دخيلة الشيخ زين العابدين
بقلم اوتار حزينة
البارت السابع والثلاثون
______________&______________
زين العابدين
الردتها وذبحت روحي عليها صارت لي
حليله نامت بحظني وشعرها تسلسل على جتفي
وهالشي خلاني احس بفرح جبير
وراحه سكنت عقلي
وجسدي
صفنت،،، بملامحها ماحسيتها
بشر من كميه الحب الي ترست صدري
جن جنيه وتلبست بيه
وخلتني اهذي،بها
وباسمها
ابتسمت گربت وجهي منها بستها من
خشمها فتحت دحكت لي لاح الخجل بعيونها
ومعاني وجهها
رددت بفرح
صرتي حلالي ياهيله
ماردت غطت وجهها بالغطه ضحكت بصوت
وخرتو منها غطتو بايدها جبتها لحظني
وحظنتها بقوة كلت
احبج يولي حب الي بخاطرج
واعشگ عشك الطير الحر للسما
تلملت بحظني وخرت منها دحكت
لها غاديه دم كالت بخجل
اختنگت
هههههه
خربت ضحك ورجعت حظنتها بهداوه
رديت
لا يابه مو مال تفطسين هساع وانا توني ضگت
العسل
ختلت بحظني من خجلها ضحكت
ماتكلمت حبيتها من شعرها كالت
خلي المو
لاا ابدا خلي هيج حاظنج وحاظنو
خليني اشم ريحتو حتى اغفى وارتاح
لميتها بحظني مبتسم وفرحان
مالك
طبيت بيتنا متوتر خايف افرح بالسمعتو
من ليان لان ظل الكلام ناقص
وماكملتو
ماكدرت اكعد ظليت افتر بالصاله وادحك
للساعه اريدها تتصل كلت وكت عشه وراح تتعشه
وتتاخر بالاتصال،،،،،، كعدت ورثت جگاره
كمت بفزه من دك جهازي دحكت له بشير
صحت باعصاب
ابدا موو وكتك
فتحت الخط سال على جم شغله
واني فاصل مااعرف شكاعد يحجي اتصال
اجاني منها صحت
روح هساع بشير
فصلت الخط صحت
خرب بالحظ
اتصلت بسرعه عليها يدك وگلبي يدك
ويا فتحت الخط كلت
هلا ليان
هلا مالك
سكتت واني هم انتظرتها بلهفه تحجي ادكول
شي حجت بعد لحظه
مالك اني موافقه عليك بس
كعدت لان عرفت وره هالجلمه اكو كلام
ثاني رديت
اسمعج ليان احجي
مالك اني اعرفك تحبني واعرف روحي
راح ارتاح يمك وماينقصني شي بس هالحب
الي انت تحبه اليه اني مااگدر ارده
الك
غمضت عيوني ورديت بحسره
عجل ليش قبلتي بيه انتقام من ذاك لو رد
اعتبار
لااا مو انتقام ولا رد اعتبار قبلت بيك لان
اني مقتنعه بيك شفت شسويت اليه وشفت
شكثر تحبني وهالشي خلاني
افكر ااني يمك راح
اكون بخير
والحب ليان ماراح يجي يوم وتحبيني
مثل مااني احبج
سكتت ردت وره لحظه بصوت مخنوك
مالك من انهاريت ذاك اليوم وو
سكتت عرفت شتقصد كملت مبتسم
واخذتج لحظني وظليتي بيتي
اي
ردت بصوت ناصي كملت
يعني بذاك اليوم اني اا
هم ماكملت رديت
ليان
وافقت على مالك لان ردت اعيش مثل غيري
ردت اسره وزوج وبيت يلمني اني ويا
وويانا توته الي تعلقت بيها وحبيتها
كلش صح اني مااحبه بس مواقفه وياي
اثبتت هو راح يكون اكبر سند اليه
وبالاضافه شفته من انهاريت
شلون اخذني لحظنه متأثر بيه كلش ومقهور
شفت شسوه اليه وشلون حسيت
بالامان بيته حجيت
ويا بس ماكدرت اگله بشنو احس
هو عبالك يقره افكاري
اسكت من خجلي
يكمل الكلام وعبالك سطر مكتوب كدام
عيونه من رد عليه
ارتاحيتي يمي وبيتي موو
تنهدت رديت
اي مالك ارتاحيت كلش بيتك ويمك
مالك
ابتسمت من حجت هيج وجان
هالجواب كافي كلت
هذا كافي ليان مادام ارتاحيتي يمي راح تحبيني
وي الوگت مثل مااني احبج
ليان
سكتت صافنه على توته تلعب يمي
سمع صوتها سال
ليان تعرفين وضع توته يعني انتي راح
تاخذين واحد ارمل وعندو بنت
ابتسمت من اجتي عليه كعدتها بحظني
وجاوبته
اعرف وضعك مالك وتوته بنتي مثل
ماهي بنتك
مارد كملت
انت تعرفني كلش زين احبها واموت عليها وهي
هم يعني لاتفكر اني بيوم اضوج منها
او اتنحس
اعرفج تحبيها وهي هم بس لازم احجي
وياج بهل الموضوع حتى تعرفين كلشي يعني
اني من راح اخذج انتي راح تتحملين
مسؤوليتها كام
