قناص بغداد ( مهمة وطن )

المُـهمة الخـامسة عشرة

#قناص_بغداد(مُهمة_وطن)

البارت  الخامس عشر

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

كل ما أتذكرها أختنگ
وأحترگ وأرجف وأبرد
مو لأن رآحت
أو لأن ظلي بطرف بظلها أنشد
لكن يجي ابالي التعب
والراح من عمري شگد
آنا وراها تغيرت
والنوم عن عيني أبـعـــد
ومفتوح ظل باب الصِلح
بس باب حنيتي أنســـد

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

الـجـازي...

صعدت كبل للحجرة الفوگ أريد أشوف شصاير شفت بس ولد متجمعة واعاين صياد يهد وكاضينه هاشم وخالي بالگوات بهاي أثناء شفت عاشور طلع من البيت گلبي خفگ حيل يعني هو چان موجود بالمشية وحاضر..
كض صياد وصاح بيهم ماسمع بعيد مو كلش افتهم الحچي بس شفته رفع ايده وگال

-عـاشور: عذرونا لچن الصار عيب عدنا ما يجوز ويلادكم يدشون داخل البيوت الها تقاليدها  بس احنا نسايب ومابينه

ظل هواي يحچي وياهم آخر شي جر صياد وصعده بالسيارة لمحت سُمانه ركضت وصعدت وياهم بالورا وصياد داير عليها مبين يرزلها نزلت جوه حتى أفهم شني سبب العركة شفت خالي وهاشم يتَعذرون من العالم ولموا السالفة نزلت من الدرج لاگتني فاتن گالت

-فـاتـن: يا أمي وين رحتي صدك كذب عيب تصعدين هيج وأهل زوجچ گاعدين ما يصير

تقربت همست بصوت يرجف
-الـجـازي: عمه عاشور جان حاضر بالمشية اجه

نزلت راسها بـ آسف وگالت بحسرة
-فـاتـن: ما مادخل بس من سمع صارت مشكلة اجه اخذ صياد وراح يروح يمه مايرجع بعد

گالتها بصوت مهضوم وعافتني وراحت يم النسوان طبيت لگيت أمي شرايين گصتها كلها طالعة وعيونها عبالك ماتشوف ومثبته روحها گوه رحت يمها وگلت

-الـجـازي: شكو يمه شنهي الغصة شماله صياد وليش عاشور اتدخل بسرعة واخذ صياد وراح ؟

حچت وصوتها اشبه بالماكو وبالگوه فهمت شني تحچي

-كـحِيلـة: صياد شايف واحد من گرايب رجلچ طاب المطبخ النسوان واحنا عدنا ما يصح هما عدهم عادي ومتعارك ويا بالگوه كاضينه هاشم وخزعل وصياد منا متحمل كبرها ما راضي يسكت مخابر هاشم على عاشور وتعرفين عاشور ما يغلس على مكالمة الهاشم وگايله اله يمكن عاشور چان گريب منا اجه اخذه وسُمانه المخبلة رايحة وياهم