صُـدگ سَوُيـتـهــا وتَبـطِل تـريِـد
وتعُـوف ايـامنـا وتِنسـاها كُـلــها
عـوفَـك مِـن تَعبـنه ومِـن الجـرِوح
تَـعال احـلامَـنـه بَـاچـر شگُـلهـا؟
تَعـال انت شگلـت عَـن بَاقـي الـايَام
مُـو گتـلي شتّجـي مـا رَاح أملـها
الـمِن واعَدتنـي وگتـلي سَهـلات
شـِما تصعّـب عَلـيك اگـدر أحـلـها
دِنيـا شَگـد ثگيـله حِـمـل وَيـاي
حِـملك صَـار اثگـل من حِملـها
رُوحـي الـما تَعَـرت يُـوم وَيـاي
مِشَـت ويــاك ذَبـت كُـل خَجَلــها
شِردت مـن أهَلـها بَليِـل ويــاك
مِنـك مـن تِرد شَتِـكل الـأهـلها
أذبَحـها و رُوح أهـون كُـونك تِـريـد
أذبـح رُوحـي لـا تِذبَـح أمَـــلها
بَـت عَـز ومَشـيـت ويـاها وتشـوف
الهَـوه وَكِـت الصِـدك هـم مَا يِذلـها
زَعـل لـو هايهيه وبَعــد مَتعــود
تُـوالـي سَنـيـنـي لـتَطشَر شَمــلها
أذا غـلطت بحَقـك يَعنـي مَيـصيـر
ويـاها ويـاك هـم صـارن مِثلــها
تـزَعَـلها وتجِيـها بعَيِنـك دمُـوع
تُـوكع دَمعِـتك يُـوكـع زَعَــله
بقلمي انا ايڤين
لاتنسون التصويت يروحي انتوا + التعليق بين الفقرات مُهم كُلش مُهم عليكم الله موو تنسووه سَومرياتي 🩷🩷.
_____________________________
صار مُلهم يشيل باللثام وهو يحرك وجها بسرعه يمنعهم من هل شي .. راح ديغم لزم راسه و سحب اللثام بقوه من عنده
ثواني جانت بس حسيت بيهن بكهرباء تسري بجسمي من الصدمه يلي شفتها كدامي كعدت بالكاع على ركبي مخلي ايدي وره راسي
رجف حلكي واني اكول اسمه بكُل ذهول
سرمد ..!!!
مُلهم - لككك انتَ منا و بينا وهيججج تسويييي انتَ الحرامي يلي جنت تاخذ فلوس بدون وجع كلب وتشوفنا كدامك شون تتسرسح روحنا على حلالنا الضاااع
ديغم - ماكدر اصدُك أنتَ نفسك سرمد ابن سيد حازم يلي بعمره ما مد ايده على الحرام مافكرت شويه بابوك شنو مُمكن يصير بي إذًا شاف ابنه وحزام ظهره يبوك من اعز صديق عنده
سرمد - شيصير خلي يصيررر بي مااايهمنييي شيحجييي خل يحجي رووحوا صيحوه خلي يعرف ابنه هو الحرامي يلي جان يبوك من عندكم
السميدع - يا حيف انت ابن سيد حازم الي الكل تهابه واذا حجه يسكت اكبر راس يا حيف انت ابن عمي والله ولك نزلت راسنا كدام ناس لو ندفع دم ركابنا الهم ما يكفيهم هسه بيا وجه اروح لحجي سعد
شيكول عليه فهمني يكول هذا ابن عمه واكيد حاله من حالك اكيد هم تروح وتبوك من حلالي لو تاذي بنتي لو تسوي العجايب بينا ولك لييش سرررمد ليييش
سرمد - مايحجي هيج لا تهتم
ديغم - اشوفك حيل عاجبتك الوضعيه تريد اطيح حضك لككك
سرمد - طيح حضي يلا مايهمني اكبر راس بهل الدنيا بعددد طيييحه طيييحه لحضي
مُلهم - وخر عنه ديغم هذا نضرب على راسه مبين شارب شي مو طبيعي ابد
ديغم - لككك لا تخبلني لاااا تخبلني ملفين حرامي ببيتنا طول هل سنين الي راحت يا حسافه
سرمد - هييي اكوووول لا تبدي تمسلت شوف منو يحجي عساس حضرتك شونك الحرامي يلي تبوك من مصاريف اخواتك
ديغم - وحق الله راححح ادددفنككك بمكااانك وانتَ عااايش
سرمد - لزموا لزموا اهتزت الشوارب دروح بابا روح مسوي روحه شريف منك نتعلم البوك
ديغم - بايك من جييييب الخلللفكككك اخوااااتي اخواااتي افهمممم يااا بشرررر
سرمد - اسمك حرامي و بايك من اخواتك
مُلهم - كاااافي كااافي انتوا الثنين خلونا نفهم شنو السبب ، احجي ولك سرمد ليش هيج سويت ولك لييش
سرمد - هيج عجبني كلت بطرانين ذوله خل ابوك من عدهم
كمت على حيلي تقربت من عنده .. جريته من ياخته مقرب وجهي عليه احجي بقهر
السميدع - سرمد بس اريد اعرف ليش هيج سويت لك مو انت صديقي واعرفك وحافظك على الغيب ليش هيج سويت مو راسي راح يطك لك سرمد
سرمد - معليك سميدع سويت يلي سويته لا تهتم
سميدع - راااححح ينفجررر راسي لككك ليييش