كلمه ام خلتني ابوسها من رفعت روحها
اليه حظنتني وباستني من خدي
جاوبته
واني اريد اصير امها وماعندي اي مشكله
بهذا مالك
سكت للحظه بعدين كال
بصوت بين بي الفرح
هاهيه ليان ارتب اموري وي اهلي واجي
اخطبج هل الاسبوع
براحتك
هيله
حسيت بايد لمتني بقوه
لحظنها فتحت وجهي صار بصدر زين
رفعت عيوني اله نايم وذاب روحو ظليت
اتفرس بملامح وجهو وعبالك
اول مره اشوفو بيها
الشعر عالي وطولان وزايده حلاه صفنت
على عرك ينبض برگبته بقوه
خليت اصبعي علي
يدك
تململ غمضت عيوني بسرعه
حظني ،،،،وجهي لزك بصدرو اريد
اتنفس ماكو سحبت روحي
ضاج وحظني بعد اقوه
راح اموت
همست بصوت مخنوك
فتح دحك لي رددت
هدني راح افطس
ابتسم ورد
غير لو اكدر
سحبت روحي منو لزمني من خصري
وگربني علي كلت بخجل
من شفت نظراتو
خل نكوم يازين الساعه عشره صارت
ردت انهض مااخلاني جرني لحظنو
ولمني بها كال
هاليوم مااريدج تطلعين منا لهنا اريدج حدي
املي عيوني بهل الخلقه الحلوه
وارتوي من هالشفه
گرب وحبني غمضت حظني بقوه
جن يريد يخليني بين ضلوعو وخر دحكت
له احس بنار شعلت خدودي لزم
خد وحبو بهداوه
كال
اموت بكل تفاصيلج غاليه عليه انتي
واعشكج عشكا جبير وهالحب
احسو طلع من صدري
والكل كام يشوفو
ويعرفون زين
يحب هيله حبا جبير
ابتسمت ومارديت رفع حواجبو سال
عش تتبسمين غرور يبنت العرب
لاا والله مو غرور
گرب وجهو من وجهي ابتسم رد
عجل وش احجي تكلمي
صفنت بعيونو رديت
انا مااعرف شلون هالكره الجان بينا
تحول لحب جبير
زين العابدين
سمعت ردها وانا اتفرس بملامحها العيون
گبار جن عيون المها والحواجب مثل الهلال
مرسومه بدقه كلشي حلو بيها
واحلى شي
هو الشعر والشفه ادوخ واضيع
بس اشوفو مهدود واتذكر ذيج الليله الگمريه
من لاحت لي بين الگصب مفرعه
والشعر مثل الليل متسلسل
على جتوفها
زين
انتبهت لها من صاحتني رديت
ماهو كره ياهيله لشخصي او شخصج
انتي جنتي تكرهين تصرفاتي لان انا جنت ماشي بدرب عوج وانا جنت اكره لسانج لا كل
جلمه تطلع منو جانت تسكتني
وتخليني اريد اذبحج
ابتسمت ولمت شفتها من شافتني
دحكت لهن سالت بضحك
خير اشوفج هم تبسمتي
سال ورديت
تذكرت عرگتنا انا وانت
سكتت ودحكت للجرح الي بصدرو خليت
ايدي علي كملت
هذاا اثر ذيج الليله
لزم يدي رفعها حب اصبعي واحد واحد
وكال
علت عليج واستاهل وهالجرح راح اعتبرو
وشم من يدج الحلوه وراح يظل وياي طول
عمري
رفعت روحي وحبيت الجرح وخرت صافن عليه
والوجه مرتاح ويضحك كال
احبج جثير يولي وحبي لج
ماااكو وصف له غير اكول تعده وصف
كل المحبين
ابتسمت له وكلت
وانا بعد احبك حبا تعده الحدود والخيال
اوف ياويل گلبي من راح اسري من يمج
عگب باجر الشوگ لج راح يذبحني
فزيت من حظنو دحكت له بخوف
تكلمت بغصه
وش راح تسري عگب باجر
كعد وتربع جدامي رد
اي ياهيله انا جبت فزاع لان تصوب
ولازم اعگب عگب باجر
زين العابدين
تكلمت هالكلام واشوف الخوف تلبس
بهيله سالت بصوت مخنوك
فزاع تصوب
اي تصوب لجن الحمد لله مابه شي
قدر ولطف
يازين لااتروح اا
هيله مااريدج تتكلمين نفس كلام امي مو انا
الي اهد ارضي واخلي الغير يحررها
ايدي بايدهم الما تحرر
ارضنا كلها
كامت من يمي لبست روب ادحك لها
الشعر حدر للجوه وغطاها بلون اسود ابتسمت
من شفت الزعل بعيونها وادحك عليه
بخوف
كمت لحيلي سريت ليمها گربت صرت جدامها
نزلت راسها والشعر حدر
على الوجه
وخرتو بهداوه رفعت عيونها
مغوركه ومقهوره من السمعتو تكلمت
يولي لااتضيعين عليه العشتو معج بهل الليله
خايفه عليك يازين
الشفه رجفت ودمعه حدرت ابتسمت
بستها منها واخذتها
لحظني كلت
انتي بس ادعي لي انا اظل بخير واعرفي كلش
