أكبر من أحلامي أشوفك حيرتي الما يمها حيرة
قانع بكلشي يخصك و أبد ما محتاج خيرة
خشن گلبي و من عرفتك بيّن الطبعك حريره
منين ما تندار أحبك بحر و يحاوط جزيرة
يا طموحاتي الأخيرة و يا معاناتي الچبيرة
المهم حبني إعلى مودك وين تلگة انسان مثلي
حبّك بگلبه و ضميره !
جان عيد وطاحت المرجوحة بيه
وصارت الونسة بسامير وخشب
اتشككت دشداشتي الحلوة الجديدة
ولملمتها وخفت أكول وضاع من عيني الدرب
وهاي اول دمعة اليه ومنها زاعلت اللعب
بقلمي أنا مليكا الجبوري 🩷
لا تنسون التصويت وتعليق بين الفقرات 🌼🩷
اخر البارت اكو كلام مهم تقروه
ضروري تشوفوه حتى تفهمون 🦋🦋
_____________________________
عيوني على السكف مركزَة على صوت دكات الساعة القريبة منَي
أَيدي على بطنَي أَتنفسَ بهدوء
وي كُل دكة لميل الساعة يقشعرَ جسمَي أَكثر
صَار صوت صرير الباب ينفتَح بهدوء
بقيت ساكنة بمكاني بدون ماغيرَ حركتي
تقربَت مِنْ عندي
صوت الكعب والحجل يرن بأذنَي
طكتَ علجهَا كعدت بصفي تبتسَم بخبثَ
- ها يحلوة
حركتَ عيوني بأتجاهَا مرخيه ملامح وجهي
أَبتسمت أَبتسامة جانبية أَهمس :- راح يلكاني
تقربتَ علية لزمتني من فكيَ تضغط بقوة عيونها متركزَه على عيوني :- لو تموتين هنا مايلكاج
ضحكت بقوة
لدرجة أَهتزاز جسمي
أَخذت نفس العب بخصلات شعرها
- تصدقين لو قلت ألكِ أَن نهايتج قربت ؟
هزَت أَيدها وكامت مِنْ يمي
صَارت قريبة مِنْ الشباك أرتجت عليه
لزمتَ خصلة من شعرها تحركها بهدوء تعلج تراقبني
أَخذت فترة ساكتة
لحتى نسيت وجودها بهل غرفه
غمضتَ عيوني الزم الفراش بقوة أَكتم غصتي
حسيت بصوتها المُزعج يتردد بمسامعي
- عمران طلع من السجن
فتحت عيوني أَباوع للسكف
رجفَ جسمي أَمنع نفسَي أَبجي أَمثل القوة
- ويعني ؟
- راح يساعدني حتى نطَلع أَني وياه
يعني راح تخلصيَن مني عنَ قريب بمُجرد مانطلع لخارج العراق
ضحكتَ بقهرَ أَباوع عليها عيوني مدمعة
- مارح تطلعين يجذَب عليج
عيونها صَارت تطلع شرار
تقربتَ يم ميز على مزهريه شمرتَها بالكاع
صَاحت بقوة علية :- مايجذَب علية !! حبيبي مايجذَب !!
رفعتَ نفسي أَعدل كعدتي
صَرت كدام وجهَا أَراقب ملامح الجمال يلي بهتَ وراح وي الكبر بسَ بعدها محافظه على جاذبيتها
رجعت راسي على المخدة
صفنتَ عليها أَهمس بقهر سنين
- حرامات أنتظرتكِ كُل هذهِ المُدة حرامات
- أووف لا تقولين تردين تعيشين دور المظلومه ؟
- يانا أتمنى ماتكونين أَمي
ضحكتَ مِنْ كُل كلبها تغمزلي
- للأسَف أَني أَمج
- خاينة !!
كلام أَبوي عنج كُله صحيح !
- أووف أريو
لعد ماتعرفين أَبوج شمرج لبرا وهمَلج ؟
- بسببج أنتِ ! لأن كرهج
- أَبوج ماكدر يتحمل فكرة يشوفَني وي شخص غيرة لذلك ..
