♣️الجزء : 1459
دانييل :راااه كنهضر معاااك شكون نتي وكيفاش دخلتي لداري شكون نتييييي
اندريا تمتمات بصوت مرجووف بادي عليها الخوف وعينيها فالارض
اندريا :انا عائشة
دانييل سمع صوتها قدر يعرفها شكون بقى كيطلع ويهبط فيها مخنزر قرب شدها من دراعها وهي كاتتنتر ماباغياهش يقرب منها ولا يقيصها
دانييل : شنووو كاتحاولي تديري نتييي
اندريا برجفة : عافااك طلقني ماتقيصنيش
دانييل شادها ومزير عليها : شنووو هادشي ومنين جبتي هاد اللبس
اندريا بدات كاتبكي : عافااك غير طلقني راه حرام تقيص فياا
دانييل طلقها بالجهد حتى طاحت وغوت بصوت عالي
دانييل :انطووووونيوووووووو
انطونيو كان برا سمع صوتو دخل كيجري
انطونيو : نعام اسيدي
دانييل :شنوو هاد الحالة دايرة هادي وعلاش لابسة هاكا ومنين جااابت هاد اللبس
انطونيو : كانت مشات نالمسجد دالمسلمين وخرجات هاكا ماعرفناش السبب
دانييل قرب عند اندريا لي كاترجف فالارض
دانييل : وااااش هادشيييي لي بقىىىى لييييييك حتى دين المسلمين بغيتي تخصريييه علاااش لابسة لباااسهم
اندريا ببكاء : مابغيتش نخصرو ولا نطيح منهم حيت رجعت انا منهم
دانييل بقى واقف مبلوكي :شنو كاتقصدي
اندريا ببكاء : انا بدلت ديانتي و عتانقت الاسلام وبدلت حتى سميتي انا مابقيتش اندريا من اليوم انا عائشة
دانييل سمعها وبدا يضحك بصوت عالي
دانييل :ههههههههههههههههه( كان كيضحك وفرمشة عين تقلبو ملامحه لتخنزيرة ) واش حسابلك هاد التمتيلية غادي تمشي عليااا اناااااا
اندريا تكمشات فالارض كتبكي
دانييل قرب عندها بشوية وهو كيتكلم : ههههههه باغية تفلتي بفعلتك وتنجاي براسك بهاد الطريقة هههههه باش تتفكي من داكشي لي درتي قلتي اجي نضحك عليه ونقول دخلت نالاسلام باش يشفع عليا
تحنى عند راسها وشدها من شعرها من فوق الحجاب وقفها وهي ساكتة كتبكي بهمس
اندريا كاتشهق : والله ماكانكذب انا بصح ندمت وبعدت من ديك الطريق نسيت اندريا وسميت راسي عائشة عافاك رحمني وطلقني نبعد من هنا ونبدا حياة جديدة وعمركم مازال تشوفوني
دانييل كيضحك : هههههههههه واخا الالة عائشة
مد يديه وبغى يقلع ليها النقاب اندريا قبل مايهزو شدات فنيقابها بجوج يدين كاتبكي وتحرك راسها بلا
اندريا :لااااااااا لااااااااااا عااافااااك الا هادا دير فيا لي بغيتي غير ماتعرينيش
دانييل هز يديه وضربها لراسها حتى داخت واخا هاكاك بقات متشبتة بالنقاب ومابغاتش تطلقو
اندريا ببكاء : ضربني دير فيا لي بغيتي الا نيكااب واعدت ربي مانحيدووش وواعدتو عمر شي راجل يشوفني ، ربي يحفضليك ختك واعز ماعندك ماتعرينيش
دانييل عض على فمو وركلها لرجلها حتا طاحت .اندريا زيرات على النقاب وضمات راسها على شكل جنين
دانييل ماحس براسو حتى بدا يهز فرجليه ويركلها فجميع مناطق جسمها لضهرها لكلوتها لرجليها غير كيضرب ويسب فيها وهي غمضات عينيها دايخة وكاتبكي
♣️الجزء : 1460
دانييل : قححححبة وطوووول عمرك غادي تبقاااي قحبة مسسسسسخة وااش حساب ليك غادي تضحكي علياااااااا
هز رجليه وضربها لوجهها بقووووة
اندريا : ااااااااااااااااااااااه اننننننن
دانييل : واااش حساب ليك غير غادي تقولي ليا انا مسلمة غادي نتيق راكي تبدلتي . هز رجليه وضربها لكرشها حتى انات بصوت خاافت ودموعها سايلين على خدها
اندريا :اننننننننن يااربي وقف معااايا
دانييل تحنى شد ليها راسها وخبطو مع الارض حتى داخت ومابقاتش قادرة تتحرك غير لسانها كيتحرك بلا مايخرج صوتها ودموعها لي هابطين على خدها
اندريا : الحمد لله .. الحمد لله . الحمد لله
دانييل دفل عليها :احسن مادرتي هي غطيتي وجهك باش مانعاودش نشووف قحبة ممممك
شاف فانطونيو : من اليوم ماتعاودش تخرج على هاد الباااااب
