هلمرة گلبي مِن الوجع نَام
واسمَع ونين يَدك بالعظام
مدري شكثر من التَعب ضَام
أريد احجيلك العَندي ومحتَار
مَن ياوجع أبدِي .
بقلمي انا مليكا الجبوري
لا تنسون التصويت والتعليق بين الفقرات يحلوات 🩷✨.
___________________________
شهرزاد :
مرجعه راسي على الحايط لامه نفسي انتظر يجي الدكتور يطمني على ضِغاب .. كُل ماتذكر المنظر و طيحته تصيب جسمي رعشه رفعت راسي لفوك امسح دموعي
صار كدامي خيال شخص كمت على حيلي خازرته
شهرزاد - جاي شتريد يا مجرم
سرمد - شونه ضِغاب
شهرزاد - والك عين وتجي لهناا الك عين
سرمد - طمنيني عنه شكال الدكتور عن حالته
شهرزاد - علمود اذا طلع زين تجي مره ثانيه تگتله
سرمد - جاوبي على كد السؤال شهرزاد
شهرزاد - و أذا ما جاوبت شتسوي مثلًا احجيلي اطربني
سرمد - شوفي
شهرزاد - بس يجون اكول الهم عليك والله ماسكت
سرمد - اذا كدر يلكاني
عكدت حاجبي صافنه على ملامح وجهه المُبعثره
- انتَ مو طبيعي صاير
سرمد - ردتج تلميني من حيرتي
شهرزاد - مو مكانسه اني و ألمك
ابتسم يهز راسي همس عينه بعيوني :- البقاء بحياتج
عدكت حاجبي لطمت على صدري اصيح
- يمه ضِغاب شبي شصار
سرمد - مو علمود ضِغاب
شهرزاد - لعد علمود شنو
ابتسم بوجهي يحجي براحه :- حميد مات
رجعت لوره حاطه ايدي على حلكي صافنه عليه
- شـ شون مـ مـات
سرمد - هاي ساعتة و صار لازم يموت
شهرزاد - أنتَ .. أنتَ قتـ قتلته ؟
صفك ايده بأسـف يهَز راسَه
- للأسـف موت الله ماقتَلتـه بأيـدَي
أبَتعدت من عنـده كاعـده على الكراسـي صافنـه بالفرَاغ
- أنَقهرتي لأن مَات ؟
رفعت راسي عليه اهمس :- جهاله مَساكيَن
سرمد - لعد مافكر بجهالج
شهرزاد - اني تطلكت بقناعتي ما متت
سرمد - بعدج تحنين اله بعدج تحبي شهرزاد
هزيت رأسَي بأسـف
- سرمد مارح تفهم لو نحجي للصبح
سرمد - دعمت ضِغاب حتى يتعلم سيد مايتقَرب من عدَنا بعد
شهرزاد - ليش شسووه سرمد
سرمد - يدز مسَواك لأهلي بالسگته
وكفت على حيلي اريد اهد عليه
- انتَ شنو براسكَ !! فوك مدا يسَاعدكم و يوكَف وياكُم
سرمد - ماريد مُسَاعدة أحَد مو صغير أني و أكدر أتَدبر نفسي
شهرزاد - تَدبَر نفسَك بالبوگ مو ؟
سرمد - هل مرَة جان حَادث بسَيط مرة لـخ أكتَله بمُكانه
شهرزاد - مارحَ يسكتَ ألك .. وصَلت بيكَ تأذَي أبِن صاحبَك !
سرمد - يفك ياخه عنَي شهرزاد يفك ياخه
شهرزاد - سوي خير شرَ يجيَك
سرمد - مارايد شي بعد من هل الدَنيا
شهرزاد - روَح الله ويّاك
سرمد - تردين تبجينَ على حميد ؟
شهرزاد - لا ما أبجي الله يَرُحمه برحمتَه الواسعَة
سرمد - ليش تكولينَ الله يَرُحمه يعنّي بعدج تردَي ؟
شهرزاد - سرمد تحجَي صدُك لو دتشاقه أنت عاقل ؟
يعني رجال مات شنو بيدي غير أترحم اله و خلَص
سرمد - نسيتَي يَلي سَوا بيج بهِل سهوله شهرزاد
شهرزاد - أنتَ دتعيرنَي بـزواجَي السَابق لو شنو !
