Paid မှာအစအဆုံးပြီးသွားပါပြီ။
Ch-76 ရှန်ရှောက်ချင်မှာစရိုက်အစုံရှိတယ်
"အချစ်လေးမင်းသာမတက်ရင် ကိုယ်လည်းသွားဖို့ကို ငြင်းရလိမ့်မယ်။ကိုယ်ဒီလိုမျိုးအမြဲတမ်းမင်းနောက်ပဲလိုက်နေတော့မှာ"
ရုတ်တရက်ဆိုသလို ရှန်ရှောက်ချင်သည်ရူးသွပ်သွားကာ ပေါက်တတ်ကရစကားများစတင်ပြောဆိုတော့သည်။
"မင်းဘာလို့ကိုယ်နဲ့လမ်းခွဲချင်ရတာလဲ။အဲ့ဒါကကိုယ့်ထက်ပိုထူးချွန်တဲ့လူနဲ့တွေ့လိုက်ရလို့လား။ကားပေါ်တက်ပြီး ကိုယ့်ကိုအမှန်အတိုင်းပြောပြပါကွာ။အဲ့လိုမှမဟုတ်ရင် ကိုယ်လည်းလက်လျှော့မှာမဟုတ်ဘူး။အဲ့လူကမင်းကိုဘယ်လောက်ထောက်ပံ့ပေးနိုင်လဲ ကိုယ့်ကိုပြောလိုက်။ကိုယ်လည်းမင်းကိုပေးနိုင်ပါတယ်..."
သူ.ဘာ.သောက်.စ.ကား.တွေ.လာ.ပြော.နေ.တာ.လဲ.ဟ။
မိမိမှာပတ်လည်ရှိ လူတိုင်း၏လောင်မြိုက်နေသောအကြည့်များအား ခံစားလိုက်ရ၍ အဆက်မပြတ်ခေါင်းယမ်းကာ လေထဲတွင်လက်များအားယမ်းခါပြလိုက်သည်။
"မဟုတ်ဘူးနော်... ကျွန်မ...သူကရူးနေတာ..."
မိမိမှမည်မျှရှင်းပြနေစေကာမူ အကြောင်းအရင်းများစွာရှိနေပုံပေါ်နေသည်။အခြေအနေပိုဆိုးမလာခင်တွင် မိမိထွက်သွားရပေမည်။ထို့ကြောင့်မိမိသည်နက်နက်ရှိုင်းရှိုင်းသက်ပြင်းချလိုက်သည်။မိမိသည်မျက်နှာအားဖုံးကာ ခေါင်းငုံ့ရင်းရှန်ရှောက်ချင်၏ကားထဲဝင်လိုက်သည်။
"မောင်းတော့"
လက်ရှိ၌အရေးကြီးဆုံးအရာမှာ ဤနေရာမှထွက်သွားရန်ဖြစ်သည်။ရှန်ရှောက်ချင်မှအတော်အတန်ေဝးဝေးသွားပြီးသော် မိမိသည်သူ့အားသတ်တော့ဖြတ်တော့မတတ်ကြည့်လိုက်သည်။
"ဘာမှားလို့လဲ"
ရှန်ရှောက်ချင်သည် မိမိအားသူ၏နှစ်လိုဖွယ်ကောင်းသောအပြုံးေလးအား ပေးအပ်လာခဲ့သည်။ထိုသည်မှာသူသည်စောနက သူ၏ရှက်ဖွယ်ရာအပြုအမူအားလုံးလုံးလျစ်လျူရှုထားသလိုပင်။
မိမိသည်အသက်ပြင်းပြင်းရှူလိုက်ပြီး စကားသုံးလုံးအားရေရွတ်လိုက်သည်။
"ကားရပ်လိုက်"
ရှန်ရှောက်ချင်သည် ကားအားဘေးသို့ဆွဲရပ်လိုက်ကာ မိမိထံခပ်တောင့်တောင့်ပြုံးပြလာသည်။