انطويو : اوامرك سيدي
دانييل طاع بحالو كيسب ودخل لبيتو واندريا بقات هاكاك مليوحة فالارض كلها مغطية منغير عينيها لي كيبانو زورق ومحاوطهم لون احمر ودموعها كيتسرسبو ، كاتبكي بهمس ماقادراش توقف من الالم لي كاتحس بيه
بقات هاكاك مليوحة حتى سمعات صوت اذان الفجر ماقدراتش تبقى تما خاصها ضاروري تنوض باش تصلي الفجر
ناضت بشوية على يديها ورجليها وطلعات هاكاك فالدروج على يديها ورجليها وكاتتنخصص دخلات لبيتها وشدات الباب وسداتو بالساروت وجلسات فالارض كاتبكي وتشهق حيدات النقاب على وجهها كان وجهها مضروب وتزادو ضربات جداد نيفها كان فيه نزيف والدم هابط منو وسخ ليها النقاب والحجاب من لفوق
ناضت دخلات نالحمام واخا ماقادراش حيدات الحجاب على راسها وعاودات الوضوء حتى وقف النزيف لي فنيفها
بغات تلبس الحجاب لقاتو مسخ بالدم خافت يكون حرام تصلي بيه وهو مسخ بالدم
غطساتو فسطل دالما وصبناتو عصراتو مزيااان ولبساتو هاكاك فازك ومشات وقفات بدات الصلاة ورجليها كيرجفو ماقادراش توقف عليهم
♣️الجزء : 1461
بعد يومين
فالقصر مجموعين العائلة فالصالون هاد النهار فطرو غير فالصالون
ذكرى :يوسف فين ليليان
يوسف :مازالة ناعسة الواليدة حتى تفيق وتزل
ذكرى : واخا اوليدي براحتها
عصام : اليوم غادي نمشي لشركات فهد نتا تكلف ليا بديك الشركة بيعها مابقيتش حامل ندخل ليها
فهد :واخا انا غادي نتكلف
سحر حنحنات :احم عصاام
عصام شاف فيها :اممم
سحر : احم ممكن نرجع لخدمتي
عصام خنزر :هضرنا فهاد الموضوع وقلنا الخدمة مابقيتش غادي تمشي ليها انا غادي نتكلف
سحر تنهدات :انا مامولفاش الجلاس مانقدرش نبقى فدار
عصام :ماقلتش ليك تحبسي فدار ،خرجي تمشاي ديري شوبينك تساراي عيشي حياتك كيف بغيتي ولكن ضغط الخدمة لاا ونتي حاملة
سحر هبطات راسها نالارض
ذكرى : راه قال ليك الصح ابنتي نتي دابا حاملة ماخصكش تمارة وشوفي تبارك الله شحال عندنا دالرجال قادرين يهزو شركاتك . نتي غير رتاحي
سحر تنهدات وحركات راسها بواخا
عصام بتاسم وشد ليها فيديها
عصام:ماشي ماخليتكش تخدمي يعني قمعتك وتحكمت فيك . نتي دابا حاملة خاصك الراحة الجسدية والنفسية ، نتي خدمتي بزااف دابا رتاحي مع راسك وان شاء الله نهار تولدي على خير رجعي تخدمي انا باغيك تكوني مرتاحة ماشي باغي نتحكم فيك
سحر بتاسمات ليه وحطات راسها على صدرو :ان شاء
الله
دخل من الباب دالصالون سلمان شاد فيد د ابرار وهي مخنزر
سلمان :صباح الخير
بلقيس : صباح الخير اوليدي
شافتو شاد فاليد دابرار بتاسمات
سلمان دخلها وجلسها بزز ابرار بغات توقف خنزر فيها رجعات جلسات
بلقيس :واش خارجين اوليدي
سلمان كيعمر كاس دالحليب لابرار : غادي ناخد ابرار نالمدراسة من تما غادي نخرجو نتغداو برا
ابرار : عيانة بغيت نرجع لدار مافياش لي يخرج
سلمان شاف فيها مخنزر :زميييه
ابرار سكتات وقلبات عينيها مخنزيرة
سلمان مشا لكوزينة جاب ليها الشكلاط لي كيخلطو مع الحليب ورجع صايب ليها الحليب بالشكلاط و الخبز بالفروماج وحطهم ليها قدامها مع كرواصة
ابرار شافت الحليب بالشلاط بتاسمات حيت تفكر كاتبغي الحليب بالشكلاط وبسرعة جمعات ابتسامتها
سلمان كان حاضي حركات وجهها بتاسم
سلمان :فطري المرضية فطري
♣️الجزء : 1462
ابرار بدات كاتفطر بشوية عليها
بلقيس : ابرار امتى عندك الامتحان اخر السنة ابنتي
ابرار :غير غادي نساليو الامتحانات ديال الدورة غادي يعطيونا عطلة نراجعو من وراها غادي يكون الموحد
ذكرى :ان شاء الله غادي تدوزيه وتنجحي وتطلعي لتانوية
سلمان :ان شاء الله
ذكرى شافت فصفاء لي جالسة قدام فهد
ذكرى :ونتي ابنتي شنو درتي فقرايتك
