وطبع السعادة دهن ..
وماي انه ما ننجمع ..
شما ننخبط ننعزل
العُسبَرة
*************
طلعت من العيادة التفتت خوما اكو احد يراقبني ظليت واكفة مركزة نظري ماشفت شي مشبوه رجعت لداخل العيادة كدتها وطلعنا صعدنا بالسيارة واني التفت خاف احد ورانا بسرعة شغلتها وطلعت المكان وعيني على المراية
التفتت الها لكيتها صافنة بشرود على الجامة والسيارات والناس اتنهدت واتجهت بالسيارة للحديقة عامة حتى تتنفس شوية ادري بهيچ وكت تكون الناس قليل لذلك وديتها حتى تاخذ راحتها
ركنت سيارتي وكتلها : يلا انزلي
التفتت علية وهي عاگدة حواجبها اشرتلها ونزلت نزلت وراية رحتلها ولزمت ايدها واخذتها دخلنا للحديقة ورحنا كعدنا على وحدة من المسطبات ماچان اكو هواي ناس لو اثنين لو تلاثة واطفال صغار يلعبون
ظلت صافنة عليهم وايدها على بطنها تحركها ببطئ بدون حس اتنهدت وكتلها : توبة..
ما حاچتني بس ظلت صافنة چان اكو رجال شايل ابنه ويلعب وياه نزله بالكاع وصارو يلعبون طوبة والطفل يضحك وابوه يضحك وياه باوعتلها وابتسمت بحزن وكالت بكسرة
توبة : ابني مارح يضحك هيچ
كالت كلامها ونزلت دمعتها حطيت ايدي على ظهرها وطبطبت عليها واني اطمأنها : لاتخافين ان شاء الله ماتشوفين دمعة من عينه
توبة : لا رح يبچي ورح ينكسر مثل كسرتي لان ماعنده لا اب ولا ام
عكدت حواجبي وباوعتلها : هاي شبيچ توبة شنو ماعنده ام لعد انتِ وين رحتي
توبة : اني مامطولة هواي وصلت لنهايتي
عبق : لاتحچين هيچ توبة شبييچ شنو وصلتي لنهايتچ بعدچ ببداية الطريق لازم تشدين حيلچ حتى يجي ابنچ بخير وسلامة وتربيه وتكبريه ودخليه مدرسة وتحضرين تخرجه وتشوفين زواجه واطفال
ضحكت بألم وكسرة وهي تبجي : حلم هذا عبق حللم صدكيني مايخلوني عايشة
عبق : شنو مايخلوچ عايشة ادوس عليهم كلهم والي يمسچ احرگه وبعدين الاعمار بيد الله غصب عنهم تعيشين اذا الله راد
هزت راسها بشرود : بيد الله يجوز الله يريد ياخذ امانته
عبق : توووبة لاتحچين هيچ شبييچ
توبة : ما احچي بس شي واقع ليش تزعلين منه
عبق : ما ازعل بس اضوچ وانقهر ما اريد افارگچ انتِ صديقتي الصدوقة
ابتسمت من بين دومعها : تدرين انتِ صديقتي الوحيدة
عبق : ادري ادري ونعم الصديقة اني
توبة : ولا تبطلين غرور
عبق : هههههه ثقة هاي ثقة
توبة : عبق اذا صار علية شي ابني امانة بركبتچ
عبق : توووبة شكلنة
توبة : عبق اوعديني ديرين بالچ عليه
عبق : توبببة شبييچ
توبة : عبق اوعديني خلي گلبي يطمأن فدوة
عبق : اوعدچ بروحي احميه
هزت راسها ساكتة وصافنة واني هم سكتت اليوم اخذتها للعيادة دكتورة صديقتي حتى تفحصها خاف بيها شي ونشوف الطفل زين او لا الحمدللله طمنتنا مابيه شي وصحتهم اثنينهم زينة بس توبة لازم تتغذة عدل