سرمد - ليش دتحجين عنه هيج شهرزاد
شهرزاد - وأذكروا مَحاسن موتاكم
ابتعد من عندي يفرك بوجهَا متعصَب رجع عليه خازرني
- ليش ماشمَتي بي شهرزاد ليش فهمينَي
أنصعقَت مِن كلامه أيدي على حلكَي صافنه بوجها
- سرمد أتشَمت بي لأن مات !!
سرمد - أي أتشمتي بي أفَرحي
شهرزاد - أبَد الموت مابي شمَاته سرمد
سرمد - لا بي بس أنتَ گلبج يحن اله لحَد هل لحضه
شهرزاد - سرمد والله أذًا ما ..
سَكتت عايفه سرمد رايحه للدكتَور بسُرعة أحجي وياه
- بشر دكتور فدوه
- رضوض بسَيطه بس
شهرزاد - بس شنو ؟
- أنفه مَتكسر فوك الخمس كسَور لان أضَاهر من طاح صار على بلوكه أذته حيل .. على العموم حالته ماتطلب الخَوف المُفرط
شهرزاد - شوكت اكدر اشوفه
- ينقلوه لغرفته وراها نشوف
هَزيت رأسَي متفهمَه أهَمس :- شكرًا دكتور ماقَصرت
- الشُكر لله هذا واجبنا ست أسمحيلي أكمل شغلي
سرمد - شفتي مابي شي
شهرزاد - لا مابي شي بس خمس كسور
سرمد - وصلي رسالتي لأبوه
شهرزاد - ليش هيج دتسوي
وكف على الحركة جسمه تجمد عينه بعيوني
- ماجنت غير سرمد شنو هل تصرفات مو جوك ولا عادتكَ
سرمد - الحَياة تحكُم عليج هبج تسوين شهرزاد
شهرزاد - تَأذي أبَن صاحبكَ بس لأن جان واكف وياك بشدتكَ !
سرمد - أي أذَي و أقتَله أذًا مافكَ ياخه عنا شهرزاد وصلي اله كلامَي .. واني رايح لبعيد حيل بَعد ماتشوفيني بحياتج
شهرزاد - رايَح تحَارب قابًل هاي شبيك
سرمد - نفسي بعدَها بيج .. بعدني أحبج و اريدج
درت وجهي مزعوجه
- حبتَك حيه ان شاء الله
سرمد - حتى عصبيتج أحَبها كُلشي بيج بگلبي
شهرزاد - موو طبيعي أنتَ
سرمد - جنَتي حلمي المُستحيل يصير حقيقه .. ردتج ألي
شهرزاد - مو لأحد أني ..
أبتسم بوجهي يودعني و راح من كدامي .. ظليت أراقَب ظهره و هو يبتعد شوي شوي عِن نظري ، هزيت راسي بأسى
- ضيع نفسَه بنفسَه
كعدت على الكرسي ايدي على راسي أهز رجَلي أهمَس بيني وبين نفسي :- نادي عليًا مُظهر العجائب ..
حسيت دموعي تنزل بدون ماعرف السبب عضيت شفتي مقهوره
- زعلانه على شنو بالضَبط شهرزاد .. شنو سبب دموعج !!
