قناص بغداد ( مهمة وطن )

المُـهمة العشرون

#قناص_بغداد(مُهمة_وطن)

البارت العشرون

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

وهَذاك أَنه
عَكس كُل بَلم طر مايّك
أحب جزرك
لان ألگاك حر طينك
ولذيذ الثوب من يگصر
وعَلامك گالو تعشگه؟
تَره ولفك تنيّن الشر
وأعاندهم واگلهم ياهلا بـ هَل شر
ويَـ جرف الشوگ دثرني بَلم فحطان
أريد ادفه بـ نثيّث الثوب المشجر

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

هـاشـم ..

اتقدم ديوان الناحية الولد عاين عليه مستغرب سأله
-ديـوان: أسمك يمان صمد

-يـمان: لحظة الصوت مو غريب عليه

-ديـوان: الدنيا شگد صغيرة تتذكر شخص في يوم من الأيام طلعته من حلگ الموت وضميته يمك ؟

الي اسمه يمان عاين على ديوان بتمعن

مد ايده وگال
-ديـوان: وياك ديوان مرجان الدين

رفع حاجبه مثل العرفه شبكه وتسالم ويا بحرارة
-يـمان: هاي شنو شجابك هنا أنتَ

-ديـوان: ولك انتَ شنو الجابك هنا هاي شنو هذا المكان اخوانك كبرانين معرفتهم

گالها وهو يسلم على واحد نعته باسم دائب والثاني باتر

ضحك عاشور وگال
-عـاشور: حلو راح يطلع نسيبنا متخاوي ويا عصابات

عاين عليه ديوان بطرف عينه وجعد على كرسي وكلش مركز ويا الاسمه يمان ويمان تجه روحة على الميز وگال

-يـمان: شرجعك للعراق انا گلت بعد ماترجع شصار وشرجعك شلون گدرت تطلع ووين رحت

-ديـوان: الحب رجعتني من الياخة

ماهيست غير عاشور سحب الاسمه باتر من يخاته جره حيل ووخره عن صياد باتر جان مگابله صافن عليه ويكرز كرزات

وخره وشمره بالگاع يصيح
-عـاشور: دوخر منه ولك وخررر

هز ايده باتر وگال
-بـاتر: شبي هذا والله يالله

-دائـب: شبيك أنتَ ضيف يمنا وتتسبع علينا

-عـاشور: دوخر أنتَ الثاني بعدك بطول زري