من أي فردوس أتت عينّاك
وبِأي كوثرٍ يرتوي جِفناك
هل كنت خلقاً من محاسن الأمه
أم كُنت حُسناً ماله أشباه
بقلمي انا ايڤين
(مليكًا الجبوري)
لاتنسون التصويت يحلوات + تعليقاتكم بين الفقرات عيوني
____________________________
جر ايدي بحركه سريعه يسحبني .. لزمت ايده الثانيه عضيتها ادفر بي حتى يتركني .. حسيت غواش يصير على عيوني و افقد توازني بدون سبب
صار صوت صدى بأذني يتردد
- شيلها شوف وين نوديها نطلب من اخوانها لو ابوها ينطون
خليت ايدي على راسي اسند نفسي حتى اكوم راسي يوجعني عيوني يحركني بدون ماعرف ليش .. صارت كدامي كلينس ابيض مشمور
رجف جسمي اهمس
شهرزاد - من يوم يومك نزل بعمرك ماصرت رجال
صرت اقاومه واضرب بي حتى يبتعد .. عطت بكُل ما اجتني من قوه حسيت غضب السنين على گلبي اكدر افرغه باذيتي اله
شهرزاد - سااااعدووووني ماكوووو شخص هنااااا الله ياخذك حميد الله لا ينطيييك
حميد - اششششش ولج اشششش بلاااا صوووووت
شهرزاد - لك ابتعد يا نذل ابتعددددد
شهكت بفزع بعد ماشفت حميد ممطول بالكاع ديضرب بي الرجال يلي قبل شويه شفته
شلت عبايتي من على متني اغطي بيها راسي اهمس :- شجابه هذا هسه ياربي شجابه لهنا
حميد - اشرد يمصخم لا تصفن علييه امشيييي بسرررعه .. اخخخ خرب روحك ولك وخررر
شهرزاد - رفعت راسي للجهه الثانيه بعد ما ركض الولد بعيد من هنا جان مبين بعده مراهق مو مال هيج سوالف
رفعت راسي اتحسب عليه وادعي :- ربي خلصني من عنده والله تعبت
- يا خسيس العيب على شواربك الوسخه لو اكدر جنت خليتك تعفن بالسجون بس اخ ماكدر ماكدر ايدي مربوطه
شمره بالكاع ودفره ببطنه يغلط عليه .. مسح الدم يلي موجود على ايده بالبدي مالته وبكُل برود يضحك باستفزاز
اجه باتجاهي خازرني .. نتر بيه يصيح
- لييش طحتي بالكاع شايفه العبايه شصاير بيها من الترابه
شهرزاد - والله حسيت نفسي دخت واجيت اطيح ماكدرت الزم نفسي واوازن
- خرب انتِ لو بس ..
التفت على صوت وحده اعرفها كُلش زين .. فتحت حلكي مصدومه احجي بذهول :- آريـا شسوين هنا
آريـا - قُصة طويله كومي بسرعه كومي شو
شهرزاد - لعد وين د...
آريـا بعياط - كااافي شهرزاد بعدييين كووومي كووومي
كمت على حيلي اسحب العبايه على راسي انفضها واباوع على آريـا مصدومه من وجودها
لزمت ايدها اقربها من عندي اهمس :- ولج مصخمه شجابج
غمزت الي بدون ماتحجي الي شي .. التفتنا ثنينا على صوته
- هاي طلعتن كُلجن ماتخافن ما شاء الله
آريـا - هذا السخيف منين
شهرزاد - شمدريني امشي امشي
- بعدج فصمه وتصيحين سخيف
شهرزاد - وانتَ هم شكلك صغير كوه تكبر بنفسك
- عساس عرفتيني يعني وحليتي لغز عظيم
آريـا - اكووول ابو عضله روح منا هششش
- ذبانه كدامج اني يول
آريـا - ذبانه مو مؤدبه أصلًا كدامي وصوتها مزعج .. دمشي شهر امشي
شهرزاد - شكرًا على المساعده
- ثنينهم بلا خير يرجفون رجف من الصوت
اكتفيت اهز راسي وامشي وره آريـا يلي تسحب بايدي .. حجيت وياها مستغربه
- فهميني ديغم وين
آريـا - راكن السياره بعيد
شهرزاد - وانتِ شجابج
آريـا - اجه كال خل اطلعج على ما تخلص شهرزاد كم شغله ونفتر سويه
شهرزاد - وليش مانزل هو ساعدني
آريـا - مايكدر شهرزاد مايكدر اصعدي يلااا دوختيييني
شهرزاد - تحتاجين اربيج من جديد
آريـا - اصعدي وربيني بعدين
اول ماصعدت للسياره درت على ديغم عطت بي
- سوااااايه هاي سوايتك تعوووفني و تروووح
فرك وجهه عيونه حمر من العصبيه
ديغم - ما عبالي هل خسيس يراقبنا لو يمشي ورانا يتبع
شهرزاد - مانزززلت تساعدني
ديغم - ماشفتي جااان واكف كدامج شون انزل وافضح رووحي وتخرب كُلشي عليه
شهرزاد - الي عندك اهم مني للحضات حسيت بيك تغيرت وصرت تخاف علينا و تغيرت بس يبقى مجرد احساس مو حقيقه
ديغم - شهرزاد مالها داعي كُل هل ..
