الكاتبة: - زينب الحربي
حساب الانستكرام:-zienab_alharbi
………………………………
رغم أننا نؤمن أن أختيار العقل أكثر صوابًا إلا أنه يصعب التخلي عن أشياء أختارتها قلوبنا.🩵☁🤍
……………………………
ريم:- كاعدين جاي نتريك اني واندك الباب كالت زمردة
_صغير القوم خادمهم
_استوني جاي اكللها لا بلة وردت خالتي
_ولج زمردة منين جبتي هالكلام كومي افتحي الباب لا اكسر رجليج يلا
_اني ضحكت ورجعت عادتها
_والله معلية صغير القوم خادمهم خل ريم تكوم تفتح الباب
_تخوصرت وكلتلها لا بلة كومي منين جبتي هاي السالفة بلة
_ما ادري منين بس سامعتها
_بعد مشادات بالكلام كمت اني كلت منو بس محد رد اندك الباب مرة ثانية وصحت منو بالباب و هم محد رد استغفر الله فتحت الباب ونصدمت بالشخص اللي شفتة هذا حسين شجابة هنا جريت حسرة كتلة هلا بيك تفضل بدون سلام ولا كلام كال
_رايح هالاسبوع للاسكندرية عندي شغل ابقي هنا علما ارجع لان اريد اخذج ونروح لبيت ابوي ومرتة
_كال هالحجي وكانما قرفان من مرة ابو والله انت المقرف هزيت راسي بقبول وكتلة ماشي عيني الله وياك عافني وطلع كبر حتئ ما طب سديت الباب وطبيت كالت زمرد
_ها ريمة منو اجة شو تاخرتي برة
_رديت بنفاذ صبر واستهزاء رجلي الحلو جان هنا باوعتلي صفح
_اي وليش ما دخل حضرتة يستنكف
_يطبة طوب شريد منة اجة يكلي اضل هنا اسبوع النوب لان عندة شغل بالاسكندرية
_اي اخلصي منة انتي والجهال
_هزيت راسي وكعدت خالتي خلت ايدها علئ ايدي وكالت
_اي رجال ومرتة تصير بينهم مشاكل تغاضي يمة خاطر تستمر الحياة وتمشي الامور بس اذا تمادة اهواي لا تسكتين حنينة بس مو ما عندج كرامة خلي كرامتج فوك كلشي يا يمة
_نزلت دموعي غصب انتهت كرامتي خالة انتهت يهددني بجهالي وما اكدر اعوفهم بعدني طفلة وصار عندي اطفال ما اكدر اعوفهم ابد هزت راسها بقبول وباوعتلي بحنية
_ليش الله وصة بالام اتلث مرات وبالاب مرة لان الام حنينة كلش تضحي وتفني حياتها وكلشي لاطفالها الاب هم يضحي ويشتغل ويصرف ويسهر ويفكر بس مو مثل الام الام اكثر كائن يخاف ع البشر لهذا الله وصة بيها اتلث مرات اصبري اذا متكدرين تسوين العكس اذا ماكو غير حل اصبري لحد ما الله يفرجها
واذا عندج غير حل يريحج امشي بي يبعد امج لا تخاطرين دائما
_مسحت دموعي وهزيت راسي احس احتاج احجي امي مو يمي ومن اخابر ما احجيلها كالت زمردة
_ريمة تكومين نطلع خلي الجهال يم خالتي خل نتمشة اني وياج ونرجع
_لا الجهال وكحين ويتعبون اخذهم وياي كالت خالتي
_لا يمة خليهم يمي اشوية يردون الضوجة حتئ لو وكحين اني اريدهم يمي
_هزيت راسي وكمت بدلت لبست بنطرون وبدي قصير باوعت كلت ليش ما اخلي مكياج طلعت الجنطة وخليت مكياج كامل كريم اساس وباودر و حمرة وكحلة وضلال و مسكارة ما خليت شي يعتب عليه خليت عطر وطلعت احس روحي خجلانة اول مرة اخلي هيجي مكياج قوي لاكتني زمرد صوفرت
