ياحِزن يارَيت اعَرفك
چنت اسَوُيلك حديَقة يَاسَمين
ومَمشة من كَاشي الفَرح
جَدام بيتك
يا حَزن يارَيت اعَرفك
وينَ سَاكن
چنت اكَلك لاتجِيني
وتمَشي كُل هذي المَسافة
انا وحَدي چان اجَيتك
ياحَزن وحيَات حَزنكَ ماعَرفتك
چنك مغيَر مَشّيتك
حاطّ ريَحه رخيّصة كُلش
يارخَيص شگد بچيت!!
بقلمي أنا مليكا الجبوري
لاتنسون التصويت وتعليق بين الفقرات يبعد عيوني 🩷✨
أَعتذر أذًا شفتوا أخطاء أملائية لان البارت طويل ومامنتبها عليه حيل 🫂
____________________________
صَفنت على طَول شعرهَا مفهَي بوجهَا
تقرَبت علية خزرَتني مخلية أَيدها بوجَهي ترزلني
- شوف داده والله أَذا تتحرك حركة وحده ..
ماكمَلت كلامَها إلأ وسمعنا أَصوات زلم ببداية الفرع يصيحون
- لكيناهَاااا أَركضوا ألزموَها قبل لا تنهزَم
فتحَت عيونهَا على وسَعها تباوعلي
عضَت شفَتها تهمس :- عزا تورطتَ وياي
لزمَت أَيدها بقوة سحَبتها أَصيح
- أركضَي ديرّي بالج توكفييَن لا توكفَين
نركُضَ بالدرابين نحاول نَتخلص من عدهم لازم ايدها بقوه خايف يوصلون الها لو يلمسون شعره من عدها
دخلنا بفرع صغير جريتها اليه كتمت على انفاسها المضطربه رجعت راسي على كصتها اهمس بهدوء :- لا تخافين هسه نخلصَ منهم
بعدت ايدي تحجي بنرفزه
- ابتعد معليك بيه إني اكدَر أدَبر نفَسي
طلعت من المكان تمشي بحذر نزعت الكعب رفعته تمشي حافيه حتى مايطلع صوت يبين وجودها
وكفت تتسَنط على كلامَهم بَدون خوف رمقتني بنظره سريعه تَحاول تطلع من هَلْ مكان
تقربت يمها لزمت ايدها بقوه احجَي بتسَاؤل
- ليش حتى يحاولون يَقتلوجَ
ركزت كُل نضرها عليه اخذت نفس بعمق تهمس
- بكُل بّساطه لان مَيحبون الشَخص يلي يَدافع عِن حقه ..
ضَحكت بصَوت أَهز بأيدي
- هو أنتِ عايشه بالعراق شتردين يعني
دفعَت أَيدي بقوة خازرتني بعيونها العسل
مريانا - لتحجي على بلدك
لهيم - شنو مَقدم الج بلدج ست
رمَقتني بنظَرة مُستفزه وصَارت تحاول تطلع من المكان تحجي بهدوء :- مَقدم الي هواي أشياء بعمرك مارح تشوفها
لهيم - أَصَبري شوية لا تطلعين خلي يرحون
مريانا - معليك لتدخل بيه
لهيم - يمعودة هيه مالت عناد ؟
عكدَت حواجبَها متخصره
- اي مالت عناد لعد شنو أَسمع كلامك
لهيم - ترا الوضع خطر بره ولسلامتج داحجي
مريانا - قابل شنو أذًا أطلع حموت ؟ عادي مو مشكله
لهيم - عوفي الموت على صفحة لاتذكري
أرتجت على الحايط تعض شفتها
- اريد اطلع منا
لهيم - اصبري يرحون ونطلع اني وياج
مريانا - عشتو وليش حتى اطلع اني وياك منو أنتَ
لهيم - ساعدتج
مريانا - لو ما حاط خشمك وياي مجان صار بيك شي
لهيم - كعدي مثل الحبابه يرحون ونطلع
ونصي صوتج لان يلعلع تلعلع
مريانا - على فكرة أنتَ قليل أَدب مامتربي أبدًاااا
هزَيت جتفي وكعدت بالكاع متربع
لهيم - خوش بكيفج اني كاعَد هنا ماكوم
مريانا - ترا الكاع كُله تراب
لهيم - عادي
مريانا - اووي شعليه هم عوزي اني مقرفين
لهيم - لعد ليش ردتي تساعديني أَذا اني مقرف
