دخيلة الشيخ زين العابدين
بقلم اوتار حزينة
البارت السادس والثلاثون
_______________&______________
ليان
ماما بنفس اليوم اجتي عليه تريد تعتذر تبجي
ومقهوره كلش رفضت اشوفها وانهاريت من
من شفتها حتى مااباوعت عليها درت وجهي منها ابجي واردد بخنگه
رووحي مااريد اشوفج خلي ذيج تفيدج
حظها كاعد يمج واني لاا
ماخلوها يمي من شافو وضعي شلون صرت
اردد وي روحي واني ابجي ونوار تسكت بيه
عاايشين نوار واني لااا صار عدهم ولد واللخ
جاي بالطريق نسوه السواه بيه
نسو هم السبب بعذابي
واذيتي
خمسه ايام ظليت شبه منهاره ابويه واخويه
رادوا ياخذوني للدكتوري رفضت
لان ردت اموت واخلص
من قهري واذيه اقرب الناس
اليه
نوار تهون عليه وتسكت بيه بنص قهري وحزني جنت المح خيال من جوه الباب يروح ويجي
جان مالك اعرف يهمه امري ويحبني كلش
بس ابدا ماافرض نفسه ولا شوفني
روحه
ابدا ماطلعت من غرفه نوار ظليت كاعده
بيها مكسوره الخاطر ودمعتي بعيوني
تجيب الاكل ليمي وتكعد وياي هي وتوته
هالطفله هي دوايه وجودها بحياتي خلاني اهدأ
شويه تحجي وياي وتلعب وتگطع عليه
افكاري السوده الي تارسه
عقلي وگلبي
بليل اني كاعده وتوته يمي نايمه بحظني نوار
فتحت الباب طبت كيتي
تريدج انتي وتوته
نامت
اجتي كعدت يمي باوعت عليها
مدت ايدها تريد تلعب وياها
عوفيها نايمه
تمددت يمي صفنت على
توته غافيه وترضع وخرت شعرها من عيونها
بستها رفعت راسي شفت مالك
واكف يم الباب
نزلته بسرعه سمعته ذب
حسره وكال
شلونج هساع ليان
ليش حسيت بالامان بيته ماادري وليش
ظليت بي هم ماادري مارديت
تقربت وكف بنص
الغرفه
ااسمعيني زين
حجه بلهجه خلاني ارفع راسي اله
كمل بوجه مطعون
اليبيعج برخص بيعي بلاش يبنت الناس
وخلي دمعتج عزيزه ماتحدر لواحد مايستاهل
كمل
يولي انتي شايفه روحج تعرفين من انتي
رفعت عيوني اله كال
دحكي لروحج بالمرايه شوفي خلقتج زين
الف واحد يتمناج وميت على چلمه منج منو هذا
الي كاعده تبجين علي
شوفي عايش حياتو هو وذيج عااايشين
ليان وانتي دافنه روحج بالقهر
والحزن
شترريد اسوي
صحت بصوت مكتوم خايفه على توته
لاتفز سكتت دموعي نزلت
اابجي وشمتي عداج بيج
صفنت علي كمل
شمتيهم بيج وخليهم يضحكون عليج
كاافي مالك
توجع مووو ليان بس هذا الصدك اختج
كسرتج وانتي ماجبرتي كسرج ودسيتي علي
لا عشتي حزينه وحتى مواجهه ماتكدرين
تواجهين العار بسرعه تنزل دمعتج وتبينين ضعفج جدامو
مسحت دموعي باوعت علي بخزره
اشر على روحه وكال
مو اني ليان هاي الخزره لذاك من تشوفي
اخزري وانعلي والد والدي ووج اقهري شبيج
ياحظي رجيجه ودمعتج بسرعه
تحدر وياريت لواحد
يستاهل
رروح مالك
راح اروح ليان بس تذكري هالكلام الي ماايعين
روحو محد يعينو لان الناس يجيها
يوم تمل وتچل من تظل
تسمع نفس الموال
حجه هالكلام وطلع من يمي
صفنت على مكانه وعبالك بعده واكف
دموعي تنزل ماامسحها
ثاني يوم عرفت من وسيم ماما راحت
لبيت خالتي لان علاقتها وي بابا صارت فد مرة يوميا متعارك وياها من ورايه وحاجي عليها
حتى غلط غلطان عليها من
وره اتصالها بذيج
رجعت لبيتنا بطلب من بابا بنهايه
الاسبوع ردت اروح للمشتل لان عفته هوايه
وجنت مسوگه مسواك جديد وسيم
ظل يروح ويجي علي
وماقصر بشي
ماقبلو خايفين عليه خاف يصير بيه شي كتلهم
مابيه واريد الهي روحي بالشغل بليل
متمدده بغرفتي يمي توته
نايمه افكر بكلام مالك وابدا ماانسيت
اي كلمه كالها بداخلي
حسيت بروحي اني سلمت روحي لنار
حركتني بس اني دفنت روحي بالحزن والقهر
وهي عاشت حياتها عادي ولا عبالك سوت شي
وهو هم اثبت هو انسان رخيص كلش
واحد يمشي وره شهوته
وغرزيته
غفيت انسانه وكعدت انسانه ثانيه على
الريوك كلت لبابا يرجع امي
وجهه تغير هو ووسيم
رد
وانتي بابا
مابيه شي لان عرفت اني تعبت روحي من
