👑العُــــــــــــمــــــــــدة👑

البارت 15 💞

👑العمـــــــدة👑
♡..مجنــــون ليلـــى..♡
#15

غير دخلو استقبلاتهم البنت لي مكلفة بالمحال
البنت:شنو حب الخاطر
بكر شاف فليلى زعمة هضري
ليلى تنهدات ودوات:أختي عندي واحد صالون دلحلاقة وبغيت شي فوطوي لي يجيو معاه بالطبيلة ديالهم وشي طابلو يجي فالحيط ديكور
البنت:مرحبا تفضلي معايا
بكر خلاهم مشاو ..وقرب لاقرب فوطوي من لي كيتباعو تماك  وتلاح عليه جلس مرجع راسو اللور  تقول جالس فالصالون ديال دارهم كان عيان وجاه الجوع هو من النوع لي لفطور عندو مهم بزاف مسح على راسو ودور وجهو كيشوفها كتمشا هي والبنت كتوريها الموديلات ...

ليلى:هدا غزال حمقني وتا اللون زوين لحمر ورمادي بشحال عفاك هدشي كتمل كومبلي بديكور بكلشي
البنت :امم هو صراحة دالله كيدير ب 6000 درهم وليكم نتوما حيت اول مرة تزورونا نخليوه ب 5400
ليلى:الله اكبر هدشي غالي
البنت:راه لكاليطي زوينة وغتعجبك وتا ديكور والجلسة زوينة عاطية العين.
ليلى:هي صراحة دالله غزال ولكن تمان بزاف اختي ماتزيديش تنقصي
البنت:سمحي ليا هدا اخر تمان
هز راسو تاني كيشوفها كيف كدوي هي وياها ومرة مرة كتحط يديها على الفوطوي باينة كيتفاهمو على التمان ..جمع الوقفة وهو كيمسح على راسو كيضرو عيا
بكر:شنو تماا..عجبك
ليلى:حمقني
بكر :ايوا شنو المشكل
ليلى:غالي بزاف تانشوفو شي بلاصة خرا
بكر:شحال
ليلى:قالتلي اخر تمان 5400 درهم وهدشي راه نقصات كان فلول 6000
بكر مسح على راسو:نتي عجبك ياك
ليلى:اه  ولكن بزاااف هاد التمان
بكر:صافي غنتكلف
ليلى بتاسمات اطير بالفرحة :حلللف
بكر:وصافي هنينا
ليلى:شغا نقولك سيير لهلا يحرمنا منك اولد خالتي
بقة كيشوف رجع شاف فالبنت:صافي جمعو لينا هدشي ونعطيكم العنوان فين توصلوه
البنت:مرحبا اسيدي هي لولا ..باش نسجلها بسميتك ولا سمية المدام ديالك
بكر شاف داك الساع فليلى بحاليلا كيقولها بعنيه كلشي كيشوفناا راجل ومراتو  لايقين لبعضنا الا نتي...المدام ديالك ..هاد جوج كلمات عادين ولكن بالنسبة ليه حلم يمووت ويتحقق...ليلى بحاليلا قرات افكارو نزلات راسها هاربة من شوفات
بكر نطق:بسمية المداام ديالي
وورك على ديالي حيت هي ديالو  تاهي خاص تفهمها ودخلها لراسها
البنت:تفضلي معايا نقادو لوراق
بكر:هنا لاحق عليك
خلاهم مشاو وجبد طليفونو تأكد من لفلوس لي عندو فالبنك تنهد وعيط داك الساع للشاف من بعد كلام رسمي دخل فالموضوع:شاف حول ليا لخلصة ديالي دشهر الجاي محتاجها
الشاف:واخة اولدي واش كاين شي مشكل
بكر:لا ماكاين والو
الشاف:واخة اولدي..راه خدمة بريفي عندك فهاد السيمانة اتخلص فيها فلبلاصة زعمة لا كان شي مشكل نسبقهم لك تاهوما
بكر:لا الله يحفضك أ الشاف بغيت غير دشهر الجاي
الشاف:هي دابة
وقطع ودقايق ورجع دخل لحسابو لقاه حول ليه لفلوس ..ومشا داك الساع خلص ليها داكشي وخرجو وهي كتهض  مع حورية :شوفي ضربي تسييقة للمحال علامن نجي ونقادوه..غيعحبووك بزاف كيحمقوو...يلاه لسلامة
وقطعاات وشافت فيه:شكرا بزاف
بكر شاف فيها ورجع شاف لبعيد:وليتي تقولي شكرا
ليلى:من ديما مأدبة
بكر:بغيتي شي حاجة خرا
ليلى:اممم صراحة اه بغيت نشري بيريك دشعر والشعر لي كيتزاد وشي تواشي
بكر هز راسو لواحد لمحال كبيير خاص بالمكياج ولي زاكسيسوار ولعطورة دلبنات ودراري :زيدي
دخلوو وكيف لعادة هو جلس فوق الفوطوي دالانتضار كيتسناها وهي مشات تشري داكشي لي بغات ...داز الوقت خلص ليها تاني كاع داكشي لي خدات وخرجو

