👑العُــــــــــــمــــــــــدة👑

البارت 32💞

👑العمـــــــدة👑
♡..مجنــــون ليلـــى..♡
#33
جا نهار جديد
رجع من الخدمة مدك دك خاصو غير ينعس طلع مع الدروج تلقات ليه رقية:ولدي جيتي
بكر بصوت عيان:جيت اخالتي
رقية:قبل تطلع تنعس اجي كول ليك لقيمة
هز راسو بلا:تانفيق
وطلع لبيتو دوش ولبس شورط مخلي صدرو عرياان وشعروو كيقطر وتلاح فوق النموسية نعس داك السااع
دازو دقايق
لباب لبرانية كتسمع كتزدح..دقان مجهد كلشي طفج...نزل ياسين حل لباب لقا لبوليس مستفين برا:دار بكر العمدة هادي
ياسين:وعلاش كتسول
دفعووه:حيد من قداميي حنا لي كنسولو ماشي نت فين هووو
طلعو مع اادروج وهو تابعهم :فييين غادين مدر ميييين
مسمعووش ليه دخلو للدار كيقلبوو  علييه .
حنان:شكاا ديروووو شوااقع هناياااا
خرجات كنزة من لبيت كتشوفهم كيقلبو فلبيوتة ولي جات قدامهم كيقلبوها:ماما شنو واقع
محمد خارج من لبيت كيجر فلكرسيي المتحرك ديالو:شكوون نتوما وشكا ديروو فداري السيبة هنايا
البوليسي:حنا لبوليس الشريف كنقلبو على بكر والمعلومات لي عندنا كتقول يلاه دخل للدار ادن يبااان بلا مايتخبة
محمد:كيفاش لبوليس شنو دار باش ديرو هاد روينة ودخلو هاجمين علينا راه كنعرفو  فلقانوون ..وراحنا ولاد لقانوون
شاف فولدو ياسين:ارالي داك طليفون
ياسين قرب وهو مخنزر:الدار فيها لبنااات وهااد الدخلة لي درتو ماشي ديال الرجال هادي ديال الشماايت
لبوليسي قرب بغة يضربو:شووف لك لبرهووش
قبل يوصل ليه سمعو صوتو:شنو واقع هنايا
لبوليسي شاف فيه:نت هو بكر
بكر مخنزر ماناعسش مزيان وسمع لغوات ونزل:هو هداا
لبوليسي:شدوووه
بغاو يقربو ليه لبوليس وهو يتنتر منهم ساخط:اي واحد قبل تشدوه خاص يعرف التهمة بعدة وورقة ديال التصريح بالاعتقال اولا اسي لبوليسي.
لبوليسي متحملش الطريقة باش دوة معاه:نت هاجم على السيدة تا لقلب دارها وقاجها كنتي اتقتلهاا وضارب الشيفور ديالها تا كان ايموت ومازال كتسول..راه محاولة قتل هدشي والضرب والاعتداء وزيد وزيد.. وها ااورقة ديال ااذن من وكيل الملك شي سؤال اخور
بكر شاف فدك الورقة ومسح على راسو :نزيد نتوكلو على مولانا نلبس علياا
لبوليسي:بغيناك هكا اشريف
وشاف فلبوليس :مينطووه.
مد ليهم يديه مينطوه حناان بدات تبكي وتغوت هي ورقية وياسين تابعو:كيفااش ايديوك اخويااا ..شنو خاص نديير اخوياا قولييي  شنو نديرر
بكر ولبوليس جارينو:خليك مع خواتاتك ماعندك مادير
حنان تابعاه كتغوت فدرووج:اويليييييي اولدي طلقوة لياا ولدييييي طلقوووه
خرجو بيه لبرة هكاك غير بالشورط وصدرو عريان وبلحفة والحوومة عامرة وكلشي كيتفرج.. ياسين حيد صنظالتوو وتبع خوه غادين بيه فالدرب وقف البولييس:وتسنااا اصااحبييييي
وتحنااا عطا لخووه صندالة لبسهاا
بكر:سير ماتخليش الوليدة كتبكي فالزنقة قلها دابة نرجع بلا هاد لفضييحة
كانت جاية كتجري هي وحورية وصلو ليهم لخبار لصالون وقفات عليه شادة ليه فيديه:اويليي شنو واقع ابكر لاش دايينك
حورية كتشوف دنيا مقلوبة:خوياا شنو واقع
لبوليسي جروو:واش انبقاو هناا
بكر وهو غادي :يااسين طلعهم للدارررر لاش واقف تانت كتفرج
وركبوه فلفاركونيط ودماراو نيشان للكوميسارية
ياسين طلع خوتو ومو للدار ..لقاو محمد كيدوي فطليفون مع واحد لبوليسي كيعرفوه :ورد عليا باش ما كان..تا الرجلين ماكاينينش باش نجييي اولدي
وقطع
حنان كتبكيي:وا سمعتيييي قتلك محاولة قتل ..هي مشاااا فيها يااك امحمد ولدي ايغراق فلحباساااات
محمد:سككتيييناااا احنااان خلينا نعرفو اش نديرو بكر ماشي دري صغير دابة يخرج راسو منهاااا
ياسين:الوليد انعيط لداك المحامي لي كان معاه فاش دخل للحبس اخر مرة
محمد:عيط ليه
ياسين:انا انخرج نمشي للكوميسارية مانخليهش بوحدو لا حتاج شي حاجة يلقاني تماك
ليلى:انمشي معاك
ياسين:راه ما ايبغيش
ليلى:زيد وسكت
لبسات جلابتها ومشات للكوميسارية هي وياه