အပိုင်း(၄၈၀)
ယူအက်စ်တွင် ထျန်းနင် ချေပခဲ့သော စကားစစ်ထိုးခြင်းကို လက်ခံသည့် သူမနှင့်အဆင့်အတန်း တူညီသူသော လူအများစု ရှိသော်လည်း နိုင်ငံခြားများ၏ အထင်မြင်သေးသော အပြုအမူကို လိုလိုလားလား လက်ခံပြီး အမေရိကန် ရုပ်ရှင်လောကတွင် ကျော်ကြားလာရန် အိပ်မက်မက်နေသည့် လူတချို့လည်း ရှိနေသေးသည်။
ထျန်းနင်၏ပြန်လည်ချေပသော နည်းလမ်းက သူတို့ကို ဈေးပေါစေ၍ ဒေါသထွက်ကာ အရှက်ရမိသည်။
ပရိသတ်တချို့က သူတို့နှင့် ထျန်းနင်ကို နှိုင်းယှဉ်လာမည်ကို ကြောက်လန့်နေသူ တချို့လည်း ရှိသည်။ ထို့ကြောင့် လေဆိပ်တွင် ဖြစ်ပျက်ခဲ့သော ပြဿနာကို အသုံးချပြီး ထျန်းနင်ကို ချောက်ချရန် ကြိုးစားကြသည်။
တစ်ကမ္ဘာ့လုံး အတိုင်းအတာဖြင့် မအောင်မြင်ချင်သည့် သရုပ်ဆောင်ရှိမည်လော။ အမေရိကန် နာမည်ကြီး ဒါရိုက်တာက ထျန်းနင်ကို အခွင့်အရေး ကမ်းလှမ်းလာလျှင် ဟိုက်ဟွေ့ဖျော်ဖြေရေးက လက်လွှတ်ခံမည်နည်း။
ထို့ကြောင့် ထျန်းနင်က နာမည်ကျော်အောင် စန်းစန်းတင့် သတင်း ဖန်တီးသည်ဟု ယူဆခဲ့ကြသည်။
ထိုစဉ်အခိုက်အတန့် ထျန်းနင်က USမှ မထွက်ခွာခင် အမေရိကန် ဒါရိုက်တာက ရင်းနှီးသော မိတ်ဆွေမှ တဆင့် မို့ထင်ကို အမှန်တကယ် ဆက်သွယ်လာခဲ့သည်။
အာရှအမျိုးသမီးဇာတ်ဆောင်တွင် သရုပ်ဆောင်ရန် ဒါရိုက်တာက ဟိုက်ဟွေ့ဖျော်ဖြေရေးကို ဆက်သွယ်ခဲ့ခြင်း ဖြစ်သည်။ ထျန်းနင် ဖန်တီးခဲ့သော အုတ်အော်သောင်နင်း အခြေအနေကြောင့် ဉာဏ်ပညာရှိသော ဒါရိုက်တာက အာရှသရုပ်ဆောင်များကို မြင်နေသော အမြင် ပြောင်းလဲရန် ဆုံးဖြတ်ခဲ့သည်။
ဒါရိုက်တာက အငြိုးအတေး မထား၍သာ အာရှသရုပ်ဆောင်များကို အခွင့်အရေး ပေးခြင်း ဖြစ်သည်။ သို့သော်လည်း ထျန်းနင်က သူမ၏ကိုယ်ရေးကိုယ်တာ ပြဿနာလေးကြောင့် ဒါရိုက်တာ၏ ကမ်းလှမ်းမှုကို ငြင်းဆန်ခဲ့သည်။
