دخيلة الشيخ زين العابدين
بقلم اوتار حزينة
البارت التاسع والاربعون
_____________&_____________
فزاع
تفاجأت وعگبت ليوره من اجاني كف من ريمه
سرت بسرعه وهي تبجي وتشهك مادرت روحي
ولا دحكت عليها مااعرف وش صار بيه
ولا عرفت انا ليش هيج تصرفت وعيت لنفسي
وره وين لميت ايدي بقوه وصحت بصوت
مكتوم
وولك هااي شسوويت يااامصخم وشلون
كدرت هيج تسوي شلون يااافزاع تخون عمك حميد
وتسوي بنتو هيج
ضرب الارض بقوه وعكبت للسياره اردد
راح ادكول لابوها وباااعين راح اوجه وشراح
اكلو
وكفت يم سيارتي دحكت لها وصلت دارهم
ودشت
يااربي شجااني وهيج تصرفت ومع من مع بنت
عم حميد اخت حرمتو للزين الي مامن بيه
على عرضهم وحاسبيني
ولد لهم
سكتت انهد من غضبي كملت باعصاب
خرررب بيج انتي وزيتني على هالسالفه
من وره لسانج الطويل وجسارتج عليه ماظل
عقل براسي انتي خليتني احبج
وو
سكتت من عيوني راحت للمجان الي حبيتها
بي
ضرب السياره بوكس صعدت شغلت
وطلعت بسرعه رحت للنقطه وانا اكول هساع
عم حميد عرف وراح اسمع منو
كلام يوجع
ريمه
دشيت دار اهلي ابجي ومنكعه ومقهوره من وره
السواه هذا الردي ،،،امي شافتني
بالصاله فزت وصاحت
خير ولج عش تبجين
على صوتها خواتي طلعن من الغرفه اجني
ليمنا كعدت لان بعد مابيه حيل اوكف
يولي شبيج عش تبجين وليش منكعه
هدومج
امي سالت بخوف وقلق دحكت لها ردت
اكول على الي عمله فزاع ماكدرت اتكلم خجلت
منها ومن ربي شهكت بالبجي
وغطيت وجهي بايدي
ووج مااتتكلمين مو گلبي راح يوكف صاير
شي لج احد وياج
هزيت راسي بلاااا
عجل عش تبجين وحالج حال
وكعت وتاذيت
بس هالجلمتين طلعت من حلكي كمت ورحت بسرعه للغرفه اخذت هدوم اجني
ورايه هم سالتني
يولي وضعج مو مال بس واكعه احجي
تكلمي صاير شي لج
ماكو شي يمه كتلج وكعت بالشاخه وتاذيت
رديت وانا ماادحك لها سريت للحمام
دشيت وختلت هناك فتحت الدوش وكعدت
ابجي اردد
عاار حسبي الله عليك وعلى السويتوو
بيه ناكر العشره والزاد وطلعت واحد
ردي ومالك امان
دموعي تحدر بحرگه وشهكه ترست صدري ماتوقعت ابد منو هالعمله الكل يحمد به ويحمدون
باخلاقو وهو بحسبه اخ لزين مأمن بي
علينا ودائما نروح ونجي
ويا
لجن بين معدنو من صرت وحدي معه وشفت
منو العمل الردي الي خلاني طول ايام
بس صافنه ودمعتي بعيوني
امي ظلت تسال بيه من شافتني
مو على بعضي ومااكل مثل الاول
ارد مابيه شي
هيله اجتي من عرفت بيه مالي خلك كعدت
يمي بغرفتنا انا والبنات وسالتني
هيله
سمعت من امي ريمه مو على بعضها وكالت
وكعت وكت صفره بالشاخه وخاف صار لها شي
كلت للزين اريد اروح لهم واخذني
كالت تغدي واجي بليل
نتعشه ونعكب
البنات كلهن اجني سلمن الا هي مااجت
ولا شفت خلقتها خليت شعلان
يم امي الكالت
روحي لها وشوفي وش بها والله خايفه
لا تعارض لها شي بهل المغربيه
ماقريتو لها يمه
ابوج رقاها وكال مابها شي يجوز هبطت
ان شاء الله مابها شي هساع اروح واشوف
وش بها
رحت للغرفه دشيت لكيتها جالسه على الجربايه
خاله راسها بين رجليها حست بي
رفعتو ودحكت لي
كامت بوجهي حبيتها وكلت بزعل
هيج ياريمه ماتجين تسلمين عليه
ولا على زين
ردت بصوت مخنوك
اعذريني ياخيه مالي خلك
رجعت جلست ماادحك لي سالت
يولي شبيج امي ادكول صارلج جم يوم
مو على بعضج وماتاكلين مثل الاول
سكتت ماردت جلست حدها
وكملت
ريمه تكلمي صاير شي لج كولي ياخيه
انا خيتج وشايله همج واريد اعرف وش
بلاج وعش هيج صايره
كامت تبجي بشهكه كلت بخوف
وقلق
يولي ماتحجين تره هوجست بالشر
فزااع ياخيه
ردت بغصه
شبي فزاع عامل شي لج
شهكت وكملت بصوت مخنوك
الردي حبني غصب ياهيله
فكيت عيوني من سمعت الكالتو كمت بسرعه
سديت باب الغرفه وعكبت لها
كلت بغضب
وووج صدك تحجين فزاع ولد عم الشيخ
هو ماغيرو
اي هو
صفنت بذهول عليها كملت بعصبيه
شلون صاار هالشي وشلون يسوي هيج
تخبل هذااا شلون يمد ايدو عليج
ويحبج غصب
زادت بالبجي جلست حدها كلت
شوكت صارت هالسالفه
قبل يومين
حجتلي الصار وانا صافنه رددت
وج عقلي ماجاي يصدك فزاع هيج يسوي
