👑العُــــــــــــمــــــــــدة👑

البارت 9💞

👑العمـــــــدة👑
♡..مجنــــون ليلـــى..♡
#9

#11

ميل راسو كيطلعها ويهبطها ورسم بتسامة خفيفة مامفهوماش:حاولي ديريها وشوفي هاد جناح لي باغة طيري بيهم كيف غنهرسهم وترجعي تاني لبلاصتك حدايا
عضات على شفايفها كيستافزها وعارفاه لا قال شي حاجة كيقد بيها ورجعات باللور:ليام بيناتنا
وزدحات لباب فوجهو ووقفات متكية عليها كتلهت عارفاه مازال ماتحرك من حدا لباب وقع الصمت حتى كتسمع خطواتو طالع مع الدروج عاد دخلات لبيتها وتلاحت فوق النموسية كتفكر فهاد الرجوع ديالو عاود

بكر كمل طريقو لاخر طاج فالسطاح عندو بيتو كبير و عريض مكيخلي حتى واحد يقرب من داك البيت الساروت كاين غير عند مو هي لي كتدخل تهتم بيه وتجمو ترتبو وتمسح الغبرة ملي مكيكونش دخل رمى الصباط وحيد تيشيرت بقا بصدرو لعاري مطراسي و تلاح فوق الفوطوي مرجع راسو وحاط دراعو على جبينو وكيشوف فالسقف شوفات حادين هايمين تنهد من القلب وهو مازال مركز مع الصور لكبيرة لي فالسقف كانت صورتها هي على قد السقف ملصقها تماك باش يبقة ديما يشوفها .. كانت مبتاسمة ديك الابتسامة العفوية لي كدوبو ..ماعارفش هاد الحب والعشق كاامل ليها فين ايوصلووو..ماشي عشق عادي هداا..لا ..هاد العشق فات كلشيي فات دوك قصص الحب لي كنسمعو بيها..عشق بدا من لي كانت عندو 9سنين فاش تولدات هي ودخل يشوفها لاول مرة هزاها ماماها كلشي فرحان بيها وصوت بكاها مسموع مازال جديدة عليها هاد الدنياا...قرب ليها وهو طفل صغيرة وتهز كيطل عليها بتاسم كيشوفها كتبكيي..شد ليها فيديداتها كيرجفو بلبكاا وهمس ليها بصوت صغيور:ماتبكيش هاني معاك
زيرات ليه على يديه وشوية بشوية بدات كتسكت ..حتى تقطع صوت بكاها من غير صوت انينها طفوليي ..زااد بتاسم وشاف فرقية (خالتو مامات ليلى):شتيها غير سمعات صوتي سكتات
رقية بابتسامة:من صباح وحنا كنحاولو نسكتوها اوالو واش بغات تسكت
رجع شاف فلبنوتة صغيورة مازال مزيرة ليه على صبعانو بحاليلا ماباغاهش يمشي بقة كيتاملها اية من الجمال تزادت بشعر كتيف وملامح زوينة بزاف واخة مازالة بي بي ويلاه تزادت ولكن من صغرها باان زينهاا
حنان:كيف جاتك اولدي بنت خالتك
بكر :زوينة بزاف
بغة يبعد يديه من يديها وهي تزير ضحك:مابغاتش ترخيي منيي هههه
رجع تاني كرر المحاولة والو مزيرة ولكن بكات فاش حسات بيديه كتنساحب من يديها.. دغية رجع شد ليها فيديها:هاااني معاك ماتبكيش صافي
وتحنة باسها على جبينها:عمري نخليك تبكي
كلشي بقة مبتاسم وكيشوفو فيهم
شاف فرقية:خالتي شنو اتسميها
رقية:مازال ماعرفتش
سمع كلشي بدة كيقتارح اسامي ليها وهو كيتأملهاا ومبتاسم ..شاف فباه محمد ورجع شاف فرقية:خالتي نسميوها ليلى عفاك
محمد:ههههههههه
حنان:علاش كضحك امحمد
محمد مسح ليه على راسو:انا لي عارف ولدي هدا سر بيني وبينو ياك
بكر:اه ولكن غير قول ليهم عادي
رقية:وقولنا نت نيت نسمعو
بكر:بابا كيقوليا ديما الشعر وقصص ديال قيس وليلى..وانا عجبوني بزاف وبغيت نسميها على ليلى
رقية:بغيتي زعمة دير فيها قيس وليلى دياال بصاح
هز راسو بلا وشاف فلبنوتة:لا هدي ليلى وبكر..قصتهم مختالفة اتكون نهاية ديالهم زوينة ماشي بحال قيس وليلى
كلشي رتافع صوتهم بالضحك على هاد البرهوش لي هضرتو كتر من السن ديالو من ديما كيصدمهم بافكراو..
بكر بهدوء عنيه مافارقوش هاد لملاك صغيور لي شاد ليه فيديه ومزير عليه خايف لايمشي عليه:خالتي واش انسميوها ليلى
رقية بتاسمات:نسميوها ليلى علاش لا وانا نقول لا ..سعداتها بيك من دابة
بكر فرح بزاف وتحنة باس ليها يديداتها وهمس ليها:ليلى ولات سميتك ليلى..ليلى ديال بكر
حنان:اش كتقول ليها
بكر:والو ..من ليوم انبقة ديما معاها تا حاجة ما اتاديها انعلمها كلشي حتى تكبر ونتزوجو صافي
ضحكوو تانيي وهو فرحان بهاد الملاك جديد لي دخل لحياتو..وكاملين شهدو على هاد الحب صغييور من بدايتوو حتى لدابة ..كلشي ولا عارف ليلى ديال بكر..وبكر دليلى ..