Unicode
သူချက်ချင်းပဲထားထားကိုဆွဲဖယ်၍ငွေ့ရည်ရှေ့အမြန်လျှောက်လာလိုက်၏။
ငွေ့ရည်ကလည်းကိုကြီးသူမထံလျှောက်လာတာမြင်တာနဲ့ချက်ချင်းအိမ်ပေါ်ပြေးတက်ဖို့ကြံလိုက်ရာ ကိုကြီးကသူမအားအမိအရဆွဲထားပြီးမှ
''ငွေ့ရည် ဒါငွေ့ရည်ထင်သလိုမဟုတ်ဘူးနော် ငွေ့ရည်အထင်မလွဲနဲ့''
ငွေ့ရည်ကိုအတင်းရှင်းပြနေသောသဝဏ့်ကိုကြည့်ပြီးထားထားရင်ဘတ်တစ်ခုလုံးတစ်စတစ်စနာကျင်လာရသည်။
အစ်ကိုကငွေ့ရည်ကိုချစ်နေတာတစ်ကယ်သေချာသွားခဲ့ပြီ။
''ကိုကြီးငွေ့ရည်ကိုလွှတ်''
''မလွှတ်ဘူး ငွေ့ရည်စိတ်ထဲသံသယဖြစ်သွားမှာမျိုးကိုကြီးတစ်ကယ်ပဲမလိုချင်ဘူးငွေ့ရည်''
သူတို့တစ်ယောက်မျက်နှာတစ်ယောက်ကြည့်ကာခေတ္တမျှတိတ်ဆိတ်သွားရပြီးမှသဝဏ်က
''ထားထား မင်းသွားလို့ရမလား''
ထားထားကျလုကျငင်မျက်ရည်တွေကိုမြိုသိပ်ရင်းဖြင့်သူတို့ဘေးကဖြတ်လျှောက်လာပြီးအိမ်ပေါ်သို့တက်လာခဲ့လိုက်လေသည်။
ထားထားမရှိတော့ဘူးဆိုမှသဝဏ်လည်းငွေ့ရည်လက်ကိုဆွဲကာဧည့်ခန်းထဲခေါ်လာလိုက်ပြီးအတူယှဥ်တွဲထိုင်၍
''ငွေ့ရည် ကိုကြီးကိုတစ်ကယ်ပဲအထင်လွဲသွားပြီလား ပြောပါဦး''
''ကိုကြီးနဲ့ငွေ့ရည်ကဘာဆိုင်လို့ကိုကြီးကအဲလောက်အသည်းအသန်ရှင်းပြနေတာလဲ''
သူမမေးခွန်းအတွက်သူ့မှာအဖြေမရှိ။သူသိတာတစ်ခုကငွေ့ရည်သူ့ကိုအထင်လွဲသွားမှာသူသိပ်စိုးရိမ်သည်။
''အဲဒါက...''
''ကိုကြီးငွေ့ရည်ကိုအမြင်ကပ်နေတယ်ဆိုပြီးဘာလို့ခုလိုအသည်းအသန်ဖြစ်ပြနေတာလဲ''
''လုပ်ပြန်ပြီငွေ့ရည်ရာ အဲ့ကိစ္စကိုကိုကြီးညကတည်းကပြောပြီးပြီလေ ငွေ့ရည်ကိုဘယ်တုန်းကမှအမြင်မကပ်ဖူးဘူးလို့ ညကဆူလိုက်တာကလည်းငွေ့ရည်ဝတ်ထားတာအရမ်းတိုလွန်းပြီးထင်းလွန်းနေလို့ဆူလိုက်တာ ညကတည်းကငွေ့ရည်ကိုကိုကြီးချော့ပြီးပြီလေ ဘာလဲ မမှတ်မိတော့ဘူးလား''
''......''
''ငွေ့ရည်မွေးနေ့အတွက်မွေးနေ့ကိတ်လုပ်ပေးရမယ်ဆိုပြီးကိုကြီးကိုကတိတောင်းလို့တောင်မှကိုကြီးကတိပေးလိုက်သေးတယ်''
အဲဒါကသူမစိတ်ထဲထင်နေတာမဟုတ်ဘူးပဲ။
''မသိဘူး မမှတ်မိဘူး''
''ဟုတ်လို့လား''
''ဟုတ်တယ် ဟွန်း မျက်နှာနှစ်ဖက်နဲ့''
''ဟောဗျာ ဘယ်မှာမျက်နှာနှစ်ဖက်လဲ''
''မသိဘူး ကိုကြီးကိုအမြင်ကပ်တယ်''
ပြောပြီးငွေ့ရည်ထိုင်နေရာမှထကာလှည့်ထွက်သွားဖို့ပြင်လိုက်စဥ်ကိုကြီးကသူမလက်ကိုဆွဲလိုက်တာကြောင့်သူမကိုယ်လေးကကိုကြီးပေါင်ပေါ်ထိုင်လျက်သားလေးဖြစ်သွားရလေ၏။
''ကိုကြီးဘာလုပ်တာလဲ ခုလွှတ်နော် ငွေ့ရည်ကထားထားမဟုတ်ဘူးသိလား ဖယ်ပါဆို''
သူ့ရင်ဘတ်အားလက်သီးဆုပ်လေးနဲ့ထုကာတွန်းဖယ်နေသောသူမလက်ကလေးအားသူချုပ်ကိုင်လိုက်ပြီး
''ခုနကထားထားကမတော်တဆဖြစ်တာ ငွေ့ရည်ကိုကတမင်ထိုင်ခိုင်းတာ''
''ဘယ်သူကထိုင်ချင်တယ်ပြောနေလို့လဲ''
''အာ့ဆိုခုနကဘာလို့သဝန်တဲ့ရုပ်လေးဖြစ်သွားတာလဲ''
''ဟင်!''