الولد شايل اخلاق وادب والكل يحمد
به
طلع ردي يااهيله بين معدنو من صرت
وحدي معه
مدري عقلي ماجاي يتقبل هو سوه هالشي
والله سوه هالشي ياهيله انا ماجاي
اتبلى علي
يولي انا ماجاي اجذبج بس عقلي ماجاي
يستوعب هو حبج غصب الولد
ورده مال الله وخلقه
واخلاق شلون تصرف هيج شنو
الي وازه على هاي العمله
بجت وضمت وجهها بين رجليها سالت
جسرتي علي يولي
عجل شتريدين ياهيله يسوي هيج
ومااجسر علي
عكدت حواجبي من ردت عليه بعصبيه
حست على روحها نزلت راسها
سالت بهدؤ
قبلها ياريمه صاير شي بينكم
سكتت ماردت هزيت راسي وكملت
صاير وبينكم عداوه مو
حجتلي الصار بدارنا باربيل اسمع
واهز براسي كملت مسحت
دموعها كلت
يولي هذا نفس طبع الزين ماينسى الغلط
ولا ينام على ثارو وانتي جافصه
بطنو جثير الما طگت
عندو وسوه السواه
عش اشوفج طابگه معه وتبررين له كاعد
اكلج حبني غصب سوه شي
يغضب الله وخلاني اشيل
ذنب معه
انا مو طابگه معه،،،،، ولا راضيه بالسواه وراح
اتكلم ويا وارزلو لجن انتي هم غلطتي ياخيه
الولد طامس بالطين والمي صعد
علي ويريد يغرك
ويروح وانتي تجسرين علي مايجوز
يولي ولدنا دمهم حامي ومايقبلون حرمه
تجسر عليهم
يستاهل اجسر علي لان طلع واحد ردي
وعار ولو ما خجلي من ابويه الا اروح اكلو
واخلي يطيح حظو لهل ناكر الزاد
والملح
لاتحجين ولا تتكلمين انا اخذلج حگج منو
وارزلو مااريد احد يعرف بهل السالفه وخصوصا
ابويه وزين العندي تعرفي مخبل يعلكها
على راس فزاع وماتفض
الا وصاير خراب
بينهم
سكتت كملت بهدؤ وغيرت الموضوع
كومي غسلي وجهج حتى تشوفين
شعلان مو كلتي مشتاكه الو
مسحت دموعها وهزت راسها كمت وهي
وياي راحت للحمام غسلت واجت للصاله جنت
كاعده يم امي تسال بيه عنها
طمنتها مابها شي
كعدت يمنا وخلت ابني بحظنها خواتي حدها
وميتات بس يريدن يگضبنه
امي سالت
شلون الحمل وياج
هم مثل شعلان هم ابرد واذب من راسي
كل مشوار
هم ولد باذن الله
اي جده هم كالت هيج ومن سمعت عمه
وعمي والزين فرحو جثير
يارب يجيج ولد اللخ ويفرح گلبج
انتي والزين واهلو
امين يمه
ابويه دش هش وبش بوجهي من
شافني انا وابني
هلا يبعد ابوج هلا بالشيخ الصغير
راح له وعافني ابتسمت لامي ودحكت
له بزعل كلت
هاي شنو مله عفت بنتك ورحت لحفيدك
ههه
ضحك واجه ليمي شايل ولدي حبني من
راسي ورد
ماسامعه مااعز من الولد غير ولد الولد
ابتسمت له وكلت
اي سامعه
جلس شعلان بحظنو صافن علي ومبتسم امي
كالت
يشبه خويك
اي يشبه جدو لجن شعرو مثل هيله ليل
يابه خلي بحظني والله من اجه ولحد
هساع ماخليتو به
اجلسي بالكاع وانا يمج
ساريه جلست ابويه حدها خلاه بحظنها
صافن عليها ويناغي
اوي فدوه شوفو الشبر ونص صاير
يتكلم
هههه
الكل خرب ضحك على لقب زين ادحك
لريمه شويه فكت ابتسمت وكامت وي هاله
يحضرن الغده ابويه سال
وينو ابو شعلان ماظل على الغده
لا يابه كال اجي بليل اتعشه ونعكب سوه
ها هلا بي
جلست كدامو اشوفو صافن لابني
وفرحان بي سال
انتي شلونج يابه وشلون وضعج
بخير يابه لاتشيل همي
الحمد لله والشكر عمتج والوارج شلونهم
بخير ويسلمون عليكم كلكم
وعليكم السلام والرحمه
تغديت وي اهلي وتعشيت من اجه الزين
عكبنا ولدي نايم بحظني سال
خير يولي اشوفج ساكته ماكو سوالف حلوه
ولا تكلمتي عن يومج يم اهلج
درت وجهي علي فزاع براسي والسواه
اكله شلون اعرفو مخبل وخاف يسوي شي
نندم كلنا علي بعدين
عكد حواجبو سال
خير ،،، صاير شي مكدر حالج
ها لاااا بس هيج تعرف مثل كل يوم
ابرد واظل اذب من راسي يعني تعبانه هذا
البيه
اكيد هيله
اي يازين
غيرت الموضوع
عمي عكب من بغداد
اي عكب العصر وظل يدور على ابو الشوش
يازين بطل القاب والله ساريه
وريهام مايكولن اسمو لشعلان كلو الشبر
ونص وابو الشوش والنوب شيخ شوشو
ههههه مشت علي شيخ شوش
تحارش بي من گرصو من خدو
اهوو عوفو نايم بس يكعد يفك حلكو
وجيب اليسكتو
كفخه زينه تصطرو وتخلي ينام
ههه بيك خير اكفخو جدام عمه وعمي وجده
وشوف شراح يعملون بك
هههه وكت تتحزمين بامي
سكتت ودحكت له بزعل درت وجهي
