اراه رغم بعد االمسافات
اعلم مايدور بفكره مايود فعله
روحي تحاور روحه
فمن من العاشقين قلب حبيبه يستكين بين يديه
وحين يريده يرد لبيك
اخاف عليه من البشر فهو الروح
حين احتمي فيه اراه ابي .
حين يخاف عليا اراه اخي
وحين يسمعني فهو رفيقي
وحين اري في عيونه الحب فهو العاشق
من بعد هذا لا تسالون
واتركوني اعشقه
حتي وان ادعيتم اني بعشقي بيه مجنونه
بقلمي انا ايڤين
لا تنسون التصويت + التعليق بين الفقرات كُلش مُهم
توضيح بس قبل لا تقرون ياريت تشوفوه :
الاحداث راح تحسوها بيها تسريع بس هذا كُله بطلب من الابطال و مابقى شي و ندخل بجيل جديد 🩷.
___________________________
تقربت من غرفته اكتم انفاسي بعد ماحسيت بي يحجي بالتلفون يلي اشتراه بالجديد .. فتحت الباب بهدوء اتسمع لكلامه
عضيته شفتي احاول الزم نفسي من وره الشي يلي داسمعه .. ضحك بخبث وهو يحجي بهدوء :- انتضريني اليوم لا تنامين جاي الج
شهكت بصدمه من بعد كلامه رجعت لوره مخليه ايدي على حلكي .. حسيت بي يلتفت على الباب ابتعدت عن المكان انزل من الدرج گلبي تزداد نبضاته
ثواني جانت لزم ايدي بقوه يسحبني عليه .. ركز على عيوني يراقبني بنضرات بارده خله ايده على خصره يرجعني على الحايط
سحب السلاح بحركه سريعه مخلي براسي
ديغم - شسوين هنا
زمرد - ابوي يريدك
ديغم - شسمعتي
زمرد - ماسمعت شي بعدين شبيك هلكد خايف
ديغم - هههه ما خايف هو شنو انتِ و اخاف منج
زمرد - ترفع سلاح بوجه اختك
ديغم - دا اراوي الج نشوفه حلو لو لا عجبج
زمرد - اي حلو يخبل انطي الي لحضات
ديغم - هه تردين تُكتليني بي
زمرد - مُمكن كُلشي وارد بقاموسنا
ديغم - يعني ما تخافين مني
زمرد - منو انتَ شنو شايف نفسك حتى اخاف منك
ديغم - محور الكون
زمرد - اممم شايف نفسك هيج
ديغم - اي و هواي اشياء اشوفها بنفسي إذا تحبين تعرفيها
زمرد - يكفي عندي يلي عرفته محور الكوون
ابتسمت ببرود مقربني من عنده اكثر .. همس بهدوء مركز نضرته عليه :- تعالي اليوم وياي للمكان يلي راح اروحله
زمرد - تريد تُكلتني مو استاذ ديغم
ديغم - مُمكن كُلشي وارد بقاموسنا
زمرد - حلو صاير تقلد عليه بس صدكني مارح اعوفك براحتك
ديغم - لا تعوفيني و خليج تحركين نفسج وراي .. يلا انزلي
زمرد - لعد انزل بسرعه ابوي يريدك
ديغم - جاي وراج انزلي
ابتعدت من عنده ايدي على كلبي اتنفس براحه استوقفني صوته وهو يصيح باسمي .. التفت عليه عاكده حاجبي ، حجه ببرود وياي كلمات خلتني اعيد حساب افكاري :- اليوم الساعه 1 بليل انتضرج بالحديقه
كملت انزل بدون لا التفت عليه مره ثانيه او احجي كلمه ، اول ما دخلت للديوان سئلني ابوي عليه .. ماعرفت شكول اله غير هسه جاي راح ينزل
