ပရိုမိုးရှင်းလေးက ဒီနေ့နောက်ဆုံးပါနော်။ရက်မကျော်ခင် ၂၅၀၀ကျပ်တည်းနဲ့အစအဆုံးဂရုလာဝင်ကြပါဦးလို့။
Ch-70 ဒါရိုက်တာရွေ့
"တောင်းပန်ပါတယ်ရှင့်။ကျွန်မချက်ချင်းရှင်းလိုက်ပါ့မယ်"
ထို့နောက်မိမိသည်အသုံးအဆောင်များအားလုံးကိုအစားအသောက်လှည်းပေါ်အလျင်စလိုတင်လိုက်သည်။သို့သော်မိမိသည်အလွန်ထိတ်လန့်နေ၍ လက်များမှာတုန်ယင်နေသည်။မိမိသည်ကိုယ့်ကိုကိုယ်တည်တည်ငြိမ်ငြိမ်နေရန်ပြောနေသော်ငြား မိမိနှလုံးသားသည်တဒုန်းဒုန်းခုန်ပေါက်နေဆဲပင်။မိမိအဖို့တော့ထိုအသံမှာကျယ်လောင်လွန်းလှသည်။
မိမိသည်အနောက်မှေနလူတစ်ယောက်ချဉ်းကပ်လာသည်ကိုခံစားလိုက်ရသည်။မိမိလှုပ်ရှားမှုများမှာရပ်တန့်သွားပြီး နောက်ကျောမှာချွေးအေးများစီးကျလာတော့သည်။ပြီးသွားပြီ!ပြီးသွားပြီ!
ငါသာလူလိမ်တစ်ယောက်ဆိုတာဖော်ထုတ်လိုက်မယ်ဆိုရင် ဘာဆက်ဖြစ်မလဲ။ငါဘာလုပ်သင့်လဲ။သူ့ကိုရိုက်ပြီးပြေးရမလား။ဒါမှမဟုတ်ငါရှင်းပြသင့်လား။မဖြစ်ဘူး မဖြစ်ဘူး မဖြစ်ဘူး။ဒါကရှင်းပြလို့မရဘူး။ဒါဆိုရင်ငါသူ့ကိုရိုက်နှက်ပစ်ရမယ်။ငါကတစ်ချက်တည်းနဲ့အဆုံးသတ်နိုင်ဖို့ကြိုးစားရမယ်။ပြီးရင်ငါ့အသက်အတွက်ပြေးတော့ပဲ။
ဟုတ်ပြီ။ဒီအစီအစဉ်ပဲ။
"တစ်၊နှစ်..."
မိမိသည်စိတ်ထဲတွင်ရေတွက်ခဲ့သည်။မိမိသည်သုံးအထိရေတွက်ပြီးသည်နှင့်လှုပ်ရှားရန်စီစဉ်ခဲ့ပြီး မိမိသည်အဖုံးပေါ်တင်းကြပ်အောင်ဆုပ်ကိုင်ကာ ထိုအရာသည် မိမိ၏အောင်ပွဲဟုတ်မဟုတ်အားဆုံးဖြတ်ပေးနိုင်မည့်လက်နက်တစ်ခုဖြစ်ေကြာင်းဆုံးဖြတ်ချက်ချလိုက်သည်။
"မင်းကကိုယ့်ရဲ့အာရုံစိုက်မှုကို တမင်သက်သက်အမိဖမ်းချင်နေတာမလား မင်းမလုပ်ခဲ့ဘူးလား"
