#قناص_بغداد(مُهمة_وطن)
البارت السابع والثلاثين
بـقلـم: زيــنب عــلي
حبايبي لا تنسون التصويت + متابعة الحساب zainab_ali1 + تعليق بين الفقرات ♥️
Instagram: zainab__.ali1
TikTok: zeinab_.ali1
طبينا الحرب واحدنة
يطوي الگاع !
ومن شفناك واگف
ايد ما شلنة ،
جمعنا سيوفنا وردينة
مو من الخوف ،
چي شفناك
واگف بالحرب ضدنا
ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ
سُـمانه ...
گاعدين على الغداء دگ تليفون صياد رد وتغيرت ملامحة بينت عليها الصدمة وفتح عيونه كل وسعهن وگال بحدة
-صـيـاد: شجاي تگول شنو الفيديو حقيقي مستحيل وين وين أنتَ وين
گام من الغداء وصعد بسرعة فوگ وصوته عالي يصيح
-صـيـاد: مستحيل أكو غلط انه هسه جايلك شنهي قابل وين چنت أسوي هيچ فاقد عليها وما حاس بروحي ملكة جمال الكون و مادري دروح جايك جايك هسه طالع
شويه ونزل شفته مبدل وطلع بسرعه يركض وعمتي صيح ورا
-كـحِيلـة: ولَك صياد وين رايح فهمني الفيديو طلع حقيقي صخام صخمك تعال فهمني
عافها وطلع ركب بسرعة سيارته وراح
لزمتها أمي تحچي
-فـاتـن: على كيفچ كحِيلة خلي الولد يشوف شغله وياهم
طلع بابا ورا يصيح
-خـزعـل: استرنا ربي بسترك منين اجانا هذا الضيم منين اجه
گعدت عمتي تلطم على رجليها
-كـحِيلـة: شلون بيه فاتن أولي عليك النشمي شلون بيه إبنك راح يصخم وجهي
انطتها مي أمي وهي تگللها
-فـاتـن: أهدي دادة وصلي على النبي گولي يالله
نزلت دموعي وگعدت شابكت ايديناتي وخليت رأسي بين ركبي ليش هيچ سوه بيه صح هو ما وعدني ولا مرة بحياته يحبني ولا گلي أحبچ بس عيونه تحبني عيونه تلاحگني عيونه يلعمن من يشوفني معقولة نظراته ولمعة عيونه كلهن چذب لو هذا أنعكاس عيوني اني من اشوفه ؟
رجع أبويه اخذ سويچه وطلع ورا شويه وراجع اخذ عمتي ودخلوا للغرفة مانعرف الموضوع شنو تقريب نص ساعة وطلعوا ثنينهم وجوهم مگلوبة گلب
بقينا على هالحال ماعرف شگد مر من الوقت ورجع هو وبسرعة طب الغرفة عمتي ما تحملت ما أسمع شنو يگللها ردت أسمع بأذني حتى أقطع الأمل بي
تقربت وتأكدت أمي راحت تجيب مسواك هي وأبوي يعني يتأخرون سمعته يگول الها
-صـيـاد: ما أعَرف يمه يگلولي الفيديو حقيقي لااا مستحيل حقيقي انه ما مسويها أبد والله يمه لا حاط حرام بحلگي ولا حتى محاچي بنت بحياتي غير الجازي وصيدتي بحياتي ما محاچي غيرهن ولا أبد وحتى من چنت اگول احچي اچذب حتى اخلي سمسم تبتعد بعد شلون تعرفت عليها ونمت وياها وحبلتها وانه ما ادري بروحي راح أتخبل ؟!
گالت عمتي نبرة صوتها مبحوح كلش چانت مطبگة الظاهر بچت هواي
-كـحِيلـة: يعني شلون صياد چا شلون الفيديو حقيقي وهذا حچيك شنو ؟
گال بنبرة محتارة
-صـيـاد: ما أدري يمه ما أدري شلون شلون هسه عاشور أخذ الفيديو هو يعرف هيچ راح يشتغل على الموضوع أصلًا هو راح ينزل الأمر مالتنا يريدنا إجتماع تلگينه بالطريق هسه
-كـحِيلـة: يجي عاشور ونشوف الله كريم الله يجعل كيدها بنحرها عساها بحظها وببختها كون قهرتي وحرگة گلبي ما تتعدها بجاه هاي العصرية وفاطمة الحورية
سكتت شويه وكأنها حضنته ورجعت گالت بنبرة هادئة ومليانة حنية
-كـحِيلـة: انه وياك وبظهرك سيف وسند وليدي دام أنتَ ما مسوي الغلط و واثق من نفسك وعلى حق أرفع رأسك أنتَ إبن النشمي خوش ولا تستلم وطلع حقك من عيونهم وإكسرها فهمت
