السواد الشفته منك
صار ع الايام طاغي
والاريدة وياك صفقة
اني اطلع من حياتك
وانت اطلع من دماغي
ولا يظل بالك علية
اني يمك واحس وحدي
ماستغرب من فراغي
بعد ميهمني وجودك
يـ الوجودك چان مُلفت
"من قبل اني گلتلك
لمن اعتب يعني احبك
وخاف مني لمن اسكت ، وراح اسكت
بقلمي انا ايڤين
لاتنسون التصويت + التعليق بين الفقرات كُلش مُهم
ترضيح صغيروني سَومرياتي 🩷:
تسريع الاحداث بطلب من الابطال لو سمحتوا يعني الشي مو بيدي أبد هم الابطال يقرون كُل تعليقاتكم و يدزوها بكروب خاص بيهم
__________________________
بين النايمه و الكاعده صرت اسمع اصوات خفيفه من شخص واحد .. فتحت عيوني علكيف اباوع للغرفه ضلمه وبس اضاءه خفيفه كُلش بالجوانب التفت لجهه ابني اريد استعيد قوتي اكوم اله
نبضات كلبي صارت تتسارع الدم تجمد بعروكي و اني اشوف شخص ما واضحه ملامحه واكف على مهد ابني بدون اي حركه
زمرد - مـ منو أنتَ شدسوي يم ابني شترييدد
سميدع - ماعرفتيني
زمرد بهمس - سيد
سميدع - اي اني
زمرد - بعديش جاي هاا
سميدع - يعني اروح
زمرد - مايهمنييي
سميدع - لا يهمج بس مارح اروح بعد .. شنو تردين تسمي
زمرد - مادري
سميدع - يعني اني اسمي
زمرد - ماتدخل بشييي خووش
سميدع - لا تدخلين زمُرده اني راح اسمي
زمرد - شنو اسمه
سميدع - هُجَام
زمرد - شنو معناه
سميدع - الشُجاع
زمرد - خوش اسم يلا اريد انام روح
سميدع - فيوز زمُرده طاك مو
زمرد - مااا شاء الله ستوووك تذكرر تكووولي زمُرده
سميدع - من زمان اكُلج هيج
زمرد - ليش رحت للاردن
سميدع - لا تدخلين بهل شي
زمرد - سيدددد شنو لا تدخلين من شوكت تضم عليه
سميدع - ماضميت شي زمُرده
زمرد - لعد ليش ماتكول الي سبب روحتك للاردن معقوله اخذتني سبب حتى تسافر
سميدع - ما اخذتج ولا شي
زمرد - انتَ متغير
سميدع - مامتغير من عندي شي
زمرد - مُستحيل اصدُك أنتَ نفسك سوسو
سميدع - مامتغير عليج
زمرد - عيونك مو نفس اللهفه
سميدع - نفسها زمُرده
زمرد - دتجذب عليه
سميدع - مِن زمان صادُق وياج مامجذب عليج بيوم مِن الايام
زمرد - ليش ملابسك متربه لعد
تحمحم يحك ارنبة خشمه بهدوء .. ركز نضرته عليه يحجي ببرود :- الجو بي تراب اليوم .. وهم كعدت على مسطبه متربه
زمرد - بس ميسوي هلكد تراب الجو
سميدع - لعد هاي هيه نثبت على اسم هُجَام
زمرد - دتتهرب مني
سميدع - مابيج شي صرتي زينه راح اكمل الاجراءات حتى نطلع
زمرد - سيدددد
ماهتم الي و طلع من الغرفه بدون مايحجي شي .. خليت ايدي على راسي افكر بلي صاير وياه متأكده أكو شي صار بعمره مامسوي هيج وياي
حسيت بشخص يدخل للغرفه عرفتها من خطواتها شهرزاد بقيت على نفس كعدتي بدون لا احجي شي
شهرزاد - زمرد عادي اكول الج شي
رفعت راسي عليها اراقبها شون تعصر باصابعها بتوتر عضت شفتها تحجي وياي :- احجي الج وما تسوين شي
زمرد - شصاير شهرزاد
شهرزاد - سميدع هم يستخدم سلاح لو من هل الاشياء
عكدت حاجبي مستغربه من سؤالها رفعت شعري يلي نزل على عيوني احجي باستنكار :- السميدع من عرفته لليوم ماشفته لازم سلاح بايده
شهرزاد - بس اني اليوم شفته لازم بايده سلاح
زمرد - شنوو شدتحجيين
شهرزاد - والله زمرد صدكيني ما اجذب عليج بشي بعيوني شفته
زمرد - لا تخبليني شهرزااااد
شهرزاد - اجه اول مادخل للمستشفى متجه النا بس شافنا ضم المسدس بجنطته إذًا رجعنا لبيتنا هسه فتشي الجنطه تاكدي منها
