شوفي شوفي يختي المره المابتخجل ولابتختشي دي طالعه كانها طالعه لي راجلا ااي المانافعه وعايني اللبس والجيهه والنوره وهسي هي الحنه والدخان ليها شنو مش مطلقه دي مره وهمانه ساي وماعندها وليان يلموها هي فاكره انو الناس مصدقين انو راجلا الفي السعوديه مامطلقا يختي عارفين اي شئ نحنا يلا يختي الله يهدينا جميعا مالنا بسيره الناس نديها حسناتنا ونشيل ذنوبها ههههه ذنوب شنو يختي هي ذنوبها بتجدد فيها كل يوم يعني قدر ما ننقص ليها هي بتزيد يلا الله يهدينا كلنا زي ماقلتي ديل نسوان الجيران كان بتكلمو بي نجوي وهم شافوها طالعه وهي علي سنجه عشره طبعا نجوي رغم انها كبيره لكن محافظه علي شكلها وهي اصلا جميله شديد بس جمالها ده مستغلاه غلط اه وقفت في الظلط جات عربيه مظلله ركبت وسلمت علي الفي العربيه كانو ولدين بقدام راكبين وهي ركبت بورا
قالت ليهم الاخبار شنو حبابيبي واحشني والله لينا زمن منكم ..
والله كتير ياعسلنا نحنا زاتو طولنا منك شوفتك بقت غااليه .
نجوى: لا ما كده بس ظروف لكن تاني قريب بتشوفوني كتير اها اخبار الشغل شنو
والله الشغل ما اصلي زي حقك يا اصليه ما هو الطبي بجيب طبي خالتك زينب دي بقت تجيب اشكال ضاربه ياخ هههه زينب دي كبرت كدي خلينا نصل ليها وصلو الشقه
نجوي لاقت ناسها وحبايبا المطوله منهم وفي اشكال جديده اتعرفت بيهم زمايلها في المهنه ولعو سجايرهم وشغلو المزيكا وشيشتهم واخر جو بعد شويه كل زول ساق وحده وخشو الاوض جوا وخالتو نجوي خشت مع واحد من الشباب اسمو عادل خشو الاوضه وماسكه من نصها قاليها احي انا منك اصلو مابتكبري وكل مره زايده حلاوه انا لو متا سببي النص القاتل ده..
نجوى: ههههااااي اكبر شنو انا اصغر منك يا رمه
قفلو عليهم الباب وانا تاني ماشفتهم عملو شنو😄بس الحاجه الفهمتها انو الشقه دي بتحصل فيها بلاوي متلتله ونجوي دي والمره الكبيره الاسمها خالتو زينب ومعاهم شباب ورجال هم شبكه بتاعه دعاره ونجوي بتجيب البنات للاولاد (وزي ما بقولو البتسوي في الناس بتلقاه في جناك )
ارح نشوف ناس غرام وطارق عاملين شنو.. غرام صحت وكانت الساعه 9:36 عاينت في الساعه القصادها في الحيطه قالت ياااخي انا نايمه ده كلو قامت غسلت وشها وخشت لطارق لقتو نايم جات عليهو بحنيه كده وباستو طوالي صحي
طارق: ااخ منك ياغرامي انا ده كلو نوم وتخليني براي
غرام: معليش حبيبي كنتا تعبانه يلا انا عاوزه ارجع الداخليه الوقت اتاخر ..
طارق: لا حبيبتي ترجعي وين الليله مافي رجوع تبيتي معاي وتمشي الصباح . .
يتبع...