Ch-41 ရှုဝေ့ရှန်အတုရဲ့အထောက်အထားအမှန်က.....
နောက်ထပ်ငါးမိနစ် သို့ ငါးမိနစ်ကျော်လောက်တူးပြီးချိန်တွင်တော့ မိမိမှာသတ္တုသေတ္တာလေးအားမြေပေါ်သို့ထုတ်ယူလိုက်နိုင်တော့သည်။
သေတ္တာမှာအဘိဓာန်စာအုပ်ဆိုဒ်လောက်သာရှိသည်။ဒီထဲကိုခန္ဓာကိုယ်တစ်ခုထည့်ထားနိုင်ဖို့ဆိုတာ ဘယ်လိုမှမဖြစ်နိုင်ဘူး။ဒါကလက်ေမာင်းတစ်ဖက်တောင်ဆံ့မှာမဟုတ်ဘူးလေ။
မိမိမှာသေတ္တာအားခါယမ်းကြည့်လိုက်သော်ငြား အတွင်းမှနေဘာသံမှထွက်မလာခဲ့ပေ။မိမိမှထိုေသတ္တာအားဖွင့်လိုက်ရာ ပြာမှုန်များလွှင့်ထွက်လာသည်။မိမိလည်းသေတ္တာအားချက်ချင်းပိတ်လိုက်ရင်း ရှုဝေ့ရှန်ထံကြောက်ရွံ့စွာငေးကြည့်လိုက်သည်။
ဒါတွေသာပြာတွေဆိုရင် ရှုဝေ့ရှန်ရဲ့အရိုးပြာပဲဖြစ်ရမယ်။ငါ့ကြောင့်မလို့အချို့ပြာတွေကလွှင့်ထွက်သွားပြီ။သာဓု သာဓု။
ညီမဖြစ်သူက အစ်မဖြစ်သူရဲ့ခန္ဓာကိုယ်ကိုမီးရှို့ပစ်လိုက်တယ်ပေါ့လေ။
တစ်ကယ်သာ သူမမှခန္ဓာကိုယ်အားမီးရှို့ခဲ့ပြီး အရိုးပြာများကိုဖွက်ထားခဲ့ပါလျှင် သူမ၏ရှုဝေ့ရှန်အဖြစ်ဟန်ဆောင်နေခြင်းကို မည်သူကမှရှာတွေ့နိုင်လိမ့်တော့မည်မဟုတ်ပေ။အချိန်ကြာလာသော် ဤကမ္ဘာ၌ရှုဝေ့ရှန်တစ်ဦးသာကျန်ရှိေနပေတော့မည်။
မိမိကိုင်ထားသည်မှာအရိုးပြာထည့်ထားသောသေတ္တာတစ်လုံးမှန်းသိလိုက်ရသည်မှာ မိမိအားနောက်ကျောမလုံသလိုဖြစ်လာစေသည်။သူမခန္ဓာကိုယ်ကဘယ်လောက်ထိလောင်ကျွမ်းသွားရတာလဲ။ဒါကမီးသင်္ဂြိုလ်လိုက်တာမှမဟုတ်တာကို။
မိမိသည်မြေကြီးများပေကျံနေသောလက်ဖြင့် ရှုဝေ့ရှန်၏ငွေလက်ကောက်အားကိုင်ထားကာ သူမကိုနှစ်သိမ့်လိုက်သည်။
"နင်ကအခုပြာတွေအဖြစ်လောင်ကျွမ်းသွားပြီးပေမယ့် ဒါကနင့်ကိုဖော်ထုတ်ဖို့ အခြားလူတွေအတွက်ကျ မဖြစ်နိုင်မှာကိုငါစိုးရိမ်မိတယ်။စိတ်မပူပါနဲ့။နင့်ရဲ့ညီမကိုသူမလုပ်ခဲ့တာတွေအတွက်ကျိန်းသေအပြစ်ဒဏ်ခံရအောင်ငါလုပ်ပေးပါ့မယ်"
ရှုဝေ့ရှန်သည်သူမေခါင်းအားတုံ့ဆိုင်းစွာငြိမ့်လိုက်သည်။သူမသည်သရဲတစ်ကောင်ဖြစ်နေသော်ငြား မိမိမှာသူမ၏ကျုံ့နေသောမျက်ခုံးများနှင့်မဲ့ကျနေသောပါးစပ်ကိုမြင်နေရသည်။မိမိအတွေးလွန်နေသည်လားကိုမသေချာသော်ငြား သူမသည်ယနေ့၌ထူးထူးဆန်းဆန်းပြုမူနေသည်ဟု ခံစားနေရသည်။သူမကငါ့ကိုမယုံလို့များလား။