လူရွယ်သည်သူ၏ခေါင်းအား မိမိ၏ညာဘက်လည်ပင်းထံရုတ်ချည်းရွှေ့ချခဲ့သည်။သူသည်မိမိနားထဲလေမှုတ်ထုတ်နေသလိုမျိုးတီးတိုးပြောလိုက်သည်။ထိုသည်မှာမိမိ၏လည်ပင်းနှင့်နားရွက်အားနီမြန်းသွားစေခဲ့သည်။သို့သော်မိမိသည်မလှုပ်ရဲခဲ့ပေ။
"ဟမ်"
မိမိသည်သူဆိုလိုသည်အားနားမလည်ခဲ့ပေ။
"အသစ်လေး။မင်းကအတော်လေးဆွဲဆောင်မှုရှိတယ်ဆိုတာကို သိလား။အဲ့ဒါကြောင့်မင်းကမင်းရဲ့သူဌေးရှေ့မှာသူ့ကိုမြှူဆွယ်ဖို့ဗရုတ်ကျကျလုပ်နေတာမလား ဟမ်"
ထို့နောက်သူသည်ေမးေစ့အား ရမ္မက်ပြင်းပြစွာဖြင့်မိမိပုခုံးပေါ်တင်လိုက်ကာ မိမိထံသူ၏ညာလက်ဖြင့်business cardအားကမ်းပေးလာသည်။
"မင်းဒီညကိုယ်နဲ့ကုန်ဆုံးချင်လား"
သူသည်တီးတိုးပြောလိုက်သည်။
ကတ်ပေါ်တွင်အောက်ပါစာများရှိနေသည် : ကျင်းရွေ့ဟိုတယ်၊စီအီးအို၊ဒါရိုက်တာရွေ့။
ကျင်းရွေ့ဟိုတယ်သည်မိမိတို့လက်ရှိ ရှိနေသောနေရာဖြစ်သည်။မိမိတို့မြို့တွင် ကျင်းရွေ့ကော်ပိုရေးရှင်းသည်စက်ရုံတိုင်းနှင့်ဆက်သွယ်ထားသည်။ဟိုတယ်နှင့်စားသောက်ကုန်လုပ်ငန်းမှာဆိုရင် ထိုသည်ကအကြီးဆုံးဖြစ်သည်။စုယန်မှမီဖန်၏နောက်ခံထောက်ပံ့မှုသည်အလွန်အားကြီးသည်ဟုပြောခဲ့သည်မှာ အံ့ဩစရာမရှိပါပေ။
အစက မိမိသည်ဤလူမှာမိမိအားဖြတ်မြင်သွားခဲ့သည်ဟုထင်ခဲ့သည်။သို့သော် အမှန်မှာသူသည်ရိုးရှင်းစွာပင် ကိုယ်ရည်သွေးကာ ရမ္မက်ကြီးသောလူငယ်တစ်ဦးဖြစ်သည်။သူသည်မိမိအားလန့်အောင်လုပ်ခဲ့သည်။
ကောင်းပြီလေ။ကောင်းတယ်။ငါနင်နဲ့လိုက်ပြီးဆက်သရုပ်ဆောင်ပေးမယ်။ဒါကသာလွတ်လမ်းအတွက်အာမခံပေးနိုင်မယ့်တစ်ခုတည်းသောနည်းပဲ။
မိမိသည်ရှက်ရွံ့သွားဟန်ဆောင်လိုက်ပြီး သူ၏လုပ်ငန်းကတ်အားဖြည်းဖြည်းချင်းလှမ်းယူလိုက်သည်။မိမိသည် "ငါကဒီလိုမိန်းမစားမျိုးပဲ" ဟုရှေ့တန်းတင်ကာ ဆွဲဆောင်မှုရှိသောပုံပေါ်စေရန် ညုတုတုအသွင်ပေါက်အောင်ကြိုးစားလိုက်သည်။
"ကျွန်မနားလည်ပါပြီ။ဘော့စ်..."
