#قناص_بغداد(مُهمة_وطن)
البارت الواحد والثلاثين
بـقلـم: زيــنب عــلي
حبايبي لا تنسون التصويت + متابعة الحساب zainab_ali1 + تعليق بين الفقرات ♥️
Instagram: zainab__.ali1
TikTok: zeinab_.ali1وَحدي تعلمَت
ما رَدت عَون إنسان
تَلوينَي المُصايَب
و أرجَع ألويها
عَزة نَفسي جُندي
مِن أعثَر أرمَي الروح
أكتُلها و لا لليسرة أنطيهاᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ
هـاشـم ...كملت شغلي بعد ما گال الي المسؤول أن بـ أيام محرم مو هواي اگدر اروح واطول لازم ابقى بالتفتيش
وصلت يم قبرها روحي ملهوفة عليها أخذت ماي ورد طبيعي اجيبه من عطار ببغداد واخذت ورد طبيعي اعرفها تحب الزرع وسويت سقيفة حتى الزرع مايموت
وصلت يمها وشفت الزرع كله طالع حيل معتني بي كلش فرحت
-هـاشـم: ها يروح هاشم أهلي كلهم أنتِ شلونچ اليوم
گعدت حذاها وانه افرش الفراش يمها بوست القبر وتربعت طلعت حافظتي مال الأكل وجعدت يمها أكل واسولفلها
-هـاشـم: تدرين اليوم چان هواي أكو زوار بسبب ولايه أمير المؤمنين وزعت چكليت وحلاوة مثل ما تحبين أنتِ وچان إسمچ مزين كل التوزيعات حتى كلها تعرف هاي التوزيعات مالاتچ يروحي ويذكرونچ اول البارحة اجتچ عمتي وبعد چم تجيچ الجازي هي گلتلي
حطيت أيدي صاير تراب
گمت طلعت جليكانات الماي من للسيارة الي اشتريتها بس علمود اگدر اوصل الماي للقبر بهسولة
-هـاشـم: آسف ما قصدي اخلي بيتچ يتوصخ بس شسوي والله شغل أخذ وكتي أعذريني طير السعد
غسلته وحطيت علبة حطيت بيها بخور تحب البيت المبخر هي وحطيت الورد على قبرها فتحت القران گعدت اقرالها
وصلت الاية (وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ )
سافر بالي من چانت تقرأ يمي وانه استمع الها وصلت الهاي الاية بوكتها نشدتها
-هـاشـم: مزنه شني يعني معناها وتفسيرها
ابتسمت الي بهدوء وطلعت غمازتها كلش خفيفات بس لان هواي انتبهه بوجها لاحظتهن
-الـمـزن: وخلق لكم من أنفسكم يعني الذكر والأنثى الأزواج من نفس الصنف بشر وهم قيل من انفسكم تعني آمنا حواء انخلقت من ضلع أبونا آدم ، تسكنوا إليها يعني تعيشون سويه بهدوء وسلام والله بين كل زوجين يخلق مودة ورحمة لازم يكون الزوج رحيم بزوجته ويكن الها كل الود
أنت تقرأ
قناص بغداد ( مهمة وطن )
Romanceصرت اهرول واباوع وراي شفت السيارة بدأت تستدير ناحيتي بمجرد ما يجي الضوء عليه انكشف أمامهم نجريت من ايدي وگعت على شخص ردت اصرخ سد حلگي حيل بعدها أجاني صوت مرعب يگول -اششش بس تتحركين تموتين كان اكو ضوء عاكس على ملامح وجه گدامي حسيت بسياره تعدتنا رفع...