- لذلك همَل بنته الوحيده لأن كره كُل النساء ؟
- صحيح
براڤو بنتي شطورة على أَمها
- تردين تعيشينَي يلي عشتَي !!
عكدَت حواجبها بمعنى دتفكر
تلعب بشعرها صافنة عليه تعلج بهدوء
- أَكره ديغم و كُلشي يخصة ..
- بس أَني سعيدة وياه !!
- مو لازم تكونين سعيدة وياه
أَني أَختارلج شخص غيرة .. شخص يسعدج
حجت هل كلمة وغمزتلي
عكشت وجهي لعبانة نفسي منها
- أنتِ شيطانية
ضحكتَ ضحكة رنانه تتردد بمسامعَي
- أَعشق كونَي شيطانية
- مو طبيعية
أنتِ مريضة لازم تتعالجين !!
عافتنَي و توجهتَ للباب
فتحتَها بهدوء تسمعنَي صرير الباب المُزعج
طلعتَ بَس جانت قريبة من الباب قبل لا تقفلها
غمزتلي تحجي بصوَت عالي
- المريض هو ديغم بَس شلون راح تعالجَي ؟
رجف جسمي دموعي بدت تنزل
كمت على حيلي أَعيط أريد أَهجم عليها
بَس شافتنَي هيج سدتَ الباب بسرعة قفلتها بالمفتاح
صَرت أَضرب بالباب وأَعيط
- أفتحيييهااا يانا ديغم شبي ياانا
صَرت أدفر بالباب بجسمي بقوة
أَدفر بقوة و بقوة على أَمل تحن علية وتفتحه
سكتت بعد ماوجهتَ ضربة للباب تعيط بيه :- اشش كافي لا تخلينَي أَخلي عمران يروَح لديغم
جانتَ هَل كلمة كافية تخليني راكدة بمكاني بدون حركة
بمُجرد ذكر أَسمة يتوقف جسمي من المقاومة والحركة
رجعتَ راسي على الباب لامه نفسي أَبجي
حاضنه رجلية لصدري دموعي تنزل
- يارب ساعدنَي
عمران كابوسَي !
كابوسَ طفولتي و مراهقتي وحتى شبابي
ماكدرَ أَتخيل شلون أَمي تركتنا علمود رجَل قاسي مايفَكر الأ بنفسة
جانت أَمي تلتقي بي بالسَر
بدون علم أَحد بس بعلمي أَني
جنت مصَدر حتى أَكتم هل سَر وأَغطي عليها
بعمري ماجنت قوية
أَني مو قوية أَني جبانه تخاف من عشيق أَمها
بكُل مرة تلتقي بي أَمي
بعدها تخلص وتسحبنَي حتى نروح
أَدور وجهي أَراقبه وهَو يتفرج علينه بوقاحه
يطَلع سكين من جبيه
يخليها على ركبته يأشرلي بمعنى
" أَذبحكِ "
شنو مُمكن يكونَ كابوسَ حقيقي أَرعب من هيج !
تعيشَ وي كابوس طوَل هّل مُدة و لازم تسكت
حتى تظمنَ نفسكَ تعيش لباجر
الأَسوء من تشَهد على كُلشي وتنكر وتنكر
وتكتفي بكلمة وحدَة :- أَمي ماتت بس يمكن باجر ترجعَ !!
كمتَ على حيلي أَمسح بدموعي
بَس تنزل غيرها هواي يجون وجناتي
وكفتَ كدام مراية مليانه وسخ على طولها
رفعتَ أَيدي أَتلمس وجهي
يارا مو يارا من ذاك اليوم يَلي طردت بي آريـا
كعدتَ بالكاع عيوني على المراية
أَتلمس عيوني و هالاتي
شفتي جافة
ملامحي ذبلت وتعبتَ
ماكدرَ أَنسى نظرة ديغم الية
ولا أَكدر أنسى الايام يلي كعد بيها يبكي
كان يبكي مثل الطفل الفقد أَمة
أوقفَ بجانبة أَطبطب على كتفة اواسَي
يدفعني وينضر ألي بقهر يعت گلبي الملجوم
- بسببج كُلة
بَس شسويت خفت عليها !