မိမိအသံမှာရွံ့စရာကောင်းလောက်အောင်ပျစ်ချွဲလွန်းနေ၍ အန်ထုတ်ချင်သွားခဲ့သည်။
"ကိုယ်ဒီညမင်းရဲ့ဖုန်းကိုစောင့်နေမယ်နော်"
ဒါရိုက်တာရွေ့မှာမိမိပုခုံးမှနေသူ့ခေါင်းအားဖယ်လိုက်သည်။သို့သော်အခန်းမှထွက်မသွားခင် သူသည်မိမိ၏တင်ပါးအားဆိတ်ဆွဲသွားခဲ့သည်။
"အားးး"
မိမိသည်စိတ်ထဲမှနေအော်ဟစ်လိုက်သည်။မိမိသည်ပေါက်ကွဲထွက်ချင်သွားသည်။
ငါ့ရဲ့မြတ်နိုးရတဲ့တင်ပါးလေး...အဖိုးမဖြတ်နိုင်တဲ့၂၅နှစ်ကြာေအာင်ငါပျိုးထောင်ခဲ့ရတဲ့တင်ပါးလေး...
ဒါရိုက်တာရွေ့မှာသူ၏သွင်ပြင်နှင့်အလွန်ခြားနားနေလိမ့်မည်ဟု မိမိမယုံကြည်နိုင်ခဲ့ပေ။သူကသူ့ရဲ့အမျိုးသမီးလက်အောက်ငယ်သားတွေကို တစ်ကယ်ကြီးလိင်ပိုင်းဆိုင်ရာမြှူဆွယ်ရဲတယ်ပေါ့လေ။
စက်ဆုပ်စရာပဲ၊အန်ချင်စရာကောင်းတယ်။
ဒါရိုက်တာရွေ့သည်မိမိမသွားခင် အရင်ထွက်သွားခဲ့သည်။သူသည်မိမိမြင်ကွင်းမှပျောက်မသွားခင်တွင် သူ့ထံသို့မိမိ၏စက်ဆုပ်မှုအားပြသရန် သူ၏စကားများအားမိမိမှတုပလိုက်သည်။
"ကိုယ်ဒီညမင်းဖုန်းကိုစောင့်နေမယ်နော်...ဆန်ကုန်မြေလေးကောင်။ငါ့ရဲ့အပေါင်းအဖော်အမျိုးသမီးထုကြီးအစား ငါကိုယ်စားပြုလိုက်မယ် ငါတို့တွေကနင့်ကိုလုံးဝအထင်မကြီးဘူးလို့"
အိုး ဟုတ်သားပဲ။ဒီညမှာလုဝမ်ရွှယ်နဲ့အဘွားမုန့်ဆီသွားတွေ့ဖို့စီစဉ်ထားတာပဲ။ငါအဘွားမုန့်ကိုကြိုပြီးအသိပေးထားသင့်တယ်။မဟုတ်ရင် လုဝမ်ရွှယ်ကမကောင်းတဲ့ဝိညာဉ်လို့သူမထင်သွားပြီး သူ့ကိုဖယ်ရှားပစ်လိမ့်မယ်။ပြီးရင် ငါကခုထိစုယန်ရဲ့မစ်ရှင်ကိုမပြီးသေးဘူးလေ။အဲ့ဒါကဘယ်လောက်ဆိုးဝါးနေနေ ငါကပြီးအောင်လုပ်ရသေးတယ်လေ။အဲ့တော့ဖြုန်းစရာအချိန်ရှိမနေဘူးပဲ။
