قناص بغداد ( مهمة وطن )

المُـهمة السـابعة عشرة

#قناص_بغداد(مُهمة_وطن)

البارت السابع عشر

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

يالمغير اطباعي امن الرزن للريش!
الگبل چنه جبل هسه اعله جيتك طار
لا انتَ الموحلو وماخابص النظرات
ولا اني الغشيم الماعرفت أختار 

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي..

تگرب يمي سحبني من ايدي وحط رأسي على صدره وايد يمسح بيها على شعري والأيد الثانية حاضني بيها همس

-ديـوان: ميخالف على الورق مثل ماتحبين وما اجبرچ غزالة چنت متوقع هذا الشي اني مو حيوان واركض ورا شهوتي ولا بعمري راح احسسچ اني ارغبچ او اريدچ اذا ما بادلتيني هاي الرغبة

شهگت حيل بقهر رد گال

-ديـوان: بس خلي ببالچ اني ويا حق البنات الآخر حد بس مو معناها يمتى مايعجبچ اجيچ مثل ما اني احترمچ واحترم قرارچ ومخليچ بكيفچ أنتِ هم تحترمين الي اگوله مو معناها سويتي هيچ يعني نفسيتي تتقبل اتقرب يمچ من يعجبچ ومن مايعجبچ لا تتقرب لا الجازي اني متفهم واحكم عقلي وماحب العصبية.
العصبية تكسر خواطر وتكسر گلوب تذكري الحچاية التطلع بساعة العصبية ما تنجبر راح اتعامل وياچ بمبدئي مثل ماتعامل ويا كل بنت بكل حب واحترام احترامًا الرقتها 

حسيت على نفسي جرحته بس لازم يعرف الي بداخلي ماگدر امثل

-الـجـازي: اصلا مراح اريدنك بيوم

وخرني من حضنه گعدني على الچرباية گعد گبالي صب ماي وانطاني يحچي

-ديـوان: براحتچ بس گدام العالم وبره الغرفة أنتِ  مرتي حسب الأصول بالغرفة الي بيني وبينچ تمونين علي واتحملچ وأنتِ هم بس بره لا أنتِ مرتي وكلشي بينا بالمضبوط واحنا اصلا ماعدنا هاي الأسئلة الشخصية لا تتوقعين أهلي يگلولچ شنو صار أو شوكت تحبلين أو يتدخلون نعرف حدود بعض كلش زين ونحترم خصوصية بعض بس ممكن حجية گصايب لان شمرتها شمرة عرب وقبل يهتمون بهاي الأمور

صفنت عليه يحچي بكل هدوء وتفهم الحالة جنه متوقع الراح يصير 

-ديـوان: وسمعي زين وفتحي اذنچ وياي بالغرفة ممكن مرات اتقبل حجيچ وتجفصين مرتي طبيعي بس بره وزني الحچاية اني چبير أهلي وحچايتي مسموعة ومحد يتجاوز وياي بحچايه وحدة ماعندي نظام الدكتاتورية واسمع للكل واتفهم كلشي بس عندي خطوط حمر ماحب تتجاوزينهن واحنا مو وحدنا اني ما أحچي هيچ على مود فد غاية بس الي بدايته نور نهايته نور ليش فد يوم من الأيام تسمعين مني حچاية تغثچ ضوجچ  ممكن تزعلچ واني منطي اهلچ حچاية ماتنغثين بيوم