ငွေ့ရည်မျက်နှာကချက်ချင်းပန်းရောင်လေးသမ်းသွားရပြီးကိုကြီးဆီမှအတင်းရုန်းကာ
''အာ ဖယ်မှာသဝန်တိုလို့လဲ ဖယ်ဖယ် ခုဖယ် သူများမြင်ရင်တစ်မျိုးထင်နေမယ်ကိုကြီးရဲ့''
ထိုစဥ်
''အဲဒါဘာဖြစ်နေကြတာလဲဟင်''
အသံလာရာကိုနှစ်ယောက်သားလှည့်ကြည့်လိုက်တော့
''အိမ့်..အိမ့်မှူး''
ငွေ့ရည်ချက်ချင်းပဲကိုကြီးပေါ်မှထကာနေရာမှပြေးထွက်လာလိုက်တော့၏။
အိမ့်မှူးကအစ်ကိုဖြစ်သူနားလျှောက်လာပြီး
''ကိုကို အခုညီမလေးဘာမြင်လိုက်တာလဲဟင် ကိုကိုနဲ့ငွေ့ရည်တို့ချစ်သူတွေဖြစ်နေကြပြီလား''
''မ မဟုတ်ပါဘူး''
''ဟယ်...အဲဒါဆိုဘာလို့''
အိမ့်မှူးကတစ်ခုခုကိုစဥ်းစားမိဟန်နှင့်
''ဒါဆိုရည်းစားစကားပြောနေတာလား''
''တစ်ခုမှမဟုတ်ဘူး''
ပြောပြီးသဝဏ်ကသူ့lap topကိုယူကာထထွက်လာခဲ့လိုက်လေသည်။
အိမ့်မှူးကခေါင်းကုတ်ရင်း
''တစ်ခုမှမဟုတ်ဘူးဆိုရင်ဘာလို့ငွေ့ရည်ကကိုကို့ပေါင်ပေါ်ထိုင်နေတာလဲ ကိုကိုကလည်းငွေ့ရည်ကိုဖက်ထားသေးတယ် ဘာမှမပတ်သက်ဘဲအဲလိုလုပ်လို့ရလား ဆန်းကြယ်တာဟယ် လိုက်လို့ကိုမမီတော့ဘူးတစ်ကယ်ပဲ''
အဲဒီနေ့ညကသဝဏ်ရောငွေ့ရည်ရောထားထားရောအတွေးကိုယ်စီနဲ့အိပ်လို့မပျော်ခဲ့ပါ။
🌺🌺
နောက်နေ့မနက်သူတို့ငါးယောက်မနက်စာစားနေရင်းမှထားထားက
''အိမ့်မှူး ငါဒီနေ့အိမ်ပြန်တော့မယ်နော်''
''ပြန်တော့မှာလား နင့်အစ်မကပြန်သွားပြီလား''
''အင်း''
''အေးပါ နောက်လည်းလာလည်ပေါ့''
ငွေ့ရည်ကတော့ဒါသူမကြောင့်လားလို့တွေးပြီးလိပ်ပြာမလုံပေ။
စင်္ကြာက
''အစ်ကို ကျွန်တော့်ကိုချောင်းသာလိုက်ပို့ပါလား မရောက်ဖူးလို့''
''ဘယ်တော့လဲ''
''အစ်ကိုအဆင်ပြေတဲ့ရက်ပေါ့ ကျွန်တော်တို့ငါးယောက်အတူသွားမယ်လေ''
အကုန်လုံးတစ်ယောက်မျက်နှာတစ်ယောက်ကြည့်လိုက်ပြီးမှ
''အင်း ဒီနေ့ခွင့်တင်လိုက်မယ် မနက်ဖြန် ဒါမှမဟုတ် သန်ဘက်ခါသွားတာပေါ့ ထားထားလည်းအဲ့ကအပြန်မှအိမ်ပြန်လိုက်တော့လေ''
''ဟုတ်ကဲ့အစ်ကို''
ထားထားကမဆိုင်းမတွပဲခေါင်းညိတ်လိုက်လေ၏။
ထိုခရီးမှာပဲအစ်ကိုသူမကိုသတိထားမိအောင်လုပ်ရမည်ဟုသူမစိတ်ထဲတေးထားလိုက်၏။
အစ်ကို့ကိုတစ်ခြားသူလက်ထဲတော့မပါမခံနိုင်ပေ။
အထူးသဖြင့်ငွေ့ရည်လက်ထဲပေါ့။
____________
နေ့လည်ရောက်တော့ငွေ့ရည်တို့အိမ့်မှူးတို့နှစ်ယောက်တည်း ခရီးအတွက်shoppingထွက်ခဲ့ကြ၏။
နှစ်ယောက်လုံးကလည်းစိတ်တူကိုယ်တူပဲမို့ဝယ်တဲ့ပစ္စည်းတွေကလည်းအတော်လေးများသွားလေသည်။
''ငွေ့ရည် ငါတို့ကိုကို့ဆီဝင်ရအောင်''
''သွားလို့ရလို့လား''
''ဘာလို့မရရမှာလဲ ငါဆိုအမြဲသွားနေကျ''
''အဲဒါဆိုလည်းသွားမယ်လေ''
ထိုသို့ဖြင့်သူမတို့ဈေးဝယ်ထွက်ပြီးအပြန်မှာကိုကြီးရှိရာဟိုတယ်ဆီသို့ဝင်ခဲ့ကြလေ၏။
ဟိုတယ်ရောက်တော့ဝန်ထမ်းတစ်ဦးအားကိုကြီးကိုသွားခေါ်ခိုင်းလိုက်ပြီးသူမတို့ကတော့လော်ဘီမှာပဲထိုင်စောင့်နေလိုက်သည်။
ခဏကြာတော့စာဖိုမှူးဝတ်စုံကိုဝတ်ဆင်ထားသောကိုကြီးကသူမတို့ထံရောက်လာလေ၏။
''ဘာလာလုပ်ကြတာလဲ''
သဝဏ် သူမတို့ရှေ့ဝင်ထိုင်ရင်းမေးလိုက်၏။
''ဈေးဝယ်ထွက်ရင်းကိုကို့ဆီဝင်လာတာ ခွင့်တင်တာရလားသိချင်လို့''
''အင်း ခွင့်ကတင်ထားတယ်
ငွေ့ရည်ကိုကြီးအားထိုပုံစံနဲ့မမြင်ဖူးတာကြောင့်ခေတ္တမျှငေးမောမိသွားတာအမှန်ပင်။
ဒါကိုကိုကြီးကသတိထားမိပြီး
''ဟိတ် ဘာကြည့်နေတာလဲ''
''ဟင် အာ ဘာ ဘာမှမဟုတ်ပါဘူး''
''ဘာစားခဲ့ကြပြီးပြီလဲ''
''ကြက်ကြော်နဲ့ကိုလာစားခဲ့တယ် ပြီးတော့ဟမ်ဘာဂါရော''
''ဪ ဘာစားချင်ကြသေးလဲ''
''ဟင့်အင်း ညီမလေးကတော့တော်ပြီ ငွေ့ရည်နင်ရော''
''ငါလည်းတော်ပြီ''
''အဲဒါဆိုညီမလေးတို့ပြန်တော့မယ်ကိုကို လမ်းကြုံလို့သာခဏဝင်လာတာ''
''အင်းဟုတ်ပြီ ဂရုတစိုက်ပြန်ကြ ဒီနေ့ကိုကိုအိမ်ပြန်နောက်ကျချင်ကျမှာ''
''ဟုတ်ကိုကို ညီမလေးခြံတံခါးသော့ဖွင့်ထားပေးမယ်နော်''
''အင်း''
''လာငွေ့ရည် ပြန်ရအောင်''
''အေး တာ့တာကိုကြီး''
''အင်း''
သူမတို့မရှိတော့ဘူးဆိုမှသူလည်းစားဖိုဆောင်သို့ပြန်လာခဲ့လိုက်၏။
သူစားဖိုဆောင်ထဲရောက်တော့
''ကောင်မလေးကဖြူဥနေပါရော တစ်ကယ်ဖြူလုံးလုံးလေး အရုပ်ကလေးကျလို့ပဲ ဘယ်ကောင်များကံကောင်းဦးမလဲမသိဘူး''
''ဟုတ်ပါ့ အဲ့ကံကောင်းမယ့်သူကငါဖြစ်ရင်အရမ်းကောင်းမှာပဲ''
''ဆုတောင်းလေ''
သူ့လက်အောက်ငယ်သားနှစ်ယောက်ဖောက်သည်ချသမျှကိုကျန်တဲ့သူတွေကစိတ်ဝင်တစားနားထောင်နေကြလေ၏။
''မင်းတို့ကလာချောင်းနေကြတယ်ပေါ့''
သူ့အသံကြားတော့အကုန်လုံးကလှည့်ကြည့်လာကြပြီးမှ
''ဆ ဆရာ''
''မင်းတို့ကဘာကိစ္စသူ့အကြောင်းကိုအဲလောက်ပြောနေရတာလဲ''
''ဆရာ ကျွန်တော်တို့ကဆရာ့ညီမအကြောင်းပြောတာမဟုတ်ပါဘူး ဆရာ့ညီမနဲ့ပါလာတဲ့ဖြူလုံးလုံးလေးအကြောင်းကိုပြောတာပါ''
''အေး အဲ့ဒါကိုပြောနေတာပဲလေ''
သူကတစ်ခုခုကိုသဘောပေါက်သွားဟန်နဲ့
''ဪ အဲဒါကဆရာ့ဟာလေးလား''
သူခါးကြီးထောက်ပြီးစိုက်ကြည့်လိုက်တော့ထိုငနဲကမဆိုင်တဲ့သူတွေအား
''မင်းတို့ကောင်တွေတော့ ဆရာ့ကောင်မလေးကိုမှသွားဖွန်ကြောင်ရလား သွားသွား လုပ်စရာရှိတာသွားလုပ်တော့''
''မင်းပဲအစအဆုံးပြောနေတာလေ ငါတို့ကဘယ်နားဖွန်ကြောင်လို့လဲ မြင်တောင်မမြင်လိုက်ရတာကို''
''အေးလေ''
''သွားကြစမ်းပါကွာ''
သဝဏ်မျက်မှောင်ကြီးကျုံ့ရင်းခုံမှာဝင်ထိုင်လိုက်၏။
သူ့တပည့်တွေကသူမကိုစိတ်ဝင်စားလို့မဟုတ်ပဲဒီအတိုင်းပြောကြမှန်းသိတာတောင်သူမခံချင်ပေ။
အကယ်၍သူမကိုများတစ်ယောက်ယောက်ကမျက်စိကျပြီးပိုးပန်းလာရင်ရော...