منو ضحك وكمل
يولي اشاقه وياج
اليسمعك يكول جنت اربعه وعشرين ساعه
مجاتله وياها
هههه،،، هي اجتالج مو انتي
مااعليك انت ماجيت وشكيت لك
زين العابدين
سكتت مبتسم ادحك لها ضاجت من
كلامي كلت خلي اضوجها بعد اكثر كلت
يولي
هاا يازين وش تريد
زعلتي
لااا
لا والله زعلتي
مو زعلانه ياازين
عش عجل ماادحكين لي
مااريد
عجل زعلتي
ماردت
دغيتها وكملت بضحك
ااحاجيج يبنت العرب
مااسمع وكافي عاد تره روحي وصلت
لخشمي
لو للشفه احلى حتى احبها
استغفر الله ياربي
هههه كاعده وي شيطان وتستغفرين
تره دمك مو حلو اسكت عاد ووصلنا
لدارنا وانت ساكت
والله مااكدر اريد ادهارج واضوجج
اييي ضوج وانا اعرف شلون اضوجك يازين
ردت علي بخبث خربت ضحك وعرفت
وش تقصد كلت
راح اصير خوش ولد بس لاااتجافيني بليل
وتخلين هالشبر ونص بينا
اي عرفت موو عجل اسكت وبطل ملحه
اعلمج يولي بس اصل الا اكص لسانج وازتو
ووين
سالت رافعه حواجبها ضحكت ورديت
ازتو بگلبي
ابتسمت غمزت لها كلت
لسانج هذا اموت علي هههه ياما چواني وخلاني
اسكت وانا غادي نار
هيله
صفنت علي من تكلم هالكلام تذكرت
الماضي كلت
تذكر يازين عراكاتنا
ههه مو ناسيه ولا عركه من انتي صغيره
ولحد مااخذتج
ابتسمت وصلنا ودشينا سوه للمطبخ
هاجر به كاعده تصب جاي شافتني عافت
كلشي واجت بسرعه اخذت
شعلان من ايدي
كالت مختصر
هلا هيله
ههه هلا هاجر
اخذتو تحب بي ومشت للصاله سمعت عمي
كال
هلا يابه هلا نور بيتي هساع
ابتسمت لزين اشر لي وكال
هههه عبالك حنا بعد مالنا لزوم يمهم
دشينا سلمت عليهم كعدت يم جده سالو على
اهلي وكتلهم بخير ويسلمون عليكم
عفت شعلان يمهم وصعدت لغرفتي اريد
ابدل زين ورايه ذبيت البشت
والشال
سريت زين گضبني وحظني لصدرو
حبني من رگبتي وشمني بنفس طويل ابتسمت
وكلت
ابنك جوه خاف يكعد وو
ماخلاني اكمل دارني علي وحبني من شفتي
طول وخلاني ادوخ بي وخر
وهمس
التهي بيه انا وعوفج من ابو الشوش
ضحكت رديت ليوره گضبني من خصري
ابتسم وكمل
مشتاك يولي
گربت منو حبيتو من خدو وهمست
يم اذنو
حنا اثنين والشوك ثالثنا
بس كلت هيج شوفني شوكه وحبو اليه
ثاني يوم ردت اشوف فزاع حتى اتكلم
معه بس شلون ماعرفت كلت اكول لجده هي
تصرف لجن ماصار وكت اكول لها
لان اجني البنات والتهينا
بهن
العصر طلعت اودي الاكل للدجاج يم
دار اهلي الكعدنا بها اول مااجيت دخيله
عبد الله اجه وكعد بالحديقه
وبنات رهيفه وامنه هم
اجني يلعبن
بالمرجوحه
عگبت شفت فزاع اجه ومعه الزين ولد الهنوف
من شافني تغيرت ملامحه وسلم
كوه زين صاحو اخو وراحو لمربط الخيل
سريت له كلت
اريدك بسالفه يااخويه
اكدت على جلمه خويه انتبهت له غمض
عيونو بقوه وذب حسره تكلم
بغصه من فتح
ياخيه والله غلطان ومااعرف شلون صار
هالشي
سكتت من اعتذر كمل بتوسل
السموحه منج ومن اختج اعرف انا غلطت
بحگها جثير وماكو جلمه اكدر اكولها
غير اسف واعتذر والي
صار امسحي بيه
كولي حزه شيطان وهو الي خلاني
اسوي السويتو
يافزاع انت تعرف من حنا وبنات منو والصار
جبير بحكنا وبحك عمك والزين
اعرف والله اعرف وجاي اتعذب من وره
الصار بالقران وحك الله من سويت السويتو
وانا جاي اتعذب حتى النوم جافني
وكرهت روحي لان سويت
شي يغضب ربي
ووي منو وي
بنت عم حميد الي احبو جثير
وحاسبو عم لي
مارديت سكتت هو هم سكت كلت وره
لحظه
اختي عكب الصار صارت فد مره
دحك لي بقلق عكدت حواجبي من شفت
ملامح وجهو تغيرت للخوف كملت
وانا اريد اعرف شي
الي اريدو منك بعد مااتكرب منها ولا
تشوفها خلقتك ريمه ماتطيك شوفتك يافزاع
وهذا الشي انت تعرفو وخابرو
الوجه انطعن وغده دم دار وجهو مني
كلت بگلبي
الهوجست به قبل لحظه طلع صدك فزاع
يحب ريمه لجن هي تكرهو
دحك لي هز راسو وكال
عز الله بعد مااشوفها خلقتي ولا اكرب
لها
سكتت من شفت رهيفه طلعت من باب
الدار الوره حدرت علينا ادحك لنا تحجي
بجهازها ماجنا وحدنا بنتها وبنت امنه مسافه عنا عكدت حواجبي من شفت حمد اجه من البستان
يتكلم هم بجهازو
فزاع ترخص وراح هي اجت ليمي سدت
