قناص بغداد ( مهمة وطن )

المُـهمة الرابعة والثلاثين

#قناص_بغداد(مُهمة_وطن)

البارت الرابع والثلاثين

بـقلـم: زيــنب عــلي

حبايبي لا تنسون التصويت + متابعة الحساب zainab_ali1 + تعليق بين الفقرات ♥️

Instagram: zainab__.ali1
TikTok: zeinab_.ali1

أنتظرمَن!
المِشه وما مَلتفت مَرة
الخلاني ادُك بيبان كِل حَضرة
الخله بحَيلي مَو بأيدي عِكازة
وانه عُمري عُمر زهَرة
چذابين..
الضحِك هَذا التشوفونهَ
شگد دَمع حِدرة
الفرحَ هذا التشوفونهَ
شگد حِزن حِدرة
العظم يُبره ، الكَسر بالرُوح شيجبرهَ ؟

ᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐᚐ

-الـجـازي ...

جرني بسرعة عليه وهي تصرخ من ايدها العظم طگ ورأسها هم مضروب طالع منه دم

گال وهو يحذرنا انه ومشاعل الواگفه يمه
-ديـوان: شنو ما احچي تأيدوني وبس فهمتن

بهاي الأثناء دشن ابابيل وگصايب وزوجات عمامهم يركضن وكلها صارت تسأل شني الصار

-تنسيم: الحگوني كسروني هو ومرته ولكم أيدي راح أموت انكسرت

لطمت گصايب وهي تحچي
-گـصايب: يبووو وينك إبراهيم ولونا إبن ابنك ومرته

صاح بيها
-ديـوان: لو جدي يعرف الردتي تسوينه أنتِ وبنتچ يلزمكم باب الشارع لهذا ماريد أسمع نفس

دشت مون تركض من شافت أمها لطمت على وجهها صارت تبچي وراحت يمها رادت تلزم من ايدها

-تنسيم: أخ لا تلزميني أيدي ماگدر ماگدر

طب ميكائيل باوع بأستغراب وراح يم مون الي شافها تبچي وتشهك همس

-ميكائيل: شبيچ

صاحت بي وهي تشهگ
-مـون: مداتشوف أمي واگعةةةة وابچي عليها قابل شبيه

-ديـوان: ميكائيل أخذ عمتك للمستشفى شوف أيدها شبيها

هز رأسه وگصايب تلطم وتصيح
-گـصايب: شسويتوا الها يبويي عفتها شوي ولوها

رگع ديوان باب الكنتور وصاح تحول
-ديـوان: نفس ما أسمع ترحين تشوفين ايدچ وترجعين بهدوء سمعتي غير هذا الحچي ماكو والسم الحطيتي ادفعچ ثمنه دم وأولهم احرمچ من مون فهمتي وتعرفيني من احچي كلمة انفذها