#16
وصل للمركز سجل الدخول ديالو ..
ودخل للغرفة فين كيبدلو عليهم لبس لباس الخدمة كيف لعادة كلو كحل سروال كحل وكاط فرجليه طالع بسيور وتسيرط كحل وفوق جيلي كحل مخدوم بطريقة كتحمي فيها جياب ولبلاصة فين كيتحط سلاح طبعا ماشي قرطاس حقيقي بحال منوم..حيت هادي مجرد شركة امن ماشي بوليس..وحتى دوك القرطاس محسوبين وكيتستخدمو للضرورة القسوة فقط...وقف حدا لمراية كيقاد سلاح فبلاصتو وكيشوف فراسو كلشي هو هداك ..فعلا هاد اللباس وتاه مع جسمو رياضي وطولتو ودرعانو لعراض وشعرو لمارو مرجعو اللور ودوك شوفات الحادين لي كيتمز بيهم ..هز جهاز لاسلكي وضغط على واحد الزر:واجدين
بدا كيتسمع صوت لي كيب لي ايخدمو معاه كلهم واجدين وخرج لعلى برة ركب فطموبيل نيشان للاوطيل فين كاينة الراقصة صوفي وعنيه على الطابليط كيشوف الاجواء كيف دايرين وكيتأكد شكون حاضر وكلشي هو هداك
حتى وصلو
نزلو من طموبيلات..دور عنيه كيشوف دنيا كيف عامرة وصحافة والحيحة ..وكل شوية كتوقف طموبيل ساوية لملاين كينزل منها مرة وزير مرة رجل اعمال مرة شخصية مشهورة مرة سيدة اعمال ..مرة فلاااان مرة فلانة اامهم غا شكون وشكون وفكل مرة كيشوف الصحافة كيتجاراو ويصورو فكل طموبيل كتقوف وطبعا مولاها عندو لي كارد ديالو كيبعدو الصحافة
ميل راسو هاد المنضر كيتشاف غا فالافلام ..وولف بيه فالمهام لي كتعطاه..
دخل لااوطيل لداخل بالضبط للرسبشن وراهم البطاقة دياالو داك ساع بتاسمات:مادموزيل صوفيا كتسناك فالجناح ديالها
هز راسو باه وطلع فالمصعد للطبق المطلوب ..وصل ودق حلات ليه وحدة من المساعدات ديالها:تفضل هاهي لداخل
دخل كيدور عنيه على هاد الجناح الملكي كبير ومجهز بأفخم ااديكورات وموقع زوين كيطل على كاع المدينة بحال شي دار صغيرة ..جناح باينة بزبابل دلفلوس وغير ليلة وحدة محجوز تقريبا تمن باش كيخدم هو ويتخلص فالشهر ..
تمشا بخطوات تقال كيقلب عليها بعنيه بصمت حتى كيوقف على صوتها:هانا هنا
دور وجهو كيشوفها واقفة حدا واحد لمراية كتقاد فشعرها وكتشوف فيه من لمراية والابتسامة على وجها بلباسها ديال الرقص معري كتر مامغطي كرشها كاع عريانة وجيب طويلة ولكن كلها فتاحي من جناب كيبان لخيط دسليب على خصرها صدرها بارز من دوك السوتيان دلكسوة ..وكلها كتبري كانت فكامل جمالها واناقتها مكياج مواتيها وشعر كحل طويل نازل مع ضهرهاا ..
