အပိုင်း(၄၉၄)
"ရှီဝမ်"
ရှားကျင်းရီက ရွှမ်ရှီဝမ်၏လက်ကို ဆက်ခနဲ လှမ်းဆွဲသည်။ သူမ အရမ်းကို စိတ်လှုပ်ရှားနေ၍ လက်များက ချွေးပြန်နေသည်။
"မကြောက်ပါနဲ့။ နာမည်ဆိုးနဲ့ ကျော်ကြားတဲ့ ထျန်းနင်က သူ့မောင်လေးရဲ့ နာမည်ကို ဘယ်လို ရှင်းလင်း ပေးမလဲ ကြည့်ရတာပေါ့"
ထျန်းနင်က သူတို့အတွင်းသတင်းကို မသိဟု ထင်နေ၍ ရွှမ်ရှီဝမ်က ယုံကြည်မှု အပြည့်ဖြင့် ပြောဆိုနေသည်။
ထျန်းနင်က ချက်ချင်း မတုံ့ပြန်ခဲ့ပေ။ သူမက ရိုးရှင်းစွာ စင်ပေါ်တက်သွားပြီး စုန့်ယန်ရှုနှင့် စကားပြောသည်။
"နင် အရမ်းကို အလုပ်ကြိုးစား ခဲ့တယ်။ ကျန်တာ ငါ့တာဝန်ထား လိုက်တော့"
"အစ်မထျန်းနင်"
"အဆင်ပြေအောင် လုပ်ပေးလိုက်မယ်"
ထျန်းနင်က သူမ စိတ်အေးရအောင် နွေးထွေးစွာ ပြုံးပြသည်။
စုန့်ယန်ရှုက စင်အောက်မှာ ရှိနေသော စပ်ဆုပ်ဖွယ်ကောင်းသည့် စုံတွဲကို စိုက်ကြည့်ပြီး ထျန်းနင် နောက်ကို ဆုတ်ခွာသည်။
သတင်းထောက်များ၏လက်ထဲမှ ကင်မရာမီးများ အဆက်မပြတ် လက်နေသည်။ ထျန်းနင်၏ခန္ဓာကိုယ်မှ ချဉ်းကပ်ရခက်ခဲသော အရှိန်အဝါများ လင်းလက်နေသည်။
စက္ကန့်ပိုင်းမျှ နှုတ်ဆိတ်ပြီးနောက် သူမက ရှားကျင်းရီကို သတိပေးလိုက်သည်။
"ရှားကျင်းရီ၊ နင်က အမှန် ထုတ်ပြောဖို့ ငြင်းနေရင်တော့ ငါ ကိုယ်တိုင် ပြောပေးရတာပေါ့"
ရှားကျင်းရီက အလွန်အမင်း စိုးရိမ်နေသော်လည်း ထျန်းနင်၏လက်ထဲ ရောက်နေသော သက်သေ အချက်အလက်ကို သူမ မခန့်မှန်းနိုင်ပေ။ ထို့ကြောင် ရင်တဒိတ်ဒိတ် ခုန်နေသော်လည်း သူမက ခေါင်းမာစွာ ပြန်ဖြေသည်။
"ငါတို့က အမှန်တရားကို လူတိုင်းသိအောင် ပြောပြီသားလေ"
"တကယ်လား"
ထျန်းနင်၏အသံက အေးစက်နေသည်။
"နင်က အမှန်ပြောလိုက်တယ် ဟုတ်လား။ ဒါဆိုလည်း ကောင်းပြီလေ လွန်ခဲ့တဲ့ ၁၂နှစ်ကျော်က ကိစ္စ ပြန်ပြောကြတာပေါ့"
လွန်ခဲ့သော ၁၂နှစ်ကျော်က ဖြစ်ရပ်ကို ကြားပြီးနောက် ရှားကျင်းရီ၏ မျက်လုံးများ ပြူးကျယ်သွားပြီး ထျန်းနင်ကို ငေးစိုက်ကြည့်ကာ လည်ချောင်းခြောက်လာသည်။
"နင်တို့ရဲ့ ခမ်းနားထည်ဝါတဲ့ ဇာတ်ကြောင်းကို လူတိုင်း သိအောင် ပြောပြဖို့ အချိန်တန်ပြီပဲ"
"မရဘူး။ မပြောရဘူး"
ရှားကျင်းရီက ရုတ်တရက် ထအော်သည်။
"ငါ တောင်းပန်ပါတယ်။ မပြောပါနဲ့"
ထျန်းနင်၏နှုတ်ခမ်းက အပေါ်သို့ ကော့ညွှတ်သွားသော်လည်း သူမ မရပ်တန့်ခဲ့ပေ။
"၁၂နှစ်ကျော်က ကိစ္စက အစပျိုး ပြောရရင်တော့..."