شهرزاد - حباب امشينا للبيت مالي خلك شي
آريـا - لعددد وانييي ياااا
شهرزاد - شبيج انتِ لسانج طولان وبس ارجع اكصه الج واخليج تتأدبين
آريـا - هاي لان ماردت احجي ومن نصعد احجيي اهووو ديغم انت ورطتني انت ساعدني اطلع من هل ووطه شذنبي انبسط من وراك
شهرزاد - اول تالي تسمعين كلام ديغم بس اني ادري بيج تردين حجه
آريـا - مو اني حبيبة گلب سعد شون تحاجوووني هيج
ديغم - خلصتن لو بعدجن
شهرزاد - حقك استاذ حقك اكيد ازعجناك المفروض نحجي بهمسات ماتزعج مسامعكم
آريـا - نحجي بالاشاره احسن حتى ميضوج
شهرزاد - اي عيني لان كُلشي ولا ينزعج
ديغم - دخيلك رررربي دخييييلك ربي
آريـا - هسه اخذوني لمكان اتونس طكت روحي بزعتوني
ديغم - خل نروح لحديقه بيها مراجيح تمرجحي حتى نرجع للبيت ونخلص من هل ربابه
آريـا - اخووويه الزووود حزام ظهري بس حرامات لو نازل جافص ببطن ابو عضله
ديغم - منو هذا
شهرزاد - الرجال يلي ساعدني
ديغم - اها
شهرزاد - جان ببيت يارا وياهم هناك
ضرب بريك سريع شويه وينلزك راسي بالجامه .. صار صوت هورنات السياره الورانه تتعالى وهو ولا مهتم
التفت عليه رافع حاجبه يصك على اسنانه يحجي
- شنو شكلتي شهرزاد عيدي
شهرزاد - شنـ شنو شكلت اني والله ماكلت شي ديغم عفيه شبيك
ديغم - وين جان شهرزاد هذااااا وييييين جاااان
شهرزاد - ببيت يارا جان هو يلي فتح الي الباب و دخلني والله بس هيج شبيك عصبت
ديغم - شهرزاد شايفه إذًا تشاقين بهل موضوع
شهرزاد - وراس ابني مالك هو جان هناك
ضرب ايده بقوه على الستيرن يهمس بصوت شبه مسموع
- سوتها وجابته سووووتها والكفل زينب مانساها الج
شهرزاد - ديغم عفيه شبيك شصار
ديغم - مصار شي امشونا للحديقه
التفت على آريـا يلي جانت مصدومه مثلي وماتحجي شي بس صافنه على ديغم
ديغم - لحد تصفن
آريـا - اني شون بعدني بقواي العقليه لحد هسه
شهرزاد - شمدريني المفروض نشمرج بشماعيه
آريـا - عمي شمروني قابله بس شمروني
ديغم - لغوه زايده هاي ترا مالها داعي هل تصرفات شصار هسه عيني ست آريـا شدعواج
آريـا - حقك أنت ماتشوف نفسك
ديغم - المهم انتن تشوفني وتكحلن عيونجن بيه
شهرزاد - يااا عشتووو نكحل عيونا كال ديلا عيني قلم الكحل استقر
ديغم - تغارين مني لان رموشي حلوه
آريـا - ادفع نص عمري حتى اعرف شون هيج رموشه طوال وهو يغسل وجه بمعجون الحلاقه
ديغم - الغيره اوف منها الغيره
آريـا - حرامات انت اخويه الجبير جان رزلتك
ديغم - ها ولج
آريـا - اسسسفه ميصير نشاااقه عيييني
ديغم - عبالي ماتشاقين
شهرزاد - دكافي تتعاركون و تتناكرون بيناتكم خل ننزل
نزلوا كدامي واني وراهم ابتسم شون لازم ايدها وهيه تحرك بيها لكدام متونسه .. رفعت راسي للسما ادعي يبقون العمر كُله هيج وميفترقون بيوم
كعدت على وحده من المسطبات صافنه على الحشيش .. حسيت بي يجي يكعد بصفي يدخن
ديغم - هاا خير
شهرزاد - خير
ديغم - شو ضايجه منو وياج
شهرزاد - محد وياي بس مشتاقه لبغداد