غمضت عيوني تنفست براحة ومن يمي نترست قوة عجيب حچيها شگد ينطي قوة للمقابل گال الها بثقة
-صـيـاد: عد عيناچ كحل عيني أذا ما شكيتها بالنص ما أطلع إبن النشمي راح أصعد أبدل وعندي چم شغلة اگضيها لحد ما يوصل عاشور
گالت بشهگة بينت بصوتها
-كـحِيلـة: أمانة عليك من يوصل شمه وشبكه حيل عني مايقبل اتگرب صوبه اسلم علي من بعيد بس رايده تشمنه وتبوسه عني گلبي ميت علي نياط گلبي
گللها وصوته مليان حنية
-صـيـاد: يا بعد روحي دموعچ تغسلني لا تبچين أكيد بيوم من الأيام راح يرجع كلشي طبيعي هو حنين ماكو بحنيته بس زعله ثجيل شوية
سمعت صوت الجرباية أكيد گام سويت نفسي داصعد درج فتح الباب وصعد وراي صرنا اني ويا على درج وأحد حسيت عيونه تخترقني گال بتعب
-صـيـاد: شني هذا الضيم دخيلك يا علي
التفتت عليه شفت عيونه تعبانة وجهة صاير أصفر نزلت دموعي وصعدت بسرعة لحگني
-صـيـاد: شبيچ لا تصيرين أنتِ والدنيا عليّ ما اسويها انه وتعرفين كلش زين ما اسويها
درت عليه بعصبية وحقد
-سُـمانه: الفيديو حقيقي صياد حقيقي واني چنت متأكدة منه وهسه حتى أنتَ تأكدت بعد شنو الما اسويها يعني
ميل رأسه بترجي وعيون ذبلانة گال
-صـيـاد: گلبچ يگلچ انه اسويها سمسمه انه صياد اسويها وانجس روحي ببت غازي
بقيت اباوعله والرؤيا عندي صارت تغوش أثر تجمع دموعي خلا ايده على المحجر حيل ضربه وصاح وعيونه صارن حمر دم
-صـيـاد: احچي سُمانه گليلي گلبچ شيگلچ صياد گلبچ يسويها وينجس روحه
رديت بصوت يرجف بس قوي
-سُـمانه: ادوس على گلبي لأن ما يعرف يكرهك ولا يعرف يصدگ شي ضدك بس عقلي يشتغل اني بنت يتحكم بيه عقلي مو گلبي حبيتك طول هاي السنين وأنتَ ممعبرني وچنت اگول حقه روحه مو بيده ويخاف عليّ بس للأسف طلعت چذاب وحقير تريد تعيش حياتك بعيد عني
رد بـ أستغراب
-صـيـاد: وهذا الي فهمتي أعيش حياتي بعيد عنچ طيوري السائبة ؟
-سُـمانه: هذا الي كان لازم أعرفه من زمان بس من اليوم اني راح اعفيك مني ومن كلشي يخصني وحتى گلبي اعتبره بعد مايحبك كل مرة اگلك مالك علاقة بيه لان تهمني هاي المرة حتى تجاهلك الي وصدك ما يفرق بعد وياي واني الي مالي علاقة بيك أنتَ من اليوم متت من گلبي
وسع عيونه بحزن وگال برجفة وصوته صار خافت
-صـيـاد: لا ما أقبل اطلع من گلبچ ومستحيل اطلع لا صيدتي لا
عفته ورحت الغرفتي بسرعة وسديت الباب تجيت روحي على الباب اخذت شهيق ونفس عميق واني اردد ويا روحي
-سُـمانه: المايريدني ما اريده لو اعرف اموت من ورا وينصب ذهب اني سُمانه بت خزعل وأخت عاشور ما تنزلي دمعه ولا ينكسر كلبي على أيَّ بشر
طلعت كتبي وگعدت أدرس محد يفيدني غير دراستي وانتضر عاشور يجي محتاجته هواي
عاد هو خلا وطلع بعد ماعرف شنو صار لأن من رجع كلشي محچوا بعد ...
𔓕𔓕𔓕
الـجـازي ...
سالفة صياد بعدها معلقة ولغزها ما معروف شنهو بس يشتغلون على الموضوع مدري شمالني گلبي ما مرتاح رغم نعرف أديان وخبثها
باچر عرس هَـمم ومحتارين بروحنا ثائر صدمها خبنها خبن بأسبوع وأحد عرفت كلام ديوان ويا ما راح يعدي على خير خلا الولد يستعجل كله من ورا
وركضنا ركضه طويريج وياها وراحت السنة عليها وديوان گلب البيت گلب لان ضاعت السنة ومارضت تمتحن بس بعد هو تحدد كلشي وهو گلها أن لا الي علاقة ولا أبد فشلي بحياتچ مو بس الزوجية حتى دراسية والمهنية ..