_هلاو ممكن نتزوج والعباس الي متصيرين لغيري
_ضحكت وسالتها طالعة حلوة اني؟
_حبيبتي بدون مكياج انتي تخبلين ام المكياج للتغيير والتغيير طالع جمال عليج يعمري انتي تتهنين بالمكياج
_بعد عيني تسلمين يلا نطلع بس وين تروحين؟
_تحبين نروح للكنسية؟
_حجيت بحماس وصفكت ادية اييي اريد اروح حبابة
_ههههههه يلا ماشي امشي يلا
_رحنا للكنسية هي بصفنا نفس الشارع اول مدخلنا الباب فد رهبة و هيجي كانما شي قوي بالافلام اول مرة تشوفة كلش جبيرة الكنسية كراسي مرتبة ومنضمة نفس الرحلات وبالجهة التصير مقابيلنا بس بعيدة صورة السيدة مريم وابنها دخلنا لاكانا واحد فد مسالم اعتقد يسمونة القس او البابا ولكينا ناس جوة اول مدخلنا حيل فرحو لان احنا مسلمين كال البابا اشعلو شمعة لامكم العذراء دخلت وشعلت شمعة خليتها كدامها نزلت دموعي يا امنا العذراء اقسم عليج بدم الحسين وادري كل الطوائف عزيز عليها الحسين اقسم عليج بالحسين تريحين كلبي اتوجه بيج الئ الله طلعت من يمهم ورحنا نتمشئ علئ الشط ونطكطك صور كالت زمردة
_ليش متكملين دراسة ريمة
_باوعتلها بنفسي والله بس ما الحك اطفالي وين اخليهم
_من يكبرون اشوية ادرسي
_الله كريم حبي تمشينا اشوية ورجعنا للبيت مر الاسبوع بلمح البصر جانت احلئ اسبوعين بحياتي بعيد عن هذا المكروه نمت وكعدت الصبح كالعادة جاي ناكل وندك الباب كلبي لجمني هذا اكيد هو ما ادري وين جان وليش راح وميهمني كمت فتحت الباب هلا بيك اتفضل واكف بالباب وكال
_حظري روحج انتي والجهال خل نروح لبيت ابوية
_هزيت راسي بالقبول وعفتة ورديت الباب بوجهة شفتة ضاج طبك مرض دخلت جوة كلت الخالة انتي صرتيلي اكثر من ام بذني الاسبوعين نصحتيني وحبيتيني وتحملتي جهالي شكرا جزيلا الج وممتنة حظنتها واني ابجي من شنو ما ادري طبطبت ع ضهري
_هذا واجبي كام وكامراة الله موجود ومينسة عبدة واشوكت متضوجين ومتلكين احد اتوجهي لرب العالمين راح ينصفج
_بستها وابتعدت وكفت كبال زمرد صرتيلي اخت ونعم الاخت شكرا جزيلا
_انجبي ولج ما بيناتنة شكر شكم شهر واجي اخذج سفرة احلئ من هاي
_ان شاء الله لميت غراضي ولبست اطفالي وطلعت وكفت كبالة انطيتة الجنط وشلت صفاوي وكدت حمودي بايدي صعدنا بالباصات ولا حجينا ولا كلنا شي جنت العب وي الجهال انسيهم الطريق وخاف اتقيا انسي روحي صاح من يمة
_اش كافي دوختينا
_يلا عيني دوخنا البروفسور خزرني وكال
_شكلتي
_مكلت شي ضليت ساكتة لحد موصلنا لمحافظة ابو نزلنا تمشينة جان الطريق اشوية طويل تعبت كلش واني اسحول بيهم وصلنا بيت ابوهم دكينا الباب طلعت مرت ابو ابتسمت بوجهي وعافتة بعد روحي والله حلوة رغم ملامحها مو ذيج حلوة بس اسلوبها حلو حيل حبيتها حيل بستها