حجيت هل كلام ودارت وجها بسرعة عليه
تأملت ملامحَي مستغربه عاكده حواجبها تفكر بعمَق
أَخذت فترة صافنة بوجهي بدون كلام ولا حركة من عدها
رفعت أَيدها تأشر عليه
- أَنتَ نفسك يلي شمَرت روحك كدام السيارة ؟
لهيم - ماشمرت نفسي دخت و وكعت
مريانا - لا جذاب
لهيم - هو شنو وجذاب
مريانا - أنتَ متعمد تريد تاخذ فصل
لهيم - يا فهيمة لو متعمد واريد أَخذ فصل أَكُلج روحي
مريانا - هم صدُك .. بعدين أَنتَ ليش طلعت كدامي هسه ها
لهيم - لان أَنتِ طلعتي كدامي
مريانا - يا صلوات على محمد شنو هل معلومة الخطيره
لهيم - اشعشع معلومات خطيرة ترا
عوجت حلكهَا تهز بأَيدها
- صخونه شون ناس ماتستحي كدامي
لهيم - ليش ساعدتيني وماسمعتي كلام صديقتج ؟
صفَنت بوجهي ترمش بعيونها :- يا صديقَة ؟
لهيم - صديقتج يلي يمكن أَسمها أسيل
رخت ملامح وجهَا أَخذت نفس بعمق تهمس
- مرت أَبوي مو صديقتي
عدلت كعدَتي أرفع بشعري :- أسف مو قصدي
مريانا - شنو ليش تعتذر
لهيم - أسئلج هل سؤال
مريانا - لا عادي مو مشكلة
" لازم نتقبل الحقيقه مرات حتى وأَن كانت متعجبنا
لهيم - متقبله الحقيقه ؟
عيونها بعيوني صَارت
ضَحكت ضَحكة توحي بالقهر :- هواي حقائق متقبلتها بحياتي
أَخذت كعبَها من الكاع و راحت تريد تطلعَ
وكَفت بمكانهَا تباوعلي .. أبتسمّت بهدوء وحجت بصوت عذب
- أَعتذر على تصَرفي وياك .. شكرًا على مساعَدتك
طلعَت وراها أمشي خاف بعدهم موجودين
سمعت صوتهَا تحجي وياي :- لتخاف مايرجعون بعد
لهيم - لا مايصير اعوفج وحدَج
دارت وجها عليه تضحك
- لا والله صعَدت الغيرة العراقيه أظاهر
لهيم - لعد ترديَن أَخليج وحدج تمشين بنَص الليل ؟
مريانا - عادي
لهيم - انتِ شنو مشكلتج كُلشي عادي عندج !
مريانا - أَتقبل وضعك والحياة يلي أَنت عايشها راح تحَس كُلشي عادي
وخرَت شعرها عن عيونها بعد ما طيَره الهوى
صفنت بعيوني :- أَنتَ شبيك بذيج الليلة .. وضعك حيل غريب
لهيم - مابية شي أَنسى
مريانا - ليش جنت تمشي وحدك بنص الليل و شمرت نفسك على السياره
لهيم - ليش جنتي طالعه وي مرت ابوج بهيج وقت من الليل
مريانا - معليك
عافتني وسرعت مشيتها لكدَام متجاهلتني
وكفت بمكاني أبتسمَ أعدل بشعري :- جابتَها الصدفة
عكدت حواجبي صافن على الطريق
- علي ؟ صديقي المصخم وين نسيت اني جاي ادور عليه
فزيت من مكاني وطلعت من الدرابين اركض بالشوارع
بس طلعتَ من التحرير امشي ركض للكهوه
بس وصلت يمها شفتَ ضِغاب وأسيد واكفين
بس شافوني اجوا بأتجاهي صاح أسيد عليه :- حيوان وين صرت
لهيم - غيرر ادوور على علاوي
ثواني جانت بس أَخذني ضِغاب بحضنة يدور بوجهي
عكدت حواجبي وصحت :- ولك عايش كُلشي مابيَه ما أموت عار
ضِغاب - اشششش انجب وامشي
لهيم - لعد شنو هذا الخوف مالتك جذابي
ضِغاب - لتحجي حجي زايد وراي امشي
لهيم - بس علاوي
أسيد - لا تخليني أسب علاوي هسه بهل الليل
رجع لأمه الدايح جان يفرفر وي جماعته وطافي موبايله
لهيم - ايا جلب يا علي شون دكة ناقصه مسويها بيه