"ငါနဲ့လောရှင်း ချစ်သူ ဖြစ်ခဲ့တယ်"
ရှားကျင်းရီက ရွေးချယ်စရာ မရှိသည့် အဆုံး ဝန်ခံလိုက်သည်။
"ငါနဲ့ လောရှင်း ချစ်သူ ဖြစ်ခဲ့တယ်။ နင် ကျေနပ်ပြီလား"
ရှားကျင်းရီက ကြံရာမရသည့် အဆုံး ဝန်ခံလိုက်သည်။
"ပျော်နေမယ် ဟုတ်လား။ ငါက ဖိအားပေးတယ်လို့ လာအော်နေတာလား"
ထျန်းနင် ရယ်မောသည်။
"နင်ကိုယ်တိုင် ဖြေရှင်းမလား၊ ငါ ကိုယ်စား ရှင်းပြရမလား နင့်ကို ရွေးချယ်ခွင့် ပေးခဲ့တာပဲ"
ရှားကျင်းရီ၏ မျက်ဝန်းများ နီရဲသွားပြီး ခန္ဓာကိုယ်က တောင့်တောင့်ကြီး ဖြစ်သွားသည်။ ထျန်းနင်က ရွမ်ရှီဝမ်၏မိခင် သေဆုံးခြင်း အကြောင်းကို သိနေလိမ့်မည်ဟု မမျှော်လင့်ခဲ့ပေ။
"အဲလို မလုပ်ပါနဲ့.
"ငါ့မှာ ငြင်းဆန်ခွင့် မရှိဘူး"
ရှားကျင်းရီက ရွမ်ရှီဝမ်၏ရင်ခွင်ထဲမှ ရုန်းထွက်လိုက်ပြီး ရုတ်တရက် ထအော်သည်။
"အားလုံး နင့်အမှားပဲ။ ဘာလို့ ငါ့ကို ဖိအားပေးတာလဲ။ ငါက နင်နဲ့လက်ထပ်ဖို့ သဘောတူထားတုန်းတောင် လောရှင်းကို ဒုက္ခပေးဖို့ ကြံစည်နေသေးတယ်။ နင်ကသာ ငါ့ကို ရွေးချယ်ခွင့် မပေးခဲ့ဘူး"
ရှားကျင်းရီ၏ သွေးရူးသွေးတန်း အော်သံကို ကြားပြီးနောက် သတင်းထောက်များ တုန်လှုပ်သွားသည်။
"ငါ ဝန်ခံတယ်။ ငါ လောရှင်းရဲ့ အလုပ်ကို ဖျက်ဆီးဖို့ ကြိုးစားခဲ့ပေမဲ့ ဒါတွေအားလုံးက ဒီလူရဲ့အစီအစဉ်တွေပဲ။ သူက လောရှင်း နဲ့ ငါ့ကို လက်စားချေချင်တာလေ"
ရှားကျင်းရီ က ရွမ်ရှီဝမ်ကို ဒေါသတကြီး လက်ညိုးထိုးကာ ခက်ထန်သော အမူအရာဖြင့် ပြောဆိုသည်။
"ငါ တကယ် တမင် လုပ်တာ မဟုတ်ပါဘူး။ လောရှင်းကို ထိခိုက်စေလိုတဲ့ အတွေး မရှိပါဘူး"
"နင် မလုပ်ချင်ဘူး ဆိုရင်လည်း ဘာလို့ အဲဒီလူရဲ့ စကားကို နားထောင်နေသလဲ"
ထျန်းနင်က အဓိကအချက်ကို ထောက်ပြသည်။
"ငါ..."