ထိုအတွေးကသူ့စိတ်အားအတော်လေးညစ်ညူးသွားစေ၏။
ပြီးတော့တစ်ဆက်တည်းဆိုသလိုစင်္ကြာကသူမကိုရင်ခုန်တယ်လို့ပြောဖူးတာကိုအမှတ်ရသွားပြီးစိတ်ထဲထင့်သွားရသည်။
''မင်းစိတ်ကိုကိုကြီးဖောက်ထွင်းမြင်နိုင်ရင်သိပ်ကောင်းမှာပဲငွေ့ရည် မင်းထက်ဆယ်နှစ်လောက်ကြီးတဲ့ကိုကြီးကဘယ်လိုပုံစံမျိုးနဲ့မင်းရှေ့ရောက်လာရမှာလဲ''
🌺🌺
သူအိမ်ပြန်ရောက်တော့ညဆယ်နာရီပင်ခွဲနေပြီပင်။
သူအိမ်ထဲရောက်ရောက်ချင်းမှာငွေ့ရည်ကဧည့်ခန်းထဲကကြမ်းပြင်မှာထိုင်၍ဖုန်းကြည့်ကာတစ်ခုခုကိုသဘောတကျရယ်နေတာကြောင့်သူဧည့်ခန်းထဲသွားလိုက်ပြီး
''မအိပ်သေးဘူးလား''
''ဟာ ကိုကြီးပြန်လာပြီ''
ငွေ့ရည်ကထိုင်ရာမှထ၍
''အရမ်းနောက်ကျတာပဲ''
''အင်း နေ့လည်ကတည်းကနောက်ကျမယ်ပြောသားပဲ ငွေ့ရည်ကရော မအိပ်သေးပဲဘာလုပ်နေတာလဲ''
''ကိုကြီးကိုစောင့်နေတာလေ ခွင့်ရမရသိချင်လို့''
''မနက်မှမေးလည်းရရဲ့သားနဲ့ကို''
''အရမ်းသိချင်လွန်းလို့အိပ်လို့လည်းမရပါဘူး ခွင့်ရခဲ့လားဟင်''
''အင်း သုံးရက်ရခဲ့တယ်''
''ဟီးး တော်ပါသေးရဲ့ ငွေ့ရည်ကခွင့်မရမှာစိုးနေတာ''
''အင်း ကဲ သိချင်တာသိပြီဆိုတော့သွားအိပ်တော့လေ''
''ဟုတ်''
ငွေ့ရည်ကဖုန်းကိုယူ၍သူ့ရှေ့ကထွက်သွားမလိုလုပ်တုန်းကိုယ့်ခြေထောက်နဲ့ကိုယ်ခလုတ်တိုက်ကာရှေ့ကိုလဲကျမလိုဖြစ်သွားတာကြောင့်ကိုကြီးကသူမခါးလေးအားအမိအရလှမ်းဖက်လိုက်တာကြောင့်ငွေ့ရည်မှာကံကောင်းသွားရသည်။
မဟုတ်ရင်ရှေ့သွားကျိုးမလားမေးကွဲမလားမသိ။
ငွေ့ရည်ကိုယ့်ကိုယ်ကိုသတိထားမိချိန်မှာကိုကြီးကသူမကိုယ်လေးအားတင်းကြပ်စွာပွေ့ဖက်ထားတာကြောင့်ငွေ့ရည်မသိမသာရုန်းရင်း
''ကိုကြီး လွှတ်တော့လေ''
ကိုကြီးကသူမမျက်နှာအားစိုက်ကြည့်လာပြီး
''ငွေ့ရည် ငွေ့ရည်မှာချစ်ရမယ့်သူရှိပြီလား''
''ဟင့်အင်း''
''ဒါဆို ငွေ့ရည်ဘယ်လိုလူမျိုးကိုငွေ့ရည်နှလုံးသားကိုပေးမှာလဲ''
''ငွေ့ရည်ကိုအများကြီးချစ်ပေးပြီးငွေ့ရည်ကလည်းပြန်ချစ်မယ့်သူမျိုးပေါ့ ငွေ့ရည်ကိုကလေးလိုအလိုလိုက်ပြီးဆိုးသမျှသည်းခံပေးမယ့်သူမျိုးပေါ့''
ပြောပြီးသူမကခေါင်းလေးအသာငုံ့သွားတာကြောင့်သူမေးဖျားကနေဆွဲမော့ကာ
''အဲလိုအချက်တွေကအသက်ကြီးတဲ့သူတွေဆီမှာပိုတွေ့ရတတ်တယ် ဥပမာ ကိုကြီးလိုလူမျိုးလေ''
''ကိုကြီးနော် ဘာတွေပြောနေတာလဲ''
သူမပါးအို့လေးနှစ်ဖက်ကပန်းသွေးရောင်လေးရဲတက်လာပြီးသူ့လက်ကနေအတင်းရုန်းဖို့ကြိုးစားနေတာကြောင့်သဝဏ်သူမခါးလေးအားပိုတိုးကာဖက်လိုက်ပြီး
''ကိုကြီးကဥပမာပြောတာကိုဘာလို့အဲလောက်ရှက်နေတာလဲ''
''ဘယ်မှာရှက်လို့လဲ''
သဝဏ်သူမနားနားလေးကပ်ကာ
''ရင်ခုန်သံတွေကတော့အရမ်းမြန်နေတယ်နော်''
ပြောပြီးသူမနားဖျားလေးကိုနမ်းလိုက်တာကြောင့်ငွေ့ရည်မှာကိုယ်လေးတွန့်သွားရပြီးကြက်သီးလေးတွေပါထသွားရလေ၏။
''အို ကိုကြီး အဲဒါဘာလုပ်တာလဲ''
ကိုကြီးကဘာမှမပြောပဲသူမမျက်နှာလေးအားစိုက်ကြည့်ကာ
''နောက်တစ်ခါကိုကြီးအလုပ်လုပ်နေတဲ့ဆီမလာနဲ့ ဟိုတယ်ကလူတွေကငွေ့ရည်ကိုလိုက်ကြည့်ပြီးမျက်စိအရသာပါးစပ်အရသာခံနေကြမျိုးကိုကြီးမလိုချင်ဘူး''
''ဘယ်သူတွေဘာပြောလို့လဲ''
''ငွေ့ရည်ကအရုပ်လေးနဲ့တူပြီးဖြူလုံးလုံးလေးတဲ့''
''အဲဒါချီးမွမ်းတာလေ ဒီလောက်နားဝင်ချိုနေတာကို''
''ငွေ့ရည်ကိုချီးမွမ်းတာ ငွေ့ရည်ကိုဘယ်လောက်လှကြောင်းပြောတာတွေကိုနားထောင်ချင်ရင်ကိုကြီးနေ့တိုင်းပြောပေးမှာပေါ့ ကိုကြီးတစ်ယောက်တည်းဆီကကြားရရင်လုံလောက်တယ်မလား အဲဒါဆိုအဲ့တာဝန်ကိုကိုကြီးယူပေးမယ်လေ တစ်ခြားဘယ်သူ့ဆီကမှနားမထောင်နဲ့ ကိုကြီးတစ်ယောက်ပဲချီးမွမ်းမယ် ဖြစ်တယ်မလား''
