👑العُــــــــــــمــــــــــدة👑

البارت 26💞

👑العمـــــــدة👑
♡..مجنــــون ليلـــى..♡
#التتمة 26
جا نهار جديد جديد  داخلة مع الدرب طموبيل كحلة عالية ديال جيب وزاج فيمي خلات ناس الحومة يضرهم راسهم شكون مولاها وعندمن جاية هاد اللوطو ..قليل فين كيشوفو بحال هاد الحديد فالحومة .... لداخل فالطموبيل كتشوف من زاج طموبيل فلحومة كيف دايرة  مقوصة حواجبها دوات:مأكد هادي هي الحومة وهنا فين ساكن بكر 
الشيفور:اه الالة مأكد
  هزات راسها باه وهي كتشوف واحد الجارة واقفة فلباب:وقف هنا ونزلات زاج :سلام الجارة خرجات عنيها فيها كتشوف هاد الزين كامل كيدوي معاها:وعليكم السلام ابنتي شحب الخاطر
صوفيا:ياك هدا هو الدرب ديال بكر العمدة الجارة:اياه ابنتي هو هدا ..هنا فين كيسكن بكر الله يعمرها دار راجل مشاء الله عليه لبوكوص دلحومة متلف لينا بناتنا على القبلة ومامسوق لتا وحدة فيهم.وعلاش كتسولي عليه
صوفيا تنهدات بحاليلا حكات ليها على الضبرة:اااه
الجارة:شنو
صوفيا وهي كتمد ليها 100درهم:والو..بغيت نقول وليلى بنت خالتو (وغمزاتها زعمة عاوديلي الشادة والفادة)
الجارة خداتها ودارتها فصدرها:داك سليعفانة بنت خالتو ساكنين فدار وحدة وهو سماها ليلى ورباها على يديه كيحماق عليها وهي مجرجرة فيه من نهار سكنو فهاد الحومة وكلشي عارف بكر كيبغي ليلى وليلى ماكاتبغيهش ..حرم عليها وعلى راسو الزواج..هو ماتزوجش وهي اي واحد كيجي يخطبها كيجري عليه اخر واحد فرشخو مزيان ودخل عليه للحبس وفاش خرج ضربها بسكرة ومشا للخدمة كيسوق طيارة وهو سكران ايوا وجراو عليه من خدمتو لي سنين وهو يدمر عليها هادشي كامل بسباب داك سليعفانة اه فكرتيني وغا لبارح راه رون عرس على قدو حيت ناضت تشطح بالمسخوطة لوخرا وهي عارفاه كيغير عليها من ضلها ..المهم فاش ناضت تشطح واحد خونا بغا يتبسل عليها وهو يشير عليه بقرعة للراس ايييه ابنتي راه خارجة عليه ونزيدك فاتح ليها صالون ومكلف بمصروفها هي ومها  لي بغاتها كيحضرها ليها وماكاينش ولد لمرا لي يحل عليها فمو يعطيها موصيبة ماعارفاش بحق النعمة لي هي فيها وحق داك الراجل للي الف وحدة تمناه ماعرف اش عجبو فيها وسكتات وهي كتنهج كترتاح من الهضرة وعاد.كملات:ماقلتيليش ابنتي شكون نتي بعدة ولاش كتسولي على العمدة وليلى
صوفيا زادت كملات عليها من داكشي لي عاودات ليها ونار الغيرة شعلت فيها:والو غير خدامة معاه.. فين هو الصالون لي قلتيلي الجارة :سيري طول راه فراس الدرب هو لي كاين هزات راسها باه وطلعات الزاج:سير فين قالت سير وهزات طليفونها وكتبات ليه ميساج:انا فحومتك  ما اتجيش تشوفني ؟توحشتك
وقفو حدا المحال ..نزلات ونضادر فعينيها كتشوف المحال من على برا 

لداخل
ليلى:حورية نمشي نجيب شي حاجة ناكلها فيا الموت دجوع كملي ليها شعرها نجي ونقاد ليها لماكياج صافي
حورية:واخة سيري وجيبي معاك شي حاجة
ليلى كترمي فوقها واحد لكاب:واخة
ومع الخرجة كتجي عنيها على الطموبيل واقفة حدا باب لمحال قوصات حواجبها وشافت فلبنت لي حدا اللوطو  صوفيا احساسها قالها هي هدي نطقات:ليلى؟
ليلى :اه 
صوفيا حيدات النضار كتشوف فيها وطلعها وتنزلها شعرها جامعاه بستيلو ونازل على عنقها باهمال وجبينها عرقان بسوشواار ..ولابسة سيرفيت مزيرة عليها ومبينة ليها شوية لكريشة ..وجها شاحب شوية مع لعية وقلة الماكلة والماسكارة سايحة تحت عنيها ..تبسمات باستهزاء وحيدات نضاضرها  ليلى كانت كتقول فين شايفاها وفاش حيدات النضادر عاد عرفاتها نطقات مصدومة تخلط عليهاا كلشي الفرحة والدهشة:صوفييييي صوفي هزات راسها باه:اه كتعرفيني
ليلى قربات ليها:الله ياودي راني دايرة ليك متابعة فالانستا كنحماق عليك نارييي مامتيقااش