في جحيمهم عالقة

البارت (7)

الكاتبة: - زينب الحربي

حساب الانستكرام: -zienab_alharbi

……………………………
بنات حيكون التنزيل حسب الجدول الجديد يوم الاثنين ويوم الخميس لان والله مو فارغة

…………………………………
بسـواد اللـيل ..!

تتلملـم حمامات
ألحزن بيه..!
ومصابيح المدينه تموت

ريم: - خمس دقايق حسيت الحياة وكفت هاي هي كلت راح اموت اسمع صوت الدكتورة تكول ادفعي يمة ادفعي دفعت دفعة قوية وسمعت الصوت اللي اخترق كلبي قبل اذاني سمعت الصوت الصارلي تسع اشهر منتضرتة خلتة الدكتورة علئ صدري حسيت براحة مو طبيعية ابتسمت و نزلت دموعي لله الحمدلله الشكر الك يارب شكرا لتساهيلك انتهت انتهت المرحلة الجنت افكر بيها اشكرك يا الله رجعت راسي ليورة حسيت براحة مو طبيعي شالتة الدكتورة واني صارت روحي بي اجت خلت مخدر علمود تكمل خياط حسيت بسواد اجتاحني سواد كلش قوي وبعد ما حسيت بشي اشوية وحسيت براشديات علئ وجهي كعدت بثقل واني لابسة غير ملابس ومكملة الدكتورة خياط فتحت عيوني امي يمي عيونها مورمات وحمر من البجي حجيت بثل يمةة شصار

_هلا بعد امج الحمدلله علئ سلامتج ماكو شي ضغطج صفر من القلق وهسة صرتي زينة الحمدلله علئ سلامتج

_الله يسلمج يمة ليش نمت وبعد ما حسيت

_صار عندج نزيف حاد والله ستر وضغطج صفر هسة انتي زينة مو يمة

_اي زينة يمة وين ابني اريد اشوفة. حجت خالتي بضحكة

_مو ما تريدينة ذبيناه

_اني فزيت علئ حيلي خالة حبابة جيبي ابني خل اشوفة

_هاجياه يمة اشاقة وياج الحمدلله علئ سلامتج

_اخذتة منها بستة الله يسلمج حبيتة وروحي اتعلكت بي مبدلاتلة امي وخالتي طلعنة نفس اليوم من المستشفئ طبعا زوجي ما دفع ولا فلس احمر كلة ع امي وخالتي يصرفن علينا
اجت امي

_يمة رضعي هذا حليبج زين ويسمنة

_هزيت راسي كلتلها ما اعرف والله حاولت وياي من شافتني ما اعرف كتبت حليب ودزت حسين يجيب حليب وممة  جاب الحليب وهي سوتلة حليب وشربتة واني اباوعلهم  رجعنا للبيت ما اكدر اصعد فوك شالني حسين وصعدني كدامهم خالتي جابت ابني وراي امي ضلت يمي يومين وبعدين راحت خاف بتها تشتم او تلكف مدري شتسميها لان صغيرونة
بيوم الثالث اجت امي تريد تاخذ ابني تسبحة واني تخبلت

_يلا يمة انزلي اسبحي انتي سبحة الثالث واسبح ابنج

_ركضت ركض لايمة سبحي هنا يمي لا تنزلينة حبابة خاف يصير عليه شي

_اسم الله يمة شيصير دكولي يا الله يلا هاي هي نسبحة يمج شعدنا غيرج بس كومي اسبحي وتعاي ركض كلتلها اشوية واسبح  عندي دوخة كلت لحسين حساني

_عيونة كولي شبيج

_جوعانة ودايخة صيح لمي تجيني لان نزلت يم خالتي

_لا وليهمج بس اتامل هذا الحيوان تفاصيلة حلوة بس ما مبين يشبهمن

_امي تكول الطفل الة سبع شوفات مايبين هسة يشبهمن بس شوف ليش يبجي تعبانة جيبلياه راح جابة وخلاه بحضني بس هو يبجي اني اهز بي حسين سويلة حليب باوعلي وهو مبتسم