أَني ماردت تتعب وتعيش ايام صعبة
ردتها ترتاح من هل بيت و مصايبة الي متخلص
ردت الها الراحة
بس مازارتني الراحة من يومها
هيج يصير من تقهر يتيم و تلجم روحه
مسحتَ دموعي أَتذكر اللحظة يلي عرفت بيها آريـا حتزوج ميثم
فرحتَ مِنْ كُل گلبي
أجة ميثم فرحان لـ ديغم
تحاضنَوا و واحد طبطب على كتف الثاني
بَس نسيت أَني معاي جني بهل بيت
الطير الطاير نعرف منين طار وليش حلق فوقنَا
تكهربت أَمي من عرفتَ
ميثم و ديغم أَصحابَ وكانوا يضحكوا عليها
كيف عرفتَ و كيف حست علينا !
مأعرف لحَد هذهِ الساعة مأعرف كيف
ركعتَ راسي بالميز أَبكي من جديد
صَرت أَضرب الميز بقوة أَشهگ
- أَريد ديغمي
ياربي رحمتك
محتاجة الأنسان الوحيد
يلي وقف معاي بكُل هَل مصايب
كمت على حيلي أَدور على ورقة و قلم
فتحت الجرار الأول مالقيت
الثاني .. الثالث .. الرابع
وقفت اشلع بشعري أَعيط
صرتي أَزلغ بخدودي و أَضربهم بقوة
- لج يااانا طلعيني
رخَة جسمي و الدنيا دارت بية
طحت بالكاع ضربتَ نفسي بالطبليه
صَار جسمي على الكاع
دمَ ينزل من على جبتهي أَنجرحت
عيوني الدمع تارسهم أبكي بهدوء مخيف
رمشَت بعيوني
درت وجهي على جهة
جوة الجرباية لمحت دفاتر و أوراق
شَلت نفسي بصعوبة أَمد أَيدي
صَارت أَيدي تلزم الدفتر بس لمحت فار !
سحبت أَيدي حاضنتها على صدري سريع
سندت نفسي بنفسي وعدلتَ كعدتي
صرت أَضرب رجليه بقهر
أَعض بأيدي الدمَ يجري من جبهتي
أَخدت نفسي أَبلع ريكي
- يارا هذهِ أَخر مره تكدرين تعبرين عن بداخل أَخدي هذهِ الورقة وخليكِ شُجاعة
قويتَ نفسي و مديتَ أَيدي
غمضت عيوني ماريد أَشوف الفار
عضيتَ شفتي سحبته سريع على حضني
ضحكتَ
مصدومة كيف قدرت اجيبه
ماخفتي يارا من الفار لأن شفتي الأقوى
أَخذت الدفتر أَدور صفحه فارغه
درت وجهي على الميز ادور على قلم
بس شفتَ قلم سحبتَه بسرعة أريد أَكتب
عضيت شفتي دموعي تنزل
أَول شي كتبته أيدَي المُتعبه بـالورقه الباليه
" يارا بارود ديغم "
هجام :
صعدنا بالسياره أَني وأسيد ويانا ابوي حتى نروح للمستشفى ويكمل الدكتور فحوصات اول جرعه
طوَل الطريق نحجي وياه نحاول نغير جو اله
وهو يوج النا نظرات بمعنى أَعرف هدفكم من هذا يلي دتسوه
عين على الشارع
وعين على أَبوي أراقب ملامحه
يصفنَ على الشارع بدون ميحجي شي
فتحتَ أَكثر من موضوع
بَس يجاوبني جواب مختصر حيل
بعد ما وصلنا المستشفى وكشف الدكتور على أَبوي وطمنا على صحته
و أَن هو بتحسن زين بس كان واضح على وجهه ضام شي علينا
حكيت راسي صافَن بوجه الدكتور
- دكتور شبي أَبوي؟
- مو ستوي كلت الكم كُلشي مابي بصحة و سلامة
هُجَام - بس ..