နောက်နေ့တွင် မိမိမှာစုယန်မနိုးလာခင်ထွက်လာလိုက်ပြီး ရှုဝေ့ရှန်အတု၏အိမ်ဆီတက္ကစီဖြင့်သွားလိုက်သည်။မိမိသည်မနက်စာပေါင်မုန့်အားမျိုချရင်း သူမအဆောက်အအုံအောက်တွင်စောင့်နေလိုက်သည်။အစီအစဉ်ကတော့ သူတို့ကိုယ်တိုင်ဖော်ထုတ်လာမည့်အရာတို့ကိုစိတ်ရှည်ရှည်ဖြင့်စောင့်ဆိုင်းရန်သာဖြစ်သည်။သူမမှာအပြင်ထွက်လာလိမ့်မည်ဟု မိမိသေချာလေသည်။သူမတံခါးမှထွက်လာသည်နှင့် မိမိမှာသူမနောက်ကိုနောက်ယောင်ခံလိုက်မည်ဖြစ်သည်။မိမိမှာသူမနောက်လိုက်နေသ၍ ထူးခြားမှုတစ်ခုခု ဒါမှမဟုတ် သံသယဖြစ်ဖွယ်တစ်ခုခုအား ရှာတွေ့မိလိုက်နိုင်မည်မှာသေချာလေသည်။
ဥပမာဆိုရလျှင် ယခုရှုဝေ့ရှန်သည် စိတ်ဆင်းရဲပြီးငိုကြွေးနေပုံရသည့်မိန်းမတစ်ဦးနှင့်စကားပြောနေလေသည်။ဒါနဲ့ပတ်သက်ပြီးညှီနံ့တစ်ခုခုရနေတယ်။သူတို့သည်ပန်းခြံရှိခုံတန်းရှည်ပေါ်ထိုင်ရင်းစကားပြောနေကြပြီး မိမိမှာရေခဲမုန့်လှည်း၏နောက်မှနေ သူတို့အားစောင့်ကြည့်နေသည်။ကံဆိုးသည်မှာ မိမိသည်ရွေ့နေသောလှည်းနောက်မှလိုက်နေရသည်။မိမိတို့ကြားအကွာအဝေးမှာဝေးသထက်ဝေးလာတော့သည်။
မိမိသည် မိမိအပေါ်ရှိပိုင်ရှင်အားကြည့်လိုက်ပြီး ရေခဲမုန့်လှည်းအားသွားနေသည်ကိုတားရန်ကြိုးစားလိုက်သည်။
"ရှင်ဒီမှာခဏလေးနေပေးလို့ရမလား။ခဏလေးပါပဲ"
"အရူးမ"
မိန်းမကြီးသည် မိမိထံသူမမျက်လုံးများအား အကြင်နာမဲ့စွာလှိမ့်ပြလာပြီး ရေခဲမုန့်လှည်းအားရှေ့သို့ဆက်တွန်းလိုက်သည်။
"ကျေးဇူးပြုပြီးနော်"
မိမိသည်အသနားခံလိုက်ပြီး သူမထံ20rmbအားပေးလိုက်သည်။
"ကျွန်မရေခဲမုန့်တစ်ခုဝယ်မယ်။ကျွန်မနဲ့ဒီမှာမိနစ်နည်းနည်းလောက်နေပေး"
ပိုင်ရှင်သည်သက်ပြင်းချလိုက်ပြီး မိမိပိုက်ဆံများအားယူလိုက်သည်။ထို့နောက်သူမသည်မိမိထံ ရေခဲမုန့်လုံးသုံးလုံးပါသည့် ရေခဲမုန့်အားမိမိထံပေးလာကာ သူမလှည်းနောက်မိမိအားယာယီကာထားခွင့်ပေးလာသည်။
