီသြားရင္ပိုျမင္
မေကာင္းဘူးေနာ္""
ဒါသည္ Magicစစ္တုရင္ခံုေပၚကျမင္ကြင္းဆိုပါ
က က်ေတာ့္Kingသည္ Knight၏ဓားခ်က္ေအာက္စိစိမြမြေႀကသြားခန္း
ႏွင့္အလားသဏၭာန္ဆင္တူ၏
""လာတုန္းက Nurseႀကီးက မ်က္ေစာင္းထိုး
ႀကည့္ေနတာ ညီမေတြ႔ဘူးလား??သူ႔ ကေလးကို
Wheel Chairနဲ႔ မေခၚရေကာင္းလားဆိုျပီး
ခုခ်ိန္ဆိုအေဆာင္မွဴးကိုသြားတိုင္ျပီးေလာက္ျပီ
က႔ို ကိုတစ္စိမ္းေတြရဲ႕ အဆူအေျပာခံေစခ်င္
ေနတာလား??""
""က်ေတာ္မွားတာပါ""
အခ်စ္ကဆြံ႕အေစသည္ဟူေသာအဆိုကိုဖြင့္ဆို
ခဲ့သူ ကိုဇက္မေမြးခင္ဆံုးပါးသြား၍သာေပါ့။သူ
သာသက္ရွိထင္ရွားရွိေသးပါက သူ႔အဆိုကို
လူထုေရွ႔မွာပင္ ျပန္ေျပာင္းႏိုင္ေလာက္၏။
ျပန္ရာလမ္းတစ္ေလွ်ာက္သူ႔ပုခံုးေပၚတြင္
မ်က္ႏွာအပ္ထားရင္း သူ႔ကိုယ္သင္းနံ႕ကိုသာ
ႏွစ္ခ်ိဳ႕ဘိန္းစားတစ္ေယာက္လို ပညာသားပါပါ
တစ္ခ်က္ခ်င္း ရႈသြင္းေနမိသည္။
""Z!!take care,my boy""
ထင္တယ္ေလအေဆာင္ကိုတာဝန္ယူထားရေသာNurseႀကီးနဲ႔ တန္းတိုးေလေတာ့၏။
ညီ့ကိုဆို အကုန္လံုးက ဝိုင္းခ်စ္ႀကတာငယ္ငယ္
တည္းက။ခုဆိုလည္းက်ေတာ္တို႔အေႀကာင္းသိ
သြားႀကေတာ့ အရင္က ရွိခဲ့ေသာညီနဲ႔က်ေတာ့္ရဲ႕
Pageအား ျပန္ဖြင့္ႀကသည္။ထိုPageမွတစ္ဆင့္
ေန႔စဥ္ေန႔တိုင္း ညီ့အတြက္ဆုေတာင္းစာေတြ။
ညီ့ကို ပစ္မသြားဖို႔ နဲ႔ ဂရုစိုက္ဖို႔အေၿကာင္းေတြ
တပံုတပင္စာလႊာပါးကာ က်ေတာ့္အားေခ်ာ့တခ်ီ
ေျခာက္တစ္လွည့္ႏွင့္ သဝဏ္လႊာပို႔ႀက၏။
""လက္ေဆာင္ေတြေရာက္ေနျပန္ျပီ""
ကုတင္ေပၚတင္ေပးထားေသာ ပန္းစည္းေတြႏွင့္
တျခားလက္ေဆာင္ေတြ။ညီ့ကိုခ်စ္တဲ့ကေလးေတြ
က တကူးတကႏွင့္ကိုပို႔ေပးႀကျခင္းျဖစ္သည္။
အဆင္သင့္ျဖစ္ေနေသာ ကင္ဆာကုထံုးအစီအရင္
မနက္စာ စားရင္းလက္ေဆာင္တစ္ခုခ်င္းဆီမွ
ဆုေတာင္းစာေတြအား ဖြင့္ေဖာက္ေပးတိုင္းညီဟာ
မ်က္ရည္ဝဲေနတတ္သည္။သို႔ေပမယ့္ ငိုေတာ့မငို
ေန႔လည္ေနခင္းခ်ိန္ေတြဆို ညီကTVႀကည့္ေလ့
မရွိ။ေဘးခန္းက ၁၁ႏွစ္သမီးထိုင္းမေလးကို Chessထိုးနည္းသင္ေပးတတ္သလို ကေလးမ
ေလးTreatmentယူရသည့္ေန႔ေတြဆိုလွ်င္
က်ေတာ့္အား ဘုရားစာရြတ္ခိုင္းေနေလ့ရွိ၏။။ေနာက္တစ္မ်ိဳးကinternetထဲမွသတင္းအ
ေႀကာင္းအရာေတြကိုလည္းလက္မလြတ္သြားေစရ
ဒါမွမဟုတ္ သူႀကိဳက္ေသာစာအုပ္ေတြကို အသံထြက္ဖတ္ခိုင္းတတ္ေသးသည္။
""ကိုဇက္!ဒီစာအုပ္ဖတ္ျပ""
ဆရာေတာ္ဦးေဇာတိက၏ ခ်ီးမြမ္းျခင္းကဲ့ရဲ႕ျခင္း
စာအုပ္ကိုလက္ထဲထည့္ေပးရင္း စာဖတ္ခိုင္းလာ
သည္။ဒီညေနအတြက္ Treatmentကိုသူခဏ
ေမ့ထားခ်င္ပံုရပါရဲ႕။စာအုပ္ကညီမဖတ္ရေသးတာ
ေတာ့မဟုတ္။ဟိုအပတ္ေလာက္ကမွ ညီ့အခန္းထဲက စာအုပ္ေတြကိုမမခ်ိဳပို႔ေပး
လိုက္တာ
""အစက မဖတ္နဲ႔ေတာ့။ေနာက္ဆံုးက သိပ္ေျပာခ်င္တယ္ ဆိုတာပဲဖတ္ျပ""