ငွေ့ရည်ကနေရခက်နေဟန်ဖြင့်
''ကိုကြီးဘာဖြစ်နေတာလဲ ကိုကြီးစကားတွေကထူးဆန်းလိုက်တာ ငွေ့ရည်မနေတတ်တော့ဘူး''
''အဲဒါဆိုခေါင်းတစ်ချက်ပဲညိတ်ပြလိုက်လေ''
ငွေ့ရည်မှာညှို့ဓာတ်အပြည့်ပါသောကိုကြီးမျက်ဝန်းတွေအောက်မှာရင်တွေတလှပ်လှပ်ခုန်ကာလှိုက်ဖိုလာရ၏။
ကိုကြီးရဲ့အကြည့်တွေကသူမနှုတ်ခမ်းထံကူးပြောင်းသွားချိန်မှာငွေ့ရည်တစ်ကယ်နေလို့မတတ်တော့ပေ။
တဖြည်းဖြည်းနဲ့ကိုကြီးကသူမနှုတ်ခမ်းထံငုံ့ကျလာတာကြောင့်ငွေ့ရည်ခေါင်းလေးကိုနောက်ဆုတ်ရင်း
''ကိုကြီး ဘာ ဘာလုပ်မလို့လဲဟင်''
ကိုကြီးကဘာမှပြန်မပြောပဲသူလိုရာဆီရောက်ဖို့သာဦးတည်လာနေလေ၏။
''ကိုကြီး မလုပ်နဲ့နော် ငွေ့ရည်ရှက်တယ်''
''.....''
''ကိုကြီး''
ကိုကြီးကသူမခေါင်းလေးအားထိန်းကိုင်လိုက်တော့ငွေ့ရည်မှာရုန်းလို့မရတော့ပဲကိုကြီးနဲ့နှုတ်ခမ်းချင်းထိလုနီးပါးဖြစ်သွားရလေတော့သည်။
''ကိုကြီး''
ထိုအခိုက်...
''ကိုကိုပြန်...လာ...''
ထိုမြင်ကွင်းကိုမြင်ပြီးအိမ့်မှူးမှာပြောချင်တဲ့စကားတောင်မေ့သွားရသည်။
''ပြီလား အဲ...''
''သွားပြီ ဖျက်မိပြီ''
သူမအံကြိတ်ကာတီးတိုးရေရွတ်နေတုန်းငွေ့ရည်ကကိုကို့ထံမှရုန်း၍မျက်နှာကိုလက်နဲ့အုပ်ကာအိမ်ပေါ်သို့ပြေးတက်သွားတော့သည်။
ကိုကိုသည်လည်းသူမကမကျေမချမ်းကြည့်၍အိမ်ပေါ်သို့ခပ်ဆောင့်ဆောင့်တက်သွား၍အိမ့်မှူးမှာအသံပင်မထွက်ရဲပဲနေရာမှာတင်ကုပ်ကုပ်လေးကျန်ခဲ့ရ၏။
''ဒါလည်းတစ်ခုမှမဟုတ်ပြန်ဘူးလား ငါဘာလို့အသံပေးမိသွားတာလဲ မဟုတ်ရင်ကိုကိုကငါ့ကိုအဖျက်သမားဆိုတဲ့အကြည့်ကြီးနဲ့ကြည့်မှာမဟုတ်ဘူး သူအရမ်းကြိုးစားထားရမှာကိုငါဖျက်မိပြီ ဒါပါနဲ့ဆိုငါဖျက်မိတာနှစ်ခါတောင်မှ ငါဝဋ်လည်မှာတော့မဟုတ်ပါဘူးနော်''
အိမ့်မှူးငိုမဲ့မဲ့နဲ့တီးတိုးရေရွတ်ရင်းအိမ်ပေါ်ပြန်တက်မလိုလုပ်ပြီးမှ
''ဪ ငါမုန့်လာစားတာကို ကယောင်ခြောက်ခြားတွေဖြစ်ကုန်ပါပြီ''
သူမချက်ချင်းပဲမီးဖိုခန်းဆီဦးတည်လိုက်၏။
ဒီပုံစံတိုင်းဆိုမကြာခင်သတင်းထူးတစ်ခုကြားရတော့မယ်လို့တွေးရင်းဒီရက်ပိုင်းအတွင်းသူမပတ်ဝန်းကျင်ကိုအမြဲသတိမူနေရတော့မည်ဟုဆုံးဖြတ်လိုက်သည်။
တတိယအကြိမ်သာဆိုကိုကိုကသူမကိုထုထောင်းတော့မှာမြင်ယောင်နေလို့ပင်။
🌺🌺
Zawgyi
သူခ်က္ခ်င္းပဲထားထားကိုဆြဲဖယ္၍ေငြ႕ရည္ေရွ႕အျမန္ေလွ်ာက္လာလိုက္၏။
ေငြ႕ရည္ကလည္းကိုႀကီးသူမထံေလွ်ာက္လာတာျမင္တာနဲ႔ခ်က္ခ်င္းအိမ္ေပၚေျပးတက္ဖို႔ႀကံလိုက္ရာ ကိုႀကီးကသူမအားအမိအရဆြဲထားၿပီးမွ
''ေငြ႕ရည္ ဒါေငြ႕ရည္ထင္သလိုမဟုတ္ဘူးေနာ္ ေငြ႕ရည္အထင္မလြဲနဲ႔''
ေငြ႕ရည္ကိုအတင္းရွင္းျပေနေသာသဝဏ့္ကိုၾကည့္ၿပီးထားထားရင္ဘတ္တစ္ခုလုံးတစ္စတစ္စနာက်င္လာရသည္။
အစ္ကိုကေငြ႕ရည္ကိုခ်စ္ေနတာတစ္ကယ္ေသခ်ာသြားခဲ့ၿပီ။
''ကိုႀကီးေငြ႕ရည္ကိုလႊတ္''
''မလႊတ္ဘူး ေငြ႕ရည္စိတ္ထဲသံသယျဖစ္သြားမွာမ်ိဳးကိုႀကီးတစ္ကယ္ပဲမလိုခ်င္ဘူးေငြ႕ရည္''
သူတို႔တစ္ေယာက္မ်က္ႏွာတစ္ေယာက္ၾကည့္ကာေခတၱမွ်တိတ္ဆိတ္သြားရၿပီးမွသဝဏ္က
''ထားထား မင္းသြားလို႔ရမလား''
ထားထားက်လုက်ငင္မ်က္ရည္ေတြကိုၿမိဳသိပ္ရင္းျဖင့္သူတို႔ေဘးကျဖတ္ေလွ်ာက္လာၿပီးအိမ္ေပၚသို႔တက္လာခဲ့လိုက္ေလသည္။
ထားထားမရွိေတာ့ဘူးဆိုမွသဝဏ္လည္းေငြ႕ရည္လက္ကိုဆြဲကာဧည့္ခန္းထဲေခၚလာလိုက္ၿပီးအတူယွဥ္တြဲထိုင္၍
''ေငြ႕ရည္ ကိုႀကီးကိုတစ္ကယ္ပဲအထင္လြဲသြားၿပီလား ေျပာပါဦး''
''ကိုႀကီးနဲ႔ေငြ႕ရည္ကဘာဆိုင္လို႔ကိုႀကီးကအဲေလာက္အသည္းအသန္ရွင္းျပေနတာလဲ''
သူမေမးခြန္းအတြက္သူ႔မွာအေျဖမရွိ။သူသိတာတစ္ခုကေငြ႕ရည္သူ႔ကိုအထင္လြဲသြားမွာသူသိပ္စိုးရိမ္သည္။
''အဲဒါက...''