"အားနာပါတယ်။ ကျွန်မမှာ ကိုယ်ရေးကိုယ်တာ ကိစ္စလေး ရှိသေးလို့ အဲဒီရုပ်ရှင်မှာ မပါဝင်နိုင်သေးပါဘူး။ အခုလို အခွင့်အရေးပေးလို့ ကျေးဇူးတင်ပါတယ်"
ဒါရိုက်တာက ထျန်းနင်ကို အခွင့်အရေး ပေးသော်လည်း ထျန်းနင်က ယဉ်ယဉ်ကျေးကျေး ပြန်ငြင်းဆန်ခဲ့သည်။ ယခုလိုမျိုး အခွင့်အရေးကို စောင့်မျှော်နေသော တခြားသူများက ထျန်းနင်ကို မောက်မာသည့်ဟု ယူဆကြသည်။ ထို့ကြောင့် ထျန်းနင်ကို စက်ဆုပ်သော ခံစားချက်များ ပို၍ တိုးလာခဲ့သည်။
မို့ထင် နှင့် ထျန်းနင်တို့ ပေကျင်း ပြန်သောနေ့ဖြစ်သည်။ မနေ့က ဖြစ်ပျက်ခဲ့သော အဖြစ်အပျက်ကို သိသွားပြီးနောက် သူတို့စိုးရိမ်မှုကို အများသိိအောင် ချက်ချင်း ထုတ်ဖော်သည်။ သို့သော်လည်း ထျန်းနင်၏ဘေးကင်းလုံခြုံမှုကို ဦးစားပေးရ၍ အများပြည်သူထွက်သော ထွက်ပေါက်မှ မထွက်ခဲ့ပေ။
ဤတစ်ကြိမ်တွင် ထျန်းနင်က သူမ၏သရုပ်ဆောင် အလုပ်တွင် ထိပ်တန်းကို ရောက်ရှိသွားခဲ့ပြီး ပြည်တွင်းပြည်ပ ရုပ်ရှင်လောက နှစ်ခုလုံးတွင် နာမည်ကျော်ခဲ့သည်။ သို့သော်လည်း တခြားသူအားလုံးကို ကျော်ကြားမှုကို အများကြီး ခိုးယူခဲ့၍ လူအများစု၏ ဘဝတက်လမ်းကို ပိတ်ပင်သကဲသို့ ဖြစ်နေသည်။
တကယ်တမ်း တခြားသောအေဂျင်စီမှ အနုပညာရှင်များက သူမကို ဆန့်ကျင်ရန် လူစုနေသည်။
"ဒီတစ်ခေါက်တော့ ထျန်းနင်က ငါတို့ကို အရှိုက်ထိစေတယ်။ ငါတို့အပါအဝင် တခြားအနုပညာရှင်အများကြီးကိုလည်း ထိခိုက်စေခဲ့တယ်"
"သူ လူများများ စော်ကားလေ ငါတို့ပိုပျော်သင့်တယ် မဟုတ်ဘူးလား။ သူက မော်ဒယ်ဘဝတည်းက လူတိုင်းကို မထီမဲ့မြင်ပြုခဲ့တာလေ။ သရုပ်ဆောင်မင်းသမီး ဖြစ်သွားတော့လည်း ဘာများ ထူးခြားလို့လဲ ဘဝလေဟပ်နေတာပဲ။ သူ့ကို မြင်ရတွေ့ရတာက အစားအသောက်ပျက်တယ်"