شوية ظلينا كاعدين بعدها كمنا رجعنا للمزرعة وصلنا بعد وقت صفيت السيارة ونزلنا فتنا للحديقة متروسة مي الارضية كُلها والمي يجري بعده
استغربت معقولة ريتان عايفة المي او هادي توبة : شنو هل مي
عبق : ما ادري خاف ناسيه مفتوح
دخلنا للبيت وهو عبارة عن مي زاد استغرابي اكثر فتت للصالة وانشليت بمكاني واني جاحظة عيوني على المشهد الشفته ريتان واكعة بالكاع والدم محاوطها ماكدرت اتحرك مصدومة وتوبة بصفي هم واكفة بدون حراك
ظليت لمدة دقيقة واكفة ما اكدر اتحرك مادا استوعب المشهد الكدامي غمضت عيني لاكثر من مرة وافتحها اريد استوعب اريد افكر شسوي
اخيرا رجعت لرشدي ورحت عليها بسرعة اتحسس النبض بعد بيها نبض بس خفيف كمت بسرعة رحت من يمي راسها رفعتها ولزمتها من يم خصرها وسحلتها اجت توبة تريد تساعدني بس صحت بيها هاي حامل هستوها يروح الطفل يوكع
ظليت اسحل بيها لحد ما وصلت للسيارة شلتها وحطيتها بالسيارة واني الهث نفسي انكطع ركضت بسرعة لجهة السايق اريد اصعد باوعت لتوبة رح تبقى وحدها شلون صحت عليها
عبق : توببببة دخلي وقفلي الباب هسة ادز هادي عليچ
هزت راسها بموافقة وركبت بسرعة وانطلق للمستشفى اخذت تلفوني ودگيت على هادي وفتحت سبيكر شوية ورد علية
عبق : الوو هادي وينك
هادي : هاا عبق اني بالشغل
عبق : هادي عوف كُل شي من ايدك وروح لتوبة وحدها بالبيت
هايد : ليش عفتيها وحدها عبببق
عبق : لاتصييح لكيت ريتان واكعة ودمها بطولها
سكت شوية يمكن انصدم كالي : شنو شصاير عبق احچي
عبق : شمدريني شصاير اني رح اروح للمستشفى ........ خابر أوسيد خلي يلحگني لهناك بس لاتهبطه كُله بس تخربطت وروح لتوبة وحدها
هادي : خوش خوش رح اسده
سديته منه واني خايفة كُل شوية اباوعلها من المراية خاف بيها شي گلبي يبس عليها خطية ولا عندها اذية على احد صارلها شكد يمنا مافد يوم سمعنا حسها لطيفة حيل
واخيرا وصلت للمستشفى نزلت بسرعة وصحت عليهم يجيبون سدية اجوي بسرعة واخذوها مني وودوها مدري وين رحت وراهم ودخلوها بغرفة وسدو الباب
وكفت واني ابلع بريگي وادعي الله ايسلمها ما ادري الضربة قوية او لا بس شفتها خسرت هواي دم ظليت رايحة جاية بالممرات انتظرهم يرجوع
رفعت راسي من حسيت بيه اجة يركض من بعيد وجهه كاسيه الخوف وعيونه ينبضن بقلق واضح اجة وكف يمي وهو يلهث ويسأل عليها
أوسيد. : عبقق وينها وين ريتان شبيها ليش تخربطت
تحمحمت بتوتر وكتله : أوسيد ما ادري اني چنت طالعة رجعت لكيتها واگعة بالكاع والدم محاوطها
فتح عيونه بصدمة وكال : دممم
هزيتله راسي وكتله : اي يمكن زالكة وواكعة لان البيت چان كُله مي
أوسيد : شجابها على المي
رفعت اكتافي بعدم معرفة وهو ماكعد دقيقة ظل رايح جاي خوفه ورجفة ايده قلقه كُل شوية يمسح عيونه وراسه ويتمتم بينه وبين نفسه ما اعرف شنو