زين زلمتج ذيب وسبع وماينخاف علي
وخرت مني ردت بوجهه مطعون
اعرفك سبع وذيب لجن يازين ذوله غداره
ماجاي تشوف تفننو بذبح الاوادم
اعرف وجاي اشوفهم لجن هذا واجبي
ياهيله اما شيخ ابن شيوخ وذيج ارضنا وصارت
بايدهم ولازم اعگبها وي ولدنا اذا مااسوي
هيج صدكي ماراح ارتاح ابد
سكتت صافنه عليها دموعها حدرت ذبيت
حسره وكلت
يبنت المله وين الشجاعه الي اعرفها ثوبج
وين ذيج البنت الي جتلت الذيب
بدما بارد
موجوده يازين لجن انت اذا صار بك
شي تگسرني اموت اذا لاحك شي من اذاهم
ماايصير شي انتي بس ادعيلي ارد لج سالم
انتي بنت مله وعندج بخت يم
ربج
صفنت بعيوني وردت
لا والله انت عندك بخت يم ربك اكبر
من بختي
هههههه
خربت ضحك وحظنتها لصدري بقوه
رديت
بهاي اي من ادعي عليج الله يستجيب
لي دعائي جن كايلو بليله
القدر
جهازي دك وخرت مني رحت له جان مالك
فتحت الخط واستلمني
طااح حظك همزين رديت
هههه هلا يبو تاليا عش هالرزاله تره اخوك
تووه مم
هيله اندارت عليه بسرعه اشرت
بااش عضيت شفتي لها
وانا اضحك
خير ولك ويامن تحجي
وي ام شعلان
ها سلامي الها
يسلم عليج ابو تاليا
هزت راسها وراحت للحمام رحت كعدت
سال
يول شكثر اتصل عليك عش ماترد
ملتهي ياخويه بهل المعارك ويوميا بمچان
خرب حظك والله ماكل خره
ههه شكرا
هساع انت شنو جاي باجازه
اي فزاع تصوب وجبتو لاهلو
يااا بي شي متاذي
صوابو بجتفو بس مابه شي ان شاء الله
سكت سالت
انت شلونك شخبارك وي الحب المستحيل
ااسكت يازين وافقت وراح اخطب
هالاسبوع
يالله شنو هالاخبار الحلوه
اي ولك انفگت الجبسه مالتها وقبلت بيه
استعجل ولك لاتتاخر اخذ بسرعه اعرفك وجهه
بومه وفگر خاف تگلب عليك وتضربك
بوري من هذا الزين
فال الله ولا فالك بيش طالبني ولك
كول شي يفرح من بليت وخفيت عش مفاول
عليه بالشر
ههههه مدري بس من زمان اكول عليك فكر
وبومه
اي غير طالع عليك ابن خالتي واجر
منك
ابتسمت هو كمل
اكلك حمد وينو اتصل علي ماهو ولا يرد
حتى الرسايل يقرها ويغلس
مدري ولك صعب يتصل ويراسل لجن
هو گطع فد مرة
هذا عاشك
صفنت من مالك تكلم هالكلام رديت
يجوز مدري
راح يطيح حظو مثلي اني وياك
ههه خلي يطيح بس يتعدل حالو لان حنا الظاهر
الا نحب يله يتعدل حالنا
تصدك يازين
وش احجي خلي اصدك
ولك نفسي ادكوم تلعب من اتذكر شجنت اسوي
بذيج الايام
وانا هم مثلك مااعرف شيصير بيه
من اتذكر الحرام الي جنا طامسين به
ذب حسره ورد
اني حلفت من توفت لميس بعد مااگرب للحرام
مره ثانيه
وانا هم من عرفت روحي حبيت ماكربت
بعد منو وعاهدت الله مااسري بعد
بهل الدرب
الله يثبتنا يارب
امين
اكلك خابرتك مااعرف يعني وضعك ردت تجون
بالمشايه مالتي
والله بودي يامالك لجن انت تعرف نجم اخو
عوض استشهد يعني مايصير نسري بفرح وهو
ماصارلو جم يوم من مات
اي اني اعرف بس كلت اكول الكم
اعذرنا ياخويه وشايف كل الخير
تسلم زين ويوما يجيك شعلان الصغير
امين يارب
اروح ولك بس طمني عليك لاتخليني ادور
اخبارك من صعب
ان شاء الله
سلامي للاهل وخصوصا عم شعلان وجده
مزنه
يوصل وانت هم سلملي على الاهل
كلهم
يوصل يله مع السلامه
الله وياك
ليان
بابا من عرف مالك يريد يخطبني مااعترض
بالعكس فرح بي كلش هو ووسيم
وماما
عرفو موافقه علي وهالخبر خلاهم يفرحون
بعد اكثر لان شافوني مرتاحه
لهذا الشي
بهل الاسبوع اجوي اهله وخطبوني واتفقو
يوم الخميس العقد جنت عبالي راح اتوتر
او اخاف من هاي الخطوه
بس من مرت الايام عليه شفت روحي
مرتاحه واحس حياتي وي
مالك راح تصير حلوه
وخصوصا بوجود توته
بينا
ايهم اجه بالي بس بلحظه يتبخر كلشي
من اشوف مالك بداله