زمرد - شهرزاد تدرين بيه ماسوي هل الاشياء شنو تفتيش شنوو هل خرابيط بعدين لا مستحيل شيسوي بالسلاح
شهرزاد - بعد حجيت الج اني و الباقي يمج
سميدع - شنو حجيتي الها
فزينا ثنينا مخترعين من دخوله المفاجئ ارتكى على الباب مركز نضرته عليه :- شنو كالت الج
اخذت نفس اهدئ نفسي احاول احجي بهدوء حتى ما يشك بوحده بينا :- كالت الي شنو سميتوا الولد
سميدع - و عرفتي شنو سميناه شهرزاد
شهرزاد - هااا
قطعت كلام شهرزاد اغمز الها حتى تسكت
زمرد - اييي عرفت سميناه هُجَام
شهرزاد - اي جنت اكول الها شون اسم حلو و هم جديد منين عرفته يعني قصدي اكيد شفت شخص هناك بالاردن و حبيت تمسي على اسمه
سميدع - صحيح لكيت شخص عجبني اسمه هُجَام و سميته هيج
شهرزاد - عاشت الاسامي كُلش حلو عاش ذوقكم
زمرد - ذوقه بس هو
شهرزاد - هههههه إنتوا واحد موو صح سيد
سميدع - صحيح يلا امشوا كملت الاجراءات
طلع من الغرفه بدون مايحجي شي ثاني التفت على شهرزاد يلي جانت حالها من حالي مصدومه من طريقه كلامه و استعجاله
زمرد - ساعدتني شهرزاد اكوم حتى نطلع من المستشفى صعدنا بالسياره بدون اي صوت الهدوء جان سيد الموقف بذيج اللحضات راسي بحضن شهرزاد يلي ضلت لازمه بايدي ماتركتني ابد
شهرزاد بهمس - حاولي تسوين الوضع طبيعي زمرد
زمرد - شون شهرزاد شدتحجين ماكدر اسوي هييج
شهرزاد - لخاطري زمرده
زمرد - ماسكت شهرزاد اني اعرف شون اتصرف
شهرزاد - لجج زمرده
سميدع - وصلنا انزلوا
زمرد - وانتَ وين رايح
سميدع - عندي شغل اكمله و اجي
زمرد - حلو شغل تالي وقت امشي شهرزاد انزلي
سميدع - زمرررده
زمرد - شنو سيد كول
سميدع - ديري بالج على نفسج
زمرد - هه كال ديري بالج على نفسج كال
شهرزاد - لج زمُرده
زمرد - امشييي شهرزاد
شهرزاد - امري لله امشي
سميدع - بعد ما نزلتهم و أتأكدت من عدهم دخلوا لجوه .. فركت وجهي بهدوء ارخي اعصابي .. استغفر الله ربي انطيني الصبر
اخذت اللثام من الچكمچه البسه مبين من وجهي بس عيوني
انطلقت بسيارتي محضر كُل المعلومات يلي جمعتها صارلي فتره طويله امشي بكُل سرعتي حتى الحك اروح ورى ديغم
من شدة حقارتهم قررو الامن اليوم ينهون حياته لان صار يشكل عليهم خطر جبير .. من بعد ما جانوا يستغلوه لمصالحهم الشخصيه هسه قرروا ينهون حياته
المنطقه جانت بعيده و مقطوعه عن العالم صرت امشي بصحراء قاحله محد يدخل بيها بس يلي بايع نفسه و ميريد روحه
صارت علامات المكان واضحه كدامي كدرت اعرف من عدها وصلت للمكان يلي متوجه اله .. صرت اشوف ديغم كدامي واكف بباب بيت
تقربت على ديغم اكثر اراقبه من بعيد بدون مينتبه الي رفعت شعري يلي طاح على عيوني اهمس بيني و بين نفسي :- اليوم محلوله سالفتك يمي
صرت تقريبًا قريب على ديغم موجه مسدسي على الهدف ابتسمت بعد ما اقتربت عليه سياره بيها شخص مُلثم كاعد بصف السايق خخففت سرعت سيارتي محضر المسدس بايدي
حضر المُلثم البدنقيه موجها على ديغم يلي جان ملتهي يحجي وي شخص .. رفعت المسدس موجه على تايرات السياره ارمي عشوائي
انتبه ديغم بعد ما صرت أشر اله بايدي .. انبطح بسرعه على الكاع و انطلقت سيارتهم مبتعده عنا بعد ما فشلت خطتهم بقتله
كام من الكاع عدل وكفته ينفض بملابسه اقترب من عندي بهدوء يشغل بجكارته صاح عليه بصيغه سؤال