رغم حزني عليها بس ابتسمت حبه شديد الها يحبها ويخاف عليها ويريد يحميها بروحه لحد هسة كلمته ترن بأذني من كالي
أوسيد : عبق روحي معلگة بروحها شون الطفل من يتعلق بأمه هيچ اني عليها ما اكدر اعوفها
مر فترة من الوقت وانفتح الباب وطلع الدكتور ركض عليه أوسيد يستفسر منه عنها رحت وكفت بصف
الدكتور : الحمدلله ضربتها مو قوية وخيطاه الها بس خسرت هواية دم ولازم نديرلها دم
صاح أوسيد : اني اني اتبرعلها نفس دمي
الدكتور : تمام اتفضل ويا الممرضة وهي تكُلك شتسوي
راح الدكتور وراح أوسيد ويا الممرضة حتى يتبرع بالدم للريتان ظليت واكفة بمكاني انتظره يرجع مرت عشر دقايق ورجع أوسيد ضاغط على ايده بالكطنة ووكف بصفي ينتظر تطلع
مرة نص ساعة وطلعوها ودوها لغرفة عادية دخلنا يمها چانت نايمة بسلام راسها ملفوف وايدها مشكلة المغذي راح أوسيد وجر كرسي وحطه مقابيلها وكعد ساكت يباوعلها
ظلينا كاعدين ننتظرها تصحى شوية شوية بدت تفتح عيونها وتون بألم فز عليها وكام
إوسيد : ريتان هاا ريتاني حبيبتي شبيچ شجيبلچ
فتحت عيونها بصعوبة وكالت : مي اريد مي
رح جابلها مي بسرعة وشربها اله واني ابوعله بأبتسامة كعد مقابيلها على الكرسي وابتسملها وكال : هبطتيني عليچ كلت راحت البنت من ايدي
برطمت شفايفها وماردت عليه ودارت وجها منه اتقربت منها وكلت : الحمد لله على سلامتچ ريتان
باوعتلي وكالت : الله يسلمچ
عبق : راح اروح اشتري كهوة تريدون شي
أوسيد : سلامتچ
عفتهم وطلعت حتى ياخذون راحتهم
***************
طلعت عبق واني دايرة وجهي منه زعلانة وراسي احسه رح ينفجر من الوجع عيوني وحدهم كامن يدمعن كُلش دا يأذيني وهو احس نظراته اخترقني شال الكرسي وقربه من السرير اكثر صار لزك ويا السرير
لزم ايدي ورفعها لشفته وطبع عليها قبلة دافية حنينة ورجعها بمكانها التفتت عليه شفته يباوعلي بأبتسامة جذابة تنفتن الواحد
إوسيد : الحلوة زعلانة
ما رديت عليه رجع كالي : عود تريدين تاخذين زعلاتي بطليهن هاي السوالف
ماحچيت وياه يس غمضت عيوني بألم راسي دا يأذيني كُلش
أوسيد : ريتاني شبيچ
شهگت بوجع وحطيت ايدية على وجهي ابچي من الالم لو من القهر لو من جفاه التمن بگلبي كُلهن اخذتها حجة وبديت بنوبة بكاء هو وكف بفزع يريد يوخر ايدية من وجهي ويشوف شبية بس ما اخليه والبچي يزيد واشهگ ومقهورة كُلش
أوسيد : وللچ ريتااان وخري ايدچ خلي اشوفچ
ريتان : وخر مني وخرر ما اريدك
أزسيد : شوو باعويلي دا احچي وياچ باعيلي
جر ايدية بالكوة ووخرهن من وجهي باوعلي وهو عاكد حواجبه رفعت عيوني اله واني احزر بيه
أوسيد : شبييچ شكو كالبة وجهچ
ريتان : عوفني ما اريدك
أوسيد : هسة صرتي ما تريديني
شهگت وباوعتله بحزن ورجعن دموعي ينزل واني ابرطم وبالكوة احچي العبرة خانكتني وأشر بأيدي عليه
ريتان : ايي لانك ماتريدني اجيت واعتذرت منك وانتَ تعوفني وتطلع وماتعبرني ومن وراك وكعت وانكسرت