က်ေတာ္ထင္တာမမွားပါဘူး။ဒီစာအုပ္ကိုညီ ဖတ္ျပီးသြားခဲ့ျပီျဖစ္ေႀကာင္းအစိမ္းေရာင္
Highlightရွိေနေသာ စာေႀကာင္းေတြက သက္ေသပင္
""ငါအမ်ားႀကီးေတြးေနတယ္။ငါေႀကာက္ေနတယ္
ငါ့ဘဝမွာျဖစ္မယ္လို႔ ဘယ္တုန္းကမွမေမွ်ာ္မွန္း
ခဲ့တာေတြျဖစ္ေနတယ္။အနာဂတ္မွာ ဘာေတြျဖစ္
လာအံုးမယ္ဆိုတာ မေတြးရဲဘူး။မေတြးရဲဘူးဆို
ေပမယ့္ငါေတြးေနတယ္။ငါေႀကာက္ေနတာေတြကို
ပဲ ငါေတြးေနတယ္။ေႀကာက္စိတ္တစ္မ်ိဳးက ငါ့စိတ္ကို လႊမ္းမိုးေနတယ္""
ဒါဘာလဲ??ညီသိပ္ကိုေျပာျပခ်င္ေနတဲ့ စကားေတြလား?? ျငိမ္ျငိမ္ေလးနားေထာင္ေန
ေသာညီက
""ဆက္ဖတ္ျပေလ""
ဟူ၍ခပ္တိုးတိုးထပ္ေျပာလာ၏
""အခုခ်ိန္ထိငါ့ကိုသိပ္သတၱိေကာင္းတယ္၊စိတ္
ခိုင္တယ္လို႔နင္ယံုႀကည္ေမ်ွာ္လင့္ေနမွာပဲ။ငါစိုးရိမ္
ေနတာက ငါ့စိတ္ထဲမွာရွိတဲ့အတိုင္းေျပာလိုက္ရင္
နင္ ငါ့ကို အထင္ေသးသြားေတာ့မယ္လို႔စိုးရိမ္ေန
တယ္""
မ်က္လံုးမ်ားမွိတ္ကာျငိမ္သက္စြာနားေထာင္ေန
ေသာညီ--
မ်က္ေတာင္ေတြစိုလာတာက က်ေတာ္။ရပ္လိုက္
လို႔ မေျပာမခ်င္းက်ေတာ္မရပ္ရဲ။က်ေတာ္တကယ္သိခ်င္တယ္။ညီ ေျပာခ်င္ေနတဲ့
အရာေတြကို~~
""---ျပီးေတာ့နင္ ငါရဲ႕ေနာက္ဆံုးအခ်ိန္ထိငါ့နား
မွာရွိေနမယ္။ငါ့ကိုျပစ္ခြါမသြားဘူးဆိုတာကိုငါလို
ခ်င္တယ္။ငါေျပာတာေတြကို နင္စိတ္ပါလက္ပါနဲ႔
နားေထာင္မယ္၊ငါ့ကိုအထင္ေသးမသြားဘူး၊ငါ့ကို
ေလးစားမႈရွိမယ္၊ငါ့စိတ္ေတြဘယ္လိုပဲ ဂေယာက္
ဂယက္ျဖစ္ေနေန ငါ့ကိုနားလည္လက္ခံမယ္ဆို
တာကို ငါလိုခ်င္တယ္
အေရးႀကီးဆံုးအခ်က္ ----- ငါ့ကိုလူသားတစ္
ေယာက္အေနနဲ႔ျမင္ေစခ်င္တယ္။ငါ့ေရာဂါကိုမ
ႀကည့္ပါနဲ႔၊ငါ့ကိုႀကည့္ပါ။သနားစရာေလးလို႔
သေဘာထားျပီးမႀကည့္ပါနဲ႔။ေမတၱာနဲ႔ေလးစားမႈနဲ႔
ႀကည့္ပါ။ငါဟာေသဖို႔သိပ္နီးေနတဲ့သူျဖစ္ေပမယ့္
ငါအသက္ရွင္ေနတုန္းပါပဲ။နင္ ငါ့ကိုအရင္တုန္း
ကလိုပဲ နင့္ဘဝထဲမွာေနရာေပးထားျမဲ ေပးထား
ေစခ်င္တယ္။နင့္ဘဝထဲက ငါ့ေနရာမေပ်ာက္သြား
ေစခ်င္ဘူး။""
ေအးခ်မ္းမႈနဲ႔ျငိမ္သက္ေနသူသည္ ထိုစာေတြအား
ဖတ္ေနစဥ္အခါက ဘယ္လိုဘယ္ပံုမ်က္ရည္
က်ခဲ့ျပီးျပီလဲ??ေတြေတြစီးက်လာေသာမ်က္ရည္
ေတြကိုသုတ္ဖယ္ရင္းအသံေတြမတုန္ယင္ေစရန္
ထိန္းသိမ္းရင္း---
""ငါ့ကိုပြင့္ပြင့္လင္းလင္းေျပာလို႔မရဘူးမထင္ပါနဲ႔
အကယ္၍ နင့္မွာငါ့ေႀကာင့္ဒုကၡေတြသိပ္မ်ားလာ
တယ္ဆိုရင္ေျပာပါ။ငါ့အေျခအေနကိုျမင္ေနရလို႔
နင့္မွာ စိုးရိမ္စိတ္ေတြေႀကာက္စိတ္ေတြျဖစ္တယ္၊
စိတ္မေကာင္းျဖစ္ေနတယ္ဆိုရင္လည္းေျပာပါ""
ဆက္မဖတ္ျပႏိုင္ေတာ့တာ ခြင့္လႊတ္ပါ။ညီ့
လက္ဖမိုးေပၚ မ်က္ႏွာအပ္ကာ က်ေတာ္ငို
မိေတာ့၏။ရင့္နင့္စြာ ရႈိုက္လ်က္ဆိုနင့္စြာ။
ထိုင္ေနေသာညီ့ခါးကိုဖက္ကာ ညီ့ကိုယ္ေႏြးေႏြး
ထဲမ်က္ႏွာဝွက္လ်က္ကေလးတစ္ေယာက္လို
ဝမ္းပန္းတနည္းငိုေႀကြးေနေသာ က်ေတာ့္ေက်ာ
