♣️الجزء :1539
دانييل :عاااااائشة عااائشة شوووووفي فياااااا
عائشة كانت مرخية جسمها كينزف والضربة جاتها جيهة الكبد
دانييل شافها كاتنزف هاكاك هزها بين يديه بزربة وخرج كيطير
دانييل :مااااغااااديش تموووووتي هادي مااااشي نهاااايتك ماغااااديش تمووووووتي
وصل نالباب وكان خارج شاف الكارد هز الشال لي كان طايح على كتفها وغطا ليها راسها ووجهها عاد خرج كيطير غادي نطوموبيلتو
دانييل :انطوووووونيوووووو جيب تيليفوووووووني
انطونيو غير سمعو طلع كيطير نالبيت هبط ليه التيليفون
دانييل حط عائشة اللور . وركب فبلاصتو وكسيرا ماعارفش حتى شمن اوبيطال يمشي ليه والوحيدة لي طاحت فبالو هي سحر
هز تيليفونو بسرعة كيرجف ودوز الخط لسحر
ساحر كانت فوق الفراش ناعسة هي وعصام عاد كانو ناويين يبداو علاقة حميمية مازال عاد كيبوسو فبعضهم حتى كيتسمع صوت التيليفون مجهد
سحر بعدات بزربة : هادا تيليفوني
عصام قرن حاجبو وشاف فالكوافوز لي قدامو تيليفون . هزو لقاه دانييل قرن حاجبو ومد ليها التيليفون
عصام : دانييل جاوبي شوفي مالو
سحر شدات تيليفون بزبية وجاوبات : دانييل ماالك
دانييل : سححححححر ماعااارفش شنووو نديييير
سحر سمعاتو صدقات واقفة وغوتات
سحر :ماااالك شنوووو طاري فيييييببينك
دانييل ضاير كيشوف فعائشة
دانييل :عاااائشة عااائشة كاتمووووت
سحر :كيفاااااااش
دانييل : تضربااات بالرصااااص عاااونيني ماعرفتش فين غادي ناخدهاااااا
سحر كاترجف : خووووودها نلوبيطال دعمتي انا نصيفط ليك العنواان داااابا خوووودها
قطعات عليه وصيفطات ليه لوكاليزاسيون ويديها كيرجفو
عصام : سحححر شنو طاااري
سحر الدموع تجمعو فعينيها وبدات كاتبكي
سحر : عااائشة كتموووت تضربات بالرصاص خاصني نمشي
عصام جرها بالزربة لدريسينج
عصام : لبسي نمشيو دابا
سحر مسحات دموعها وجبدات سورفيط كاتلبسها . لبسو عليهم وخرجو كيجريو ركبو فطوموبيل عصام وكسيراو
فهد ويوسف لي كانو مازالين فالجردة شافوهم خارجين كيجريو حالتهم ماشي طبيعية اخا عايطو ليهم ماتكلموش مشاو كيجريو ركبو فطموبيلة فهد وخرجو طايرين وراهم
♣️الجزء :1540
عند دانييل وصل نلوبيطال ونزل هزها بين يديه ودخل كيجري بيها بحال المسطي صدرو عاري وكلو موشوم جسمو كيقطر بالعرق .داخل وكيغوت
دانييل : شكوووووون هنااااااا بغييييت الدكتوووووور
الممرضات عير شافوه جاو كيجريو بالباياص. دانييل حطها فوقو شاف الدكتورة جايا كاتجري مشا عندها
دانييل كينهج : مابغيييتهااااش تموووت مابغيتهااااش تموووووت ديري جهدك كلوووو
الدكتورة شافت فعائشة لي كاتنزف
الدكتورة :تهدن اسيدي ان شاء الله يكون خير
دانييل وجهو زرق :المههههم ماتموووووتش لي طلبتيه غادي يوصلك غير ماتمووووتش
الدكتورة حركات راسها وجرو عائشة بالزربة لغرفة العمليات
