دخيله الشيخ زين العابدين
بقلم اوتار حزينه
البارت الثامن والستون
____________&____________
زين العابدين
صلينا العشه بالجامع انا وعبد العزيز وعم مهنا
كملنا الفرض والسنه عگبنا للمجلس
كعدنا هناك نتكلم بسالفه
الردي صگبان
مله محمد دش وسلم
عليكم السلامه والرحمه
رديت علي اشرت له يجي حدي اجه
جلس دارت الكهوه علينا تكلم وره لحظه
شيخ جايك بسالفه ويارب الي اريده
يصير من نصيبي
هوجست به يريد يخطب رديت
ابشر ياخويه كول وش تريد وانا حاضر
وسداد
الحمد لله مستوره شيخ لجن انا اريدك
تتكلم مع حرمه عم حميد الله يرحمو
وتطلب لي وحده من بناته
رفعت حواجبي وابتسمت سالت
تريد وحده من بنات عم حميد
اي والله ياريت وحده منهن تصير من نصيبي
هزيت راسي وكلت
ادلل مله اتكلم معها واردلك خبر وان شاء
الله الك نصيب يمهم
يالله يسمع منك ربنا
تربح مله اذا صارت لك وحده منهن ادب واخلاق
ومستورات وبعد بنات مله حميد
وانت تعرف من هو
عبد العزيز تكلم وهو رد
هالاسم يكفي يابو زين وعسى الله وحده
منهن تصير من نصيبي
ان شاء الله مله
ترخص وره مشوار وسرى من يمنا عم مهنا سالني
شيخ انا شفت غير ام شعلان اربعه اثنين
كبار واثنين صغار يعني اكيد وحده منهن راح
تقبل بي للمله لان مايعيبه شي
اي عم مله محمد صاحب دين واخلاق يعني
مااظن راح يرفضو
اسال حرمتك
عبد العزيز تكلم معي وكمل
امر خواتها بايدها حتى امها تاخذ بكلامها
ابتسمت وسالته
شمدريك بهل الشي ياخويه
افا يبو شعلان شلون مااعرف هي من جان
ابوها الله يرحمه طيب يشورها وياخذ
برايها وهساع اكيد امها
هم تمشي برايها
YOU ARE READING
دخيله الشيخ زين العابدين
Romanceلَا السَّيفُ يَفعَلُ بِي مَا أَنتِ فَاعِلَةٌ وَلَا لِقَاءُ عَدُوِّيَ مِثلَ لُقيَاكِ لَو بَاتَ سَهمٌ مِنَ الأَعدَاءِ فِي كَبِدِي مَا نَالَ مِنَّيَ مَا نَالَتهُ عَينَاكِ