حجي سعد - هذا حميد لازم اخلي يتأدب و يبطل هل سوالف يلي يسويها
ديغم - حميد حميد حميد مامليتوا منه ترا لعبتوا نفسي بي عبالك بس هو مخلوق بهل الدنيا
حجي سعد - لو تدري شمسوي ماتحجي هيج
ديغم - شمسوي
مُتيم - رايد يكُتل مالك والي وياه
ديغم - منو وياه
مُلهم - شهرزاد الزمُرد و آريـا وكل وحده وي زعاطيطها
آريـا - ماااعندي زعاطيط
مُلهم - لان انتِ زعطوطه
ديغم - شسمعت هسه تحجي صدُك
مُلهم - والله العظيم هبج مسوي حميد
ديغم - يااابه
حجي سعد - كلام اخوك صحيح حميد محاول يكتلهم
ديغم - ضربت ايدي بالكاع احجي بعصبيه .. خرررب بييي هذااا الحشررره شوكت نخلص من عنده لعب نفسييي
مُتيم - شراح نسويله
حجي سعد - خلوها يمي
ديغم - شسوي سعد
حجي سعد - كوووم منااا لا بارك الله بيك
ديغم - هسه غير اسمك سعد ياعيني شبيك
رشا - احتررم ابووك ديغم
ديغم - تدللين رشاوي من عيوني
حجي سعد - اطلع بررررا
ديغم - لا خليني هنا لعد منو خلاها تصيحني
حجي سعد - اني خليتها عبالي بيك حظ
ديغم - ستوك دريت اني مابيه حظ مع الاسف والله تأسفاتي
حجي سعد - بطل هل الاستهزاء ديييغم
ديغم - سُكتت سُكتت عمي حسره علينا نحجي حجايه و تنرد علينا
مُلهم - خلي نكتله
ديغم - اي مو دجاجه وين ما جانت نحطها و نفعسها
شهرزاد - شنووو
ديغم - شبيج ماتقبلين عليه
شهرزاد - انجب اكول ديغم و احجي عدل
ديغم - شحجي يمعووود
شهرزاد - نفعسهاا شنوو ديغم
ديغم - غلسي غلسي
مُتيم - بالطلاك الا تحجي شنو تفجر القنبله و تغلس وين صايره هاي
ديغم - صايره بقاموسي ديلا
حجي سعد - كوم منا كوم اطلع صدعت راسي تجي وتجيب المشاكل وياك
ديغم - اطلبهن طلابه أصلًاَ المشاكل رووووحي من الدنيا
رشا - يمه وين راح تروح
ديغم - للبستان اشم شويه هوى
مُلهم - يا هوى يلي تشمه الجو يكص كص من البرد
ديغم - البروده هيه يلي تهدئ الاعصاب
مُتيم - عوفه مُلهم هذا عنده كُلشي بالعكس تكوله مي حار يحجي الك على البارد
آريـا - ماجاي افهم عليكم شدتحجون اني رايحه انام لحد يكعدني الهبطه ماخذه نصل حيلي عوفوني
رشا - نامي يمه روحي
زمرد - بس شفتهم التهوا يحجون تركتهم و طلعت وره ديغم صرت اندل و اعرف وين يروح بالمضبوط .. امشي على كيفي ايدي على بطني يلي صايره بارزه بشكل واضح للانظار
تقربت من عنده بهدوء بس صوت انفاسي العاليه بسبب المشي .. حجه بدون لا يباوع عليه مركز نضرته على الشجر
ديغم - توقعتج تجين
زمرد - ماعوفك بحالك الا اعرف كُلشي ديصير وياك
ديغم - شهل فضوول يارا شهللل فضووول
زمرد - شنوو يارا منو
ديغم - منو رايه
زمرد - ديييغم لااا تفررر السالفه سمعتك باذني تكوول يارااا منووو هاي احجي
ديغم - كُلت زمرد ماكلت يارا متوهمه