فتح عيونه بصدمة وكالي : من ورايية
ريتان : اييي من وراك كمت انظف حتى اطلع من قهري وزلكت رجلي ووكعت على راسي همزين مامتت لا والله لو ميتة وخلصانة منك
أوسيد : ريتان
ريتان : لاتحچي وياي بعد ما اريدك وخر
رجعت ابچي واني الزم راسي بألم واون : اااخ راسييي رح اموت يوجعني اخخ
تقرب مني وكعد مقابيلي على السرير باوعلي وحچة بهدوء : ارنبتي
رفعت عيوني اله الغركانة بالدمع وشفتي تهتز برجفة بدون ما احچي
أوسيد : اني مو ماعبرتچ بس كلامچ چان صعب علية تخيلي احد يكُلچ الكلام الكلتيه الية شنو رد فعلچ لو اني معيرچ بنفس الكلام رح تسامحيني لو اعتذرت منچ
ريتان : بس اني ماعيرتك عن قصد اني علمودك حتى احمي حياتك
أوسيد : ادري بس الكلام چان كُلش مؤذي 3 سنين ولحد هسة كلامچ يدُك براسي وگلبي
نزلت راسي واني العب بأصابيعي : بس اني اعتذرت منك وانتَ عفتني
أوسيد : حقچ اني چلب لان عفتچ وطلعت شتكولين حقچ وحتى ترضين اني اسف لان عفتچ واسفة لان تأذيتي بسببي
رفعتله راسي وابتسمت من بين دموعي وكلته : يعني سامحتيني
أوسيد : شوية مو هواي
ضربته على كتفه بغيظ : أوسيييد
ضحك بهدوء : شلون ما اسامحچ انتِ روحي وراحتي واستراحتي
ريتان : عادي احضنك
أوسيد : لاا من نتزوج احضنچ حضنة اكسر ضلعچ بيه
ريتان : اييع ما اريد بعد ما اتزوجك
أوسيد : ها ها بعدنا بالبداية
ريتان : ايي لعد شنو تكسر ضلعي اووي يوجع
أوسيد : تعبير مجازي ولچ
ريتان : هاا اذا هيچ خوش افكر بيك
أوسيد : تفكر ام خشم
ريتان : هلو هلوو دشوف خشمي شحلاته هل كدووته يخبل چنه نتفة
أوسيد : بييچ حچاية هسة ام النتفة
ضحكت بفرحة واخيررا رجعنا اني وأوسيد تصالحنا دخل الفرح لگلبي وتنور وجهي باسارير السعادة ما ابالغ بحبي بس احبه كُلش
ظلينا كاعدين فترة بعدها اجة الدكتور فحصني وكتبلي علاج سجلي خروج وطلعنا من المستشفى راجعين للبيت وصلنا هنا طبعا رجعنا بسيارة عبق وكفت السيارة كدام البيت نزلت عبق ونزل هو فتحت الباب اريد انزل بس اجة بسرعة علية وفتحلي الباب وساعدني حتى انزل واخذني للبيت وهو ساندني
دخلنا للبيت معزل ونظيف وچان هادي واكف دا ينتظرنا من شافنة ابتسم وتحمدلي على السلامة واجت توبة مناك حضنتني وكالت
توبة : عابتلچ دمي نشف من شفتچ واكعة بالكاع
ريتان : حبيبي لاتخافين مابية شي
توبة : ادري شبيچ احد عتب عليچ وكالچ نظفي هسة بيش يفيدچ التنظيف وردتي تتكسرين
ريتان : اوهوو توبة لا تنكين غير من وراه انكسرت
حجيت واشرت على أوسيد چان يصيح من يمه : هم ذبتهااااا براسيييي
ضحكنا كُلنا وكعدنا مجتمعين نسولف وعرفت عبق الي اخذتني للمستشفی تشكرت منها هواي هل بنت كُتلة من اللطافة ظلت كاعدة ويانة شوية ورجعت لبيتها وكُل واحد كام لغرفته