گاعدين نحضر جنطتها حتى نوديها البيتهم هي حاطها بطابق الثالث لسويت مالتهم كامل واصلا اكلها وحدها يعني عازله من أهله وهو هيچ راد هي ما طلبت
چانت تحچي ويا بالتليفون
-هَـمم: يعني ثائر تحچي صدك والله جاي أهلك من التعب مدالحك حرفيا كلشي مدالحگ شبيك خلي اتنفس شوية
فاتحة سبيكر وتفتر تطلع بالغراض وتنطينا انه ومون ومشاعل ونرتب
-ثـائـر: أريدچ يمي غايتي كافي الي نتظرته صارلي سنين وعد اعوضچ عن سنتج الدراسية وكله احطه الچ خصوصي
گالت بضوجة
-هَـمم: اني مو على مود هيچ بس اني اگدر امتحن ومسيطرة على المواد أستعجلت ثائر فد مرة حتى هيچ عرس ماريده
گال الها بنبرة قهر
-ثـائـر: ندمانة عليه هَممي والله انا لان اريدچ ما قصدي تكرهيني وتضوجين مني شسوي هَـمم وترضين خلص هاي هي هسه كلشي بتأجل بس لا تكرهيني انا مالي ذنب
سكتت تنافخ بملل گلت
-الـجـازي: هاهوو يگول أبو المثل على ما تقنعهم أنتَ واوي جلدك یروح للدباغ
ضحكت مون بنزاكة وهي سماعتها بذانها تحچي ويا عزرائيل مدري شسمه
وهمم بالكوه كاتمة الضحكة نهت المكالمة منه على السريع وفطست من الضحك گامن يرافسن
-الـجـازي: ويهد شمالهن هذن حچيتلهن نكتة هو مثل
-هَـمم: شقصدچ جزجز ترى خطية والله مظلوم وفقير على گولتچ بس يعاين بعيوناته لا يحچي ولا يشكي أكثر من ديوان حرمه من شوفتي ولعب طوبة وهو ساكت كلشي ما حچه
عضيت إصبعي احچي
-الـجـازي: هو انه ما عالني غير هالديوان يحلل على روحه ويحرم على العالم
گالت مون بحماس
-مـون: اييي لچ يمه اتخيل من اتزوج وانخطب وديوان ميخلي يجي يشوفني اوي فدوة
نخلست گبل وحطت أيدها على حلگها وأشرت على التليفون وگالت بسرعة
-مـون: لا تفهم غلط قصدي يعني أذا أذا هو أنتَ لعد منو يا عيني هي العين تعلا على الحاجب
باوعت مشاعل عليهم وهزت رأسها بيأس گالت بهدوء وهي تسفط العطور بالجنطة
-مشاعل: المايعرف الصگر يشويه وأنتم ماتعرفون قيمة ديوان وقيمة نصائحة تحسبون هو متشدد ومدري شنو
-هَـمم: اوي هسه هو أخوي وأموت عليه بس أنتَ نسخة ديوان على مؤنث
گامت وهي تسد الجنطة وتسحب الجنطة الثانية
-مشاعل: حچاية الحق ما تحبوها تحبون الي تسون الخطأ گباله ويأيديكم ويسكت
گالتها وهي تعاينلي
-الـجـازي: شقصدچ علي انه شنهي قابل الزم عليهم سيف وحدتهن بگد البعير شسويلها لو اروح افتن عليهن مره چنه انه بهذا البيت منهو راح يصدگني
كتلها اخير حجايه وانا اغمزلها أقصد هي تفتن كلشي الديوان
گالت ببرود
-مشاعل: افتن عليهم المصلحتهن أحسن ما يطيح الفاس برأس ويروحن بيها وحدة ضيعت سنة دراسية على الفاضي علمود وأحد غامض هي ذات نفسها ما تعرف علته والثانية حابه أخوي الي شكو تصخيمة مصخمها وبعدين تبچي وتنوح
-الـجـازي: چا انه شلي غرض هذا هو اخوچ وروحي گليله لو ما تگدرين الا ترشين من السم البيچ عليه
گالت هَـمم بزعل
-هَـمم: والله هو لطيف ويجنن بس هو ما يبين الأحد أيَّ شي هو بس وياي يتعامل على طبيعته
هزت براسها بعلامة أيّ وكملنا شغلنا ولمينه كل حويجاتها وحضرناهن من يرحون شهر عسل عود نوديهن نسفطهن
رحت الغرفتي ركض البس هدومي خابر ديوان حتى نروح للدكتورة گلي نص ساعة واجيچ بسرعة نروح ونرجع عنده شغل
لبست عباية خليجية وحجاب للسرعة بـ العادة ما البس عباية رأس لا عباية خليجية بشتات هاي السوالف
نزلت لگيته بالهول ينطي حصة جده إبراهيم من الشغل
-إبـراهـيم: والنعم منك وليدي من لزمت الشغل لليوم وهو عال العال والربح زاد بحيث لا عمامك ولا إحنا محتاجين شي بالعكس العيشه صارت بذخ
گال ديوان ومن شافني ابتسم وگام
-ديـوان: والله يا جدي مو شغلي بس وجهها وجهها خير عليه اجتي وجابت الخير كله وياها أم بيتي المعدلة
دار علي جده وهو يبتسم
-إبـراهـيم: والنعم من غزالتك بت أصول صوتها ما ينسمع
رحت حبيت أيده وانه احچي
-الـجـازي: الله يحفظك ويطولنا بعمرك جدي
حط أيده على رأسي يحچي
-إبـراهـيم: الله يحفظچ بنيتي الله يحفظچ
طلعنا بعد ما سلمنا عليهم قدم الي ايده ابتسمت وكضيتها باسها وغمض عيونه بحب
-ديـوان: أحبچ دجلتي وفراتي غزالتي ودم الغزال
-الـجـازي: اموتن عليك بعد أهلي
صعدني وسد الباب صعد يمي ولزم ايدي بقوة يتنفس سريع عيونه تضحك واحسه متحمس وصلنا ويا الموعد نزلنا گبل طبينا لأن حاجزين