ضِغاب - بس بيك ؟ بس بأمه همزين حمسته حمس
أسيد - وابوي راح يحمسك أنتَ حمس
لهيم - لعد اني شعليه هو كال روح وراه دوره
أسيد - ماتعرف تشوف تلفونك
لهيم - خلص شحن قابل شسويله
ضِغاب - سبحَان الله كُلها تلفوناتها تخلص شحن
لهيم - منا ورايح اخذك وياي حتى تتاكد مو احسن هيج ؟
ضِغاب - امشي لك قشمر تضحك وتحشش عليه
والله مايجي من وراكم الا هم والأذيه امشي بسرعه امك انتهت
لهيم - شبيها امي ولك
ضِغاب - ضغطها فول عبالها بيك شي والدنيا احتركت بالنت والتلفزيون
لهيم - هو مال الدنيا احتركت صدُك احتركت
وصلنا للبيت فتح أسيد الباب
دخل لجوه يصيح على ابوي وامي :- اجه الدلوع
لهيم - سالمين دلوعيش
سميدع - ليش ماترد على الموبايلات
طلعت موبايلي من جيبي أنطي لابوي
- يابه هاك شوف تأكد بنفسك الموبايل مخلص شحن طافي
زمرد - يلا اصعد وممنوع تطلع بعد
لهيم - شكوو يمه زعطوط أَني ؟
سميدع - اي زعطوط لفوك بسرعة
لهيم - بس ..
سميدع - بلا نقاش لهيم لفوك ماكو طلعه بعد
لهيم - حاضر تدللون ماكو طلعه ماكو طلعه بعد أحبسوني بقفص خاف اشرد من عدكم وبعد مارجع لان حطير لو اموت من اطلع
زمرد - ولك لهييم
سميدع - عوفي زمرد لازمه خيط خبال هذا الولد ..
آريـا :
وانا أقول معاهم بالي مشغول
يا رب الفراق ما يطول على طول
على طول معاهم بالي مشغول
يا رب الفرقة ما تطول ويردون، يردون
(قلت لازم يردون (يردون
هذا طبع اللي يحبون يردون
يا طيبين وحشتونا يا طيبين
يا غيبة وطالت سنين
عليكم تدمع العين يا طيبين
يا طيبين وحشتونا يا طيبين
يا غيبة و طالت سنين
عليكم تدمع العين يا طيبين
بلا روح تركتوني بلا روح
متى تردوا لي الروح وتحنون
بلا روح تركتوني بلا روح
متى تردوا لي الروح وتحنون
(يردون قلت لازم يردون لازم يردون
هذا طبع اللي يحبون يردون
يردون يردون
أَدندن وي الأغنية صَارت أدمَان
مايكمل يومي أَذا ماسمَعها وأَتخيل ميثم
أَبتسمت أهمَس بداخلي :- خرب روحك شسويت بيه اموت عليك
طلعتَ لبره أَريد أَشم هوى بالطارمه
بس سمعت صَوت مُلهم ديحجي وي صوت فز گلبي عليها
صرت أَطك أَصبع أهز جتف
- أَجه الحُب مالي
دخلَت لجوه وره الباب اتسمع عليهم
أعض شفتي مركزه وياهم بالكلام كلمة كلمة تنطبع بعقلي
مُلهم - ميثم حبيبي تكدر تجيبلي السويج مال السياره من بيت
شهرزاد بسرعه
ميثم - ولك شسوي بي بعدنا دنحجي
مُلهم - لا خويه هم يالله نروح لـ حسن
ميثم - كلش ماحَبه لهل حسن أحسه خسيس
مُلهم - لا يمعود على بختك شمسوي قابل
ميثم - دغنيص حيل و عينه ضيكه أَبد ماكدر أَتقبله والله لو اكو تعيينات جان هسه أَني ماشتغل عنده متحمل حموضته
مُلهم - هيه هاي بعد عايش بالعراق العظيم اتحمل تخلص حياتك بلا تعيين
ميثم - صارلي سنين اركض ركض وطاح حظي بالدراسه
مُلهم - الله يعوضك بكُل خير .. يلا ماتجيب النا السويج شنو
ميثم- انت تأمر عيوني الك هسه اجيبه واجي
دخَلت لجوه أَبلع بريكي متَوتر أَصب عرك
دكيت الباب بهدوء أرتب بملابسي