ضارت لجيهتو كتشوف فيه بكل جرأة:هاد الليلة عاجباني بزاف فرحانة حيت اتكون معايا
كان غير كيشوف فيها ببرود شوفات جامدين مافيهم تا مشاعر ولا شي احاسيس هدشي كامل ماحرك فيه والو نطق بجمود قاتل:مازال معطلة
تنهدات تمنات تشوف ولو نضرة صغيرة ديال الاعجاب ولو لمحة انه اتارتو ولا حركات فيه شي حاجة لدرجة شكات فراسها واش ماجاتش زوينة رجعات شافت فلمراية كتشوف فراسها ونطقات:واش هي هديك كيف جيت؟
بعد عنيه من عليها كيشوف فالساعة لي فيديه بحاليلا ماسمع والو حركة كافية باش تخليها تزيد تقهر وبين ليها انه ماجايش باش يعطي رأيو فيها وما علابالوش بيها
صوفي عضات على شفايفها بالجهد حارت معاه وهزات واحد لبواط فتحاتها كان فيها عقد دلالماس:تقدر تعاوني نركبو
ماجاوبهاش ضغط على زر لاسلكي ودوة مع واحد من الحرس:شوية وانكونو لتحت
شوية وتبكي لدرجة داك العقد قطعاتو بين يديها ورجعاتو للبواط كتغلي مايمكنش عمر شي حد قاومها وهو دابة كيف كيعاملها بحال شي حيط ولا شي حاجة تافهة اولا ماكايناش اصلا..تكات على الحيط كتشوف فيه وطلعو وتنزلو وتحقق فجسموو الرياضي ياما تمنات تكون بين يديه ياما حاولات تقرب ليه ياما حاولات تغويه ..كتشوف فمالاميحو لي ترسمو فدماغها واخة حادين وديما عاقدهم وعمرها شافتو مبتاسم ولكن عشقاتوو وبغاتو ليها ودير اي حاجة باش يكون معاها ولكن جاها صعيييب بزاااف
ميل راسو :مشينا
هزات راسها باه:واخة
بقة واقف مخليها دوز هي لولا غير فاتو تبعها وخرجو من الجناح وركبو فالمصعد وهي عنيها اياكلوه علات عنيها كتشوف اينا ايطاج وصلو عيات صابرة وقبل يتحل المصعد قربات وحطات يديها على صدرو وتعلات على ريوس صبعانها وقربات تا لحدا شفايفو وهمسات:رحمني ابكر حرام عليك
وبلعات ريقها كتستنشق ريحة بارفانو رجولية وهي كتشوف فعنيه النايمين وكترجاه بعنيها وكتحرك يديها على صدرو ونزلات عنيها لشفايفو مابقاتش قادرة تصبر دوزات لسانها على شفايفها بنفاد صبر يلاه اتحطهم فوق شفايفو وهي تشهق من داك الجرة لي جرها من شعرهاا تا تآوهات:آآآه
بكر مزير على شعرها وكيدوي ببرود بحاليلا ماشي شوية وايطير ليها شعرها:نسيتي راسك عاود ولا كيفاش
صوفي بهمس دتيبة فعنيه واخة مقصحة:نسا روحي واي حاجة غير كون ليا ابكر
تحل المصعد وقبل يرخي منها زاد زير ودوة:خليني زوين معاك بلا مانعاودو داكشي داخر مرة
ورخة منها وهو كيدفعها اللور خلاها كتلهت وكتقاد شعرها فلمراية دالمصعد :غيحمقنييييي
وخرجات تابعاه لقاتو كيتسناها فتح ليها باب ودخلات للقاعة لكبيييرة غير بانت ليهم تسمع تصفييق وتصفار والغوات بسميتها وموسيقى خدامة كيرحبو بيها تبسمات وهي كتميل بجسمها بخطوات محلونين كتشوف الاعجاب فكاع العنين لي كيشوفو فيها يلاه سترجعات شوية ااتقة ديالها بنفسها ..كتشوف اللهفة والرغبة فعنين رجال وهدشي زادها غرور كتر وكتر ..دورات وجها كتقلب عليه بعنيها شافتو واقغ وكيشوف فيها تمنات كون تاهو تقدر تخليه يشوف فيها بحالهم
👑العمـــــــدة👑
♡..مجنــــون ليلـــى..♡
#التتمة
دورات وجها كتقلب عليه بعنيها شافتو واقف وكيشوف فيها تمنات كون تاهو تقدر تخليه يشوف فيها بحالهم ويولي يتخاطف علبها داك ساع ماتكون غير ليه....
كان واقف جنب لحيط اونفاص ليها مقوص حواجبو ومراقبها وفنفس الوقت مراقب الاوضاع وماحاملش هاد الاجواء كيشوف ووزراء ورؤساء فااانتخابات كيضلو يطمعو فالشعب ويواعدوهم بوعود خاوية غير كيفوتو الانتخابات صافي كيضربوهم بركلة هاهوما دابة كيرميو ربابط دلفلوس على صوفي لي غير بهزة بخصرها كتخوي ليهم جياب ولكونطات ..
..كيشوف هاد الحفل لي مخسور عليه لملاين صحاح وكيشوف لفلوس فين كتمشي وهاد رجال اعمال وااوزراء وسيدات الاعمال والاطباء لكبار المهندسين وغيرهم ..على حقيقتهم ...
حس بشي حد وقف حداه ميل راسو وبعد خلا ليه بلاصة فين يوقف :شتي اصاحبي الناس لي عايشين
بكر :كلا وكيعيش داكشي لي كتب ليه مولانا
صاحبو تبسم(هو بوليسي معرفة قديمة وكيتلاقو مرة مرة فبحال هاد المهام):كي بان لك هدشي
بكر دور عينيه على لقاعة وخطف نضرة لصوفيا:لحد الان كلشي مزيان ..من بعد ماعرت
البوليسي:ها ااوزير الاسماعيلي وصل
ورجع دوة فجهاز لا سلكي:ااوزير وصل حلو عنيكم وزيدو حلوهم وشددو الحراسة مزيان ..