မိမိသည်ရေခဲမုန့်အားလျက်လိုက်ပြီး မိမိဦးနှောက်မှာေတာ့အပိုင်းအစများအားစုစည်းရန်ကြိုးစားလိုက်သည်။မိမိမှာသူတို့ပြောနေသည့်စကားများကိုမကြားနိုင်သော်ငြား သူတို့၏မျက်နှာအမူအယာအရ ကြုံရာကျပန်းစကားများအားပြောနေခြင်းမဟုတ်သည်ကို မိမိပြောနိုင်လေသည်။
"နင်အဲ့ဒီမိန်းမကိုသိလား"
မိမိသည် ရှုဝေ့ရှန်အတု၏ဘေး၌ငိုနေသည့် သက်လတ်ပိုင်းမိန်းမဆီညွှန်ပြရင်း သရဲမရှုဝေ့ရှန်အားမေးလိုက်သည်။
"ညည်းဘာပြောလိုက်တာလဲ"
မိန်းမကြီးမှာမိမိအားမေးလာသည်။
"အာ..မပွောပါဘူး..ဘာမှမပွောပါဘူး"
မိမိသည်ရှုဝေ့ရှန်အားကြည့်လိုက်ရာ သူမမှာခေါင်းယမ်းလာခဲ့သည်။
ဒီလိုဆိုရင် အဲ့မိန်းမကရှုဝေ့ရှန်အတုရဲ့လူတွေထဲကတစ်ယောက်ပေါ့။အရမ်းကောင်းတယ်ဟေ့။မိမိသည်ကျေနပ်နေသည့်အမူအယာဖြင့်ခေါင်းငြိမ့်လိုက်သည်။သူတို့လူခွဲသွားချိန်တွင် မိမိသည်ပစ်မှတ်အားပြောင်းကာ သက်လတ်ပိုင်းမိန်းမနောက်တိတ်တိတ်လေးစလိုက်တော့သည်။မကြာခင် မိမိတို့သည်မိဘမဲ့ကျောင်းတစ်ခုထံရောက်လာသည်။
ဒါကကယ်ဗင်ပြောခဲ့တဲ့မိဘမဲ့ကျောင်းဖြစ်နိုင်လောက်တယ်။အပြင်ဘက်မှနေ မိမိသည်အချင်းချင်းကစားနေကြသည့်ကလေးအချို့ကိုမြင်နေရသည်။ရုတ်တရက်ဆိုသလို ကလေးတစ်ဦးမှာမိမိဘက်ဆီဘောလုံးအားပစ်လာသည်။ထိုဘောလုံးသည်မိမိခြေထောက်ရှေ့ကျလာသည်။ဘုရားသခင်ကတောင်ငါ့ကိုတစ်ကယ်ကူညီပေးနေတာပဲဟ။မိမိသည်ဘောလုံးအားကောက်လိုက်သည်။
"မစ်။ဘောလုံးကိုသမီးဆီပြန်ပေးပါ့လားဟင်"
တက်ကြွသောကေလးမလေးတစ်ယောက်မှာ မိမိထံအော်ပြောလာသည်။
"ကောင်းပြီလေ။ဒီမှာယူလိုက်"
မိမိသည်ေနွးထွေးစွာပြုံးလိုက်သည်။ထို့နောက် မိမိသည်ဘောလုံးအားသူမထံအသာလေးပြန်ပစ်ပေးလိုက်သည်။မိမိမှဘောလုံးအားကောက်လိုက်ချိန်တွင် မိဘမဲ့ကျောင်းနှင့်ပိုနီးကပ်သွားရန်အခွင့်အရေးရလိုက်သည်။သို့သော်ငြား ပျော်ရွှင်မြူးတူးစွာဆော့နေကြသည့်ကလေးများကို အာရုံစိုက်ရမည့်အစား သစ်ပင်ကြီးတစ်ပင်၏အောင်ရှိဒန်းပေါ်တွင်တစ်ယောက်တည်းထိုင်နေသည့်ေကာင်ငယ်လေးမှာမိမိအာရုံအားဖမ်းယူသွားသည်။