صَار صدى صوتها
العسل بأذني
آريـا - منو ؟
ميثم- اني اني ميثم دزني مُلهم على سويج السياره بَس أنطيني أَياه
آريـا - اهوو من الصباحيات مالكه غيرك يدزه هسه اجيبه
ماعرفت ارد على كلامها الي
جان تجوي بي روحي مدري من قساوته
لو حبي الها و هَيامي و لهان روحي عليها لـ آريتي
طلعتَ من البيت مخليه العبايه على راسها
نص شعرها طالع تعلج .. أَنطتني المفتاح تحجي بصلافة
آريـا - هييو الاثول هاك السويج وفضها
ميثم - اني اثول عليه هاي ؟
آريـا - اي حُبي عليك لعد عليمن
ميثم - سهله آريـا أنطيتج مجال زايد اني أَعرف أربيج من جديد
بانَت ملامح الخوف على وجهَها
بَس كابرَت وقوة نفسها تصيح عليها
آريـا - الي يجي من ايده الله يزيده
ميثم - تمام لعد
بلعت ريكي عافنَي وطلع من البيت
دكيت على خدودي أَهمَس :- طاح حظج آريو
رجعت لغرفتي ركض
اول مافتحت الباب دخلت بسرعه أَهفي على وجهي
رفعت راسيَ صَارت كدامي زمرد صافنة علية مستغربه وضعي
ضربت كصَتي أهَمس
- خرب أنه نسيت زمرد يمنا اليوم
زمرد - شبيج ولج
آريـا - ها حبيبي زمرده مابيه شي بيج شي أنتِ ؟
زمرد - شهل الدخوليه الحماسيه يلي اجيتي بيها
آريـا - ها ؟ لا بس يعني جنت ضايجه من فد موضوع
هزَت راسَي تمسح الميز
باوعتلي عاكده حواجبها تحجّي بتساؤل
- منو جان بالباب
جاوبتها ببرود أَمثَل عدم لا مُبالاة
- هذا الاثول صديق مُلهم جان يريد السويج
زمرد- ولج عييب لسانج هذا مو ترى يجي يوم وينكص عزا بعينج شهل صلافه يلي صايره بيها أنتِ
آريـا - الي بي زود خلي يجي يكصه لو يلزم شعره من عندي بنت السعد اني مو اي وحده
زمرد - يا فوك شينها كوات عينها ترادد الادبسزز
آريـا - ولج زمرده شو عوفيني
زمرد - هاي فوك مدا أنظَف غرفتج يا وصخه
آريـا - اييي لعد اختج شهرزاده ماتحن عليه و تنظفلي
زمرد - والله يالله أنتِ عود بعد جم يوم تفتحين بيت الج وتعرسين
آريـا - نايمه على كَلبج ماعرس
زمرد - امشي جوه نساعد شهرزاد
آريـا - ما ماريد
زمرد - ملاحظه نفسج هواي تتنعوصين راح اكتلج انوب
لزمتَني من أَيدي سحلتني لجوه
- أمشي أمشي نسَاعد شهرزاد
آريـا - هووب هووب خالي اوكفي
وكفت بنَص الدرج صافنَة عليه
ضربَت كصتي أَهز راسي بأسف أهمس
- نسيت هم أكُلج شهرزاد كالت رايحه تشوف اولاد حميد
زمرد - هااا ؟؟؟
آريـا - نسيت مره هم أكُلج
جهال حميد اجوا لـ شهرزاد يردون اخواتهم
زمرد - وأَني ليش مادري
ضَربت على خدودي فاتحة عيوني أرمش
- يا عزا بعيني نسيت شهرزاد كالت لا تكولين لاحد حتى زمُرده
زمرد - آرياااااا !!
آريـا - يوووه زمُرده مو قصدي احجي استغفر الله العظيم كم مره أكول لحَد يخلي سر عندي لحَد يخلي
وخرَت زمرده علكيفي مِن كدامي
نزَلت لجوه أعض أَصَابعي أحجي بهدوء أدردم
- أمَداني غبيه
زمرد - آريااا
آريـا - احجي احجي والله احجي ماضمُم شي
زمرد - اي يلا احجي
تخصرت أليَة عاكدة حواجبها
بلعت ريكي أَرمش بعيوني أنتظر الفرَج
عاطت بيه خازرتنَي :- لج أَدبسزز أَحجي بسرعة !
