Ito po ay nangyari sa aking kaibigan na kapitbahay din namin.
Linggo ng hapon ng pumunta ako sa bahay nila patrick para maglaro kami ng video game.
3:30 pm ng dumating ang tatay nito mula sa kanyang pagpapasada ng tricycle.
" Patrick, Jay kayo muna ang bahala sa bahay. Maliligo na ako kasi may pupuntahan ako ngayon. Patrick pumunta kana sa palengke bumili kana ng kakainin natin mamayang gabi. Samahan mo siya jay" utos ng tatay nito kay patrick habang kumukuha ng kanyang damit.
"Opo tito" sagot ko.
"Opo tay" sagot din ni patrick.
Pagkalabas na pagkalabas ng kwarto ni tito greg at saka namin pinagpatuloy ang paglalaro ng video game ni patrick.
3:50pm ng magpaalam ako kay patrick para bumili ng kakainin namin.
Habang pauwi ako ng bahay may napansin akong parang kamukha ni patrick. Ang paraan ng kanyang pananamit, style ng paglakad, kahit na ang paraan ng pagtawa nito.
Tinawag ko ang lalaki na tuwang tuwa sa biro ng kaibigan nito.
Lumingon ito sa akin at saka salubong ang mga kilay nitong nakatitig sakin.
Natawa ako sa kinilos nito kaya naman tumalikod din agad ito sakin. Akala niya pinagtritripan ko siya.
"Patrick kilala mo" pagtatanong ng kaibigan nito. Narinig ko ang sinabi ng kaibigan nito kasi hindi naman masyadong kalayuan ang pagitan namin.
"Hindi" sagot nito at hindi lang pala mukha ang nakuha nito pati din pala ang boses ni patrick.
Napangiti ako sa nakita ko kaya naman agad akong tumakbo dahil excited akong ikwento kay patrick ang nakita ko. At ng nasa tapat na ako ng gate bigla akong nakarinig ng isang sigaw. Kaya naman nagmadali akong pumasok sa bahay nila patrick at ganon na lang ang gulat ko ng makita ko si patrick na sinasakal nito ang kanyang sarili. Tutulungan ko na sana si patrick ng makakita ako ng isang malaking anino sa dingding kung saan nakaharap ito kay patrick at ganon na lang ang gulat ko ng makita ko ang anino ni patrick sa kanyang gilid na may isa ding anino na siyang sumasakal sa anino nito.
Hindi ako makagalaw sa nakita ko na parang napako ang mga paa ko.
Kitang kita ng mga mata ko kung paano sakalin ni patrick ang sarili nito at kung paano sakalin ng aninong iyon ang anino ni patrick.
Hirap na hirap na sa paghinga si patrick pero hindi ko parin ito matulungan. Kahit anong gawin ko ay hindi ko maigalaw ang mga bahagi ng katawan ko.
Nakatitig si patrick sa akin at sinasabi ng mga mata nito na " tulungan mo ko jay" ngunit kahit ata paglunok ng aking laway ay hindi ko magawa.
Hanggang sa marinig namin ang boses ni tito Greg na sa tingin ko ay kakatapos palang niyang maligo.
Bigla na lang naglaho ang malaking anino sa dingding kahit na ang anino sa gilid ni patrick ay nawala narin.
Nanghihinang napa-upo si patrick sa tiles at saka ito nagsususuka habang inuubo.
Habang ako ay walang ibang ginawa kundi ang panoorin lang siya. Tulalang nakatingin ako sa kanya.
Pagpasok ni tito greg saka naman ako napa-upo dahil kanina pa nanghihina ang mga tuhod ko.
"Anong nangyari dito" pagtatanong ni tito greg at saka ito lumapit samin ni patrick.
Hindi kami makapagsalita at tulala kaming nakatitig kay tito greg. Kaya naman inabotan niya kami ng tubig at saka kami tinapik sa likod. Pagkatapos non ay agad kaming napayakap kay tito greg habang umiiyak.
After non ay kweninto namin sa lahat kung anong nangyari at nakita namin.
Sabi ni patrick habang abala daw ito sa paglalaro ay nakaramdam daw ito na parang may tao sa kanyang likod.
Pagtingin daw nito sa kanyang likod ay nagulat ito ng makakita ito ng malaking anino at agad daw siyang sinakal.
~~
Votes and Comments.