ديغم - عرفني عليك يا بطل ليش مُلثم
فتحت باب السياره انزل بهدوء رفعت اللثام ابتسم بوجه :- اني الي نقذتك من الموت مرتين
ديغم - سميدع هذا انتَ شجابك هنا وشعرفك اني هنا أصلًا
سميدع - جان رحت بيها لك اثول جنت اكول هسه يترك جماعته ويرجع لعقله بس الضاهر انتَ طامس بالطين وقررت اطلعك
ديغم - شدتحجي يا جماعه يا طين ترا مالي خلكك
سميدع - الي حاولو اليوم يكتلوك نفسهم جماعتك الامن ياريت تفكر شويه وتعوف هذا شغلك لان دطيح حضك بايدك
ديغم ‐ ودم اخوي المضلوم شلون اعوفه فهمنييي شووون اخليهم نايمين و مرتاحين ابد والله
سميدع - ربك بالمرصاد يمهل ولا يهمل لك ديغم انتَ ذاب روحك بنص الموت مثل ما حفروا على صادق يحفرون الك
ديغم - ماخليهم عايشين اخذ حق اخوي منهم
سميدع - واضح واضح هو غير اليوم جانوا سوك وصلتين
ديغم - هيه شنو بس بندقيه براسي
سميدع - توديك للمريخ ها
ديغم - استغفر الله شون بس فهمني خربت الخطه كُلها عليه
سميدع - منو متعاون وياك بعد
ديغم - مو شغلك زيين
سميدع - بيت رئيس العصابه يلي مدخل بي بنيه طلعها من هل مكان بسرعه
ديغم - شنو شدتحجي
سميدع - حياة البنيه بخطر بسبب طيشك
ديغم - لاا تخبلني سميدددع
سميدع - مقررين يغتالوك الامن اليوم لان صرت تشكل خطر الهم
ديغم - جانوا ياخذون المعلومات مال العصابات مني
سميدع - بس ميسون الهم شي لان تخرب مصالحهم والي ديسوه هو يطمطمون الهم
ديغم - ودم اخوي يلي راح غدر
سميدع - مارح تحله وانتَ مورط بنت الناس وياك مدخلها لبيت كُله عصابات تاخذ من عدها معلومات والاسلحه
ديغم - شتقصُد اطلعها من المكان
سميدع - طلعها
ديغم - جنت ادري مابيها فائده الي هسه اشوف شون اطلعها لهل بلوه يلي دخلت نفسها بيها
- ديغم
التفتنا ثنينا على صوت بنت من ورانا .. جانت تلبس ملابس بسيطه و بايدها لازمه جنطه ضامتها على كلبها
اجتمعت دموع بعيونها تحاول تكتمهم .. حجت ببرود عكس الي بداخلها
يارا - ديغم أنا أجيت ألكَ هوني تا أعطيك هي المعلومات من صاحب البيت اخذتو
ديغم - اطلعي من البيت بعد لا ترجعين يارا احسلج لان الوضع صار مايطمئن
يارا - انا ماترُك شِغلي نَاقُص .. و أنتَ بِتعرفَ اش السبب يلي جَبرني أَحكيك
ديغم - لاززززم تطلعييين
يارا - مو لازم اغوح انا هونيك تا أَكمل شُغلي وَ بعدين اغووح من هوني للأبد
سميدع - دتشكلين خطر على حياتج
يارا - مَابَيهمني أشي كتيغ أتشكغك على وقفتك معايا أَسُتاذ
سميدع - لا ابد ماله داعي بس حياتج صدكيني ماترتاحين هناك راح يشكون بيج
يارا - أَنا حكيت لـِ الأَنسه أَني عنا كم شغلي نقُص في البيت طالعه تا أحضرهم
ديغم - يارا لا تعاندين داكول معليج بعد
يارا - ويي داادا و انتَ أش دخلك فيني
سميدع - اني اكدر اساعدج حتى تطلعين على سوريا
يارا - اقعد هوني بعد مُده و بِشوف كيف بدي أكمل حياتي
ديغم - ارجعي لـ سوريا من اليوم
يارا - واللهي لا أَقُتُلكَ إذًا تحَكي هيكِ معايا حكيت ماا اغوح مِنَ هوووني خلاااص ما اغوووح
ديغم - بالطكاك مادوخ راسي وياج
يارا - ويي داااداا شافتوا عينك اش بيسوي معايا
سميدع - اصبري عليه هو يخاف عليج
يارا - تؤ بيكذب اني اعرفوا كتيغ مليح أنتَ أَحسن منو
سميدع - تعالي نوصلج للمكان يلي تردي
يارا - هِذهِ المعلومات اعطيها لـ ديغم تا يدقق بيهم و أنا أرجع لحالي
سميدع - بس ..