زمرد - هيه نفسها البنيه يلي جنت تحجي وياها
خليت ايدي على حلكي احجي على نفسي شون جفصتها كدامه و اني قبلها كلت ماسمعت شي .. اندار عليه يضحك و يهز راسه
تقرب من عندي و اني ارجع بهدوء على جذر شجره كدامي صار .. يضحك بوجهي باستفزاز
حسيت ظهري ينركع بالجذر بقيت واكفه بمكاني بدون ماترك اي رده فعل ثانيه ... خله اديه من الجهتين يعيق حركتي
ديغم - مو كلتي ماسمعت
زمرد - ماسمعتتت شييي ديغم هااي شبيك
ديغم - لا اني متاكد سمعتي يلي حجيته تحجين لوحدج احسن
زمرد - لا مو احسن و ممسويه شي ولا جنت اتنسط عليك خووش ديغم و هسه كول يلي تريده تكوله
ديغم - خليج بعيده عني زمرد
زمرد - باحلامك ماعوفك بحالك الا اكشف كُلشي
ديغم - إذًا كشفتي كُلشي تعوفين سالفه الركض وراي علمود تعرفين بس كم شغله
زمرد - كلت بالوحده تريدني
ديغم - اي و انتِ لحكتيني لهنا
زمرد - مارح انسى شي ديغم بس اعرف يلي يصير احجي الحقيقه كُلها و ميهمني اي احد
ديغم - ساعه رجلها و ساعه انتِ .. ديري بالج من رجلج
زمرد - مخليني ملكه أصلًا ليش اخاف من عنده
ورث جكاره ثانيه يسحب من عدها نفس بهدوء .. بروده الجو يلي يخلي وي الجو لمسه خاصه
ديغم - لهل درجه تثقين بيه
زمرد - فوك ماتتصور ديغم فوك ماتتصور
ديغم - لعد ليش عافج و سافر
زمرد - يريد يغير جو و يتونس بسرعه
ديغم - اهاا حلو الثقه العمياء ويانا
زمرد - شوكت تفضها و نروح نشوف السالفه يلي ضامها
ديغم - مبين مستعجله
زمرد - اي مستعجله
ديغم - تعالي خلي جهالج وصي عليهم و امشي وراي
زمرد - بس سمعت هيج ركضت لجوه البس عباتي و اوصي شهرزاد عليهم
شهرزاد - لججج زمرده على الاقل فهميني ويين رايحه ويا منو
زمرد - وي ديغم لا تخافين مانتاخر
شهرزاد - بس الوقت تأخر زمُررررد
زمرد - مادام الجهال نايمه خليني اروح شويه و ارجع حبابه بس عينج عليهم مو تخلين بالي يمهم يبقى فدوه
شهرزاد - ياربي روحي روحي
زمرد - بيباااي شهووور
تركتها و طلعت ركض لـ ديغم يلي جان مرتجي على سيارته يدخن .. اول ماوصلت يمه فتحلي باب السياره حتى اصعد
زمرد - مامتعوده عليك مُحترم
ديغم - النساء أولًا
زمرد - اريد اشوف وين توصل
ديغم - اوصل للمكان يلي راح اخذج اله
زمرد - يلا امشي
طويل الطريق جان ساكت مايحجي شي الصوت الوحيد يلي جان طكه الجداحه وهو يدخن .. جكاره بعد جكاره حسيت بنفسي انزعج من ريحه الدخان صارت تكتل
ابتعدت عنه فاتحه الجامه استنشق نسمه الهوى البارد يلي يجي من برا .. بصوت خافت وجهه الي سؤال بدون مايباوعلي
ديغم - سميدع وين
زمرد - بالاردن
ديغم - جيد شيسوي هنا
زمرد - مادري شيسوي
ديغم - كُلت الج حيعوفج
زمرد - هاااي شبيك ديغم لا تحجي عليه