ديغم - الاوضاع دتتحسن حسب الاوضاع فتره ونرجع
شهرزاد - واذا رجعنا حتبقى الناس مثل ماجانت قبل والحياة نفسها
صفن عليه بنضره مطوله بيها كميات كلام هواي .. تنهد يكول
- لازم نعيش لازم نتقبل .. شكالت يارا
ضميت كذلتي بالعبايه اهمس
شهرزاد - كالت هواي كلام
ديغم - هيه شونها زينه
شهرزاد - عايشه وتشتم الهوى .. بس روحها ميته
ركزت عيوني عليه وعلى تصرفاته .. فرك وجهه يحجي
ديغم - لا تحجين هيج شهرزاد
شهرزاد - حجيت الك المفروض احجي ديغم شتريد من البنيه قابل تحبها
ديغم - شهرزاد لا تدخلين هل الامور بينا
شهرزاد - لا ديغم انت تحبها و تعشقها بس تكابر شنو منتضر ليش تماطل ليش دتسوي بنفسك هيج
ديغم - مو دائمًا يلي بنفسج تحصلي .. اكدر احرك الدنيا علمودها بس ..
شهرزاد - بس شنو ديغم .. شنو يمنعك تحركها للدنيا شنو يمنعك تعيش نفسك بهل عذاب
ديغم - اني نار وهيه بارود .. هيه الگمر ونسمة الهوى وقت الفجر
شهرزاد - تزوجها ديغم
ديغم - طريقنا بعيد مختلفين
شهرزاد - اختلافكم هو يلي يصنع الفرق بحياتكم
ديغم - اختلافنا يحرگنا
شهرزاد - وبعدكم شتسمي ديغم
ديغم - ثلج بنص بركان
شهرزاد - ديغم حيرتني وياك والله منين ما اجيك قافل
ديغم - صرت انتيكه لا تعبين نفسج وياي مافيد
شهرزاد - ماخليكم على هل وضعيه صددكني
ديغم - صارت زمُرده
شهرزاد - الله شكد اشتاقيت الها تصدك اول مره ابتعد عنها بهل مسافه اول مره مانتشاوف وتضل بعيده عني هلكد
ديغم - ياريتني حبيت صادق هيج
شهرزاد - هههههه ترا اني جنت اغار منها رغم اني اكبر بس من كبرنا وعينا
ديغم - شون تغارين
شهرزاد - من جنا صغار امي جابتها رحت كتلها خل ننطيها للجوارين وناخذ ابنهم .. امي ماقبلت وضلت تضحك عليه
تالي انتضرت امي تروح تسبح وركضت شلتها اركض ونعالي طالع مترتين لكدام لان مالت ابوي .. دكيت الباب على جوارينا
بس فتحت الباب مديت زمرد الها وكتلها
- هاج خاله هاي اختي زايده مانريدها اخذيها وانطينا ابنج نربي بمكانها
دار وجها فاتح حلكه مصدوم مني
- بربج مسويه هيج
شهرزاد - اوووو واكثر واكثررر
ديغم - والله عبالي فقيره
شهرزاد - بس هسه كُلشي تغير روحي من الدنيا هيه مُقربه الي هواي
آريـا - واني ولججججج ماتحبيني
التفت عليها ايدي على كلبي احجي
- سم بگلب الحاقد خرعتيني شكو تجين من ورايه جم مره كلت ماتعيديها
آريـا - اوووف هسه وإذا ماكلتي اليه هسه انتِ ماتحبيني اروح منا اشرررد
ديغم - اركدي اركدي بس لا تتخبلين
آريـا - جاي تجرحون مشاعري بهاي كلماتكم القاسيه ترا
شهرزاد - انتِ احبج حيل لان بنتي يلي ربيتها اعتبرج شون ماحبج ماتكليلي
آريـا - تمت قشمرتي
ديغم - ارضي بالموجود واسكتي لا تتبطرين
آريـا - لااا عمي هاي ايدي ابوسها وجه وكفه الف الحمدلله على نعمته
ديغم - لعد ديلا كومن نرجع
شهرزاد - اي والله خل نرجع متت تعب اليوم هواي افتريت
آريـا - المهم لعبت اني وغيرت جو وشفت عركات
ديغم - السياره ذيج وياها بس تصعدن
لزمت ايد آريـا نمشي اني وياها سويه الضحكه تارسه حلكها