مااعرف ليش من افكر بي يروح بسرعه
ويظل هو بمكانه احتل تفكيري
بهل الكم يوم وظليت
اشوف منه الاهتمام بادق التفاصيل
ماقصر بشي احسن ذهب اشتره
اليه وفوكاه اكثر من هديه
مالك
كاعد وي اهلي وعمامي بالاستقبال مال
بيت اهل ليان الشيخ يعقد النا
واني مو مصدك لهاي
اللحظه هي راح تصير اليه
بس من عقدت عليها گلبي ارتاح والتوتر والقلق
راح مني وجسمي المتشنج فك
وكفت ورحت لعم مصطفى
بوسته وكال بتأثر
مبروك ابني وشايفين كل الخير
ابويه بارك اليه هو واخوتي وسيم هم وولد
عمي كعدو ويانا شويه بعدين
راحو
اسمع صوت الهلاهل مال اهلي واهل
ليان مبتسم واريد اشوفها شلون طالعه مثل
مارسمها خيالي لو احلى
وره نص ساعه نوار اجتي كالت
يله مالك تعال حتى تلبسون الحلقات
هزيت راسي باي مشيت وراها طبيت
للصاله اشتغلت الهلاهل هي
صارت جدام عيوني
من اول نظره اخذت النفس والروح
خلتني اصفن عليها بذهول
اعرفها حلوه كلش بس هيج جثير عليه
وعلى گلبي
مالك
امي دغتني رديت
هااا
ههه امشي يمه شبيك صفنت
هههه غير شاف الجمال وضاااع
مره فهد حجتها بضحك مشيت ليمها
مااعرف بشنو احس اني الملعب ابو النسوان
ضعت وضيعت كلشي من شفت
ليان شلون طالعه
تجنن
وكفت يمها امها باركت لي متاثره كلش
وتبجي
مبروك مالك شايفين كل الخير
تسلمين عمه
رديت صار هدؤ الكل يدحك النا مبتسم
الجو توتر درت روحي عليها صفنت للمره
الثانيه كلت گوة
مبروك ليان
رفعت عيونها اليه جن سهم وضرب گلبي
مو عين تصوبت بهل النظره وفهيت عليها ماردت
سمعت صوت الضحك انتبهت نزلت
عيوني نوار اجتي تضحك
كالت
يله البسو الحلقات
طلعتهن النا ليان مدت ايدها اخذتها
بين ايدي صفنت على بياضها وسماري اختلاف
جبير بيني وبينها هي حلوه كلش
واني شكلي شكل
اجرام
ابتسمت من خليتها باصبعها مااعرف شصار
بيه رفعتها وبستها من
الحلقه
سمعت وحده صوفرت جانت صديقتها
تماره هي خجلت وسحبت ايدها
مني
صلاوات على النبي يمه الله يفرح گلبك
بيها وتشوفها بيتك
امي جرت صلاوات من شافتني شلون فرحان
بيها نوار انطتها الحلقه ولزمت ايدي
بفهاوه خلتها سحبتها
كالت
لحظه مالك
انتبهت اختي
انطتها محبس ذهب رجالي باوعت علي
ماده ايدها بي انطيتها ايدي اللخ خلته واسمع
صوت الهلاهل علگت بالبيت
ماظليت يمها طلعت من يمهم وكعدت وي عم
مصطفى يحجي وياي واني
بغير عالم
ماافتهمت ولا چلمه مااشوف غير هي بين
عيوني وصوتها باذني ابتسم
وي روحي وادارك
نفسي گوة
البيت فرغ وره ساعه نوار اجتي شايله
توته كالت
خليها يمك بس اطلع وره امي والبنات
تمام
عم مصطفى كام وراح لجوه كعدت وحدي
وبنتي بحظني وره لحظه ام وسيم
طبت وحجت مبتسمه
تعالي ماما ماكو احد
كمت بسرعه شايل بنتي هي طبت
صفنت عليها انتبهت هساع هي لابسه فستان ابيض
بارز تفاصيل جسمها رشيقه
وملكه جمال
توته كامت تكمز بحظني ورجعتني
لارض الواقع امها اجتي ليمي اخذتها
وطلعت من يمنا
ظليت بس اني وياها بالاستقبال ادحك
عليها باعجاب شعرها من مسرح غير عن ذيج
الكفشه ابتسمت وكلت
طالعه حلوه كلش
ليان
سمعت كلامه رفعت عيوني اله هو هم
جان طالع كشخه كلش لابس قاط اسود والقميص
هم ورباط رصاصي شكله شبهته
بذوله اهل العصابات بس
بشكل جذاب
رفع حواجبه انتبهت لروحي مارديت
كلت
شكرا
قرب مني بخطوات هادئه وكف كدامي
يباوع باعجاب والنظرات فاضحته كال
اني ماراح اوعدج باي شي ولا احجي كلام
جثير راح اخلي الايام هي تثبت لج
اني شكثر احبج واموت
عليج
رفعت عيوني اله كمل
اعرف ماراح اسمع منج چلمه احبك الا يطمن
گلبج مني
گلبي مطمن مالك من يمك
ابتسم كملت
اااني وافقت عليك لان اعرفك تحبني وتكدر
ادكول الراحه الي حسيت بيها يمك