زمرد - شهرزااد
فزيت من صفنتي كايمه على حيلي اباوع لـ زمرد أجتنَي تركُض حضنتني تبجي :- أبنَي شبي شهرزااد
شهرزاد - أهَدي زمُرده حبيبيتي
زمرد - وينه احجيلي بي شي وساكته
سميدع - سلام عليكم
رديت السلام رافعه راسي عيني بعينه متردده احجي
- بي شي ضِغاب شهرزاد ؟
شهرزاد - سيد
زمرد - احجي شهرزاد عفيه
شهرزاد - مابي شي بس خمس كسور بخشمه كال مادري شون
هز راسه يفرك بوجهه مِتعصُب
- منو هذا
شهرزاد - سيد إذا أحجي .. أوعدني
سميدع - أوعدج بشنَو شهرزاد
شهرزاد - ماتسوي شَي أله أذا عرفته
زمرد - ليش منو هو
ابتعدت زمرد من حضني صافنه عليه عاكده حواجبها .. نظرات السميدع المُترقبه حتى احجي .. رمشت بعيوني
- اني أذًا حجيت اريد توعدني اول ..
سميدع - ليش تردين اوعدج
شهرزاد - لأن شخَص مامتوقعه
زمرد - منو هذا يلي عاف الدنيا كُلها أجَه علينا احنا يدعمه
شهرزاد - اهدي يا زمرده ليش هيج ترجفين
زمرد - شون مارجَف و أبني ماعَرف عنه شي
شهرزاد - لتخافين والله مابي شي
سميدع - احجي شهرزاد
شهرزاد - اوعدني اول أنطيَني كلمة
زمرد - عفيه شهرزاد ليش تسوين هيج احجي بدون هل مقدمات
شهرزاد - يوعدني اول واتَطمن
سميدع - أوعدج .. أوعدج ماسويله شي
شهرزاد - الي دعم ضِغاب هو ..
زمرد - شهرزاد حيلي باد احجي حبابه شبيج متوترة
سميدع - أهدي و أحجي
شهرزاد - سـ سرمد .. سرمد هو يلي دعمه مَتعمِد
هزت راسها زمرده ايدها على حلكها تباوع لـ سيد يلي مارمش لحضه وحده بس يباوَعلي .. أنملتَ عيني دموع احجي
- سيد يكول لا تجي ولا توصل إلهم مُساعده بعد
زمرد - فوك مَدا يساعدَهم يأذونَ أبني فوكاهاا
شهرزاد - اهدي زمُرده مو زين عليج هيج لا تتخربطين
سميدع - رايح إشوف الدكتور .. عينج على زمرد
شهرزاد - اي اي ماعوفها تَدلل والله
زمرد - مادري ليش هيج يسوي شنو استفاد
شهرزاد - حميد مات
أبتعَدت مِن حضني صافنه بوجهي
- شدتحجي شهرزاد
شهرزاد - والله مات حميد .. سرمد كال ألي
زمرد - معقوله ..
شهرزاد - لا لا زمرد هو كال مو اني قتلتَه مات موتت الله
زمرد - استغفر الله العظيم واتوب إليه لا حول ولا قوة إلا بالله
شهرزاد - الله يساعد جَهاله
زمرد - اي والله ربي يصَبرهم
خلت ايدها جتفي تباوعلي تتفحصنَي .. أبتسمتَ بهدوء
- لتخافين مانقَهرت لأن مشاعر بگلبي أتجاهَا بَس أبوي علمني ما أحَقد على شخص وأتشمتَ بي وقت أسمَع خبر موته
زمرد - بنت السعد أنتِ
شهرزاد - بنات السعد أحَنا
لهيم :
بدت السنه الدراسيه الجديده .. نويت ابدي ادرس الها من هسه باعتبار مرحلة تطلب جهد و دراسه ووقت طويل
صرت احظر غراضي و اوراقي متحمس ابديها هل مرحله جانت امي بكل مره تجيني تبتسم وتكول :- دراستكم هيه سلاحكم
نايم بالفراش صافن بالسكف بعد ماحلمت حلم حلو حيل كمت على حيلي بعد ما اجاني عمي حسن ساحلني من الفراش يصيح
- كوم لك كوم مخلصها نايم زلمتيش
لهيم - خير عمي اوكف شسالفه
حسن - كوم اريدك بالشغل وياي
لهيم - عمي بس عندي دراسه
حسن - شنو ولك شو تعصى امري كبرت وكمت تتمادى
لهيم - لا عمي حشاك بس
حسن - هَاك ألبس ألبس
لهيم - عاد بّس أفوتَ أسَبح
حسن - شبيك قابل وتسَبح مِن ترجع من الشغل اسبح
لهيم - عمي والله مو وقتها كلش مال اطلع اشتغل خليها..