*************
طلعت من يمهم وانطلقت بوجهي للبيت تعبانة حيل اريد اروح ارتاح دخلت للبيت بعد فترة من الزمن من الوصول هدوء سنطة عوجت حلكي تهيي بهيي ننباك ومحد يدري رحت للغرفة بيبي اريد اشوفها فتحت الباب ودخلت لكيتها كاعدة وحدها ومطشرة الصور كدامها وتمسح دمعها بشيلتها
عبق : هاا خديجيي شعندك كاعد وحدك
خديجة : ها يا الادبسز شعندچ راجعة المغربيات يادايحة
عبق : احااا اني دايحة ولچ خديجييي صايرة تحچين علية
رحت كعدت يمها وبست راسها وخرتني عنها بانزعاج : دوخررري شكد لزكة
كلت بصدمة مزيفة : احااا اني لزكةةة ولججج خديييجة خلص تخاربنة بعد وخري وخري
خديجة : بعد احسن افتك من نگچ
هزيت راسي بأسف : مع الاسف طلع معدنچ الحقيقي ماچنت اظنچ هيچ
باوعتلي صفح ورجعت تكلب بالصور مديت راسي وياها حتى اشوف صور قديمة لعائلتها كُلهم ابوية وعمامي واحفادها واخواتها وبناته كُلهم هواي صور بيها مفرد وبيها جماعية كومة اكو تكلب بالصور ومن توصل لابوية تجر حسرة وتمسح على وجهه من خلال الصورة وتعبر للي وراها
استوقفتني صورة لابوية چان كاعد بالكاع على ركبة والركبة الثانية ثانيها وشايل شي بأيده مثل العلبة ويمكن بيها محبس وكدامه وحدة واكفة جميلة بكُل معنى الكلمة لابسة فستان ابيض وبيه حزام من يم الخصر مخصر على جسمها وكلوشة من يم الخصر لحد الساق وحذاء كعب اسود وشعرها كيرلي فالته وكاصة برجم على وجها ملامحها نازكة وهادئة كُلش چانت حاطة ايديها على حلگها
وتضحك
عكدت حواجبي بأستغراب : خديجي هاي منو
تنهدت بحزن وكالت : خطيبة ابوچ
فتحت عيوني بأدهشة : خطيبة ابوية !!!
خديجة : اي شبيچ بحلقتي عيونچ
عبق : ايي طبعا ابحلق لعد اني شمدريني ابوية چان خاطب زين وينها ليش ماتزوجها
خديجة : يوووه سالفة قديمة
عبق : ولچ خديجووو احچي ترى تدرين بية فضولية
خديجة : شنو المقابل
عبق : صايرة مصلحجية خديجة صايرة ماتعجبيني رح ادورلچ شايب يستر عليچ
ضربتني على كتفي وكالت : كوميي خايبة طايحة الحظ اني ابدل ابو نعمان الغالي خفة لهل صماخ
لزمت كتفي وكشرت ملامحي بألم : اييي هاي شبيييج قابل سبيت العنب الاسود هو كُله ابو نعمان وچان گصير سمين
رجعت ضربتني وكالت : لچ ادبسز تحچين على الجدچ المرحوم
كمزت بألم ووخرت منها : ايييي اشتلعتتت صفحتتتك يالبالي وبعدين جدي المرحوم هچ منچ وحط راسه ومات صدُك جذبب هو هيچ الله يعينه شابعته كتل
خديجة : لا يمة عمت عيني عليه چنت ادلله دلال المشمر والمحمر والوجه اليضحك والبيت النظيف والطبخ كُل شي چان على هواه بس يكول رأسا يتنفذ
عبق : متشوفين طلع اللسانه عليچ لان منتطيته مجال
خديجة : ديلا منتطيته مجال شوفينا طولچ انتِ رح يصير عمرچ 27 سنة وبعدچ عانس
لزمت كلبي بتمثيل زكلت : اخخخ گلبي اجتني طعنة من شخص قريب اخ اخ هاي شبيچ خديجووو بعدني كتكوت خليني اتونس بحياتي بعدين هذا يازوج اليقبل بية