وره بشر مايسوه
رفعت راسي صافنين عليه كملت بثقه
بعد ماافكر باحد ولا ابجي علي نفسي
غاليه عليه ومااريد بعد اقهرها
اخويه ابتسم ورد
اي ليان خليج قويه هيج دائما واني سندج
ابتسمت اله بابا كال
امج بعد ماتتصل عليها لذيج حذرتها وهي
حلفت كدام اختها تگطع صلتها بيها
مايهمني بابا تريد تتصل خلي تتصل
كتلك ماتهمني بعد غير نفسي وبس والي يحبني ويخاف عليه هذا افدي بروحي
نوار حجت مبتسمه
اني ليونه
انتي عيوني الج
واني
اخويه رد وجهه يضحك رديت عليه
بحنيه
انت روحي الك
الله يخليكم اليه
بابا كمل بتأثر كمت رحت بست توته
رادت اشيلها شلتها وطلعت بيها للحديقه
الجو حلو وربيع افتريت بيها شويه
بعدين رجعتها لجوه ورحت للمشتل
هيله
ماجنت اظن فراگ زين راح يعمل بيه هيج
ضعت عگب ماراح وحسيت البيت فرغ عليه
وصارت وحشه اشتغل بدون واهس
وافكر به
خابرنا وكال وصلت حد
ديارنا بس ماتكلم اي شي حسيت به ضم
جثير حتى مانفزع ونخاف علي
كاعده بليل وحدي ادحك للاخبار وادعي
لهم بالنصر ويحفظهم الرحمن
جهازي دك فزيت من شفتو هو فتحت الخط
سمعت صوتو كال
شلونج يبعد عيناي ورمشاي
الحمد لله انت شلونك مرتاح اكلت الوضع
يمك شلونو خطر لو امان
هههه بهيده يولي طلعتيهن كلهن صلي ماكو
مفرد
سكتت سال
انتي شلونج بخير
الحمد لله بخير
دومج بخير ياشيخه گلبي
كمل
تعرفين انا هساع جالس فوك تل
حتى الگط الاشاره يعني اذا انگطع الخط
لاتخافين هي تروح وتجي
اي
سكت سمعت طگه جداحه كمل بصوت
متغير
اشتاگليتج يبعد حي وحياني
غمضت عيوني مقهوره واريدو حدي ومااريد
يصير به شي كمل
ااخ يولي طيفج ابد ماراح من بالي وهالحظن
وبوسه الشفه مدري شسوت بيه
خلتني اسري بهل الجول
وانا مبتسم
خجلت من كلامو ومارديت
تعبان ياهيله
گلبي فز بخوف رديت
شبيك يوجعك شي
ضحك وكال
اي يوجعني السويتي بيه قبل ماااطلع
سكتت ومتت من الخجل كمل
اثر عطرج ترس ثوبي
وشمه نفسج تحزمت به على الصعاب
لبست ثوب الفرح وانا ساري
للموت كلت
هلا به ان جانت زفتي لمحبوبي
يازين لاتتگلم هالكلام گلبي يكوم يوجعني
زين العابدين
ابتسمت من سمعتها حجت بغصه رديت
تحبيني ياهيله
سكتت ردت ورة لحظه
وتسألني يازين عگب ماشفت دموعي ولوعه
گلبي من فراكك
گوليها ياهيله بردي گلبي وهوني عليه الفراگ
بهل الچلمه
احبك يازين وگلبي هذا الله خلقه
لك ماخلقو لشخص ثاني
گلبي مدري شصار به كام يدك بجنون وشبت
نار بجسمي رددت
يويل گلبي من الفرگه ومن السمعتو منج
سكتت مقهور من البعد الي انفرض عليه بهل
الوكت
هيله
سمعت صوتو تكلم بغصه كمل
وانا هم بعد احبج يبعد حي وميتي
غمضت دمعتي حدرت بس مابينت له انا ابجي
اعرفو يضوج وينقهر اذا يشوف دمعتي
تحدر بحزن
ردد
حي وجهك و لو إني ما أشوفه
يكفي إني لا رمشت يتهيا لي
كلامو الحلو لعب بحالي لعب وخلاني اختنگ
شهكه طلعت من صدري كال بصوت
مخنوك
لاتبجين وتقهريني
سكتت گوة رديت
مااجاي ابجي
تجذبين يابنت المله
سكتت كمل يضحك
عگب الرعود شفت المزن
افتهمت الرعود كرهي له والمزن دموعي الي
بشرت بحبي له
اروح ياهيله
ليش ظل يازين
بودي اظل لجن لازم ارتب جم شغله
سكتت وانقهرت كلش تكلم
ودعيني ياهيله
ودعتك بايد الله وامانتو
احبج يبنت العرب واموت بيج
وانا هم احبك ياشيخ گلبي
سكت رد بصوت متغير
عساني دوم شيخ گلبج وانتي شيخه
گلبي
اللهم امين
في امان الله
الله وياك ولاتگطع خابر وطمني عليك
انا وعمه
ادللي اخابرج بس اشوف شبكه
واذا ماحصلت اتصل على الثريا
تمام
رايح ياهيله
الله معك
ماجان يريد يروح ولا انا ردت ينهي الاتصال
لجن لازم ينهي ويروح سد الخط
غمضت عيوني دموعي
حدرت بكسره
دحكت للغرفه فارغه عليه واحس بالغربه
من راح وخلاني وراه مخنوكه واحس بمشاعر
حب سيطرت عليه وخلتني احن اله
واريد شوفتو
ظلينا هيج ايام يخابر كل يومين او ثلاثه من