فهد اللحضة نزلو سحر وعصام ودخلو كيجريو ومن وراهم فهد ويوسف لي مافاهمين والو شافو لوبيطال تخلعو
سحر :داااانيييل دانيييل مااالها عائشة شنو طرا ليها
دانييل شاد فراسو : كاتموووت كاتموووت
عصام : دانيييييل هضر شنوووو طراااا
سحر بصراخ :وااااااش نتاااا ضربتييييها
فهد ويوسف وقفو قدامهم مافاهمين والو
فهد :شنو طاري هنا ياك لاباس
يوسف :شكون مريض
سحر ماتسوقاتش ليهم باغية غير تفهم من دانييل
سحر :دانييييييييل هضر معااااايا واااش نتا ضربتيييها
دانييل بصراخ : ماااااشييييي اناااااااا مااااشي اناااااا. مشيت نالفيلة لقيت كارد كيحاول يغتاصبها بعدتو عليها وفلحضة كان غادب يغذرني ويضربني بالسلاح لضهري هي شافتو و تلقات نالرصاصة فبلاصتي
فهد عرف علامن كيهضرو ويوسف هز جاجبو
يوسف :شكون هادي لي طرا ليها هادشي
سحر جلسات فالكرسي حاجة يديها على راسها كاتبكي وعصام جلس حداها كيهدنها
عصام :صافي ماتبكيش نتي حاملة
سحر ببكاء :ماتستاهلش هادشي كامل والله ماتستاهل
عصام :شوووو غادي تولي بيخير
يوسف :علامن كاتهضرو شكون هادي لي تضربات
فهد شاف فدانييل : الكاىد شنو درتي معاه
دانييل :ودع
يوسف بصراخ :واااهضرووووو شكووون هادي القلااااوي
فهد داير يديه فجيمو : اندريا
يوسف غير سمعو وقف مصدوم
♣️الجزء :1541
يوسف بصدمة :شنو كاتدير اندريا معاك
دانييل عقلو ماشي معاه ماسمعوش كاع
يوسف شاف فسحر لي كاتبكي خنزر :ونتي علاش كاتبكي
سحر ماجاوباتش
يوسف بعصبية :هضرووووووو جااااوبووووني
فهد :يوووسف نقص من صوتك
يوسف :كييييفاش ننقص من صوتي شنو كاتدير اندريا معاه وعلاش هادي كاتبكي عليها
سحر عينيها حومر :تهدن غادي تفهم كلشي
يوسف :هي دااااابا فهموووني اش طاري
سحر وقفات :خاصك تعرف كلشي اصلا ماكين لاش نخبيو تبعني لجردة
خرجو بربعة لجردة وخلاو دانييل واقف قدام باب غرفة العمليات
خرجو ووقفو فالجردة
يوسف : كنسااااين هضري
سحر تنهدات وبدات تعاود ليه شنو طرا ملي حبسها دانييل وعذبها وملي سلمات وملي تابت ولبسات النقاب عاودات ليه كلشي وهو مخنزر
سحر : هادشي لي طرا . هي تابت ورجعات لطريق المستقيم وربي كيغفر
يوسف بتاسم باستهزاء :ساااهلة عندكم دغيا تقبلتوووها .تقبلتو وحدة كانت طامعة فمرتيييييي
سحر : هاااديك لي كانت طامعة فمراتك سميتها اندريااا . هادي لي لداخل عااائشة
يوسف بصراخ :شنوووو كاتخورييييي راها نفس الشخص
عصام بحدة :هيييييي غادي تنقص صوتك وتهضر معاها بشوية ولا نضرب دينمك
سحر :نتا ماعارفش التغيير لي طرا ليها ايوسف كرهات نفسها وحرقات جسمها كلو من قوة الكره .تابت وتقربات نالله ولبسات النقاب
فهد : ربي كيغفر ايوسف وهي كانت اجنبية وتفكيرها متفتح ونهار دخلات نالاسلام كلشي تمسح ليها