မိမိလည်းတုံ့ပြန်သည့်အနေဖြင့် ပြန်ပြုံးပြကာ သူနှင့်သုံးစက္ကန့်ကြာအောင်အကြည့်ချင်းဆုံလိုက်သည်။ထို့နောက်မိမိသည် ထိုင်ခုံခါးပတ်ကြိုးအားခပ်သွက်သွက်ဖြုတ်လိုက်ကာ သူ၏လည်ပင်းအားလက်ဖြင့်ရစ်ကာလှုပ်ခါလိုက်သည်။
"ရှင်ဘာလို့အဲ့လိုပြောလိုက်ရတာလဲ။ရှင်ကကျွန်မကို ထူးဆန်းတဲ့မိန်းမတစ်ယောက်ပုံစံအဖြစ် အောင်အောင်မြင်မြင်လုပ်လိုက်မိတယ်ဆိုတာကို မသိဘူးလား။အဲ့လူတွေနဲ့ထပ်တွေ့မိတဲ့အခါကျ ကျွန်မဘယ်လိုလုပ်ရမလဲ။ကျွန်မဘယ်လိုအသက်ရှင်ရတော့မှာလဲလို့ အားး"
မိမိသည်ဟိန်းဟောက်ရင်း ဆုပ်ကိုင်ထားသည်ကိုတင်းကြပ်လိုက်သည်။
"ငါမှားပါတယ် ငါမှားပါတယ်"
(T/N-အရင်ကရှန်ရှောက်ချင်က ယိရှင်းနဲ့နည်းနည်းစိမ်းနေသေးလို့ စကားပြောရင်လေးစားသမှုနဲ့ကိုယ်ဆိုပြီးသုံးပေးထားပါတယ်။အခုကျတော့ သူငယ်ချင်းလိုဖြစ်သွားလို့ ငါပဲသုံးပေးလိုက်ပါ့မယ်နော်။အဆင်မပြေရင်ပြန်ပြောင်းပေးပါ့မယ်)
ရှန်ရှောင်ချင်သည် သူ့မျက်လုံးများမှဖြူစင်မှုအားပြကာ သူ၏လက်အားလက်နက်ချသလိုလုပ်ပြရန်မြှောက်လိုက်သည်။
သူသတိလစ်လုနီးပါးဖြစ်နေသည်ကိုမြင်လိုက်သော် မိမိသည်ဆုပ်ကိုင်ထားသည်အားဖြေလျော့ပေးလိုက်ကာ မိမိ၏ခုံဆီပြန်ထိုင်၍ တွန့်ကြေနေသောအဝတ်များမှာ ပြန့်ပြူးအောင်လုပ်လိုက်သည်။
"ရှင်ကဘာလို့အဲ့လိုအထင်မှားစေမယ့်စကားတွေပြောလိုက်ရတာလဲ"
"အဲ့ဒါဘာအရေးကြီးလို့လဲ။သူတို့ကသူစိမ်းတွေပဲကို။မင်းသူတို့ကိုမသိဘူးလေ"
"ညီအစ်ကိုရေ။ကျွန်မကဒီနေရာမှာနေတာလေ။ရှင်ကဒီနားမှာမနေပေမယ့် ကျွန်မကသူတို့နဲ့တစ်ရပ်ကွက်တည်းလေ။အဲ့လူတွေနဲ့ထပ်တွေ့မလားဆိုတာ ဘယ်သူသိမှာလဲ။သူတို့သာကျွန်မအကြောင်းကောလဟလတွေလျှောက်ဖြန့်လိုက်မယ်ဆိုရင် ရှင်ကတာဝန်ယူမှာလား"
"ဘာရယ်။မင်းကအဲ့လူတွေမင်းကိုမငွေချစ်လို့ အထင်မှားမှာကိုကြောက်တာလား ဒါမှမဟုတ် ငါတို့ကိုစုံတွဲတွေလို့ထင်မှာကိုကြောက်တာလား။ဆိုးသထက်ဆိုးလာရင်တောင် ငါမင်းကိုငါ့ကောင်မလေးအဖြစ်လက်ခံလိုက်ပါ့မယ်။မင်းသာငါ့ကောင်မလေးဖြစ်လာရင် ငါတာဝန်ယူမှာပါ ဟုတ်ပြီလား"
မိမိသည်ရှန်ရှောက်ချင်အား အမူအယာမဲ့စွာကြည့်လိုက်သည်။
"ရှင်ကျွန်မကိုလာနောက်နေတာလား။ဒီနေ့ရှင်ကဒီမှာဟာသတွေလာလုပ်တာလား"