_اشلون اسويلة حليب

_ما اعرف والله روح اسئل امي هو نزل سئل امي وصعدلي

_اكلج تكول كل رقم مي خاشوكة وحدة حليب

_ماشي نزل حسين سويتلة حليب ونام اشوية وجابلي حسين شوربة وكعد يوكلني واني اتامل تفاصيلة ساعة احبة وساعة اكرهة بس لو يبطل سوالفة يصير درة واحبة اكثر بس ميبطل سوالفة كملت اكل كتلة حسوني

_لا يابة هيجي اموع رجال شكدني شكبرني تصيحيلي حسوني

_اي عادي ادلعك اكلك اريد اسبح صيح لامي تسبحني باوعلي وغمزلي

_يصير اني اسبحج

_حسين بطل سوالفك كلي دم واحس روحي قذرة صيح لمي حباب راح صاح لامي

_ها يوم تسبحين خاطر اساعدج

_اي يمة حبابة راحت امي طلعنلي ملابس واخذتني للحمام سبحتني ونضفتني ولبست ملابسي وطلعت لغرفتي كل ما امي تريد تلزم الطفل لو خالتي اعيط بيهن ومخليتة بحضني وضايجة ومقهورة ما اكدر اصلي واني صارلي فوك الخمس سنوات ما تاركتها نهائيا احس روحي ناقصني شي رفعت راسي للسماء ربي لهالدرجة متحب لقائي جريت حسرة وسكتت شسوي يعني بالليل ما نايمة وابني نايم غفيت ع نومتة كعدت ما لكيتة تلفتت منا منا ما لكيتة فزيت ونزلت ركض واني لابسة دشداشة شلحة قصيرة نزلت ركض لكيت نسوان كاعدات ركضت ع امي يمة ابني مدري وين خزرتني امي كامن امي وخالتي ع صفحة امي جرتني

_وتاليها ريم كولي يا الله يمة شنو نريد ناكلة ندري بيج ما ترضين والنسوان جاية تشوفة وتوجب اشلون يعني اخذتة بدون ما تدرين

_يمة كلبي طار عبالي واحد اخذة وراح ردت اموت خالتي كالت لامي

_هاج انطيهيا لا تفضحنة اول وحدة مخلفة هي

_باوعتلي خالتي بعتب لان سويت هيجي كدام النسوان صديقاتها وامي همينة انطني الطفل وراحن اني اخذتة وصعدت فوك كعدت وي نفسي صدك اني شنو اليخليني اتصرف هيجي قابل اول وحدة اني اخلف لعد التخلف اثنين وتلاثة واربعة اشلون لعد امي وخالتي مو مخلفات اشلون يعني هم ميخلن واحد يلزمة ليش اني ابالغ هيجي عاتبت نفسي وهودت اشوية كمت اخليهن ياخذنة ويشيلنة وحسين يشيلة كل اذان احاسب نفسي لان ما اكدر اصلي كلش تعبتني هاي الفترة جنت من اتعب اشكي علئ السجادة مالتي احسها حضني اللي يلمني وقت العازة بس يلا هاي هم اجازة من رب العالمين حسين زين وياي هالفترة وامي وخالتي ما مقصرات بعد روحي
للاربعين وما نضفت من الولادة خلص الاربعين اجتي امي سبحت الطفل سبحة الاربعين واني همين سبحت وسوت امي عشئ لوجه الله نضفت ولله الحمد احس ناقصني شي كلش كلش اهواي سبحت وخليت عطر وفرشت السجادة صليت وبجيت شكرا للقائك يا الله شكرا لعضيم نعمك ربي احفضلي ابني وكلشي ما اريد الهي انت اعلم بالحال ولا يعلمه الا انت صليت لحد ما ارتاحيت وكمت اشوية وسمعت عيطة عرفتهن امي وخالتي تعاركن ما ادخلت حسين راد يكوم ما خليتة