صفاء بتاسمات :دابا تسالا العام وقربو النتائج يعني حتى العام جاي ونبدا القراية. ولكن ماغاديش نضيع الوقت دابا غادي نتسجل و نقرا اللغات
فهد كان حداها قربها من خصرها وهضر فوذنيها
فهد :هادشي ماتفاهمناش عليه
صفاء عضات على شنيفاتها وبتاسمات
صفاء : عاد كنت غادي نقولها ليك احبيبي
فهد حرك راسو مخنزر :من بعد نتفاهمو
ابرار كملات فطورها وحطات الكرواصة من يديها
سلمان شاف فيها : نزيدك الحليب بالشكلاط
ابرار حركات راسها بلا : لا شبعت
سلمان وقف وشد ليها فيديها وقفها وضار خارج بيها
هوما خارجين ليليان داخلة هازة جسور بين يديها وباين فيها الارهاق وماناعساش مزيان
دخلات وحطات جسور فاليد د ذكرى وجلسات بدات تفطر بلهفة
ذكرى :كاتباني عيانة ابنتي ماناعساش مزيان ؟
ليليان حركات راسها :امممم ليلة كلها وانا فايقة كل مرة جسور كيفيق باش يرضع
ذكرى: قلت ليك ابنتي عاونيه الحليب دفرماسيان وخليه يبات معايا نعاونك فيه ولا وحدة من المساعدات تبات فجناحكم
ليليان حركات راسها بلا وهي كاتفطر
ليليان :لاا مادام ولدتو خاصني نكون موقيدة بيه . وولدي مابغيتش نعطيه الحليب دفارماسيان
بلقيس بتاسمات :واخا هبيلة ولكن فوقت الجد كابابل
يوسف بتاسم : سهلتوها راه مراتي انا ماكينش بحالها
ليليان بتاسمات وكملات فطورها
♣️الجزء : 1463
عند سلمان كان حط ابرار قدام باب المدراسة بقى حاضيها حتى دخلات عاد مشا قضا شغلو كلو ورجع ساينها تخرج مع الطناش باش يدوز معاها النهار
ابرار خرجات كتهضر مع صحابها علات عينيها لقات سلمان جالس فالطوموبيل كيساينها وعينيه عليها تنهدات سلمات على صحابها ومشات عندو
ركبات حداه كتتأفاف
ابرار :قلت ليك فالصباح مابغيتش نخرج
سلمان حرك الطوموبيل : ماغاديش نتشاور معاك ملي نبغي نخرج بنتي
ابرار قلبات عينيها وشافت غالشرجم وسلمان شاف فيها بتاسم ورجع كيشوف فالطريق ماوقف حتى قدام المطعم ديالو
سلمان شاف فيها وشد ليها فيديها ابرار بغات تبعد يديها زاد زير عليها
سلمان : اليوم بغيتو كلو ليك
ابرار بتاسمات باستهزاء : نهار واحد ماغاديش يعوض الشهور لي كنت بوحدى
سلمان زير على يديها :مابقيتش غادي نبعد عليك من دابا لفوق انا معاك غادي نعوضك واي حاجة كاتتمنايها غادي نديرها ليك
هز يديها باسها و خرج من الطوموبيل حل ليها الباب من جيهتها وشد فيديها هبطها ودخل شاد ليها فيديها وهي لابسة كسوة فالاصفر وصندالة فرجليها
داخلين والعمال لي شافوهم كيسلمو عليه كلشي متفاجئين بحضور سلمان صاحب المطعم خمس نجوم . ماموالفش يجي الا قلييل بزااف
دخل والمسؤول على المطعم عرف الخبر بوجودو خرج كيجري كيرحب بيه وكيقاد ليه بلاصة زوينة على اطلالة البحر
المسؤول :مرحبا بالسي سلمان نهار كبير هادا
سلمان حرك راسو جر الكرسي لابرار وجلسها وجلس هو
المسؤول حط ليها لي طابليط باش يختارو المأكولات لي عجبوهم
المسؤول :ختارو اسيدي لي بغيتي خمسة دقايق يكونو واجدين
سلمان شاف فالطابليط :انا بغيت طاجين لحم بالبرقوق وسالاد
المسؤول :ونتي شنو بغيتي امدام
ابرار : بغيت بيتزا وعصير الحامض
سلمان كان كيفكر هز راسو شاف فابرار لي كاتدور عينيها وشاف فالمسؤول
سلمان : شكون الشاف لي مسؤول على الاكل
المسؤول :الشاف ايوب اسيدي
سلمان حرك راسو بلا :لا مابغيتش هاد الشاف لي يتكلف بماكلتي
المسؤول : شنو بغيتي اسيدي واش نعيطو لشي شاف تاني
سلمان حرك راسو بلا وشاف فابرار وبتاسم
سلمان : الشااف ابرار هي لي غادي تتكلف بهاد الغدا وبغيت جميع الطباخين يكونو تحت امرها
ابرار سمعاتو حلات عينيها بصدمة
♣️الجزء : 1464
المسؤول : حاضر سيدي فين هي الشاف ابرار
سلمان شاف فابرار وبتاسم :تفضلي الشاف ابرار