عصام :ماعندنا لاش نحاسبوها دابا الانسان ملي كيتوب خاص نشدو ليه فيديه ماشي نلوحوه
سحر :وداكشي لي درت انا شديت ليعا فيديها ورجعات صاحبتي ومستحيل نتخلا عليها .ربي زرع فقلبي محبتها حيت ربي حبها . كنأكد ليك ايوسف هادي لي لداخل وحدة تانية ماعندها علاقة بأندريا . ياك نتا عاقل على اندريا كانت ضريفة وقلبها بيض
يوسف بقى ساكت : والعائلة كيفاش غادي يتقبلو هادشي
سحر : هوما اصلا حتى حد ماعارف بلي هي خطفات ليليان . وحتى ليليان براسها ماعارفاش
فهد : ماشي مهم هادشي اصلا تتشافى وتبعد
سحر خنزرات دموعها ساييل : ماتهضروووش على صاحبتي بحالا جالسة على قلبكم قلت ليكم تابت وتبدلات
يوسف :يااك قلتي تابت مزياان الله يسامح وننساو الماضي ولكن ادا نجات وماماتتش تمشي لشي قرينة وتبعد مننا
سحر وجهها رجع حمر اصلا رجعات حساسة مع الحمل وعائشة رجعات كاتحس بيها صديقتها المقربة
سحر :ضد فيييييكم ماغاديش تبعد عائشة غادي تبقى هنااااا وغادي تبدا حياتها هناااا ولي ماعجبو حال يضرب راسو مع الحيط . قلت ليكم تبدلاااات مابغيتوش تفهمو
خلاتهم واقفين ودخلات عند دانييل
♣️الجزء :1542
يوسف بعصبية : واااش هادي مريضة خاصنا نسامحوها وزيد نتقبلوها
عصام :خلي تدوز هاد الليلة بعدا ونهضرو فهادشي
فهد : ماضنيتش لهاد الدرجة سحر تعلقات بيها
عصام :نهار خرجات معاها جات كاتعاود ليا بحماس . رجعات عزيزة عليها وفرحانة بصداقتها
يوسف حاط يديه على راسو :مازال مامتيق هادشي بحالا عايش ففيلم
دخلات سحر وقفات قدام دانييل لي عينيه فالارض
سحر :مالك نتا
دانييل :ضحات براسها وتلاحت قدام الرصاص واخا انا عذبتها وغتا صبتها
سحر شافت فيه بسرعة وخنزرات :غتاصبتيها ؟
دانييل حرك راسو بأه عاض على فمو
سحر تنهدات وهزات راسها لفوق كاتبكي :يااااربي نتا قادر على كلشي كيما عطيتيها فرصة تتوب وتتقرب منك عطيها فرصة تعيش وتعوض الماضي الكحل لي عاشتو
دانييل هز راسو لفوق وتنهد
سحر شافت فيه :ونتا علاش مقهور هاكا ياك حتى نتا كاتكرهها وباغيها تموت
دانييل سرط ريقو وماجاوبهاش
دخلو الدراري ووقفو حداهم . عصام شاف سحر عينيها حومر ودموعها سايلين قرب عندها عنقها
عصام : صااافي مابغيتش نشوفك كاتبكي دعي معاها
سحر :يااربي شافيها ياااربي
بقاو تقريبا جوج ساعات واقفين حتى تفتحات الباب وخرجات الطبيبة كاتحيد ليكات
غير شافوها سحر ودانييل وقفو قدامها
دانييل :كيف بقات ياك عايشة ماوقع ليها والو
الدكتورة تنهدات وبتاسمات :الحمد لله قدرنا نخرجو الرصاصة
دانييل سمعها تنهد بقوة
سحر :هي بيخير دابا
الدكتورة :الضربة جاتها فالكبد شي لي خلانا نستأصلو قطعة من الكبد . ولكن المشكل ماشي هنا
دانييل سمعها قرن حاجبو :شنوووو
