Writings for you

Part 34

اليوم ما لحقت اكتبلك شي كان يومي طويل و بيتعب و كلشي بسرعة من شوي حتى قدرت اقعد شوي على رواق. مرتاح قلبي انك بخير و بتمنى دايمًا و ما يكون ناقصك شي. بس تحكيني قلبي بيدق بسرعة بحس رح يطلع من محلو و بتلبك كأنو اول مرة عم نحكي. بحس ضروري اكتبلك و عبر عن مشاعري كرمال انا ارتاح و انت تقراهن و ما بعرف شو بتحس بس ياريت تكون عم تنبسط لأنو عم اكتب من كل قلبي وفي حكي اول مرة بيطلع مني يمكن انت ما كنت تعرفو كمان. مبسوطة انو في شوية تواصل و انو عم تقرا كلشي و مهتم و تطمني عنك انا صراحة ما توقعت هيك بدي اشكرك من كل قلبي انو بعدك على وعدك و ما رحت. انا اكيد بدعي بأشيا مهمة و اكيد كلشي دعاء خصو فينا مهم خاصةً موضوع الموت اكيد بفضل موت قبلك مابدي عيش مع هيك حقيقة بفضل موت و ارتاح و انت تكون منيح. من زمان كان ايماني ضعيف و كنت متعلقة بالحياة كتير لدرجة خاف من الموت و حسو شي بشع بس هلق كلشي غير لأنو بعرف كلنا على هل طريق، مع هيدا كلو ما بحب حدا بحبو يموت قبلي يعني اهلي و انت لأنو انتو اهم شي عندي. حبي الك مش حب عابر و بيخلص، انا بحبك من كل قلبي و بتمنالك الخير متل ما بتمناه الي و كل وقتي عم ادعيلك و خاصةً بس صلي بسجودي بدعيلك. هيدا هو حبي الك انا ولا مرة كنت بدي مقابل ولا مرة فكرت بمصلحة او استغلال او انانية. من كم يوم قريت انو المرأة انخلقت من ضلع الرجل يعني متل انو في ترابط بيناتن فكرمال هيك بيحنو لبعض و خاصةً اذا صارت مع تنين فجأة حسو ببعض و تقربوا و صار في حب و تعلق سريع يعني مكتوبين لبعض او على الاقل في ترابط قوي، بعرف انت ما بتصدق هل اشيا يمكن بس انا حسيت في شي غريب صار بيني و بينك لما تعرفنا و تقربنا و حبيتك و انت حبيتني بالاخر، كلشي كان سريع كأنو؟ هلق تحسيت شوي سريع بوقتا كان متل بطيء كتير من تجاهك لما كنت تتجنب المشاعر. كلشي بحسو تجاهك بقوة ولا مرة بلش الموضوع "شوي" يعني بس انعجبت انعجبت كتيررررر و كل مرحلة من الحب كنت عم بالغ فيها من مشاعري عم اعطي من كل قلبي عم فيض مشاعر الك. انا ما كنت اتخيل حالي حب حدا بعيد و اتعلق فيه و كنت بعرف في صعوبة نفوت علاقة بس ما بعرف ليش ما قدرت شيلك من راسي من اول ما حكيتك تاريخ ١٤-١١-٢٠٢١ و انت ببالي في شي بيشدني الك و بيخليني ارتاحلك و اوثق فيك و من اول نهار بلشت غار عليك و بدي تكون الي، دماغي عمل بلوك انو خلص بدي هل شخص الي كيف ما كان ما بيهم المهم يصير الي و نجحت لأنو ما فينا ننكر انو كل هل فترة ما كان في حدا غيري بحياتك و بعدني مسيطرة و مرتاحة بمطرحي ما حدا رح يوصل لهل مرحلة غيري. كتير برتاح بس نحكي سوا و بحس بأمان و بحس انا ما ناقصني شي بالدني، وجودك بالحياة (مش بس بحياتي انا يعني بشكل عام) وحدو كافي انو كون مرتاحة. اليوم قبل نومة المغرب كنت قاعدة عم اتخيل اذا نحن جيران و بقدر شوفك على طول مافيك تهرب مني كل وقت بوج بعض و بتأملك كل وقت و بدقلك تجي لعندي و نظل سوا و حتى اذا هربت بنطرك ترجع و بلزق فيك. بعرف انا افكاري بتضحك و مجنونة بس هيدا شي مميز فيي و مش موجود عند حدا و يمكن سبب من اسباب حبك الي انو انا ما بشبه حدا و بحكي بلا ما فكر او يمكن من نوع مفكرة انو انا فكرت بس بطلع غلطانة. انا عم اخذ راحتي بالحكي هون احسن و خبرك كم شغلة عني بتتسلى فيهن متل انو انا صايرة قد البقرة كلشي تياب جبتن ما زبطو عليي مع انو اكلي مش منيح بس شكلي بلشت عبي دهون بعرف لازملي رياضة بس درج الجامعة بيكفي و بطلع و بنزل اقل شي ٤ مرات باليوم كل يوم بجي على البيت جسمي معضل و تعبانة. بتعرف انا ما بحب نومة العصر/المغرب بس صرت مجبورة لأنو بفيق بكير كتير و بتعب بالحركة بالجامعة، حتى عم نام بكير بس ما بشبع نوم و نومتي خفيفة و بضل قلقانة و اخر فترة عملت صورة للجيوب الانفية عندي انسداد و ورم و انحراف بالانف و اخذت دوا قوي ١٠ ايام بس ما فاد لهلق عندي صعوبة بالتنفس بتزيد كتير وقت نوم يمكن احتاج عملية بس مابدي ما بحس ضروري. احلى شي بس نام بتأمل احلم فيك و شوفك و احكيك و هيك بكون ريحت قلبي و صرت بعالم تاني معك. ياريت الواحد في يظل عم يحلم و يحقق كلشي بدو ياه بلا ما يتعب و بيكون كلشي سهل و مش مستحيل. كلشي بيذكرني فيك و حتى بس اعمل اشيا غريبة بتذكر لما تقلي انا هبلة و متل ولاد و بضحك لأنو كتير بتطلع حلوة منك. شتقت تبهدلني صرلك زمان ما حكيت معي هيك، شوف لأي درجة مشتاقة. انا نعست كتير و رايحة نام بطلب من الله يحفظك و يسهل امرك و ينصرك و يسعدك و الله ياخد من عمري و يعطيك يا قلبي و روحي انت. بحبك قددد الدني، تصبح على خير حبيبي.