الكاتبة: - زينب الحربي
حساب الانستكرام:-zienab_alharbi
………………………………
منا وهيجي بعد تلكاني متباعد
وحت لو تحبني بعد
حب من طرف واحد
خاف انت بارد جنت
انا اخس منك صرت
يحسدني كام الثلج
كدما صرت بارد
…………………………………
ريم:-
بعد ما رجعت لبغداد بلشت ادور شغل لان مستحيل ابقى هيج كاعده التفكير يموتني والقلق ماخذ من حيلي حيل تعبانة ومشتاقة لجهالي واريدهم وميتة عليهم بس شسوي ما بالبيد حيلة فكرت لحد ما وصلت ل لاخت احمد ابن خالة حسين طليقي اني وياها صديقات بس مو كلش المهم اتصلت بيها اسمها رفيف اول ما اتصلت ردت هي خطية سلمت عليها وعلى امها
_هلا عمري هلا ريم اشلونج يكلبي شخبارج وين ما وين مختفية
_الحمدلله ع الله اكلج
_كولي يعمري خيرج محتاجة شي
_اي والله عمري اريد شغل مو تعرفين تطلكت وجهالي عد ابوهم لازم اصرف علئ نفسي واريد ارجع جهالي
_هاي هي عمري وليهمج اشوفلج وياي
_ انتضر منج خبر وسديتها رحت لخالتي خالة اني اريد اشتغل واعتمد علئ نفسي مو تضوجين مني خطيه شجعتني
_ طلعي اشتغلي و شوفي العالم انتي هواي اندفتني بهالدينا هسة صار الوقت تعتمدين على نفسج بس ديري بالج من اولاد الحرام والدنيا هم لا تثقين باحد
_ضلت تنصحني واني اخذت كلامها المهم صار العشة وكمت ويه البنات انضف ورحت للغرفة ممدت شوي تلفوني دك رقم غريب فتحت الخط الو منو جان يجر حسرة
_هلو ريم اني احمد
_هلا احمد اشلونك سلمت وهو هم سلم وكال
_ عرفت شصار بيج وعرفت شنو الضلم اللي تعرضتي الة وعرفت اخذو جهالج منج و اني اكدر ارجعلج جهالج
_صفنت بيها فعلا هو يكدر واني اعرف بهل شي ادري بي يكدر والة سلطة عليهن كتلة اشلون
_الحل انو نتزوج
_صفنت بالموضوع مشتاقة لجهالي كتله مادري خل افكر بالموضوع المهم ضلينا انسولف صدك جنت محتاجه احجي واحد يسمعني صارت بال٥ الصبح كتلها حنام كال
_ماشي تصبحي علئ خير
_سديته منه ونمت وضل يوميه يتواصل وياي واني جنت محتاجه احد يساعدني معنويا عبر اسبوع اتصلت رفيف رديت الو ها عمري كالت
_تعالي مقابله يمي بالمطعم قبلو بيج بس بعد المقابلة مو هسة
_ صدك ثاني يوم بدلت وكشخت وصفت على روحي شلون شكلي حلو بس مبين التعب عليه حطيت شوي مكياج واخذت فلوس من خالتي وطلعت شجعت نفسي وطبعا احمد جاي وياي على الخط وصلت سلمت علئ رفيف واخذتني للمدير دخلت السلام عليكم ورد السلام وكعدت وياه و واتفقنا علئ الدوام والراتب صح جان قليل بس المهم اطلع من البيت طلعت حضنت رفيف كالت
_ باجر تعالي بلشي كاشير كتلها اوك رجعت للبيت فرحانه شفت خالتي حضنتها كتلها قبلوني كالت
_ الله يوفقج يا ماما ويفتح الطريق بوجهج ضلت تدعيلي وطبيت للغرفة فرحانة تمددت وتغطيت خابرني احمد رديت كال
_ مبروك حبيبتي ان شاء الله بداية خير سمعت هل كلمه صفنت بيها حلو بس ممتعوده عليها كتلها الله يبارك بيك بوقتها جنت محتاجه احد يحبني احد يخاف عليه ويطمني. ويوكف بضهري ومنا بلشت احبه يارب عليك يا الله صار ثاني يوم