يطول اختنگ واظل اهوجس بالشر
بس الجأ للصلاه والقران
ادعي له هو والويا يحفظهم الرحمن ومايفجعنا
باي واحد منهم تعلمت كل يوم اسري
لبيت اهلي اكعد وي
امي وخواتي ساعه واعگب جالسه وهن يمي
صينيه الجاي جدامنا ريمه سالت
هيله بيج شي
دحكت لها هاله ردت
اكيد مقهوره على الزين لان راح وخلاها وحدها
وهي بعدها عروس
عش خلاه عم شعلان يروح
ساريه كالت مارديت غمضت عيوني تعبانه
ومالي خلك لان ماجاي انام الليل من وره تفكيري
به والكاعد اهوجس به
اشربي جايج هيله واكلي شي وجهج صاير
اصفر وضعفتي كلش
ريمه تكلمت امي كالت
لاتخافين عليه يايمه وودعي يم الله
يوميا ليل وصبح اودعو بايد الله وادعي له
يرد سالم لاهلو واليه
ماعدنا غير الدعاء ندعي وربج يجبر
الخواطر
ظل هيج حالي اروح واجي عليهم اريد اغير
جو وابعد عن دار اهلو لان احسو
فرغ وصار يخنك لان
هو مو موجود به وهم من وره نغز امو اليه ومشاكلها الي تطلعها من جوه الگاع حتى
تجاتلني بسبب وبدون سبب
ماجنت احجي شي لاهلي ولا الو ضميت قهري
بگلبي وكلت اتحملها مره جبيره وشايله
هم ولدها الوحيد وخايفه
علي
وهم من كام مايتصل مثل الاول الكل توتر وظلينا
نهوجس به وخايفين علي نتطمن من يخابر عمي
ناس يعرفهم يطمنو مابهم شي لجن اي شبكه ماكو يمهم ومايكدرون يتصلون بالثريا لاسباب
امنيه
كملت شغل المطبخ وي هاجر عمه اجتي
تكلمت بقهر
شلون وياا كولو لي راح يظل هناك بنص الموت
شاسوي انا برفعه الراس الي
يتكلم بها ابوج اذا ولدي راح من ايدي
يمه لاتفاولين بالشر على زين
ااسكتي انتي من تصيرين ام تعرفين ذيج
الساعه الضنا شلون غالي وخص اذا
جان هالولد عندج ووحيدج
انهدت بهاجر كعدت تبجي كلت
عمه اذكري الله وودعي بايدو ماتضيع يم
ربج امانه
انتي بالذات لاااتحجين لو ابني شايف منج شي
حلو وارتاح حدج جان مااراح ولا فضل عليج
الفلاه والموت
مارديت هاجر ردتها
عش هالحجي يمه مالو داعي ابد تعرفين زين
مااتمشي حرمه ولا لو يريد يسمع الكلام
جان سمعو منج مو منها
اانجبي اانتي
ابويه لو يسمع كلامج معها يزعل ومااايسكت
تهدديني بااابوج ياهاجر
لاا يمه مااهدد لجن عيب الكاعد تسوي بهيله
تذكرين اخويه قبل لايروح وصى بها
وكال هيله امانه عدكم
مااريد احد يگدرها بچلمه
دحكت لهاجر من حجت هالكلام امها سكتت
كعدت تنوح وتردد
اي يوصي بها خايفا عليها لجن امو لاا مايوصي
عليها ولا فكر بحالها من بعدو
يمه اا
لزمت ايد هاجر وهزيت راسي بلااا
سكتت ذبيت حسره وظليت ادحك لامو مقهوره
حالها من حالي وتهوجس خايفه علي
وشايله همو
سريت من يمهن رحت للدرج صعدت
مخنوكه واريد ابجي دشيت غرفتي رحت كعدت
دمعتي طفرت هذا حالي
كل يوم اسمع كلام يوجع وملامه بشي انا
مالي يد به اسكت حتى مااتزيد
النار لان اعرف عمي لو جدة
لو سمعو نص كلام امو راح تعلك بينهم وتكبر
السالفه وانا مالي خلگ لاي مشكله
تصير من ورايه
ثاني يوم هم مااتصل وره العشه طلعت بره
للحديقه الي بينا وبين دار اهلي
جلست جوه شجرة عاليه وجبيره صافنه
للسما
اهوجس به وخايفه علي كمت اذكر الله حتى
اهدأ شويه جهازي دك
فزيت بفرح من شفتو هو فتحت الخط
تكلمت بلهفه
هلا يازين
هلا يبعد گلبي
افتهمت رغم الشبگه تگطع سالتو
شلونك وليش ماتتصل ظل بالي عليك
ماكو شبكه ياهيله
صوتو جان تعبان كلت بسرعه
بيك شي يازين
لا مابي شي لايظل بالج
صوتك تعبان واحسك مالك خلك
سكت وجن اشوف الابتسامه الي تلعب بگلبي
لعب
حسج بيه صادگ ياهيله
بيك شي
سالت بخوف رد
قله نوم هذا البيه
شوكت تجي يازين اا
بلعت الجلمه ضحك رد
وانا هم بعد اشتاگيت لج شفتي انا احبج
جثير وماابخل عليج بالجلمه الحلوه
رديت بغصه
انت دعيت عليه يازين احبك حب اضعاف
حبك لي والله استجاب دعائك وصرت
احبك حبا جبير
سكت للحظه بعدين كال بصوت
