قناص بغداد ( مهمة وطن )

المُـهمة الرابعة والخمسين

#قناص_بغداد(مُهمة_وطن)

البارت الرابع والخمسين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

غفيت الليلة بس داعيك ما يغفة
رايح بس وجودك تارس الغرفة
وعذرتك من مشيت بعيد
البشر مثلل الرسايل كلمن وضرفة

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

مشاعل ...

من شفنا گصايب هيچ تلطم وتصرخ اخترعنه گبل رحت عليها كانت تقطع بشعرها وتلطم على وجهها حيل

نزلت ايديها وصحت بحدة وخوف
-مشاعل: كافي حرام شبيچ شصاير وياچ

تبچي وتحچي
-گـصايب: جدكم جدكم طاح لا أيد ولا رجل مدري شبي لحكوا عليه والكم راح يروح من ايدينا

نترت ايدها ورحت ركض الغرفته واني اخابر على قسام حتى يحضر السيارة يم الباب و گبل ننقله للمستشفى

دخلنا كُلنا واني و هَـمم ركضنا عليه حركنا بين الواعي والفاقد

طبطبت على وجهة وگلت بهدوء
-مشاعل: جدو بس ساعدني شويه خلي نگومك نروح للمستشفى بس شويه ساعدنا نكومك يالله حبيبي

بي ما بي گام ويانا گوة ميگدر يتحرك حالة جدو غريبة بشكل جسمة متخشب وكله يرعش أول مرة تصير ويا هاي الحالة باوعت الگصايب بشك عيونها رغم تمثيل الخوف بس هن يلمعن بشر لكن ما ركزت اختاريت بجدو 

دخت واني ساندته لأن جنت جاي امتحن فاينل وهستوني راجعة من الجامعة سندته هَـمم ويايه وطلعنا من الغرفة تلاگت ويانا أمي من شافت حالته ضربت على خدها وگالت بفزع

-ابـابـيل: عزا العزاني شبي جدكم ليش هيچ حالته هَـمم مشاعل

گلت واني امشي بي على كيفي
-مشاعل: اتخربط أمي فدوة ساعدينا وصيحي قسام خلي يجي بسرعة يحمل جدو حيوگع

ركضت أمي للباب وتنسيم وگصايب بس يولولن ولازماته على كيف صحت بيهن بعصبية يلا وخرن رجعت أمي دخلت ووراها قسام بسرعة اجاني اخذه من ايدي وشاله على ظهره خطية وصار يركض بي صعده بالسيارة واني بصفه
صعدت واجت وياي امي هَـمم بقت يم أبنها ...

طلعت تليفوني واتصلت على ديوان شويه ورد عليّ
-

ديـوان: الو هلا باباتي