أسيد - يمعود شجاك تضغط على الدكتور قابَل ميعرف شغله ؟
درَت وجهي على أسيد يلي سكتني
غمز ألي يأشر على أَبوي حتى أَسكت ماحجي
فهمت نظرته كمت على حيلي لازمه من أَيدة
هُجَام - لا يابه نرجع للبيت
سميدع - أَي والله ياريت تعبت
- حجي التعب كُلش عادي بهيج مراحل بس انتَ شد حيلك متاكد ترجعَ مثل الورد
سميدع - مشكور يا أَبني ماقصرت
لزمتَ أَبوي نطلع من الغرفه
درت وجهي بدون مينتبه أَبوي علية
أخذ الدكتور أسيد على صفحه يحجي وياه
سميدع - ها تبقى صَافن
درت وجهي على أَبوي عبالي مامنتبه عليه
دنكت راسي أَحك شعري :- ها العفو
سميدع - أَمشي أَمشي مايجي منكم بس الأذيه
هُجَام - يابه هو لهيم كتل نهاد شعلينا
سميدع - وهسه هو عاجبه وضعيته !
هُجَام - لا والله يابه من أَروح أسئله
باوعلي بنظره سريعه خزرني بيها
اخذت أَيده اساعده يمشي بالممرات
لازم أَيده بقوة أَصفن عليها شلون ترجف
لزمته أَقوى أَمشي علكيف للسيارة
بس وصَلنا ألها فتحت الباب ادخله بهدوء
سديت الباب أحك بشعري أَباوعله
- ها يابة أروح أَشوف أسيد
سميدع - لعد ليش صعدتني أذا هيج
هُجَام - حتى لا تتعب ولا تضربك الشمس
عفته بدون مانتظر رد على كلامي
رحت وكفت بباب المستشفى أَباوع منا ومنا
طلعتَ باكيت جكاير أَدخن
أَخذ نفس مرتجي على الحايط كدامي
ثواني بس حسيت على ايد تنقر على كتفي
درتَ وجهي صَافن
جانتَ بنية شعرها أَسود عيونها كبار
تطك بعلجها لازمه كتب بأيدَها تباوعلي
فهيت بوجها أَرمش
لحد ما طكت أَصبعها بوجهي
:- بلا زحمه انت مو اخو هذا لهيم
هُجَام - اي اني اخوه تفضلي ؟
مريانا - لا هيج شفتكم وحدكم بدونه اليوم
حكيت راسي صَافن ماعرف شجاوب عليها :- اهاا لا لهيم بعد ما يجي ويانا
عوجت حلكها تهَز بأيدها
- اممم اي صح كال يضوج من المستشفيات
هُجَام - لا مو لان يضوج منها بس بالسجن
كتل واحد وانسجن خطيه
فتحت عيونها ضربَت خدودها تصيح
- عزاااا بعيني شنو طلع قاتل وخريج سجون ؟
هُجَام - لا يمعوده بس قاتل هاي اول مره يدخل سجن
عوجت حلكها تباوعلي من فوك لجوه
- ايييع مجرم وأنتَ أَخوه
هُجَام - يمعوده لعد أَني شعلية ؟
مريانا - اذا تشوفه كُله بعد لا تسلم على مريانا ولا تحجي وياها يا مجرم خريج سجون
هُجَام - اوك هاي السهله خلي من يطلع باجر انتي كوليله هذا الكلام
مريانا - ليش صار شكد بالسجن هو ؟
هُجَام - صار اسبوع
مريانا - عشتو لو يبقى شهرين خمسه أَحسن
هُجَام - نعم الله عليج تردي يعفن بالسجن؟
باوعتلي مِنْ لجوه
صَارت قريبه علية همست
- أَخوك خريج سجون صَار بعد مشى بدمه الأجرام
عكدتَ حواجبي على نبرة صوَتها
عبرتني و دخلتَ لـ مستشفى بدون متحجي بعد
حكيت راسي صَافن مامستوعب سالفتها
هزيَت أَيدي أَهمس :- حتى يلي يعرفهنَ فيوزات
لهيم :
بعدَ ماضربتَ نهاد الخسيس
خابَروا الشرطه حتى يجونَ ياخذوني
جنتَ واكف بمكاني مامتحركَ
أَريد أَرجعه اكتله بس لازمنَي أَسيد
سحبَني من أَيدي يريد يدخلني لجوه بس ماقبلت
أَجاني ضِغاب عيونه براسه صَاح بيه
- لكك حيوان !! خبل أَنتَ !!