''ကိုႀကီးေငြ႕ရည္ကိုအျမင္ကပ္ေနတယ္ဆိုၿပီးဘာလို႔ခုလိုအသည္းအသန္ျဖစ္ျပေနတာလဲ''
''လုပ္ျပန္ၿပီေငြ႕ရည္ရာ အဲ့ကိစၥကိုကိုႀကီးညကတည္းကေျပာၿပီးၿပီေလ ေငြ႕ရည္ကိုဘယ္တုန္းကမွအျမင္မကပ္ဖူးဘူးလို႔ ညကဆူလိုက္တာကလည္းေငြ႕ရည္ဝတ္ထားတာအရမ္းတိုလြန္းၿပီးထင္းလြန္းေနလို႔ဆူလိုက္တာ ညကတည္းကေငြ႕ရည္ကိုကိုႀကီးေခ်ာ့ၿပီးၿပီေလ ဘာလဲ မမွတ္မိေတာ့ဘူးလား''
''......''
''ေငြ႕ရည္ေမြးေန႔အတြက္ေမြးေန႔ကိတ္လုပ္ေပးရမယ္ဆိုၿပီးကိုႀကီးကိုကတိေတာင္းလို႔ေတာင္မွကိုႀကီးကတိေပးလိုက္ေသးတယ္''
အဲဒါကသူမစိတ္ထဲထင္ေနတာမဟုတ္ဘူးပဲ။
''မသိဘူး မမွတ္မိဘူး''
''ဟုတ္လို႔လား''
''ဟုတ္တယ္ ဟြန္း မ်က္ႏွာႏွစ္ဖက္နဲ႔''
''ေဟာဗ်ာ ဘယ္မွာမ်က္ႏွာႏွစ္ဖက္လဲ''
''မသိဘူး ကိုႀကီးကိုအျမင္ကပ္တယ္''
ေျပာၿပီးေငြ႕ရည္ထိုင္ေနရာမွထကာလွည့္ထြက္သြားဖို႔ျပင္လိုက္စဥ္ကိုႀကီးကသူမလက္ကိုဆြဲလိုက္တာေၾကာင့္သူမကိုယ္ေလးကကိုႀကီးေပါင္ေပၚထိုင္လ်က္သားေလးျဖစ္သြားရေလ၏။
''ကိုႀကီးဘာလုပ္တာလဲ ခုလႊတ္ေနာ္ ေငြ႕ရည္ကထားထားမဟုတ္ဘူးသိလား ဖယ္ပါဆို''
သူ႔ရင္ဘတ္အားလက္သီးဆုပ္ေလးနဲ႔ထုကာတြန္းဖယ္ေနေသာသူမလက္ကေလးအားသူခ်ဳပ္ကိုင္လိုက္ၿပီး
''ခုနကထားထားကမေတာ္တဆျဖစ္တာ ေငြ႕ရည္ကိုကတမင္ထိုင္ခိုင္းတာ''
''ဘယ္သူကထိုင္ခ်င္တယ္ေျပာေနလို႔လဲ''
''အာ့ဆိုခုနကဘာလို႔သဝန္တဲ့႐ုပ္ေလးျဖစ္သြားတာလဲ''
''ဟင္!''
ေငြ႕ရည္မ်က္ႏွာကခ်က္ခ်င္းပန္းေရာင္ေလးသမ္းသြားရၿပီးကိုႀကီးဆီမွအတင္း႐ုန္းကာ
''အာ ဖယ္မွာသဝန္တိုလို႔လဲ ဖယ္ဖယ္ ခုဖယ္ သူမ်ားျမင္ရင္တစ္မ်ိဳးထင္ေနမယ္ကိုႀကီးရဲ႕''
ထိုစဥ္
''အဲဒါဘာျဖစ္ေနၾကတာလဲဟင္''
အသံလာရာကိုႏွစ္ေယာက္သားလွည့္ၾကည့္လိုက္ေတာ့
''အိမ့္..အိမ့္မႉး''
ေငြ႕ရည္ခ်က္ခ်င္းပဲကိုႀကီးေပၚမွထကာေနရာမွေျပးထြက္လာလိုက္ေတာ့၏။
အိမ့္မႉးကအစ္ကိုျဖစ္သူနားေလွ်ာက္လာၿပီး
''ကိုကို အခုညီမေလးဘာျမင္လိုက္တာလဲဟင္ ကိုကိုနဲ႔ေငြ႕ရည္တို႔ခ်စ္သူေတြျဖစ္ေနၾကၿပီလား''
''မ မဟုတ္ပါဘူး''
''ဟယ္...အဲဒါဆိုဘာလို႔''
အိမ့္မႉးကတစ္ခုခုကိုစဥ္းစားမိဟန္ႏွင့္
''ဒါဆိုရည္းစားစကားေျပာေနတာလား''
''တစ္ခုမွမဟုတ္ဘူး''
ေျပာၿပီးသဝဏ္ကသူ႔lap topကိုယူကာထထြက္လာခဲ့လိုက္ေလသည္။
အိမ့္မႉးကေခါင္းကုတ္ရင္း
''တစ္ခုမွမဟုတ္ဘူးဆိုရင္ဘာလို႔ေငြ႕ရည္ကကိုကို႔ေပါင္ေပၚထိုင္ေနတာလဲ ကိုကိုကလည္းေငြ႕ရည္ကိုဖက္ထားေသးတယ္ ဘာမွမပတ္သက္ဘဲအဲလိုလုပ္လို႔ရလား ဆန္းၾကယ္တာဟယ္ လိုက္လို႔ကိုမမီေတာ့ဘူးတစ္ကယ္ပဲ''
အဲဒီေန႔ညကသဝဏ္ေရာေငြ႕ရည္ေရာထားထားေရာအေတြးကိုယ္စီနဲ႔အိပ္လို႔မေပ်ာ္ခဲ့ပါ။
🌺🌺
ေနာက္ေန႔မနက္သူတို႔ငါးေယာက္မနက္စာစားေနရင္းမွထားထားက
''အိမ့္မႉး ငါဒီေန႔အိမ္ျပန္ေတာ့မယ္ေနာ္''
''ျပန္ေတာ့မွာလား နင့္အစ္မကျပန္သြားၿပီလား''
''အင္း''
''ေအးပါ ေနာက္လည္းလာလည္ေပါ့''
ေငြ႕ရည္ကေတာ့ဒါသူမေၾကာင့္လားလို႔ေတြးၿပီးလိပ္ျပာမလုံေပ။
စၾကၤာက
''အစ္ကို ကြၽန္ေတာ့္ကိုေခ်ာင္းသာလိုက္ပို႔ပါလား မေရာက္ဖူးလို႔''
''ဘယ္ေတာ့လဲ''
''အစ္ကိုအဆင္ေျပတဲ့ရက္ေပါ့ ကြၽန္ေတာ္တို႔ငါးေယာက္အတူသြားမယ္ေလ''
အကုန္လုံးတစ္ေယာက္မ်က္ႏွာတစ္ေယာက္ၾကည့္လိုက္ၿပီးမွ
''အင္း ဒီေန႔ခြင့္တင္လိုက္မယ္ မနက္ျဖန္ ဒါမွမဟုတ္ သန္ဘက္ခါသြားတာေပါ့ ထားထားလည္းအဲ့ကအျပန္မွအိမ္ျပန္လိုက္ေတာ့ေလ''
''ဟုတ္ကဲ့အစ္ကို''
ထားထားကမဆိုင္းမတြပဲေခါင္းညိတ္လိုက္ေလ၏။