ديغم - داحجي الصدُك بس مو عافج وراح
زمرد - عنده سبب انتَ ماتعرفه
ديغم - تمام حضره الزمُرد
زمرد - سكتت ماحجيت اي كلمه بعد مزعوجه من حجايته صفنت استوعب الطريق يلي بي احنا .. مكان اضلم خالي من اي سياره ماكو بيوت ماكو اي شي بهل المكان
حجيت بصدمه بسبب هل المكان يلي داشوفه كدامي :- وين جبتنا ديغم
ديغم - ليش شبي المكان حلو
زمرد - ديغم شدسوي شتريددد شنو ببالك
ديغم - اكتلج
زمرد - ديييغم
ديغم - اويلي عليج اسُكتي مابقى شي و نوصل
زمرد - احنا خارج بغداد مووو
ديغم - تقريبًا
زمرد - يمكن صدُك راح تكتلني و تكتل يلي ببطني
ديغم - فدوه مايصير بيج شي
زمرد - اشك بيك أصلًا إذًا كتلتني تخلص مني
لاول مره يركز بعيوني حسيت كلامه صادق طالع من كُل كلبه :- منو كال اريد اخلص منج زمُرده
زمرد - لعد شوكت نوصل
ديغم - وصلنا
التفت اباوع للمكان يلي جان بي كم بيت ينعد على الاصابع ماكو كهرباء و هدوء بس صوت تراطم الرياح وي اغصان الاشجار
نزل ديغم يفتح الباب الي مد ايده يأشر براسه حتى انزل
ديغم - تعالي زمُرد لا تخافين
زمرد - شهل مكان ديغم
ديغم - اششش امشي و انتِ ساكته
امشي وياه محتاره بهل المكان نمشي على ضوه الايت لازم ايدي يمشيني بهدوء .. وصل يم بيت مُعين تركني واكفه و راح يراقب من الجامه
اجه باتجاهي يهز رأسه بأسف :- مو هنا امشي للضفه مال النهر
زمرد - ديغم .. ماخلاني اكمل كلامي سحب ايدي يمشي بيه للضفه
نمشي مسافه لحد ماصار صوت هادئ حيل جميل يتغلغل بمسامعي .. رفعت راسي على ديغم يلي ابتسمت وهو يهمس بهدوء :- وصلنا الها
صرت المح بنت كاعده على الضفه تغني ما جان واضح شي من ملامحها بس ضوه القمر يعكس عليها .. ترك ايدي متقرب من الضفه منطرب على صوتها
يا نبعة الريحان حني على الولهان
حني على الولهان
جسمي نحل والروح ذابت وعظمي بان
ذابت وعظمي بان
يا نبعة الريحان حني على الولهان
حني على الولهان
جسمي نحل والروح ذابت وعظمي بان
ذابت وعظمي بان
ّما عندي كل ذنوب إلا هوى المحبوب
إلا هوى المحبوب
ّما عندي كل ذنوب إلا هوى المحبوب
إلا هوى المحبوب
لا هو ذنب وأتوب، لا هو ذنب وأتوب
ديغم - لا تتوبين
- عزااا شقاعد تسوي هنا
ديغم - اجيت اشوفج كُلت الج انتضريني و انتضرتي
- لا تزومني ديغم
ديغم - ههههههه عبالج هيه سهله هيج اول و تالي سمعتي كلامي و مانمتي
- ويي داداا آنا أصلًا كُنت اغيد اغوح من هنا
تقربت من ديغم اكرصه من ايده .. فز يحرك مكان الكرصه يحجي عليه :- عكرربه خوو ماا عكرربه مو شلعتي لحمي
زمرد بهمس - منووو هاي ديغم ياا
ديغم - عمي شهل كرصه ايدي شلعتيها عكربه
- أشنوو هذا ديغم
ديغم - ليش تردين تعرفيها مو حتروح لاهلج
- كُنت اغوح بس