- شَنو رائيج نخلي ديغم يغار على يارا و بهل طريقه نخلي يعترف الها بحبه
شهرزاد - شووون نخلي ولج
آريـا - معليج خليها عليه وانتضري وشوووفي اذا ماخليته يشتعل غيييرره
شهرزاد - يمه منج مشيطنه على وجه ملاك
آريـا - داسوي هيج لان احب يارا لو ما هيج فلا احاول بس عيني تدلل الحلوه ام عيون الحلوه
شهرزاد - بس كوليلي شراح نسوي اذا هيه اهلها مايقبلون تطلع
آريـا - دخليها عليه ومعليج اني ارتبها حسب خبرتي الآريه
شهرزاد - الآريه ؟ خرب حضي من هل مال حمل جمال
ديغم - انتن ماتحلى الجن السوالف الا من نطلع
شهرزاد - هاي شبيك شدعواك دنمشي وراك
ديغم - دصعدن اصعدن غير تردن ترحن للمريخ لو ما اصيح عليجن
آريـا - الله امشينا ناكل جووعانه
ديغم - بيت ابوج بي اكل واكلي بي
آريـا - ديغم اني متعوده عليك الكريم السخي الشجاع النبيل
ديغم - استقر حاتم الطائي
حطيت ايدي على حلكي اضحك من كُل كلبي .. صار جسمي يختض كُله من الضحكه والفرح بهذيج اللحضه
فرحت اكثر من شفت ديغم يضحك على ضحكتي ويهز بايده
- العقل من الله صدُك اذا كالو العقل من الله
بعد مرور اسبوع ..
انتضر آريـا تحجيلي فكرتها وخطتها حتى نقرب ديغم من يارا جانت كُل ماتشوفني تغمز اليه وماتقبل تحجيلي فكرتها
انتضرت امي تلتهي وي بناتي تمشط الهن شعرهن .. طفرت الها لفوك فتحت الباب ودخلت الها متخصره
آريـا - دخيلك ربي شكو
شهرزاد - دكومي صيري حبابه وخوش بنيه سولفي الي شنو تردين تسوين
آريـا - هاي هيه لعد حان الوقت لنطبق فكرتنا الخرافيه
شهرزاد - دكعدي سولفيلي فكرتج الفاكسه
وكفت كدام المرايه تتمايل متابهيه بطول شعرها .. رمشت بعيونها تحجي بدلع
آريـا - نجيبها للبستان
شهرزاد - شنوووو
آريـا - يااااا هاي شبيج والله خرعتيني
شهرزاد - يا بستان شجاي تحجين ولج
آريـا - نجيبها للبستان ونخلي يعترف الها بحبه بس هيج
شهرزاد - امداج امداج امداج .. صارلي اسبوع انحمس حمس حتى اعرف شون نجمعهم تالي تحجين هيج
آريـا - شهرزاد خلي نجرررب مانخسر شي وداعتج
شهرزاد - دروحي عني آريـا
آريـا - ولج صدكيني فكرررتي تنجح
كعدت على الجربايه ايدي بحلكي صافنه بالفراغ افكر بكلامها
هزيت راسي اهمس :- شهرزاد ماكو غير هل سالفه دسويها شخسرانين
آريـا - ها شهرزاد حبابه كولي وافقتي
شهرزاد - امشي انزلي خل نروحلها
آريـا - لجججج ايييي هيج اريدج عفيييه والله حماسسس اكيد راح يعترف الها بحبه
شهرزاد - البسي شي ولحكيني
نزلت لجوه بين متحمسه و خايفه من ردة فعل ديغم وشون اكدر نوصل الها وهيه محاوطيها هناك
شهرزاد - ماما حبيبتي
رشا - كولي يمه اسمعج
شهرزاد - عادي نطلع اني و آريـا نروح شويه نتمشى ونشوف صديقه اليه
رشا - مو الوضع اختلف يمه والله اخاف عليجن
شهرزاد - يمه لا تخافين الاعمار بيد الله مايصير شي والله
رشا - خوش لعد يمه روحن و ديرن بالجن على نفسجن لا تتاخرن بالرجعه
استأذنت من امي بعد ما اخذت الموافقه طلعت من الصاله واخذت آريـا وطلعنا من البيت ماخذين تكسي رايحين الها