-ديـوان&الـجـازي: السلام عليكم
ضحكت من شافتنه
-اسماء: اهلا اهلا وعليكم السلام اهلا بالعرسان
ضحك ديوان وگللها
-ديـوان: راح تجيب مرتي وبعدچ تگولين عرسان
ضحكت وانه تمددت على سديه
-اسماء: هم صح بس ما اشوفكم غير عرسان جدد لو يصير عدكم ألف طفل
حطت الجل وبدت تفتح الجهاز حطته على بطني وهي تعاين بي بـ أبتسامة گالت
-اسماء: هاي الحلوة الصغيرونة أميرة أبوها گاعدة ومتشخصة هم
فتح البردة وگال بصدمة
-ديـوان: چذب بنت والله دكتورة بنت
من الصدمة ما يعرف شيحچي ضحكت وگالت
-اسماء: أيّ والله هاي هي بنوته ومبينه وكيحة فد مرة
اتگرب وانه بعدني متمددة حضني يبوس بيدي من كل گلبه وهو يعاين الشاشة السونار بكل حب وعيونه هيچ تلمع
-ديـوان: الحمد لله يارب استجبت دعائي و رزقتني ببنت الحمد لله
حب رأسي بهدوء نزلت دموعه ويا دموعي من شغلت صوت نبضات گلبها گال بخفوت
-ديـوان: شلون اجازيچ وأنتِ جايبتلي غزالة شلون ؟
رفعت رأسي عليه ولتقت عيوني بعيونه ما أشوف بس دموعه تنگط ودموعي قبل دموعه
-اسماء: ألف مبروك غزالتكم تجنن جنها گمر وضعها الصحي عال العال ويارب تكومين بسلامة أنتِ والاميرة الصغيرة
طلعنا والفرحة ما سايعتنا
-الـجـازي: دعيت الله صير عندك بنية ؟
گال بفرح وهو يبوس أيدي حيل
-ديـوان: صارلي ثلاث شهور كل ليلة بقيام الليل أدعي ربي يرزقني بنية تدرين الي ببطنچ هاي تحجب عني نار جهنم هاي الحسنه الي دخلني الجنة هاي الي بكبرتي راح تشيلني وترفع رأسي متخيلة حنيتها علينا أكو أحلى من البنات زينة البيوت البنات
ابتسمت وحمدت الله وشكرته رزقني بهيچ شخص متفهم ويحترم البنت ويحبها بوكت البنات صاروا عار وقتلهم اسهل من شربة الماي
وصلنا للبيت بشرناهم وردت أصعد
والخفت منه صار ، صار يهتم بيه بشكل مضاعف عن قبل وخبصني
كضني وگال
-ديـوان: أدري طايرة صاعدة الدرج هيچ رجيتي دماغ غزولة
عاينتله بصدمة
-الـجـازي: شنهي چا يمتى نوصل وشنهي غزولة رقيقة عشتو ما تتحمل خليها من هسه تتعلم على الحلحة ماصير فاهية شمَالك
صعدت گبله للحجرة أول ما دشيت لگيت فستاني وأصل وعقد الماس كامل تلمسته يعجب من الجمال يصير عبالك شلون الماس منثور والخيوط مالته شفافه ما تبين بحيث من ينلبس عبالك الماس مطشر على الصدر
حضني من وراي
-ديـوان: اسف مو قدرچ حبيبي ردت اجيبلچ أحلى بس الوقت ما سعفني
تلمست لحيته الخفيفة وقربت رأسي على رأسه حركت خشمي الى خشمه بهدوء
-الـجـازي: يعجب بعد طوايف أهلي كلشي منك يجنن گليبوني
باوعلي بقرف
-ديـوان: اطب أسبح احسلي أم گليبوني بطليها
ضحكت عليه وتمددت باچر وراي يوم شطوله باجر تجي بس أمي وفاتن سمسمه عدها مراجعة ما تگدر وهاي ضيعت سنه علمود العرس يالله الله يهينها
بين الغافية والگاعدة حسيته جرني حظني وهو يهمس بـ أذني
-ديـوان: حبيبي أحبچ نوم العافية أم غزالتي
درت علي حطيت رأسي على صدرة وكملت نومتي
گعدت الصبح لگيته طالع والبيت هوسة گمت سبحت واجن البنات نفس الفقرة مكيجوني بس الصدمني موش بدله لا جيمسوت هذا الكامل ويصير أبيض والفوك مالته الصدر كله ريش ومابي ردانات وحطولي مكياج بس كحل هيچ مجرور اليفوگ وحمرا حمراء
وصل بوكيه الورد ابتسمت وانه اقرأ الكارت
''كلها راح تلبس ذهب بس أنتِ الماس وكلها راح تلبس بدلات بس أنتِ شي مختلف يالمختلفة مميزة عنهم كالعادة أحبچ دم الغزال ''
لبست وكملت طلعت حيل حلوة صورت ورحي ودزيت السُمانه دزتلي ڤويز
-سُـمانه: حظچ والوزاري يخلص كلشي ماريد من الدنيا بعد
رجعته عليها
-الـجـازي: صخونة مال حصونة راح تطگيني عين هسه يطلگني
طلعت ماكو هوسة بيتنا بس أهل ديوان وهيچ نزلت وبيدي عباتي وحجابي وجنطتي قفلت الباب لأن ديوان اصلًا ما يحظر بس يسلموها الثائر وهاي هي ودزلي رسالة أن هو مبدل وطالع يجيب الورد مالتها
وصلت هَـمم للبيت وياها مشاعل الي يعجبن طالعات وهمم نزاكه وبساطه الدنيا كلها بيها وبدلتها نفشتها حيل بسيطة لا هو ما يحب المبالغة وشعرها نازل ومرفوع من جوانب والتاج نازك وكله مرصع بأحجار كريمة ومكياجها ورديات وحمرتها وردي طالعة تجنن چنها ملاك
لحد ما اجت الزفة وطلعوها خوانها ميكائيل ويامن وديوان وأبوها بس ديوان قبل مايطلعون ما سلم عليها ولا عاين الها اصلًا واگف بالباب من طلعها أبو وهو وگف ورا أبو وبس
هَـمم ...