مخنوك
وادعي بعد ياهيله واريد من الله تحبيني
حبا ماايخليج تنامين ولا تغمضين
عيونج وادعي الشوگ
الي بگلبي يصير
الضعف بگلبج
رديت
بختك يم ربك جبير يبن الشيخ وراح يستجيب
لك لان انت دعائك مستجاب
اي والله دعيت وتمنيتج منو وانطاج
لي واريد بعد
وش تريد بعد من الله يازين
هههه اريد بعد الوغدان ياهيله اريد ولد
وبنات منج واترس دارنا بهم
خجلت وحسيت بنار صعدت لخدودي مارديت
هو كمل
اريدج يولي واريد النفس يتساوى وي
نفسي وشعرج الاسود انام ويتسلسل على
جتفي
ماكو صوت مني الخجل تلبس بي ضحك
وكال
يويل گلبي من هاللحظه راح اموت بين
ايدج واحتي
يازين
ههههه جذااب يابه
مااسوي شي بعدني عند عهدي معج
بگلبي كلت عهدي راح وانتهى معك من صار
گلبي لك لجن ماتكلمت شي خجلت اكلوو
هالكلام ردد
اروح يبعد عيناي ورمشاي
گلبي انمرد من كال هالكلام رديت بتوسل
لاتگطع يازين خابر
ان شاء الله رايح
الله وياك
سد الخط ذبيت حسره ومثل كل اتصال دمعتي
حدرت سمعت صوت ورايه انداريت
تفاجأت من شفت حمد واكف عرفتو سمع
كل الكلام لان جان گريب عليه
عكدت حواجبي من شفت
نظراتو تكلم
شلونج ياهيله
هلاا
رديت مختصر وسريت كال
ااحاجيج يبنت العرب
وكفت درت روحي له گرب خله مسافه
بينا تكلم وهو يتفرس بملامحي
لااتسلمين گلبج لزين
تفاجأت من كال هالكلام خزرتو كمل
زين ماايفيدج ياهيله وانت تعرفين السبب
الكاعد تتكلم علي هذا يصير ابن عمتك
وزلمتي وانا مااقبل لا انت ولا اي احد يتكلم
عنو هالكلام وبعدين انت وش خصك
اسلم له گلبي ولا لااا وعش
تحجي هالكلام معي
يهمني امرج اكثر منوو خايف عليج
من غدرو انتي ماتعرفي مثلي يسوي المستحيل
حتى يوصل للي يريدو وبس ياخذو يمل
منو
رديت علي بغضب
ياحمد عيب عليك هالكلام زين خويك
عيب تتكلم علي وره ظهرو ومع من مع حرمتو
وتريد تخرب بيني وبينو بهل الكلام
يااهيله ماايفيدج زين موو خوش زلمه
غدار وراح ياذيج
بسك عاااد
صحت به وكملت بااعصاب
ماااسمحلك تحجي هالكلام علي المو زلمه هيانو
واكف جدامي يغدر بخويه وهو مو هنا
زين رجااال غصبا ماعليك شوفو
هو وين سرى وانت وين لو
صدك تحسب نفسك زلمه وبوجهك
شوارب احجي هالكلام جدامو وشوفو
شراح يسوي بك
كلت هالكلام وجهو انطعن ردد
راح تندمين يولي
الشفتووو منو ماراح يخليني اندم ابد لجن
الندم من امن بيك وحسبك اخ له وانت
طلعت واحد غدار وتريد
تخرب علي بيتو
كلت هالكلام وسريت من يمو ارجف من غضبي
دشيت للدار صعدت لفوك افتر بغرفتي وكلام هالناقص يدك بگلبي وكفت وسالت
روحي
هذا شبي تخبل عش هيج تكلم وليش
يحذرني من زين وهو ابن خالتو وخويه واقرب
الناس الو
عكدت حواجبي نظراتو لي من قبل كلامو
معي هساع خلاني اشك به هو يحبني
ماكو غير هالشي الي يخلي
يجي ويتكلم معي
هالكلام
كعدت ضايجه ومخنوكه بعد اكثر من السمعتو
من هالردي وكلت احجي
الصار لهاجر لو جدة
فريت راسي لااا وكلت مااتكلم خليني ساكته
خاف اكول الصار منو وينكر ويفر السالفه
عليه انا رديتو خوش رد ويستاهل
اكثر لان بين معدنه وطلع
واحد غدار ونجس
وخال عيونو على حرمه اخوه
زين العابدين
المعارك جانت شرسه بينا وبين ذوله الجلاب
السود لجن وي الايام گدرنا وويانا ولد الجنوب
السباع والبشمركه نحرر مناطق جثيره
جنا حنا الدليل الهم نعرف الكاع شبر شبر
ونعرف الزواغير الي يختلون بها وتضمهم عن
عيونا
زحفت انا وفزاع على الارض رفعت مناظر
ليلي دحكت به للوادي شفتهم يتحركون به جريت
جهاز ناديت الولد
ذوله جوه بالوادي يعني خوش حصره
انحصرو
اارجع بسرعه انت والوياك راح نخابر القياده حتى يقصوفهم
اشرت لولد انسحبنا بهدؤ ورحنا
لسيارتنا صعدنا وحرگنا طلعنا للمچان الي متمركزين به وصلنا دقائق انا واكف يم سيارتي
سمعنا القصف ونار شبت بالوادي
نسر صاح
حي الله صگور الجو