_ريم هديني خل اشوف شكو جوة ليش هالصوت

_اشرتلة براسي ميخالف ما تعرف امي وامك كل مرة يتعاركن ويرجعن عادي شبعانين منهن اشوية ويرجعن يتصالحن هز راسة وكعد اشوية والصوت خف نزلنة اني وحسين سالناها شكو كالت

_اني مولية بعد انتو اهتمو بنفسكم عايفتلكم البيت علي يجي وراي ضلي انتي ورجلج

_فكيت حلكي اريد احاجيها ما اكدر مستحيل ادير بيت وحدي حسين الضاهر متعود ع امة تعوفهم وتروح لهذا كعد ساكت كعدت ابجي ليش لبست عباتها وراحت وعافتني اني والطفل متعودة عليها ياربي اشلون بية كملت يومين بجي وحتئ حسين ما اطيقة ابد ليش راحت خالتي وما وكفها اجاني بالليل

_ريمة راح اروح لكيت شغل اروح الصبح وارجع العصر ماشي

_ماشي ما صدكت يلكة شغل حتئ يطلع من البيت ويعوفني كرهني بعيشتي طلع ثاني يوم للشغل نزلت ونزلت ابني وياي خليتة بالهول حاولت اسوي مرك ما كدرت حركت البتيتة وكلشي بيها وكعدت ابجي يربي اني جنت مدللة امي بس اكشر وهي توكف ع راسي تكلي وحتئ من اتزوجت خالتي دللتني ما رادت مني شغل ابدا بس نوبات انضف جان كلة علئ ليا بجيت بجي ما صاير هسة لو ليا هنا صارلي شهرين ونص ما شايفتها للضهر واجة حسين وكفت كدامة ها الله يساعدك

_ويساعدج صبيلي غدة ميت من الجوع

_باوعتلة باسئ وبجيت والله ما عرفت اطبخ هزلي راسة وراح يجيب من برة اشوية واجة جايب لفات فلافل وببسي كعدنا ناكل اني. وياه لسة اتذكر الزاد الطين بلة ب5 العصر اجتي امي بوستها وحضنتها كالت

_يمة ريمة راح نشيل منانة ابوج انقل نروح يم دوامة

_صعقة نزلت ع راسي لتكولون مبالغة طفلة وامها بعيدة عنها بست امي وما حاولت ابينلها خليتها تطلع وبجيت لمن الله كال بس بجيت بجي مصاير انتقلو هم حتئ ما رحت ودعتهم 13 يوم ضبط عشت اني وحسين بس ريوك اعرف اسوي والعشة والغدة من برة شبعت فلافل هالفترة الصبح اجاني حسين

_اكلج لكيت شقة بالعمارة اللي بيها امج راح ننتقل اني وياج بيها

_من الفرح حضنتة وبستة كتلة يي يلا خل نشيل الغراض

_بس اكو شي فلوس الايجار ما كاملة انطيني تراجيج خل ابيعهن

_بس ذني هدية خالتي الية من جبت

_حتئ لو يا عيني غير راح نشيل ببيت وهي هناك تجينة اني حاجيتها

_فرحت ومثل الغبية مرة ثانية ضحك عليه جبت التراجي وانطيتهن الة راح كمل اجراءات الايجار ودفع الفلوس واجة بس اني وياه جبنة كارتونات كبار وبدينة ننقل الغراض ونجمع ثاني يوم اجة علي ويانة ننقل الشقة مناك كلها نضفتها امي وخالتي رحت اني وابني والغراض هم ينقلوها متت تعب بذنيج التلث ايام حيلي نهد بحيث من انام اشخر علئ كد ما تعبانة خالتي وامي صفطنهن والحمدلله والشكر رجعت اكل اكل بي حظ امي وخالتي يطبخن عبالي لهنا انتهت معاناتي ومكيفة بالشقة امانة الله يومية انضفها طبعا اني عندي حماية عايشة بمصر وي زوجها واطفالها كم يوم وخالتي كالت