هي جزء من الحب
الي انت تريده
وهذا يكفيني ليان
رد مرت لحظه صمت بينا مد ايده اليه
بالمحبس كال
عش جبتي لي هالمحبس وكلفتي روحج
تره انتي اغلى هديه
عندي
ترددت بعدين كلت
حبيت اخذ شي مميز الك وشفت هذا المحبس
وعجبني اشوفه بايدك
صفن عليه بنظرات خلت گلبي يدك
بجنون رد
اغلى هديه ومن اغلى وحده على گلبي
درت وجهي منه غيرت الموضوع
شفت توته طالعه تخبل
مالك
غزلي اثر بيها شفت الخدود احمرت
وارتبكت كلش غيرت الموضوع رديت بضحك
ههه اي طالعه هي العروسه مو انتي
اي اني اشتريت الها البدله وسويت
شعرها وخليت الها حمرة
شفتها موو
عيونها تلمع من تحجي على بنتي واشوفها
فرحانه كلش ابتسمت رديت
هالحمره ولونها جمرت بگلبي بذاك اليوم
هاا
ردت بفهاوه ضحكت وكلت
ماكو شي
صفنت عليه عيوني افترت على ملامحها
كلت
الكفشه وينها
ابتسمت وخرت كذلتها بخجل وردت
هيج احلى موو
لا والله السبرنكات احلى
رفعت حواجبها متفاجأه كملت
انتي على الطبيعه وسابيتني وهساع
بهل الهوسه سويتي هوسه بعقلي
وگلبي
ماردت خجلت ونزلت راسها وي روحي
كلت
طاح حظك اي والله ولك شعفت يبن الخايبه
مطي ازمال عفت هالجمال وهالخجل
ورحت صخمت روحك
وي ذيج الخفيفه
رفعت عيونها سالت
انت يعني تحبب
لاااا ليان
افتهمت شتريد ادكول صفنت عليه كملت
اني مااخذتج لان انتي حلوه وبس لا اني
عجبتني اخلاقج وثكلج وخجلج
حبيت حنيتج على بنتي واهتمامج بيها
تذكرين تره اني وياج
بدايه تعارفنا
جنا مثل الديج والدجاجه كلما واحد
يشوف اللخ نتناگر
هاا
هههه نتعارك
سكتت مبتسمه كملت مبتسم
يعني لو رايدج على الشكل جان زحفتلج
من اول يوم شفتج بي
تنهدت وسمعت صوتها قربت شويه مارجعت
ليوره مديت ايدي اخذت ايدها
مااعترضت صفنت على حلقتي
بايدها
عجبج ذوقي موو
اي حلوه ونازكه كلش
اي بس تكمه اني اريد اخذلج كلشي نازك
وحلو مثلج
لاا تكلف روحك مالك
ااش ليان وخليني اسوي كلشي يفرحج
ويخليج تحسين بالسعاده
رفعت عيونها اليه وجهها صار احمر دم
عيونها غوركت نزلت راسها كملت من حسيت
بيها انقهرت
بس هذا الشي بمقابل
دحكت عليه كملت بحنيه
اريد اشوف ضحكتج الحلوه دائما هاي اغلى
هديه راح تقدميها اليه
هزت راسها مغمضه سمعنا دكه الباب
وصوت توته تصيح
سحبت ايدها مني وراحت بسرعه
فتحته بنتي
يمو شالتها وكالت
هيانه بابا
صفنت عليهن واحس بفرحه جبيره بگلبي طلعت
جهازي بسرعه وكلت
لحظه ليان خلي اخذلج صوره
انتي وتوته
من رفعت جهازي بنتي سوت بوز
البطه ليان صفنت عليها بذهول وبعدين
عليه ضحكت وهي هم
طگيت الهن صوره هي تضحك بيها وبنتي
مسويه هالحركه
نوار اجتي واخذتلنا جثير صور ردت ارجع
لبيتنا بس عم مصطفى ماقبل
جلب بيه على العشه
كعدت وياهم وره مابدلنا اني وليان
نحجي ونضحك وادحك الها مرتاحه والوجهه
يضحك وهم كل ساع عيونها
تجي عليه وتخلي
گلبي يفز
بفرح
شهم
طلعت من الفجر للعلوه حملت مخضر وعگبت
الضحى امشي وافكر بمصلحه
اشتغل بيها
غير شغل العلوه لان ماردت اظل طول عمري
حمال وصلت لدارنا دشيت ريتاج
تغسل بالحوش
سلمت
الله يساعدك
هلا ريتاج
اخذت مني العلاليك ودشينا سوه
للمطبخ سالت
الحجيه وينها
راحت تجيب مساعدات وي ام ياس
هاا
كعدت جابت لي مي شربت سالت
اسويلك ريوك
سوي لان مو ماكل شي
مشت من يمي لزمت ايدها دحكت لي
مبتسمه سالت
ها شتريد
ابتسمت وجريتها لحظني صفنت بعيونها
رمشت ومضه صارت براسي
وجهه اسمر لاح
بين عيوني
لجن مو هي وحده غريبه هزيت راسي
اريد وعي يرجعلي حجت بخوف
ثائر شبيك
مابي شي
رديت وفرگت وجهي بقوه سألت
راسك يوجعك
لا مايوجعني اي شي سوي ريوك يجوز
من الجوع دخت شويه
اي هسه اسوي الك بسرعه بس بعد لاتخلي