خديجة : والله صدُك هذا يازوج اليقبل بس ولو اكو وهواي ياخذون على عمة گلبهم بعدين ينصدمون
بعدنا دا نحچي وچان ينفتح الباب بقوة وتطل ليلى منه وهي تضحك وسنونها تلمع وتفر بكرشها چنها بطة
ليلى : اني جييييييت رحبو بية يلا
خديجة : هلا هلا بحبيبة بيبتها يمة هلا بشمعة البيت وضواه هلا بحفيدتي الدكتورة الحلوة
راحتلها ليلى تبوس بيها وبيبي تجرها حيل وتشمها وتبوس باوعتلهن بصدمة واني واكفة على جهة : يمة يمة منچ خديجة يمةة اول ما اجيت تكُليلي الدايحة وهسة هاي تكُليلها حبيبة وهاي سوالفچ بسيطة بسيطة بعد ولا احچي وياچ روحي روحي
خديجة : لا يمة شبيچ بس هاي حفيدتي الدكتورة وبنت العزيز شلون ما احبها هاي غاليتي
تخصرت وكلت : واني شنووو كخة
خديجة : لا لا انتِ هم بنت العزيز بس لسانچ طويل ووكحة
لزمت البدي مالتي من المقدمة ورفعته وكلت : ربييي انتَ اعلم بالحال ربيي
ضحكت ليلى وكالت : اووي هاي شبيها تغار مني
عبست وجهي وكلت : عوععع شلون عالم وين بنتچ شو ماكو
ليلى : اخذها ابوها فد شوية يجيبها
رحت كعدت بصفهن على السرير وجريت الالبوم من بيبي وطلعت صورة مال قبل شوية وشفتها الليلى
عبق : احزري هاي منو
ليلى : منو
عبق : احزري
ليلى : شمدريني منو اشم كفى ايدي
عبق : ولچ هاي خطيبة ابوية
فتحت عيونها بصدمة وباوعتلنا : جذببب
عبق : والله وهاي بيبتچ ماتقبل تحچيلي قصتهم
كامت ليلى نزعت جبتها والشال واجت تربعت وكعدت كدامنا : يلا سولفي خديجة الحلوة
باوعتلي بيبي : شوف شوف من وراچ اتعلمت قلة الادب
عبق : هممم انييي اللله اكبررر
ليلى. : دكافي كافي يلا خوخة سولفي
خديجة : شتنطوني
ليلى : اجيبلچ رجال يلا سولفي
خديجة : انجبي لا بارك الله بيچ اني ابدل الحجي ابو ...
قاطعنها : والله افتهمنا اختصري هاي الاستطوانة كملي والتريديه تاخذيه يلا
خديجة : اي شي
عبق : اييي يمعودة دحچييي
خديجة : خووش باعو.... هاي فد يوم من الايام فجأة اجوي عائلة سكنو بفرعنا بنهاية الشارع هذول عائلة چانو عايشين بالخارج وبعدين رجعو للعراق چانو ناس كُلش طيبين وعلى نياتهم ناس طيبة ماعدهم اذية چانو بس الاب والام وعدهم ولد وبنية
ليلی : دا تلاحظين كلمة چانو
عبق : نعم نعم الاحظ
خديجة : انجبن وخلني اكمل
ليلی ; سكتنا يلا كملي
البنية عين النبي عليها ماشاءالله شنو من جمال شفتنها انتن شلون حلوة چانت تطلع تروح تشتري وتجيب مسواك تجي تتمشى وتتمايل بمشيتها ماتتصنع بس هي هيچ رقيقة ونازكة كُلش حتى بحچيها اني عود مرة چبير ومن تحچي وياه اظل صافنة على حلگها من تحچي
مرت الايام اجت الايام ابوچ شافها ظل يفتر وراها وين ميشوفها يتبعها وميخليها بحالها وهي كُلش ضاجت اجت علية تشكي من ابني ههههه لو تشوفنها شلون اجت معصبة وخدودها حمر كالتلي