ျပင္ကိုခပ္ဖြဖြပြတ္ေပးရင္း က်ေတာ့္ေခါင္းေပၚ
က်လာေသာအနမ္းေႏြးေႏြးေနာက္
""အဲ့လိုျဖစ္သြားေစဖို႔ က်ေတာ္မရည္ရြယ္ပါဘူး
ကိုဇက္ရယ္--""
""ကို ေႀကာက္ေနတယ္ ညီ။ညီ့ကိုဆံုးရႈံးရမွာေသမတတ္ေႀကာက္ေနတာ""
ေဆးရံုအခန္းေရွ႔တြင္ Treatmentေပးရန္
လာေနႀကေသာ ဆရာဝန္ Nurse ႏွင့္
အလုပ္သင္ဆရာဝန္ေလးတို႔သည္ အခန္းတြင္း
က ေကာင္ေလးႏွစ္ေယာက္ကို ေငးရင္း---
Thank you all
အမွန္ေတာ့ ဆရာေတာ္ဘုရားေရးထားတဲ့
"သိပ္ေျပာခ်င္တယ္ "ဆိုတဲ့အပိုဒ္က
တကယ္အရွည္ႀကီးပါ။ျပီးေတာ့အခုေရးထားတဲ့
စာေႀကာင္းေတြက အစီစဥ္တက်ရွိေနတာမ်ိဳးမ
ဟုတ္ပါဘူး။က်ေတာ္က လိုအပ္တာေလးေတြကို
ပဲထည့္ေရးထားတာပါ။
(Unicode)
/
/
/
အပိုင်း (၂၉)
နိုးထလာတဲ့ မနက်ခင်းတိုင်းတွင် ညီ့ ကိုပထမဆုံး တွေ့မြင်နေရခြင်းက မင်္ဂလာတစ်ပါး။
ကုထုံးစတင်ပြီးနှစ်ပတ်မြောက်နေ့အသက်နှင့်မလိုက်အောင် တည်တည်ငြိမ်ငြိမ်နှင့်ကိုသေမင်းကို
ရင်ဆိုင်နေလျက် ကျွန်တော့်ကိုဖြင့် အပြုံးအေးအေးလေးတွေနဲ့ တဖန်ပြန်လည်နှိစ်သိမ့်ပေးနေတတ်
သေး၏။
မနက်ခင်းဆရာဝန်ကြီး လာမကြည့်ခင်ညီ့ိကို အိပ်ရာနှိုးထားရသည်။ ညီ့ကိုအိပ်ရာနှိုးဖို့ဘယ်တော့မှ မခက်ခဲခဲ့။
အဖြူရောင်လိုက်ကာတို့ ဆွဲဖွင့်သည့်အခါနေရောင်နွေးနွေးတို့က ညီ့ခုတင်ပေါ်ထိ အတင့်ရဲစွာတက်လာရင်
ညီကမျက်ခွံမို့မို့လေးများဖွင့်လျက် "Morning ကိုဇက်" ဟူ၍ အပြုံးတစ်ခုနှင့်ရွှင်လန်းစွာနိုးထတတ်သည်။
"ဒီနေ့ဘယ်လိုနေလဲ ညီ"
"နေလို့အဆင်ပြေပါတယ်။ ကိုဇက်ကော ညကအိပ်ပျော်ရဲ့လား"
"အင်း အိပ်ပျော်တယ်"
ကျွန်တော်တို့နှစ်ယောက်၏ နေ့သစ်တစ်ခုအား စတင်ပုံသည်ရိုးရှင်း၏။ ကျွန်တော်က ညီ့ကို
စိတ်ပူနေတတ်သလို တစ်ယောက်အိပ်ခေါက်ခုတင်ပေါ် ကွေးကွေးခေါက်ခေါက်နဲ့အိပ်နေတတ်သော
ကျွန်တော့်ကို ညီက တဖန်ပူပန်ပေးတတ်သည်။ ညဖက် ဆေးတိုက်ဖို့ ပိုက်ချိတ်ဖို့Male Nurseတစ်ယောက်
ခေါ်ထားပေမယ့် ကျန်သည့် ညီနဲ့ပတ်သတ်သမျှကို ကျွန်တော်ကိုယ်တိုင်သာ စီမံဖြစ်၏။
"သွားတိုက်တာ မျက်နှာသစ်တာလောက်တော့ ကျွန်တော့်ဘာသာ လုပ်လို့ရပါတယ်"
ကျွန်တော်သွားတိုက်၊ မျက်နှာသစ်ပေးချိန်တိုင်း ထိုသို့ ညည်းညည်းညူညူလေးပြောတတ်သည်။
"ကို လုပ်ပေးချင်လို့ပါ။ မျက်လုံးမှိတ်ထား"
မျက်နှာနုနုကို ရေနွေးနဲ့ပေါင်းထားသော ပုဝါဖြင့်ပွတ်သပ်ပေးရင် ငြိမ်ငြိမ်လေးနေ နေတတ်သေး၏။
"ကျွန်တော်က စီလီကွန်အရုပ်ကြီးလိုဖြစ်နေပြီ"
"ဘယ်စီလီကွန်အရုပ်က ဒါတွေရှိသလဲ"
ခပ်ဟဟရယ်မောရင်း မေးဖျားကိုဆွဲကိုင်ကာ ရှတတဖြစ်စေသော နေရာလေးကို လက်မနဲ့ပွတ်ဆွဲထိတွေ့ရင်း
ပြောတော့ ရှက်ရယ် ရယ်ရင်း
"ကျွန်တော့်ဘာသာလုပ်မယ်" ဟူ၍ငြင်းဆန်နေသေး၏။
"ငြိမ်ငြိမ်နေ ဓားရှမယ်"