ابتسمت ورحت صعدت بسيارتي تعبان كلش
من الطريق الوعر ومن قله النوم
سندت راسي ليوره
سمعت صوت الامر
يااولد بسرعه خل نمشط المنطقه
طلعنا كلنا للمچان تلگتنا سيارات اثنين صار
رمي گثيف علينا فزاع صرخ
دحكت له تصوب بجتفو ومال ليوره صرخت
فزاااع ياخويه
كلت استشهد وكفت السياره ونزلت ارمي بخبال عليهم
الولد حاصروهم والرمي اشتغل
عليهم من كل جهه
شمرت سلاحي من فرغ ورحت اركض
علي فتحت الباب وكع عليه
صرخت بفزع
ياااخويه لاااتسويها بي
ون بحظني گلبي فز بفرح صحت
اااالحكو عليه فزاع تصوب اجه عليه نسر
من عشيرتي ولد اسمو علي يتشغل
بالطبابه نزلنا بالارض
فحصو كال
طيب مابه شي بس الطلقه
بعدها بجتفه لازم بسرعه نحوله لاقرب مستشفى
شلنا بعد ماضمد جرحو وطلعنا به الحمد لله قدر ولطف وطلع من هالصواب طيب
جان لازم اخذو واعگب بي للاربيل نزلت ويا
واخذت يومين اجازه اريح شويه
واعگب
مالك
ظليت افكر بليان وبالي يمها اسأل اختي عليها
وتطمني وگلبي ارتاح بعد اكثر من
شفتها رجعت تفتح المشتل وتروح وتجي اله
اسمع من نوار من تجي تنظف اليه
البيت وتجيب توته يمي هي تغيرت عن الاول
حتى من رجعت امها ماحجت وياها اي
شي تعاملت بروده ولا
جن هي جافصه بطنها من وره اتصالها بذيج
الساقطه
سالت
يعني ابدا ماحجت جلمه وياها
ابدا مالك عمه اجتي تبجي وتعتذر منها وهي
بس كالت الها
الي تريدي سوي اني بعد مايهمني اي احد
غير بس نفسي والي يحبني
صفنت على اختي من حجت هيج سالت
وامها شنو جان ردها
ماحجت شي عمو جان واكف هو ووسيم
واصلا شتحجي هي غلطت من فتحت باب لذيج
وكامت تسمع جذبها وتجذب ليان والسمعته
ااخ ولج ذيج من اول نظره شفتها بيها عرفتها
هي شنو وحده خفيفه وابد مو راحه
اي اني هم عرفت هالشي من كلامك ومن كلام
وسيم شفته شلون من انهارت ليان
شلون فقد وكام يحجي
كلام جبير
اي بس انتي ماعليج حتى لو حجه هو
تظل اخته اذا سمعها من الغير توجعو وتذبحو
لاا اني مااعليه باي شي حتى من يصير حجي
بينهم انسحب بسرعه حتى مايخجلون
مني ويتحسسون
ابتسمت الها رديت
عفيه بيج عاقله وتفتهمين
عجل شلون تربيتك انت وابويه
ههه ها ولج ملتي على لهجتنا
ههه العرك دساس
راح اطلع كملي وقفلي وارجعي لبيت عيالج
اي هسه ماظل شي واكمل
رايح
الله وياك هاا جيب ريوك لان ماعندك
اي شي
تمام
طلعت ورحت لگاع مال واحد عرف لزمها
اليه حتى ابنيها الو شفت البتلو نشف وكلت باجر
اخليهم يبلشون بالشغل
رجعت للمكتب وسيم كاعد يشتغل بشير ماكو سلمت وسالت علي
وين ابو ود
طلع بشغله هسه يجي
هاا
كعدت سالتو
شلون الحسابات ورد موو
ههه اي بس كله شوك
خربت ضحك ورديت
اسكت انلاصت علينا اني وبشير من عفتنا
ورحت كمنا نشبج هاي بهاي
ههه همزين ماعدكم شركه جبيره جان من
صدكت فلستو
احم يعني هو اكو هيج شي
دحك عليه ورثت جگاره هو مايدخن سال
تريد تفتح شركه عقارات
اي والله لكيت عماره بموقع قريب منا
واجرتها لان تعرف شغلنا كبر كلش وكامت تجينا
صفاقات جبيره يعني اكو توسع
بالشغل ولازم اجيب بعد موظفين واخذ
مچان اوسع
ها بالخير عليكم تستاهلون مالك انت وبشير
بس يعني اني وياكم موو
هه عجل وين تولي غير ويانا تشتغل
وراح تلزم فرع المحاسبه كلو
الله حيو
ههه حي الله اصلك ونباك
صفن عليه سال
شنو معناها بله مال نباك
يعني حي الله اصلك وفصلك
ههه والله انتو لهجتكم عجيبه غريبه
اختو اجتي جدام عيوني احجي وياها
ماتفهم مثلو ابتسمت بشير
طب شايل لفات وقواطي
شافني حجه
االله جابك شلون لفات كباب
تخبل من المنقله للحلك
اي حتى يكبر كرشك بعد اكثر
ههه سجلت جم بس العب منا اجوع
واكل الضعف
ضربت ايد بأيد اشرت لوسيم كتلو
اقبض راح يصعد دبل من وره الضعف الي
كاعد يعبي كرشو بي
وسيم خرب ضحك اخذ لفه من ايد بشير
كتلو
انت هم على السره شوف صايرلك كرش