အခုဒါရိုက်တာရွေ့ကသွားပြီဆိုတော့ ငါပြီးအောင်မရှင်းလင်းခဲ့ရင်တောင်ကိစ္စမရှိလောက်ပါဘူး။ထို့ကြောင့်မိမိသည်အစားအသောက်လှည်းအားစွန့်ပစ်ကာ ဟိုတယ်မှမြန်မြန်ထွက်သွားပြီး အဘွားမုန့်အားတွေ့ရန်တက္ကစီစီးသွားလိုက်သည်။
နောက်တစ်ကြိမ်ထပ်ပြီး မိမိသည်အေးစက်ညှို့မှိုင်းသောနေရာအားရောက်လာပြန်သည်။ထူးဆန်းလောက်အောင်ပင် မိမိသည်ဤနေရာထံရည်မွန်သောခံစားချက်တစ်ခုစတင်တိုးတက်လာသည်။
မိမိရောက်သွားသောအခါ အဘွားမုန့်သည်ထိုင်ခုံပေါ်ထိုင်ကာဂိမ်းဆော့နေလေသည်။ကြည့်ရသည်မှာ ဇွန်ဘီများအားသတ်နေသည့်ပုံပင်။
အဘွားမုန့်ကတော့ ထင်တဲ့အတိုင်းပဲ။ရိုးရှင်းတဲ့ဂိမ်းတစ်ခုကတောင်သူမရဲ့နယ်ပယ်နဲ့သက်ဆိုင်နေတာပဲ။
အဘွားမုန့်သည်မိမိအားမြင်သော် မူမမှန်စွာစိတ်လှုပ်ရှားသွားခဲ့သည်။သူမသည်မိမိအားကြိုဆိုရန် သူမ၏ဂိမ်းအားမြန်မြန်ဘေးပစ်ချလိုက်သည်။
သူမ၏ပထမဆုံးစာကြောင်းမှာ
"ငါ့ရဲ့ညီမလေး။ငါကနင့်ကိုလွမ်းနေခဲ့တာ"
ချက်ချင်းဆိုသလို မိမိသည်နှာခေါင်းရှုံ့လိုက်သည်။အိုး ဘုရားရေ။သူမကငါ့ရဲ့သွေးသောက်အစ်မဆိုတာကိုငါမေ့သွားတာပဲ။ငါတို့ကိုမျိုးဆက်တူတူပဲလို့သတ်မှတ်ထားတာပဲ။
"ကျွန်မကိုရှင့်ရဲ့ညီမေလးလို့မခေါ်လို့ရနိုင်မလား။အဘွားမုန့်..."
မိမိသည်သူမအားစိတ်ဓာတ်ကျသောအမူအယာပြလိုက်သည်။ဆိုရိုးတွေအတိုင်းဆို သုံးနှစ်တိုင်းတစ်ကြိမ်မျိုးဆက်ကွာဟချက်ရှိတယ်တဲ့။ငါတို့ကြားမှာတော့နှစ်ထောင်ပေါင်းများစွာ မျိုးဆက်ကွာဟချက်ရှိတယ်လို့သူမပြောနိုင်မလား။
အဘွားမုန့်သည်မိမိ၏တောင်းဆိုချက်အား လျစ်လျူရှုကာ မတ်တပ်ရပ်လိုက်သည်။
"ညီမလေးထိုင်ဦး။ငါနင်စားဖို့အတွက်အသီးသွားဆေးလာခဲ့မယ်"
"မလိုပါဘူး။အဆင်ပြေပါတယ်။ကျွန်မအတွက်တော့ အသီးထက်စာရင် အဲကွန်းကြီးပိတ်ပေးဖို့ပဲဆန္ဒရှိပါတယ်။ဒီနေရာကအရမ်းအေးလွန်းတယ်.."