آريـا - شهرزاد بلكي خطتنا فشلت
شهرزاد - اخبزج
آريـا - امشينا خل نرجع امشينا
شهرزاد - اسكتي مو من وصلنا تصيحين امشينا
نزلنا لباب بيتها لـ يارا .. سميت باسم الله ودكيت الباب ، مره مرتين ثلاثه محد جان يفتح
التفت على آريـا يلي جانت ايدها بحلكها متوتره
- شو ماكو محد يفتح
آريـا - ياربي معقوله ماتفيد خطتنا ويخرب كُلشي حبابه ارجعي دكي الباب من جديد حاولي
شهرزاد - اووف ياربي اني هيج سمعت كلامج واجيت هسه تلكين البنيه مموجوده بالبيت أصلًا
فزينا ثنينا من شفنا الباب انفتحت و مدت يارا راسها من الباب تضحك :- تيييي شسون هنا
شمرت الجنطه على آريـا وطبكت ايدي اغم بيها
- امداج مصخمه مصخمه اسمج مصخمه
يارا - ياا اش فيكِ
آريـا - ولج ايدنا ماعت من الدك وانتِ وره الباب
يارا - عبالي حراااميه قلت هسه يقتلوني
رجعت غميتها احجي بحركه
- اخبزززج هسه اخبزج وين اكو حراميه يدكون الباب
يارا - لا هوني معكِ كُل الحق أدخلي أدخلي لا تبقون هوني واقفين
دخلنا لجوه .. صرت ادور بعيوني اذا اكو احد موجود هنا او لا صحاني صوتها وهيه تحجي بضحكه
يارا - طالعين صار الهم اربع ايام بشغل
آريـا - الف الحمدلله والشكر الك ربي راح تنجح خطتي وافوز على شهرزاد
شهرزاد - اسكتي ملكوووفه
يارا - اش فيكم بنات
شهرزاد - شوفي بدون لف و دوران تحبين ديغم او لا
فتحت عيونها عليه تبلع بريكها ساكته .. تقربت من عدها احضنها اهمس :- تحبي مو
حجت بصوت مبحوح
- اي بس مايحبني
شهرزاد - وإذا كلت الج يحبج
ابتعدت من عندي تباوع عليه وعلى آريـا يلي نشك حلكها من الضحكه :- تحجون صدُك يعني شنو
آريـا - يعني يحبج يعنييي حتزوجووون يعني كللوووش كللوووش
يارا - لا لا مش مصدقه اقرصوني
صرخت بصوت عالي تفرك بايدها .. التفت على آريـا اعض شفتي خازرتها
آريـا - يااا لعد اني شعليه غير هيه كالتتتت كرصووني وهيه اكبر مني لازم اسمع كلامها و ماخليها بنفسها عروستنا
شهرزاد - اوووف منج ام لسان
آريـا - تغارين مني لان اني خطتي يلي نجحت
يارا - احكوواا شنو نسوي
شهرزاد - تعالي نكعد ونسمع خطه آريـا
كعدنا اني و يارا على نفس القنفه صارت كدامنا آريـا تضحك بخبث طكطكت اصابعها تحجي
آريـا - وهسه صار وقت الكلام الجدي
شوفي يارا راح تجين ويانا للبيت .. وتبقين كاعده بالبيت مالتنا لحد مايصير الليل يجي ديغم نخلي يلمح بس خيالج وراها ترحين للبستان اكو بحيره صغيره هنا مدري شط مدري شنو
تكعدين هناك وبس هاي هيه وتنجح الخطه ويحبج وتحبي ويصير عدنا كللوووش كللوووش
شهرزاد - حاولي تنامين من تجيج هل افكار عبالي فكره بيها خير طلعت مال مخابيل
يارا - انا حبيت فكرتكِ موافقه اعملها
شهرزاد - يااااا يارا
يارا - قلبي بيحترق حتى بس احس بانوا يحبني بيعترف بحبو الي وهلق تقولين يارا والله مابقعد اليوم هيك مابيرتاح بالي لحتى اخلي يحبني
آريـا - هذني النسوان يلي يحبهن گلبي
شهرزاد - يارا متأكده خاف ..