حسن - وينك خووويه سيد تعال خوويه
عافني وطلع من الغرفه يصيح لابوي .. ركضت البس البدي مستعجل انزل لجوه اشوفه .. جان واكف بصف ابوي يحجي عليه
حسن - دهاك شوفه يكول ماريد اجي روح وحدك غير اني اثق بي واخلي يشتغل وياي قابل اثق بالغربه يا خويه
هز راسه ابوي بتفهم أشر الي اتقرب
- روح وي عمك بويه يحتاجك
لهيم - صار يابه تدلل طالع وياه
حسن - اي ولك هيج ومن البدايه وافق ليش تشلع گلبي
أبتسمَت أمَثل عليَه باوعَت على أمي يلي جانتَ ماعاجبَها الموضوع بس ماتكدَر تحَجي رحتّ يمها بست راسها
- راح اروح ادعيلي يمه
زمرد - محروس بعلي يُمه
اخذني للمعمل دك رزايل لان ماقتنعت الا ابوي يحجي وياي اول مادخلت من الباب اشرلي على مكان الشغل وصاح :- انطلق
ظليت أشَتغل لحد الليل من كمل شغَل رحت بصفه اريد اطلع وياه لزمني من جتفي عاكد حواجبه
- هاا خيرك
لهيم - ارجع للبيت ؟
حسن - يا بيت هذا ههه شبيك مصخن
صار يتلمس كصتي ويضحك عليه كدام العمال الموجودين ويباتون هنا .. دفعني لجوه يبتسم :- امشي فوت لجوه لك ماكو روحه
لهيم - لعد وين ابات اليوم وبيتنا
حسن - خليك اليوم هنا وي العمال
لهيم - حاضر عمَي حاضر
هزيت راسي مامقتنع عاكد حواجبي حسيت على ايد واحد من العمال يربت على ظهَري
- مستقبلك زاهر
هزيت راسي و طلعت لبره امشي و افكر بدراستي
وكفت بمكان اشبه بالبستان نزعت سترتي وخليتها بالكاع نايم عليها ايدي وره راسي صافن على النجوم
من أكثر الأشياء يلي احبها بهَل العالم الفضاء وشكد عميق ويضم وراه اسرار .. ابتسمت على شكل النجوم كمت على يحلي متربع رافع راسي
حسيت بشخص قريب عليه .. صفنت على ملامح وجها يلي جانت شبه ظاهره بسبب ضوه الگمر
- اكدر اكعد يمك ؟
لهيم - أكعد تعال
- شايفك صافن بالفراغ
لهيم - غلطان مو بالفراغ
- لعد وين
لهيم - صافن على النجوم و شكد عميقات
- الفضاء بسببه
لهيم - الفضاء اعمق حتى من المحيط
- الأرض تستخدم خرائط كي تعرف أقطارها، أما الفضاء فلا خرائط له
لهيم - صدقت ماله خرائط ماله اتجاهات واضحه و دقيقه
- مبين تحب هل الاجواء
لهيم - حيل احبها
- نكول رائد فضاء تصير
لهيم - لا طيار
- اووه مهنه حلوه
درت وجهي صافن عليه .. انتبه عليه حك راسه يهمس
- كوم كوم الجو بده يبرد خل ندخل لجوه ننام
لهيم - ماعرفت شسمك
- ميثم أسمي
لهيم - تشرفت بيك ميثم
ميثم - أتذكرَ وجهَي حتشوفني هواي منا و رايح حبيبي لهيم
لهيم - ان شاء الله خير مانسى وجه يلي اشوفه
ميثم - نلتقي الصبح
عافني وكام من مكانه داخل لجوه .. كمت وراه بدقايق لان بده الجو يبرد اكثر و اكثر ..