الخط وسالت
خير شعندج واكفه وي فزاع
ماعندي شي الولد سلم وراح
ذاك الردي گرب سلم
الله يساعدهم
رديت طبيعي
هلاا
تعال ياحمد وصيح الحرس وياك حتى
يشيلون معك المرجوحه الجابها ابويه
للولد
سريت من يمهم احس به يدحك لي بنظراتو
الوصخه دشيت للدار ورحت للمطبخ
غسلت جم شغله عمه
اجت وكالت
الهنوف ادكول بعد لاترضعين شعلان مو زين
عليج لان حامل خاف يضر الجاهل
مدري هم كالت لي من اروح اسال الدكتوره
اي اساليها وشوفي شدكول
صعب
اكثر من مرة شفت هاجر اخت زين جانت تجي
لدار اختها والمحها،،،،، ظلت بالي ووي
الوكت حبيتها من بعيد وكلت اتكلم مع عبد
العزيز واشور بخطبتي لها الرجال
رحب بهل الشي
وفرح لي
عبالي من راح اتكلم مع الزين بهل الشي
واطلبها منو راح يوافق بسرعه ويفرح لي لان
راح اخذ اختو واصير من اهلو بليل رحت له كعدنا بالحديقه مال دارهم ترددت بالكلام
حس بيه سال
ها يول شبيك عبالك بحلكك كلام
هااا اي بس والله مااعرف شلون ابدي
ههه اليسمعك يكول جاي تخطب اختي
هو هذا يازين
رديت بسرعه صفن عليه وعكد حواجبو
دار وجهو مني گلبي هبط من رده فعلو سالت
بخوف
يازين عش تغير وجهك شبيك اليشوفك
يكول انت مو راضي
دار راسو عليه عاكد الحواجب وضايج
رد
اي انا مو راضي ياصعب
دحكت له بذهول ورديت
لييش ،،،، انا رفيجك وتعرفني كلش
زين عش ماتريد تنطيني اختك
اي لان اعرفك وش انت انا مااكدر انطيك اختي
صفنت علي بقهر كمل
انت تعرف انت ماجزت من ذاك الدرب وكل
فتره رايح لاربيل و تعرف وين
تروح ووش تعمل هناك
انا اروح وي حمد وتعرف بيه مااكرب للنسوان
واشرب شي قليل
اعرف ياصعب لجن بعدك ما بطلت ولا تبت
وانا ماعندي استعداد انطي اختي
لواحد انا اعرفو هو
شنو
كمت لحيلي مخنوك ومقهور من كلامو كام
وكمل
يول لاتزعل مني هااي اختي الصغيره اذا
انا قبلت ابويه ماراح يقبل
هاهيه زين بس تذكر انت جنت مثلي واسؤ
والله تاب عليك من خذيت ام شعلان
سريت من يمو مقهور وغادي دم
لان رفضني وعيرني بشي هو جان لاهي بي
مثلي انا بالسياره خابرني حمد
مارديت لح فتحت
خط صاح بي
ووينك ولك عش ماترد
بالكبور السود التاخذني
شكووو شبيك شصااير
ماكو شي لاتسال
انت وين
طالع للداري
تعال للمزرعه مالتنا وحدي وضايج
مالي خلك وفك ياخه مني
ولك شصااير ماتحجي
وولك اااخ حمد ردت اخت الزين ورفضني
وعيرني بالجان بي
سكت كال وره لحظه
الكلام مو بالجهاز تعال خل افتهم منك
وش صار
جاايك من لا وصلت
سديت الخط افور واتبده ومقهور كلش
من كلامو للزين عبد العزيز ماتكلم هالكلام
بس نصحني ابطل من كلشي وهو يسعى بزواجي من هاجر وصلت للمزرعه نزلت
تلاكني بره وكال من شاف خلقتي
هدي وفهمني وش صار
مااريد اتكلم بشي
دش جوه اجلس وارتاح وبعدين اذا شاك
لك تكلم
دشيت للمجلس مسويله تعلوله شرب
واكل كعدت مسافه عن الميز صب كاس
جابو اليه اشرت بايدي وكلت
بضوجه
مااريد ياحمد مالي مزاج له
خلاه حدي جلس بصفي وسال
خير يول وش به الزين معك
غمضت عيوني وذبيت حسره كلت
يعيرني بالجان بي
هز راسو وسال
انت ماكلت لي انت رايده بنت عمتي
ماكلت لان جنت متردد لجن من لكت لعبد
العزيز زلمه الهنوف رحب بي وكال
بطل من كلشي وانا اسعى
بها لك
هااا
رد وسكت انداريت علي وكملت بقهر
الزين قهرني جثير ياحمد كلت راح يفرح
انا ردت اخته ماعبالي راح يرفض ويسمعني
هالكلام اليقهر
هذا هو ماتعرفو ماعندو صاحب ابدا جان
المفروض يتكلم معك مثل عبد العزيز ومايجرحك
بالكلام
ماتكلم مثلو وجرحني جرح جبير لان احبو
واعزو كلش اختنگت من كلامو واثر بيه
ياحمد ماتوقعتو منو هالرد قهرني
جثير ولجمني لجمه وجعت
گلبي
شبيك ماكتلو انت هم جنت هيج واخذت
حمد
بلعت اسم هيله وماكدرت انطقه جريت
كاس وشربتو كلو رد بخنكه
كلتو انت هم جنت مثلي وبطلت من اخذت
ام شعلان وطلعت من يمو زعلان
ااي ماراح يهمو زعلك وراح تشوف هو
تعلم يدوس الكل بكلامو ومايهمو غير بس
روحو اعرفو من الصغر واحد اناني
مايحب نفسو والي
يريدو يسوي
صعب
دحكت له من تكلم هالكلام كام وراح
صب له كاس اللخ كمل