ابرار بقات كاتضور عينيها
سلمان قرب عندها مبتاسم : الشاف ابرار الكوزينة كاتساينك
ابرار سمعاتو بتاسمات ناضت بالزربة تابعة المسؤول نالكوزينة
سلمان عيط لمسؤول رجع عندو بالزربة
المسؤول :نعم سيدي
سلمان :عاونوها بلا ماترض البال
المسؤول حرك راسو :حاضر سيدي
رجع نالكوزينة خبر الطباخين باوامر سلمان كلهم ضارو بابرار
وحدة من البنات لبساتها لبس د لي شيف وطربوش فوق راسها
البنت :شااف حنا كلنا غادي نكونو تحت امرك فالمطبخ
ابرار شافت تقريبا عشرة دالطباخين واقفين هادو غير لي فجيهتها اما لي فالجهة التانية دالكوزينة عدد كبير كيطيبو نالكليان
ابرار تقمصات الدور طول عمرها كاتتمنا تكون شاف
ابرار :احم اكي غادي نبداو بالطاجين باش يطيب دغيا
واحد من الطباخين جبد ليها كوكوط صغيرة : نطيبوه فكوكوط عاد نقلبوه فطاجين باش مانضيعوش الوقت
ابرار حركات راسها باه وشدات من عندو الكوكوط
المسؤول جا كيجري علق قدامها ورقة فيها لمكونات ديال الطاجين والبيتزا
ابرار : احم البصلة
واحد من المساعدين مشا بالزربة جاب البصلة قشرها وعطاها ليها وواحد تاني حط ليها الكرادة والموس قدامها
ابرار هزات الموس و قطعات البصلة ودارتها فكوكوط . المساعدة جابت اللحم دارتو ليها
ابرار علات راسها فالورقة وقرات : احم الربيع والعطرية
جابو ليها الربيع قطعاتو وزادتو والعطرية خافت تدير بزاف ماعرفاتش العبار وترضدات
الطباخة : احم شااف هاد الطنجرة كتاخد غير العبار المعلقة الصغير يااك ؟؟
ابرار بقات ساكتة
الشاف ايوب :وي حنا لي شيف كنديرو غير معلقة صغيرة فالعطرية ونص معلقة فالابزار
ابرار سمعات كلامهم بدات كاتدير فالعطرية وهوما بتاسمو عارفينها مرات سلمان و صغيرة وامنيتها تكون شاف وسلمان باغي يحقق ليها امنيتها
دارت العطيرية والزيت وخلاتو يتشحر
جابو ليها البرقوق
الشاف ايوب : شااف ندير ليك البرقوق يتسلق
ابرار شافت فيه وحركات راسها باه : اه ديرو
الشاف ايوب مشا كيجري مبتاسم
لقى سلمان داخل نالكوزينة حرك ليه راسو وسلمان بدورو حرك راسو ووقف فالباب موكي عليه ومربع يديه مبتاسم وكيتفرج فيها
ابرار شافت فالورقة :دابا صيبنا اللحم خاص نبداو نوجدو البيتزا جيبو ليا المكونات
الطباخين سمعوها نتاشرو وسلمان بتاسم
♣️الجزء : 1465
جابو ليها العجينة مقادة وجابو حتى صوص طوماط
ابرار شدات صوص خواتو على العجينة وبقات كتماصيه بالمعيلقة
ابرار :الزعتر
جابوه ليها دارت شوية
الشاف ايوب : شااف باش بغيتي تصيبي البيتزا
ابرار :الكفتة
الشاف مشا كيجري جاب ليها الكفتة وقادها ليها هي غير حطاتها من لفوق
ابرار شافت فالورقة :بغيت البصلة والفلفة
جابوههم ليها حطاتهم من لفوق
ابرار شافت فالشاف ايوب هو رئيس لي شيف فالمطعم
ابرار :شنو سميتك
الشاف ايوب : ايوب
ابرار : جيب ليا الفراماج اايوب
ايوب حرك راسو : وييييي شاااف
مشا كيجريو يجيبو ليها . سلمان واقف فالباب هاز راسو لفوق كيضحك بهمس ومربع يديه
جاب ليها الفرماج دالبيتزا دارتو من لفوق خداو البيتزا يطيبوها قدات الشلاطة بمساعدتهم والعصير
دخل سلمان بشوية بلا ماتحس
العمال لي فالكوزينة شافوه نساحبو .
وقف وراها وتحنا دخل راسو فعنقها
سلمان : برافو شااف
ابرار حسات بيه تفزعات : نتا هنا
سلمان بتاسم قلع ليها اللبسة دلي شيف وشدها من يديها خرجها وجلسها فالطبلة
سلمان : باراكا عليك طيبتي نتي هوما غادي يتكلفو بالباقي
ابرار واخا من لداخل فرحانة بهاد التجربة خنزرات فيه وقلبات عينيها
سلمان بتاسم وحرك راسو بلا حول
جا السيرفور مع المسؤول على المطعم حطو الطاجين مع الشلاضة والبيتزا والعصير ونساحبو