အပေါ်နှုတ်ခမ်းအထက်နှင့် အောက်မေးရိုးတစ်ဝိုက်နားရှိ စိမ်းမြမြမွှေးညှင်းတွေပေါ် Creamလိမ်းကျံပေးရင်း
ခုဆို ဓားကိုလည်း ကျွမ်းကျွမ်းကျင်ကျင်ကိုင်တတ်နေပြီဖြစ်သည်။
"ပြီးပြီ"
လက်ကျန်Creamဖွေးဖွေးတွေကိုသုတ်ဖယ်ပေးတော့ ကျွန်တော့်ကို မော့ငေးကြည့်နေသောညီ~~
ကျွန်တော်သိတယ်။
ညီ အနည်းနဲ့အများတော့ အားငယ်နေမယ်ဆိုတာ။ သူလုပ်နိုင်တယ်လို့ပြောတဲ့အရာတွေကို
သူတကယ်လုပ်နိုင်ဖို့ဆိုတာ ထင်သလောက်မလွယ်တော့မှန်းသူရော ကျွန်တော်ပါသိနေတယ်လေ။
ကုထုံးတစ်ခုပြီးတိုင်း ညီ့ ကိုယ်ထဲမှ အင်အားတွေကို သဲ့ယူသွားတတ်တာ။
ရိုးတွင်းခြင်ဆီ၏ စွမ်းဆောင်ရည်ကို နှောင့်နှေးစေတတ်သော RCT ကုထုံးကြောင့် နှစ်ရက်သုံးရက်
လောက်ထိခေါင်းမထောင်နိုင်လောက်အောင် သွေးပေါင်ချိန်တွေ ထိုးကျနေတတ်၍ သွေးပြန်သွင်း
ပေးနေရတာတွေ။ ဒါတောင်ညီက ဘယ်တော့မှ အားယုတ်နေဟန်မပြ၍ ဆရာဝန် Nurseတွေအကုန်လုံးက
ညီ့ကို မချီးကျူးဘဲမနေနိုင်ကြ။
"မှန်း မွှေးလား ကြည့်ရအောင်"
ပြောပါတယ်။ ညီ့ကို ရန်ခုန်တာကလွဲပြီး တခြားဘာမှ မတွေးမိစေဖို့ ကျွန်တော်အမြဲကြိုးစားနေမယ်ဆိုတာ
ကျွန်တော့်မေးအောက်ပိုင်း အသက်ရှုမွှေးညှင်းပေါက်တွေမှတစ်ဆင့်ကာဗွန်ဒိုင်အောက်ဆိုဒ်
ဓာတ်ငွေ့အချို့ကို ဝင်သက်တစ်ခုနဲ့ သယ်ဆောင်နေသူ ။ ဝင်သက်နဲ့ထွက်သက်ကြားအခိုက်အတန့်ကပင်
ဒီနေ့အသက်ရှင် နိုးထလာနိုင်ခြင်းအတွက်ကံကောင်းသည်ဟု တွေးထင်စေ၏။
တစ်စက္ကန့် ၊ နှစ်စက္ကန့်လား၊ မဟုတ်လောက်တော့ဘူး။ ကျွန်တော့်ရင်ခုန်သံတွေသည်ပင် ရာကျော်နေပြီ။
"မွှေးတယ်"
ဖယ်ခွာသွားသည့်တိုင် နားခိုသွားသော အနမ်းလိပ်ပြာ၏ ဝင်သက်တစ်ခုကနွေးကျန်ရစ်ဆဲ
ရင်ခုန်ခြင်းမှအပ ကျွန်တော်တခြားမခံစားတတ်တော့ပါ။
"မနေ့က ဒေါက်တာကပြောတယ်။ ဒီနေ့ရေပတ်တိုက်ချင်တိုက်ထားလို့ရတယ်တဲ့။ ပြီးရင်ဆေးရုံနောက်က
ပန်းခြံထဲလမ်းသွားလျှောက်ကြမယ်။ သွားမယ် မလား"
စကားတပြောပြောနဲ့ ဆေးရုံအကျီမှ ကြယ်သီးတွေအား တစ်လုံးချင်းဖြုတ်နေသော ကိုဇက်သည်ကျွန်တော့်ကို
ရှက်နေခွင့်မပေးပါ။ လည်ပင်း၊ ရင်ဖက်ပိုင်း၊ ဗိုက် ၊ ကျောပြင်နေရာတစ်နေရာမလပ်သွားစေရ။
ရေနွေးဝတ်နွေးနွေးဖြင့် ကျွန်တော့်ခန္ဓာကိုယ်အပေါ်ပိုင်း တစ်ခုလုံးကို စိတ်ရှည်လက်ရှည်
ပွတ်သပ်သန့်စင်ပေးနေသည်။ သူ၏ညီအစ်ကိုဆန်သော နွေးထွေးမှုသည် ရင်ခုန်ခြင်းတွင်စိတ်ရိုင်းမဖက်ပဲ
ငြိမ့်ညောင်းစွာဖြင့် မျက်ရည်ဝဲရသည်အထိ ကြည်နူးစေသည်။
"ခုဆို အလုပ်သင်ဆရာဝန်လေးတွေက ကိုယ့်တို့အခန်းကို လာရမှာ ကြောက်တယ်တဲ့"
အသင့်ထုတ်ထားသော ဆေးရုံအကျီ ၤအသစ်ကို ပြန်ဝတ်ပေးကာ ပေါ့ပေါ့ပါးပါးစကားဆိုနေသူ
"ဘာလို့တဲ့လဲ"
အလိုက်သင့်ပြန်မေးခွန်းထုတ်တော့...