داسني وداسك وراح يدوس بعد جثيرين كلشي
عندو السلطه والجاه والمال وعندو
الي رادها گلبي
عكدت حواجبي رديت
شبيك يول عبالك طوخت بالشرب اشوفك
هم رجعت لذيج السالفه القديمه
ومانسيتها
مااانسيت يااخويه وصعب انساها وانا
حبيتها قبلو وانا الجان المفروض
تصير من نصيبي
ياحمد جوز منها البنت حامل بالثاني انساها
لخاطر الله وروح تزوج شوفلك بنت
حلال تلمك وخلف جهال
تره كبرنا ياخوي
وكلها تزوجت وظلينا بس انا وياك
وجه البوم
ااي مو ردت انت تزوج عش ماقبل بيك
عش عيرك بالجان هو بي
سكتت نزلت راسي وذبيت حسره سالتو
انت تقبل تنطيني اختك
ااي اقبل گبع واخذ
يول لاتجذب تره لو صارت صدك
والله لا ابوك ولا اخوتك يقبلون بي
وانت وياهم
شرب كاسه ورد
يول حتى لو قبلنا انت ماراح تسويها لان
اظنك عاشكها لبنت عمتي
سكتت مارديت ضحك جن داخ من الشرب
وكام يخربط غمني وكمل بضحك
غمك الله اي والله ولك راح يطيح حظك
من صدك وتظل مزوهر وتجرع
السم يوم وره يوم
شوف حالي ياصعب شوفني انا كاعد
واشوفها بين عيوني تسري بمهره وتروح
وتجي بنص الزرع شوفني يول اضحك وياك
لجن مذبوح من جوه
شااحجي شااكول اجيت مهموم راح اطلع
بهمي وهمك
هههه امدااك اي والله خرب حظك ولك
كوه انا وياك بوم مايلوك لنا الفرح
بس الو يلوك شيخ
وابن شيخ والكل تريد رضاه
كمت كام يترنح اجه ليمي گضبني وكال
وين مولي ابقى يمي
مالي خلك خليني اسري وانطمر بداري
هههه ولك راح تظل تتخيلها وتتخبل مثلي
يول عش طوخت بالشرب مو راح يصير بك
شي من وراه
صفن علي وجهو غده دم رد بغصه
شيريد يصير اموت خلني اموت بلكي ارتاح
من البيه
وكع وگضبتو رحت وديتو للغرفه الجوه
تمدد يهذي باسم هيله كلت
خرب بيك بس لايجي يوم وتفضح روحك
يم زين وذيج الساعه ماراح تسمع
السمعتو لا يذبحك
ومايرفلو جفن
طلعت من يمو ووصيت الي يشتغل بالمزرعه علي
سريت بسيارتي مهموم من وره رفض
زين اليه
شهم
استقريت بالسلمانيه واجتني بنيه وسميتها
حور التهيت بحياتي وبعائلتي
وكلت يجوز يجي
يوم اتذكر انا من وابن منو واعرف اهلي
والمن ارجع ويجوز اظل هيج مااذكر شي بس
خيال السمره الي يروح ويجي براسي
مرات تجيني حاله اريد
اصيحها باسمها بس
ينعكد لساني ويتربط ويضيع من دماغي الايام
اجت وجابت وياها الي خلاني اعرف
انا من وابن منو
دنيا ليل وبارده ثلج واكف بالاسواق اوجه
بولد يشتغلون بيها ويصفطون بضاعه باجر
سريت للمخزن صحت
ازاد تعال طلع كارتين الجبس
اي
الولد طب وطلع جم كارتون وبده يصفط
بيهن عكبت للميز احذت من الجراره سجل داسجل
جم شغله بالمصروفات عم
وليد دش سلم
الله يساعدك ابو حور
هلا عم جثير الهلا تفضل
كعد وره الميز خليت السجل جدامو وكتلو
هذا الوراد مال الاسبوع ضميتو بالخزنه
مادور وراك يابه امين والنعم من الرباك
تسلم عم
زلم اثنين دشو معكله ولابسين دشاديش وفروه سلمو بدون انتباه وراحو ياخذون جم شغله
من الرفوف
يول ازاد شوف خوالك وش يريدون
واحد اندار عليه دحك لي فك عيونو گرب
عليه تفرس بوجهي جن شايف شبح
تكلم بصوت مخنوك
انت شهم
عكدت حواجبي والاسم مااعرف ليش رن
بعقلي جن سامعو من قبل
ياعوض گرب
شاب بكبري اجه شافني عكد حواجبو
وظل يدحك لي من فوك ليجوه تكلم بذهول
هذا موو شهم ولد العم عايد اخو مله حميد
يابه انتو متوهمين هذا الولد اسمه ثائر
يا عم شكاعد تتكلم انت حنا شنو مانعرف ولدنا
هذا شهم ولد عايد وكالو علي استشهد يم الحدود وجابو جثتو ودفنا بايدنا بديارنا بربيعه
انا مااعرف عن شنو تتكلم
طلع صوتي گوه الرجال الجبير گرب
علي وكال وهو يدحك لي
من فوك ليجوه
يكولون يخلق من الشبه اربعين لجن اللهجه
يابه لهجتنا وكلامك مثل كلامنا وانت
هاا جدامي هو شهم
ولد عايد
الي اسمو عوض ظل يتفرس بملامحي وكال
انت شنو ماتذكر منو انت وابن من
صارت هوسه بعقلي افر براسي عليهم كمل
انت شهم ابن عايد عمك حميد المله
اخوك شكر وغيث وجنتو كاعدين بارض صبر
الي بصف ارض الشيخ صگبان الجان
عمك حميد كاعد بها ويشتغل
بارضو
غمضت عيوني بقوه وراسي كام يدك ومضه