سلمان هز الخبز قطع منها وداق شوية من الطاجين ابرار حاضياه وعاضة على فمها
سلمان غير داقو غمض عينيه : اممممممم بنييييين شكون هاد الشاف لي صيبو
ابرار فلتات ليها الضحكة وبسرعة جمعاتها
سلمان شافها بتاسم وكمل ماكلتو كل ضغمة كيتبنن فيها ويشكر لي طيبها وهي فرحانة
كلات حتى هي البيتزا
سلمان شاف فالبيتزا وخدا ليها منها قطعة وداق منها
سلمان : لا لا بزااف هادشي حنا ضايعين فهاد المطعم بلا هاد الشاف
ابرار هزات راسها بتكبر مانعة راسها تضحك
♣️الجزء : 1466
عند اندريا لي كانت جالسة فوق الفرش شادة القرأن بين يديها وكترتل منو ايات من سورة الرحمان
كترتل بصوت حنين وزوين مخشعة معاه
دانييل كان خارج من بيتو داز من قدام بيتها سمع صوتها ووقف كيتصنت . كان كلام زوين ومعانيه زوينين كيدخل نالقلب . بقى مدة كيتصنت غير ستوعب شكون هاديك لي لداخل وصوت من هاداك
بدا كيخبط الباب بقوة بيديه
اندريا سمعات الخبيط وقفات القرائة وضمات القرأن بين يديها خايفة
دانييل : وااااش انا عندي اووووطيل هنااااا ولا ناااوية نجيب ليك خدامة نوضي تكعدي شقاااي وجمعي الفيلة ونتي دايرة ليا فيها راهبة
خبط الباب برجليه معصب ونزل خرج بحالو
اندريا علات راسها كاتشوف فسقف غير سمعاتو حرك الطوموبيل وخرج تنهدات وناصت لبسات عبايتها و نقابها وخرجات كاتجمع فالفيلة
بيتها كان مجموع نزاات نيشان لتحت جمعات الصالون وقاداتو . وجمعات الفوطويات
مسحات الغبرة ودخلات نالكوزينة لقات شي مواعن فالبوطاجي غسلاتهم لقات قراعي دالشراب خاويين محطوطي ماقدراتش تقيصهم بيديها جابت الميكة خاوية وهزات معلقة كتدفعهم حتى كيطيحو فوسط الميكة عاد مشات لاحتهم فالزبل
ومشات نالحمام باش تسيقو عاد تسيق الارض دالفيلة
*****************
وقفات طموبيل ونزلات سحر لابسة سروال ديال التوب فالاسود وقاميجة شعرها مطلوق ودايرة نضاضر فعينيها
نزلات من الطوموبيل تلقاو ليها الكارد فالباب
انطونيو :لالة سحر مرحبا
سحر بتاسمات :انطونيو بيخير ؟
انطونيو بتاسم : بيخير الالة السي دانييل خرج شوية غادي يجي دخلي ساينيه
سحر حركات راسها بواخا وجبدات تيليفونها كاتصوني على دانييل ماجاوبهاش
انطونيو حل ليها الباب :ساينيه لداخل الالة الدار دارك
سحر دخلات كتشوف فالتيليفون باش تعاود تصوني عليه اصلا جات باش تشوفو حيت قنطات
دخلات فالفيلة ودورات عينيها عجباتها كتبان عصرية وانيقة . مازال كاتكتاشف فيها حتى كتبان ليها شي وحدة خارجة من الحمام لابسة نقاب وهازة السطل والكراطة باش تجفف
سحر شافتها وقرنات حاجبها باستغراب
سحر :شكون نتي ؟،
اندريا سمعات صوتها علات راسها وقفات مبلوكية شادة فيديها الكراطة . غير عرفاتها راها سحر رجعات كلها كاترجف خايفة منها
♣️الجزء : 1467
سحر :شكون نتي ؟،
اندريا سمعات صوتها علات راسها وقفات مبلوكية شادة فيديها الكراطة . غير عرفاتها راها سحر رجعات كلها كاترجف خايفة منها
سحر بقات واقفة مستغربة : واش نتي خدامة عند دانييل ؟
اندريا كانت واقفة كاترجف مافاهماش شنو كاتقول
سحر بقات واقفة شحال عاد قربات عندها بشوية حتى وقفات قبالتها
سحر : واش ماكاتسمعيش ؟؟
اندريا كاتشوف فيها وعينيها عمرو بالدموع
سحر قرنات حاجبها : مالك هضري واش نتي خدامة عند دانييل
اندريا تمتمات وهي كاترجف : شنو
سحر سمعات لهجتها الانجليزية زادت قرنات حاجبها
سحر : شكون نتي
اندريا دموعها هبطو : عائشة
سحر باستغرب : شكون عائشة ؟
اندريا : عائشة المسلمة عائشة التائبة عائشة العبدة
سحر بقات قارنة حاجبها وبسرعة قربات عندها وهزات ليها النقاب على وجهها ماعندهاش الخاطر نالالغاز . غير شافت وجهها حلات عينيها بصدمة وتمتمات
سحر : اندريااا ؟؟!