မိမိနှလုံးသားမှာတင်းကျပ်သွားတော့သည်။မိဘမဲ့ကျောင်း၊ဒန်း၊ရယ်မောပျော်ရွှင်နေကြတဲ့ကလေးတစ်သိုက်၊ထပ်ပြောရရင် သင်းကွဲနေသည့်ကလေးတစ်ဦး...။ထိုသည်မှာသမိုင်းမှသူ့ဘာသာသူတစ်ပတ်ပြန်လည်လာသလိုပင်။အခြားကမ္ဘာပေါ်ရှိ လွန်ခဲ့သောတစ်ဆယ့်ခြောက်နှစ်မှ နောက်ထပ်မိမိ(အားလုံးကိုကိုယ့်ဘာသာခေါင်းငုံ့ခံခဲ့ရသည့်)အားမိမိမှမြင်နေရသည်။
"မင်းဘာလို့အခြားကလေးတွေနဲ့မကစားတာလဲ"
မိမိသည်သူ့ထံစကားသွားပြောလိုက်သည်။
သူပြန်မဖြေ၍ မိမိသည်ဒူးတစ်ဖက်ထောက်ချလိုက်သည်။မိမိမှာသူ့အားဆက်၍နှိုးေဆာ်နေစဉ် သူသည်ခေါင်းမော့ကာမိမိနှင့်အကြည့်ချင်းဆုံလိုက်သည်။ကလေး၏မျက်လုံးအိမ်များမှာ နက်ရှိုင်းနေပြီး သူ့တစ်မျက်နှာလုံးသည်ဖြူဖျော့နေသည်။သူ့ကြည့်ရသည်မှာဖျားနာနေပုံရသည်။မိမိမှာသူသည်သရဲတစ်ကောင်ဟုပင်ထင်လာနီးပါးပင်။မိမိမှာတောင့်တင်းသွားရေတာ့သည်။
သူသည်သူ၏ပါးစပ်အားဖွင့်၍
"ရှောင်ရှင်းက ပေ့ကျဲလာမှာကိုစောင့်နေတာပါ။ရှောင်ရှင်းကပေ့ကျဲနဲ့ပဲကစားမှာ"
"ပေ့ကျဲ"
"ပေ့ကျဲနဲ့ကျဲကျဲမှာ ဖိနပ်ဆင်တူရှိတာပဲ။ကျဲကျဲ ပေ့ကျဲကိုသိလားဟင်"
မိမိသည်ခေါင်းငုံ့လိုက်ပြီး ဖိနပ်များကိုကြည့်လိုက်သည်။ဤမနက်က မိမိသည်အလွန်အလျင်လိုနေ၍ ကြုံရာဖိနပ်တစ်ရံကိုစီးလာလိုက်သည်။မိမိစီးထားသည်မှာ ကျောင်းမှနေကျောင်းသားတိုင်းအားပေးခဲ့သည့်အားကစားဖိနပ်ပင်ဖြစ်သည်။
ပေ့ကျဲကရှုဝေ့ရှန်အတုဖြစ်နိုင်မလား။
ရှုဝေ့ရှန်သည်အထက်တန်းစားမိသားစုတစ်ခုမှဆင်းသက်လာသည်ဖြစ်၍ သူမပုံများကိုအင်တာနက်၌လွယ်လွယ်ရှာနိုင်လေသည်။မိမိသည်ထိုပုံအားရှောင်ရှင်းထံပြလိုက်သည်။
"ဒါကမင်းရဲ့ပေ့ကျဲလား"
ရှောင်ရှင်းသည်စိတ်လှုပ်ရှားစွာခေါင်းငြိမ့်လာသည်။
"ကျဲကျဲ။မင်းကပေ့ကျဲကိုသိတယ်ပေါ့။ဒါဆိုသူမကိုလာဖို့ပြောပေးလို့ရမလားဟင်။ကျေးဇူးပြုပြီးသူမကိုပြောပေးပါ။ရှောင်ရှင်းကသူမကိုအများကြီးလွမ်းနေပြီလို့..."
ကလေးမှာ အသက်ရှစ်နှစ်၊ကိုးနှစ်ပတ်လည်သာရှိလောက်ဦးမည်။ရှုဝေ့ရှန်နဲ့သူရဲ့ပတ်သက်မှုကဘာလဲ။ပေ့ကျဲဆိုတာက ရှုဝေ့ရှန်အတုရဲ့အထောက်အထားအစစ်လား။