لهيم - الجلب الحيوان لو أكله أَكل بسنوني ماتركه
دفعني يريد يدخلني مثل أسيد
- أَمشي فوت خرب بليسك يا ارعن
لهيم - مادخل والله مو جبان أَني حتى تدخلني
ضِغاب - مو طيحت حظك ولك ادخل
بعدَه ماكمل كلامه أَجت الدوريه شالتني
بس سئلوا منو أَبو السالفه و أشروا عليه أَخذوني
رحت وياهَم بكُل هدوء متعاون
لا حجيت و كلت أَي كلمة زايده او ناقصة
لحد ماوصلنا ودخلوني لغرفة الضابط
- شنو تهمتك
لهيم - فتحت راس كرايبي بالكرك
هزَ راسة يحجي علية
- عمي أنتوا ماتوبون من هل مشاكل !
شني هل كرايب ذيابه واحد ياكل الثاني مللتونا بزعتونا !
كل شوية جايني واحد متعارك وي كرايبه
نوب كل واحد لو فاتح راسه لو فاتح خشمه مخلي يكت دم
عمي اذًا هيج صايرين چا وين راحت صلت الدم ودعتوها يعني !
واكف بمكانَي ساكت ماحجي شي
صَافن عليه ماتحركت من مكاني أَنتظر يخلص كلامه
رفع راسة علية يلعب بشاربة
- تريد محامي ؟
هزيت راسي عيني بعيونه
- لا ماريد أَي واحد
أَبتسمت تك خد وأَشر للجندي
ضربلة تحية و سحبني من أَيدي بقوة
اخذني الجندي من غرفة الضابط بعد ما سجل كل اقوالي ساعوة الحادثة وتسجلت بيه شكوى
صَار يمشي بيه بـ مُمر ضلام
بي ضوء اصفر خفيف حيل
و عدة غرف موجوده
فتح باب وحده من الغرف وجان بيه
خمس اشخاص نايمين على الكاع
الوصخ كاتلهم
عكدت حواجبي من ريحة الغرفه
نزلت عيونب على الكاع المليانه وصخ
وبيها رطوبه المي يقطر من عدها بكل مكان
أَخذت نفس قوي كانوا أَخر مرة أتنفس هوى نظيف ودخلت
اختاريت مكان ناشف حتى اكعد
بيه ونزعت الحذاء وكعدت عليه متقرف
اباوع للاشخاص يباوعولي بأستغراب لانو جنت اصغر واحد بيهم
تقرب عليه شخص وبدا يتكلم وياي
- كواك الله
لهيم - كوه الله حيلك
- مو غريبه انت بهيج عمر وبالسجن وحتى شكلك مو مال مجرمين
لهيم - بعد هذا الي صار
- بس سؤال تسمحلي ؟
لهيم - تفضل اسأل
- شكد عمرك ؟ شو صغير
لهيم - لا يغرك الشكل بس العقل جبير
- دكول عقلك عمره شكد من شوكت صارله يشتغل
عدلت كعدتي وتربعت رفعت شعري
:- والله يا طويل العمر عقلي عمره واحد وعشرين سنه
وعندي سوابق تشريح وقتل قبل هاي بس ما نلزمت
هاي المره شالوني من ياختي تكول جانوا منتظريني براس الشارع بس اكتله حتى ياخذوني سفره
بلع ريكه يباوعلي من فوك لجوة
- احمم تشريح ؟
خزرته بعيوني وحجيت بحده
- اي تشريح
أَبتسمت تك خذ متقرب عليه
- وانت شنو شمسوي ؟
- اني قتلت شخصين
رفع أَيده يأَشر على الموجودين
- وهذا الي نايم تاجر مخدرات
- وهذاك هم قتل وتجارة مخدرات
- وهذا متعاطي ولزموه
- وهذا السنوية مال سيارته غلط ولزموه حجز
بس انت ما كلت على شنو جابوك هنا
لهيم- اني كتلت واحد بالكرك
وكتلت عندي سوابقَ بالتشريح ترا
تعالت صوت الضحكات بالغرفه واني وياهم مبتسم