ထိုခရီးမွာပဲအစ္ကိုသူမကိုသတိထားမိေအာင္လုပ္ရမည္ဟုသူမစိတ္ထဲေတးထားလိုက္၏။
အစ္ကို႔ကိုတစ္ျခားသူလက္ထဲေတာ့မပါမခံႏိုင္ေပ။
အထူးသျဖင့္ေငြ႕ရည္လက္ထဲေပါ့။
____________
ေန႔လည္ေရာက္ေတာ့ေငြ႕ရည္တို႔အိမ့္မႉးတို႔ႏွစ္ေယာက္တည္း ခရီးအတြက္shoppingထြက္ခဲ့ၾက၏။
ႏွစ္ေယာက္လုံးကလည္းစိတ္တူကိုယ္တူပဲမို႔ဝယ္တဲ့ပစၥည္းေတြကလည္းအေတာ္ေလးမ်ားသြားေလသည္။
''ေငြ႕ရည္ ငါတို႔ကိုကို႔ဆီဝင္ရေအာင္''
''သြားလို႔ရလို႔လား''
''ဘာလို႔မရရမွာလဲ ငါဆိုအၿမဲသြားေနက်''
''အဲဒါဆိုလည္းသြားမယ္ေလ''
ထိုသို႔ျဖင့္သူမတို႔ေဈးဝယ္ထြက္ၿပီးအျပန္မွာကိုႀကီးရွိရာဟိုတယ္ဆီသို႔ဝင္ခဲ့ၾကေလ၏။
ဟိုတယ္ေရာက္ေတာ့ဝန္ထမ္းတစ္ဦးအားကိုႀကီးကိုသြားေခၚခိုင္းလိုက္ၿပီးသူမတို႔ကေတာ့ေလာ္ဘီမွာပဲထိုင္ေစာင့္ေနလိုက္သည္။
ခဏၾကာေတာ့စာဖိုမႉးဝတ္စုံကိုဝတ္ဆင္ထားေသာကိုႀကီးကသူမတို႔ထံေရာက္လာေလ၏။
''ဘာလာလုပ္ၾကတာလဲ''
သဝဏ္ သူမတို႔ေရွ႕ဝင္ထိုင္ရင္းေမးလိုက္၏။
''ေဈးဝယ္ထြက္ရင္းကိုကို႔ဆီဝင္လာတာ ခြင့္တင္တာရလားသိခ်င္လို႔''
''အင္း ခြင့္ကတင္ထားတယ္
ေငြ႕ရည္ကိုႀကီးအားထိုပုံစံနဲ႔မျမင္ဖူးတာေၾကာင့္ေခတၱမွ်ေငးေမာမိသြားတာအမွန္ပင္။
ဒါကိုကိုႀကီးကသတိထားမိၿပီး
''ဟိတ္ ဘာၾကည့္ေနတာလဲ''
''ဟင္ အာ ဘာ ဘာမွမဟုတ္ပါဘူး''
''ဘာစားခဲ့ၾကၿပီးၿပီလဲ''
''ၾကက္ေၾကာ္နဲ႔ကိုလာစားခဲ့တယ္ ၿပီးေတာ့ဟမ္ဘာဂါေရာ''
''ဪ ဘာစားခ်င္ၾကေသးလဲ''
''ဟင့္အင္း ညီမေလးကေတာ့ေတာ္ၿပီ ေငြ႕ရည္နင္ေရာ''
''ငါလည္းေတာ္ၿပီ''
''အဲဒါဆိုညီမေလးတို႔ျပန္ေတာ့မယ္ကိုကို လမ္းႀကဳံလို႔သာခဏဝင္လာတာ''
''အင္းဟုတ္ၿပီ ဂ႐ုတစိုက္ျပန္ၾက ဒီေန႔ကိုကိုအိမ္ျပန္ေနာက္က်ခ်င္က်မွာ''
''ဟုတ္ကိုကို ညီမေလးၿခံတံခါးေသာ့ဖြင့္ထားေပးမယ္ေနာ္''
''အင္း''
''လာေငြ႕ရည္ ျပန္ရေအာင္''
''ေအး တာ့တာကိုႀကီး''
''အင္း''
သူမတို႔မရွိေတာ့ဘူးဆိုမွသူလည္းစားဖိုေဆာင္သို႔ျပန္လာခဲ့လိုက္၏။
သူစားဖိုေဆာင္ထဲေရာက္ေတာ့
''ေကာင္မေလးကျဖဴဥေနပါေရာ တစ္ကယ္ျဖဴလုံးလုံးေလး အ႐ုပ္ကေလးက်လို႔ပဲ ဘယ္ေကာင္မ်ားကံေကာင္းဦးမလဲမသိဘူး''
''ဟုတ္ပါ့ အဲ့ကံေကာင္းမယ့္သူကငါျဖစ္ရင္အရမ္းေကာင္းမွာပဲ''
''ဆုေတာင္းေလ''
သူ႔လက္ေအာက္ငယ္သားႏွစ္ေယာက္ေဖာက္သည္ခ်သမွ်ကိုက်န္တဲ့သူေတြကစိတ္ဝင္တစားနားေထာင္ေနၾကေလ၏။
''မင္းတို႔ကလာေခ်ာင္းေနၾကတယ္ေပါ့''
သူ႔အသံၾကားေတာ့အကုန္လုံးကလွည့္ၾကည့္လာၾကၿပီးမွ
''ဆ ဆရာ''
''မင္းတို႔ကဘာကိစၥသူ႔အေၾကာင္းကိုအဲေလာက္ေျပာေနရတာလဲ''
''ဆရာ ကြၽန္ေတာ္တို႔ကဆရာ့ညီမအေၾကာင္းေျပာတာမဟုတ္ပါဘူး ဆရာ့ညီမနဲ႔ပါလာတဲ့ျဖဴလုံးလုံးေလးအေၾကာင္းကိုေျပာတာပါ''
''ေအး အဲ့ဒါကိုေျပာေနတာပဲေလ''
သူကတစ္ခုခုကိုသေဘာေပါက္သြားဟန္နဲ႔
''ဪ အဲဒါကဆရာ့ဟာေလးလား''
သူခါးႀကီးေထာက္ၿပီးစိုက္ၾကည့္လိုက္ေတာ့ထိုငနဲကမဆိုင္တဲ့သူေတြအား
''မင္းတို႔ေကာင္ေတြေတာ့ ဆရာ့ေကာင္မေလးကိုမွသြားဖြန္ေၾကာင္ရလား သြားသြား လုပ္စရာရွိတာသြားလုပ္ေတာ့''
''မင္းပဲအစအဆုံးေျပာေနတာေလ ငါတို႔ကဘယ္နားဖြန္ေၾကာင္လို႔လဲ ျမင္ေတာင္မျမင္လိုက္ရတာကို''
''ေအးေလ''
''သြားၾကစမ္းပါကြာ''
သဝဏ္မ်က္ေမွာင္ႀကီးက်ဳံ႕ရင္းခုံမွာဝင္ထိုင္လိုက္၏။
သူ႔တပည့္ေတြကသူမကိုစိတ္ဝင္စားလို႔မဟုတ္ပဲဒီအတိုင္းေျပာၾကမွန္းသိတာေတာင္သူမခံခ်င္ေပ။
အကယ္၍သူမကိုမ်ားတစ္ေယာက္ေယာက္ကမ်က္စိက်ၿပီးပိုးပန္းလာရင္ေရာ...