متت من القهر من ما سلم عليّ ولا باوعلي اصلًا صعدني ثائر وانه دموعي ما وگفت وهو احتار بيه
-ثـائـر: لا تبچين حبيبي هسه مو عشتي يمهم عشرين سنة شنو ما شبعتي منهم بس لا تبجين فدوة اروحلچ
گلتله بقهر واني أمسح دموعي
-هَـمم: حتى ما گلي مع السلامة ولا ودعني معقولة كرهني وما يحبني بعد واني مدللته چنت
حضن أيدي يطبطب عليها لحد ما شغل أغاني وغيرلي مود ما يعرف يشاقيني بس يحاول وأني هم فكيت وأخوي بيوم من الأيام راح يعذرني أو يسامحني ماعرف ممعقوله يبقى طول العمر ميحچي ويايه !!!!
رحنا صورنا أول شي بعدها طلعنا للقاعة وصلت ورتبوني ودخلنا الدخولية چانت تجنن وفخمة على أغنية زهرة نيسان
انتبهت عليه طول ما احنا نمشي هو يخزر بالعالم لان يباوعون عليه وطبعًا العرس كان منفصل
گعدت على الكوشه وهو يمي وعاصر أيدي حيل تقرب عليه وهمس
-ثـائـر: قربچ يرد الروح غايتي وحلمي
خجلت ونزلت رأسي گلت بخفوت
-هَـمم: هيمانة بيك وبغرامك ثائر گلبي
ابتسمت خزرني و گال بضوجة ونبرة غريبة مرعبة وهو يباوع على الناس
-ثـائـر: همَ مايستحقون يشوفونچ أنتِ ملاك ما لازم يشوفونچ هذول ويشوهون برائتچ وجمالچ بعيونهم
كتله بـ صدمة
-هَـمم: حبيبي شنو داتحچي
گال الي بـ أبتسامة جانبية
-ثـائـر: ولا شي أنسي اصلًا ما يشوفونچ همَ بعد
ما لحگت احچي گام حتى يطلع وعافني بوسط استغرابي وعدم استيعاب واقتناعي بحچيه
أبتسمت واني أشوف مون اجت تگومني ارگص وياهم الجازي كالعادة ديوان مخليها مختلفة علينا كلنا وحتى بمكانها الحاجز الها كرسيها مختلف عن باقي الكراسي وبالمقدمة يم أمي وكل الي يشتغلون بالقاعو ياخذون رأيها بكلشي وهي تساعد وتوجه بكل رحابة صدر
نزلت ورگصت وياهم وويا أهله هم جانوا طايرين من الفرح وخاصة أمه شوي ورجع دخل واجه وقت نرقص سلو
نزلنا وأشتغلت موسيقى هادئة لزمت جتافه وجف ايده ولزم خصري وشابك ايده بيدي وبديت اتمايل ويا على الموسيقى
-ثـائـر: فرحانة بيه ؟
تأملته بحب وگلت بنبرو خافتة
-هَـمم: جدًا فوگ متتخيل
قربني عليه أكثر ولف أيده أكثر على خصري انفه على أنفي گال بهيام وانفاسه واضحة
-ثـائـر: أحبچ أحبچ ماعرف شسوي من فرحتي بيچ
حطيت رأسي على صدره مبتسمة بفرح
-هَـمم: لا سوي شي بس خليك يمي وخليني بحضنك
حضني وباس رأسي
-ثـائـر: لا توصيني طول عمرچ راح تبقين محبوسة بين قضبان حضني للأبد
باوعتله بضوجة
-هَـمم: ليش هيچ كلامك يخوف اوي ثائر تحير
كزكز
-ثـائـر: حتركتيني والنار شعلتيها بيه على هاي لـ اوي كون تنكتلين لحد ما يتغير هذا بياضچ
عقدت حاجبي ضحك ورجع حضني
-ثـائـر: اشاقه وياك حبيبي
-هَـمم: داتخوفني
عدل شعري يحچي
-ثـائـر: تخافين وأنتِ بين أدين ثائر هممي
-هَـمم: كلامك مبهم
-ثـائـر: راح اكون واضح وياچ ثقي بيه
أشرت بقبول كملنا الرقصه وصار وقت الكيك قطعنا بعدها مر العرس وكلشي حلو باجوائه وفقراته وأخيرا اجه وقت الزفة لزمت ايده حتى نطلع وكل جسمي يرجف وخايفة فد مرة
صعدنا بالسيارة وهو هادئ جدًا بس من حس برجفتي باوع عاقد حاجبه گال
-ثـائـر: شبيچ عمري ليش ترجفين
گلتله بخفوت
-هَـمم: مادري خايفة حموت خوف
بتسم
-ثـائـر: مني؟
هزيت رأسي وبعدلي شويه وابچي احس تورطت
-ثـائـر: بالعكس أرتاحي راح نبدي حياة حلوة وسعيدة بس انا وانتِ بعيدين عن البشر ونفاقهم وبشاعتهم انا وملاكي فقط لا تخافين راح تكون حياتنا أكيد أفضل ونكمل بعضنا
