ပရိုမိုးရှင်းရက်မလွန်ခင်၁၈၀၀ကျပ်တည်းနဲ့ ဂရုလာဝင်ထားကြနော်။
Ch-84 နှာခေါင်းသွေးယိုခြင်း
ငါကြည့်သင့်လား မကြည့်သင့်ဘူးလား။
မိမိသည်နားထင်အားလက်ချောင်းဖြင့်ဖွဖွလေးပွတ်သပ်လိုက်သည်။လက်ရှိမိမိမှာအကျင့်စာရိတ္တအသိပေးဆိုင်းဘုတ်၌ရပ်နေရသည်။ဤသည်မှာမိမိ၏အနာဂတ်နှင့်ဆက်နွှယ်နိုင်၍ မိမိမှာထိုသည်အားသေချာဂရုစိုက်တွေးတောရပေမည်။
မိမိသည်၂၀၀ရာခိုင်နှုန်းသတိအပြည့်ဖြင့်ရေချိုးခန်းတံခါးတွင်ဒူးတစ်ဖက်ထောက်ထိုင်လိုက်သည်။မိမိသည်ရေချိုးရာမှရေမှုန်ရေမွှားလေးများပေါ် အပြည့်အဝအာရုံစိုက်ထားသည်။
စကားပုံမှာအလွန်မှန်လေသည်။ဘုရားသခင်ကမင်းဆီတံခါးပိတ်ထားခဲ့ရင် မင်းအတွက်အခြားပြတင်းပေါက်ကိုသူကသေချာပေါက်ဖွင့်ပေးထားလိမ့်မယ်။မိမိအလိုရှိသ၍ဘယ်အချိန်မဆို နံရံများအားဖြတ်သွားနိုင်သည့်အချက်မှာ ဘုရားသခင်မှမိမိအတွက်ဖန်တီးပေးထားခဲ့သည့်ပြတင်းပေါက်ဖြစ်သည်။
ငါအဲ့ဒါကိုအလဟဿမလုပ်သင့်ဘူး။ငါအဲ့ဒါကိုစုယန်ရေချိုးတာချောင်းကြည့်ဖို့ သုံးလိုက်ရမယ်ဆိုရင်တောင်မှပေါ့.....
မိမိဆေးရုံတွင်ရှိနေစဉ် စုယန်သည်လည်းမိမိကဲ့သို့တူညီသောလူနာခန်းတွင်သာအိပ်ခဲ့သည်။သူသည်အိပ်ရာတစ်ခုအားမှာခဲ့ပြီး နေ့ရောညပါမိမိဘေးတွင်ရှိနေခဲ့သည်။သူသည်လည်း ဒီမှာပင်ရေချိုး၊သွားတိုက်ပြီး အစာသုံးနပ်အားစားခဲ့သည်။ထိုသည်မှာသူသည်ဤလူနာခန်းထဲ၌ သူ့နေ့ရက်များအားအနားယူကုန်ဆုံးနေသည့်အလားပင်။
အိုင်းယား။
ဒါပေမယ့် မိန်းမသားတစ်ယောက်အနေနဲ့ ယောင်္ကျားလေးတစ်ယောက်ရေချိုးတာကိုချောင်းကြည့်တာက အတော်လေးမသင့်လျော်ဘူးလားလို့လေ။တစ်ကယ်တော့လည်း မမှန်ဘူးပဲ။ဘယ်လိုေနေနငါသူ့ကိုကြည့်နေတာကိုဘယ်သူကမှတွေ့မှာမဟုတ်ဘူးလေ။ငါကဝိညာဉ်တစ်ခုပဲကို။ပြီးတော့ စုယန်ကငါ့ကိုကြိုက်တယ်လို့ဝန်ခံခဲ့ပြီး ခိုးနမ်းခဲ့တာပဲလေ။ငါဒီမှာလက်စားချေတော့မယ်။ဟုတ်ပြီ ဟုတ်ပြီ။ငါတို့ရဲ့လူ့အဖွဲ့အစည်းက သာတူညီမျှဆက်ဆံမှုနဲ့တရားမျှတမှုကိုသဘောကျကြတာပဲလေ။
တရားမျှတမှုကသာလျှင် ဟန်ချက်ညီသောလူမှုအဖွဲ့အစည်းတစ်ခုအားဦးဆောင်သွားပေလိမ့်မည်။
ဤသည်အားတွေးလိုက်ပြီး မိမိစိတ်မှာပျံ့လွှင့်လာသည်။မိမိသည်အရူးတစ်ယောက်လိုတဟီးဟီးမရယ်ပဲမနေနိုင်ခဲ့ပေ။
မိမိသည်နံရံအားနောက်ပြန်မှီရန်လုပ်လိုက်သည်။သို့သော်မိမိမှာယခုဝိညာဉ်တစ်ခုဖြစ်နေ၍ နံရံအားတစ်ခါတည်းဖြတ်သွားခဲ့ကာ ရေချိုးခန်းထဲဝင်ချသွားသည်။
အမ်။ငါကအဲ့ဒါကိုတွေးနေရုံရှိသေးပေမယ့် အထဲရောက်သွားပြီလား။ငါ-ငါအခုထိအဆင်သင့်မဖြစ်သေးဘူးလေ။
မိမိသည်စုယန်၏ပုံရိပ်အားတိုက်ရိုက်ကြည့်မိသွားသည်။မိမိတို့ကြား၌ဝေဝါးသောမှန်ရှိနေပေမယ့် မိမိသည်စုယန်၏ကောင်းစွာတည်ဆောက်ထားသည့် ကိုယ်အပေါ်ပိုင်းအား မြင်နေရပြီး ထပ်ကာ....