ديغم - بس شنو ليش مارحتي
- قديشك وقح انتَ غوووح من هنا لا تيجي ثاني
ديغم - احجي وياي عدل
- مابدي احكيك عدل
زمرد - ديغم هاي شكو جايبنا لهنا تتمالخ جايبني اشوفك تتمالخ يعني
- مايتمالخ معايا
زمرد - انتِ تحجين خبط
- اي احكي خبط عندكِ مُشكل
زمرد - ياا ديغم ماتكول منو هاي
ديغم - احم زُمرد هاي يارا .. يارا هاي زمُرد
- وانا من وين اعغف زمُرد مين
ديغم - اختي هاي
- هاا اش قلت
ديغم - اختييي
- يعني ماتفهم حكي مالتي
ديغم - ماتفهم عليج
زمرد - يااا والله جني اطرش بالزفه هنا الله شاهد
يارا - انا اسفه كثيغ ماكُنت اعرفكِ اخُت ديغم
زمرد - لا لا عادي ماصار شي بس المن جبتني لهنا ديغم
ديغم - تتعرفين على يارا
زمرد - و يارا تعرف بسوالفك
يارا - اش تقصدي اي سوالف تحكي عنها ديغم
ديغم - اشش اهدؤا يلاا ماكو اي سالفه
يارا - انا اغوح لاهلي
ديغم - كعدي كعدي اهلج بالنومه العشر تالاف
يارا - إذًا قعد ابويي يخاف علي بعدين البقاي اكلني
زمرد بهمس - شنووو البقاي ولك دويغم
ديغم - اسُكتي شكو شي تسمعي هزي راسج و كولي اي صحيح
زمرد - اي صحيح
يارا - اش تحكوا إنتوا
ديغم - اخت و اخته دنحجي
زمرد - الي يسمعك مايصدك قبل كم ساعه رافع السلاح عليه
ديغم - اسُكتي راح اشغل الضوه حتى نشوف نعمه الله
زمرد - ياانعمه ولك
ديغم - باوعي باوعي
فتحت الايت موجهه على البنيه عكدت حواجبها مزعوجه تخلي ايدها على عيونها تحجب شوي من الضوه :- اش بيك ديغم
ديغم بهمس - شفتيي
زمرد - عزاا ما شاء الله هاي شكد حلوه يمهه
ديغم - اسُكتي اسُكتي لا تسمعج
يارا - انا قاعده قدامكم عن اش تحكوا هيك
زمرد - ما شاء الله على جمالج
يارا - قبااني الكِ انتِ قديشكِ حلوا عينيكِ كبيرا كتيغ حلوات
زمرد - باوع باوع تعلم ولك
ديغم - شتعلم يمعوده
يارا - تعلم تحكي كلام حلو
ديغم - ماريد اتعلم خلوني هيج مرتاح و راسي بارد
يارا - بدكِ اقوم اجيب الكِ حواس شي هوني اليوم كتيغ بغد
زمرد - لا حبي ميحتاج دفيانه
يارا - مليح انتِ دفيانه
ديغم - كملي غني بعد
يارا - غوح ماغني
ديغم - يعني اروح
يارا - اي غوووح
ديغم - خوش كومي زمُرد نطيني ايدج
زمرد - انطيته ايدي يساعدني اكوم صفنت عليها شون نكلب وجها احمر مقهوره .. اشرت الها بايدي بمعنى مع السلامه جان يجرني يمشي بيه بسرعه للسياره حتى نوصل
اول ماصعدت و هو رجع صعد وراي اندار عليه يحجي بحده :- ماريد اي مخلوق يدري بشي يلي صار اليوم خوووش زمرده
زمرد - خوش بس ماكلت منو هاي
ديغم - مو شغلج لا تدخلين
زمرد - لككك ديييغم احجييي منووو هاااي لعد ليش جبتني لهنااا هاا
ديغم - اغير الج جو شويه كلت ضايجه زعلانه اونسها شويه
زمرد - ديغم ترااا والله ..