الدكتورة : السيدة تعرضات لعنف كبير وضربات قوية فراسها شي لي خلا الدم يتكبد وسط راسها وخاص ضاروري دابا نديرو عملية خطيرة لراسها
سحر وجهها صفر : العملية خطيرة
الدكتورة :مع الاسف خطيرة ولكن ان شاء الله كلشي غادي يكون بيخير
دانييل :وشنو كاتساينو بداو العملية
الدكتورة : مايمكنش دابا غادي نصبرو حتى تفيق ويجي الدكتور ديال الرأس وندخلوها لعملية التانية باش جسمها يقدر يقاوم ومايضعافش
♣️الجزء :1543
بعد نصف ساعة حلات عائشة عينيها كاتلقى راسها مازالة فغرفة العمليات كاتشوف غير الضبابة وكاتسمع صوت الالات
سحر حلات الباب ودخلات وقفات قدامها لابسة لبس العمليات ودايرة ماسك ففمها عينيها كيقطرو بالدموع وهي كاتشوف وجهها كلو منفوخ ماتقدرش حتى تكمل فيه الشوفة
سحر تكلمات بصوت مبحوح بالبكا :عائشة عائشة كاتسمعيني نتي بيخير ماتخافيش
عائشة سمعات صوتها حلات عينيها ولاكن مابانتش ليها واضحة هزات يديها حيدات الماسك . وتمتمات بهمس
عائشة :ل ل
سحر قربات عندها : شنو قلتي ماسمعتكش
عائشة : ل لليليان ليلللليان
سحر حلات عينيها
عائشة : ع ععافاك ب بغيت لللل ليليان
سحر سمعاتها بقات ساكتة
عائشة دموعها هبطو من جنب عينيها المنفوخين وتكلمات بهمس
عائشة : ب بغيت نهضر معاها قبل مانموت ببببغيت نتسامح معاها ع ععفاك جيبيها عافاك
سحر شدات ليها فيديها :ماتفكريش فهادشي غير رتاحي دابا
عائشة دموعها هابطين : ع ععافاك جيبيها خايفة نموت قبل مانتسامح معاها
سحر بدات تبكي وهزات يديها كاتبوسها
سحر :ماغاديش تموتي مازال غادي تعيشي ماغاديش نسمح ليك تفارقيني بعدما ولفتك
عائشة شهقات ببكاء : ماعمرني غادي ننساك حنيتي فيا واخا انا اذيتكم
سحر حركات اسها بلا كاتشهق :هاديك ماشي نتي هاديك اندريا . نتي عائشة . عائشة صاحبتي
عائشة تمتمات :ادا كنت ببببصح صاحبتك جيب للللليليان نتسامح معاها
سحر :كنواعدك غادي نجيبها وحتى نتي واعديني تتشبتي بالحياة وماتمشيش
عائشة بتاسمات وغمضات عينيها كاترتاح
سحر باست يديها وخرجات من الغرفة كاتبكي غير شافها عصام خنزر
عصام :قلت ليك ادا غادي تبكي ماتدخليش
سحر ببكاء : كون تشوووف حالتها اعصام وجهها مابقاش كيبان كلو منفووخ
دانييل حاط اللور دراسو على الحيط
عصام : صافي غير تتشافى وترجع كيف كانت
سحر بعدات راسها من صدرو كاتقلع لبسة دالاطباء
سحر :خاصني نمشي خاصني نمشي
عصام :فين تمشي
سحر : غادي نمشي نجيب ليليان . عائشة بغات تتسامح معاها
يوسف غير سمعها خنزر : شنوووووووووو
♣️الجزء :1544
سحر : غادي نجيب ليليان تتسامح مع عائشة
يوسف بحدة :وااااش هترتييي اسحر راني شااااد راسي بزز
سحر بعصبية : عااائشة كاتمووووت وطلبها تشوف ليليان وتتسامح معاها
.يوسف بصراخ : وااااش تسطيييتي تجيبي لياااا مراااتي حتى لعندها