"စိတ်မတိုပါနဲ့ စိတ်မတိုပါနဲ့။ငါကစတာပါ။ငါမင်းကိုဘယ်ေတာ့မှမထိရဲပါဘူး။ငါသာမင်းဆီမတော်တရော်အတွေးတွေထားမိလို့ကတော့ စုယန်ကငါ့ကိုဒုက္ခိတဖြစ်အောင်လုပ်လိမ့်မယ်"
ရှန်ရှောက်ချင်သည်မိမိအားမလုံမလဲပြုံးပြလာသည်။သူသည်တစ်ခုခုအားရည်ညွှန်းနေသည်ဟု မိမိခံစားနေရသည်။
"ရှင်ဘာပြောချင်နေတာလဲ"
"အမ်...ငါကလောနေလို့ပါ။မင်းစုယန်ကိုသဘောကျနေတာမလား။မင်းကဘာလို့တုံးအသလိုလုပ်နေတာလဲ။မင်းတို့နှစ်ယောက်ကနောက်ဆုံးကျ အတူတူရှိမှာပါ။စိတ်မပူပါနဲ့"
ရှန်ရှောက်ချင်သည်အစ်ကိုကြီးတစ်ဦးအလား မိမိကိုစိတ်ချစေရန်ပြောလာသည်။
မိမိသည်လန့်ဖြပ်သွားသည်။မိမိသည်ရှန်ရှောင်ချင်မှာ အရူးတစ်ယောက်ဟုထင်ခဲ့သည်။သူကဒီအရာတွေကိုရှင်းရှင်းလင်းလင်းပြောနိုင်မယ်လို့ ဘယ်သူကထင်မှာလဲ။
"ကျွန်မရှန်ရှောက်ချင်ကိုကြိုက်နေတာကို ရှင်ဘယ်အချိန်ကရှာေတွ့ခဲ့တာလဲ"
သူကငါ့ကိုဖောက်မြင်နိုင်မှတော့ ငါလည်းရိုးသားရမယ်လေ။
"အခုပဲ"
"ဘာရယ်"
"စုယန်ကဆွဲဆောင်မှုရှိတယ်၊ချမ်းသာပြီးအပြင်ပိုင်းကအေးစက်ပေမယ့်အတွင်းစိတ်ကကျ ခေါင်းမာတယ်။သူကအမျိုးသမီးတွေသည်းမခံနိုင်မယ့်လူစားမျိုးမဟုတ်ဘူးလား။အဲ့တော့ငါယူဆလိုက်တာက မိန်းမသားတစ်ဦးအနေနဲ့မင်းကလည်းသူ့ကိုသေချာပေါက်ကြွေသွားလိမ့်မယ်လို့လေ။ဒါပေမယ့် မင်းကကိုယ်တိုင်အဲ့ဒါကိုဝန်ခံလာလိမ့်မယ်လို့တော့ ငါထင်မထားဘူး"
သေစမ်း။ငါတော့ရှန်ရှောက်ချင်လှည့်စားတာခံလိုက်ရပြီ။မိမိမှာရက်စက်ေသာဤအမှန်တရားအား လက်မခံချင်သောကြောင့် ထိုင်ခုံပေါ်ပြန်မှီချကာမိမိအနာဂတ်အား စတင်စိတ်ကူးကြည့်လိုက်သည်။ဒီလူကစုယန်ကိုတော့ပြောမပြလောက်ပါဘူးနော်။
ရှန်ရှောက်ချင်သည်မိမိအတွေးများအားဖြတ်မြင်နိုင်လေသည်။သူသည်ပြုံးလိုက်ပြီး မိမိအားနောက်တစ်ကြိမ်စိတ်ချစေရန်ပြောလိုက်သည်။
"စိတ်မပူပါနဲ့။ငါစုယန်ကိုမပြောပါဘူး။ဒါပေမယ့်မင်းတို့နှစ်ယောက်အတူရှိသွားခဲ့ရင်တော့ ကျေးဇူးတင်ရမှာပဲ။အနည်းဆုံးတော့ မင်းကမိန်းမကောင်းလေးလေ"
သူကဘာလို့ဒါတွေပြောနေတာလဲ။ငါ့ကိုရှက်အောင်လုပ်နေတယ်။
"ပြီးတော့..."