ديغم - صوتج زمُرده لا تحجين شي سدي الموضوع
سيد حازم - بعد ما خلصت سالفه لطيفه الي جانت شاغله بالي على السميدع و شنو راح يسوي تركت كل المواضيع الي لازم من زمان اسويها قررت اروح اكطع الجذر المسموم من بيتي و اخلص حتى اعيش مرتاح اتجهت لبيتي واني نيران تغلي بيه وحقد على اهل بيتي
وكفت بالباب اتذكر كُل الاشياء الحقيره يلي صارت الي من وسط اهل بيتي .. لا بنات ولا ولد بيهم خير اليه ولا واحد بيهم فكر بيه قبل كُلشي يسوي
اول ما فتحت الباب اول ما صارت نهله بوجهي حسيت زادت ناري بانزين و نذبت عليه.. سحلتها من شعرها دك بشكو شي قوي كدامي
نهله - عزااا بعينككككك الله ياااخذككك ولككك ليش تكتلنيييي شمسوووويه انييي شعليهههه وخرررر عنيي يبووووو
سيد حازم - اسكُتي ولاااا كلمه فهمتي لووو لااا كلبي صار شكبره من وراجن ومن سوالفجن انتن يلي اتفقتن و خليتن الطفله تصدك بنهاد الحيوان
نهله - اي اتفقنا ولوووو بيدي و يرجع بيه الزمن ارجع اخليها تزوجه
سيد حازم - ولجج فهميني شهلل الحقددد فهميني
نهله - اكرررهم كره العمى بكيفي فتهمت لووو لا بكيفي اسوي كُلشي ارييده ومحد يحاسبني ههههههه
سيد حازم - ولج شمخليي ببيتي اني سووووسه مخلي ببيتي وحددده حقيرررره
نهله - الله ياااخذك يا مسموووم انتَ يبووووو سااعدوووني ولكم يمه لحكوووولييي تعالواا خلصووني منه هذاا الحقيررر الله لا ينطيك يا حاززم امداني بقيت وياك لحد هل لحضه امدااني وخررر عنيي
حسيت احد وراي والتفت على ناديه رجعت ناري اشتعلت من شفتها .. تركت نهله و رجعت جريت ناديه اضرب بيهاا
ناديه - ياابه شبيك شمسوووويه
سيد حازم - اششششش ولججج جان استحيتي تحفرين على بنت عمج و خالتج جااان استحيييتي
ناديه - عوووفني يابه رااح اموووت والله عوووفني
نزلت عليها ضرب بشكد ما الله منطيني قوه عفتها بعد ما حسيت روحي تطلع من مكانها .. الخيبه و الخذلان اتجمعت بيه .. وكفت بالطارمه وصحت
لك سرمد ويييينك يا عاق ياريتني ما خلفت واحد مثلك يا نشال تبوك ابن اعز صاحب الي لا مو صاحبي لك هذاا اخوووي يا فشلتي منه سرمد من هذا اليوم لا انت ابني ولا اني ابوك والله يغضب عليك ليوم الدين اطلع من بيييتي يلااااا
سرمد - ياب شبيكك بس اسمعني
سيد حازم - لكك اطللع ما اريد اشوف وجهك بسررررعه راااح انجلط من وراك اطللععع بسرررعه
سرمد - صار يابه بخدمتك طالع بس اهدئ
سيد حازم - لتكلي يابه اني مو ابوك ولا يشرفني اكون ابوك
وانتو كلكم اطلعو من بييتي يلااا او ليش تطلعون اني راح اطلع من جحر الحيه هذا ميشرفني ابقى لحضه بي
سرمد - يابه عليك الله اوكف لاا تروح هيج بس اصبرلي احجي وياك
سيد حازم - وخررر عنييي لككك
بعد ما طلعت و احس طفت ناري الي بداخلي قررت اخذ ارض زراعيه اخلص بيها بقيه عمري بعدها قررت اجمع اهل اخوي سيد هادي يمي الي جانو اعز من روحي الي
بعد ما دورت ايام و اسابيع لكيت ارض زراعيه بالكوت على حافه نهر دجله مكانها مريح وهادءه واشتريتها جان بيها بيت جبير اثثته اثاث كامل