سحر جلسات فالارض كاتغوت وتبكي
سحر :ديييييما كانوقف معااااكم انا ونهار طلبت منكم حاجة مابغيتوووووش
عصام :سحر شوو كاتديري وقفيييييي
سحر :والله مااااانوقف واااااعدتها نجيبها تتسامح معاها مال قلبكم قاصح هاكا
يوسف عض على فمو :سحححححر ماتعصبينيييش
سحر : اقسم بالله وماتخليني نجيبيببها عمرني باقية نعرفك غادي تنسا وحدة سميتها سحر ونتا عااارفني نديرها
فهد وعصام وقفوها من الارض
فهد :مال مك الحمل سطاك هاكا
سحر كاتبكي بقهرة :حييييت انا قلبي ماشي حججججر واحدة لداخل كاتصارع الموووت وامنيتها تتسامح مع ليليان وهو كيقول لاا
عصام شاف فيوسف :سير جيب ليليان
يوسف خنزر :خويا عصاااام
عصام : تكون دارت لي دارت واقفة على حافة الموت وبغات تتسامح معاها . نتا براسك ادا ماتت ضميرك ماغاديش يرتاح . سير جيب ليليان وعاود ليها فالطريق شنو طاري
يوسف بقى واقف مخنزر
عصام :سمع هضرتي وجيبها
يوسف زير على يديه وضار خرج . سحر غير شافتو بتاسمات وهزات يديها كاتمسح دموعها وضارت كاتطل على عائشة من الزاج
♣️الجزء :1545
دخل يوسف لفيلة نيشان مشى لبيتو ودخل معصب لقى ليليان ناعسة وحداها جسور
قرب منها كيلعب فشعرها
يوسف : ليليان كبيدة فيقي
ليليان بسرعة حلات عينيها نعاسها جع خفيف بسباب جسور . ضارت شافتو بتاسمات
ليليان :حياتي
يوسف تنهد :نوضي تخرجي معايا بغيتك
ليليان تجلسات قارنة حاجبها :شنو طاري
يوسف مد يديه كيدير ليها الشعر ورا وذنيها : ماتخافيش ماطاري والو . رضعي جسور ونوضي معايا بغيتك
ليليان :عاد رضعتو دابا شوية
يوسف :واخا جبدي الحليب من صدرك وخليه فالرضاعة
ليليان :خلعتيني شنو واقع
يوسف مد ليها الماكينة والرضاعة لي كاتجبد بيها الحليب من صدرها
يوسف :ماتخافيش غير ديري داكشي لي كانقول ليك
ليليان :خويا بيخير ؟
يوسف :بيخير غير نوضي
ليليان جبدات الحليب من صدرها خلاتو فالرضاعة ناضات لبسات العباية والشال
يوسف هز جسور وخداه لذكرى هو والرضاعة . ومابغاش يقوليها شنو طاري
خرج هو وليليان ركبو فطوموبيل وتحرك جيهة لوبيطال . عادين وكيعاود ليها شنو طاري عاود ليها كلشي منغير انها خطفاتها . قال ليها بلي دانييل ملي عرف داكشي عليها جابها وعذبها وتابت من بعد . وعاود ليها شنو طرا هاد الليلة وبلي هي دابا على حافة الموت وباغية تتسامح معاك
وقفات طموبيل يوسف ونزل هو وليليان
ليليان وجهها صفر مازال مامستوعبة هادشي . هادشي جاها بحال الصاعقة كانت نسات اندريا ونسات الماضي اصلا داكشي عمرها دارتو فبالها ديما كانت كاتضحك على هاد الموضوع
دخلو من باب دلوبيطال ليليان متوترة وكاتضور عينيها
سحر شافتها جات عندها بزربة
ليليان :سحر واش كاتموت ؟
سحر شدات ليها فوجهها : بغات تتسامح معاك عندها عملية خطيرة .دخلي وتسامحي معاها الله يرضي عليك