لبست رسمي و توكلت على الله وصلت للدوام بس جنت كلش متوتره اول مره اختلط بهلكد عالم جان يوم صعب على وحده بقت نص حياتها وحدها و متختلط صار وقت الاستراحة رحت لرفيف كتلها اني كلش متوتره كالت
_ عادي يولي لان اول مرة تختلطين هيج
_كلتلها تمام جان اتكول
_راح اكولج شي بس لا تحجين لان احمد راد يسويها مفاجاة
_كتلها شكو
_كالت الخميس راح نجيكم انخطبج لاحمد
_فرحت الصراحة بس خايفة بس اني اريد سند اريد احد يوكف وياي. كالت
_ ريم لا تحجين والله احمد يزعل عليه
_ ولا يهمج ما احجي كملت رجعت لداوم مشة اليوم حلو اخر الدوام طلع عندي زيادة بالكاش رحت للمدير كتلة استاذ عندي زيادة كال
_ اهلا عيني الزايد الج والناقص عليج
_اشلون يعني
_ اي فلوس تطلع زيادة انتي تاخذيها بس الناقص ينخصم من راتبج
_ماشي
_اليوم زياده ٢٥ الف
_وانطانيهم طبعا ابن خالتي هو يرجعني اجه عليها كتلة خل انروح ناخذ حلويات
_ ها ولج منينلج فلوس
_ كتلة كلشي كالة المدير
_عوفيهم مصرف جوه ايدج لا تصرفين
_ لا بربك عادي خل نتونس اليوم صدوك رحنا اخذنا حلويات وحب ورجعنا لكيت خالتي بل باب تنتضرنا سلمت عليها وطبيت بدلت وطلعت كعدت وي البنات بوقتها جانت هسة نازله لعبه ببجي فكلنا فتحنا وضلينا نلعب ونسولف وناكل صارت ب ١١ كتلهن راح افوت انام طبت للغرفه اتصل احمد ضلينا انسولف ويسئلني شصار بيومي وهيج بجيت و كتلة مشتاقه لجهالي و حسين ماعرف وين كعد لان طلعو من المنطقه
_ولا يمهج باجر اجيبلج صور الهم ووين كعدو. احنا نحجي نمت كعدت الصبح يوم عادي رجعت للبيت لكيت امي جايه سلمت عليها وبستها وحضنتها مجرد تلفوني صار بي نت ضلت تجي رسايل بالواتساب طبيت للغرفة فتحتهم شفت الصور جهالي دا يلعبون وفديوهات ضليت ابجي طبت امي علية
_ شبيج؟
_ مابيه شي مسحت دموعي وكمت ابدل شعجب اجيتي
_اجيت اشوفج و اكو شغله اسويها و ارجع ضلينا اسولف شوي كتلها اريد انام كمت للغرفة تمددت خابرني احمد
_ها حبيبي شلونج فرحتي من شفتيهم
_بجيت وكتلة اي والله مشكور
_ بس بدون شكر. اني اريد اسعدج
_ عنوانهم وين
_بعدين ادزه الج برسالة
_ ماشي ضل يسولف مثل كل يوم لحد ما انام ويسد الخط ومرات اكعد الصبح الكي بعد ع الخط بس نايم كعدت بدلت وطلعت رحت للدوام ورجعت اتذكرت اليوم خميس طبيت للبيت لكيت خاله ام احمد واخته يمنا طلع صدك كلامها طبيت سلمت و كعدت ضلو يحجون. جان اتكول ام احمد
_ يمه اني اجيت اخطبج لاحمد هو متكفل حتى بجهالج لا يضل بالج على شي والشقه الي تعجبج والمكان انتي تختاري وكلشي يمشي على رائيج هذا حجي ابني وانتي بعد حره يمه طبعا امه كلش حبابه اعرفها من زمان
_هاي هيا خاله بس ما اريد لا عرس ولاشي
_ هاي بعد بيناتكم تحلوها
_وفعلا قرو الفاتحه و راحو ما فرحت هواي حيست انو. ما احبه الحب الي هو باله حيست انو اني حبيته لان راح يجيب جهالي الي خابرني مثل العاده فرحان كولش ويصيح
_ خطبت الي احبها مبروك علينا يروحي طبي ع الفيس شوفي المنشور مالتي
_فتحت الفيس شفت منشوره كاتب واخيرا خطبت الي احبها صار ٥ سنين و حاط اغنية مال سيف نبيل ليله وره ليله فرحت وياه وضلينا نحجي على الي راح انسوي بحياتنا ومشت الدينا عادي