ထို့နောက်မိမိသည်နှာချေတော့သည်။
"ဟပ်..ချိုး"
"အေးတယ်လား။ဒါပေမယ့်ငါကတော့ဘာမှမခံစားရပါဘူး"
"အဲ့ဒါကသိုးမွှေးကုတ်ကြီးကိုရှင်ဝတ်ထားလို့လေ။ဒါကနွေရာသီလေ။ဘယ်လိုလူကအိမ်ထဲမှာသိုးမွှေးကုတ်ကြီးဝတ်မှာလဲ"
မိမိသည်အဘွားမုန့်၏ရူးကြောင်ကြောင်ဦးနှောက်ကြောင့်အံ့အားသင့်ရကာ နံရံဆီကိုပဲမိမိခေါင်းအားဆောင့်ပစ်လိုက်ချင်တော့သည်။မိမိမှသူမအကူအညီအားလိုနေသည့်အချက်ကြောင့်သာမဟုတ်လျှင် မိမိသည်ထပ်ပြောမိလိမ့်ဦးမည်။သို့သော် မိမိသည်အားလုံးအားဖိနှိပ်ကာ မိမိခေါင်းအားသာသာလေးထိရင်းကိုယ့်ဘာသာကိုယ်တိတ်တိတ်လေးအားေပးလိုက်သည်။
"ကောင်းတယ်။ကောင်းလေစွ။နင်ကောင်းကောင်းလုပ်ခဲ့တယ်"
"ဒီနေ့ကျွန်မရောက်လာတာက ကျွန်မကိုတစ်ခုခုကူညီပေးဖို့ရှင့်ကိုလိုအပ်လို့ပါ"
"ငါသိပါတယ်။နင်ကအကူအညီလိုမှသာငါ့ဆီလာတာကို"
ယခုသူမဤစကားပြောလိုက်သောအခါ မိမိသည်အပြစ်ရှိသလိုခံစားလိုက်ရသည်။
"အမ် ရှင်ကျွန်မကြောင့်အနှောင့်အယှက်ဖြစ်သွားလား"
အဘွားမုန့်သည်ခေါင်းယမ်းလိုက်သည်။
"ငါလည်းအိမ်မှာဘာမှလုပ်စရာမရှိဘူးလေ။ပြောရရင် ငါ့တစ်ဘဝလုံးဝိညာဉ်တွေနဲ့ပဲ ဆက်သွယ်ခဲ့ရတာ။ဘာဖြစ်ဖြစ် ဒီနေ့ငါ့အတွက်နင့်ဆီမှာဘယ်လိုပျော်စရာကိစ္စရှိနေလဲ"
ပျော်စရာ...အိုကေ ရှိတယ်...
"အရင်ကရှင်ကျွန်မကိုလုပ်ပေးခဲ့တဲ့ခန္ဓာကိုယ်ပူးကပ်တာကိုမှတ်မိလား။ကျွန်မအဲ့ဒါကိုထပ်လုပ်ချင်တယ်"
"နောက်ဆုံးအခေါက်မှာ ဝိညာဉ်တစ်ခုကနင့်ကိုဖယ်ထုတ်လုနီးပါးဖြစ်သွားတာကိုတောင်မှ နင်ကထပ်လုပ်ကြည့်ချင်သေးတယ်ပေါ့လေ"
အဘွားမုန့်သည်ရှုဝေ့ရှန်မတော်တဆမှုအားရည်ညွှန်းခဲ့သည်။ရှုဝေ့ရှန်သည်မိမိအားလူစားလဲပစ်ချင်ခဲ့သည်လေ။ထိုအချိန်က မိမိမှာတစ်ကယ်ထိတ်လန့်သွားရသည်။သို့သော်မိမိသည်ဆိုးဝါးသောအတွေ့အကြုံတစ်ခုမှ စိုးမိုးလာခွင့်ကိုမပြုနိုင်ပါေပ။
"အဲ့ဒါကမတော်တဆပါ။ဒီတစ်ကြိမ်က သူ့မှတ်ဥာဏ်ကနေ ဘာတွေဖြစ်ခဲ့တယ်ဆိုတာကိုဖော်ထုတ်ရမှာ။အဲ့တော့ ဒါကတစ်ခုတည်းသောရွေးချယ်မှုပဲ။ပြောရရင် ရှင်လည်းကျွန်မနဲ့ဒီမှာရှိနေမှာပဲလေ ဟုတ်တယ်မလား"
မိမိသည်လက်ဖြင့်အသည်းပုံ ပုံစံလုပ်လိုက်ကာ
"ကျွန်မရှင့်ကိုယုံပါတယ်"