"ဖျော်ဖြေရေးလောကမှာ ထျန်းနင်ကို အလဲထိုးဖို့ တီတိုးနေကြတယ်။ ထျန်းနင်ကို လဲဖြိုနိုင်တဲ့သူ ရှာတွေ့လို့ကတော့ သူ့ကို ငါတို့တွေ အသုံးချသင့်တယ်။ သူ့ကို ဆန့်ကျင်လို့ ငါတို့အတွက် အကျိုးထူးမယ် ဆိုရင်တော့ ငါတို့တွေ ဘာများစောင့်နေဦးမလဲ"
"ထားလိုက်ပါတော့ဟာ ဦးနှောက်ထဲ ထည့်မနေပါနဲ့။ မင်းတို့က ဟိုက်ဟွေ့ဖျော်ဖြေရေးကို တကယ်ရော ဆန့်ကျင်ရဲလို့လား။ ပြီးတော့ အခုကိစ္စကို ဟိုက်ဟွေ့က မသိဘဲ နေပါ့မလား။ ငါတို့ မကောင်းကြံစည် နေတာကို ပထမဆုံး သိမယ်သူက မို့ထင်ပဲ"
"အဲတော့ ဘာဖြစ်လဲ။ ဟိုက်ဟွေ့ဖျော်ဖြေရေးက တခြားအေဂျင်စီကို ဒီလိုပဲ အလွယ်တကူ နိုင်စားခဲ့တာလေ။အကယ်၍ သူတို့ အေဂျင်စီ အများကြီးကို ပြိုင်တူ ရင်ဆိုင်ရရင် သူတို့ ဘာတတ်နိုင်ဦးမှာလဲ။ လူတိုင်း ပူးပေါင်း ကြိုးစားရင် မနိုင်ဘဲ နေပါ့မလား"
သီးသန့် အဆင့်တန်းမြင့်ကလပ်တစ်ခုအတွင်း နာမည်ကျော် သရုပ်ဆောင်တချို့က ထျန်းနင်အကြောင်း တိုင်ပင်နေကြသည်။
"ငါတော့ ဒီကိစ္စမှာ မပါဝင်ဖို့ ဆုံးဖြတ်ထားတယ်။ နင်တို့ဘာသာ လုပ်ချင်ရာလုပ် ငါကတော့ ပွဲထိုင်ကြည့်ရုံပဲ"
ဆံပင်ခပ်မြင့်မြင့် စီးထားသော အမျိုးသမီးက သူ့ဆုံးဖြတ်ကို ပွင့်ပွင့်လင်းလင်း ပြောသည်။
"ဟွန့် နင် စောင့်ကြည့်နေလိုက်။ ထျန်းနင်ကို မကျေနပ်ပေမဲ့ စိတ်ထဲ ကျိတ်မှိတ် သည်းခံနေတဲ့ လူတွေမှ အများကြီးပဲ။ ဒီတစ်ခေါက်တော့ ငါတို့တွေ သူ့ကို သေချာပေါက် သင်ခန်းစာ ကောင်းကောင်း ပေးရမယ်"
"ဘယ်သူက အဲဒီလောက်အထိ သတ္တိရှိလို့လဲ။ နင်တို့ အစီအစဉ် ဆွဲပြီးပြီလား"
သူတို့သုံးဦးက အနီရောင် ဝိုင်ကို သောက်ကာ ကောက်ကျစ်ဟန် ပြုံးသည်။
"တစ်စုံတစ်ယောက်က ထျန်းနင်ရဲ့ ယူအက်စသွားတဲ့ သတင်းကို ရခဲ့တယ်။ ဖျော်ဖြေရေးလောကကြီးက သတင်းဖြန့်လွယ်တယ်ဆိုတာ ငါတို့ မမေ့သင့်ဘူး"
...