يارا - كتيغ اتشكغك بس مِو لازم مِعَ السلامه
ابتعدت من يمي مسافه متقربه من ديغم رفعت حاجبها بغرور تحجي بهمس جان قريب على مسامعي :- أَغشع مَليح ديغم ماغح أَنَساها أَلكَ
تقرب من عدها يبتسم ابتسامه مستفزه
ديغم - الي يجي من ايدج الله يزيدج
يارا - مَليح ديغم من عيوني
ديغم - الله وياج
سميدع - لك ديغم مو دتروح
ديغم - هيه تريد تذب نفسها بنص النار كتلها عوفي ماتقبل خليها هناك
سميدع - شوكت ناوي تحجي الي كُلشي و شنو سالفه البنيه
ديغم - اصعد اصعد بالسياره و نحجي لا يرجعون النا
سميدع - اصعد ليش لا بس اليوم اعرف كُلشي ديغم ماكو شي ماتحجي
ديغم - احجيلك بس خل نطلع من هل المكان
سميدع - شغلت السياره اطلع من المكان الكطعه محد يعرفه لو يدري بي الا القليل .. رفعت راسي مركز على البنيه تصعد تكسي بوحدها دغيت ديغم بعكسي أَشر عليها
ديغم - خليها تصعد تكسيات كلت الها نوصلج شي ماقبلت خليها
سميدع - ماكو احساس ماكو ضمير ادري شنو من بشر دخيلك ياربي منك يا ديغم
ديغم - اي والله شسوي مشيول حسون من عندي
سميدع - هو من جانوا يوزعون حسونات جنت رايح تاخذ حقاره خباثه شكو شغله طايح حضها اخذتها
ديغم - دتضلمني اويلي اويلي
سميدع - انتَ مضلوم اويلي على المضاليم
ديغم - احممم
سميدع - احجي
ديغم - يارا
سميدع - احجي شبيها
ديغم - اني مخليها ببيت رئيس اكبر عصابه هناك
سميدع - لك شدتحجيي شون تورط البنيه وياك
ديغم - هيه عدها سبب وره هذا يعني ماخليتها و جبرتها برضاتها وهياتك شفت بعينك
سميدع - شنو سببها
ديغم - محد يعرفه
سميدع - ديييغم
ديغم - عمي صدكني مادري بسالفتها هيه بس اجت تريد تشتغل وياي
سميدع - مافكرت منين اجتك منين عرفت
ديغم - سمعتني احجي وي صديقي بالصدفه وراها اجت تريد تشتغل وياي
سميدع - سالفتك خلت الف علامه استفهام براسي
ديغم - من زمان مخلي عليها اكس مو استفهام بس شسوي
سميدع - وهيه هناك بشنو تفيدك
ديغم - تاخذ الاسلحه من عدهم تسلمهم الي واني اروح انطيهن للامن
سميدع - و شنو يسون ذوله الامن
ديغم - ميسون شي يخلوها و يصفنون عليهن لك مصالحهم تتضرر إذا اعتقلوهم كُلشي بالجرايد كلاوات لان يسون شي ولا يحلون و يربطون
سميدع - ماجاي افهم شي مدا تقبل تنسحب من هل المهمه و انتَ منعتها
ديغم - وراها سالفه لازم اعرفها
سميدع - و شون تعرفها
ديغم - انبش وراها
سميدع - تحجي و كأن السالفه سهله
ديغم - ماكو شي صعب على ديغم
سميدع - انزل وصلنا
ديغم - امشي اشوف زمرد
سميدع - مو على وفاق وياها هل فتره
ديغم - هاا طكن
سميدع - اي طاكات
ديغم - لحضه لحضه .. انتَ منين عرفت كُل هل معلومات
سميدع - معليك
حجيت هل كلمه و تركته ادخل لجوه .. سلمت على عمي و رحت متجه لغرفتها امشي على كيفي حتى لا تحس بيه و بخطواتي .. فتحت الباب بهدوء انتبهت عليه جانت كاعده ما نايمه
سميدع - عبالي نمتي
زمرد - ماريد انام بكيفي
سميدع - عمي بكيفج بكيفج صدُك جذب
زمرد - انتَ روح منا
سميدع - وين اروح
زمرد - اي مكان مو يمي بالغرفه
تقربت عليها ارفع وجها مخلي عيوني بعيونها حركت ابهامي على خدودها اهمس بهدوء :- زعلان الحلو شون نراضيه
زمرد - مارح ارضى روح منا
سميدع - شون ترضى زمُردتي و سكينه گلبي
زمرد - تحاسبني على شي اني مالي ذنب بي مو
سميدع - حتى انقذ اخوج
عدلت كعدتي مستغربه كلامه :- شدتحجي
سميدع - اخوج لو ما الله ستر عليه جان راح بيها مثل ماراح بيها صادق غدر
زمرد - لحضه لحضه دتحجي على ديغم
سميدع - وكع نفسه بحفره مالها مخرج
زمرد - شنو دخل صادق بالنص
سميدع - ديغم ديحفر للعصابات يلي جانت الها دافع بمقتل صادق
زمرد - عزااا دتحجي صدُك
سميدع - وداعت عيونج يلي احبها هيج جانوا يحفرون اله و اليوم جان المفروض يقتلوه بس طلع منها سلامات
زمرد - يالله شديسوي بنفسه هل ديغم