روحك جوعان اكل لفه ماراح تاثر
علينا اذا اكلت
شي وسندت روحك بي
الله كريم
بدت تسوي لي ريوك ادحك لها تفتر
يمي واشوف خيال ذيج البنيه لجن ماكو
ملامح كلت وي نفسي
ملي ياملي
هالجلمه ظلت بعقلي مثل خيال البنيه ام احمد
دشت شايله علاليك كمت بسرعه اخذتها
منها وخليتها على صفحه
كعدت يمي تهفي لروحها
كالت
الحر مو طبيعي
اي الجو احتر بسرعه
رديت ريتاج جابت لها مي شربتو وظلت
تحجي على حال الاوادم الي تبهذلت من وره
النزوح
هيله
بهل اليومين ظليت افكر بزين
واهوجس من وره روحتو خفت جثير لان
فزاع تصوب وهو جان حدو يعني لو لوما لطف
الله جان مدري شصار بي
كاعدين نتعشه انا حدو مااشتهي اخلي شي
بحلگي انتبه لي وكال
تعشي ياهيله
ها اي
رديت واخذت منو الخبزه انتبهت امو عوجت
حلگها مادرت بال لفيت لفه صغيره
ولهيت روحي بها
عمي كام من الزاد كال
الحمد لله
سرى من يمنا عمه كامت وراحت تصب له
جاي جده كالت
وياج جاي يافضه
نغزت زين بعصاتها دحك لها مبتسم
وكال
ها خير ياجده امي مكدرتج بشي
وتريدين تطلعيها بيه
تكدر امك تغثني يازين
ههه لا خابرج انتي التغثيها مو هي
ابتسمت وردت
اشوف وجهك مو مثل مااجيت
نغزتنا وخلت النار تشتعل بخدودي هاجر
المطفيه ردت
اي ارتاح من السهر والتعب
ههههه
خرب ضحك هاجر دحكت له وصفنت
ختلت يم جتفو اندار عليه
وكال
شبي وجهي يااهيله
اكوم اجلف المواعين
فزيت من مچاني اسمع ضحكه هو وجدته هاجر
لحكتني سالت من خلت صينيه
الخبز على الميز
وش تقصد جده انا ماافتهمت
وانا هم
لهيت روحي اجلف خجلانه وفشلانه من جده
لان عرفت زين اخذني ملتهيه
اجلف ماحس
الا صوت يم اذني
غير ضكت العسل وطابت كل جروحي
يمممه
عطت وشمرت الجلافه لفوك
زين لزمها وصاح
الله يمعود شبيج صحتي
سندت روحي على السنك ولزمت گلبي
يدك سريع دحك لي خربان ضحك
فر ايدو وكال
اكلج انتي هيله بنت العرب الي اعرفها
لو مبدليج
يازين هبطتني
اسم الله عليج عيني خلي اشوف گلبج
يدك سريع
وخرت منو من راد يگضبني اشرت لاختو
من دشت شايله الاكل ابتسم
مد ايدو بالجلافه
وكال بعيون
وكحه
كملي بسرعه واصعدي جدامي
درت روحي منه ضامه خجلي مد راسو
خلاه على جتفي ردد بضحك
جده لكفتنا مو هينه مزنه ابدا
روح يازين
هههه رايح يبنت المله
سرى من يمي يضحك ابتسمت ودعيت
يارب دوم اسمع هالضحكه بهل البيت
هيله. عوفي الجلف
وروحي وراه خليج يمه هو ماراح
يظل جثير يمنا
اكمل واروح
جاوبتها مدت ايدها اخذت الجلافه من ايدي
وكملت
ابدا والله اني اكمل روحي علي خطيه
يريدج ظلي يمو بهل اليومين وخلي يفرح
شويه
ابتسمت الها وكلت
تسلمين ياام گلب الطيب
بستها من خدها واشرت روحي
غسلت ومن ردت اطلع من المطبخ امو دشت
سالت بضوجه
وين رايحه كملي شغلج
عوفيها يمه اني كتلها اجلف بمچانج
عش تجلفين انتي مو هي عليها مواعين
العشه
خير يمه شبيج
زين اجه من الصاله عاكد حواجبو
ردت بنتره
ماكو شي داعلم مرتك على شغل البيت
هيله ماتحتاج احد يعلمها تعرف شغلها وماتقصر
به
رد بهدؤ هي ردت بغضب
لو ابوك يدافع عني جدام امو هيج
جان كعد حظي من زمان
خييير يااافضه
صوت عمي رج البيت هي خنست اجه من
المجلس لابس البشت وجن عندو كعده خزرها
وكال
خيرج حسج عالي وجن تعاركين بزين
مااعاركت احد تااحجي وي مرتو
بشغل البيت وهو تدخل
دحك لي ولزين اشر له
اخذ حرمتك واصعد فوك واليغثك
بجلمه انت وياها انا اعرف شغلي معه
ياعم هساع اروح اكمل شغلي
سريت صاح بي
عگبي يااهيله
وكفت انداريت له تكلم
الكلت علي يصير انا مااحجي الجلمه مرتين
تصعدين وي زلمتج هساع والشغل
فضه تكملو
صفنت عليها دحكت له بضوجه
لجن ماتكلمت بشي جده اجتي من المجلس