လုံကျဲက သတင်းစုဆောင်းခြင်းတွင် အတော်ဆုံးဖြစ်သည်။ ထို့ကြောင့် ထျန်းနင်ကို မကောင်းကြံစည်ရန် ကြိုးစားနေခြင်းကို သူငယ်ချင်းမှ တဆင့် လုကျဲက လုချယ်ထင်ပင် စောလျင်စွာ သိခဲ့သည်။ ထို့ကြောင့် သူမက ချက်ချင်း Hyatt Regencyသို့ အပြေးတစ်ပိုင်းဖြင့် သွားသည်။
လုံကျဲက ထျန်းနင် ကိုယ်ဝန်ဆောင်နေရသည့် သတင်းကို မသိသေး၍ ထျန်းနင်က မသိစိတ်၏လှုံ့ဆော်မှုအရ သူ့ဗိုက်လေးကို မသိမသာ ဖုံးကွယ်မိသည်။ သူမ ကိုယ်ဝန်ဆောင်နေရသည့် သတင်းက လုံကျဲကို စိတ်ထိခိုက်စေမည့်ကို စိုးထိတ််မိသည်။
"ထျန်းနင်၊ ဒီတစ်ခေါက် ဘယ်လိုဖြစ်ရတာလဲ"
ထျန်းနင်က အမြဲတမ်း သိုသိုဝှက်ဝှက် နေထိုင်တတ်၍ လူအများ ဒေါသထွက်အောင် ပြုမူနေထိုင်စရာ အကြောင်းအရင်း မရှိကြောင်း လုံကျဲ ခံစားမိသည်။ သို့သော်လည်း ဤတစ်ကြိမ်တွင် ထျန်းနင်က သူမနှင့် အဆင့်တန်းတူ လုပ်ဖော်ကိုင်ဖက်များကြား အငြိုးအတေးထားစေသည့် အပြုအမူမျိုး လုပ်ဆောင်ခဲ့သည်။
"နင့်ကို ဒုက္ခပေးဖို့ လူစုနေပြီဆိုတာ နင် သိရဲ့လား"
"သူတို့က ဘာလုပ်ချင်တာလဲ"
ထျန်းနင်က ဆိုဖာပေါ်မှာ ထိုင်ကာ တည်တည်ငြိမ်ငြိမ် မေးမြန်းသည်။
"နောက်နှစ်ရက်ကြာရင် အရေးကြီးတဲ့ ပွဲတစ်ပွဲတက်ရမယ်မလား။ အဲဒီနေ့မှ တစ်စုံတစ်ယောက်က နင်နဲ့ ပတ်သက်တဲ့ သတင်းတစ်ပုဒ် ဖော်ထုတ်မယ်လို့ စီစဉ်ထားတယ်။ ဘာအကြောင်းတွေလဲဆိုတာတော့ ငါ မသိရသေးဘူး"
"ဒီလိုဆိုရင်လည်း ငါတို့လည်း အလိုက်သင့်လေး နေရုံပေါ့"
ထျန်းနင်၏မျက်ဝန်းအကြည့်တွင် ကြောက်လန့်စိတ် အနည်းငယ်မျှ မမြင်တွေ့ရပေ။
"နင့်ကို နားမလည်နိုင်တော့ဘူး"
ထျန်းနင်၏အကြံအစည်ကို လုံကျဲ တွေးတောမရပေ။
ထိုစကားသံကို ကြားပြီးနောက် ထျန်းနင်က သူ့လက်ထဲမှ မဂ္ဂဇင်းကို အောက်ချထားလိုက်ပြီး လုံကျဲကို လေးလေးနက်နက် ကြည့်ရှုသည်။
"ငါ နင့်ကို ပြောစရာ ကိစ္စတစ်ခု ရှိတယ်"
"ဟမ်"
လုံကျဲက မယုံသင်္ကာဟန် မျက်ခုံးပင့်လိုက်သည်။
"တကယ်တော့ နင်ကို ပြောပြချင်ခဲ့တာ ကြာပါပြီ။ ငါ ကိုယ်ဝန်သုံးလ ရှိနေပြီ"