- زين شلون كتلته جان معلك على الحايط لو جوه القنفه شنو ابو بريص هو ؟
لهيم - ياريته ابو بريص جان شرحته
- ومات ؟
لهيم - والله مادري عفته يرفس بالشارع وشالوني من ياختي سحل للمركز
- الله يفرج عنك عبالي مسوي شي
زين هو ليش ضربته
لهيم - تجاوز حدود احترامه
- يعني يستاهل ؟
لهيم - اي يستاهل ولو رجع بيه الزمن هم اضربه بالكرك والمره الجايه بركبته ابترها اله مو براسه خاف يطلع منها
-تهوون يمعود
لهيم- الله كريم
- ياما وياما كتلنا وعادي
لهيم - ولو هو تدخل بس شنو العادي؟
عدلت كعدته يباوعلي عيونه حمر
من عيونه عرفت بي من جماعة ذولاك
أَبتسمت بوجها أَحجي بضحكَ :- نعسان خل أَنام
نزعت البدَي سويته مخده نمت عليه
درت وجهي على الحايط حتى لا أَشوفهم ولا يشوفوني
بدونَ ماحسَ على نفسي أَخذني النعاس
نمت ومادري شصَار ما صَار
مرَ الوقت ومادري هسهَ ليل صبَح
عدلت كعدتَي صافن أَريد أَرجع أَنام ماريد أَفكر
مامتعود على هذا المكان حاولت ارتاح بس ماكدرت خايف على امي شصاير بيها هسه
وعلى ابوي المريض الي وصانا الدكتور على راحة باله والعامل النفسي
وكل ما اتذكر الي صار يزيد النار بداخلي عليهم
واتمنى لو اني بره السجن حتى اشرب من دمهم واحد واحد
ماجنت اعرف الليل من النهار بهاي الغرفه مجرد ضلام والضوه الاصفر مشتغل
تقرب عليه واحد من عدهم
جانت عين من عيونه طافيه
مدلي جكاره وكعد بصفي يدخن
أَخذتها ورثتها أَدخن وياه .. أَجر نفس بحركة
قطع الصمتَ صوته وهو يفتح دفتر
جان مخلي بجيبه بحيث محد ينتبه عليه
الجكاره بحلكه باوعَلي صافَن بعيوني
- تعرف عريان السيد خلف ؟
هزيت راسي بهدوء أَدخن
- أَعرفه
- يكول عريان السيد خلف بوحده من اشعاره
ضاگت گاعنا من گبور
فوگ گبور
فوك كبور أهلنا كبورنا
تعلت
كل يوم بهبيهه وكل صباح
بويد
مثل سف لحصير الزلم
تتسللت
جنتَ صافَن على الكاع أتامل الكلمات
طبطب على كتفي يهمس :- وره كل ضيك فرج
دقائق واجه الحارس يتمشى ويصيح المسجون لهيم المسجون لهييم
باوعت على الرجال يلي بصفي
أَبتسم ألي وصاح :- رووح يمعود بسرعه
وكفت على باب الغرفه أَصيح
لهيم - موجود هنا موجود
تقرب من الحارس يباوعلي من فوك لجوه
الحارس - عندك زياره تعال وياي
من كال هيج حسيت الدنيا ضحكت بوجهي احس طاير بالغرفه من الفرح
فتح باب الغرفه وقيد ايدي بالجامعه
- تعال وياي
أَمشي وياه أَيدي مقيده
يمشي بيه يطلعني من هل سجن
صَرت أتنفس بسرعة كان سنين ممتنفس
رفعت باوعت من بعيد هجام واكف ويباوع عليه وميت ضحك
بس هد أَيدي الشرطي
رحت على هُجَام أضحك على ضحكته
- ها الفطير على شنو تضحك شصاير بظهري
هُجَام - اضحك عليك كلما اتذكر شلون شالوك الشرطه اخرب ضحك تكول خروف شالوه من ايديه ورجليه
لهيم - شكو يمعود ؟ هو بس واحد ربط ايدي وصعدني بالسياره
هُجَام - لا مو تخيلت الموقف براسي واضحك