آريـا - ها لا ماريد احجي
دارت وجها تهمس :- هيَنة ولج هيَنة
شالَت جفجير من على الكاونتر جايه عليه تريد تحمسني بيه
آريـا - راح احجي راح احجي والله
زمرد - يلا بسرعه لج
آريـا - احم احم
سيداتي وسادتي العزيزين
سلكتني بالجفجير فزيت مخلية أيدي بزندي
طَفرت أحجي بسرعة :- والله راح احجي عَدل كافي ولج
زمرد - طلعتيني عن طوري صايرات تضمضمن من ورايه خوش أَخوات أنتن عفيه عليجن
آريـا - احم
أولاد حميد أَجو لـ شهرزاد كالوا نريد اخواتنَا
زمرد - يالله شكد حنينين ستوهم يتذكرون ؟
آريـا - دسمعي ياعيني جايه بالحجي
كالت الهم شهرزاد بعيني روحوا شوفوهن
كالوا الها لا نريد ناخذهن ويانا لبيوتنا
عاد هنا شهرزاد ماسكتت وكامت على حيلها
ترادد بيهم و تحاججهم تدافع على البنات وتعد وتصف عليهم
تالي ما تالي مدري شون أقتنعوا
- أَقتنعوا بشنو ؟
آريـا - يبقن يم امهن بس همه كل أَسبوع يجون
لحد ماصار الاسبوع شهر واكثر هماتين محاسبه اله
زمرد - مدا أصدك شون أَنطاكم گلبكم تضمون عليه هيج شي ؟
آريـا - هسه ديلا متزوجه بالسر قابل وما حاجين الج همزين هيه سالفة متسوى
زمرد - لعد شعدها رايحة الهم
آريـا - لإن شهرزاد شافَت بيهم مالك الله يرحمه
أَي زمُرده لا تباوعيلي هيج
طولهم وكُلشي يخصهم شايفته مالك
تروح هناك تخلص نص الوقت يمهم وترجع تضحك
حتى همه حبوها لعلمج
جانت أمهم تحجي عليها وتكولهم مو خوش
مَن عاشَروها عرفَوا أمهم شكد غلط و حاوَلت تغسَل راسهم
زمرد - هسه هيه وين ؟
آريـا - ها ببيت واحد من ولد حميد اسمه نديم
اخذ البنات يمه صارله فتره وهيه تروح وتجي تكول ماعوفهم
دمعت عيون زمرد تريد تبجي
تقريت اريدَ أحضَنها بس ما حسينا الا على الباب تتفلش
ركضنا أَني و زمُرد نريد نفتح الباب
صرت بظهَر زمُرده مجلبة حيَل خايفَة
فتحت زمُرده الباب و صفَنت على شكل مُلهم و سميدع بعد مادخلوا
صَاح مُلهم يباوع علينا
صَاح بصوَت عالي مليان غضَب
- منووو طلع السويج لـ ميثم منكم اليوم ها ؟؟؟
حسيت رجلي صارت خيوط
بعدما سمعت صوت مُلهم يحجي وضايج
لزمَت دشداشة زمُرد حيل أترجَى بهَل حركة العون
رجعَ عاطَ مُلهم يتسَائل
- منوو فتحت الباب بيجن للولد يلي برا جان وراح
زمرد - اخويه اني الي انطيته اله واني الي طلعت اله
مُلهم - زمرد مبروك ميثم اجه يخطبج لعد ههههه
زمرد- شنو شبيك شدتحجي جمد دمي شكو ؟
مُلهم - ميثم اجاني اليوم يخطب اريا وانتظر جواب عروستنا توافق لو لا
سميدع - على هذا صياحك ودفرتك للباب حتى لو جانت تقبل راح تبطل من وراك من الرهبه بعد ما تخلف
مُلهم - هيه اختي بلا كحل مكحله سوالفها نوب خرعناها
آريـا - ها شنو
مُلهم - اختي العزيزه هل تقبلين
ميثم زوجًا لكِ في السراء والضراء والمناكراء
آريـا - لا ماريد اعرس
زمرد - لعد هيه بكيفج
آريـا - شنو حتزوجووني غصبَ
خليت أَيدي على عيوني أَمثل دامسح دموعي
- أهى أهى انه المسيجينه انه انه المظليمه انه الي باعوني
مُلهم - دنكلبت دالي يمعوده تردين ميثم لو ماتردي
آريـا - خل اشوفه بلكي مايعجبني
مُلهم - لا اظاهر انطيتج عين زياده عن اللزوم هل مره