ထျန်းနင်က လုံကျဲ၏တုံ့ပြန်မှုကို အကဲခတ်ကာ အရိုးသားဆုံး ဝန်ခံသည်။ မျှော်လင့်ထားသည့် အတိုင်း လုံကျဲ အံ့ဩသွားသော်လည်း ထျန်းနင်၏ဝမ်းဗိုက်လေးကို ကြည့်ကာ သူမ၏မျက်နှာပေါ်တွင် စိတ်လှုပ်ရှားသော ခံစားချက်များ ဖြစ်ပေါ်နေသည်။
"ဒါဆိုရင် မကြာခင် ငါက ခေါင်းကိုင် အမေ ဖြစ်တော့မယ် ဆိုတဲ့ သဘောပေါ့"
လုံကျဲ ပြုံးသည်။
"ဒါက သတင်းထူးပဲလေ။ ဘာလို့ ငါ့ကို ဖုံးကွယ်ထားသလဲ"
ထျန်းနင်က စကားတစ်ခွန်းမျှ မပြောဘဲ လုံကျဲကို ကြည့်နေသည်။
လုံကျဲက ထျန်းနင်၏အတွေးကို သိနေ၍ ပြုံးလိုက်သည်။
"နင် မပြောရုံနဲ့ ငါ မသိတော့ဘူးလို့ တွေးနေသလား။ စိတ်မပူနဲ့ ငါ အဆင်ပြေပါတယ်။ ဒါပေမဲ့လေ နင့်ကို ကိုယ်ဝန်မဆောင်နိုင်ဘူးလို့ တခြားသူတွေ ပြောနေတုန်းက ငါ မယုံကြည်ခဲ့ပါဘူး။ အဲလို ပြောခဲ့တဲ့သူတွေရဲ့ မျက်နှာကို ဝက်မျက်နှာ ဖြစ်သွားတဲ့အထိ ပါးရိုက်ပစ်ချင်တယ်"
"ဒီသတင်းကို လူတိုင်း သိအောင် ကြေညာဖို့ ဆုံးဖြတ်လိုက်ပြီ"
ထျန်းနင်က တည်ငြိမ်စွာ ပြောသည်။
"talk showမှာ အရေးကြီးတဲ့ ဆုံးဖြတ်ချက် ချဖို့လည်း ဆုံးဖြတ်ထားတယ်"
လုံကျဲက ထျန်းနင်၏လက်ကို ဆုပ်ကိုင်ကာ ခေါင်းညိတ်သည်။
"နင်က အရင်ကထျန်းနင်နဲ့ မတူတော့ဘူး။ နင် တစ်ခုခုလိုချင်ရင် ကြိုးစားရှာဖွေသင့်သလို နင် တစ်ခုခုကို လိုချင်ရင်လည်း ဘာကိုမှ ဂရုစိုက်မနေနဲ့ ပိုင်ဆိုင်နိုင်အောင် ကြိုးစား"
"အရာအားလုံးအတွက် ကျေးဇူးတင်ပါတယ် လုံကျဲ"
"ဘာတွေ ပြောနေတာလဲ ငါတို့ကြားမှာ ဒီလိုကျေးဇူးတင်စကားတွေ မလိုအပ်ပါဘူး"
လုံကျဲက ထျန်းနင်၏လက်ကို တင်းတင်းကျပ်ကျပ် ဆုပ်ကိုင်ပြီး လွှတ်ပေးလိုက်သည်။
" နင့်ရဲ့ကလေးကို မြင်ချင်လှပြီ။ သူဌေးနဲ့ နင်ရဲ့ မျိုးရိုးဗီဇကို ယူထားတော့ ကလေးက သာမန်ထက် ထူးကဲမှာတော့ သေချာတယ်"
ထျန်းနင်က ချင့်ချိန်စဉ်းစားလျက် သူမ၏ဗိုက်ကို ငုံ့ကြည့်သည်။
ထို့နောက် လုံကျဲက Hyatt Regency မှ ထွက်ခွာကာ သူမ၏ကားရှိရာသို့ ဦးတည်လာခဲ့သည်။ သို့သော်လည်း ကားထဲ ဝင်ရောက်သွားသည့်နှင့် မျက်ရည်များက အထိန်းအချုပ် ကင်းမဲ့စွာ ကျဆင်းလာခဲ့သည်။ သူမက ဝမ်းနည်းပူဆွေးစွာဖြင့် ဗိုက်လေးကို ငုံ့ကြည့်ကာ ငိုကြွေးနေမိသည်။
သူမလည်း ကလေးလိုချင်သည်။
သူမ တကယ် ကလေးလိုချင်သည်။
အပိုင်း(၄၈၀)
ပြီး၏။