لهيم - غير يكعد راحه المخرج
احجيلي شصار مالحكت اشوف البارحه
هُجَام - مصار شي بس نهاد
لهيم - اسمه نعال
هُجَام - اوك نعال شالوه للمستشفى صار عنده ارتجاج بالمخ وفاقد الوعي نازف دم هواي
لهيم - يعني هذا العار ما مات؟
هُجَام - لا لان عار
لهيم - حرامات والله
وابوي وامي شلونهم ؟
ابوي خوما تعبان
هُجَام - لا مابي شي الحمد لله اصلا امي كالبتها مناحه عليك وهو يصبر بيها
لهيم - زين ماعرفت شوكت اطلع ؟
المكان جوه يلعب النفس
حسيت روحي من سلاحف النينجا
وعايش بالمجاري وشويه ويجيني فار يحجي
هُجَام - ابوي كال بس يصحى نهاد اخليهم يتنازلون عن الدعوه مالتك غصب
واذا لا سامح الله مات راح تنحكم كم سنه سجن
لهيم - مو مشكله خلي يموت عادي
هُجَام - شو انجب واسكت يلا خلص وقت الزياره هاك هذا اكل امي ونيار سووه الك وهاي تكة جكاير ادري بيك تدخن لك خايس
لهيم - ليش هو منو الي علمني على الجكاير ؟
هُجَاى - لا تذبها براسي هي جكاره
انطيتك وانت تعلمت المصلحه
يلا رايح بعد ابوي اليوم ياخذ اول جرعه كيمياوي لازم اروح وياهم
هزيت راسي متفهم الوضع
شكد تمنيت اكون يمه بأول جرعه
بس صار الي صار وماكدرت أَكون وياه
اخذت العلاليك ورحت للغرفه وبقيت ادعي بكلبي يموت نهاد ويكوم ابوي بالسلامه
عدت الايام بطيئه بهذا المكان ويوميا يجي احد من اخواني يزورني لمدة ست ايام واني بنفس المكان والكعدة
وجان يجي اليوم الي اجه بي أَسيد و ضِغاب يبشروني انو راح اطلع لان نهاد استعاد الوعي وابوي راح اله وقنعه يتنازل من الدعوه
لهيم - حرامات ما مات
أسيد - شو أسكت لا اسويك وصل مسح وابيعك بالتقاطع !
ضِغاب - وصل مسح شنو ؟
جياس مال زباله اوزعه على البيوت
لهيم - اقسم نفسي الكم نصين مو أَحسن ؟
ضربني ضِغاب على راسي وعاط
- لك سرسري فوك شينة كوات عينه يحشش
لهيم - لعد غير مسويني ميز مال مدكه !
ضِغاب - بس عاشت أَيدك خوش نيمته أَسبوع
لهيم - تلكي عمتك تخبلت
أسيد - تنام وتكعد بليل تهلهل
ابن أَخوها كتل رجلها بالكرك ونيمه بالمستشفى
عضيت أَصابعي متحسف ميت قهر
- وعلي لو ميت يبرد گلبي
ضِغاب - جان عفتن بالسجن شلون هسه معفن
لهيم - وداعتكم طُز بالسجن
بس أَني خايف على شخص شلون أعرف اخباره
غمزلي أسيد يصيح
- ها ولك سرسري منو هذا
لهيم - خالتك مرايحين الها من زمان
أسيد - أويلي عليج يخاله
كاعدة ببيتج وابن اختج يلوج عليج
لهيم - عمي بس يبرد گلبي بعيونها ارتاح
ضِغاب - هياتها عيوني تريد تشوفهن ؟
لهيم - هياته دمع العين هياته ديكووت
أَكلت ضربه مره لخ على راسي
عاطوا بية ثنينهم بصوت واحد يخزرون
- سرسري ماتصيرلك جاره لو مدري شيصير
لهيم - ودوني لأمي حمضت بملابسي
ضِغاب - ريحتك مال جريذي معفن
لهيم - نعم الله عليك
هو غير جنت اسبوع محمض هناك !