ههه من دلال اختك
عابك وعاب اختي هي هم صايره طوبه
ادري شتاكلون بعران على العشه
هااا
جمل،،، ولك صير على الخط ولا تعل گلبي
رديت على وسيم من سأل بفهاوه اختو
بشير كال
تزوج وانت تسمن
سكتت من هي اجتي بين عيوني ذبيت
حسره هو حس بيه ماحجه شي
من وره وسيم
كملنا شغل رجعت بليل ساعه تسعه ونص
وسيم راح بشغله وكال لاتنتظرني
وصلت شارع المشتل شفت الاسواق تذكرت
الريوك من كالت علي نوار
نزلت يمها وطبيت
اخذت سله وبديت اتسوك
ليان
واكفه اخلي اكل للسمج وافتر عليهن جرس
باب اندك باوعت نفس ذاك المنتسب
طب بزيه شافني ابتسم
سلم
مرحبا ست
اهلا وسهلا تفضل اخدمك بشي
اي والله اريد هديه لبنت اخويه حوض
سمج وويا الزينه مالته يعني شنو يحتاج خلي
تمام تفضل اختار ووشوف يالون تريد
تقدم ليمي وخرت منه ووكفت على
صفحه اشر لوحده زركه وكال
هاي حلوه هي تحب لون الازرگ
نفس الحوض لو تريد اكبر
لا اكبر هذا صغير كلش
اشرت على كم حوض وكتله
اختار الي تريده
راح الهن اختار واحد وسط وجابه اليه
جبت الي اختارها وخليتها على الميز ارتب بالحوض واحس عيونه عليه مادرت بال تعودت على هيج نظرات من الطرف الثاني
اريد هم كم شتله من هذا الورد لان شكله حلو
كلش
اي اختار الي تريده
جاوبته وراح جاب كم وحده خلاهن
على الميز كملت وخليت اله اكل للسمجه سال
الحساب شكد
عشرين وي الشتلات
تمام
طلع الفلوس وخلاهن على الميز لان لهيت روحي
انظف بالميز ماشال الي اشتراهن
كال
بس اروح اجيب كم شغله من ابو الاسواق
الي بصفج وارجع اخذهن
براحتك
رديت مختصر طلع من يمي وراح
جهازي دك باوعت رقم غريب يتصل على خط
المشتل فتحت الخط رديت
الو تفضلو
ماسمعت رد عكدت حواجبي باوعت
بعده متصل مو مگطوع رجعت كلت
الو تفضلو منو وياي
هم ماكو رد سديت الخط ومادرت بال
الولد رجع وكال
سويت زحمه عليج وازعاج
لا ماكو اي ازعاج
راح اخذ الشتلات بالاول اخليهن بالسياره
وارجع على السمجه
براحتك
اخذهن وراح جنت لازم اعزل لان تاخر الوقت
رجع اخذ السمجه ووكف يباوع عليه
ابتسم وسأل
هاي كل شكد ابدل اامي مالتها
كل اسبوع
ها تمام
ماتحرك حسيت عنده حجي گطعته علي
من كلت
الوقت تاخر واريد اقفل المشتل
ها اي اسف اخرتج وياي
سكتت مارديت شلت جنطتي واللابتوب
مشيت هو طلع قبلي طلعت لبره قفلت المشتل
انتبهت اله واكف بسيارته ورايه تاخرت
شويه اريده يروح ماراح
صافن عليه ونظراته ضوجتني كلش
مشيت للاسواق اخذ كم شغله لتوته طبيت
سلمت
شلونك عمو محي
هلا ليونه كل الهلا بنتي
اريد علاكه
ادللي
انطاني وحده ورحت الم حلويات لان اني من
عشاقها خصوصا الشكولاته ابتسمت من اجتي بالي
توته هم تحبها ومن تاكلها ادمر روحها
واني وياها
عم هاي الجلاكسي تجنن جيب منها كل مرة
اي هي مطلوبه هوايه وتخلص بسرعه
اي لان طعمها يخبل تعرف اني احبها وتوته
هم
منو بنت اخوج
هههه لا بنت اخوها لمره وسيم شبيك عمو اخويه
ذاك اايوم تزوج شبسرعه اجته بنوته
ههه والله صدك ياعمو عبالك مطفي اني
ابتسمت واشر اليه
هذا مصاص ابو العلج اخذيلها منه
يبوو عمو غير الدبك يوصل لكفشتي
خرب ضحك واني ويا
الحساب حجي
انداريت بسرعه من سمعت صوت مالك
جان ورايه شايل سله مسواك ويباوع عليه خجلت منه لان تذكرت انهياري بحظنه
رحت مسافه عنه تقرب دفع الحساب وطلع
عمو باوع علي سال
هذا گرايبج موو
هو يعني مو گرايب يصير اخو مره وسيم
وابو توته
هاا موو اكول دائما يجي ياخذ حفاظات وحليب
وشفته يمج من تعارك
سكت ماكمل لان يعرف ايهم جان خطيبي
وفصخنا ردد
الله يعوضج عمو بالاحسن
شكد الحساب
خمسه
دفعت وطلعت لسيارتي عكدت حواجبي
من شفت هذا المنتسب بعده ماراح نازل واكف
يم سيارته مشيت منزله راسي ورحت
لسيارتي وصلت يمها
هو تقرب وحجه
ست اريد اسالج سؤال
تفضل شتريد تسأل
ضوه لايت سياره اشتعل القوي خليت