غمضت عيوني إشارة بموافقة على كلامه بعد فرة الزفة نزلنا للبيت مالتنا ماحبيت اروح فندق واصلا هو معزول هيچ عن أهله
بس استغربت شي أبو أبد متدخل وكأنه غريب وحتى من باركلنا برسمية حسيته بس هيچ واگف منظر لا أكثر ماحبيت اشغل بالي وتجاهلت الموضوع
ودعت أهلي باركولنا وراحوا
صعدني بهدوء أول ما دخلت صرت اتجول اكتشف بالبيت على كيفي شوي شوي جان يجنن بس الوانها غريبة الون الأسود والأحمر طاغي عليه گلت اكله يغير ما احب هيچ الوان تغمت القلب
رحت للغرفة لگيته سابح و دايبدل بهذا الي يصير عازل
-هَـمم: ثائر اني حسبح OK
اجاني صوته مليان فرح
-ثـائـر: اخذ راحتچ حبيبي شنو تردين تسوين سوي
دخلت سبحت وبدلت وطلعت لبست شورت لون ابيض ويا مالته وفوكهم روب حرير
طلعت شفته واگف يتعطر باوعلي أبتسم وتقدم ناحيتي تخربطت أحوالي وحسيت الخوف راح يموتني
حاوطني بهدوء وگال بصوت ذايب
-ثـائـر: ما يصير شي من الي بالچ لحد ما أنتِ تردين وأنتِ ترتاحين هاي الأمور كلها ما تهمني المهم عندي انتِ تكونين يمي ومالتي هَممي
هديت شويه وبادلته الحضن
-هَـمم: حباب أيّ والله ميته خوف
تبعد بأس راسي الى كيفه
-ثـائـر: إسم الله عليچ يروحي من الخوف طمني غايتي وحلمي
سحبني يم الأكل گعدني
-ثـائـر: يالله يروحي تعاي ناكل أكيد جعتي
-هَـمم: ميته من الصبح مماكلة شي
بدأ يوكلني ويمسح على خدي بهدوء وكالعادة نسه نفسه ويوكل بيه شوي شوي يوكلني
-ثـائـر: مرتي الحلوة محد يشوفچ محد يستحق يشوفچ همَ كلهم حقراء بس أنتِ نقية هَممي أنتِ انقى واحلى منهم
حطيت ايدي على خده بهدوء و گلتله بتساؤل
-هَـمم: ليش هيچ تگول حبيبي ترى بين كل الناس مثل ماكو الزين اكو الشين هسه أهلك مو حلوين أهلي مو حلوين
-ثـائـر: كلهم مو حلوين
-هَـمم: شلون ؟
مشاني للحمام نغسل وهو يحچي
-ثـائـر: كلهم مو مثلچ همَ مايوصلون الچ ولا بشكل من الأشكال
ابتسمتله مجاملة وماعرف شدايصير
هو غسلي وطلع فرشة الأسنان ردت أخذها منه بعدها يحچي
-ثـائـر: تو توتوتو حبيبتي ما تسوي شي انا الاسوي
ضحكت
-هَـمم: حتفرشي الي شلون دبرتها شنو اغو اني
باسني بقوه من خدي وكال وهو يعصرني عصر بحضنه أذاني
-ثـائـر: اخ اخ كون اضمج بوسط ضلوعي
فرش الي اسناني رحنا للغرفة حطيت عطور واجيت يمه فتحلي ايديه رحت تمددت بحضنه
ظل يمسد علي بهدوء وحب
-ثـائـر: لا تطلعين بيوم بدون علمي أبد هَـمم لا تسويها ما اضمن الچ نفسي ولا تصرفي انا أخاف من نفسي عليچ
باوعتله وضيقت عيوني ضحك وشبكني أكثر اله يحچي
-ثـائـر: نامي يا روح ثائر نامي باچر طيارتنا من صبح للمكسيك وناخذ جولة حلوة هم تستحقين أن العالم كله يكون تحت رجلچ لأن أنتِ انقى منهم ومن وصاختهم
جعصت خدوده
-هَـمم: شبيك كبرت رأسي حسيت روحي نازلة من سماء
گمت گعدت متربعة و گلتله بضحكة
-هَـمم: بس اني منعسانة گوم خلي نلعب وباچر ننام بالطيارة
ضحك وگعد
-ثـائـر: شنو تردين نسوي بكيفچ
كتله بحماس وانا اصفك واكوم ادور بالغرفه
-هَـمم: تلعب طاولي ؟
ضحك وهز برأسه ايّ رحت دورت بجرارات لكيت جنجفة وانو وطاولي ودومنة وكلهم سحبت الاونو ورحت يمه طلعت جبوسه وحلويات وحطيت مخاديد بالكاع اشرتله
-هَـمم: گوم نتونس ونشوف فلم ونلعب ما جايني نوم