زمرد - ميخالف ياعيني ميخالف دتحملها
مُلهم - نوب معاجبها تشرط علينه وجه الكرك
فوك ما اجه الج رجال طول بعرض شحلاته شتردين بعد
آريـا - اريَده قصر بكرش مو طول بعرض
صَاح بية يَهز بأيدة
مُلهم - انتن النسوان مو مال مواصفات امشي جووه
يحجَي وأَني بعدني متجمده ورى ضهر الزمرد
ماكدر اتحرك وجان كل تفكيري انو ميثم
صدك سواها وكال لـ مُلهم غلطت عليه
زمرد - شوفي أريو حبيبي عده الشقه
تردي ؟ قابلة تزوجين واحجي براحتج شنو تردين وشنو مجان قَرارج أحَنا وياج
سميدع - وأني أحسَبيني بحسَبت أبوج أذا تردين
دمعت عيوني باوعت عليه مبتسمه
- وأنت بحسَبت بابا فعلًا بدون ماتكول ألي أنت هيج
مُلهم - ها أريو نتوكل موافقه
أبتسَمت أباوع لـ زمُرد بخجل
دنكت راسي العبَ بأيدي :- موافقه
مُلهم - هااا شنو شنو ماسمعتج شو عيديها
آريـا - موااافقه
مُلهم - كلللووووووشششش
آريـا - كرص حتى كرص كون نايمه على كلبك وهيج فرحَان صخونة اي والله دروح بعد انتَ مو أخويه الحبوب
مُلهم - لا لا صغيرونتي الأحبه دتعالي حضن
شهرزاد :
كاعَدة أعجن أَريد الف الهم جم كبايه
أَحظر بالحشوه وأَدندن أَغنيتي المُفضله ماكو غيرها
أَبتسم بهدوء على الكلمات العميَقة
دمعت عيوني واني أرَددها وترجعلي كُل ذكرياتي
لا ام تحن لبجاي لا خاله وياي داده حسن
كل الوجوه اثقال من يقبل هواي داده حسن
,,,,,,,
حي وبعد وياها هذه الردتها
موقالت الشمات ماحسبتها
,,,,,,,,,,,
متعجب بدنياي غثتك فد يوم
انا خوتني وك دنياك خلتني ماقوم
,,,
لاقلت هذا هواي لا الله خفته
القلب عندك ضيف عفته وتلفته
مسحَت بطرف دشداشتي عيوني
كل ما أرَددها أَبجي على الواقع بكلماتها يلي تمثلني
سَمعت صوت الموبايل يدك
رحَت غسلت أَديه على السريع أَمسح ايدي بالدَشداشه أَنشفها
الدَنيا قريب الغروبَ جانتَ
فتحَت الخط على صَوت نديم أبَن حميد يضحك
- ها حبيبي كواك الله
نديم - يمه جهزي حالج جايبلج صندوك رمان وجاي
شهرزاد - ليش كلفت نفسك وليدي والله مايحتاج
بس يلا تعال كل الهلا بيك
نديم - اني بالباب بس افتحيها يمه
سد التلفون طَلعت خليت شيله على راسي
أَمشي بسرعه حتى الحك افتحله الباب لا يطول بالوكفه
فتحَت الباب أبتسمت بوجها
- ها يمه جان كَلت ليش عذَبت نفسك هيج
مجاوبني دخل عليه مبتسم وبيده صندوك خشَب
- يمه هاي خليها يمج فتره واخذه
شهرزاد - اخليه بعيوني بس شنو هذا شو صندوك خشَب
نديم - مو كتلج رمان
شهرزاد - اي يمه بس من يمتى نخلي رمان بصناديك خشَب
نديم - ياا شبيج يمه داكُلج رماان رماان
شهرزاد - اي اي رمان مالت أَكل
نديم - لا مال مفجرات
هزَت أيدي أَضحك عليه
- والله يالله شون ولد تالي زمن يصنفون عليه
نديم - أَفتحي وتأكدي
أَباوع عليه عاكده حواجبي ممقتنَعه
تحمحمتَ أمثل القوة خايفه يطَلع صدُك حقيقي
تقربت لـ صندوك بعد ماحطه على الميز :- يلا أَفتحي شوفي
فتحت الصندوك كل الي ببالي يتشاقه وياي
بَس شَفت الموجوده بداخَله تجمدت اطرافي شايلته
بأيدي أَتفحصهن صدُك لو يقشمر عليه حتَى يسوي جوي ومقالب