سميدع - كولي منو هاي يلي مورطها وياه
زمرد - تقصُد يارا
عكدت حاجبي مستغرب شون تعرفها
سميدع - شمدريج بيها
زمرد - قبل فتره اخذني ديغم اتعرف عليها
سميدع - كل ما اكول عرفت شي يطلع شي اتعس
زمرد - لحضه يعني ديغم كل هل وقت جان يريد ياخذ بثار صادق عمت عيني عليه .. زين والي جان يدفنه بالبستان
سميدع - كومي نشوف شنو يدفن
زمرد - قصدك نروح نحفر المكان
سميدع - اي امشي يلا
اخذت بايدها ننزل بهدوء تأكدت ان كُلها نايمه و محد يحس بينا امشيها خطوه خطوه حتى مايطلع صوت النا فتحت الباب على كيفي طالعين للبستان
زمرد - سيد إذًا احد عرف بينا لو ديغم شتتوقع يصير
سميدع - نحاول نضلل عنه المهم امشي بسرعه
نمشي وسط ضوء القمر الوقت عبر منتصف الليل دخلنا للبستان ماجان اكو صوت غير انفاسنا و صوت تراطم الاشجار مِع الرياح اخذت اضوي على المكان بالايت حتى يحفر السميدع
صار يحرف بعمق وسط اضطراب دكات كلبي للشي يلي اشوفه وكفت الكرك بعد ماينزل لوجه على صوت ارتطام بشي صلب رفع عينه سيد عليه
سميدع - مستعده
هزيت راسي بموافقه طلع من الكاع صندوق ثكيل خلاه كدامي .. اتقربت اريد الزمه بس جان السميدع اسرع من عندي و بعدني عنه
سميدع - اني افتحه لا تلزمين
فتحه بهدوء حتى نعرف الي جان يضمه ديغم طول هل الايام و الاشهر.. رجفت ايدي و اني اشوف مجموعه من الاسلحه بكُل الانواع والاشكال
سميدع - خرب بيك ديغم على هل السوايه الطايح حضها
زمرد - رجعه بسرعه سميدددع بسرعه حباااب .. لككك سيدد بسرعهههه رجعه
سميدع - لجج شررجع شرررجع هو طلعناه كوه نوب نرجعه لا تخبليني زمُرده متأكد اكو غيره هواي هناك
زمرد - بداعتي رجعه بسرعه بسرررعه
سميدع - شبيج زمررررده
زمرد - حباب رجعه بداعتي عندك إذًا تحبني بس رجعه لمكانه
سميدع - خوش زمرده راح ارجعه
صرت اسحل بالصندوك احاول ارجعه بمكانه .. لزم ايدي السميدع يبعدني حتى هو يرجعه لمكانه بسبب ثقله .. اخذ يرجع التراب عليه يباوعلي بنظرات شك بسبب تصرفي
حسيت بشي قريب علينا .. اخذت الكرك من سميدع بحركه سريعه اشمره لبعيد انفاسي صارت مضطربه اكثر صار عقلي يهلوس باشياء ماموجوده أصلًا
سميدع - زمرده شدتسويين
حضنت السميدع بسرعه اهمس باذنه :- احضني حيل
سوه مثل ما كلت بدون مايسئل شددت حضنتي عليه بعد ماحسيت بخطوات الارجل قريبه علينا .. صار صوت ضحك هستيري من مكان قريب علينا
همس سميدع باذني مشدد حضنه اكثر :- شمدريج
رديت عليه بنفس النبره مبتعده عنه
زمرد - حسيت بي رجع
سميدع - بعده موجود مو
زمرد - راح ماجاي المح خياله باي مكان هنا
سميدع - امشي بهدوء مانريد احد ينتبه علينا خلي نطلع من هنا بسرعه لا يرجع من جديد و يشك بالوضعيه
زمرد - بس هو شافنا يمكن عرف بينا
سميدع - شافني حاضنج ما شاف غير شي يعني اطمئني ماشاف شنو طلعنا من هل الحفره
زمرد - الحمدلله ولو ما ارتاح كلبي بس تعال ندخل
رجع يلزم بايدي ندخل لجوه فتحنا الباب صار بوجهنا مُلهم يضحك :- هاا
زمرد - هاا
مُلهم - الجو حلو برا اني طالع
زمرد - مُلهم ليش تطلع بهذا الوقت
مُلهم - اغير جو زمرده
حجه هل كلام و غمز الي بخبث ضحكت بهدوء احجي عليه :- بس لا جنت طالع برا
مُلهم - لا ستوي طالع ليش
سميدع - ديغم وينه
مُلهم - بغرفته نايم ماشفته رايح بالحلم السبطعش
زمرد - بطل تحجي الارقام خطأ
مُلهم - حاضر أَستاذه هسه شويه ميلي منا خل نطلع نشم هوى
زمرد - يلا روح
سديت الباب وره مُلهم بعد ما تأكدت من عنده راح لزم ايدي سميدع يحجي بهمس
سميدع - تعاي
سحبني حتى نصعد للغرفه اول مادخلنا قفل الباب رافع شعره باثنين اديه :- مو هو زمرد لعد منو جان
زمرد - حسيت هووو والله ما عباليي صدكني
سميدع - اكر طرف ثالث
زمرد - ياربي كل ما اكول نحلت السالفه تطلع وحده اضبط من عدها
سميدع - شنسوي زمُرده
زمرد - راسي صار هاكبره من هل مشاكل اريد بس انام تعبت