အားးးး
မိမိမှာကျယ်ကျယ်လောင်လောင်အော်လိုက်မိသော်ငြား ထိုသည်ကိုမိမိသာကြားရလေသည်။မိမိသည်ကြမ်းပြင်မှခုန်ထကာ မိမိသွေးကြောများအားကျယ်အောင်လုပ်နေသည့်ဤနေရာမှ ထွက်ပြေးရန်လုပ်လိုက်သည်။
သို့သော်တံခါးမှာပိတ်ဆို့ထားသည်။မိမိမထွက်နိုင်ခဲ့ပေ။
ဘာလဲဟ။မိမိမှာထွက်သွားဖို့နံရံအားဖြတ်တိုက်သွားမိသည်။ငါကနံရံတွေကိုဖြတ်သွားနိုင်တယ် မဟုတ်ဘူးလား။
ထိုအချိန်တွင် စုယန်မှာရေအားပိတ်ကာ သူ့ဆံပင်များပေါ်ခေါင်းလျှော်ရည်အားသုံးလိုက်သည်။
မိမိ၏လှုပ်ရှားမှုများမှာရပ်တန့်သွားပြီး သူ့ဘက်ဆီေနာက်ထပ်လျှို့ဝှက်အကြည့်ပို့လွှတ်ခဲ့သည်။မိမိမှာရေစက်တစ်စက်သည် သူ၏နဖူးမှနေသူ၏မြင့်မားသောနှာခေါင်းေပါ်ကျသွားပြီး သူ၏နီရဲကာတောက်ပြောင်ေနေသာနှုတ်ခမ်းလေးများဆီလိမ့်ဆင်းသွားသည်ကို ကြည့်နေလိုက်သည်။ထို့နောက် ရေစက်လေးသည် သူ၏ညှပ်ရိုးနှင့် မြူတွင်းပျောက်ဆုံးသွားသည်။(ရေချိုးခန်းမှန်က အရေးကြီးတဲ့နေရာတွေနေရာမှာ ဝါးနေလို့ပါ)
မိမိမှာရေစက်လေးအား အလွန်မနာလိုသွားရသည်။မိမိသည်တံထွေးမျိုချလိုက်ပြီး မိမိ၏ခုန်ပေါက်နေသောရင်ဘတ်အားထိန်းကိုင်ထားရသည်။ငါကဝိညာဉ်တစ်ခုမဟုတ်ဘူးလား။ငါကဘာလို့ရင်ခုန်နေရတာလဲ။
မသိစိတ်အရ မိမိမျက်နှာထက်တွင် ရူးတူးတူးပေါကြောင်ကြောင်အမူအယာတစ်ခုရှိနေသည်။မိမိသည်နံရံအားမှီလိုက်ရင်း မိမိ၏မြင်ကွင်းအားကြည်နူးနေစဉ် နံရံအားထပ်ဖြတ်သွားပြန်ခဲ့သည်။
ငါ့ကိုလာနောက်နေတာလား။ငါကတည်ငြိမ်နေရင်နံရံတွေကိုဖြတ်သွားနိုင်တာလား။
မိမိသည်ပြတင်းပေါက်ဘက်လျှောက်သွားကာ လက်ပိုက်ပြီးအဝေးမှနေကြည့်လိုက်သည်။မိမိသည်အသက်ပြင်းပြင်းအကြိမ်အချို့ရှူလိုက်သည်။အဲ့ဒါကအနည်းဆုံး၄-၅စက္ကန့်တော့ရှိသင့်တယ်။ဒါပေမယ့်အဲ့ဒီမှတ်ဉာဏ်ကငါ့စိတ်ထဲထာဝရကျန်နေတော့မှာပဲ။
မိမိမှာတွေးနေရင်း အိပ်ရာထက်ရှိ မိမိကိုယ်ကိုလှည့်ကြည့်လိုက်သည်။ငါသာနိုးလာခဲ့ရင်....ဘုရားရေ။
ဘာတွေဖြစ်နေတာလဲ။ငါ့ဝိညာဉ်နဲ့ခန္ဓာကိုယ်က နှလုံးသားတစ်ခုတည်းဝေသုံးရတာလား။
မိမိအိပ်ရာထက်တွင် မိမိမှာတစ်ကယ်ကြီးနှာခေါင်းသွေးများစီးကျနေသည်။နှာခေါင်းသွေး!!!