ضحك ونكت الحاف وكام گعد يمي أحس بي
-ثـائـر: مسلم روحي الچ شلون ماتردين سويها بس لا تعوفيني
مددت رجليه وخبطت الاوراق وزعت الي واله بدينا نلعب بي ماينغلب ايده خفيفة فد مرة
-هَـمم: ثائر والله أزعل شنو هاي اني اريد افوز
ضحك وهز برأسه
-ثـائـر: يالله OK لعبي عدل وتفوزين
باوعتله بخزرة وسحبت أوراق ضميتها جواي ظهرت علي شبهه أبتسامة وهو عيونه بالاوراق بلا ميباوعلي
بقت أخير ورقة ذبيتها وصحت بحماس
-هَـمم: اونو فزت عليك فزت عليككك
شفته تقرب خفت ورجعت الي ورا مد ايده جواي فتحت عيوني بكل وسعهن ونفسي أضطرب گال بخفوت وعيونه على شفايفي
-ثـائـر: وهذن ؟
گلتله بهدوء وبالگوة تحركت شفايفي الي مقيدها بنظراته
-هَـمم: سامحني حباب
-ثـائـر: بشرط وأحد اغلس عليهم
ما نطاني مجال احچي ما حسيت غير أخذ شفايفي بكل رقة وحب وهدوء من الخوف ماگدرت اندمج ويا شوي حسيت أسنانه أخترقت شفايفي بس حس بيه تألمت گبل وخر
-ثـائـر: يالله فزتي يحلوة گومي طلعي النا فلم
بسرعة گمت طلعت أدور طلعت فلم وگلبي احسه يريد يوگف من الخوف
شغلت فلم چان رعب هيچ أجواء گعدني بحضنه وبيدي جبسي حاوطني بيده ريحته تجنن لا إرادي خليت رأسي على صدره وبديت أكل واباوع وكل شوي اوكله وياي وهو يا يبوس خدي يا يغطيني عدل ما يتحرك بس حتى ما يحسسني هو ما يريدني أنام على صدره
شوي وكمنه كلشي وغفينا حتى باجر نسافر
ما چنت أعرف هذا الهدوء المرعب خلفه عاصفة مميتة ...
𔓕𔓕𔓕
سُـمانه ...
گاعدة أدرس أنفتح الباب عليّ وطب عزيز عيونا أبتسمت بهدوء
-عـاشور: تاجهن فخر أخوها
تقرب يمي وباس رأسي گمت حضنته بكل قوتي ونزلت دموعي ماعرف ضغط دراسة مدري ضغط صياد والي صار مشاعري متخربطة هاي الفترة
حضني بكل قوته وگال بهدوء
-عـاشور: دموعچ يغسلني بابا ميخالف ابچي أرتاحي ادري صار عليچ ضغط هالفترة
ضليت ابچي لحد ما تعبت وخرت عنه
-سُـمانه: آسفة هيچ أستقبلتك بس محد يفهمني غيرك ضغطني السادس أريد صيدلة عاشور أريد صيدلة
باس رأسي وطلع من جيبه گلادة سنسلتها مثل الكبسولات وعلامة الصيدلية ولبسني أياها
-عـاشور: وانه متأكد راح تجيبين معدل حلو وراح تحققين حلمچ أنتِ گدها بابا بنيتي واثق منچ حيل
-سُـمانه: الله لا يحرمني منك ولا من حنيتك عليه
گعد يسولف وياي شوي نساني لـ اني بي
شفت تليفونه شاشته اشتغلت وشعلة النار مبينه سألته بتسامة لعوبة
-سُـمانه: اييي اخويه الغالي وأنسه هوت شلونها ؟
أبتسم وطبطب على خدي
-عـاشور: گعدي راحة ولچ هيو عرب چول
ندحست بي وانه احرك حواجبي
-سُـمانه: تحبها يعني شنو شلونها اويي احچي وارحم فضولي لا تخليني هيچ
-عـاشور: لا وين يا حب اخوچ مال حب بعد هيچ صداقة لا أكثر ولا أقل هي البنت حيل لطيفة وحنينة وفد شي يعني وحيل تجذب المقابل ممكن أول نطباع تگولين عنها فيس (أنفة أو مغرورة) بس من تحچين وياها تدخل گلبچ گبل حيل حلوة وهاي الحقيقة بس مو حب بينا لا هي معتبرني صديق وانه كذلك تعرفين انه جربت حظي وكتفيت بعد مستحيل
حچيت بشك
-سُـمانه: والصديقة نسميها هوت لو فريند يا بتوع المدارس
ضحك وجعص رأسي بين زندة وساعد أيده يحچي
-عـاشور: لسانچ شطوله ولچ سمسم گعدي راحة فريند يعني فريند بس هي hot حيل hot شسوي هذا واقع والبنت ما اگدر انكر جمالها ونشاطها هيچ مثل النار