مرت اسبوعين بالضبط واني بالنفس المكان بدون مارجع للبيت حسيت بحسن يجي يمي يصيح بيه
- كوم هاك
كمت على حيلي صافن على الفلوس يلي بايده
- شنو ذني عمي
حسن - هذا الأجر مالتك يوميتك مال شغل
لهيم - عمي ذني الفين ؟
حسن - اي الفين لعد شكد تريد
لهيم - صارلي اسبوع واكثر هنا
حسن - واني جايبك حتى تتعلم شغل مصلحه تفيدك احسن من الدراسه علمود لا تموت جوع
هزيت راسي لازم الفلوس بقوه .. عفته وصعدت بالسياره انتظر يجي يرجعني .. اول ماصعد صاح :- تريد تشتري بيهن
لهيم - شنو
حسن - هل الالفين اجيب اشتريلك بيهن
لهيم - لا عوف اريدهن
حسن - قحط تريدهن على كثرهن هنه الفين
هزيت راسي احجي بداخلي :- مادام هنه الفين جان زودتهن
بس شفته طبك السياره نزلت بسرعه رايح لامي .. دفعت الباب بقوخ اصيح :- يمهه وينج يمه
نيار - شبيك ولكَ تصيحَ شِصاير
لهيم - أمي وين نيار
نيار - يم ريماس جانت
لهيم - اميييي يمه
دخلت لغرفتها اتنفس بقوه مقهور .. اجيت حطيت الالفين بايدها صفنت عليه :- شنو هذا يمه
لهيم - عمي انطاها الي اجر الاسبوع واكثر
زمرد - شنو ولك
كامت على حيلها صافنه على الفلوس تباوع عليه وعليهن هزت راسها حاضنتني :- ماكو روحه بعد لهذا الشَغل اكعد ادرسَ
لهيم - وأذا اجاني تعال اشتغل
زمرد - معليك بي ماكو شغل
نيار - روح اسبح لهيم وتعال اجيبلك العشى تاكل
زمرد - روح يمه روح
تقربت من يمي نيار صافنه على الفلوس
- ماما بس خطيه منطي بس هلكد
زمرد - ماجنت راضيه يطلع يشتغل بس اخ لو بيدي
نيار - خل يحتار بدراسته احسله
زمرد - مارح اخلي اصلًا يعوفها بعد
نيار - احسن اضاهر عمي تاثر بيهنَ
زمرد - سكتي لا يسمعَج أبووج
نيار - مو هنا طالع من زمان تعالي وياي تعالي
لزمتني من ايدي للصاله كعدتني على القنفه
- اكعدي وانتضري يجي الج الجاي
زمرد - شنو هذا الدلال
نيار - افا اذًا ما ادًلل امي منو ادًلل قابل
ابتسمت بوجها حاضنتها .. عافتني وكامت خلتني بقهري
اباوع على الألفين لازمتهن بقوه بأيدي
مو شغلة فلوس شبعانين
بس يسوي هيج بابني !!!