အဲ့ဒါကငါမြင်လိုက်တဲ့ပြင်းထန်တဲ့မြင်ကွင်းကြောင့်လား။ငါ့ရဲ့တစ်ကယ့်ကိုယ်ကအဲ့ဒါကိုထိန်းမထားနိုင်ခဲ့ဘူးလား။
ယခုတွင်မိမိနှာခေါင်းမှသွေးစီးကြောင်းနှစ်ကြောင်းစီးကျနေသည်။
မိမိ၏ခေါင်းအုံးအဖြူမှာ အနီရောင်ဆိုးထားခဲ့သလိုပင်။
သောက်ဂွပဲ။ဘုရားရေ။ရှက်စရာကောင်းလိုက်တာ။
မိမိသည်မြန်မြန်ပြေးထွက်လာရင်း စိုးရိမ်တကြီးခြေဆောင့်လိုက်သည်။
"လင်းယိရှင်း။နင်အဲ့အတိုင်းထိန်းထားရမယ်နော်။နင့်ကိုတစ်ခုခုကအနိုင်ကျင့်လာမှာကို နည်းနည်းလေးမှခွင့်ပြုပေးလို့မရဘူးနော်။နင်လုပ်နိုင်ပါတယ်"
ဘာလုပ်သင့်လဲ။ဘယ်သူငါ့ကိုကယ်တင်နိုင်မလဲ။ငါကဒီမတိုင်ခင်ကသွေးတွေဆုံးရှုံးထားပြီးပြီလေ။စုယန်သာထွက်လာပြီး နှာခေါင်းသွေးတွေနဲ့ငါ့ကိုမြင်တဲ့အခါဆို သူဘယ်လိုတွေတွေးသွားမလဲ။
သွေးစီးကြောင်းနှစ်ခုမှာ မိမိထင်ထားသည်ထက်ချောချောမွေ့မွေ့စီးဆင်းနေသည်။ထိုသည်မှာမိမိမျက်နှာထက် ထူးထူးဆန်းဆန်းအမှတ်အသားတစ်ခုချန်ထားရစ်ခဲ့သည်။ထိုသည်မှာမိမိနှာခေါင်းမှကျစ်ဆံမြီးနှစ်ဖက်ထွက်လာတော့မည့်အလားပင်။
"စုယန်ရေ။ငါမင်းတို့ဆီလာလည်တယ်ဟေ့။မင်းငါ့ကိုလုပ်စေချင်တာတွေကို ငါလုပ်ပြီးသွားပြီကွ"
ကျယ်လောင်သောအသံတစ်သံသည် အခန်းထဲဝင်ရောက်လာခဲ့သည်။မိမိမှာကြည့်စရာမလိုအောင်ပင် ထိုသည်ကရှန်ရှောက်ချင်မှန်းသိလေသည်။
သူကဘာလို့ဒီအချိန်ကြီးဒီရောက်လာတာလဲ။စုယန်ကရေချိုးမပြီးသေးဘူးလေ။ငါကလည်းဘာတစ်ခုမှလုပ်လို့မရဘူးလေ။အဲ့ဒါကငါ့ရဲ့ကသိကအောက်ဖြစ်စရာကိုကမ္ဘာကြီးနဲ့ဝေမျှဖို့ရည်မှန်းထားတာဖြစ်နိုင်မလားပဲ။
"မင်းရေချိုးနေတာလား"
မိမိသည်တစ်စတစ်စနီးကပ်လာသည့် ရှန်ရှောက်ချင်၏အသံအားကြားနေရသည်။ကောင်းပြီလေ။မိမိသည်မျက်လုံးများအားမှိတ်ကာ ဤရက်စက်သည့်လက်တွေ့ဘဝကိုလက်ခံခဲ့သည်။ရှန်ရှောက်ချင်ကခေါင်းငုံ့ရယ်တော့မယ်ဆိုတာ ငါသိနေတယ်။