_يمة ريمة انتي صرتي جبيرة بعد اريد اروح اشوف بنيتي صارلي 11 سنة ما شايفتها وودتلي فيزا هي واقامة واريد اروحلها اعتمد عليج مو

_هزيت راسي يعز عليه فراكج بس هم حقج وكلب والدة اني ابني ما اكدر ابعد عنة

_اسبوعين واجي ان شاء الله

_بستها وحضنتها وحضرنا اني وامي وهي جنطها خاطر تروح الاسبوع الجاي كاعدين بالليل واجاها اتصال الاتصال اللي حول حياتي جحيم وبعد ما شفت يوم حلو وراه بعد ما ارتاحيت ولا اشوية وراه دكت اخت خالتي وردت عليها وفكت عيونها

_خير خالة منو المتصل شبيج

_اختي ام احمد هذا ابنها احمد واكع بمشكلة وراح تودي يمنا يكضيلة شهرين تلاثة لحد ما تنحل وهو راح يدفع الايجار لحد ما ارجع

_هزيت راسي ماشي اذا من طرفج مو مشكلة طاح حظي بيوم الرضيت وما رفضت اسبرع وراحت خالتي ودعناها واجة احمد رحبنا بي اني وحسين وعلي حماي طبعا رجلي التحفة رجع ينام للضهر وهذا ابن خالتي يصرف علينا نزلت الصبح صبحت عليه يباوعلي ويبتسم والله حق الله جان يخبل جسمة وعضلاتة و وجهة طبعا مو اعجاب انما اوصفة صباح الخير

_صباح النور هلا بيج همزين كعدتي جنت كاعد وحدي ضايج

_يمكن ما جان يقصد شي واحنا زودنا السالفة يمكن طبعة هيجي واني طفلة محد علمني عبالي حالة من حال حماي علي حتئ حجابي مو مرتب كدامة ولا رجلي يكلي ويعلمني سويت ريوك وتريكنة اني وياه ابني صاير يخبل خليتة يمة يلعب وياه ورحت نضفت المطبخ اشوية وامي دكت عليه رفعت الجهاز صباح الخير يوم

_صباح النور بعد روحي باعي تعالي اخذي غدة مسويتلكم

_ماشي يوم اخلص شغلي واجيج خوش كملت شغلي طلعت كتلة احمد من رخصتك اروح اجيب غدة من امي واجي دربالك علئ حمودينا

_بعيني روحي وليهمج

_صعدت ع السريع جبت الغدة واجيت لكيت حسين كاعد كتلة ها كعدت شو هذا عصبي ما يتحاجة يباوعلي ويباوع لاحمد غلست عنة صبيتلهم غدة وخليتهم يتغدون طلعو حسين واحمد عافوني وحدي غسلت البيت وسبحت ابني ونومتة وصعدت فوك اخذتة اشوية واجة حسين لزمني من ركبتي خيرك شبيك

_انزعي بسرعة يلا

_شنو شبيك شنو انزع حسين شارب مو

_انزعي داكلج اريد انام وياج لو بس هو تخلينة ينام وياج وياخذ اليريدة علمود يشتريلج انتي وابنج مو عبالج ما ادري بيج

_فكيت عيوني شنو هذا الحجي انت مو صاحي وعلي اني اشرف منك لزمني موتني تموت طك راسي بالحايط وشبعني راشديات ومستمر يغلط

_كح…  برب…… عبالج نايم ما ادري عبالج ما ادري بسوالفج

_ما اذاني الضرب بكد ما اذتني سوالفة ما اذاني الحايط ولا الراشديات ابدا بكد كلامة معقولة يفكر بية هيجي صار اسبوع هنا احمد وحسين لا يسال ع المسواك ولا حليب ولا اي شي مطمان احمد هنا يصرف اذاني حيل وشك ملابسي اغتصبني بابشع طريقة وعبالك مثل اول مرة اغتصبني حتئ بالاماكن المحرمة عليه او المكروهة كام مني تفل علية وكال