عيوني فتحتَهن على حيلهن أَرمش
- يمه شنو هذا
نديم - متفجرات هذني يمه
شهرزاد - عزا بعيني شنو متفجرات
رجفت أَيدي أَباوع الصندوك
متروس رمان حربي (متفجرات)
صافنه على أيدي لازمتلي وحده
صحَت بي أرجف :- تعااال ولك تعااال
نديم - هاا ها وين اجي ماسمعج
ضربت خدي بايدي الفارغه كمت اصيح عليه
- ولكك يا كلب تعال اخذه من ايدي راح يوكع وتفجرنا ولككك الحك
بسرعه راح نموووت
ولا عبالك داحَجي وياهَ
واكف بمكانه مكيف يضحك عايفني بخوفي
عضيت أَيدي أَصيح :- لو ما كلب وحقير ماتسوي هل سوالف
نديم - ههههههه لا يمه لاتخافين هذا ماينفجر شايلين من داخله الصاعق ما ينفجر
شهرزاد - اخذه واطلعو من البيت بعد ماريد اشوفك هناا
نديم - تطرديني من بيتي يمه يمه ؟
شهرزاد - ولك انت بنص الكلب مكانك اطردك شنو روح اخذه خليه جوه جربايتي واقفل باب الغرفه
واني رايحه ابقى يم الزمرد هم صار هواي مرايحتلها وامر على اريا اشوفها مرتاحه وي زمرده هل فتره لو لا
نديم - ههههههه ها يمه شردتي من البيت ؟
شهرزاد - لعد ينفجر عليه تريد شو ولي من وجهي
نديم - خليهم هنا فتره على ما تخلص المده وترجعين لبيتج
شهرزاد - لعد تريد تبقيهن لحد ماروح لبيتي
خوب كول روحي من هسه عليمن هل سوالف عشتو
نديم - لااا أَني أَريدج تحرسيهم
عضيَت أَصبعي أصيَح بي
- ولك لو ألزمك هسه أذا ماسويتك سبعين وصله
نديم - وصلتيش
شهرزاد - وصلة مسح امسح بيك بغداد ذهاب و أياب
نديم - شنو تنظفين بغداد براسي وين صايره هاي
شهرزاد - أَني أعلمك أنتَظر وشوَف شراح أسوي
دفعَته و طَلعت من البيت أَهفي بعبايتي
لحكَني للباَب يصيح عليه :- ولج يمه بس تعالي
شهرزاد - شو وخر ولك مابقى هنا
نديم - والله مابيهن شي صدكيني
شهرزاد - شعدك جايبهن ماتكول خطيه هل مره هيه وبنياتَها يموتن
نديم - لا اسم الله عليكم بس
شهرزاد - اش اش وخر أَني طالعة
نديم - عمي بالعباس بس تطلعيَن أفجركم
وكفَت بمكَاني أَرمش بعيوني
لطمتَ على صدري أَعيط :- شتفجَرر ولك حقير
نديم - أَفجرج وأفجر بناتج ديري بالج أَمشي طبي لجوه سريع
شهرزاد - ولك تهددني ؟؟
نديم - اي يلا بسرعه بسرعه لجوه
هزَيت راسي نازعه نعالي
شلته من الكاع طاحت عبايتي بالكاع صحت عليه
- يلا تعال انعنع هل نعال على ضلوعك جنه حميدان مامربيك
نديم - وين حميدان شابع مي ورد و بخور
شهرزاد - دتعال أربيك بهَل النعال
جنك أَبد أَبد ممجربَه يا ادبسزز قليل أَدب
نديم - لااا بَس أَفهمج
هفيتَه بالنعال أَعض أصبعي أله
- هينه ولك سرسري تهددني تريد تفجرني اني وبناتي
نديم - لااا مو اني
شهرزاد - اليوم اني يلي أَفجرك وأفجر راسك بهل النعال اوكفلي
سميدع :
راجع من شغلي تعبان للبيت
أَتمشى بشَوارع أتأملها بهدوء وي قطرات المطر الخفيفه
كبَرنا و تغير كُلشي بينا
ياريت ذيَج الأيام و حلاوتها ترجعلنا
يرد النا كُل غالي و نكحل بي نظرنا و يحلي طعم دنيتنا
البيَت و الراحه الي بي
صَوت القرآن بصَوت الزمُرد
عركاتهم و مشاكلهم فرحهم و حزنهم كُله عسل على گلبي
فتحت الباب أَدخل لجوه
جانت اكثر لحظاتَ أَعشقها للأبد