"စိတ်ပြောင်းသွားမှာဆိုးလို့တဲ့။ ဟိုနေ့က Nurseက ပြန်ပြောပြနေတာ။ ညီသိလား ကိုပြောတဲ့ အဓိပ္ပါယ်"
ကျွန်တော်သဘောတကျ ခေါင်းညိတ်ပြတော့မှ သူ့စကား-ဟာသရသမြောက်ခြင်းအပေါ်ကျေနပ်စွာပြုံးတော့
ကျွန်တော်ငေးရပြန်ပြီ။
ကျွန်တော့်ကို မြင်ကွင်းထဲမှ ပျောက်သွားမည်ဆိုးသည့်အလား တမေ့တမော မော့ငေးကြည့်နေသောညီ ပုံစံက
အခုမှ အမေ မှတ်နေသော ရင်ခွင်ပိုက်လသားကလေးလေးလို။
Wheel Chair ပေါ် မထိုင်ချင်သော ညီသည် ဆေးရုံနောက်က လူလုပ်တောအုပ်ငယ်ဆီ ကျွန်တော့်ကို
တွဲလျက်ဖြင့်သာ ဖြည်းဖြည်းချင်းသွား၏။ ယောကျာ်းတို့ဇွဲသေခါမှလျှော့မယ်ဆိုတာ ဒါမျိုးကိုပြောတာလား။
ကျွန်တော့်ချစ်သူ စိတ်ကြီးသလို ချစ်သူအတွက်စိတ်ကြီးဝင်မိတာက ကျွန်တော်။
ကင်ဆာရောဂါခံစားနေရသူတွေအတွက် သီးသန့်တည်ထောင်ထားသော ဤဆေးရုံတွင် ကင်ဆာကို
အနိုင်ယူနိုင်မည့် နည်းလမ်းပေါင်းများစွာကို လက်တွေ့အသုံးချလျက်ရှိ၏။
ကုထုံးတွေကြားဝေဒနာကြီးစွာ ခံစားနေရသူတို့၏ ဤရပ်ဝန်းအား ဆေးရုံနှင့်မတူစေရန်အတတ်နိုင်ဆုံး
ဖန်တီးထားသည်။ ဘာသာအလိုက်ဝတ်ပြု ဆုတောင်းခန်းတွေရှိသလို ယောဂလေ့ကျင့်ခန်းတွေလည်း
စီစဉ်ပေးထားသေး၏။ ဒီတောအုပ်ငယ်ကိုတော့ ညီရောကျွန်တော်ပါ သဘောကျသည်။
"ညီ ဖိနပ်ချွတ်ရအောင်"
ခုံတန်းပေါ်အမောဖြေရင်း နေထွက်လာတာကို ငေးကြည့်နေသော ညီ့ရှေ့ဒူးထောက်ကာ ဖော့ဖိနပ်ပါးကို
ချွတ်ပေးတော့ ညီက လက်မခံ။
"နေ...နေ ဒီဖိနပ်တော့ ချွတ်နိုင်သေးပါတယ်ကိုဇက်ရာ"
နှစ်ယောက်သား ခြေဗလာနဲ့တောအုပ်ငယ်၏ မြမြက်စိမ်းခင်း နုနုပေါ်ခြေစလှမ်းစဉ် ပုခုံးနှစ်ဖက်ကိုင်ကာ
ဟန်ချက်ထိန်းပေးနေသော ကျွန်တော့်လက်တွေကို ပုတ်ချလေတော့၏။ နုန်းချိခွေကျသွားသော
ကျွန်တော့်စိတ်အစဉ်ကို အဝီစိတွင်းထဲသို့အဆင်းမခံခဲ့ပါ။
ညာလက်တစ်ဖက်ကို တင်းတင်းယှက်ဖြာဆုပ်ကိုင်လျက် အဖြူစင်ဆုံးအပြုံးတစ်ခုနှင့် အားသစ်သွေးပေး၏။
ကျွန်တော့်လက်ချောင်းတွေကြားမှ ဖောင်းအိအိလက်ချောင်းလေးတွေကို ငုံ့ကြည့်နေရသည့်
ထိုအခိုက်အတန့်၊ ချည်ဘောင်းဘီရှည်ပွပွအောက်မှ ခြေလှမ်းလှမ်းလိုက်တိုင်း ထွက်ပေါ်လာတတ်တဲ့
ညီ့ခြေဖမိုးတို့အား ခိုးကြည့်နေမိသော ထိုခဏ
ဆံပင်တွေမရှိတော့၍ သူတို့အလှကိုပိုမိုလင်းထင်းစွာပြနေသော မျက်တောင်ဖျားစိတ်စိတ်တွေကို
စိုက်ကြည့်နေမိသည့် ဤကာလပိုင်းအခြား ။ ရင်ခုန်ခြင်းအရိပ်အောက်ကျရောက်နေသော
ကျွန်တော့်လောကသည် အသံဆိတ်လျက် ကြည်နူးခြင်း မီးတိုင်ငယ်တို့ဖြင့်သာ လင်းထင်းတောက်ပနေ
စေသည်။ ဆေးရုံခန်းထဲတွင်သာ တစ်လနီးပါးအနေကြာလာသူမို့ ခြေဖဝါးနုနုက မြေသားအထိအတွေ့ကိုကြာ
ရှည်တောင့်မခံနိုင်။
"လာ ညီ ဒီမှာခဏထိုင်"
ဝါရောင်ရေးရေးမျက်နှာပြင်ပေါ် ခိုသီးနေသော ချွေးစက်တွေအား လက်ဖဝါးဖြင့်ပွတ်သပ်ဖယ်ချပေး
ရင်းဆုပ်ကိုင်ထားသော လက်တစ်ဖက်သည်လည်း မလွှတ်ဖြစ်သေး။
"မောနေပြီလား။ အသက်ရှုရတာကော အဆင်ပြေရဲ့လား"