رفعت راسي عاكده حاجبي داخله للصاله يمشي بتكبر كعد رجل على رجل كدامي يسلم :- ها ام ضِغاب شلونج
هزيت راسي مصبره نفسي
- زينه الحمد لله
حسن - وين لهيم
زمرد - ديسبح
حسن - والله هل ولد حيل نازوكي شدعواه
زمرد - نازوكي حسن ؟؟ اسبوعين بالشغل تراا
حسن - يمعوده اسبوعين بدون سبح شي طبيعي جنه نخلص اشهر
زمرد - انت وصخ هاي مو مشكلتي ولا مشكلة ابني
حسن - اووه زمرده علكيفج يابه ترا عدج عمار اصغر شي مو لهيم وهيج تدافعيله
زمرد - لان اولادي ومن حقي هذا
حسن - هاا ولك تعال تعال همزين اجيت
رفعت راسي عليه ستوه نازل المنشفه على راسه .. كام حسن سحبه عليه يعصر راسه :- ولك جنت تسبح صاير نازوكي
لهيم - عمي ريحتي جنها جريذي ميت
حسن - خليك رجال لا تسوي هل سوالف
زمرد - شعليهاا الرجوله بالسبح حسن
حسن - كلام رجال و رجال يا زمرده شجاج خل نسولف
زمرد - خوش حسن احجي براحتك احجي
حسن - المهم لهومي حضر نفسك باجر تطلع وياي للشغل هم
رفع لهيم راسه عليه يباوعلي ويباوع لعمه .. دنك راسه ثواني ورجع رفعه :- ماروح وياك روح وحدك عمي
حسن - شنو ولك
لهيم اعذرني عمي ما اطلع اريد ادرس وماعوف دراستي بعد
حسن - شنو ولك ماسمعت شنو ماتطلع وياي هيه بكيفك
لهيم - اي عمي بكيفي اريد ادرس راح الوقت
حسن - وكلام الله اسكطك ولك
لهيم - شسوي سوي ماطلع للشغل
حسن - ولك لهيم تتحداني وبعدك بكد زري
لهيم - كبرت عمي مو صغير اني
حسن - لا اشو صغير ونص شنو
لهيم - براحتك عمي
حسن - اسمع لك تطلع باجر يعني تطلع
لهيم - و روح ابويه و راس امي ماطلع وياك باجر
ماحسيت الأ راشدي على وجهي وشهكة امي و نيار
لزمت خدي اهز راسي احجي وياه بتحدي :- ماطلع وياك باجر
حسن - خوش نشوف كلمة منو تمشي
عافنا وطلع واني بعدني واكف بمكاني .. اجتني امي حضنتني تطبط على ظهري :- راح يحرض ابوك عليك
لهيم - شنو
زمرد - راح يروح يتمسكن يم ابوك
نيار - وأذا ماما مايروح يتمسكن
زمرد - ابوج يحب حسن لا هو يلي رباه
نيار - ولهيم ماجاي من زرف الحايط قابل حسن اخوه ولهيم ابنه
زمرد - اووف يايمه بعدكم ماتعرفون شي
اباوع لامي هزت راسي كاعده على القنفه تدك على رجليها ماتحجي شي .. عيني بعين نيار يلي حالها من حالي صافنه
نيار - اني حتخبل من هاي السوالف
لهيم - اني طكت روحي من هل عيشة كُلها
سميدع - لهيم
فزيت على صوت ابوي يلي اجه عاكد حواجبه يباوعلي .. بلعت ريكي اتدارك الوضع :- يابه مو قصدي اصيح على نيار
سميدع - لهيم ليش مزعل عمك و غالط عليه
حجه هل كلمه وفتحت حلكي صافن عليه .. اجتني نيار لزمت ايدي دغتني :- سد حلكك حتدخل ذبانه
لهيم بهمس - ماتوقعت معفول عمج سريع
نيار - سريع الاشتعال شعبالك
اجه ابوي كدامي يعاتبني يهز راسه بأسَف
- هيج ربيتك لهيم
لهيم - يابه افهمك
سميدع - شون تكول لعمك انت مابيك خير ولا شغلك بي خير
فركت وجهي اضبط اعصابي احجي بهدوء
- يابه ماحجيت هيج اني
سميدع - يعني عمك جذاب
لهيم - لا يابه مو جذاب بس اني كتله ما اريد اشتغل اريد اكمل دراسه
سميدع - اجه وكال ابنك يغلط ويصيح ويستقوي عليه
لهيم - يابه والله العظيم ممسوي هيج
سميدع - ربيتك حتى هيج تسوي و توكف بوجه عمك تتجاوز عليه
فزيت على صوت امي من كامت صارت كدامي تحجي بحركه
- لا سيد لهنا و اوكف .. هاك اخذ تقبلها
صفن على الالفين يلي بايده وحجه بهدوء :- شنو هذا زمُردتي
زمرد - هاي صارله اسبوع كامل لا مداوم ويشتغل شغل المطايه تاليها يكله اعلمك مصلحه وينطيه الفين دينار بس و فوكاها يجي ويضربه بنص بيتنا
سميدع - ضربه ؟
زمرد - اي ضربه راشدي وهذا وياه اثر اصابعه مطبوع
كعدت امي على القنفه دموع بعيونها
- طول عمري اعرفك عادل ليش صدكت بي واجيت لابني هيج تحاجي
اجه بصفها كعد يلعب بالالفين .. رفع راسه باوع عليه وعلى نيار
- لان اجه يحاججني و يكولي ابنك و تربايتك هيج يسوي
زمرد - بس تدري بيهم مايسون هيج
سميدع - وان كان .. المفروض احجي وياه هيج حتى يتعلم
زمرد - ماتحجي وي حسن شدعواه شاد حزامه هيج عليهم سكتت على هُجَام لان بطل من الاول متوسط تريد اسكت على لهيم هم والله ماسكت مو لهل درجه كُلهم يكعدون ويسكتون
سميدع - ولك تعال
لهيم - ها يابه
سميدع - عدك نيه تعوف دراستك
لهيم - لا يابه ماعوفها لو اموت
سميدع - شفتي مايعوفها عليمن خايفه
زمرد - سيد ماتدري هل زمن شضام
سميدع - مادام بقناعتهم
زمرد - هُجَام ..