وكفت ادحك لنا كالت
خيرج يافضه ماعاد تفض سالفه الجنه
والعمه ماتحسين الولد جاي
من الموت ويريدلو
جم ساعه يگضيها مع مرتو قبل
لاايعگب
مااحجيت شي انا شبيكم كلكم گبيتو بيه
فرد گبه
هيله اصعدي فوك
زين تكلم بضوجه سريت من يمهم سمعتو
كال
يمه هالاسلوب مع هيله انا ماارضى به
ولا احب تتكلمين معها بهيج لهجه
صعدت اسمع عمي يتكلم بغضب دشيت
لغرفتي مخنوكه ومقهوره مو بس منها لا من وره
زين لان راح يروح ويخليني وراه روحي
فرفحت وضجت لان هم راح اظل اهوجس
علي دش انداريت سد
الباب دحك لي
ضايج
وجهو الفرحان تبدل للضوجه بلحظه
ماردت احجي اي شي ولا ردت منو يتكلم عن
ام كلام يغضب الله كال
اامي هيج تتعامل وياج بغيابي
هزيت راسي بلااا سريت ليمو وكلت
لا هي مو هيج اعرفها تهوجس بيك
وخايفه عليك وحجت هالكلام
وانتي ياهو مالتج انتي شخصج بالكاعد
اسوي
صاح بغضب سرى من يمي
اخذ جگاره راد يورثها ماخليتو سحبتها من
حلكو وخليتها ورايه صفن عليه
زين العابدين
ضجت من اسلوب امي مع هيله
حجيت ورفضت تعاملها المو حلو وياها
وابويه وجدتي هم
صعدت وراها دشيت ضايج والمود اختلف تكلمت معها ردت اورث جگاره ماخلتني
اخذتها مني وخلتها وره
ظهرها هالتصرف خلاني اصفن عليها
ابتسمت وكالت
خلها تولي تاذي صدرك
متعود عليها لاتخافين عليه
تعود على غير شي
سرت من يمي حظنتها من خصرها وجبتها
لصدري همست يم اذنها
مثل شنوو
اندارت عليه وخرت الشال من شعرها
وفليتو نزل وتسلسل
وتعب الگلب
شميتو بنفس طويل وكلت
مثل هذااا موو
ههه اي لجن شلون تاخذو معك هناك
مم
صفنت بعيونها من سكتت خلت
ايدها على صدري خنست واعرف وش كاعد
تهوجس به كلت
انطيني خصله منوو
تفرست بلامحي كملت
اريدو هناك اشم ريحتج به
كلما الشوگ يتعبني
ردت بغصه
وانا وش اشم من اشتاك لك
حظنتها لصدري بقوه ودفنت وجهي
برگبتها دخت والشوك لعب بحالي لعب نسيت
روحي معها وعشت اجمل ليله بحياتي
ادمنت شي اسمو
هيله
حبي لها تغلغل بكل عروگي وصارت النفس
الي يصعد وينزل بصدري غفيت
مرتاح وهي بحظني
ثاني يوم كعدت ادور
عليها بالفراش ماهيه انتبهت كاعده تصلي
وتدعي بصوت ناصي تربعت فوك
الجربايه صافن
عليها واتذكر من طلعت من وره الگصب
وشفتها تغسل وجهها لفتت
انتباهي متغيره عن
الاول
كلت لها
كبرانه يارابعه
ماردت تحارشت بها وكملت
انتي هي ذيج البنت الي تعاركت وياي
يم الجامع
اعترضت دربها وصرخت بيه
ووخر من طريچي يابرق الشر
كامت من السجاده دحكت لي صافن عليها
كلت
تذكرين من تعاركتي معي يم الشاخه
ياهي منهن هن جثيرات
ردت مبتسمه كمت لحيلي ورديت
من جنتي تغسلين وجهج وطلعت لج
من وره الگصب تذكرين گلتي لي يابرق الشر
وتعاركنا اني وياج وانتي ماقصرتي
سحلتني بلسانج
ضحكت بصوت گربت يمها جريتها لحظني
ردت وعيونها بعيوني
كلت برق الشر لجن انت طلعت برق خير
يازين
يازين هالكلام تبدل كلش ولسانج الجنا
منشار كام يغرد بكلام يروي العطش
ويخليني احس انا بختي يم ربج
جبير
سكتت سالت بغصه
راح تسري
لاا خابرت وطلبت يومين بعد ارتوي بيها
من هالشفه
حدرت وحبيتها بشوگ وخرت منها
گوه همست يم الشفايف
شحال گلبي وشحال صاحبو اذا غاب عن وليفو ومنين يجيب الصبر وهو يعرف الشوك راح يتعب حالو ويخلي يتگلب مثل السمجه المزهوره من وره الفرگه
حظتني وخلت راسها على گلبي ردت بغصه
حالي من حالك من هساع شايله هم شلون
راح تسري وتخليني وراك
صبريني ياهيله وصبري روحج
وخرت مني وردت
ردت شي مني وسويتو الك
سرت من يمي اخذت كلاده بها حجاب اسود
جابتو ليمي وكالت
هذا حجاب عجبني من طلعت للسوك مال اربيل
انا وهاجر
اشتريتو لك وخليت بي رقيه حفظ من