ရှန်ရှောက်ချင်သည်မပြီးဆုံးသေးပေ။
"ငါ့စံနှုန်းတွေကအရမ်းမနိမ့်ပါဘူး"
"ဘာရယ်"
"မှန်တာပြောရရင် ငါ့ခေါင်းစီးတွေထဲမှာမင်းရုပ်ရည်ကသာ လက်ခံနိုင်လောက်တဲ့အရာတစ်ခုပဲ။မင်းကိုယ်က ကျရှုံးတယ်။မင်းကိုယ်ရည်ကိုယ်သွေးက ကျရှုံးတယ်။မင်းမိသားစုနောက်ခံကလည်း ကျရှုံးတယ်။ဒါပေမယ့်စိတ်မပူပါနဲ့။၂၇နှစ်အရွယ်အိမ်တွင်းပုန်းစုယန်အတွက်တော့ မင်းမှာရှိတာကလုံလောက်နေပါပြီ။ပြောရရင် သူ့မှာငါ့လိုပြီးပြည့်စုံတဲ့အယူဝါဒရှိမနေဘူးလေ။အဲ့တော့အခုမင်းပိုပြီးနေလို့ကောင်းသွားပြီလား"
ရှန်ရှောက်ချင်သည်မိမိပုခုံးအားပုတ်ကာ မိခင်ဆန်ဆန်ပြုံးပြလာသည်။
ထင်ထားသလိုပဲ ရှန်ရှောက်ချင်ကသုံးစက္ကန့်ထက်ကြာရင် သဘောကျစရာမေကာင်းတော့ဘူး။ငါတစ်ကယ်သူ့ကိုထရိုက်ပစ်ချင်လိုက်တာ။သူကငါတို့ကြားမှာ ပြဿနာရှာနေတာပဲ။သတ်သာသတ်နိုင်လို့ကတော့ သူတော့အပိုင်းထောင်ချီအောင်ဖြတ်တောက်ခံနေရပြီးပြီ။
"ငါမင်းနဲ့စုယန်ရဲ့အကူအညီအတွက် ကျေးဇူးတင်တယ်နော်"
မိမိမှသူ့အားညစ်တစ်တစ်ကြည့်နေစဉ် ရှန်ရှောက်ချင်သည်အကြောင်းအရာအားပြောင်းကာပုံမှန်လေသံအားသုံး၍မိမိအားထပ်ပြောလာသည်။သူမှရှေ့နောက်ပြောင်းနေသည့်နည်းမှာ မိမိအတွက်လိုက်လျောညီထွေဖြစ်ရန်ခက်ခဲစေသည်။
သူ့မှာစရိုက်စုံရှိနေတာလား မဟုတ်ရင်တော့တစ်ခုခုပဲ။
သူ၏တစ်ကိုယ်သည်လေးနက်၍ ကျန်တစ်ကိုယ်မှာပြဿနာအိုးဖြစ်သည်။နောက်တစ်ကိုယ်မှာစိတ်ဖတ်သူဖြစ်ပြီး နောက်ဆုံးသူသည်ရူးကြောင်ကြောင်လုပ်နေခဲ့သည်။
"ရှင်ကဒါကိုရှောက်နျူအတွက်လုပ်ပေးနေတာမလား။ရှင်ကရှင့်ညီမလေးကို တိုက်ပွဲထဲတစ်ယောက်တည်းမသွားစေချင်လို့ စုယန်ကိုကူညီခိုင်းခဲ့တာမလား။တစ်ကယ်ဆို ရှင်ကအကိုကောင်းတစ်ယောက်ပါ"
မိမိသည်ရှန်ရှောက်ချင်မှစရိုက်များအား ဆက်ပြောင်းနေသည်ကိုကြည့်ရသည်မှာ စိတ်အနှောင့်အယှက်ဖြစ်ရပေမယ့် သူ့ကိုကောင်းကောင်းဆက်ဆံဆဲပင်။
"ငါကအစ်ကိုကောင်းတစ်ယောက်ပေါ့လေ"
ရှန်ရှောက်ချင်သည်သူ့မေးအားနှိပ်နယ်ကာ ထိုအကြောင်းအားတွေးလိုက်သည်။
"ဟုတ်တာပေါ့။ရှောက်နျူကဘာဖြစ်ဖြစ်လုကျိန့်ရန်ကို ကူညီဖို့ဆုံးဖြတ်ခဲ့တယ်လေ။အတိုက်အခံကဘယ်လောက်အန္တရာယ်များတယ်ဆိုတာကို ရှင်ကသိေတာ့ သူမကိုတိတ်တိတ်လေးကူညီပြီးကာကွယ်ပေးချင်နေတာမလား။ရှင်ကအစ်ကိုကောင်းတစ်ယောက်ပါ"