"အင်း နေလို့ကောင်းပါတယ်။ ကိုဇက် လည်းလာထိုင်လေ"
ဘေးနားကွက်လပ်အား လက်နှင့်ပုတ်ပြကာ အခေါ်တော်ရှိနေသူအား ဒူးထောက်လျက်ပင်
မျက်တောင်မခတ် မော်ကြည့်နေရတာကို ကျွန်တော် သဘောကျသည်။ သေးသွယ်နေသော ခြေချင်းဝတ်မှ
ကိုင်ကာ ခြေဖဝါးတွင် ကပ်ညိကျန်နေသော မြေမှုန်အချို့ကို လက်ဖဝါးတို့ဖြင့် ပွတ်ကာသပ်ကာ
ဖယ်ရှားပေးနေသူ။
"မ...မလုပ်နဲ့ ကိုဇက်။ ကျွန်တော်ငရဲကြီးလိမ့်မယ်"
"လမ်းလျှောက်တတ်ခါစတည်းက ကြီးနေတဲ့ငရဲကိုခုမှ ထွေထူးကြောက်မနေနဲ့"
ဟုတ်သားပဲ။ ဒါက ခုမှလုပ်ပေးတဲ့ အပြုအမူမှ မဟုတ်တာ။ ကျီစယ်မှုကြောင့် ရယ်သံလွင်လွင်တစ်ခု
ဖန်ဆီးပြီး တေးဆိုငှက်တို့ကို စိမ်ခေါ်လေ၏။ ဒိုင်သူကြီးက ကျွန်တော်ဖြစ်နေသောအခါ တေးသီငှက်တို့
စိတ်ကောက်သွားကြ၍ လေတိုးသံကသာ ကျွန်တော်တို့ကို အဖော်သဟဲပြုလေ၏။
ဘေးနားထိုင်ကာ ညီ့အား ငေးခွင့်ရသော ဤတခဏကို ထာဝရအဖြစ်ပြောင်းလဲချင်ပါက မည့်သူအား
လာဘ်ထိုးသင့်ပါသနည်း။ မမြဲခြင်းအနိစ္စတရားကို သက်ဝင်ယုံကြည်ပေမယ့် ထိုတရားအသိအား
ဉာဏ်အလင်းပွင့်စေဖို့ညီ့ကို စတေးမထပ်နိုင်ပါ။ ကျွန်တော့်ကိုမေတ္တာတရား၏ အကြည်ဓာတ်သဘောကို
သင်ကြားပြသပေးခဲ့ပြီးပြီလေ။ ဒီလောက်ဆိုရင်ပဲ ညီ့အတွက် လုံလောက်လွန်းမက အတိုင်းထက်လွန်
နေပြီမဟုတ်ဘူး။ ကံကြမ္မာကို အပြစ်ဖို့မနေချင်ပေမယ့် တစ်ခါတလေ စိတ်နာမိတာတော့တကယ်။
"ဒီနေ့ ညနေ ခဏပြန်နားပါလား ကိုဇက်"
"ဘာလို့လဲ ညီ"
အမှန်ကမေးနေစရာကို မလိုပါ။ လွန်ခဲ့တဲ့နှစ်ပတ်ကလည်း ပထမဆုံး RCT(regional chemotherapy
Treatment) ယူစဉ်ကလည်း ကျွန်တော့်ကို အလိမ္မာနည်းနဲ့ ပထုတ်ခဲ့ပြီးပြီ။
"ဒီနေ့ ဘယ်မှမသွားဘူး။ ကို ညီ့နားမှာပဲနေမှာ"
"မေမေ ရှိနေတာပဲ။ ကိုဇက် အိမ်ခဏပြန်ပြီးရေချိုးပြီး တရေးတမောအိပ်လေ ညမှပြန်လာ"
"ရတယ် ကို တစ်နေ့လုံး နေမှာ။ ကို ပြောထားတယ်လေ။ ညီ့ကိုတစ်ယောက်တည်းထားမသွားနိုင်ဘူး"
"မေမေ့ရှေ့ ကိုဇက် နဲ့ ... ကျွန်တော်မျက်နှာပူလို့"
"ဘာရှက်စရာရှိလို့လဲ ညီရယ်။ ကို တို့အကြောင်းတစ်နိုင်ငံလုံး မဟုတ်ဘူး။ ခု ထိုင်း မှာရောက်နေတော့
ထိုင်းက လူတွေ၊ တစ်ဆေးရုံလုံးတောင်သိနေတာ"
ကိုဇက်သည် ကျွန်တော့်စကားနားထောင်တတ်ပေမယ့် တစ်ခါတလေ ပြောရခက်လွန်းလှ၏။
နာကျင်ခံစားနေရသည့်ပုံစံကို သူ့အား မမြင်မတေ့ွ့စေချင်။ နာကျင်နေတဲ့ကျွန်တော့်ကိုကြည့်နေရတဲ့
သူလည်း နာကျင်ရမှာပဲ။သူ့အတွက် မိသားစုတစ်ခုဖန်တီးပေးနိုင်တဲ့ မိန်းမလှတစ်ယောက်ဆီက
သူ့ကိုလုယူခဲ့တာနဲ့တင် ကျွန်တော်တော်တော်လွန်နေပြီကို။
"ကျွန်တော့်စကားနားထောင်ပါဗျာ။ ပြောခဲ့တယ်မဟုတ်လား။ ကျွန်တော့်ကို စိတ်ချမ်းသာအောင်ထားမယ်ဆိုပြီး"
"အေးလေ ညီ့နားနေပြီး စိတ်ချမ်းသာအောင်ထားမှာကို ပြောတာလေ။ ဝေးနေရင်..."
ပါးပြင်ပေါ်လျပ်တပြတ်အနေနဲ့ ကျရောက်လာသောနှုတ်ခမ်းနုနု။ ကျွန်တော်ဆွံ့အသွားစဉ်...