_ما يشرفني وحدة برب…… مثلج مخليج للحاجة اشوكت ما اريد عندي تاج راسج مكفية وموفية

_غطيت وجهي وبجيت بجي ما صاير الدم يجري من كل جهة بجسمي كمت لميت روحي كومة سحلت روحي سحل للحمام حتئ صوت ابني وبجية ما هتميتلة كانو اريد اعاقب روحي جبت الحجارة مال الرجلين وفركت بيها جسمي لحد ما طلعت الدم اريد ارتاح اشوية طلعت من الحمام لكيت حماي بالصالة طبيت الغرفتي لكيت احمد واكف يم ابني ويلعب بي باوع الحالتي بابتسامة

_ضربج مو

_بجيت بصوت وكتلة اي كلماتة جانت ناعمة حيل

_تهون وداعتج تهون وتخلص المجاهدة اللي كدرت تخلف طفل وتربي وهي بهالعمر لا يمكن تكون ضعيفة الهذا الحد انتي اقوئ من عندة لا تكونين ضعيفة ابد يلا تعالي اكعدي هنا خوش

_هزيت راسي طلعت اخذت ابني وكعدت بالصالة لكيت علي ما موجود بس احمد طلع وراح جاب لابني حليب وحفاضات و جابلي علاكة متروسة حلويات جباسة وككو و حكليت وببسي وكلشي باوعلي بابتسامة

_ادري بيج طفلة تحبين ذني السوالف تونسي وطز بالراح وبالاجة طز بالحياة التاذينة هلكد كوني انتي احسن من الحياة خوش

_هزيت راسي ابني مينام اذا ما يسبح ابدا كمت سبحتة وجبتة يمي صاير فد نوب عندة سنون وبس يبجي واني ابجي وياه سويتلة حليب ونام كعدت اباوع فلم واكل حبشكلات ومتسمتعة بطعمهم نسيتة واكف كال

_بكل حياة اكو شي يخفف عن الشي الثاني مثلا انتي انضربتي وتاذيتي ومتكدرين تسوين شي اديج مربطة سوي الشي اليعجبج مثلا هسة انتي تحبين الفلم والحلويات اكعدي وشاهدي فلم واكلي حلويات لازم اكو بديل لكلشي هسة باقي عندج وجع

_نزلت دمعة من عيوني اشرت علئ كلبي وكتلة هنا 

_كلة يمر وداعتج ويصير سوالف من الماضي عندي اقتراح كومي خل نلعب كارتات

_باوعتلة عبالي قمار كتلة قمار ما العب

_هههه وج قماريش ورق 50 ورقة بربع بكتهن من ابن اخوي

_صدك راح جابهن وكعدنا نلعب ويحجيلي نكات يريد ينسيني ويضحكني ونعم الاخ جان بجة ابني

_كومي اخذي واصعدي اني انضف كلشي هنا

_صدك اخذت ابني وصعدت فوك لكيت حسين كاعد علئ الحاسبة حتئ ما كلف نفسة يسئلني ليش تاخرتي او وين جنتي ابدا ثاني يوم كعدت الصبح متاخرة اخذت ابني ركض لامي حتئ ما كلت لاي واحد ولا شفت احمد لان مدري وين طالع ولا حسين ابدا رحت يم امي شميت ريحة التشريب الله ريحتة تجنن شكد مشتهيتة يمة هاج حفيدج طيح حظي بس يبجي شنو لازم تربيني اني وابني

_ههههه جيبي وروحي صبيلنا خل ناكل

_طبيت المطبخ التشريب يفور صبيت بالطاسة ليش ما جوت ايدي واشمرها ووكعت علئ رجلي شاغت روحي تفور التشريبة كمت ابجي واصيح يمةةةة تعاي يمة اجتني تركض