كل شر
فتحتو طلعت ورقه ووياها خصله شعر
مسويتها گصيبه صغيره ومشدوده
بخيط متين اسود من
الصفحتين كملت
هاي الردتو سويتو لك
ابتسمت سالت
تلبسو مووو يعني مااعرف اذا تقبل تخلي
برگبتك
ليش مااخلي هديه الغاليه البسها واصبر
گلبي بهل الخصله
بستها وخليتها بالحجاب كملت
لبسيها لي
ابتسمت اشرت
نزل روحك شويه
ههه قزمه
ههه وتموت بيها
اي والله اموت عليج
لبستني الكلاده وكالت
كلما تشوف نفسك واكعه بضيجه ردد
اي الكرسي تحفظك من كل شر وتفرج عنك
درت وجهي منها خجلت اكول مو حافظها
حست بي جابت وجهها خلتو
بوجهي
تره قصيره وسهل الحفظ
ابتسمت وكلت
ليش هالاحراج هيله
ماكو اي ااحراج انا صرت حرمتك وواجبي
اعلمك وتعلمني
عجل حفظيني الايه قبل لاااروح
سكتت ترددت لحظه سالت
خير وش بج اكو شي
يازين لاتضوج مني اذا تكلمت هالكلام لجن
انا اريد لك الخير واخاف عليك
من القصور تجاه ربك
يعني انا ماشفتك تصلي وهالشي
حرام المسلم التارك الصلاه يعتبر كافر
يم الله
صفنت عليها هي كملت بسرعه
لاتزعل عليه لان تكلمت بهل الكلام تعرف
انا احبك واريد لك الصالح والصلاه يازين فرض
الله سبحانو وتعالى فرضها علينا وخلاها
شرط لدخول الجنه
الي تريدو شيخه گلبي اسوي لها واذا تريدين
اصيرلج مله هم اصير لعيونج هاي
الحلوه حتى اصير عابد وناسك من المحراب للحظنج
ابتسمت ووجهها فرح ردت
عجل اسبح وتعال صلي الفرض
سرت من يمي حضرت لي هدوم وكالت
وهي مبتسمه
راح انزل اسويلك ريوك توب
اي وجثري الحيل يرادلو اكلا جثير
الخدود اشتعلت نار دارت روحها وسرت
للباب صحتها
يابعد حي وميتي
دارت روحها عليه دحكت لي
كلت
لااتتمخطرين بالمشي جدام عيوني هيج
تره گلبي رجيج وماجاي يتحمل
الكاعد يشوفو
مااسويت شي يازين
سويتي ياهيله ولوعتي گلبي بهل جم
يوم
الخجل ترس ملامحها ماردت ضحكت
وكملت
حتى هالخدود مااريدها تحمر تخربط
حالي وتخليني افه عليهن مثل
الواحد المضيع شي
غالي
اروح يازين اذا اظل يمك ماراح يصير
الريوك
ههه روحي وجثري عسل يااعسل
طلعت بسرعه وخلتني اخرب
ضحك
ايهم
التحقت بدوامي ورجعت بعد عشرين
يوم وصلت بيت اهلي ونفس الموال من امي
وابويه سمعته ليش مااتسأل على
مرتك وابنك
مااناقشهم ابدا اخذ سويجي واطلع من يمهم
لان ماظل عندي حيل لاي مناقشه
اعرفها راح تتطور بعدين
من تدخل ذيج واطلع قهر گلبي
بيها
كعدت بكوفي ادخن وصافن للبعيد ليان
بين عيوني وذاك شلون تحتمي بي ولزمت ايده
هالحركه ابدا ماراحت من بالي
گلبي نغزني بس
كلت لاا جذب مثل ذيج المره لعبه يلعبوها
عليه حتى اعوفها ومااروح عليها
بعد
مااعرف ليش اختنگت ولا ليش گلبي كام
يوجعني حسيت ليان مااجاي
تجذب لان هي ماجانت
نفسها الي اعرفها
جريت جهازي دكيت على افنان
ردت
هلا ايهم خير بيك شي
لاا بس اريد اسالج خابرتي روان او اتصلتي
عليها بهل كم يوم
اي جنت احجي وياها قبل يومين
ماكالت شي على ليان
ايهم ليش تسال عليها عوفها لخاطر الله
والتهي بحياتك انت ولاراا والجاي
بالطريق
بلااا لغوه زايده افنان سالتج سؤال
جااوبي علي
سكتت صحت بيها بصوت مگتوم
جااوبي ولج ساامعه شي
اايهم اگطع نفسك من ليان البنيه انخطبت
وراح تزوج بهل الاسبوع
فزيت من مكاني الا وگع الكرسي ليوره
صحت
شنوو هوو موو مالك موو
سكتت سديت الخط ارجف من الغضب
والقهر مشيت بسرعه وطلعت من الگوفي صعدت
سيارتي جهازي دك جان ابويه مارديت
شغلت وحرگت بشحطه
اياد اتصل والدنيا انگلبت عليه مادرت بال
ردت اروح ليان ومااخليها تروح لذاك
عقلي ضرب وكمت اهدد
واضرب بالستيرن
واردد
والله ماااخليج تروحين اله ااذبحج
ليان اموتج ومااخليج تصيرين
لغيري
يتبع
اوتار حزينة