_ادخلو يا امي ادخلو انست وانورت
_ضلت ترحب بينا دخلنا كعدنا جوة اشوية واجتي مرة ابو طبعا حاقد عليها مدري ليش
_كومو يا امي اكلو ذاك الاكل جاهز ع السفرة
_صدك كمنا وياها وتعشينا من خلصت عفت المواعين واول مرة اسويها رحت غسلت للجهال وطبيت للغرفة نيمتهم وطلعت يمهم كعدت يم ابو ومرتة وهو جان يحجي بنتر جيبيلي كذا وجيبيلي كذا واني ساكتة وصابرة ع ساعة انفجر اشوية وكمت لفيت راسي ونمت يم جهالي كعدت الساعة بالليل تقريبا ب2 راسي عبالك بلوكة علئ كد ما ثكيل ومصخنة وبلاعيمي هو كاعد يكنك كمت اون بس ولا همة كمت كوة امشي غسلت وجهي وشربت دوة ورجعت نمت واني اون كعدت الصبح لكيت الجهال ما موجودين كمت ركض لكيتة كاعد هو وابو ومرت ابو كلت صباح الخير
_صباح النور ماما هذاك الريوك علئ السفرة تريكي
_كحيت وكلتلها مصخنة تعبانة ما اشتهي والله
_تريكي اكليلج اشوية واخذج للمضمد ماشي
_هزيت راسي رحت اكلت لكمة و طبيت للغرفة النمنا بيها لميت الفراشات وعدلت ملابس جهالي ما مسحت الغرفة طلعت اريك الجهال وكلتهم اشوية صاح من يمة
_ريم مسحتي الغرفة لو عايفتها قذرة
_رديت واني بلاعيمي مطبكة ويوجعني كوة احجي كتلة لميتها بس اصحة وامسحها صاحت مرة ابو
_عوفها حسين ماما اشوية وننضف بعدنا ممنضفين
_استوني اريد احجي وهو صاح
_لا الا هسة تكوم تمسحها لا اكسر راسها وراس اهلها
_وعلي ما اكدر بس خل اصحة اشوية مصخنة وبلاعيمي كلش ما احس غير علئ راشدي صفر اذني وعيني احس يطلع منها شرار علئ اثر الراشدي وكعت بالكاع صاحت غدير مرة ابو
_اطلع برة كلب تمد ايدك عليها يجي ابوك واكلة حيوان مو مال احترام
_اني ضليت صافنة من الصدمة حتئ ما بجيت كعدت بالكاع وصفنت اجت كومتني غدير اكلج اني كلت شي غلط
_لا مكلتي شي غلط هو حيوان يجي ابو واكلة عليه هالكلب هذا
_من صدمتي مدري شكمت امسلت كلت بس هو اذاني واني ممسويتلة شي الله وين رايح عنة
_الله موجود كومي غسلي خل اخذج للمضمد خلي يولي
_حجيت ببرود وبصوت ناصي جيبيلي تلفوني راحت جابتلياه واجت دكيت علئ امي ركض
_هلا بريم الفلا اشلونج يمة ريمة اشلونج يروحي
_بدون ما ارد علئ سلامها باعي عاجبج اجي علئ رجلية امشي لو اجيج بالتابوت جنازة وتدفنيني
_اسم الله شبيج يمة ريمة
_عطت بصوت عالي جاوبي داكلج جاوبي
_اسم الله عليج شنو تموتين شنو هالحجي اريدج انتي
_حلو هسة تخابرين حسين وتكليلة يحجزلي نرجع للعراق اني وجهالي وتدزيلة فلوس انتي والج مهلة بس هذا الاسبوع بس هذني السبعة ايام وراها اعوفلج الدنيا واروح للاخرئ وخطية جهالي بركبتكم كلكم وسديتة منها وكعدت بالكاع مهدود حيلي من المرض والقهر حجت غدير