من يتلكوني ريماس ولهيم ويبوسون ايدي
أَخذت ريماس بحضني أَبوس راسها
شددَت حضنتها تبوسني :- شكد أَحبك يابه اموت عليك
سميدع - أَني هم أَموت عليج ياروح أَبوج
ريماس - تعبان بابا ؟
سميدع - يهون التعب لخاطر تفرح هل العيون
ريماس - تعال حبيبي فوت لجوه الدنيا بارده دتمطر
أَخذتني من أَيدي لجوه
صَارت كدامي زمُرد أَبتسمت بوجهي
- كواك الله أَجيت
سميدع - أَي والله هستوني
زمرد - تنكعت اكيد بالمطَر
سميدع - تدرينَ بيه أَحب المطر خير و برَكة هَذا
زمرد - يلا روح أسبح الحمام جاهز
سميدع - أَي خل اشوف نياري لحظه
نيار - أَني هنَا ماكو داعي تدور عليه
سميدع - أنتِ بروح أبوج
ضَحكت خجلانه مدنكه
أخذتها بحضني أبوس راسها
- أَريد الأكل ميت جوع وراها جاي من هل الادينات الحلوه
نيار - مو تدلل ؟ يابه عيوني ألك
لهيم - لعد أني شنو هنا خراعة خضرة محد معبرني
سميدع - شبيك قابل زعطوط
لهيم - هم أريد حضن شنو
سميدع - دتعال تعال
زمرد - ياا ولك تغار من اخواتك شنو
لهيم - لعد شنو بس هنه يحظنهن صدُك تحجين
زمرد - شوف شون يغار من أخواته
سميدع - حقه أَبني قابل الدلال بس ألهن ميصير
زمرد - دوخر وخر عنَ أَبوك خل يستراح
لهيم - يمه ماتكولين تردين أنتِ هم تحظني
خزرته تصيح بي
- أَمشي منا لك سرسري
سميدع - لا لا خطيه بلكي ديحجي صدُك
لهيم - أَني ماجذب يابه
سميدع - شفتي زمُردتي أَبني ميجذب
زمرد - أي محد تمدح بالعروس غير أمهَا أصلًا ..
دك الموبايل بجيبي
شلته داريد أَقرة الأسم أَبتسمت أهمس
- هذا حسن وليدي
زمرد - رد شوفه محتاج شي
هزَيت راسّي أبتسم .. فتحت الخط أَحجي بكُل حُب
السميدع - هلا حسوني حبيبي شلونك
حسن - سميدع اسمع لا شلونك ولا بطيخ
السميدع - شكو حسن ليش تحجي هيج ؟؟
حسن - جان استحيت على حالك انت وعائلتك عايشين بخيري سنيين وهيج تسوون بيه ؟
السميدع - لك حسن شدتحجي وشنو مسوين هاي عائلتي كلهم كدامي منو مسويلك شي ؟؟
وتعيرني بالسنين يا سنين هاي لك منو الي رباك ووصلك للي انت بيه هسه ؟
حسن - أنتَ شنو دتعيرني ؟
سميدع - حسن راجع كلامك شوف منو يعير بمنو
حسن - والله حرامات بيك الخوه
سميدع - حسن لا تتلف أَعصابي شبيك أبَني
بَلعت ريكي جسمَي رجفَ مَن كلمته
لزمَت بـ لهيم صدى كلامَه يتَردد أَكثر مَن مرة يسمعني
::- أنتَ مو أخوي أَني تبريت منك ..
..يتبع
___________________________
هَلاو يبعد عيني
شنو توقعاتكم للأحداث الجايه ؟ 🥲🫂
القصه مابقى شي وتنختم أقل من 15 بارت تقريبًا بارت 60 الأخير اعتذر منكم على كُل تاخير صار بالبارتات صار خارج عن أرادتي أتمني تلتمسون الي العذر 🩷
اتحملتوني انتوا بس اتحملوني هل الاسبوع بس
راجعه الكُم بجدول تنزيل حتى نختم السميدع و نسد بابهم
شكرًا لتصاميمكم الي ماعرف شنو أَحجي وأَعبر عنها
تخبل وكلمة التخبل قليلة حيل لهل تصاميم وجمالها
لا تنسون التصويت يحلوات وتعليقاتكم
وضيفوني بالتلي تعالوا بالقناة مريانا دائمًا تحجي هناك 🦋🫂
هذا يوزرها https://t.me/malak_qwn
كدامكم البارت كم كلمة حتى لحد تكول قصير 🫂