سميدع - تعالي
صفنت عليه بعد ما نام على الجربايه فاتحلي ايده حتى اجي انام عليه حجيت بفهاوه :- يا ليش هيج
سميدع - غير ننام
زمرد - بس اني زعلانه
سميدع - تعالي معليج
سحب ايدي مخليني انام بحضنه .. صار يمشي ايده بشعري بهدوء يهمس بكلام قريب على مسامعي :-
اللهم إني أعوذ بك من حر جهنم، اللهم قنا برحمتك من عذابك إنك اللطيف الرحيم بعبادك. كذلك اللهم إني أعوذ باسمك من كل شيء يضرني في السماء والأرض، وأنت السميع العليم. اللهم رب السموات السبع وما أظلت، ورب الأرضين وما أقلت، ورب الشياطين وما أضلت، كن لي جارًا من خلقك كلهم جميعًا
سميدع - رددي قبل لا تنامين حتى تحسين براحه تذكري دائمًا الله ويانا مايتركنا
زمرد - ونعم بالله يس ماعتقد اكدر احس بيها هل راحه
اخذ ايدي مخليها على كلبي .. ركزت عيوني عليه صار يلعب بشعري بهدوء
سميدع - اللهم أنت ثقتي في كلّ كَرب، ورجائي في كلّ شدة، وأنت لي في كلّ أمرٍ نزل بي ثقة، وعُدّة،كم من هِمٍّ يَضْعفُ فيه الفؤاد
زمرد - كمله
سميدع - غمضي عيونج و ضلي رددي الاستغفار
سويت مثل ما كال غمضت عيوني اردد بهدوء رجعت راسي على حضنه اكثر اسمح للنوم ياخذني لعالمه
حسين - يمههههه وييينج
- ياا شجاك تصيح ولك
حسين - عرررسينيييي ارررريد اعررس
- هو انتَ يمتى عاقل حتى اعرسك
حسين - معليه اذا ماتعرسيني اشمر روحي من القنفه
سيد حازم - انتَ بس كول و نروح نخطبلك
حسين - لا معليه اريد تعرسوووني اي وحده
حسن - يعني دودت الا تعرس
حسين - اريدلي مره معليه
سميدع - يمعود خلينا نرتاح ما صار يومين من رجعنا من بغداد
حسين - انتوا رجعتوا معليه اريذ تعرسوني
- والله يايمه إذًا تحجي صدُك حتى نروح نخطبلك
حسين - اييي ولجج امشي اخطبيلي
سميدع - دحترم نفسكك لك شنو تكول لامك ولج
حسين - هااا والله نسيت امسحيها بوجه حسن
حسن - ولك اني شعليه بيييك
سيد حازم - عاجبتك وحده تريد تزوجها
حسين - لا ماعجبني شي بس عرسوني
- تحجي صدُك
حسين - والله اريد اعرس
- يااا يااا ساعة المُباركة كللووووشششش وليدي حسوني راح يعرررس يالله شون فررحه حلوه
حسين - لا لا يمه خجلت
سميدع - اثكل ولك اثكل
حسن - يعني شنو هسه
حسين - نروح لبغداد حتى هيه خطوبه و هيه عرس
- لحضه لحضه تريد نفسها تغريد الي حجينا بيها ذيج المره مو ولك حسيون
حسين - اي يمه اريدها و كولي الهم هو عرس وهو خطوبه ماريد يماطلون وياي
سميدع - شبيك مستعجل يمعود
حسين - بكيفييي استعجلوواا و عرررسووووني
سيد حازم - روحوا انتوا اني ماكدر اجي وياكم
سميدع - ليش عمي
سيد حازم - طريق طويل واني ماكدر اتحمله وليدي روحي احسن الكم
حسن - اني باقي يمك
سيد حازم - لااا ابني رووح غير جو
حسن - ماريد عمي ابقى وياك نتونس سويه نحجي نسولف
سيد حازم - بارك الله بيك وليدي ماقصرت وياي
مثل اي ناس رحنا حتى نخطب لحسين حتى يتزوج .. مرت ايام الخطوبه و العرس يلي جانت ايام هادئه و حلوه بنفس الوقت جنا نحسب حساب انتهت الصدمات النا رغم الاسرار يلي بعدهي مانكشفت لحد هل لحضه
عرس بسيط ومتواضع مثل اي عرس من الاعراس القديمه جان المفروض تنتهي بضحكه و ابتسامه سعيده بس للاسف القدر جان اله رائي ثاني .. ومحد يكدر يخالف هذا القدر
زمرد - سوسو
سميدع - هااا زمُرده
زمرد - شلونه الفُستان
سميدع - يجنن عليج ام الاحمر
زمرد - اممم احمر مثل ايام زمان ها
سميدع - بعدج مثل ايام زمان و أحلى
زمرد - لعد ماحبيت كلامك شنو هاي اني حروح
سميدع - زمُردتي
التفت عليه معنفصه مبوزه شفايفها تحرك شعرها بغرور
زمرد - هااا
سميدع - أَهٍ عَليْكِ مِنَ جَمْالٌ يُرَهْقُ قَلبْي
ابتسمت العب بشعري مخليه عيوني بعيونه بكُل جُرئه اتقرب اكثر عليه يكًمل كلامه :- فِيْ غَرْامُكِ أمِسْئ خَافُقْي هَائمًا مُتَعَطِشًا بِحُبْكِ
زمرد - سوووسووو تراا ..