_كومي ماما خلي عينج بعين الله البسي داخذج للمضمد منا قريب
_جابتلي ملابسي لبست عدل عفت الجهال ورحنا للمضد بعد ما اتحمل خلاني علئ السدية وفحصني وكال الضغط نازل بالمصري علكلي مغذيات اثنين وانطاني اثنين بالبيت وعلاجات ورجعت للبيت لكيتة كاعد ولا يمة شنو هالصلافة هاي لاكاني كال
_راح ترجعين للعراق
_ماشي
_حضري روحج خل نرجع للقاهرة للشقة مالتنا خاطر تحضرين غراضج
_ماشي لميت غراضنا الهنا وطلعت انطيتة الجنط بايدة بدلت للجهال واخذتهم كدتهم طلعنا وصعدنا بالباصات قريب مراح نوصل لزم ايدي وعصرها حيل ويجر حسرة بحزن قوي باوعت عليه نضرتة مدري شنو جانت سحبت ايدي منة ووخرت مجاي افهمك اني مجاي افهمك حجيت بكلبي وصلنا وعفتة ونزلت ركض عفت الجهال بالصالة التفتت عليه كتلة دربالك عليهم ذبيتهم علية ونزعت ملابسي رحت تمددت سنة ونص هنا يمة شفت انواع العذاب شفت الضيم بنفسة علمني علئ شغلات نكسة خلاني اشرب وادخن انسان وصخ بمعنئ الكلمة غفيت واني افكر كعدت علئ صوت طكطكة باوعت الساعة ب8 حيل صارلي شكد نايمة من 8 بالليل لسة كمت توجهن للمطبخ لكيتة واكف يسوي الريوك للجهال وكفت بباب المطبخ وصفنت وحجيت بكلبي شيصير لو هيجي من البداية حنين عليهم وعلية جان ما عفتك للموت بس هسة انت موتي التفت لكاني
_ريم تعاي اكعدي هنا تريكي
_اشرلي ع مكان بصفة كتلة خل اغسل واجي رحت غسلت وجهي ونشفتة وكعدت استوني جريت الخبز اريد اوكل الجهال وحجة
_تتذكرين من كتلج احولج جهنم اذا اقتربتي مني تتذكرين من كتلج خايف اوصخج وانتي نضيفة خاف وصاختي تنتقل الج
_باوعتلة وكملت اكل ما حجيت كتلة صبلي جاي صبلي وكال
_هسة انتي جحيم اكثر مني تحولتي من النضافة للوصاخة
_انطيني جكارة وورثها الي خلاها بحلكي وشعلها جريت نفسين تلاثة وكتلة شايف هالجكارة مثلها جاي احترك واكثر عفتهم وكمت هو يوكل جهالة من كملو غسل المواعين وصاحلي
_ريم بدلي للجهال وامشي خل احجزلكم
_بدلتلهم ورحنا اول شي رحنا للمكتب استلمنا الفلوس امي دازتلي عشر اوراق نقدي بعدين توجهنا نحجز رحنا لمكتب الطيران مضيفة الطيران باوعتلي وضحكت
_الجمعة ب12 الضهر انتي ببغداد
_حجيت من الفرحة والحماس ممصدكة اني راح ارجع البغداد اه يا هوئ بغداد اخذنا الاوراق وطلعنا
_قبل لترجعون للبيت تعالي نتمشئ نتونس اشوية
_هزيت راسي بقبول هو كاد حمودي واني شلت مصطفئ بس اخذة مني وشالة واني كدت حمودي ضل يفتر ويانة ويبوس ويلعب وي الجهال ويحاول يضحكني ويسوي شنو اريدة وشنو اكولة عسئ ولعل كلبي يلين بس اني وهو نعرف اني كارهتة كره العمئ رجعنا للبيت كمت الم بغراض وملابس الجهال مرن هذني اليومين واني احضر بيهن كعدت يمة مدري شريد اخذت الباكيت وورثت جكارة كال