ضِغاب - هاي لو تشوفك عيون الكلب تطفر
لهيم - هيه بس تطفر بس تصلخني بحظر ثلاثي الابعاد
أسيد - على ريحتك هاي ؟ مالومها حقها
وصلنَا للبيت نزلتَ ركض من السيارة
جانتَ أَمي واكفه بالباب بيدها جيس جكليت تبجي
شمرته عليه تهلهل علكيف ماتريد صوتها يسمعها احد منا
جرتني للبيت تحضن و تبوس بيه
حضنتها بكُل وقتي مدمع أشم بريحتها
لحظات بس دفعتني تخزر بيه
باوعتلي من فوك لجوه عكفت وجها
- ايا وصخ ايا قذر شهل لثكه يلي بيك امشي منا امشي
لهيم - يمه هاي شبيج على بختج ستوي طالع دلليني
زمرد - امشي منا امشي قذر
ريحة العفونيه عاطه من عندك لتجي هنا الا تجلف نفسك
لهيم - لعد غير جنت ضيف عدهم بالمركز هناك
زمرد - دخل يجي أبوك و شوف شلون يلعبَ بيك لعب اليوم
لهيم - خل اشرد بلحمي و دمي ووصخي صوت سياره اجه
زمرد - أَمشي لك بسرعة أَصعد لا يشوفك يخبزك ومحمد
وكفت على الدرج ماصعدتَ أَريد أشوف أَبوي وهو جاي
تغيرت ملامح وجهي وأَني أشوف التعب مالي ملامحه الحنينه
بلعت ريكي ورحت يمه
متجاهل صوت أَمي وهيه تحذر بي
تقربت عليه حضنته قوي أَشم بعطره الدمعه بعيوني
سميدع - لك كلب حقير ماتوب
لهيم - اسف يابه والله اسف
سميدع - شلعتوا گلبي لشوكت تظلون هيج بس فهمووني !!
هُجَام - يابه عوفك منه هذا بعدين نعالجه
عضيت شفتي لـ هُجَام أَتحلف بي
باوعلي يغمز يعيب عليه يلعب بحواجبه
لزمه أَبوي من شعره جره يعت بيه يحجي وياه بهدوء
" أَني كم مرة كايل أَخوك الصغيره عينك عليه ؟
هُجَام - اخ يابه شعري هده بربك ماسوي شي بعد سكتت
أَجت أَمي دفعتني لزمت أَيد أَبوي تخزر
- أمشوا منا سرسريه ماكو غير الأذيه منّكم أمشوا
لزمت أَيده تبتسم بوجها بهدوء
وكف بمكانة مايتحرك صَافن عليها مبتسم
شَال أَيدة ترجف بَس ماكدَر يلزم نفسة أّبد هل مرة
مشه أَيدة على وجناتها يهمَس
- قلبي المُتيم في أَرض عينيكي زمُردتي .
أَجت ريماس كطعت اللحظه تصيح
- يابه عمي حسن يبجي يريد يحجي وياك
فَز أَبوي بسرعة أَجة يفقد توازنه
لزمته أَمي و هُجَام وجوهنا صَارت صفرة
أَخذ الموبايل منهّا مخلي على أَذنه
أَيدة ترجـف عاكدَ حواجبة يبلـع بـريكـة
ثـواني جـانت نـزل الموبايل من أَيدة صَافن على أَمي
رفعَ راسة للـسما همَس بهدوء مُخيف
:- ماتت أَمي زمُردة ..
...يتبع
__________________________
بنَات شما أَحجي واريد أَغلط على أَمل مايبرد كلبي بيها !!!
شنو توقعاتكم للبارتات الجايه ؟
بعد 4 بارتات وتنختم القصة تقريبًا بدينا بالعد التنازلي ❤️🔥
هذَا كلام الأبطال بخصوص التأخير أتمنى تقروه ومتجاهلوه ✨
بارت 4500 كلمة والي تكول قصير اخليها تكمله على البلوتوث ترا 🐍🐍🧢🧢 !