ماكملت كلامي بسبب الاتصال يلي اجه للسميدع .. كعدت على طرف الجربايه احرك شعري بهدوء
الرعب دب بكلبي بعد ماصرت اسمع كلام السميدع
سميدع - شدتكول حسن شوووون مااات
زمرد - منوووو مات
سميدع - لكككك حسن جاااوبنيييي من خرررب بهل موبايل جااايككك
زمرد - بس فهمني شصاير الله عليك سميدددع
سميدع - عمييي مااات ماااااات
زمرد - شـ شدتحجي مـ ما مايموت
سميدع - لمييي غراااضج بسرررعه نرجع
الطريق صار شطوله علينا مخلي راسي على الجامه ابجي بقهر على سيد حازم شكد جان انسان طيب و حنين ولا يوم من الايام اذاني بكلمه من يوم يومه يعاملني معامله بناته
مات فجأة بدون اي سبب مُقنع انذكر النا .. جانت ايام الفاتحه حيل ثكيله عليه جنت اسوي شي وابجي بحركه و قهر ماراد شي بس يستقر بحياته ماراد ياربي
شلت الفاتحه كُلها وي شهرزاد و آريـا .. ماخلينا شي ناقص عليهم او يخليهم يحجون كلمه وحده محلو على سيد حازم .. جنت اراقب نهله من بعيد شون ملخت نفسها هيه و بناتها
لحضات حسيت بالشفقه عليهن وعلى الشي يلي صار وياهن محد يلومهن .. جنت كاعده على الدرج انتضر السميدع يجي ادري بي شكد مكسور كلبه و متاذي
مغمضه عيوني من التعب يلي عشته بهل الايام .. حسيت ايد تسحبني بكُل قوه تعت بيه
نهله - امشييي ولجججج اطلعيييي برااااا بيتي امشييي لجججج فكرررر
زمرد - شبيججججج انتِ شبيججججج
نهله - امشيييي براااا اطلعي هذا بيتنااا والله خوش الغرب كاعدين بي يصولون و يجولون
ناديه - يلاااا حبيباتي لموااا غراااضكم و اطلعوااا من بييتي
ابتهال - شنوووو عيني ست ناديه ماسمعتتتج عيديي عيدي يلي حجيتي
ناديه - يطلعون من بيتي عندج اعتراض
ابتهال - شنوووو ولج مووو بس بيتج بيتي اني هم
ناديه - دمشييي ولييي شنوووو بيتج بيتي الي
نهله - انجبن ثنينجن لا بيتج ولا بيتها بيتي مالتي
ناديه - عشتوووو يمه تردين البيت شو طلعت عيونج
انعام - حبيباتي لا تنسون الحصه الجبيره لسرمودي حبيب قلبي
شهرزاد - اييع زمرد دتشوفين يلي داشوفه
زمرد - مع الاسف والله سيد حازم ذوله اهله بعده ترابه مايبس و ذوله يتقاسمون على الورث
شهرزاد - محد من ولده وكف على فاتحته عدل غير سميدع واخوانه
زمرد - والله كلبي ياذيني عليه شنو يكول لروحه وهو يشوف خلفته هيج
شهرزاد - مسمومين محد كلبه على الثاني
ناديه - هييييي ولجنننن بشنووو تتبسبسن امشن يلاااا يلااا هاجن غراضجن اطلعن من بيتنا
سميدع - شدييييصييرررررر هنااااا
ناديه - عيني اطلعواااا من بيييتنااا كافي عاد تحملناكم هواي
حسين - شوفي ولج انتِ البر**** اذا ماتخيطين حلكج اطيح حضج احترمي نفسج واحجي عدل
ابتهال - هيهيهييييييي والله عمي زييين لك عيني هم مرتك فكرررر اول ماعرست موتت ابووووووووي سوووده عليه امشوا منااا كش كششششش شون عالم بلا كرامه
حسين - ولج ابتهالوا الوصخه شو لسانج طولان تردين اكصه الج و اشمره للجلاب احترمي نفسج شويه اثكلي خلي حجار بجيوبج
ابتهال - اششش اشششش ولي من هنا بعد لا ترجع