"နင့်ရဲ့အရင်အတွေ့အကြုံပြီးတော့ အဲ့ဒါလုပ်ခဲ့ရင်တောင်မှအမှန်တရားတစ်ခုလုံးကိုသိရမှာမဟုတ်ဘူးဆိုတာ သိတယ်နော်။ခန္ဓာကိုယ်ေဝမျှပြီးရင် နင်ကသူ့ရဲ့အတွေးတွေကိုပဲဖတ်နိုင်မှာနော်"
"ကျွန်မသိပါတယ်။ရှင်ဒီအကြောင်းပြောပြီးသားကို။ဒါပေမယ့်ကျွန်မမှာအခြားရွေးချယ်စရာမရှိတော့လို့ ရှင့်ရဲ့ဝန်ဆောင်မှုအတွက် တောင်းဆိုဖို့ပဲလုပ်နိုင်တော့တယ်။ကျေးဇူးပြုပြီးကျွန်မကိုနောက်တစ်ခါထပ်ကူညီပေးပါနော်"
"ငါနင့်ကိုကူညီပေးနိုင်ပေမယ့် ဘာအတွက်လဲဆိုတာကိုပြောပြ"
အဘွားမုန့်ကိုအမှန်တိုင်းပြောလိုက်လည်း အန္တရာယ်မရှိသင့်လောက်ပါဘူး။
"တစ်နိုင်ငံလုံးကိုတုန်လှုပ်သွားစေခဲ့တဲ့လုဝမ်ရွှယ်ရဲ့ မတော်တဆမှုကိုရှင်သတိထားမိလား"
"လုဝမ်ရွှယ်လား။နင်ကသူနဲ့ဘယ်လိုလုပ်သွားပတ်သက်မိရတာလဲ"
"အမ်....*ရှင်းပြ*... အဲ့တော့သဘာဝအတိုင်း..."
မိမိသည်စိတ်ရှုပ်သွားခဲ့သည်။
"ဒီအခြေအနေကဘယ်လောက်အန္တရာယ်များလဲဆိုတာကိုနင်သိလား။မလုပ်ဘူး။ငါနင့်ကိုဝင်ပါခွင့်မပြုဘူး။ငါမထောက်ခံဘူး"
အဘွားမုန့်သည်ငြင်းဆန်ရင်း သူမထိုင်ခုံကိုလှည့်လိုက်ပြီးမိမိအားကျောပေးလိုက်သည်။
အဘွားမုန့်သည်အခြေအနေအားဆန်းစစ်နေသည်ကိုမိမိပြောနိုင်လေသည်။သူမသည်အရှုပ်အထွေးမှနေ တစ်ကယ်ကွဲပြားခဲ့ပါသည်။သူမသည်အမှန်တရားအားမသိပေမယ့်လည်း လူထုအမြင်ကိုမျက်ကန်းယုံကြည်ဖို့မရွေးချယ်ခဲ့ပေ။
အဘွားမုန့်မှကူညီရန်ဆန္ဒမရှိသဖြင့် မိမိသည်နောက်ဆုံးလက်နက်အားသုံးလိုက်သည်။
"စုယန်ကဒီအမှုမှာဝင်ပါပြီးနေပြီ။သူ့ကိုကူညီဖို့အတွက် သူမလုပ်ခင်ကျွန်မကအရာရာတိုင်းကိုဖော်ထုတ်ရမယ်။အဲ့ဒီမှာပူးပေါင်းကြံစည်မှုတစ်ခုရှိနေမှန်း ရှင်လည်းသိပါတယ်။ဒါပေမယ့် ကျွန်မတို့ကပူးပေါင်းကြံစည်မှုကဘာဆိုတာကိုမသိဘူးလေ"
"ရှောင်စုလား။သူကဒီအမှုထဲဘယ်လိုလုပ်ဝင်ပါသွားရတာလဲ"
"ကျွန်မသူ့ကိုကူညီရမယ်။သူ့နည်းလမ်းအတိုင်းဆို အန္တရာယ်အရမ်းများလွန်းတယ်။ဒီအမှာမှာသူကြာကြာပါဝင်လေလေ သူကအန္တရာယ်ထဲပိုရောက်လေလေဖြစ်လိမ့်မယ်။အဲ့တော့ ပိုမြန်တဲ့ကောက်နုတ်ချက်တစ်ခုထွက်လာမယ့်တစ်ခုတည်းသောနည်းကရှင့်အကူအညီနဲ့ပဲ"
"နင်.."