ليليان سرطات ريقها وحركات راسها بواخا
يوسف : ماغاديش تدخل معاها
سحر :انا غادي ندخل معاها اجي اليليان تلبسي عليك
مشاو جيهة الباب فين غادي يلبسو وقفهم دانييل
دانييل : انا لي غادي ندخل معاها
♣️الجزء :1546
دخل دانييل وليليان لبسو لبس الاطباء ودارو الماسكات عاد مشاو لغرفة العمليات
حل دانييل الباب ودخلات ليليان كاترجف وهو دخل من وراها
قربات ليليان عندها بخطوات بطااء حتى وقفات فوق راسها . غير شافت وجهها خسرات سيفتها وعينيها دمعو على حالتها
عائشة سمعات الحس قدامها حلات عينيها بشوية غير شققاتهم شافت فدانييل وقلبات عينيها غير شافت ليليان بتاسمات وتمتمات
عائشة :ل ليليان
ليليان قربات عندها : هانا اندريا كاتسمعيني
عائشة سرطات الغصة لي فحلقها ونزلو دموعها
عائشة : ذنبي كان عضيم عند الله . ولكن الله واعد عبادو التائبين بالمغفرة
ليليان عينيها مغرغرين
عائشة شنايفها الزورق كيترعدو : خايفة نموت ونوقف قدامك عند الله وتطلبي حقك
ليليان كاتشوف حالتها وجهها كلو منفوخ وزرق عينيها ماكيبانوش بقات فيها وقطعات قلبها اصلا ليليان انسانة حنيينة بزااف بدات كاتبكي
ليليان :ماتخافيش ماغاديش تموتي
عائشة بتاسمات ودموعها على خدها : س سسس سامحي اندريا على اي حاجة دارتها ،سامحيني قبل مانموت
ليليان دموعها هبطو تأترات بالوضع ديالها
ليليان :انا نسيت اصلا مادرتي ليا والو عمرك اديتيني
عائشة سرطات ريقها : حشمانة من الهضرة لي وصلاتك عليا
ليليان : نساي نساي الانسان كيغلط ونتي ماكنتيش مسلمة . دابا كلشي تبدل نتي دابا وحدة تانية
عائشة تمتمات : يشهد الله انني وحدة ت تانية . قلبي صااافي ولكن مازال معذب ومحروق
ليليان : والله انا ماحاقدة عليك عمرك درتي ليا شي حاجة بالعكس لقيتيني مزوجة بيوسف وماأديتينيش الشيطان دخل ليك افكار خايبة لعقلك ودابا تبتي
عائشة شهقات : اقسم بالله تبت
ليليان :وانا غفرت وسامحت . غادي تديري العملية انا غادي ندعي معاك تخرجي سالمة
عائشة بتاسمات ليها
ليليان :غادي نخرج دابا ماتديري فبالك والو نساي كلشي
ليليان خرجات وبقى دانييل واقف ومهبط عينيه احتراما ليها عارفها لابسة نقاب وماباغاش لي يشوفها
دانييل : حتى انا كنطلب المغفرة منك على اي حاجة درتها ليك سمحي ليا
عائشة تمتمات : عمرني حقدت عليك اي حاجة درتيها كان منحقك تديرها
دانييل زير على يديه وضار خارج حتى وقفاتو ملي نادات ليه
عائشة : دانييل
دانييل وقف وضار عندها
عائشة : ادعوك الى الاسلام ادانييل . والله عمرني حسيت بالراحة الا على دين الاسلام
دانييل تشوكا وبقى ساكت
عائشة بتاسمات وتمتمات : ادعوك الى الاسلام . كن على الارض محمدا
غير كملات كلامها دخلو الاطباء بزربة باش يبداو العملية
#يتبع