اندريا دموعها تسرسبو وحركات راسها بلا
اندريا : انا عائشة مابقاتش اندريا فالوجود
سحر بقات كاتطلعها و تهبطها مصدومة ، شافت فوجهها لي كلو زرق ومضروب والحجاب لي لابسة بقات مبلوكية
اندريا ببكاء : عارفاك كارهاني وانا مستعدة نخليك تضربيني
سحر خنزرات : شنووو كاتديري هناااا
اندريا دموعها سايلين على خدها
اندريا :ماعرفتش .. نهايتي كان خاصها تكون الموت انا براسي ماعارفاش علاش مازال عايشة
سحر طلعاتها وهبطاتها : شنو هادشي لابسة
اندريا بتاسمات بقهر : واخا نقول ليك ماغاديش تيقيني بحالو . ومنحقك ماتيقينيش ومنحقك حتى نتي تعذبيني كيف معذبني هو . انا مستعدة لاي ردة فعل منك ووالله ماغادي نتقلق
سحر مافهماتش اول مرة كاتتبلوكا وماكاتديرش ردة فعل سريعة ، سحر معروفة بلي ماكاتعطيش فرص وكان خاص غير تشوفها تشدها وتضربها ولكن دابا ماقدراتش حيت كاتبان ليها هادي وحدة اخرى ماشي اندريا . مابغاتش تتسرع بغات حتى تفهم عاد تتصرف
سحر خنزرات فيها وتكلمات بحدة
سحر :هضري كانسمعك عندك فرصة خمسة دقايق قبل مانخبطك
♣️الجزء : 1468
اندريا بقهر : وصلت لمرحلة مابقيتش لقيت شنو نقول اغلاطي كتار ربطو لساني وخلاوني نحس بالعار
سحر :شنو كاتقصدي
اندريا : درت اغلاط وكتار وماكينش لي يقدر يسامحني منغير رب العالمين وانا توجهت ليه باش يغفرلي
سحر : امممم شنو كاتقصدي تاني
اندريا ببكاء :انا عتانقت الاسلام وبعدت على المسيحية بعدت على المعاصي بعدت على كل شيئ محرم فالاسلام بديت صفحة جديدة نسيت اندريا وسميت راسي عائشة( شهقات ) عارفاك ماغاديش تيقيني ولكن كنقسم ليك انني تبدلت ونددددددمممممت
سحر بتاسمات جنب :تبدلتي بعدما كنتي غادي تدمري حياتها وتضيعيها فولدها
اندريا طاحت فالارض كاتشهق وحطات يديها على وذنيها
اندريا : لالالا ماتقوووليييش هادشي مابغيتش نسمح هادشي
سحر علات حاجبها :خطفتيها وخليها تدوز من العذاااب هههههه حيت باغياها
اندريا بدات كتغوت وتحرك راسها بلا و هبطات راسها وبدات كاتدفل على نفسها
اندريا :تفوووووو تفوووو تفووو عليك اانديا كنكرهااااااك ضيعتيني ااندياا
سحر مستغربة ومازال كاتحلل الوضع مايمكنش بسرعة تيق فيها
اندريا هزات يديها كتسرفق فوجهها وتنتف فراسها بقوة من فوق الحجاب وسحر واقفة ودايرة يديها فجيامها كاتشوف فيها ببرود
اندريا كاتشهق عينيها كيقطرو : اغلاطي كتااار معتارفة بيهم درت امور حقييرة كنت رخيصة ومعفونة ولكن والله العضيم ندمت
سحر : حمل ليليان فالاول ماكملش واش نتي السباب ؟
اندريا حركات راسها بلا بسرعة عينيها حمرين وكاتشهق
اندريا :لا لا والله ما انا وماعنديش حتى دخل كنت كانعرف الخدامة وكنت كناخد منها المعلومات ولكن عمرررني اذيتها ولا كنت باغية نأذيها
سحر عضات على فمها : علاش درتي داكشي علاش خطفتيها
اندريا ببكاء : حيت كنت حقييييييرة كاافرة وخااانزة كانو فيا جميع الصفات الخايبة ولكن كنقسم ليك انني تبدلت انا اليوم وحدة تانية نسيت اندريا ونسيت العفن لي فيها ،تعرفت على دينكم وحبيتوو حسيت بالراحة والسكينة وعرفت الحق حبيت ربكم لي هو ربي دابا . درت الشهادة فالمسجد ولبست النكاب ، بديت بداية جديدة واخا وسخ الماضي مازال ملاحقني
سحر كانت دايرة يديها فجيمها وكاتشوف فيها ببرود
اندريا عقلها كان غادي يخرج بالبكا طاحت ل سحر رجليها كتبوس ليها صباطها
اندريا ببكاء هستيري :سااااامحووووني انا كنمووووت سااامحووووني راه كانتعذب
سحر تنهدات وتحنات شداتها من دراعها ووقفاتها
اندريا شافت فسحر وجهها كلو مجلخ بالدموع وكاتشهق
اندريا : ندددددمممت ندممممت عااافاااك قتليني مابقيتش قادرة على هاد العذااب النفسي مابقيتش قادرة نتحمل قذارة الماضي ديالي ،مابقيتش قادرة نتحمل الاشمئزاز لي كانحس بيه من نفسي كرهت رااسي وجسمي وجلدي (كتبكي بطريقة هيستيرية ) مكرهتش نقلع جلدي مني ونحرقو بيديييييي ماكرهتش كون فقدت ذاكرتي ماكرهتش ندوز على راسي اقصى انواع التعذيب . عذبييينييييي اسحر عااافاااااك عذبيييني بردي ولو شوية من هاد النار لي شاعلة فقلبي عاااافاااااك هانا قداامك حرقيني وقتليني قطعيييييني غير ماتفكرينيش فالماضي عاااافااااااك