အဘွားမုန့်သည်သက်ပြင်းချကာ ဘာမှထပ်ပြောမလာတော့ပေ။ထိုသည်မှာသူမကမိမိ၏တောင်းဆိုမှုကို တိတ်တိတ်လေးသဘောတူလိုက်သည့်ပုံပင်။
ထင်တဲ့အတိုင်းပဲငါကစုယန်ကိုပြောလိုက်တာနဲ့ သူမကဘာမှထပ်ပြောမလာတော့ဘူး။
"ကျေးဇူးပဲနော်"
မိမိသည်နာရီအားကြည့်လိုက်သည်။
"နေ့လည်ပဲရှိသေးတယ်။ကျွန်မက ညနေ၇နာရီမှာဒီကိုလာတွေ့ဖို့ သူနဲ့ချိန်းဆိုမှုတစ်ခုလုပ်ခဲ့တယ်။ကျွန်မမှာ၇နာရီရှိသေးတော့ ဒီမှာပဲနေပြီး ရှင့်ရဲ့အဖိုးတန်မြေးလေးပေးခဲ့တဲ့မစ်ရှင်ကိုပြီးအောင်လုပ်လိုက်ဦးမယ်"
"ရှောင်စုကလား။သူကနင့်ကိုဘယ်လိုမစ်ရှင်မျိုးပေးလို့လဲ"
"မပြောပါနဲ့တော့။အဲ့ဒါကိုတွေးမိတိုင်း ကျွန်မစိတ်တိုလွန်းလို့။စုယန်ကကျွန်မကိုငါးပြတိုက်ဆီသွားပြီးမျိုးစိတ်တစ်ခုစီတိုင်းကို ဓာတ်ပုံရိုက်ပြီး တစ်ခုစီအတွက်အညွှန်းရေးဖို့ တစ်ကယ်ကြီးအမိန့်ပေးခဲ့တာလေ။ကျွန်မကသူ့အတွက်ပါဝါပွိုင့်တင်ပြချက်လည်းလုပ်ပေးရဦးမယ်။သူကကျွန်မဘဝခက်ခဲအောင်တမင်လုပ်ချင်နေခဲ့တာလေ"
အဘွားမုန့်မှာဟက်ဟက်ပက်ပက်ရယ်တော့သည်။
"ငါ့မြေးဆိုတဲ့အတိုင်းပဲ သူ့မှာတစ်ယောက်ယောက်ကိုရှုပ်ဖို့ဆန်းသစ်တဲ့အတွေးတွေရှိနေတာပဲ။သူကနင့်ဘဝကိုခက်ခဲအောင် သီးသန့်လုပ်နေတာက ငါထင်တာတော့ နင့်ကိုသူနဲ့အတူအန္တရာယ်များတဲ့ကိစ္စတွေထဲ ဝင်မပါစေချင်လို့ဖြစ်မှာပါ"
"အင်း..."
သူမသည်ဤအရာအားပေါ့ပျက်ပျက်အပြုအမူဖြင့် ပြောလာလိမ့်မည်ဟု မိမိမယုံကြည်နိုင်ခဲ့ပေ။မိမိသည်မျှော်လင့်ချက်မဲ့စွာခေါင်းယမ်းလိုက်သည်။စုမျိုးနွယ်တွေက တစ်ကယ်ကိုတစ်ခုခုတော့တစ်ခုခုပဲ။
ထို့ကြောင့် မိမိသည်ပါဝါပွိုင့်လုပ်ရာတွင်သာ အာရုံစိုက်လိုက်ပြီးအချိန်မရှိတော့ပေ။ညနေ၆နာရီခွဲနေလေပြီလေ။
ထူးဆန်းစွာပင် မိမိသည်ဤအသုံးမဝင်သည့်တာဝန်အားလက်ခံခဲ့ရပြီး အနည်းနှင့်အများပြီးစီးသွားခဲ့သည်။ထို့နောက် မိမိသည်လုဝမ်ရွှယ်အားစောင့်လိုက်သည်။