واتصلت على حسين حتى يجيب امه وحسن و الزمُرد يبقون يمي يساعدوني بزراعتها .. انتضرهم يجون و بداخلي حسره جبيره جنت اتمنى يجي وياهم السميدع و اشوف طوله كدامي
اول ماشفت سيارتهم عفت الكرسي اركض عليهم و ابجي استقبلهم .. اخذت جهال عزيز كلبي احضن بيهم و اشمهم نفس ريحه ابوهم بالضبط كُلشي منهم
حسين - عمي لا تبجي كافي كوم
سيد حازم - شون ماتريد ابجي و اني اشوفكم كدامي يافرحتي بيكم
حسن - عمي والله احسن شي قررته حتى المزرعه والبيت يخبلوووون بس يحتاجون كم شغل بيهم
سيد حازم - شتردون تسوون سوا بيها ماعندي مشكله والله وينها الزمُرد وينها
زمرد - ها عمو
سيد حازم - الله يساعدج مبين عليج التعب
زمرد - الحمل هل مره حيل تعبني
سيد حازم - تكومين بالسلامه بنيتي هاي الحديقه الج ازرعيها باي شي تحبي سوي اي شي تردي ولا تنتضرين تسئليني على شي شكو بنفسج سوي
زمرد - ربي لا يحرمنا منك عمو فدوه لكلبك
سيد حازم - يلا يلا ادخلوا ارتاحوا الايام طويله كدامنا
مرت ايام و الاسابيع الفرحه ماسعتني بعد ما رجعت الحياة بالارض بعد ما تفتحت النباتات والورد البيها وهي جانت بستان جميل بيها اشجار وكم نخله احس رجعت الي الحياة من جديد بعيده عن كل المشاكل
حسيت بالحزن بعد ما قررت زمرد ترجع تزور اهلها كم يوم جنت واكف اودعها حاسس بقهر جوه روحي شون اخليها تروح بعد ماتعودت عليهم
حسين - احح ولج تعودت على المزرعه شكد حلوه
زمرد - صح حلوه بس ماكدر بدون بغداد روحي بيها
حسين - ماعرفتي شوكت يرجع السميدع
زمرد - اووووف حسين لا تذكرني فدوه
حسين - يعني شنو ماعنده نيه يرجع
زمرد - مادري محتاره
حسين - هسه يرجع شنووو قابل بكيفه هيه
زمرد - الله يسمع من عندك و يرجع من صدُك
ضِغاب - ماما شكد بقى و نوصل لبغداد
زمرد - مابقى شي حبيبي نام و اكعد تلكه نفسك يم شهرزاد
ضِغاب - انتضرت هوااااي اريد نرجع بسرعه
أسيد - اي حتى اشتاقيت لبابا ما اجه النا كال كم يوم اجيكم وماكو
حسين - لعد مو بعينكم اني ولكم
ضِغاب - اني اريد ابويه
أسيد - واني هم اريده .. احجي شي نيار
نيار - ابوي هم اريده يجيني
حسين - تهي بهي مو بعينكم اني
ضِغاب - لا بعينا بس نحب ابووونا نريدده
حسين - شبيج زمرد
زمرد - ما مابيه شي كمل كمل
حسين - هاي تحجين صدُك وجهج صار اصفر على بختج
زمرد - يمكن راح اجيب استعجل عليك الله حبااااب خابر اهلي ينتضروني بالمستشفى
حسين - اي اي شون اخاابرهم
زمرد - لككك حسييييين
حسين - والعباس صحيح اي هسه ادكلهم
ضِغاب - خاابرررهم من هذااا الصرصووور
حسين - احطه براسك هووو وينه
ضِغاب - هووو براسك موو بجيبك
حسين - اي والله هذا وياه منين اخابر منين راحت النقطه
زمرد - بسررررررعه حسييييين
ضِغاب - شوووو جيب اني احجي
حسين - اي ولك عفيه احجي كول امي راح تفطس لحكوا عليها
زمرد - بسررررعهههه
حسين - اوكفي صيحي صيحي كوولي يبووو يبوووو
زمرد - حسيييييين
حسين - لاا لاا مو حسين يبوو يبووو
أسيد - ولكككك بسرررعه وكتتت هل سوااالف ماتشوف امييي
حسين - داشووفهاا دااشووفها
شهرزاد - امشي و اضحك على زمرد يلي خلصتها تبجي و تنوح صارت تحجي اي حجايه تجي كدامها بدون فهم اخذوها من ايدي يدخلوها للغرفه