"နင့်ကိုယ်စား ဖြေပေးလိုက်မယ်။ နင့် မကောင်းတဲ့လျှို့ဝှက်ချက်ကို ဖော်ပစ်မှာ ကြောက်နေတာလား"
ထျန်းနင်က ခပ်မာမာလေသံဖြင့် ပြောဆိုသည်။
"သူ့အမေကို သေစေခဲ့တဲ့ ၁၂နှစ်ကျော်က လျှို့ဝှက်ချက် ကြောင့်လား"
ထိုစကားသံကိုကြားပြီးနောက် သတင်းထောက်များက ကင်မရာကို ချက်ချင်း ဆွဲထုတ်ပြီး ရှားကျင်းရီ၏ မျက်နှာအမူအရာကို အမိအရ ရိုက်ကူးသည်။
"နင့်မှာ ရွေးချယ်ခွင့် မရှိလို့သာ သူခိုင်းတဲ့ အတိုင်း လုပ်ရတယ် ပေါ့ ဟုတ်လား။ ၁၂နှစ်ကျော်က အမှုနဲ့ ပတ်သက်တဲ့ သက်သေတွေ အားလုံး ရဲလက်အပ်ပစ်မယ်။ နင် နဲ့ နင့်သတိုးသားလောင်း ပူးပေါင်း ကြံစည်ထားတဲ့ အမှုလေ။ နင်ကိုယ်တိုင် ရဲစခန်းမှာ အစစ်ဆေးခံ ကြည့်ပေါ့"
"ဪ ငါက ဘာကြောက်နေရမလဲ။ ငါနဲ့ လုံးဝ မသက်ဆိုင်ဘူး။ ငါက အရိုးသားဆုံးပဲ"
ရွမ်ရှီဝမ်က ခုခံပြောဆိုသည်။
"ဒါဆိုရင် ရှင်က ငွေမည်းကို ငွေဖြူဖြစ်အောင် ကြံစည်တုန်းက ရှင်က ရိုးသားတာလား"
ထျန်းနင်က မျက်ခုံးပင့်ကာ ဟန်ပါပါ မေးမြန်းသည်။
ရွမ်ရှီဝမ်၏မျက်နှာထား ပြောင်းလဲသွားသည်။ ထျန်းနင်က သူ့လျှို့ဝှက်ချက်ကို အတွင်းကျကျ သိနေလိမ့်မည်ဟု မမျှော်လင့်ခဲ့ပေ။
ထျန်းနင်က သူ့မျက်နှာအမူအရာကိူ ကြည့်ပြီး ပြုံးသည်။
"ရှင်က တခြားသူတွေကို အလွယ်တကူ လှည့်စားနိုင်ပေမဲ့ ငါ့မိသားစုကို အနိုင်ကျင့်ဖို့ ကြိုးစားချင်ရင်တော့ မှားသွားမယ်။ ငါ့မောင်လေး အမှားလုပ်ခဲ့ရင် ငါကိုယ်တိုင် ဆိုဆုံးမယ်။ ဒါပေမဲ့ မကောင်းတဲ့ အကြံအစည်နဲ့ ငါ့မောင်လေးကို သိက္ခာချဖို့ ကြိုးစားရင်တော့ နင်တို့အကြောင်းကိူ အားမနာစမ်း အများသိအောင် ထုတ်ပြောပေးရမှာပဲ"
"ရှင်က လောရှင်းကိူ ဘဝဖျက်ဖို့ ကြိုးစားချင်ရင် ငါလည်း ရှင်တို့ ဘဝကို ဖျက်ဆီးပစ်မယ်။ ဒါမှ မျှတမှာလေ"
ထိုစကားကို ပြောပြီးနောက် ထျန်းနင်က စုန့်ယန်ရှုဘက် လှည့်ကာ စကားပြောသည်။
"ကျန်တာ နင် ဆက်လုပ်လိုက်တော့"
"ညီမ တာဝန်ထားလိုက်ပါ အစ်မထျန်းနင်"
စုန့်ယန်ရှု ခေါင်းညိတ်သည်။
မျှော်လင့်ထားသည့်အတိုင်း အာဏာနှင့် ပတ်သက်လာလျှင် ထျန်းနင်ကို ယှဉ်နိုင်သူ မရှိပေ။
"ထျန်းနင်က အရင်အတိုင်းပဲ မပြောင်းသွားဘူး"
"ထျန်းနင်က အရမ်းမိုက်တယ်ကွာ"
"ငါတော့ ထျန်းနင်ကို စောက်ရမ်း သဘောကျတယ်"
"မသတီစရာကောင်းတဲ့ စုံတွဲကို ယုံကြည် မိတော့မလို့ ကံကောင်း၊ ထျန်းနင် ရောက်လာပြီး အမှန်တွေအားလုံး ဖွင့်ချပေလို့သာပေါ့"