قويه صارت بها وكمت اشوف وجوه ناس
بس مااميزها دخت كعدت عم وليد كال
يابه خاف متوهمين بالولد اعرفه اسمه
ثائر ومزوج وعنده بنيه وهويته شايفها بعيوني
وجان بكركوك وجبته لهنا يشتغل عندي
اثنيهم سكتوا من كال هالكلام دحكت للرجال
الجبير صافن عليه هو والويا كلو
عم والله هوو، بس عبالك فاقد الذاكره
تكلمت بصوت مخنوك
انا مااذكر شي بس ولد اسمو احمد قبل الاحداث
بجم يوم لكاني متصوب ومحترك بجوله اخذني لدارو وكلي لكيتك لابس ملابس عسكريه
محتركه على جلدي ومالكه
اي هويه تدل على اسمي
الي اسمو عوض ضرب كف بكف الجبير
كعد مهذول وكال
عز الله انت هو ولد عايد عجل الدفنو من
واحد من ربعو وتوهمو بي
عم وليد دحك لي بذهول وسال
يعني انت مو اسمك ثائر شلون يابه والهويه
الشايلها بجيبك
ياعم هاي سالفه طويله هساع انا انضربت
براسي يكولون لي انا شهم ولد عايد
وماجاي اتذكر شي
تعال ويانا نوديك لاهلك ولك شراح يصير
بيهم من يعرفون بك طيب والله
محد راح يصدك
بالصار الا يشوفك بعيونهم
اهلي وين
سالت بلهفه ردو عليه
بربيعه اسري معنا باجر من نعكب لهم
وانت تشوف بعينك من انت وابن من
اجي وياك مااعوفه وحده
عم وليد تكلم بخوف الرجال الجبير عم عوض
رد
اي هلا بيك نشيلك فوك راسنا بس هيرو
من وكت حتى نعگب لديرتنا لان هي مسافه
عن ربيعه
اخذو رقمي وطلعو من يمنا عم وليد ظل صافن
عليه ومذهول حجيت له كلشي
وهو يسمع ويهز براسو
اروح وياك واشوف اذا كلامهم طلع صدك
انت لكيت اهلك والحمد لله بس اذا طلعو متوهمين نرجع تمام وليدي
اي عم
من رجعت لداري ماخبرت ريتاج ولا امها كلت
اروح واتاكد يله اتكلم معها بهل الشي
ليان
الحمل مر علي سهل والحمد لله وحلويت بعد
اكثر سويت سونار وطلع بيه ولد
مالك فرح كلش وظل يوصي بيه على روحي
وعلي وره كم شهر نوار جابت ولد وسميناه تيم
طلع يشبه ابويه ويشبهني هم الشعر احمر والعيون خضر
كاعدين يم اهلي بليل مالك يباوع عليه
حجه بضحك
شوفي الابرش كوه يفك عيونه
ههه لاتعيب علي تره احلى منك شوفه طلع النا
مو عليك انت بنسخه مهيدي
ضحك وظل يباوع عليه بوكاحه ونظراته
تهدد لان مايكدر يحجي شي من وره الكاعدين
بابا ووماما ووسيم الفرحان كلش
بابنه
كمت وخليته بحظن مالك نوار اجتي شايله
ممه كال الها
ووج هذا ابنج ابدا ماطلع يشبهنا
ههه اي طلع صاك لعمو وليوونه
اخذته منه وكعدت ترضعه توته تفتر يمها تريد
بس تلزمه وشبعته بوسات
كافي زحف لابني ولج امشي من يمه وروحي
لابوج
وسيم حجه وياها بضحك خزرته وكالت
اله
اانتب
ووج بنت الجلب عييب تجسرين على عمو
ووسيم
مالك صاح بعصبيه كامت تبجي كمت
اباوع عليه بضوجه شلتها من يم نوار كعدت
بيها تشهك كلت
هو هيج مالك ليش تصيح عليها
شتريدين يابه ابوسها من حلكها لان جسرت
على وسيم
طفله ماتفهم علمها بهدؤ
بابا حجه ويا هو خزرها خنست بحظني
ماحبيت الح ويا بالحجي وسيم كام اخذها مني
وكال
اش توته،،، لاتزعلين هذا ابوج اعصابه دومها
مشتعله يرادل انخليها بالثلج
حتى شويه يهدا
مو صوجك يول صوجي لان فزعت الك
ههه محد كلك دافعلي مني لتوته شتريدي تحجي
عليه اني راضي مو ياحلوه
حجه وياها هزت راسها باوعت لمالك
عاكد الحواجب ضمت وجهها منه وختلت بحظن
وسيم
ذبيت حسره وضجت من صياحه عليها كل
ما تسوي شي او تحجي كلمه هو يصير عصبي
عليها ويرزلها ويخليها تبجي
رجعنا للبيت ساكته نيمتها بغرفه سويتها
الها ورتبتها اثاث بنات وديكورات تخبل كعدت
اقره الها قصه تسمع وتضحك
يله خلصت قصه الفراشه والورده
وهسه لازم انام وعيونه تغمض
غمضت عيونها بأيدها ضحكت عليها كلت
مو هيج توته وخري ايدج ماما
وخرتهن كامت حظتني بستها من خدها مالك
اجه وكف بالباب شافته رجعت بسرعه نامت بفراشها وغطت
راسها من شفت تصرفها انقهرت
كلش وباوعت علي بضوجه
اشرت اله يجي
توته لاتخافين من بابا شوفي اجه
حتى يبوسج
وخرت الغطه من وجهها هو اجه مبتسم
كامت شالها وحظنها لصدره باسها من خدها
وباسته هم من خده كال
يله بابا نامي حتى باجر اخذج انتي وماما