"ကျွန်တော့်စကားနားထောင်ပါ ကိုဇက်ရာ..." တဲ့။
အနမ်းမပီသော အနမ်းတစ်ပွင့်နှင့် ဗီဒိုအာဏာစနစ်ကျင့်သုံးလိုက်သော ကျွန်တော့်ဘဝရဲ့ပဒေသရာဇ်ငယ်လေး။
"အခန်းပြန်ရအောင်"
အာဏာရှင်သည် အမိန့်တော်ပြန်စာတမ်းတို့အား အလျစ်အလပ်မရှိစေဘဲ ဆက်တိုက်ပြဌာန်း၏။
ဒူးတစ်ဖက်ထောက်ကာဖြင့် ကျောကိုဖြန့်ခင်းပေးနေသော ကိုဇက်။ အခွင့်အရေးဆိုတာပေးတိုင်း
မယူသင့်ဆိုသော ဆုံးမသွန်သင်လောကနီတိအခြေခံကို သင်ကြားထားသူတစ်ယောက်အနေနဲ့ ငြင်းဆန်ပါ
ရစေ။ ယောကျာ်းတစ်ယောက်သိက္ခာအတွက်လည်း လက်မခံပါရစေနဲ့။
"ကျွန်တော် လမ်းလျှောက်နိုင်ပါသေးတယ်"
"သိတယ်။ အခု ကျောမပိုးဘဲ ပွေ့ချီသွားရင်ပိုမြင်မကောင်းဘူးနော်"
ဒါသည် မှော်ဝင်စစ်တုရင်ခုံပေါ်က မြင်ကွင်းဆိုပါက ကျွန်တာ့်ဘုရင်နယ်ရုပ်သည် စစ်သူကြီး၏
ဓားချက်အောက် စိစိမွမွကြေသွားခန်းနှင့်အလားသဏ္ဌာန်ဆင်တူ၏။
"လာတုန်းက Nurseကြီးက မျက်စောင်းထိုးကြည့်နေတာ ညီမတွေ့ဘူးလား။ သူ့ ကလေးကိုWheel Chairနဲ့
မခေါ်ရကောင်းလားဆိုပြီး အခုချိန်ဆို အဆောင်မှူးကို သွားတိုင်ပြီးလောက်ပြီ။ က့ို ကိုတစ်စိမ်းတွေရဲ့
အဆူအပြော ခံစေချင်နေတာလား"
"ကျွန်တော်မှားတာပါ"
အချစ်ကဆွံ့အစေသည်ဟူသော အဆိုကိုဖွင့်ဆိုခဲ့သူ ကိုဇက်မမွေးခင်ဆုံးပါးသွား၍သာပေါ့။ ထိုသူသာ
သက်ရှိထင်ရှားရှိသေးပါက သူ့အဆိုကို လူထုရှေ့မှာပင် ပြန်ပြောင်းနိုင်လောက်၏။
ပြန်ရာလမ်းတစ်လျှောက် သူ့ပုခုံးပေါ်တွင်မျက်နှာအပ်ထားရင်း သူ့ကိုယ်သင်းနံ့ကိုသာနှစ်ချို့ဘိန်းစား
တစ်ယောက်လို ပညာသားပါပါ တစ်ချက်ချင်း ရှုသွင်းနေမိသည်။
"Z! be careful, my boy"
ထင်တယ်လေ ။ အဆောင်ကိုတာဝန်ယူထားရသောNurseကြီးနဲ့ တန်းတိုးလေတော့၏။
ညီ့ကိုဆို အကုန်လုံးက ဝိုင်းချစ်ကြတာ ငယ်ငယ်တည်းက။
အခုဆိုလည်း ကျွန်တော်တို့အကြောင်းသိသွားကြတော့ အရင်က ရှိခဲ့သောညီနဲ့ကျွန်တော့်ရဲ့Pageအား
ပြန်ဖွင့်ကြသည်။ ထိုPageမှတစ်ဆင့်နေ့စဉ်နေ့တိုင်း ညီ့အတွက်ဆုတောင်းစာတွေ။ ညီ့ကို ပစ်မသွားဖို့ နဲ့
ဂရုစိုက်ဖို့အကြောင်းတွေ တစ်ပုံတစ်ပင်စာလွှာပါးကာ ကျွန်တော့်အား ချော့တချီ၊ခြောက်တစ်လှည့်နှင့်
သဝဏ်လွှာပို့ကြ၏။
"လက်ဆောင်တွေရောက်နေပြန်ပြီ"
ခုတင်ပေါ်တင်ပေးထားသော ပန်းစည်းတွေနှင့် တခြားလက်ဆောင်တွေ။ ညီ့ကိုချစ်တဲ့ကလေးတွေက
တကူးတကနှင့်ကို ပို့ပေးကြခြင်းဖြစ်သည်။
အဆင်သင့်ဖြစ်နေသော ကင်ဆာကုထုံးအစီအရင်မနက်စာ စားရင်းလက်ဆောင်တစ်ခုချင်းဆီမှ
ဆုတောင်းစာတွေအား ဖွင့်ဖောက်ပေးတိုင်း ညီဟာမျက်ရည်ဝဲနေတတ်သည်။ သို့ပေမယ့် ငိုတော့မငိုပါ။
နေ့လည်နေခင်းချိန်တွေဆို ညီကတီဗီကြည့်လေ့မရှိ။ ဘေးခန်းက ၁၁နှစ်သမီးထိုင်းမလေးကို Chessထိုးနည်း
သင်ပေးတတ်သလို ကလေးမလေး Treatment ယူရသည့်နေ့တွေဆိုလျှင် ကျွန်တော့်ကို ဘုရားစာရွတ်ခိုင်း
နေလေ့ရှိ၏။ နောက်တစ်မျိုးက အင်တာနက်ထဲမှသတင်းအကြောင်းအရာတွေကိုလည်း လက်မလွတ်သွားစေရ။
ဒါမှမဟုတ် သူကြိုက်သောစာအုပ်တွေကို အသံထွက် ဖတ်ခိုင်းတတ်သေးသည်။
"ကိုဇက်! ဒီစာအုပ်ဖတ်ပြ"
ဆရာတော်ဦးဇောတိက၏ ချီးမွမ်းခြင်းကဲ့ရဲ့ခြင်း စာအုပ်ကိုလက်ထဲထည့်ပေးရင်း စာဖတ်ခိုင်းလာသည်။
ဒီညနေအတွက် Treatmentကို သူခဏမေ့ထားချင်ပုံရပါရဲ့။ စာအုပ်က ညီမဖတ်ရသေးတာတော့မဟုတ်။
ဟိုတစ်ပတ်လောက်ကမှ ညီ့အခန်းထဲက စာအုပ်တွေကို မမချိုပို့ပေးလိုက်တာ