ياسة : خالة يعني ترضين ابنچ يسوي هيچ وياية والله مَوتني بس يمشي وراية وين ما اروح عبالك الحارس الشخصي ارجوچ كُليله خلي يعوفني بحَالي اووي شُنو هيَ
هههههه چانت تمط الكلمة مط وتجر بيها وتحچي بفهاوة وعلى اساس هي عصبية ومنزعجة اني احچيت ويا ابوجن وكتله مايصير شعندك ويا بنت الناس ماقبل وچان يطنش كلامي ويرجع يمشي وراها ما اعرف شنو الموقف الجمعهم بس الي صار البنت كامت من تشوفه تبتسم اله وتنزل راسها
وماكامت تضوج من يمشي وراها وتضحك بخجل مشت الايام واشوف ابني وجه ورد والراحة مرسومة على وجه ماكو ماطول كم يوم واجة علية كالي اخطبيها الي واني هم ما كلت لا عائلة محترمة وابني حب بنتهم ليش لا وابوه هم ما عارض رحنا كُلنا وخطبناها اله ابوها فرح ووافق بسرعة والبنت كذلك وافقت وتمت الخطوبة
وعقدنالهم والفرحة احلى مايكون والولد والبنت فرحانين حيل ويطلعون سوة ويروحون يجهزون لعرسهم ومتونسين حيل وفد يوم من الايام رحنا لبيتهم ما اتذكر شنو چان عدنا يعني ردنا نتفق عليه
ندُك بالباب وماكو احد محد يطلع ندُك ندُك ماكو كُلنا استغربنا كَلنا يجوز طالعين وچان تطلع وحدة من الجوارين وكالت دورون على بيت ابو فلان كتلها اي وينهم
كالت اخذو غراضهم وسافرو من الفجر
كُلنا انصدمة مامتوقيعن هيچ ابد ولا صدكنة حتى شلون بين ليلة وين يسافرون بدون مايكولون لاحد خصوصا البنت مرة ابني شلون هيچ تروح
ولا يوم ولا يومين تمشي السنين وهم ماكو ماراجعين وهذا ابني تخبل عليها گلب الدنيا ماخلة احد ماخلة واسطة بس حتى يلكوها وهي ماكو فص ملح وذاب لا هي ولا عائلتها كُلهم اختفو وذاك يوم وهذا يوم والبنية ماكو
ابوچن تمرض ووكع بالفراش صار دايح مايعرف ليله من نهاره يمشي بالشوراع يفتر مثل الدايحين الله يرحمه ولحد ذاك اليوم قبل لايتوفى
ليلى : ياااا خطية زين البنت يعني معقولة ماتعرفون السبب ليش فجأة اختفت
خديجة : محد يدري ولا عدهم كرايب نسألهم ولا اصدقاء چانت علاقتهم سطحية ويا الكُل محد يدري عنهم
عبق : والله حلو محمود هم چان عايش قصة حب
ليلى : لعد اذا چان يحب ليش تزوج امنا
خديجة : اسُكتي يمعودة خليها بالگلب ابن فد واحد حيوان الله يرحمه
عبق : اجته مسبة يا الله يرحمه
خديجة : لعد هاي سواية يسويها علمود ينسى ويعوف حبيبتي يروح يتزوج ويظلم بنية وياه ولا فوكاها يتيمة
عبق : والله صحيح يمة منهم ذول الزلم اخخ لو الزمهم الا اموتهم
خديجة : دسُكتي انتِ الثانية معقدة
ضحكت ليلى على كلام بيبي واني ظليت اداهر بيها وهي داهر بية لحد ماخلصت ليلتنا بسهرة جميلة
كعدت الصبح مثل كُل يوم وكملت روتيني وروتيني مايكمل اذا مو ييه جلد النمر لبست حذائي ابو جلد النمر واني اطكطك بيه وطلعت من البيت رحت دا اركب سيارتي اشغل بيها اشغل بيها ماكو ماتشتغل يمعودة اشتغلي يام الغيرة ابد قفلت ضربتها برجلي