👑العمـــــــدة👑
♡..مجنــــون ليلـــى..♡
#التتمة

ليلى فرحانة بداكشي لي شراات كتحماق على المكياج وصبايغ وداك التخربيق شافت فيه:المورال كيطلع ملي كنشري هدشي عاد كترتاح نفسيتي
هو غير غادي وساكت  حتى كتنطق:ويليييي نسيييت نت مافطرتييييش..وعندك الفطور هو اهم شيي
شاف فيها :وشنوو زعمة
شدات ليه فيديه:اجي ها واحد المحلابة باين داكشي فيها زوين
دخلو وجلس وهي بقات واقفة كتهضر مع مول لمحلبة:عفاك شي خمسة دراهم دلحرشة وشي طبسيل دزيت لبلدية مع شي براد د اتاي صغير منع نع وعفاك من بعد قاد شي قهوة كحلة قاصحة
ومشات جلسات حداه:صافي هاهو فطورك شوية ويكون واجد
هز راسو باه وهو غير كيشوف فيها تاهي عارفة تقريبا عليه كلشي..شنو كيعجبو ياكل وشنو ماكايعجبوش ....كان غير مراقبها وهي كتلعب فطليفونها اكيد الانستقرام والابتسامة على وجها حتى كتنطق:اووف شحال كتحمق فورمتها زوينة ولباسها زوين شعرها كلشي فيها زوييين ..وكتعرف تهضر وكلشي كيحماق عليها ومشهورة عالميا صراحة حسدتها على حياتها وداكشي لي عندها عندها اليوم حفلة ايحضر لبها غا شكون وشكون اتشد زبابل دلفلوس
شافت فيه وقربات ليه ااطليفون:شوفهااا
نزل عنيه للطليفون وميل راسو كيشوف فهاد البنت لي كتوريه دغيا ملاميحو تبدلو وبعد الطليفون عليه وهو مخنزر:كاينة شي وحدة بعقلها كتحسد راقصة على حياتها
ليلى خرجات عنيها فيه:ادن كتعرفها صوفي الراقصة ناري كنحماق عليها وامنيتي نتلاقاها فاص ياك ما تانت متبعها فالانستا
بكر شاف فيها دوك شوفات ديال من نيتك
ليلى:وباش عرفتيها راقصة
ماجاوبهاش حيت كانو جابو ليه لفطور وفبالو كيتفكر هاد صوفيي لي ياما خدم معاها ولي فاي فرصة كتجيها كتحاول تقرب منو...
بدا كيفطر بهدوء وهي غير كتفرج فيه وترجع تاني تشوف فطليفون كنفرج فتصاور صوفي الراقصة هي مم لفان ديالها
شاف فيها:ونتي
ليلى:فطرت انا
هز رسو باه وكمل فطورو كلا كلشيي وشوية جابو ليه قهوتو شربها قاد بيها لمزاج . عاد ناض مشا غسل يديه وشرب لمااا ورجع لقاها كتخلص هي لفطور شافت فيه:نت خلصتي قبيلة كلشي خليني نخلص ليك لفطور واخة ماشي شي حاجة
تبسم  خربق ليها شعرها:زيدي نمشيو راه تعطلت على الخدمة
تبسمات:يلاه
وخرجو وركبو فالطموبيل وصلها للمحال وهو قلع للخدمة عندو مهمة خفيفة مم بعد خاص يوجد للحفلة ديال الراقصة.خاص يدوز كلشي مزيان