وقطع وشاف فبكر:نخليك اصاحبي نشربو قهيوة من مور هاد روينة واحس شيشة للعمدة على حسابب
بكر هز راسو باه بلا تا كلمة وهو كيشوفو غادي ومزروب ..ورجع شاف فالوزير كيف داخل هو وولدو ومرات ولدو ورجال الحراسة ضايرين بيهم تا شدو بلاصتهم مع الحضور ..وستاقرات الاوضاع تاني ...رجع تاهو كيشوف فصوفي لي مازال كتشطح مرة مرة كيشوف فالساعة ما كرهش يمشي يجرها من شعرها ويقولها زيدي تقودي براكة من تلواز
داز الوقت
كانت فغرفة التبديل ..لبسات كسوة درقص بستيل اخور ولون اخور ومعرية كتر من لي قبلها
وخرجات للصالة فين جالس كيتسناها كتمايل فمشيتها وقربات تا لحداه ماشافش حتى لجيهتها هزات رجليها وحطاتها بين رجليه فوق لفوطوي لي جالس عليه ولخلخال دلالماس فيديها مع لكسوة فيها لفتحة كاع رجليها معرية قدامو وتحنات كتركب داك الخلخال وصدرها حدا وجهو ..خلاتو يرجع بكاع جسمو اللور الشي لي خلاها تهز راسها وتشوف فيه وتنطق:كاع هادوك لي برا يتمناو غا جلسة معايا كاملين كيتلهفو عليا كي لكلاب
طلعها ونزلها بنضرة باردة وبعنيه النايمين لي بوحدهم عالم اخور زاد شعل فيها لعافية ونوض فيها لهوايش ونطق ببرود قاتل مامسوقش ليها:ومن بعد
قربات تا لوجهو وتنهدات:لخير والنعمة قدامك ونت معفر عليها العمدة مال قلبك حجر
تهز وقرب تا لوجها تا هو وشد بين يديه خصلة من شعرها ولواها على صبعو وعنيه على شفايفها لي عاضة عليهم وهمس ليها خلاها تزيد تعض على شفايفها:لا كان هادا خير عندك انا بغيت مولانا يقطعها عليا نعمة خليتها للكلاب
وغمضات عنيها فاش ورك على شعرها وكمل هاد المرة بحدة:سالي عليا هاد الليلة خليني نمشي نقود بحالي
ودفعها وناض هي داك ساع رجعات جلسات فبلاصتو فين كام جالس كتشوف فيه شعلات كارو تكمي على غدايدو وهي كتشوفو حل الشرجم ووقف كيشم لهوا عاطيها بالضهر وهي كتسوط فالدخان ايحمقها ما عارفاش اش دير معاه عيطات بالجهد:اجيي نتي وجيبي معاك وسكية وحبات دتلج دغياااا
البنت جات كتجري وداكشي فصنية حطاتو قدامها:نكب ليك
صوفي:لا
لبنت تمات غادة وهي توقفها بحدة:وشكون ايكب لياا أنميي
لبنت قفزات ونطقات بخوف:سولتك قلتيلي لا
صوفي بلغوات:كتجاوبي معاياااا
لبنت:سمحيلي عفاك
وقربات قادات ليها كاس ومشات..صوفي شربات اللول والثاني وثالت وعنيها عليه مازال واقف ماكلفش راسو يدور تا يشوف فيها ويشوف لاش كتغوت ...
حسات براسها بدات كتقال وراسها بدا يتزكزك حطات لكاس ورجعات راسها اللور كتشوف فيه ولعافية شاعلة فيها ملداخل
شافها طولات دار لعندها:مازال مطولة
جمعات الوقفة:يلاه
تمات غادة حل ليها لباب وخرجات ركبو فسانسور وهبطو لتحت وتاني بدات تشطح وهو رجع حاضيها....دازو دقايق دور عنيه على القاعة قوص حواجبو مميل راسو كيشوف شي حراس ماكانوش قبيلة وهو من النوع لي شديد الملاحضة تاحاجة ماتفلت عليه ..تقاد فالوقفة كيشوفهم تفرقو كل واحد وفين شد بلاصتو وملاميحهم ماصافينش ومامرتاحينش وعنيهم كيدورو فبلاصتهم..رجع ميل راسو كيحاول يشوف نضراتهم وتركيزهم معامن ..بقة مراقب بهدوء حتى تبسم بهدوء فاش تأكد انه تركيزهم وشوفاتهم كلهم مع الوزير الاسماعيلي ..قرب شوية للوسط كيفكر لا علم لكروب انه شي حاجة ماهياش يقدر يلفتو الانتباه ويعيقو ..ادن خاص يتبت ويشوف هدشي فين ايوصل..دازو دقايق شافهم تا هوما قربو للوسط وواحد فيهم كيشوف فالثرية لكبيرة لي لفوق جاية فالوسط ..وجاية بالضبط فوق صوفي لي كتشطح..والراجل الثاني كيقرب للوزير