_يا دخيلك يا علي عين الماصلت ع النبي دخيل علي البسي البسي اخذج للمستشفئ لو اكلج هاي اخت ام حسين بصفنا هسة اصيحلها راحت امي صاحتلها بسرعة بطبطت لان التشريب حار كلش اجت اخت خالتي باوعت لرجلي

_خية جيبي شاش وديتول خل انضفها الها

_راحت امي جابتة هاي المرة كالتلي

_ديري وجهج لهناك يمة لا تباوعين ابد درت وجهي وهي جابت شاش جبير وشالت الجلد المحترك كلة روحي راحت احس كلبي يدك باذاني متت من الالم دخت واغمئ عليه لفتة وامي جابتلي عصير وشربني. ارتاحيت اشوية كلت لامي اروح لبيتنا هذا هسة يكعد طبعا امي ما تدري بتعاملة لو تدري ما تخليني ارجع اخذت ابني ونزلت لشقتنة لكيت احمد واكف يسوي غدة شافني وابتسملي

_ها طالعة من الصبح ما تكولين اكو زلم بالبيت

_ما لكيت واحد ورحت يم امي جوعانة باوع لرجلي

_خيرج شكو شصاير

_احتركت

_يلا الحمدلله علئ سلامتك متغدية لو اصب غدة تتغدين وياي

_لا تغديت تسلم تغدة وحدك اخذت ابني وصعدت لغرفتي لكيت حسين سالني شبيج كتلة من ورة خشمي احتركت كال

_اكو غدة لو ما تعرفين تسوين مثل العادة

_اكو جوة هسة اجيبلك رحت صبيتلة واجيت خليتة كدامة اكل وشبع كال

_هذا مو غداج ما تعرفين تطبخين يلااا انزعي بسرعة اريد انام وياج

_اي لكيت احمد مسوي غدة وتعبانة مالي خلك وخر عني  باوعلي بابتسامة حقيرة كلش وكال

_شبيج تعبانة شو حبيبج مسوي اكل ومنضف البيت وماخذ المقسوم

_باوعتلة بصدمة انت واحد ما تستحي وحرامات نسميك زلمة وهيجي تحجي علئ عرضك هيجي لزمني مطلني وسد حلكي راح علئ حرك رجلي يحرك الشاش بحقارة روحي شاطت لله دموعي كامت تجري حجة من بين سنونة

_كح……… انتي كح……… تمشيهن عليه ادري بي حبيبج

_الم روحي والم كلبي والم جسمي كل هذا وشك ملابسي ومرة ثانية اغتصبني وخلة الدم يجري من كل مكان اغتصبني بنفس الطريقة البشعة المقرفة مالتة  كمت اسحل بروحي وكتلة وعلي ما ابقة يمك ولا دقيقة

_اي روحي وخلصيني من خلقتج الزفرة بس خلي بالج بس تطلعين ابني اودي لمصر لامي واختي ميشرفة هيجي ام

_وكانو كص جناحي بهاي الكلمة وعرف نقطة ضعفي حتئ ما كمت من وجع روحي ضليت بمكاني شي ساعتين تلاثة وهو راح لحاسبتة ابني كام يبجي كمت من يمة رحت للحمام وكلعادة اطلع حركتي بروحي اجلف لمن اطلع الدم روحي رايحة يا علي ساعدني يا علي مو مساعد الايتام واني يتيمة اكفلني يا علي وخلصني منة طفلة اني طفلة وكبرت سنين فوك عمري ضل يلعب بحاسبتة ما يدري عنة شي احمد مهتم بية وبابني حليب وحفاضات ومسواك وكلشي حتئ ملابس يشتريلي ما اريد اكلفة اكثر مستحية من روحي وعلي ضلت يمك يا علي انت تحلها من قهر روحي كمت اشرب تلث حبايات مانع باليوم وخليت الشهرية تجي اتلث الئ اربع مرات باليوم حتئ ما يتقربلي وتلعب نفسة حيوان بشع لزمني وكال