ايدي على عيوني شفت خيال نزل من سياره وره
سيارتي بمسافه تقرب عكدت حواجبي
من شفته ايهم حجه
وي هذا
شراايد منها
مااايخصك واامشي ولي منا
صحت بي بغضب واعصاب وجهه انطعن
ذاك رده بنترة
وانت شعليك وليش تسال
ولي منااا
ايهم غلط علي صحت بي
اااانت ولي منا وبعد لاتشوفني خلقتك
ليااان
صاح بيه انهديت بي
لااادكول ااسمي
ليان
سمعت صوت مالك من ورايه ماانداريت
اجه وكف كدامي باوع لاايهم وكال
بهدؤ قاتل
يول انت تالي وياك شتريد اسويها من صدك
وافصلك من الداخليه كلها
ايهم باوع عليه بخزرة مالك رد بغضب
موو اجي افگس عيونك هاي الكاعد تخزر
بيها
ااايدك الك شتريد تسوي سووي
لزمت مالك من زنده من شفته راح يفقد اعصابه
حجيت
مالك خلي نروح
سحب ايده مني اشر على ايهم
ااسمعني ولك بالقران هاي رجلك اكسرها واعلگها
برگبتك اذا شفتك بعد هينه يم ليان
باااي صفه انت كاعد تحجي هالحجي
مالك سكت من صاح بي ايهم كمل
عبالك مااعرفت انت جذبت عليه بذاك اليوم
وكلت انت خطيبها عرفت افندي
انت مايربطك اي شي
بيها
عرفت افنان سالت
روان وكالت الها مو مخطوبه وهي كالت اله
مالك انهد بي
يووول جرر منا لااشوفك شي مو شايفه بالقران
وصلت لهينه من وراك
اشر على خشمه ايهم رد
باعصاب
شتريد تسوي تعتدي عليه واني مقدم بالشرطه
مالك رد بجنون
ووولك طز بيك وبرتبتك
طز بيك وبيها وبكل واحد عار مثلك
يعرف برحو شسوه وجاي بعين مال كحاب ويريد يحجي ويبرر فعلتو السوده بلون وجهو
ماايخصك ااانت
ايهم صاح كم واحد يمشون بالشارع وكفو
يباوعون علينا ذاك المنتسب ظل
واكف ويفر براسه
عليهم
مالك هد وكفت بسرعه بوجهه باوع عليه بخزره
توسلت بعيوني
وكف بس احس بي يرجف من
اعصابه انداريت ظهري صار
على صدره
خزرت ايهم وكلت اله
انت شتريد
ااريدج ليان ماجااي اكدر انساج
ايد لزمتني زندي بقوه جان مالك باوعت
اله وجهه دم وصاير نار درت وجهي
لايهم رديت بروده
انساني مثل مااني نسيتك انساني ايهم
وروح عيش حياتك الي اختاريتها
وي اختي
ليان جنت مجبور
ابتسمت وهالابتسامه خلت يصفن عليه
رديت بهدؤ
شوكت راح تجيب لارا الثاني
صارت صنطه صفن علي بجمود كملت
روح ايهم اني الله حبني من خلصني منك
حبني كلش من خله اختي التشبهك
بكل الصفات بطريقك
وخلاك تاخذها
بالحرام
لياان لاتحجين هيج
يول ولي منااا
مالك صاح بي من شافه تقدم عليه لزمت
ايده بسرعه باوع عليه متفاجأ من
حركتي ايهم حجه
بصوت مخنوك
ماراح تلگيني مثلي ابدااا ليان
درت راسي علي رديت بروده واني
لازمه ايد مالك
لكيت ايهم شوفه هذا الانسان الي
الله عوضني بي وخلااني اعرف اكو فرق
جبير بين كلمه رجال وذكر
مالك لزم ايدي بقوه كال
سمعت وتاكدت موو هساع يله ولي منا
وشوفني طولك الحلو
ايهم ظل يباوع عليه وعلي صفن بوجهه
مطعون على ايدي الي بأيد
مالك ردد
مااراح اخليك تاخذها وولك والله ماااراح
اخليها تصير الك
اااذا انت رجال سوي الكلت علي
بالقران اشوفك منوو احنا وشنكدر نسوي
وهاا مو كلام يول افعال وكول مالك
كال وفعل
باوع عليه بقهر درت وجهي منه تحرك
وراح لسيارته المنتسب هم راح ماظل يمنا
ظليت بس اني ومالك واكفين يم
سيارتي انتبهت ايدي
بعدها بأيده
سحبتها بسرعه ودرت روحي منه
ااصعدي واطلعي چدامي
حجه باوعت عليه صاير عصبي ونار
ماحجيت شي رگبت سيارتي وطلعت لبيت اهلي
هو ورايه اباوع عليه بالمرايه
عاكد حواجبه ومبين
علي الغضب
وصلنا لشارعنا نزلت وكفت يم
سيارتي باوعت علي نزل عيونه عليه اجه
ليمي كال
الحجيتي قبل شويه مو بس كلام راح يصير
لاااا يبنت الناس راح يصير فعل
واخطبج من صدك
مالك اان
انتي شنو ليان مااتحبيني موو عندج موقف
وياي من سمعتني كلت اني السبب
بموت حرمتي
مالك ااسمعني
ااسمع شنوو ليان تره گلبي مو لعبه بين
ايدج السويتي استغلال اليه