ထိုအေတြးကသူ႔စိတ္အားအေတာ္ေလးညစ္ညဴးသြားေစ၏။
ၿပီးေတာ့တစ္ဆက္တည္းဆိုသလိုစၾကၤာကသူမကိုရင္ခုန္တယ္လို႔ေျပာဖူးတာကိုအမွတ္ရသြားၿပီးစိတ္ထဲထင့္သြားရသည္။
''မင္းစိတ္ကိုကိုႀကီးေဖာက္ထြင္းျမင္ႏိုင္ရင္သိပ္ေကာင္းမွာပဲေငြ႕ရည္ မင္းထက္ဆယ္ႏွစ္ေလာက္ႀကီးတဲ့ကိုႀကီးကဘယ္လိုပုံစံမ်ိဳးနဲ႔မင္းေရွ႕ေရာက္လာရမွာလဲ''
🌺🌺
သူအိမ္ျပန္ေရာက္ေတာ့ညဆယ္နာရီပင္ခြဲေနၿပီပင္။
သူအိမ္ထဲေရာက္ေရာက္ခ်င္းမွာေငြ႕ရည္ကဧည့္ခန္းထဲကၾကမ္းျပင္မွာထိုင္၍ဖုန္းၾကည့္ကာတစ္ခုခုကိုသေဘာတက်ရယ္ေနတာေၾကာင့္သူဧည့္ခန္းထဲသြားလိုက္ၿပီး
''မအိပ္ေသးဘူးလား''
''ဟာ ကိုႀကီးျပန္လာၿပီ''
ေငြ႕ရည္ကထိုင္ရာမွထ၍
''အရမ္းေနာက္က်တာပဲ''
''အင္း ေန႔လည္ကတည္းကေနာက္က်မယ္ေျပာသားပဲ ေငြ႕ရည္ကေရာ မအိပ္ေသးပဲဘာလုပ္ေနတာလဲ''
''ကိုႀကီးကိုေစာင့္ေနတာေလ ခြင့္ရမရသိခ်င္လို႔''
''မနက္မွေမးလည္းရရဲ႕သားနဲ႔ကို''
''အရမ္းသိခ်င္လြန္းလို႔အိပ္လို႔လည္းမရပါဘူး ခြင့္ရခဲ့လားဟင္''
''အင္း သုံးရက္ရခဲ့တယ္''
''ဟီးး ေတာ္ပါေသးရဲ႕ ေငြ႕ရည္ကခြင့္မရမွာစိုးေနတာ''
''အင္း ကဲ သိခ်င္တာသိၿပီဆိုေတာ့သြားအိပ္ေတာ့ေလ''
''ဟုတ္''
ေငြ႕ရည္ကဖုန္းကိုယူ၍သူ႔ေရွ႕ကထြက္သြားမလိုလုပ္တုန္းကိုယ့္ေျခေထာက္နဲ႔ကိုယ္ခလုတ္တိုက္ကာေရွ႕ကိုလဲက်မလိုျဖစ္သြားတာေၾကာင့္ကိုႀကီးကသူမခါးေလးအားအမိအရလွမ္းဖက္လိုက္တာေၾကာင့္ေငြ႕ရည္မွာကံေကာင္းသြားရသည္။
မဟုတ္ရင္ေရွ႕သြားက်ိဳးမလားေမးကြဲမလားမသိ။
ေငြ႕ရည္ကိုယ့္ကိုယ္ကိုသတိထားမိခ်ိန္မွာကိုႀကီးကသူမကိုယ္ေလးအားတင္းၾကပ္စြာေပြ႕ဖက္ထားတာေၾကာင့္ေငြ႕ရည္မသိမသာ႐ုန္းရင္း
''ကိုႀကီး လႊတ္ေတာ့ေလ''
ကိုႀကီးကသူမမ်က္ႏွာအားစိုက္ၾကည့္လာၿပီး
''ေငြ႕ရည္ ေငြ႕ရည္မွာခ်စ္ရမယ့္သူရွိၿပီလား''
''ဟင့္အင္း''
''ဒါဆို ေငြ႕ရည္ဘယ္လိုလူမ်ိဳးကိုေငြ႕ရည္ႏွလုံးသားကိုေပးမွာလဲ''
''ေငြ႕ရည္ကိုအမ်ားႀကီးခ်စ္ေပးၿပီးေငြ႕ရည္ကလည္းျပန္ခ်စ္မယ့္သူမ်ိဳးေပါ့ ေငြ႕ရည္ကိုကေလးလိုအလိုလိုက္ၿပီးဆိုးသမွ်သည္းခံေပးမယ့္သူမ်ိဳးေပါ့''
ေျပာၿပီးသူမကေခါင္းေလးအသာငုံ႔သြားတာေၾကာင့္သူေမးဖ်ားကေနဆြဲေမာ့ကာ
''အဲလိုအခ်က္ေတြကအသက္ႀကီးတဲ့သူေတြဆီမွာပိုေတြ႕ရတတ္တယ္ ဥပမာ ကိုႀကီးလိုလူမ်ိဳးေလ''
''ကိုႀကီးေနာ္ ဘာေတြေျပာေနတာလဲ''
သူမပါးအို႔ေလးႏွစ္ဖက္ကပန္းေသြးေရာင္ေလးရဲတက္လာၿပီးသူ႔လက္ကေနအတင္း႐ုန္းဖို႔ႀကိဳးစားေနတာေၾကာင့္သဝဏ္သူမခါးေလးအားပိုတိုးကာဖက္လိုက္ၿပီး
''ကိုႀကီးကဥပမာေျပာတာကိုဘာလို႔အဲေလာက္ရွက္ေနတာလဲ''
''ဘယ္မွာရွက္လို႔လဲ''
သဝဏ္သူမနားနားေလးကပ္ကာ
''ရင္ခုန္သံေတြကေတာ့အရမ္းျမန္ေနတယ္ေနာ္''
ေျပာၿပီးသူမနားဖ်ားေလးကိုနမ္းလိုက္တာေၾကာင့္ေငြ႕ရည္မွာကိုယ္ေလးတြန္႔သြားရၿပီးၾကက္သီးေလးေတြပါထသြားရေလ၏။
''အို ကိုႀကီး အဲဒါဘာလုပ္တာလဲ''
ကိုႀကီးကဘာမွမေျပာပဲသူမမ်က္ႏွာေလးအားစိုက္ၾကည့္ကာ