(تحنات على سحر كتبوس ليها فيديها ) عاافاااااك اسحر عذبيييني ومن وراها قتليني اصلا فكل صلاة كاندعي ربي ياخدني عااافاااك قتليييني قتلييييني
سحر هزات راسها لفوق و تنهدات شداتها بقوة هزاتها باش ماتبوسش يديها وقرباتها بقوة لصدرها وضماتها بلا ماتهضر معاها
اندريا غير شافت سحر ضماتها طلقات صرخة من اعماااق قلبها
اندريا : اااااااااااااااااااااااااااااه اربييييييييييييييييي اااااااااااااااااااااااااااااااااااااااااااااااااااه
♣️الجزء : 1469
سحر ضماتها وطبطبات على ضهرها : شوووو صافي تهدني
اندريا كاتشهق :والله حتى تبددددلت والله حتى ندممممت
سحر :شووووو صاافي
اندريا تحنات على يديها كاتبوسها : ساااامحييينيي عافاكم سامحووني كلكم
سحر تنهدات وهي كاتشوف فيها مالاقية شنو تدير كتبان ليها وحدة اخرى
شداتها وجراتها حتى لفوطويات وجلساتها
سحر :تهدني دابا
مشات كاتقلب على الكوزينة عمرات ليها الما ورجعات عندها مدات ليها الكاس . شداتو اندريا وهي كاترجف دارتو ففمها والكاس كيتسمع الطقطقة مع سنانها
سحر جلسات قدامها كاتشوف فيها وتتنهد شافت فوجهها قدرات تفهم منو انها تعرضات لتعذيب من عند دانييل
اندريا حطات الكاس وبقات كاتشهق وعنيها فالارض
سحر : علي راسك وشوفي فيا
اندريا حركات راسها بلا :ماعنديش الوجه باش نشوف فيك
سحر تنهدات وهزات ليها راسها : واش بصح دخلتي نالاسلام
اندريا حركات راسها باه والدموع فعينيها
اندريا :اقسم بالله العلي العضيم دخلت نالاسلام وندمت على اي حاجة درتها
سحر :علاش كنتي غادية فديك الطريق
اندريا بتاسمات باستهزاء : ماعنديش مبرر منغير انني كنت كلبة ، مبرراتي ماكيشفعوش ليا
سحر : قولي ليا مبرراتك لعل نبرد شوية من جيهتك
اندريا عاودات ليها كيفاش عاشت حياتها كلها عاودات ليها شنو دارت والاغلاط لي رتاكبات وسحر كاتتصنت ليها باصغاء حتى سكتات اندريا وهي كاتدمع
سحر :ودابا باش كاتحسي واش باقيا كاتنجاذبي لجنس البنات
اندريا سمعاتها وجهها زرق وحركات راسها لا بسرعة
اندريا : لا لا لا بالعكس غير كانتفكر داكشي لي كنت كاندير كانبغي نرض ماعرفتش كيفاش كنت كانقدر ندير داكشي عارفاك ماغاديش تيقيني
سحر بتاسمات : بلعكس تقت بيك
اندريا شافت فيها بسرعة وهي كتبكي :واش بصح تايقة فكلامي عارفاني ماكانكذبش
سحر بتاسمات وحركات راسها باه : انا انسانة كتقرا العيون وعيونك كيبينو مدى الندم لي ندمانة
اندريا حطات يديها على وجهها كاتشهق
سحر شدات فيديها : مرحبا بيك عائشة
عائشة شقهات وبتاسمات وهي كاتبكي : سامحتيني
سحر : ملي الله وكيغفر ويسامح شكون انا باش مانغفرش
عائشة شافت فيها وعينيها حمرين
عائشة :بغيت نطلب السماحة من عائلتك كلها ومن احم ليليان بغيتهم يسمحو ليا
سحر : ماتفكريش دابا فهادشي . علاش مازالة هنا علاش مامشيتيش فحالك
عائشة : بغيت نمشي وماخلانيش دانييل
سحر سكتات : واش بغيتي تمشي بحالك
عائشة حركات راسها باه : اه بغيت نبعد نعيش فشي بلاصة غير بوحدي ، بغيت ننسا هادشي كلو بغيت نبدا بداية جديدة بسمية جديدة وشخصية جديدة
سحر بتاسمات : مادام اسلمتي وتبتي وندمتي ادن مفروض عليا نسامحك ونعاونك . ملي يجي دانييل انا غادي نهضر معاه باش يخليك
اندريا تلاحت باش تبوس ليها يديها وسحر بعداتها
فنفس اللحضة دخل دانييل كيهضر بصوت مرتافع عائشة غير سمعت صوتو هبطات نيقابها بالزربة قبل مايدخل
دانييل : سحووووورة فدااري مرحباااااااا
مع دخل وشاف عائشة جالسة مع سحر خنزر
دانييل :شنووووو كاتديييري القحببببة فصاالوووني نوضي تقااوديييييي
سحر :دانييييييل
عائشة سمعاتو قفزات وناضت كاتجري طلعات لببتها
♣️الجزء : 1470
دانييل بغى يتبعها شداتو سحر من دراعو
سحر :داااانييل صاافي تهدن خلينا نهضرو
دانييل : علاااش كانت جالسة ليا هاد القحبة وسط الصاالون وشنو كانت كاتقول ليييك
سحر جراتو وجلساتو :جلس خليينا نهضرو اصاحبي
دانييل جلس كينهج وكيسب :القحبببببة قلت ليها تنزل تجمع الخنز ماقلتش ليها تجلس ليا فالصالون
سحر : علاش مخليها هنا
دانييل خنزر : بغيتيني نطلقها ؟؟
سحر :البنت ندمات
دانييل ضحك بالفقصة : ههههههه قدرات تضحك عليك دازت عليك تمتيليتها وكذوبها