سميدع - مادام مقتنع و راد يشتغل عوفي
زمرد - بعز ظروفك وماعفت دراستك وكملت
سميدع - اضاهر هُجَام حب يصير متخلف ويكسر القاعده
زمرد - بعد مادري معليه ابني مايطلع للشغل
سميدع - الي تردي زمُرده
زمرد - وها الالفين اتصدق بيهن
سميدع - زمُرده
زمرد - والله اتصدق بيهن شنو قيمتهن قحط الفين
هز راسه بقهر .. اشر على مكان بصفه اجي يمه
رحت كعدت بصفه مدنك راسي
حضني وحضن امي يحجي
بويه ميخالف عمك لتزعل منه ومن يجي تروح تعتذرله واني راح اكله ما راح يشتغل بعد تكمل دراستك
لهيم - ان شاء الله من باجر ابدي ادرس وبس يجي عمي اعتذر اله
سميدع - بطل ابني بطل
نيار - الباب تندك خل اروح اشوفها
نزل عمار من فوك يطفر :- لا لا اني افتحها
سميدع - شبي اليوم متحمس اليوم زمرده
زمرد - تلكي منتظر جماعته يجوله
سميدع - كبر وصار يدور جماعات
زمرد - اي يلا احسن خل يختلط بالعالم
صفن عليه عاكد حواجبه هزيت راسي بمعنى شكو ضحك يحك راسه :- مالحكت اتغزل بيج اليوم
ضحكت من كُل كلبي اغطي وجهي بالحجاب
- استحي استحي جهالك كاعدين
سميدع - شنو تستحين منهم قابل
زمرد - كبرنا على هل سوالف
حضني مخلي راسه على راسي يهمس
- ولما التقينا والنوى ورقيبنا .... غفولان عنا ظلت أبكي وتبسم
فلم أر وجها ضاحكًا قبل وجهها ... ولم تر قبلي ميتا يتكلم
زمرد - اسم الله عليك
سميدع - شعر يول زمرد
زمرد - منو كاتبه لهل شعر الحلو
سميدع - المتنبي ابو الخبزه
ضحكت على كلامه بس اضاهر ضحكتي ممكتوبه تدوم انعفس وجهي وقت ماشفت لطيفه تدخل عليه بيدها علاكه
اجت على سميدع حضنتنه تبوس بي وتباوعلي
بس كملت اندارت عليه
- ماتسلمين عليه
زمرد - هلا بيج لطيفه زارتنا البركه
لطيفه - البركه بيج وباولادج ام ضِغاب
عكدت حاجبي من كلامها هزيت راسي ابتسم بوجها
- احم اليَوم أجَيت علمَود أحجي شي
سميدع - كولي خويه
لطيفه - أجَيت أعتذر من زمرده واوكع على رجليها
كمت على حيلي فازه من سوتها صدُك ووكعَدت على رجَليها
- لا لا لطيفه شدتسَوين
حضنتني حيل تبجي و تشهك
- سامحَيني أخيتَي على السويَته يشَهد الله مو بوعي
زمرد - اهدي لطيفه قابَل شسويتليَ
لطيفه - اسفه يّخيه على السَويته قبَل مادَري شجَاني
زمرد - ماكو أعتَذار بيَن الأخَوات
لطيفه - يعنَي سامحتَيني يَم الگلب الطيَب
زمرد - قابَل شعنديَ وياجْ أنَي أكَيد سْامحَتج