خليت ايدي على خدي اضحك على اتصال ضِغاب و شون يصيح عليه حتى نلحك على زمرده .. اخذت نيار خليتها بحضني امسح على راسها بهدوء
نيار - ماما حتصير زينه
شهرزاد - حتصير يا روحي و تجي النا وي النونو الحلو
نيار - النونو اتمنى تجي بنيه مثلي العب وياها
شهرزاد - يافدوه يحبيبتي ان شاء الله تجي بنيه تضل تلعب وي نيارا الجميله
حسين - هو غير خلصتها تصيح عليه منين الها جميله
نيار - لعد اكُلك دير بالك امي امي وانتَ ولا يهمك
حسين - لعددد شسوييي اطيررر بيهااا
رشا - اسسس اسكتوا هل مره زمرده ماطولت امشي وياي شهرزاد
شهرزاد - لا تكولين ولدت
حسين - مستعجل الحباب
شهرزاد - هههههه والله مبين هيج صدُك مستعجل
حسين - لحضه ولد لو بنيه
رشا - ولد
شهرزاد - ياا ما شاء الله الف الحمدلله اجه احلى ولد
نيار - يعني مووو بنيه
شهرزاد - يلا حبيبي لا تضوجين على المره الجايه تجي احلى بنيه الج
نيار - اخذيني لامي
شهرزاد - تعاي حبيبتي امشي نروح الها تبوسيها و تكولين الها الحمدلله على السلامه
اخذتها للغرفه حتى تشوف امها .. حالت الزمُرد جان مو زينه ابد دموعها بعيونها وبس تبجي .. تقربت عليها خليت ايدي على شعرها احركها علكيفي
زمرد - ما اجه موو
شهرزاد - زمُرده مايلحك يجي صدكيني بهل مده
زمرد - بطل يحبني
شهرزاد - اعذريه حبيبتي
زمرد - مااا اعذررره اطلعوااا براا عوفوني
نيار - ماما
زمرد - تعالي الي يابعد امج تعالي
شهرزاد - علكيفج بعدج ستوج جايبه
زمرد - وخري معليج بيه
شهرزاد - زين شراح تسمي
زمرد - يجي هو يسميه محد يسميه
شهرزاد - مو ستوج زعلانه من عنده
زمرد - بكيييفي
رشا - عوفيها فيوزاتها طكن
زمرد - ماااطكن ماااطكن
رشا - اشش اشش اسُكتي امشن عوفنها
زمرد - يلا عووفوني ماريد احددد يجي يميييي اتررركوني بحالي
شهرزاد - من تحتاجين شي بس كولي راح انزل اخلي الاطفال ياكلون حتى يرجعهم مُلهم للبيت يم آريـا
زمرد - شسوين سوي معليه
شهرزاد - يلا بيباي سوي بيباي لامج الحلوه يلي طنكرت
زمرد - بس طلعوا صرت ابجي و اكتم شهكاتي بايدي صرت احجي اي شي يجي كدامي بس حتى يهدئ كلبي .. التفت على الطفل جان بعيد عني بمسافه
بقيت احجي وياه و احاول اخلي يكعُد اسمع صوته .. غفيت و اني اراقبه بهدوء
بين النايمه و الكاعده صرت اسمع اصوات خفيفه من شخص واحد .. فتحت عيوني علكيف اباوع للغرفه ضلمه وبس اضاءه خفيفه كُلش بالجوانب التفت لجهه ابني اريد استعيد قوتي اكوم اله
نبضات كلبي صارت تتسارع الدم تجمد بعروكي و اني اشوف شخص ما واضحه ملامحه واكف على مهد ابني بدون اي حركه ..
...يتبع
__________________________
بنات ردت التزم وياكم تنزيل يومي بس اكو بنات بقناة التلي رفضوا و رادوا بين يوم و يوم انتوا شون ترده عمري ؟
الابطال ديقرون كُل تعليقاتكم وياخذون سكرين الهم ترا 💕💕.
الاحداث مسرعه ادري بس هاي طلب من الابطال شي مو بايدي و هم راح تبدي عنده نقله تاريخه كُلش جبيره حتغير موازين كُلشي 🩷
قناة التلي هذا يوزرها evinoq
حساب الانستگرام