تعرفيني احبج واموت
عليج وكلتي خلي اسوي هيج
واستغله جدام ذاك
العار
يحجي باعصاب ومقهور كلش رديت
بهدؤ
تسمعني لو اطب جوة
دار وجهه مني ذب حسره وكال
ااحجي
اخذت نفس وذبيته رديت
مالك الي اريد اگوله اني موافقه عليك
الذهول صار بوجهه شفت اخويه اجه
من بعيد كلت
اخابرك وره العشه
ليان اوكفي
وسيم اجه مالك بعدين نحجي
عفته وطبيت جوه
زين العابدين
وصلنا اربيل معي فزاع ونسر وديتو لاهلو
وعگبنا لاهلنا ماجان احد يدري بي نزلت
سويتها مفاجأه الهم ولهيله ردت افاجأها
برجعتي ردت اشوف الشوك
شمسوي بيها
وصلت ساعه 12بليل الحرس تلكوني
وتحمدو لي بالسلامه رحت للمطبخ بابو مفتوح
دشيت هاجر به شافتني فزت بفرح
صاحت
زيين
اجتي عليه بسرعه حظتني حبيتها من
راسها وكتلها
هلا ياخيه شلونج
بخير مادام شفتك
ردت بغصه ادحك لي بفرح سالت
الشيخ وينو هو والحجيه
ابويه جالس يدحك اخبار هو وامي وجدتي
اظن غفت
هزيت راسي وسريت للصاله امي فزت
من مچانها من فرحتها بشوفتي
هلاااا يمه كل الهلا
اجتي علي بسرعه حظتني حبيت ايدها
حبتني من عيوني وكالت
بصوت مخنوك
هاي شصاير بيك يايمه ضعفان كلش
مارديت رحت لحظن ابويه لمني به
اشتميت رحيتو وغمضت عيوني
هينه حسيت بالامان والراحه
وخرت منو تفرس
بملامحي ابتسمت له
كلت
شلونك ياشيخ
بخير وطبت من شفتك
رحت لحظنو حبيتو من جتفو كلت
عساك طيب دوم يااشيخ
اكعد يمه خلي املي عيوني بشوفتك
كعدت حد ابويه وامي جدامي اختي جابت
لي مي شربت سالني ابويه
انطوك اجازه يابه
والله ياشيخ فزاع تصوب وجبتو من هناك
لدار اهلو
يمممه تصوب وانت معه
امي صاحت بنوح رديت
ماابي شي يايمه هياني جدامج طيب
وين تصوب وشوكت
ابويه سال عاكد حواجبو رديت
قبل يومين تصوب وبجتفو صوابو مو قوي
لاتخافون قدر الله ولطف
هاا شفت يااشعلان هذا اول الغيث
تصوب ابن ولد عمك وابنك جان معه
يمه شلون يعني راح تظلين هيج تنوحين بوجهي
كلما تشوفيني
وولك ااذا صار بك شي انا شااحصل
زين اصعد لحرمتك وطمنها عليك البنت
ضاعت عگب مارحت وخليتها وراك
ابويه تكلم امي
ردت
اي وانا ماضعت ياشيخ مااتعبت من فراك
ولدي بس هيله التعبت انا لااا
ابويه خزرها سكتت اشر لي سريت للدرج
صعدت ولهفه وشوك بصدري
لهيله
فتحت باب غرفتنا بهدؤ دشيت
ظلمه نور ضوه المنام
مشتغل هي
متمدده سريت لها وكفت گريب
منها صفنت عليها غافيه وحاظنه مخدتي
الشعر مفلول ومنثور على الجتف
وطولها
ابتسمت كعدت حدها جريت خصله
شميتها بنفس طويل رددت
مشتاگ الج ونار شبت بين ضلوعي
مشتاگ انام وهالشعر اتغطه به
هيله
مثل كل ليله انتظر زين يتصل ومااتصل
دكيت علي ماعندو شبكه تمددت افكر به وبالي
يمو مااعرف شوكت غفيت
حلمت به حلم ماهو خير
فزيت من نومي
صحت
زين
ااسم الله لاتخافين هياني اجيت
جسمي جان كلو يرجف شفتو هو جدامي
بس عبالي بعدني احلم گضبني
من ايدي وكال
هيله ماابي شي شوفني طيب لاتخافين
وعيت لروحي صفنت علي ابتسم وردد
مفاجأه حلوه موو
مااعرف شصار بيه منا حلمت به حلم
مو زين فزعت منو كعدت لكيتو جدامي گرب
مني سال بقلق
بيج شي
انت الشي يازين
رددت بگلبي رحت لحظنو وكمت ابجي
لمني به بقوه حبني من راسي وكال
اش يولي لاتخافين هذا كابوس وجنتي
تحلمين
وخرت منو دحكت له وخر شعري من وجهي وهو يتفرس بملامح وجهي بشوك عيونو
صارت على شفايفي
صفن عليهن
بعدين رفع عيونو وخلاهن
بعيوني عرفت وش
يريد غمضت
باسني بهداوه ولمني بحظنو بقوه
حظنتو جسمو حار ودكات گلبو سريعه وخر
مني ردد بصوت مخنوك
ذكريني بالعهد يااهيله
انساه ياازين
رديت هالكلام وشفت شوگ وحبو الجبير
سلمت روحي له وانا راضيه واريدو
مثل ماايريدني
عهدي انختم بذيج الليله لجن غير عهد
بحظنو حلفت انا اظل له طول العمر ومايفرگنا
شي هو شيخ گلبي وبس وانا
شيخه گلبو
يتبع
اوتار حزينة