ထင်သည့်အတိုင်းပင် ရှန်ရှောက်ချင်မှမိမိအားမြင်သည်နှင့် ဘာဖြစ်နေသည်အားစစ်ဆေးရန်ပြေးချလာသည်။ထိုသည်မှာနှာခေါင်းသွေးမှန်း သူသိလိုက်သည်နှင့် သူသည်မိမိအိပ်ရာအားလက်ညှိုးထိုးကာ ဟောဟဲဆိုက်အောင်ရယ်တော့သည်။
"ဟားဟားဟားဟားဟား။ဘုရားရေ။အရမ်းရယ်ရတာပဲ။သတိလစ်နေတဲ့လူတစ်ယောက်နှာခေါင်းသွေးယိုတာကို ငါပထမဆုံးမြင်ဖူးတာပဲ။ဗက်ဟက်ဟက်ဟက်ဟက်ဟက်ဟက်"
ရှန်ရှောက်ချင်သည်အဆက်မပြတ်ရယ်နေသည်။
ငါ့ဘဝကဘာလို့စိတ်ဆင်းရဲစရာကောင်းရတာလဲ....ငါဒါကိုမှတ်ထားမယ် ရှန်ရှောက်ချင်။မိမိသည်သူ့ဆီချဉ်းကပ်ကာညစ်တစ်တစ်ကြည့်လိုက်သည်။
နင်ရယ်လို့ဝပြီလား။ဝပြီဆို သွေးရပ်အောင်လို့တစ်ရှူးတစ်ခုအမြန်ဆွဲထုတ်လိုက်တော့။သွေးဆုံးရှုံးပြီးငါသေမှာကိုနင်ကကြည့်ချင်နေတာလား။သေနာကောင်ရဲ့။
မိမိသည်သူ၏မျက်လုံးများအားထိုးဖို့လုပ်လိုက်သော်လည်း ဘာကိုမှမခံစားရပေ။ထိုသည်မှာမိမိ၏ဒေါသအားဖယ်ရှားရန် မိမိအတွက်မလုံလောက်ပေ။
နောက်ဆုံးသူသည်ရယ်ပြီးသွားလေပြီ။ရှန်ရှောက်ချင်သည်တစ်ရှူးဘူးထဲမှ တစ်ရှူးနှစ်ရွက်အားပြီးစလွယ်ဆွဲထုတ်ကာ မိမိမျက်နှာပေါ်ရှိသွေးစက်များအား ခပ်ကြမ်းကြမ်းသုတ်ပစ်လိုက်သည်။ထို့နောက် သူသည်တစ်ရှူးအားအချောင်းနှစ်ချောင်းဖြစ်အောင် လိမ်လိုက်ပြီး မိမိနှာခေါင်းပေါက်များထဲထိုးထည့်လိုက်သည်။
ရေချိုးပြီးထွက်လာသည့်စုယန်မှာ ထိုအခိုက်အတန့်အားမျက်မြင်တွေ့လိုက်ရသည်။
"မင်းဘာလုပ်နေတာလဲ"
သူ့ခန္ဓာကိုယ်တွင် တဘတ်တစ်ထည်သာပတ်ထားလေသည်။
"မင်းရဲ့သီးသန့်လက်ထောက်လေးကနှာခေါင်းသွေးယိုနေတာလေ။သွေးရပ်အောင် ငါသူမကိုကူညီပေးနေတာ"
ရှန်ရှောက်ချင်သည် တစ်ရှူးဖြင့်မိမိနှာခေါင်းထဲလှည့်ဆော့နေသည်။
"သတိလစ်နေတဲ့လူတစ်ယောက် နှာခေါင်းသွေးယိုတာကို ငါပထမဆုံးမြင်ဖူးတာပဲ"