_شتسوين
_جاي اسوي الشي القذر العلمتني عليه جاي ادخن
_شي يريح الكلب هذا اذا رجعتي راح تحجيلهم شسويت بيج
_لا مراح احجي وبكلبي اكول دنتضرني خل اوصل للعراق
_ما مصدك بيج روحي وحدج جهالي خليهم يمي
_ضليت باردة وشعلت الجكارة الثانية اني لو اريد احجي اكو مبايل واكدر احجي اكو ابوك واكدر احجيلة اكو من رحت يم خالة زمردة اكو شرطة واكدر احجيلهم بس ماريد اخلي جهالك يحقدون عليك من يكبرون
_حتئ لو متاخذيهم وياج ما اكدر بدونهم
_ادري بي جذاب يريد يكسرني بيهم بقيت باردة دست علئ نفسي وعلئ كرامتي وتقربت منة دفعتة علئ القنفة وكعدت فوكة بستة وتقرب مني وهو مرتاح علئ الاخر واني قرفانة علئ اخر قرف كمل من عندي وكام باوعلي بقهر وراح مجاي افهمك شبيك انت كمت سبحت وكفت جوة الدوش وبجيت بجيت علئ حضي ع اطفالي حتئ هو مستخطيتة رغم حقارتة ووصخة مستخطيتة كلشي بية مستخطي مدري شبية طلعت من الحمام لكيتة واكف كبالي
_شبيهن عيونج كمر
_حاولت اتحاشئ الموضوع كتلة متدري عندي حساسية من الشامبو سكت عني وراح ضليت كاعدة بالصالة وهو كاعد يمي اثنينا منحجي صارت ب5 الصبح كعدت الجهال بدلتلهم ورحت اني ابدل رجعت لكيتة حاضنهم ويريد يبجي يطبك مرض تستاهل ميتة اشوكت اوصل واصعد بالطيارة خليت جنط مريحة باعتباري وحدي حتئ ما يعيقني طلعنا وصعدنا بالتكسي وصلنا المطار ب6 ونص خلة الجنط بالتفتيش وحضن الجهال وباسهم رفع راسة من الجهال اتوجه الية حضني كدام الناس كلها من الفشلة هم حضنتة الناس يباوعولة ومعجببن اليشوفة يكول ولا اكو منة وخر مني جانن عيونة حمر عرفتة جان يبجي ديلة بلة مجاي اعرف طبعك ولا اعرف ليش انت هيجي ولا ادري شبيك بس ولا اكو مبرر يلغي السويتة ويخليني اسامحك عفتة وكملت الاجراءات اخذت بقية الجنط ع التفتيس اخذت جهالي خليتهم بصفي ع صفحة داكمل الاجراءات عاد شافت الموضفة جواز مصطفئ وكالت
_هذا جوازة متاكدة هذا ولد
_صفنت عليها شنو قصدج
_شكلة مو عبالك ولد والجواز يوحي تلث اشخاص اثنين ولد والام وهاي واضح بنية مو ولد
_خرب بالحظ عود شعرة طويل عبالهم بنية كلتلها عيني ادخلج جوة وانزعة الحفاظة وشوفي جنت خايفة لا تسجل تزوير واكل نعل الا تمشي الاجراءات
كالت
_لا ماكو هيجي شي
_صاحت ع موضف البيانات دخلنا نزعت مصطفئ الحفاظة شافة ولد كرصة وباسة وطلعو سجلو بيانات صحيحة مجرد سوء تفاهم كملت الاوراق وراح يكون انطلاقنا بعد ربع ساعة حضرت الجهال اشوية وصاحو اصحاب الطائرة ………… استعدو للانطلاق صعدت وصعدت الطيارة وكلبي احسة راح يوكف ……………………
……………………………………
وبهذا نكمل معاناة وبارت اخر من معاناة بطلتنا اللي متنتهي
#في_جحيمهم_عالقة