للمدينه الالعاب
ااااي
كامت تكمز بحظنه وتبوس بي كال
يله نامي ولاتدفرين الغطه
ااي بابا
ردت علي خلاها بفراشها غطيتها ظلت تبوس
بيه مالك راح ظليت افتر يمها ارتب كم
شغله اباوع عليها
تثاوب حظنت دبها وغطته وياها
كيتي تمددت بركن خاص بيها سويته يمها
لان وحده تعلقت باللخ
من شفتها نامت طلعت
رحت غسلت وجهي وفرشت تاخرت ولهيت
روحي بالشغل اني بالمطبخ
سمعت صوته
ماتجين عاد خلي نام
روح نام اني مو لازمتك
خير ليان صاير شي
درت روحي علي واكف يم باب المطبخ ويباوع
عليه رديت
مالك تصرفاتك وي توته ابدا مو حلوه بس تسوي
شي لو تحجي كلمه غلط ادكوم تصيح عليها
وتحجي كلام يقهرها
يولي ماشفتيها شلون جسرت
على اخوج وكالت له انجب شتدرين يابه
اخليها هيج تجسر على الاوادم ومااحاسبها
حاسب مالك بس بهدؤ مو هيج تغلط عليها
وعلى روحك كدام اهلي هاي بنيه وطفله
ولازم نعاملها بحنيه وبهدؤ نفهمها
هذا الشي غلط ومايصير
تحجي
تقدم عليه ورد بهدؤ
البنيه ماتنطي عين ليان ولازم تشوف شويه
قسوه حتى ماتطلع عينها وادكوم تمشي
بشور راسها
انت غلطان مالك شوف اني بابا دللني
دلال مو صاير ماشفت طلعت عيوني او سويت
شي يي
سكتت من اجتي لارا بين عيوني والسوته
بينا من وره الدلال اجه ليمي
من شافني صفنت عيوني
غوركت وغمضت بقوه
شبيج ليان عش سكتي بيج
دمعتي نزلت مشيت
من يمه ورحت للغرفه لحكني كعدت على الجربايه
ابجي كعد يمي وكال
يولي شبيج ليش كمتي تبجين
لارااا والسوته بينا اجه براسي هذا
البيه مالك
مالك
صارت سالفه لا على البال ولا على الخاطر
وين جنا نحجي وشلون الموضوع تطور للاخت
ليان اشوفها تبجي وتشهك والوجه
غده دم رددت
يولي كافي تبجين شلون يعني نظل هيج كل فتره
ذاكريها ومنغصين علينا حياتنا
ماسكتت مديت ايد اخذتها لحظني
ختلت بي كلت
كافي اسكتي حنا وين جنا نحجي ووين
راحت السوالف
وخرت مني دحكت عليه الدموع تسف
على الخد مسحتها وكملت
راح نظل هيج ليونه تره جاي اتعب من اشوفج
هيج وين حنا جنا نحجي وانتي وين
رحتي
تنهدت بصوت گضبت ايدها كالت
بغصه
مااريد تقسي على توته يوجعني گلبي عليها
من ادكوم تبجي
افهميني يبنت الناس اني احب بنتي وشوفه
عينج مدللها دلال مو صاير بس لازم
واحد منا يشد واللخ يرخي
هالوكت صاير مو زين
والكاعد نسمعو يصير بالبنات يشيب
الراس وخلاني اهوجس واخاف عليج وعليها
من ولد الحرام
كامت تمسح بدموعها ووجهها مگدر
وحزين حتى مادحكت لي ماكدرت
احجي شي وياها لان اعرف
هالموضوع شكثر حساس عدها وبس
ينذكر كلشي يتخربط بيها
تمددت دمعتها بعيونها اخذتها لحظني ختلت
بي بستها من راسها ردت اغير
الموضوع واغير مزاجها
كلت وره ماسكتت
وهدأت
مدري ابني المن راح يطلع يشبهني اني لو انتي
اني اكول شويه مني وشويه منج
شدكولين
تنهدت بحظني رفعت عيونها اليه صفنت بيهن
حجيت مبتسم
يولي لادحكين جثير عليه وتبلعين بركيج
راح يطلع نسخه مني هم اجلح املح والشعرات
جنها شوك گنفذ
ابتسمت وخلت الگلب يدك خلت ايدها
على خدي وكالت
واني اريده يشبهك بكلشي حتى شعرات
القنفذ
لميتها بحظني وكلت
اوف اوف ولج عجل شكثر تحبيني
اي احبك بس عوفني راح اختنك اني
وكيان
وخرت منها سالت
حلو هالاسم كيان مالك
موو بله
اي جان بالي ادم انس لان لقبي
وجهها تغير ذكرت ابن اختها هم اسمه انس
كلت
تره لقبي هذا من زمان بس مااريده تعرفين
ليش
ليش بله
ههه احس كيوت ومو مال زلم خشنه
يعني هاهيه نسمي كيان
اي ليونه عجبني الاسم
حظنتها لصدري ظلت امسح على شعرها رفعت
وجهها وكالت
بس لايطلع مثل شعري
هههه العب ويصيرون اثنين ابو كفشه
بلبيت
عاابت مو انت تموت على ام كفشه
واموت واذوب واخرب عليها للسبرنكات
شوفيهن اجرهن ويرجعن لمجانهن
اليكول سبرنك مال باسكل
ماالك احترم شعري
هههه والله محترمو واموت علي خصوصا
من تكعدين الصبح يااايابه كفشتج
كفشه العبد
بلا تنمر رجاء
اوي عيني مرتي نازوكيه كل تحجي رجاء
ولو سمحت واللخ هاي الي ادكوليها
من تعصبين
لاتخليني استعمل وياك اسلوب مو حلو
ههههه اي هاي بس عدنا لاتخليني اجفص