_عبالج ما ادري بيج تسوين هيجيي حتئ ما اتقربلج اني اعلمج

_ضربني راشدي وطلع ثاني يوم امي دزتلنا غدة كعدنا نتغدة اني وياه واحمد و علي حماي هو غص بالتمن وكام يكح كال مي ويكح كمت ركض جبتلة مي شرب وكام ضربني ضربتين قويات علئ راسي كمت ابجي كام علي حماي اول مرة هيجي يسوي

_اكول زلمة واخوي الجبير وعيب اضربك لك طفلة ما تفتهم انت متحملة قذارتك وحقارتك وزبالتك وصلت بيك كدامنا تضربها دهاك هاي

_ضرب حسين بوكسات وحسين ردها الة اجة حماي سحلني وخلة ابني بحضني وكال يلا تعاي مو مال احترام هذا علئ اثر الصايح اجت امي وانصدمت من حجالها علي كلشي كالت

_صوجي اني صوجي هذا حيوان مو مال احترام يلا تعاي وياي اشوف منو يخليج الة

_اريد امشي وي امي الجلب سحل امي وضربها راشدي اني شاطت روحي وامي لعبت بي لعب واخو همين ضربة وحتئ احمد ضربة شو سحل ابني من حضني وخلة السجين بربكتة وكال

_اذبحة وما اخليج تروحين وياها يلا اختاري لو امج لو ابنج

_شاطت روحي من جهة امي النهانت وانضربت ومن جهة ابني الطفل اليفرفح وطفل ميخلي يوصلي طلعت صرخة من نص روحي وبينهم كلهم عطت بصوت عالي يا علللللللللللي المدد مولاي يا علي المدد امي اتخبلت كلتلها روحي ابني راح يموت هذا انسان بلا رحمة طلعت امي من البيت مقهورة علية انطاني ابني وراح وعافني بضيمي كعدت شبكتة وبجيت بجيت طلعت كل حركة بروحي ملخت روحي من البجي احمد وحماي يباوعولي ميكدرون يسوون شي راحو وعافوني بوحدي حتئ ارتاح اجتني افكار شيطانية انتحر خاطر ما اشوف ابني من يتاذة خاطر من يموت اني مو يمة ما اتاذة صعدت خليت ابني بفراشة وطلعت للبلكونة فتحت الشباك وكلت اشمر روحي واخلص امي من ضيمي وخطيتي بركبتة استوني اريد اشمر روحي وحسيت واحد سحبني وضربني راشدي شفتة احمد

_مخبلة مخبلة انتي علمود واحد حيوان سكير كلب مقرف تدمرين روحج وتخسرين الدنيا والاخرة وتخسرين كلشي تخسرين الدنيا والاخرة

_باوعت الروحي اني ليش هيجي من دون البنات شكد اختبارات الله الي صعبة باوعت الجسمي مليان ضرب واثار حتئ بوجهي جوة حلكي وجوة عيني دفعتة من يمي ورحت نمت بصف ابني حضنتة ونمت كعدت واعرف هذا هو بي سولة يشلع برموشي من اني نايمة كعدت علئ ضحكتة الاخذت روحي حبيب ماما لك حيوان تشلع رموشي ضليت ادغدغة والعب وياه ثاني يوم اجت خالتي اتلكيتها وكانما الله ذب عليه بجي حضنتها وبجيت بجيت لمن الله كال بس تباوعلي بعطف وترجع تحضني ما خليتها ترتاح حجيتلها كلشي اشوية واجة حسين يريد يبوسها دفعتة وكالتلة ما عندي ابن هيجي يسوي بمرتة بغيابي