أندك الباب اعرفها هاي دگته سحبت حجابي حطيته على رأسي طب گبل يحچي
-صـيـاد: شعندك هنا يالله گوم خنولي الشغلنا
ضحك عاشور بـ أستهزاء
-عـاشور: انه يم اختي أنتَ شحارك حمامك بعد وكت
گال بضوجة وهي رص على أسنانه
-صـيـاد: گوم وينه طار النهار مو بعد وكت يالله گوم عاشور لا تزهكنا رحمة للإسلام
ضحك عاشور وهو يبوس خدودي ورأسي
-عـاشور: واثق بيچ صيدلانيه واحلى بنية بيچ يا دنيا تاجهن كلهن انتِ
عافني وطلع احس سوالي طاقة گعدت أدرس أسرع وأكثر من قبل الي عرفته ان همَ عدهم إجتماع ونازل عاشور علموده وراح يرجع يلتحق
سمعت أمي تدعيله
-فـاتـن: روح يوم أن شاء لله يشيلوك من حزام بغداد ويخلوك بالمكان الي أنتَ تريده ويحفظك ويحميك
اسمعه صاح بقهر
-عـاشور: ليش يمه ليش شنو هاي الدعوة رحمة الذاك الأب الطيب هسه أنتِ داعية داعية تدعيلي يشيلوني من ذيج المنطقة لو هو هذا هم حظي بعد وين اخليها وتصير عدلة
أسمعها ترده
-فـاتـن: نزول عليك گول مرتاح بمكاني وماريد أنتقل منه
-عـاشور: كلش مرتاح يمه
بقت تدعيلهم الحد ما طلعوا أثنينهم وصياد فد مرة معصب وعاشور بارد وميت ضحك عليه
للعصر كلش يلا رجعوا دخلوا ثنينهم يسولفون چنت گاعدة بالمرجوحة بسد سياج مشبك عليه زرع متسلق يفصل الحديقة عن الگراج ما انتبهوا عليه بس اني أذا ادير وجهي واتقرب من السياج اشوفهم
شفت عاشور حط تليفون بذانه يريد يخابر اسمعه يحچي
-عـاشور: آسف رحت بسرعة بس خابرني الأمر إجتماع عدنا ببغداد زعلتي ؟
يحچي وضحكته من الأذن الأذن ابتسمت على ضحكته شفت صياد مدري شيدور بتليفونه واتقرب عليه شغل الفديو مال أديان ورفع الصوت بسرعة سديت اذني وغمضت عيوني وكأني أشوف خلا قريب من تليفون عاشور
أباوع عليه فتح عيونه كل وسعهن و گال بصيحة
-عـاشور: لا صياد لا خ..را بيك شمالچ أنتِ الثانية منو يمي محد يمي
عاشور يصيح وصياد ميت ضحك وما غلق الفيديو
-عـاشور: يمعودة يااا عيب هو شمسوي هذا صياد وحق داحي الباب صياد مايستحي انه شعليه حتى قليل أدب صرت
سد الخط بعصبية وضرب صياد حيل يمكن خلع كتفه من قوة الضربة
-عـاشور: هسه تحسبني أدب سز وأبو حرام وبعد ما تعاين بخلقتي ولا تجي شيفهمها هاي سوالفك الطايح حظها
گال وهو يريد يجر نفس من الضحك ما يگدر
-صـيـاد: حتى مرة ثانية من تحضن وتبوس تعرف وراها عواقب وتوب
خنگه حيل يحچي بعصبية
-عـاشور: شتقصد هيو عرب چول شتقصد ادفنك هنا ومحمد لا تتطاول خليني ساكت واحتار بأديانك
-صـيـاد: ععييعععع خاف نعالي احسن هو انه من شفت وجها ردت ازوع مو انوب أستغفر الله
ضربه على صدره يحچي
-عـاشور: هذا حچي بفيدك لحد الآن ماكو شي يثبت الفيديو مفبرك
-صـيـاد: حتى أذا طلع مو مفبرك أكيد راح تستر على شرف إبن عمتك وتزوجه أختك شتگول
ما حسيت غير ضربه على معدته حيل
-عـاشور: عرب چول اشگ حلگك والله اگعد راحة لا ورب العزة اكضي بيك التوبة
عافه ودخل للبيت راد يدخل ورا اتوقف لأن تليفونه دگ بقى بمكانه وجاوب رجف گلبي من سمعته يگول
-صـيـاد: وينچ هسه يلا تحضريلي انه بالدرب جايچ
للحكاية بقية ...
ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ
بـقلـم: زيــنب عــلي
شنو رأيكم بالبارت 🌚♥️؟
شنو تتوقعون يصير بالبارت الجاي ؟
قلبوشات لا تنسون التصويت ومتابعة الحساب ♥️
متابعة ممتعة 🦋