سحر حركات راسها بلا :ماكاتكذبش البنت كاتقول الحق
دانييل خنزر فيها :سحححححر
سحر :كتقول الحق .البنت دخلات نالاسلام وبدلات سميتها وبغات تبدا حياة جديدة ندمات على الماضي وضميرها معذبها صافي طلقها خليها تبعد
دانييل مخنزر : سححححر شنو كاتخوري كيفاش طلقها وداااكشي لي داارت
سحر تنهدات :ندماااااات
دانييل :ماكيهمنييييش ندمها تزيدو فكرها ماغادي نرتاح حتى نعذبها ونكرهها فحياتها
سحر :ملي ربي وكيغفر ويسامح شكون نتا باش تعدبها بعدما سلمات
دانييل :هادشي ماكيهمنيش اسحر ختي شافت الموت
سحر :وحتى نتا شوفتيها الموت وجهها كلو زرق حتى نتا تكرفصتي عليها بما فيه الكفاية . و مادام نطقات الشهادة ودخلات نالاسلام ماعندكش الحق تقيصها وانا اول وحدة غادي توقف فوجهك
دانييل بقى مصدوم فيها
سحر : صافي باراكا عليها غلطات وندمات حتى حنا غلطنا بزااف ونتا براسك اغلاطك كتاار . قتلتي وسرقتي وعذبتي حتى نتا ماشي ملاااك حتى نتا كلك اغلاط واش كيعني هادشي نشد عليك ونعذبك
دانييل :هاديك ختي لي تعذباات اسحر
سحر :هاديك ختي حتى اناا ولي قاصها ناااكلو بسنننناني وشفتي شنو درت على قبلها
دانييل :وشنو تبدل دابا مع هاد القحبة
سحر :تااااابت راه فديننا حرام تقيصها ..حتى فعهد الغزوات لي نطق الشهادة حرام يتقتل
دانييل سكت
سحر : طلقها تمشي تعيش حياتها فبلاصة بعيدة
دنييل ضحك باستهزاء :هههه تسطيتي اسحر مستحيل نخليها . نهار نرجع لامريكا غادي ناخدها ونلوحها فسجن الرجال تما تعيش حياتها
سحر خنزرات : اقسم بالله وتاخدها لشي بلاصة ولا تزيد تقيصها مانبقى نعرفك . غادي تضرب عليا فممممرة
دانييل :سححححر
سحر وقفات كاتهضر بحدة :هضرت معااااااك اداااانييل ونتا عارفني حقانية وماكانضلمش ومادام سامحتها اذن عارفة علاش ونتا ماغاديش تحس حيت نتا ماشي مسلم . من اليوم عائشة تحت حمايتي عتابرها حدة قريبة مني مانبغيش تقيص شعرة منها وكل نهار غادي نجي نشوفها ونتطمن عليها
♣️الجزء : 1471
دانييل ضحك باستهزاء وحرك راسو بلا حول
سحر بغات تهضر سمعات تيليفونها كيصوني جبداتو لقات عصام جاوبات دغيا
سحر :وي حياتي
عصام : بغيت نجي وراك ناخدك نتعشاو برا
سحر : انا مع دانييل دابا غادي نمشي لدار
عصام بقى ساكت عاد نطق : اك
سحر قطعات وشافت فدانييل وهزات صبعها
سحر : عائشة ماتقيصهااش ادانييل من اليوم يديك ماتتحطش عليها . ومازال غادي نهضرو على مصير حياتها فين غادي يكون وانا لي غادي نقرر فين غادي نخليها تعيش حيت معاك ماغاديش تمشي
خلاتو مصدوم وخرجات
فالليل وبالضبط فغرفة برائة
جالسة فوق الفوطوي وكاتفكر فيه شكون منغيرو لي رجع شاغل بالها وتفكيرها ،ماعارفاش علاش كاتفكر فيه وشنو السبب .
دخل اكرم من الباب وماشافش فيها حط تيليفونو فوق الفراش ومشى نيشان نالحمام دوش ولوا فوطة على خصرو وخرج دخل لدريسينج لبس سروال فالاسود مع قاميجة سوداء
خرج برا كيلبس فالساعة وقف قبالت المرايا كيقاد شعروو وبراءة كتخط فيه الشوفة وتشوف فيه بنص عين
ديقات فيه عينيها وعضات على فمها ماقدراتش تصبر ونطقات بدون شعور
براءة : فين غادي
اكرم ماشافش فيها عينيه فالمرايا وهز الريحة لي كيرشها غير فالمناسبات و رشها
اكرم :خارج غادي نتعشا برا
براءة دخل ليها الشك : اممم ومعامن خارج
اكرم : مع وحدة
براءة سمعاتو هزات حاجبها : كيفااش شكون هادي. واش ديك صديقتك ؟
اكرم حرك راسو بلا : توتو ماشي صديقتي ان شاء الله ناوي معاها الحلال
براءة سمعاتو قلبها ضرب بقوووة وحسات بيه خرج من بلاصتو وجسمها كلو شعلات فيه العافية شافت فيه كاتنهج مخرجة عينيها
براءة :كيفاش شنو كاتقصد
اكرم : ناوي هاد الايام نزيد المرا التانية ،نتي غادي تبقاي مراتي هنا معززة مكرمة حتى حاجة ماتنقصك
براءة مصدومة فيه ومخرجة عينيها كلها كاترجف
اكرم : . غادي نزيد التانية وناخد ليها دار فبلاصة اخرى باش ماينوضش الصداع فالقصر . وواخا انا وياك زواجنا ماشي حقيقي غادي نعدل بينكم ليلة غادي ننعس معاها فدار خرا وليلة غادي نجي نبات معاك نتي وبنتي . لمهم هاني علمتك باش يكون كلشي فراسك
كمل كلامو وخرج وخلاها شادة فقلبها وجهها رجع صففففر تخطف منها اللون و كلها كاتترعد
#يتبع