မိမိသည်ရှန်ရှောက်ချင်အားလက်မထောင်ပြလိုက်သည်။
"မင်းဘာတွေပြောနေတာလဲ"
ရှန်ရှောက်ချင်သည်သူ၏နေကာမျက်မှန်အားချွတ်ကာ သူ၏ရောင်ရမ်းေနေသာမျက်လုံးများနှင့် ညိုမည်းနေသောမျက်ကွင်းများအားပြလာခဲ့သည်။
"ရှင့်မျက်နှာကဘာဖြစ်ထားတာလဲ"
မိမိသည်ထိတ်လန့်သွားခဲ့သည်။
"မင်းစိတ်ထဲဘာတွေတွေးနေတာလဲ။ငါနားမလည်နိုင်တော့ဘူး"
"ကျွန်မပြောတာက ရှင်ကအစ်ကိုကောင်းတစ်ဦးလို့....အဲ့ဒါကရှင့်ရည်ရွယ်ချက်တွေမဟုတ်ရင်"
"ဒါပေါ့ အဲ့ဒါတွေမဟုတ်ဘူး။မင်းခေါင်းထဲမျက်စိမှိတ်ပြီးကောက်ချက်ချတာတွေလုပ်မနေနဲ့ ဟုတ်ပြီလား"
"ဟမ်။ဒါဆိုရှင်..."
"ငါစုယန်ကိုအကူအညီတောင်းခဲ့တာက ရှန်ရှောက်နျူ လုကျိန့်ရန်ကိုေပးဖို့ ငါ့ကိုလိမ်ပြီးငါးသောင်းခိုးခဲ့တာကြောင့်ပဲ။ငါ့ငါးသောင်းကိုပြန်မရမချင်းလက်လျှော့မှာမဟုတ်ဘူး။မင်းဒါကိုမြင်လား"
ရှန်ရှောက်ချင်သည်သူ၏မျက်လုံးများအားထိုးပြလာသည်။
"ဒီနေ့တွေမှာ ငါကြိုးကြိုးစားစားရှာထားတဲ့ပိုက်ဆံကို ကလေးတစ်ေယာက်ကလှည့်စားပြီးခိုးသွားတဲ့အေကြာင်းအစဖော်လိုက်ချိန်တိုင်း ငါအိပ်မပျော်နိုင်ခဲ့ဘူး။ငါကငါ့မျက်နှာကိုမျက်ရည်တွေနဲ့ပဲသစ်နေရတယ်"
"ဘာရယ်။ရှင်ပြောတာက ရှင်ကငါးသောင်းအတွက်နဲ့ဒါတွေလုပ်နေတာပေါ့လေ။ရှင့်မျက်လုံးတွေဒီလိုဖြစ်နေရတာက..."
"ဒါပေါ့။ငါးသောင်းကလွဲပြီးပိုကောင်းတဲ့ရှင်းပြချက်တစ်ခုကိုမင်းတွေးနိုင်လို့လား။အဲ့လူဆိုးမလေးကတစ်ကယ်ကြီးသူမရဲ့အစ်ကိုရင်းကိုလှည့်စားပြီး သူစိမ်းတစ်ယောက်သုံးဖို့ပိုက်ဆံပေးခဲ့တာလေ။သူမအစ်ကိုအနေနဲ့ ငါစိတ်ပျက်ရတယ်"
ကောင်းပြီလေ။နင့်ကိုဒီလိုမြင်လိုက်ရတော့ ရှန်ရှောက်နျူမှာနင့်လိုအစ်ကိုရှိနေတဲ့အတွက် ငါလည်းစိတ်ပျက်ရပါတယ်။
"ဖီ"
မိမိသည်ခေါင်းယမ်းလိုက်သည်။
"ရှင့်မိသားစုကအတော်ေလးကောင်းမွန်တယ်လို့ ကျွန်မကြားခဲ့ရတယ်။ရှင်ကဘာလို့ငါးသောင်းကိုလက်မလွှတ်နိုင်ရတာလဲ။အဲ့ဒါကရှင့်အတွက်တော့ ကိစ္စကြီးတစ်ခုမဖြစ်သင့်ဘူးလေ ဟုတ်တယ်မလား"