_يمة هاي الكدامج هي خانتني وي ابن خالتي وي احمد هم الاثنين خانوني

_اني كلتلها خالة وعلي جذاب كلشي ما يدري لا حليب لا مسواك لا ايجار لا حفاضات كلة علئ احمد واسئلي علي علئ اذيتة اذا اني مجذبة

_خوش اذا خانتك طلكها واخذ ابنك

_اني فكيت عيوني عبالي صدك كاللها

_لا ما اطلكها الا اكسر راسها

_كلنا ندري بيك جذاب وتريدلك حجة بس ما يشرفني ابني مثلك يلا ولي

_عافتة وسحبتني وعبرناه اني وياها ثاني يوم احمد لكيتة كاعد كال

_اني اترخص انتهت مهمتي هنا اتمنئ ما اكون ضيف ثقيل اتمنئ ما اكون قصرت اتمنالج حياة سعيدة. ادري سببتلج اذية بس اعتبرتج اختي الصغيرة ولان طفلة هيجي اتعامل وياج اتمنئ ما تكوني اخذتي نضرة علية مو حلوة او ما جان كلام حسين ماثر بيج اتمنالج الموفقية انتي و العنون شوكت ما احتاجيتيني كولي عندي اخو جبير عمرة 30 سنة يشك حلوك علمودي بس اتصلي وتلكيني واكفلج بالباب يلا مع السلامة

_راح وعافنة من اجت خالتي ما انكر اعتبرتة اب بس ابد ما فكرت بي بغير نضرة مثل ما يكول حسين شكم يوم واجتني خالتي

_يمة ريمة مسوالكم سحر انتي وحسين وهذا المي حتئ يفكة منكم تسبحين بي وترشين غرفتج وهذا تشربين منة خوش

_فهمتني عليه وسويتهن كلهن لازم اسويهن بيومين يوم الشرب ويوم السبح فجاة وكمت احب حسين حب ما صاير بحيث ما اطيق البيت بدونة ابد ابد اجة حسين بالليل ركض شبكتة وبستة

_ريم شصاير شبيج

_احبك كلش احبك اكثر من اي شي حتئ من ابني

_ها من اشوكت

_كتلة ما ادري من اشوكت بس الاعرفة احبك اني بادرت بالعلاقة وحتئ هو تعجب اول مرة اسويها وابادر واتفاعل وياه واكوم اسبح واني مرتاحة ثاني يوم اجتي وحدة اقارب خالتي سلمت علينا اني وحسين وخالتي وكالت

_خالة شكم يوم اضل يمكم علما يخلص تقديم الكلية وارجع للبيت

_خالتي قبلت وضلت يمنا اباوع لعلاقتهم هي وحسين مو تمام واني اشب وانطفي من الغيرة اجيت ابجي كتلة لو اني لو هي

_ريمي وداعتج مثل اختي وعلاقتنا هيجي من زمان اسئلي امي علبنا يا عيني لتغارين شعندي غيرج حبيبتي انتي

_حضني واني مثل المطي صدكت بي بالليل نمت من وكت اني وابني بغرفة خالتي وكعدت علئ اصوات غريبة صعدت لغرفتي فتحت الباب وشفت منضر ما. اتمناه العدوي منضر ما اتمناه حتئ للناس الماذيتني ابد ما اتمناه شفتها هي وزوجي يلا ملابس وبوضعية مقرفة وعلئ فراشي وبغرفتي الصدمة جانت كفيلة انو تخليني اعيط بكل صوتي عيطة طلعت من روحي وبعد ما حسيت بشي غير سواد يغطي عيوني وهاي هي ………………………………………

جزء من معاناة بطلتنة المضلومة اللطيفة القوية ريم نرفقها الكم اليوم

بنات اتمنئ ما تكونون تحجون عليها لان تتصرف هيجي طفلة وماكو احد يعلمها

انطوني رائيكم وتصويت + تعليق ما بين الفقرات

تحياتي الكاتبة :- زينب الحربي