لطيفه - أويَلي عليَك ياخويه مِرتَك دومَها أصَيله
ضحك سيد يبَاوعلي بكُل فخَر
- هَاي أميرةً الگلبَ مو أي وحَده زمُردتي
لطيفه - والله أنَي النَدم بده ياكلنَي و كلت ليش مخربطه علاقَتي وي صديَقتي يلي جانَت وياي بأغلب صعوبات حياتي على شنو قابل منو ضامَن عمرَه لباجر .. أجيتَج و مارديتيني أصَيله
زمرد - ماكو أنسان بهَاي الحياة يا لطيفه ما يَغلط ورَب العالمين رحيم
سميدع - خو ما مسَويلج شي نهاد
لطيفه - لا لا يخويَه شيريد يسوي قاَبل ماكو شي
سميدع - عبالي مزعَلج
لطيفه - أنَي أخَذته متزوج لازم اتحمَل يلي يجينَي
سميدع - الله يهَديج ياخويه
لطيفه - هداني هداني بعَد ما جنتَ غلط بغَلط و نَدمانه حيل
أبتسَمت حاضنتَها أطبطب على ضهَرها
- أنَي هم أعتذَر منج خافَ بِدر مني شي مو زين
لطيفه - لا والله أبِد بِعُمرج ما اذيتيني
زمرد - شعندي وياج ياعيني وأذَيج
لطيفه - أبني بَقه برَا مادَخل
سميدع - طالع أشَوفه
لهيم - جاي ويَاك يَابه
لطيفه - هههه شفَتي ابني يستحي يَدخل يكول مايحَبوني
زمرد - لا لا أبد والله عركاتهم قبل لان جانوا صغار
لطيفه - اووف يزمرده شوَ تعايَ أحضنَج فد مشتاقتلج
زمرد - تشَتاقلج العَافيه أن شاء الله
لطيفه - بنتَج ما شاء الله كبَرانه ربي يحَرسها
زمرد - ويحرَس ألج اولادج حبيبيتي
نيار - ماما موبايل يدك
زمرد - شهرزاد مو
نيار - اي خاله
لطيفه - اووي فد مشتاقه الها سلمي عليها
اخذت الموبايل فاتحه الخط ابتسمت بوجه لطيفه
- الو ها شهرزوده شون.. شبيج شهرزاد شدتحجين شصاير
كمت على حيلي جسمي يرجف من فوك لجوه تحجي وتصرخ واذني تصوفر .. گلبي ينبض بسرعه اتنفس بصعوبة
شهرزاد - ألحَكيلي اجَه مُتيم هاد على أسيد بالسلاح راحَ يكُتله
فتحت عيوني مصدومه صرخت بقوه بعد ماسمعت صوت طلك وعياط شهرزاد :- مُتييييم
...يتبع
____________________________
عمري وعيوني أنتوا أحبكم حيل 😭🫂🫂🫂🦋
شنو توقعاتكم للبارت الجاي ؟
اممم زين شنو رائيكم بلي صار بهل بارت اليوم 🫣؟
بارت فوك 4000 كلمه وباجر دوام نزلته تقروه وتنامون يحلوات وان شاء الله تكلولي شونها درجاتكم الحلوه
مسابقه بطلب الحلويات مالاتي
اي وحده تعلق هواي حتابعها لمدة ماعرف شكد وانشر حساباتها يمي 😭😭🫂🦋
اكثر وحده متحمسه للبارت مالت اليوم هيه حور بحيث حركتهه حرك للبوت 😭🫂🦋