والدوام صرت شاطره بي وصرت اتعامل ويه العالم والموضفين حتى بوقتها اجه ولد
_والله عبالي بيج توحد اول ما اجيتي
_ضليت اضحك صدوك جنت حتى ما ابتسم
خلص اول شهر الي صاحوني استلم راتبي
اخذت فلوسي حمدت الله و اول ما طلعت من دوام اخذت ابن خالتي ورحت للسوك جبت مسواك يمكن مال شهر وملابس لجهال ابن خالتي الثاني ودشداشه لخالتي مابقيت شي واخذتلي كم لبسه للشغل
وانطيت ابن خالتي فلوس كتله هاي مال الخط مقبل اول شي بس قنعته وبقيت كم فلس جوه ايدي رجعنا للبيت خالتي مقبلت كالت
_ ليش هيج فلوسج ليش مضميتيهن
_ انتي شلتيني بوقت عوزتي ما انساها الج للموت
_دنجبي انجبي حالج حال البنات
_ طبعا هاي خالتي لسانها متبري منها بس داخلها ابيض ومتحقد على احد وايدها مو الها مرت الايام وشهور واني واحمد نفس ما احنا وطبعا طشت سالفة الخطوبه مالتنا وحسيت متخبل سبب هل شي ويحلف ويهدد واني عايفته بس اني واحمد ما طلعنا سوا ابد ولا هو اجه للبيت جانت علاقتنه بس بالتلفون فقط وره فتره خابرني احمد
_الو اشلونج يروحي الفيس مالتي ماعرف شبي سوي الي
_ ماش بس انطيني الرقم و الرمز هو هم ما كال لا للعلم هو لا يقرا ولا يكتب اخذتهم وبلشت ابحوش بالحساب و سويته فتح يمي ورجعتة اله بس مكتلة انو بقة الحساب مفتوح يمي هيج ردت اشوفه شنو يسوي من ورايه فباليل سويتة كتم حتى هو عبالة نايمه و ما يحجي وفتحت الحساب مالته طبيت على المحادثات واشوف حساب بنيه فتت عليها وعساني ما فتت شفت صور وبصمات وخيسه ابد ما انصدمت ولا طلعت مني اي ردت فعل صورت كلشي كلت الصبح ادزهم اله وانهي كلشي صدوك نمت كعدت الصبح دزيتلها الصور ودزيت بصمه كلت احمد الي بينا انتهى والله يكسر خاطرك مثل ما كسرت خاطري وسديته ورحت للدوام بالاستراحة رحت لرفيف وشوفتها كلشي
_ خليولي عوفي الله ياخذ حقج كلهم الزلم مو امان
_هزيت راسي كملت غده ورجعت للدوام وكملت لليل رجعت للبيت طبعا تلفوني قفلتة للصبح من رجعت فتحتة لكيت التلفون مخبوص مكالمات ورسايل غلست مجاوبت على اي شي ذبيت روحي على الجريايه ونمت جنت تعبانه بيومها عدنا لود وخبصه كعدت الصبح على صوت خالتي كالت
_كومي يمه
_ كتلها شبيج خاله كالت
_خطيبج انسجن
_ صدمتني كتلها ليش شكو
_ البارحه صايرة عركة باب المحل مالته وهو عود دا يفازع افترت السالفه عليه كايم و ضارب واحد منهم و هاذا الي ضربه شايل مسدس ضارب احمد برجله والسالفه كلها واكعه براس احمد
_كبل خابرت رفيف كتلها شنو هذا الي سمعته كالت
_ هذا الي صار بعد
_ وين انتو هسة
_بالمركز
_اخذت العنوان ورحت بل طريق خابرت المدير اخذت اجازة وصلت بلكوه طببوني شفت خاله ورفيف واحمد لافين رجلة واكف و الكلابجات بيدة وشكله صدوك يحزن باوعلي كال
_هاي حوبتج ماعبرتلي دمعت عيونه
كالت امة لعد شعبالك دعوه المضلم اتخوف
شوي وطلعونا وهو بقى بل سجن وره شهر انحكم سنتين
……………………
لهنا نختم بارت من معاناة بطلتنا الحزينة