"အစက မဖတ်နဲ့တော့။ နောက်ဆုံးက သိပ်ပြောချင်တယ် ဆိုတာပဲဖတ်ပြ"
ကျွန်တော်ထင်တာမမှားပါဘူး။ ဒီစာအုပ်ကိုညီ ဖတ်ပြီးသွားခဲ့ပြီဖြစ်ကြောင်း အစိမ်းရောင် Highlightရှိနေသော
စာကြောင်းတွေက သက်သေပင်။
"ငါအများကြီးတွေးနေတယ်။ ငါကြောက်နေတယ်။ ငါ့ဘဝမှာဖြစ်မယ်လို့ ဘယ်တုန်းကမှ မမျှော်မှန်း
ခဲ့တာတွေဖြစ်နေတယ်။ အနာဂတ်မှာ ဘာတွေဖြစ်လာအုံးမယ်ဆိုတာ မတွေးရဲဘူး။ မတွေးရဲဘူးဆို
ပေမယ့်ငါတွေးနေတယ်။ ငါကြောက်နေတာတွေကိုပဲ ငါတွေးနေတယ်။ ကြောက်စိတ်တစ်မျိုးက ငါ့စိတ်ကို
လွှမ်းမိုးနေတယ်"
ဒါဘာလဲ။ ညီသိပ်ကိုပြောပြချင်နေတဲ့ စကားတွေလား။ ငြိမ်ငြိမ်လေးနားထောင်နေသောညီက
"ဆက်ဖတ်ပြလေ" ဟူ၍ခပ်တိုးတိုးထပ်ပြောလာ၏။
"အခုချိန်ထိ ငါ့ကိုသိပ်သတ္တိကောင်းတယ်၊ စိတ်ခိုင်တယ်လို့ နင်ယုံကြည်မျှော်လင့်နေမှာပဲ။ ငါစိုးရိမ်
နေတာက ငါ့စိတ်ထဲမှာရှိတဲ့အတိုင်း ပြောလိုက်ရင်နင် ငါ့ကို အထင်သေးသွားတော့မယ်လို့စိုးရိမ်နေတယ်"
မျက်လုံးများမှိတ်ကာငြိမ်သက်စွာနားထောင်နေသောညီ။ မျက်တောင်ဖျားတွေ စိုလာတာက ကျွန်တော်။
ရပ်လိုက်လို့ မပြောမချင်းကျွန်တော်မရပ်ရဲ။ ကျွန်တောကိုယ်တိုင်လည်းတကယ်သိချင်တယ်။
ညီ ပြောချင်နေတဲ့အရာတွေကိုပေ့ါ။
"...ပြီးတော့နင် ငါရဲ့နောက်ဆုံးအချိန်ထိ ငါ့နားမှာရှိနေမယ်။ ငါ့ကိုပြစ်ခွါမသွားဘူးဆိုတာကိုငါလိုချင်တယ်။
ငါပြောတာတွေကို နင်စိတ်ပါလက်ပါနဲ့နားထောင်မယ်၊ငါ့ကိုအထင်သေးမသွားဘူး၊ငါ့ကိုလေးစားမှုရှိမယ်၊
ငါ့စိတ်တွေဘယ်လိုပဲ ဂယောက်ဂယက်ဖြစ်နေနေ ငါ့ကိုနားလည်လက်ခံမယ်ဆိုတာကို ငါလိုချင်တယ်။
အရေးကြီးဆုံးအချက် ငါ့ကိုလူသားတစ်ယောက်အနေနဲ့မြင်စေချင်တယ်။
ငါ့ရောဂါကိုမကြည့်ပါနဲ့၊ငါ့ကိုကြည့်ပါ။ သနားစရာလေးလို့ သဘောထားပြီးမကြည့်ပါနဲ့။ မေတ္တာနဲ့လေးစားမှုနဲ့
ကြည့်ပါ။ ငါဟာသေဖို့သိပ်နီးနေတဲ့သူဖြစ်ပေမယ့် ငါအသက်ရှင်နေတုန်းပါပဲ။ နင် ငါ့ကိုအရင်တုန်းကလိုပဲ
နင့်ဘဝထဲမှာ နေရာပေးထားမြဲ ပေးထားစေချင်တယ်။ နင့်ဘဝထဲက ငါ့နေရာမပျောက်သွား
စေချင်ဘူး"
အေးချမ်းမှုနဲ့ငြိမ်သက်နေသူသည် ထိုစာတွေအား ဖတ်နေစဉ်အခါက ဘယ်လိုဘယ်ပုံမျက်ရည်ကျခဲ့ပြီးပြီလဲ။
တွေတွေစီးကျလာသော မျက်ရည်တွေကို သုတ်ဖယ်ရင်းအသံတွေ မတုန်ယင်စေရန်ထိန်းသိမ်းရင်း...
"ငါ့ကိုပွင့်ပွင့်လင်းလင်း ပြောလို့မရဘူးမထင်ပါနဲ့။ အကယ်၍ နင့်မှာငါ့ကြောင့် ဒုက္ခတွေသိပ်များလာ
တယ်ဆိုရင်ပြောပါ။ ငါ့အခြေအနေကို မြင်နေရလို့နင့်မှာ စိုးရိမ်စိတ်တွေ ကြောက်စိတ်တွေဖြစ်တယ်၊
စိတ်မကောင်းဖြစ်နေတယ်ဆိုရင်လည်းပြောပါ"
ဆက်မဖတ်ပြနိုင်တော့တာ ခွင့်လွှတ်ပါ။ ညီ့လက်ဖမိုးပေါ် မျက်နှာအပ်ကာ ကျွန်တော်ငိုမိတော့၏။
ရင့်နင့်စွာ၊ ရှိုက်လျက်ဆိုနင့်စွာ။ ထိုင်နေသောညီ့ခါးကိုဖက်ကာ ညီ့ကိုယ်နွေးနွေးထဲ မျက်နှာဝှက်လျက်
ကလေးတစ်ယောက်လိုဝမ်းပန်းတနည်း ငိုကြွေးနေသော ကျွန်တာ့်ကျောပြင်ကို ခပ်ဖွဖွပွတ်ပေးရင်း
ကျွန်တော့်ခေါင်းပေါ် ကျလာသော ညီ့၏အနမ်းနွေးနွေးနောက်...
"အဲ့လိုဖြစ်သွားစေဖို့ ကျွန်တော်မရည်ရွယ်ပါဘူး ကိုဇက်ရယ်" ဟုလည်း ခပ်တိုးတိုးဆိုသည်။
"ကို ကြောက်နေတယ် ညီ။ ညီ့ကို ဆုံးရှုံးရမှာ သေမတတ်ကြောက်နေတာ"
ဆေးရုံအခန်းရှေ့တွင် Treatmentပေးရန်လာနေကြသော ဆရာဝန် Nurse နှင့်အလုပ်သင်
ဆရာဝန်လေးတို့သည် အခန်းတွင်းက ကောင်လေးနှစ်ယောက်ကို ငေးရင်း...