"အဲ့ဒါကပိုက်ဆံကိစ္စမဟုတ်ဘူး။ငါ့ရဲ့မာနကွ။ယောင်္ကျားတစ်ယောက်ရဲ့မာန။ငါတို့သာဒီကိစ္စရဲ့ေအာက်ခြေကိုရောက်သွားတာနဲ့ သူတို့ကိုပြုပြင်ပေးမယ့်ငါ့ကိုစောင့်ကြည့်နေလိုက်"
ထို့နောက်ရှန်ရှောက်ချင်သည် လီဗာအားနင်းချလိုက်သည်။
ယောင်္ကျားသား!သူကအမျိုးသားလူမျိုးကြီးဝါဒကနေ ခံစားနေရတယ်ဆိုတာငါပြောရဲတယ်။
"ဟေး။စိတ်ထိန်းဦး။အရမ်းခံစားမနေပဲနဲ့ အရှိန်လျှော့လိုက်"
ကားသည်အလွန်မြန်ဆန်သောအမြန်နှုန်း၌ အရှိန်မြှင့်နေသည်။မိမိသည်ထိုင်ခုံခါးပတ်အားမြန်မြန်ပတ်လိုက်ကာ လက်ကိုင်တန်းကိုတင်းတင်းဆုပ်ကိုင်လိုက်သည်။
မျက်တောင်တစ်ချက်ခတ်ချိန်အတွင်းမှာပင် မိမိတို့သည်ရှုသော်၏ရပ်ကွက်ထဲရောက်လာကြသည်။
ရှန်ရှောက်ချင်မှမယုံနိုင်လောက်သောအရှိန်ဖြင့်မောင်းခဲ့သောကြောင့် မိမိအစာအိမ်မှာပျို့တက်နေသည်။သူမှကားရပ်လိုက်သည်နှင့် မိမိသည်အလျင်စလိုပြေးဆင်းကာ သစ်ပင်တစ်ပင်အားထိန်းကိုင်၍လေများအန်ထုတ်လိုက်သည်။
"မင်းနဲ့အတူသွားဖို့ငါ့ကိုလိုသေးလား"
ရှန်ရှောက်ချင်သည်ကားထဲမှအော်လာသည်။
"မလိုဘူး။ပြီးတော့ ရှင်သွားလို့ရပြီ။ရှင့်ကိုမနှောင့်ယှက်တော့ဘူး ဆရာကြီးရှန်"
"အာ...ကောင်းပြီလေ။ဘိုင့်ဘိုင်"
တုံ့ဆိုင်းမှုတစ်စက်မရှိဘဲ ရှန်ရှောက်ချင်သည်မီးခိုးတစ်စလိုဝှီးကနဲမောင်းထွက်သွားခဲ့သည်။
ဝိုး။သူကမြန်တာတော့သေချာတယ်။သူရောက်လာတုန်းကကျ ငါ့ကိုစောင့်ကြည့်ဖို့နဲ့ ဒါရိုက်တာရွေ့ကိုသွားရှာမှာတားဖို့အတွက် ကော်လိုလိုက်ကပ်နေတာလေ။ငါ့မှာအဲ့လိုလုပ်ဖို့ရည်ရွယ်ချက်တွေမရှိတာလည်း သူသိရော ပျောက်သွားတာများ။
မိမိမှာပြန်သက်သာလာပြီးနောက်တွင် အိတ်ထဲမှပရိုဖိုင်အားထုတ်ယူကာ ရှုသော်၏အိမ်အားရှာလိုက်သည်။အပြင်မှနေ ထိုသည်မှာသာမန်အိမ်တစ်လုံးလိုပါပင်။သာမန်သာဖြစ်ပြီး အကောင်ကြီးကြီးပုံပေါ်မနေပေ။
*တင်း တောင်**တင်း တောင်*
မိမိသည်တံခါးဘဲလ်အားနှစ်ကြိမ်နှိပ်လိုက်သည်။အတွင်းမှနေအမျိုးသားအသံတစ်သံ ပဲ့တင်ထွက်နေသည်။
"ဘယ်သူလဲ"
"မစ္စတာရှုသော်ရဲ့အိမ်လားရှင့်"
တံခါးသည်ဖြည်းဖြည်းချင်းခပ်ဟဟပွင့်လာကာ အမျိုးသားတစ်ဦးသည်မိမိအားသတိထားပြီးကြည့်လာသည်။
"ကျွန်တော်ကရှုသော်ပဲ...မင်းကဘယ်သူလဲ"