''ေနာက္တစ္ခါကိုႀကီးအလုပ္လုပ္ေနတဲ့ဆီမလာနဲ႔ ဟိုတယ္ကလူေတြကေငြ႕ရည္ကိုလိုက္ၾကည့္ၿပီးမ်က္စိအရသာပါးစပ္အရသာခံေနၾကမ်ိဳးကိုႀကီးမလိုခ်င္ဘူး''
''ဘယ္သူေတြဘာေျပာလို႔လဲ''
''ေငြ႕ရည္ကအ႐ုပ္ေလးနဲ႔တူၿပီးျဖဴလုံးလုံးေလးတဲ့''
''အဲဒါခ်ီးမြမ္းတာေလ ဒီေလာက္နားဝင္ခ်ိဳေနတာကို''
''ေငြ႕ရည္ကိုခ်ီးမြမ္းတာ ေငြ႕ရည္ကိုဘယ္ေလာက္လွေၾကာင္းေျပာတာေတြကိုနားေထာင္ခ်င္ရင္ကိုႀကီးေန႔တိုင္းေျပာေပးမွာေပါ့ ကိုႀကီးတစ္ေယာက္တည္းဆီကၾကားရရင္လုံေလာက္တယ္မလား အဲဒါဆိုအဲ့တာဝန္ကိုကိုႀကီးယူေပးမယ္ေလ တစ္ျခားဘယ္သူ႔ဆီကမွနားမေထာင္နဲ႔ ကိုႀကီးတစ္ေယာက္ပဲခ်ီးမြမ္းမယ္ ျဖစ္တယ္မလား''
ေငြ႕ရည္ကေနရခက္ေနဟန္ျဖင့္
''ကိုႀကီးဘာျဖစ္ေနတာလဲ ကိုႀကီးစကားေတြကထူးဆန္းလိုက္တာ ေငြ႕ရည္မေနတတ္ေတာ့ဘူး''
''အဲဒါဆိုေခါင္းတစ္ခ်က္ပဲညိတ္ျပလိုက္ေလ''
ေငြ႕ရည္မွာညႇိဳ႕ဓာတ္အျပည့္ပါေသာကိုႀကီးမ်က္ဝန္းေတြေအာက္မွာရင္ေတြတလွပ္လွပ္ခုန္ကာလႈိက္ဖိုလာရ၏။
ကိုႀကီးရဲ႕အၾကည့္ေတြကသူမႏႈတ္ခမ္းထံကူးေျပာင္းသြားခ်ိန္မွာေငြ႕ရည္တစ္ကယ္ေနလို႔မတတ္ေတာ့ေပ။
တျဖည္းျဖည္းနဲ႔ကိုႀကီးကသူမႏႈတ္ခမ္းထံငုံ႔က်လာတာေၾကာင့္ေငြ႕ရည္ေခါင္းေလးကိုေနာက္ဆုတ္ရင္း
''ကိုႀကီး ဘာ ဘာလုပ္မလို႔လဲဟင္''
ကိုႀကီးကဘာမွျပန္မေျပာပဲသူလိုရာဆီေရာက္ဖို႔သာဦးတည္လာေနေလ၏။
''ကိုႀကီး မလုပ္နဲ႔ေနာ္ ေငြ႕ရည္ရွက္တယ္''
''.....''
''ကိုႀကီး''
ကိုႀကီးကသူမေခါင္းေလးအားထိန္းကိုင္လိုက္ေတာ့ေငြ႕ရည္မွာ႐ုန္းလို႔မရေတာ့ပဲကိုႀကီးနဲ႔ႏႈတ္ခမ္းခ်င္းထိလုနီးပါးျဖစ္သြားရေလေတာ့သည္။
''ကိုႀကီး''
ထိုအခိုက္...
''ကိုကိုျပန္...လာ...''
ထိုျမင္ကြင္းကိုျမင္ၿပီးအိမ့္မႉးမွာေျပာခ်င္တဲ့စကားေတာင္ေမ့သြားရသည္။
''ၿပီလား အဲ...''
''သြားၿပီ ဖ်က္မိၿပီ''
သူမအံႀကိတ္ကာတီးတိုးေရ႐ြတ္ေနတုန္းေငြ႕ရည္ကကိုကို႔ထံမွ႐ုန္း၍မ်က္ႏွာကိုလက္နဲ႔အုပ္ကာအိမ္ေပၚသို႔ေျပးတက္သြားေတာ့သည္။
ကိုကိုသည္လည္းသူမကမေက်မခ်မ္းၾကည့္၍အိမ္ေပၚသို႔ခပ္ေဆာင့္ေဆာင့္တက္သြား၍အိမ့္မႉးမွာအသံပင္မထြက္ရဲပဲေနရာမွာတင္ကုပ္ကုပ္ေလးက်န္ခဲ့ရ၏။
''ဒါလည္းတစ္ခုမွမဟုတ္ျပန္ဘူးလား ငါဘာလို႔အသံေပးမိသြားတာလဲ မဟုတ္ရင္ကိုကိုကငါ့ကိုအဖ်က္သမားဆိုတဲ့အၾကည့္ႀကီးနဲ႔ၾကည့္မွာမဟုတ္ဘူး သူအရမ္းႀကိဳးစားထားရမွာကိုငါဖ်က္မိၿပီ ဒါပါနဲ႔ဆိုငါဖ်က္မိတာႏွစ္ခါေတာင္မွ ငါဝဋ္လည္မွာေတာ့မဟုတ္ပါဘူးေနာ္''
အိမ့္မႉးငိုမဲ့မဲ့နဲ႔တီးတိုးေရ႐ြတ္ရင္းအိမ္ေပၚျပန္တက္မလိုလုပ္ၿပီးမွ
''ဪ ငါမုန္႔လာစားတာကို ကေယာင္ေျခာက္ျခားေတြျဖစ္ကုန္ပါၿပီ''
သူမခ်က္ခ်င္းပဲမီးဖိုခန္းဆီဦးတည္လိုက္၏။
ဒီပုံစံတိုင္းဆိုမၾကာခင္သတင္းထူးတစ္ခုၾကားရေတာ့မယ္လို႔ေတြးရင္းဒီရက္ပိုင္းအတြင္းသူမပတ္ဝန္းက်င္ကိုအၿမဲသတိမူေနရေတာ့မည္ဟုဆုံးျဖတ္လိုက္သည္။
တတိယအႀကိမ္သာဆိုကိုကိုကသူမကိုထုေထာင္းေတာ့မွာျမင္ေယာင္ေနလို႔ပင္။
🌺🌺