يارا - ماعندي وقت لحتى اخاف شهر حبيبتي هذا حلي الوحيد .. اي ماقلتي الي آريوا شو البس
آريـا - البسي اسووود
شهرزاد - ترا مو فاتحه هيه
يارا - هو يحب الاسود موافقه
شهرزاد - يارا القويه النجره وين راحت
يارا - اذوووب بحبووو شو بساوي بيارا القويه هووني انتوا مثل اخواتي بس قداموا اكون اثقل من الثقُل نفسه
آريـا - تربايتي هيج نسوان
حاطه ايدي على خدي صافنه عليهن شون فرحانات .. فرحة يارا وضحكتها ماتنوصف بداخلي ضحكتها الرنانه وخصلات شعرها الذهبيه يلي متوزعه على وجناتها باهمال
عيونها ولونهم كُلشي بيها يجذب النظر .. كملت لبس ووكفت على المرايه تباوع على نفسها بنظره مليانه ثقه و فرح
التفت عليه تحرك بشعرها تضحك
- شلوني
شهرزاد - عسل عسل الله يعين اخويه
يارا - دودي اليوم لو اني لو انتَ بهل الحرب
آريـا - يلا ترا الدنيا ضلمت من زمان نحضر ونجهز
شهرزاد - والله هسه امي تخبزنا بس نرجع
آريـا - تأكدي راح تخبزنا
لملمنا الغراض بسرعه بسرعه حتى نطلع .. لبست يارا شال على راسها وطلعنا ندور على تكسي بهل ليل .. وكف كدامنا رجال جبير بالعمر من اهل الله
اخذنا والطريق كُله عينه على الطريق ماباوع نظره وحده .. التفت على يارا لازمه ايدها يلي ترتعش ابتسمت بوجها اطمنها
شهرزاد - انتِ سباعيه
يارا - شكرًا لان صرتي الي اخت
شهرزاد - هذا واجبي ماكو داعي تشكريني يارو
آريـا - يلا بسرعه بنات انزلواا
انطينا الكروه للسايق ونزلنا لبيتنا ركض .. دكيت الباب الهث من التعب
فتحت الباب امي وعاطت بينا
- ولجن وييين جنتن ولجن شايفات الساعه بيش هسهه ولجن والله هسه اذا ماخليت..
رشا - يا هاي الحلوه منين
شهرزاد - هههههه يمه مو كتلج رايحه يم صديقتي وجبناها واجينا
رشا - يا يا هلا يمه هلا فوتي حبيبه لا تضلين بالباب واكفه
آريـا - اهلها ماكو وكلنا الها تعالي يمنا باتي خطيه شنو ذنبها تبقى وحدها البيت فارغ
رشا - صخام عزا شون اهلج يخلوج وحدج بالبيت وانتِ بعدج بنيه حديثه دفوتي يا امي فوتي
شهرزاد - اسفه ماما على التأخير
رشا - ولجن طاح كلبي عليجن الاوضاع مو خوش مو مال تتاخرن
شهرزاد - ماتنعاد ان شاء الله
رشا - ان شاء الله يلا فوتن لجوه
دخلنا لجوه و يارا لازمه ايدي متوتره .. جانوا كاعدين على السفره يردون يبلشون اكل
ابوي .. امي .. مُلهم و ديغم موجود
فتحت عيوني على وسعها اباوع على آريـا يلي عضت شفتها تباوعلي بتوتر
صاحت امي وهيه تكعد :- تعالوا يمه جيبوا صديقتكم خل تاكل وياكم
وي كلمتها رفع راسه ديغم .. صارت عيونه علينا رفع حاجبه لازم الصمونه بايده
يارا بهمس - شديسوي هنا
شهرزاد بنفس النبره - حضيضان جابه النا
يارا - صخام هذا يخزر
شهرزاد - عزا والعباس اليوم كتلتي تصير عمل شعبي
يارا - دخل ارجع لبيتي
آريـا - قابل طبت البيت مثل طلعته دكعدي واسكتي لا تترزلين
حجي سعد - تعالوا بنياتي تعشوا
شهرزاد - اا بابا هو بس يعني ..