حسين - ولكم وخروا عني خل اروح اطيح حضها و حظ الساعه الي شفتها بيها لهل حقيره
نهله - يبوووووو يبوووو مات ابوها و كاموا يستقون على بنيتي المسكينه سوده عليه يا يمه سوده عليه محد يسندج بعد
حسين - انتن موتنه حقيرات
نهله - امشييي مناااا الفكر انتَ و مرتك
حسين - اكوووول محترمج لحد هسه لج ب**** ترا هسه اكدر اشبعج فشار من عابت لهل براطم
نهله - والله انتَ فددد واحد عاااررر ماتستحييي
حسن - والكفل زينب راح احطجن اخبزجن خبز
- امشواا وراي يمه عوفوهن
نهله - عفيه عفيييه عليج اخذي جهالج و ذني الجايبتهن و طلعي من بيتي
- نهله تذكري ربج بالمرصاد وكل ساق سيسقى بما سقى
نهله - دروحي روحي عساج لا رديتي
زمرد - امداج نهله خوش
نهله - عزاااااا عزاااا بااااع الصلااافه
سميدع - امشي زمُرده
طلعنا من هل البيت يلي صح ماعشنا بي هواي بس تبقى بي ذكريات بسيطه كدرنا نصنعها بهل الايام القليله .. طلعنا من هل المكان مودعين ذكرياتنا وي سيد حازم يلي كطعوها اهله من هل يوم
الطريق بطوله راسي بحضن شهرزاد يلي تخفف عليه
شهرزاد - راح يم رب العالمين ارتاح من اهله
زمرد - محد بي خير حتى سرمد
شهرزاد - مصدومه شون يسوي هل تصرفات ماجان هيج ابد
زمرد - الفلوس تغير النفوس شهرزاد
شهرزاد - عبالي حباب طلع مثل اهله
زمرد - مادري شحجي عليه
شهرزاد - شكد جنت احترمه بس كرهته كره الموت تصرفاته السخيفه اسلوبه وشون ترك فاتحته ابوه مدري وين رايح
وكف السميدع السياره بعد ماصاروا كدامنا عصابه كطعت طريقنا حضنن اطفالي ماخليهم يشوفون يلي ديصير
شهرزاد - زمرده شنو ذوله
زمرد - حراااميه
شهرزاد - يمههه هسه راح ياخذون كليتي يبيعوها
زمرد - ايي يسوج تكه
شهرزاد - هاي شبيج تحششين احنا بحال هل سوالف
زمرد - ماتشوفين نفسج شكد سخيفه منو يبيع كليتج
شهرزاد - لحضه هذا الصوت مار عليه
رفعت راسي اباوع سرمد ماد راسه من جهه الشباك يلي بي سميدع هز راسه بقهر وهو يكول :- بعد تراب ابوك مانشف سرمد
سرمد - الموت حق على كُلها ماقصرتوا كفيتوا و فيتوا وياه بعد لا تتقربون النا ماريد اشوفكم
سميدع - مامتوقعك بيوم تسوي هيج شون تعوف فاتحه ابوك ولك
سرمد - عندي شغل
سميدع - شنوو شغلك ولك يلي يبعدك عن ابوك
سرمد - شغلي واني اسلب العالم ماكدر اعوفه العصابه ماكدر اخليها تنتظرني .. راح اعوفك هل مره بس ماخليهم يسلبوك المره الجايه ما اتدخل
سميدع - حرامات يا ابن عمي جنت بيوم مخليك اعز من روحي
سرمد - انكطعت علاقتنا كُلشي صار رماد بالماضي مودع يا ابن عمي
...يتبع
_____________________________________
من هنا نكدر نكول راح نبدي بجيل جديد راح تبدي تضهر اشياء جديده اكثر و اكثر .. من هل بارت انتهى شي اسمه سيد حازم واهله
الابطال مراقبين تعليقاتكم الحلوه و دائمًا يدزوها الي يضحكون على كلامكم الحلو 😂🩷
لاتنسون التصويت وتنطوني رائيكم بالتعليقات
قناة التلي اتشرف بيكم بيها
evinoq
حساب الانستگرام