بالحجي واجي اجفص بطنك
ضحكت نزلت وگربت وجهي من وجهها
صفنت بعيونها طولت تنهدت وكالت
مااريد اظل هيج ازعل وابجي مااريد حياتي
وياك اعيشها نكد بنكد اريد افرح
واضحك وياك ويانا توته
وكيان
عفيه بيج ام كيان هو هذا الي اريدو
خلت اصبعها على حلكي وردت
ام تاليا هي الجبيره ونواره البيت
ابتسمت ورديت
يولي مرات احسج تحبيها اكثر مني
لا مالك مو هيج انت حبك شي خاص
ومميز شي بي شوك ولهفه وتعلق روح بروح
بس حبي الها حنيه واهتمام وهم
تعلق لان اخذتها من
هي صغيره وربيتها مثل بنتي
يولي مدري اني شمسوي بدنيتي حتى
الله ينطيني هيج وحده مثلج
تثاوبت واجتي لحظني ردت
انت طيب مالك وماكو مثلك ههه بس
خيط وخيط
بلا تنمر ست ليونه
ههههه
ضحكت واني وياها حظنتها لصدري
وغفينا سوه
هيله
رحت وي الهنوف تاشوف شنو بيه وهم اشوف
وضعي عرفت بيه ولد وهم ام زين
تخبلت من الفرح
طلعنا انا وياها فرحانه واريد ابشر
الزين وهي هم تبشر اهلها رحنا اخذنا الدوه
وطلعنا للشارع عكدت حواجبي من
شفت سياره حمد كلت هذا شجابه تاخرت
بالمشي الهنوف استعجلتني
وكالت
يله هيله اجانا حمد
ماافتهمت عش هو اجه ماتكلمت شي نزل
دحك لي درت وجهي منو سلم
الله يساعدجن
هلا ياحمد ها دزتك امي
اي يله خلي اوصلجن لان الحارس
عطلت بي السياره وماكدر يجيجن
ضجت ووجهي تكدر لان هو راح يوصلنا
الهنوف كالت
يله اصعدي ياهيله
هاا اي
صعدت اتجنب ادحك له كالت
يولي عندج السونار والتحاليل
لاا مو عندج
لاا بس لا نسينها يم الدكتوره خلي
اروح اجيبهن
نزلت كلت بسرعه
ااني اجيبهن
اكعدي وين ترحين انا نزلت هساع اروح
اجيبهن واشوفها الدوه بدربي
سرت بسرعه من يمنا كعدت مخنوكه
وضايجه من وجودي وي هذا الردي جنت
احس بي يدحك عليه سال بصوت
مخنوك
شطلع بيج
ماخصك
رديت بنتره سمعتو تحسر بصوت
قوي دار روحو عليه
وجههو غادي دم ومطعون رد بغصه
ياهيله كولي لي وش اسوي بروحي
الحبتج والله حاولت انساج حاولت يولي
وكمت اثكل بالشرب حتى ماتجين
براسي ولا اشوف خيالج بين
عيوني وماجاي يفيد زاد حبج
بگلبي الضعف وانتي لغيري
و عندج ولد
وحامل
صحت بي بغضب
بسك عاااد تراه توازيني اكله لعمي وهو يعرف
شغلو معك مااتفهم انت كاعد تسوي
شي حرام يغضب
الله ماتفهم انت كاعد تغدر بزين
الي مامن بيك وحاسبك اخ له ااتقي الله
ياحمد وارجع لنفسك الي انت بي وسوسه شيطان
كاعد يوزك على الحرام
الحرام من خذج مني وخلاني اموت بحسرتي
ووج افهمي انا كاعد اموت من وره
قهرج لا ليلي ليل ولا نهاري
نهار ااسمعيها مني
كمت اتمنى الموت لزين حتى
تصيرين لي
شهكت وانهديت بي
الموت الك ياالردي عش تدعي علي
بالموت يومك ياحمد قبل يومو اشوفك
بالجفن وبالتراب ولا اشوف
الزين ينجرح جرح
صغير
دحك لي بغضب ووجهو انطعن بعد اكثر
كملت بعصبيه
عز الله اذا مااجزت مني الا اكول لعمي عليك
وهو يعرف شغلو معك عز الله ياحمد
اذا تعرضت لي مره اللخ
الا افضحك يمو واخلي
يعمل بك الي مايسرك
راد يرد عليه لجن الهنوف عگبت صعدت وكالت
تاخرت لان كتبت لج تحليل اللخ كالت
من تجي مره اللخ خلي تسوي
مارديت،،، حرك وطلع تكدر حالي من وراه
وروحي اختنگت هوجست
بالشر منو لان لح
جثير وظل يعيد بنفس السالفه كلت
بس اعكب اكول لجده وهي تعرف شغلها ويا
الهنوف التهت تحجي بجهازها وي عبد العزيز
وانا ابدا مادحكت له ظليت
صافنه على لجامه وعاكده الحواجب
وصلنا لدارنا نزلت اول وحده دشيت للمطبخ
عمه به هي وهاجر شافني
سالن بسرعه
ها بشري وش طلع بيج
الهنوف دشت ورايه وردت بضحك
جرن صلاوااات
ولد مووو
عمه صاحت بفرح هزيت راسي باي
اجت حبتني هي وهاجر وكالن
صلاوت على النبي يوما ادكومين بالسلامه
ونفرح بيج انتي وولد الزين
هاجر خلت بايدي
صينيه جاي وكالت بضحك
الزين اجه قبل شويه من بغداد وذاك جالس
وي ابويه بالمجلس روحي ودي الجاي
له وبشري
ابتسمت لها ونسيت البيه سريت للمجلس دشيت
سمعت عمي كال
مثل ماسمعت شهم ولد عايد طلع
طيب وعكب لاهلو البارحه
شهكت بصوت ووكعت الصينيه
من ايدي
يتبع
اوتار حزينة