آريـا - احنا متعشين يم صديقة شهرزاد مانشتهي ناكل بطنا انترست اكل الحمدلله
اباوع على آريـا يلي عضت شفتها حتى أأيدها بجذبتها
شهرزاد - اي بابا اكلنا يمها شون اكل طيب عاشت ايدها والله نفسها حيل طيبه
حجي سعد - خوش لعد يابه الف عافيه الكم
شهرزاد - بس ماما حنطلع شويه نفتر بالبستان مانتاخر ان شاء الله
احجي و اباوع على ديغم يلي جان ياكل وملامحه تارسها البرود
ردت امي معترضه :- لا يمه شنو هيه مال طلعه بهل وقت
حجي سعد - خليهن رشاوي لا تخافين سباعيات بعدين البستان حلالنا مابي شي مو زين خلي يغيرن نفس
رشا - مادام هيج سعد خليهن يرحن اني غير لمصلحتهن
ماصدكت كالت امي هيج شلت عبايتي علكتها بالمطبخ وطفرت من البيت كُله صرنا نمشي مفترقات بالبستان حتى نوصل للنهر
وكفت بالمكان الهث ايدي على گلبي .. التفت على آريـا اباوعلها
آريـا - لا تباوعييين شمدريني اخوج حيصير خوش ولد ويجي من وقت اشو خلص عمره متأخر بالجه
يارا - رجعوني للبيت بطلت
شهرزاد - مو عساس قويه
يارا - ولج بهاي النظره بقت بيها قويه
شهرزاد - صووووجي سمعت كلامج آريـا
فزينا ثلاثتنا على صوته وهو يتقرب من يمنا ايده بجيوبه فاتح القميص شويه وشعره يطيره الهوى
ديغم - من ورايه صاير الشغل
شهرزاد - اكدر اوضح الك كُلشي ديغم
وكف كدام يارا مركز نضرته عليها على عكسها جانت تباوع لانعكاس الگمر على النهر ساكته
ديغم - اششش اخذي اختج و كدامي للبيت
شهرزاد - ديغم بس ..
ديغم - امشي منا بسرعه
أخذت آريـا يلي جانت تطك سن بسن من الخوف حاولت ابتعد مسافه بس ابقى مراقبتهم واشوفهم من بعيد خاف يسوي الها شي نفزعلها .
يارا - نبضات قلبي الغير مُنتظمه و صوت انفاسَي العاليه كأن وحده كفيَل أن يفضَح مشاعري و كُلشي بداخَلي بلحَضتها
دَرت وجهي علَيه أراقب مَلامحِه البارَده .. تَنهدت بِصَوت ممزوَج بِتعَب :- أنا أجيت هوني حتى
ألتَفت علَيه مُقَربني مِنَ عنَده صَافنَّ بعيوَني خله أيده على شَفافي بَعيده مَسافه يهمَس
- من عرفَتج لليوم گلبي مَشتعَل عليج .. رايَد أخَطفج واخليَج بروحَي
دَمعِت عيوني جَسمي يرجف .. صَوتي أنبَح وأني احاوَل أجمع كلَماتي يلي بَعثرهَم بَكم كلمهَ بَس :- ديغم..
ديغم - أحَبج بارودي .. أحَبج يا نَار ضلوِعي
...يتبع
____________________________
متأكده بعضكم اذا مو كُلكم منتضرييين هل لحضه من زمااااان ❤️🔥
زين تتوقعون ديغم يحبها صدُك لو عنده مصلحه يريد يوهمها بالحُب ؟
معقوله يانا تسكت على هل موضوع وتخليهم يعيشون بسعاده ؟
اليوم البارت جان برعايتهم بس همه .. اول بارت بدون السميدع بدون الزمُرد بس جان لازم ننطي حق لابطالي الحلوين البقيه ويبقى الإساس زمرده السميدع ❤️🔥.
لا تنسن التصويت ولجن ترا بارت اليوم حماسي حماسيييي 🤏🏻
احبجن هواااااييييهههه ❤️🔥❤️🔥❤️🔥❤️🔥❤️🔥