عبق : طاح حظچ ماغزرن البانزينات
ظليت واكفة محتارة يبوووه هسة شلون اروح للمكتب واني وواكفة دَك تلفوني طلعت من الجنطة وشفت المتصل هود عگدت حواجبي مستغربة رديت عليه
عبق : هاي الشمس منين طالعة هود داك علية خير ياربي
هود : غير تنطي مجال واحد يحچي تاكُل الواحد بلسانها
عبق : عذرا عذرا صباح الخير كنايدن بونجور كودمورننك استاذ هود
ضحك بهدوء : خبلة ماتصيرلچ جارة
عبق : هسة ايي شعجب داك
هود : انتِ وين
عبق : بالبيت
هود : رح تطلعين لو لا
عبق : چنت ناوية اطلع بس السيارة غدرت ومادا تشتغل
هود : خووش بعد احسن انتظريني
عبق. : هلوو وليش انتظرك شسوي بيك
هود : عبقق لاتخليني اتنرفز من صباحيات الله سديه هسة رح اجي خمس دقايق قريب على بيتكم
عبق : خوش خوش رح انتظرك توصيل وبلاش اكول لا اكيد لا
سده مني هو يضحك ورحت انتجيت على السيارة وظليت انتظره صدُك يمكن ست دقايق وچان يجي وكفت سيارته بصفي رحتله من يمي الجامة نزلها وسندت ايدية عليها ودنگت راسي اله وكتله
عبق : تؤتؤتؤ توقيتك مو صحيح
هود : خاف ماترضين
عبق : كلت خمس دقايق وصارن ستة
هز راسه بنفاذ صبر وكالي : تعالي صعدي ياعلة گلبي تعالي
فتحت الباب وصعدت واني اضحك.: اووي هاي شبيك نفسية
شغل السيارة وانطلق بيها : ادري شماكلة من الصبح بس تلغين دسُكتيي
عبق : اوووي هاي شبييك شوية نشاط حيوية طاقة ايجابية
هود : واحد كاعد من الصبح من الصخام بيه حيل يحچي وايجابية
عبق : نفسية حضرتك نفسية لاتناقشني
هود : خليت الايجابية الچ
عبق : اييي شعندك داك من الصبح ماعرفنا
هود : اتحارش بيچ
عبق : وين اكو واحد يتحارش الصبح الحرشة بالليل
هود : اني اختلف الصبح اتحارش
عبق : لا الصدُك الصدُك شتريد
هود : اريد احچي وياچ بموضوع
عبق : وهذا شنو الموضوع المهم الي يخليك تجيني الصبح
تنهد وكالي : خلي نوصل للمكتبچ وهناك نسولف على راحتنا
عبق : خووش
وصلنا بعد مدة للمكتب وكف السيارة ونزلت منها وهو وكف يصف السيارة تمشيا لداخل المكتب علما يجي شفت علي بالباب لوحت اله بأيدي من بعيد ردلي التحية بأبتسامة نثل العادة وكفت بنص الطريقة التفتت على هود اشوفه وينه شفته جاي بطريقي صحت عليه
عبق : ديلااا عاددد شبييك شايب
بعده دا يحچي ووكف بمكانه وبسرعة جر سلاحه ووجه علية فتحت عيوني علی وسعهن هذا شبيه بعدني مامندارة ونحط مسدس على راسي وصوت همس بأذني
ديري بالچ تتحركين ......
*************
ولنا في الخيال حياة
************
اتمنى يكون البارت نال اعجابكم انتظروني بالبارت الجاي احداث جميلة كانت وياكم اختكم الماس K.T
لاتنسون التصوين فضلا وليس امرا ⭐⭐⭐⭐⭐⭐⭐
قناة التلي
https://t.me/tasow25724
********
الى اللقاء .....