ကလေး မထိခိုက်ရအောင် ထျန်းနင်က သူမ ပြောချင်သည့် အချက်အလက်များကို ပြောဆိုပြီးနောက် လုံခြုံရေးများ၏ ကာကွယ်မှုဖြင့် စင်အောက် ဆင်းကာ ခန်းမဆောင်ထဲမှ ထွက်ခွာသွားခဲ့သည်။သတင်းများက သူမကို အမြင်အာရုံမှ ပျောက်ကွယ်သည်အထိ နောက်ယောင်ခံ လိုက်ကြသည်။
"ငါတို့ သတင်းအသစ် ထပ်ရေးရဦးမာ်။ ထျန်းနင်ရဲ့သတင်းက အမြဲ လူကြိုက်များတယ်"
"ဒါပေါ့။ ထျန်းနင်က အစ်မကြီး အမိရာ ပီသတာလေ"
"လောရှင်း အကြောင်း ပြန်တွေးမိမှ လောရှင်းက ထျန်းနင်နဲ့ တော်တော်လေး ရုပ်ဆင်တာပဲ။ စိတ်ဓာတ်လည်း တူတယ်။ မိသားစု နောက်ခံကောင်းတာတောင် ကျော်ကြားဖို့ အသုံးမချခဲ့ဘူး။ သူက ခပ်အေးအေး သိုသိုဝှက်ဝှက် နေတယ်"
စုန့်ယန်ရှုက စင်ရှေ့ ပြန်ရောက်လာပြီး သတင်းထောက်များ ဝိုင်းခံထားရသော စုံတွဲကို ငုံ့ကြည့်သည်။ သိပ်မကြာခင် ရဲအရာရှိများ ရောက်လာလိမ့်မည်။
ရှားကျင်းရီ အရမ်းထိတ်လန့်နေ၍ ကြောက်ကြောက်လန့်လန့် နောက်ဆုတ်နေသည်။ သို့သော်သော် ရဲအရာရှိက သူမ၏လက်ကို လှမ်းဖမ်းကာ ထိန်းချုပ်လိုက်သည်။
"ငါတို့ကို အမှန်အတိုင်း အရိုးသားဆုံး ဝန်ခံပါ။ လွန်ခဲ့တဲ့ ၁၂နှစ်ကျော်က မတော်တဆသေဆုံးမှုနဲ့ ပတ်သက်ပြီး မင်းကို သံသရ ရှိတယ်။ ငါတို့ စုံစမ်းရေးမှာ ပူးပေါင်းပေးဖို့ ငါတို့နဲ့အတူတူ ရဲစခန်း လိုက်ခဲ့ပေးပါ"
သို့သော်လည်း ရဲအရာရှိများက သူတို့ကို ခန်းမဆောင် အပြင်ဘက် ခေါ်ထုတ်သွားဖို့ ဟန်ပြင်နေစဉ် လောရှင်းက အောက်ထပ်ဆင်းလာသည်။ ထိုစဉ်အခိုက်အတန့် ထျန်းကျင်းရွှမ် (လောရှင်း)က ရှားကျင်းရီကို ခပ်တန်းတန်း အကြည့်ဖြင့် ကြည့်သည်။
သို့သော်လည်း ရှားကျင်းရီက ထျန်းကျင်းရွှမ်၏ရှပ်အင်္ကျီကို လှမ်းဆွဲသည်။
"လောရှင်း ငါ့ကို ကယ်ပါနော်။ ကယ်ပါနော်"
ထျန်းကျင်းရွှမ်က မတ်တတ်ဆက်ရပ်နေပြီး အနည်းငယ် ခေါင်းစောင်းသည်။
သူ့အကြည့်ကြောင့် ရှားကျင်းရီ ကြောက်စိတ်ဝင်လာသည်။
"ငါက ဘာလုပ်ပေးသင့်လဲ"
"ငါ့မှာ တကယ်ရွေးချယ်စရာ မရှိလို့ပါ"
"စုန့်ယန်ရှုကို လိုက်ဖို့ ဆုံးဖြတ်လိုက်ပြီ"
"လောရှင်း၊ ငါ နင့်ကို ချစ်နေတုန်းပဲ"
"အို့စ် ဟုတ်လား"
ရိုးရှင်းစွာ တုံ့ပြန်ပြီးနောက် ထျန်းကျင်းရွှမ်က ရှားကျင်းရီကို ခါထုတ်ကာ လှည့်ထွက်လာသည်။ သူ့ကို နာကျင်စေခဲ့သူကို သူ့ဘဝထဲမှ အပြီးတိုင် ပယ်ဖျက်ပစ်မည်။
သတင်းစာ ရှင်းလင်းပွဲ ပြီးဆုံးပြီနောက် ထျန်းကျင်းရွှမ်က ဟိုက်ဟွေ့ ဖျော်ဖြေရေး ၏ စီအီအို ရုံးခန်းထဲ တန်းသွားသည်။ ထိုစဉ် သတင်းစာရှင်းလင်းပွဲ၏ နောက်ဆက်တွဲ ဖြစ်ရပ်ကို ထျန်းနင်သိအောင် စုန့်ယန်ရှုက သတင်းပို့သည်။
အပိုင်း(၄၉၄)
ပြီး၏။