سرمد - معليك
سميدع - يابه اذا ماتحجي هسه نخرب ونخرررب حيييل هل مررره سرررمد
سرمد - خابر ابوي يجي ياخذني وقبلها يرزلني كدامكم
سميدع - لكك سررررمد
سرمد - انتهينا سميدع انتهينا
ابتعدت عن اهز راسي دليل على النفي .. خليت اصبعي بوجهه احجي بهدوء قاتل
سميدع - مو انتَ يلي تحدد شوكت نتهي و شوكت لا ، مارح ننتهي ولا راح اعوفك الا اعرف منك السبب كامل و يقنعني لازم ، مارح اتركك تروح و تفلت بسالفتك هاي صدكني ادفعك ثمنها حتى اعرف
سرمد - لا تحاول مارح تعرف بس دتعب نفسك وياي سميدع خلي الكلوب طيبه عليك
سميدع - راح اعرف صدكني مارح اخليك تفلت من عندي هل مره ولا راح اعبر الموضوع مثل اي موضوع من يلي جان يصير قبل
مُتيم - سيد حازم اجه امشي كوم لابوك
سرمد - يالله خل نتحضر لرشاشه ابوي يلي محضرها
مُلهم - شبيك رشاشتيش
سرمد - لسانه ما شاء الله راح ياكلني اكل بي وهسه يطلعني اسقط مخلوق بالمجره الارضيه
ديغم - فضها اطلع اله خل نختم هل مسرحيه
سرمد - اي والله تالي وقت ديغم الفكوري يشوف مسرحيات ببلاش
ديغم - بديت تتماده هاا سرمد كوه لازم روحي عنك
سرمد - اي تماديت شراح تسوي مثلًا هل راح تدز عليه جماعتك لو شنو ضبوعات العنيف
مُلهم - جماعتيش
ديغم - امشي امشيييي اطلع لااابووووك
لزمني من ايدي قوي بعد ماسمع كلامي يجر بيه باتجاه ابوي يلي جان مخلي ايد على راسه و ايد ثانيه يفرك صدره
حجي سعد - اهدئ اهدئ حازم شدتسوي بنفسك
سيد حازم - شهدئ فهمني شهدئ تصخم وجهي تصخم راحت هيبتي كدام العالم ابني حرامي و يبوك من اعز صديق الي ابني يبوك من روحي من روووحي
حجي سعد - لك حاااازم اصحى على نفسك هو منو يلي يستاهل تسوي بيها هيج اصحى كااافي
سيد حازم - لك سعد فشلني وياك والله فشلني ماعرف شون اعتذر منك والله اني خجلان حيل خجلان من عندك
حجي سعد - اسكُتتت اسكُت حازم اني وياك مثل الاخوه و اكيد ابنك طايش و غلط كُل الاولاد هيج طايشين وهاي سوالفهم لا تسوي بنفسك هيج
سيد حازم - يا فشلتي يا فشلتي
حجي سعد - كوم حازم اجه ابنك
سيد حازم - ولكككك ليييش ليييش بس فهمني ليش ولك بعمري ماقصرت عليكم بفللس بفلللس ماقصرت وهسه يخابروني يكلولي الحك ابنك يبوك من محلات صديقك يا حساااافه يااا حسافه على زماني
سرمد - يابه ماصار شي الفلوس رجعت الهم
سيد حازم - وتحجي ببرود همات ببرود تحجي كإن مامسوي شي مو
سرمد - ماسويت شي اني و إذًا نعاد بيه الزمن هم ارجع ابوك من عندهم يعني اول و تالي ابوكن يعني ابوكن و محد يكدر يمنعني حتى انتَ و تمثيلك هذا
حجي سعد - شنو شكاعد تحجي انتَ
سرمد - تمثيله
سميدع - كوم وياي عمي
سيد حازم - عووفني ولك عووفني خل اشوف هذا وين يريد يوصل منين متعلم هذا الحجي صاارر نغمه جديده هاي
سرمد - لراس الشارع اوصل بس لا مقبط لعد اوكف على الحافه ولا تاخذ مني كروه وهاا ترا حلو نجدد نغير النغمه من وقت لثاني
سيد حازم - تستهزء بيه حضررررتك مووو ولك والله اليوم اكلبها كلب عليك الدنيا
سرمد - لا ابد حشاك و بعدين استقر حزومي شتكلب مثلًا
ديغم - والله انتَ واحد قليل آدب
سميدع بهمس - الي يسمعك يكول شكد بار باهله هذا .. محد يدري بيك شون تنتر بيهم اربع وعشرين ساعه هو غير اني جنت من اشوفك اكول خل اتعلم من عنده خوش يمسلت
ديغم - وصل بسمارك سرمد
سميدع - همزين وصل ودك على كصتك الزلعه
ديغم - هاا خالي منو كصته زلعه
سيد حازم - اخذوني من هل مكان اخذوني لبيتي بسرعه ماكدر ابقى هنا بعد المكان جاي يخنكني حيل اخذوني بعد رجليه ماتحملني تعبت اخذوني يلا
حجي سعد - صدُك تحجي حاااازم
سيد حازم - مع السلامه ابريلي الذمه و سامح ابني سعد
حجي سعد - لك حازم
ديغم - عوفه يابه عوفه خل يرتاح
سميدع - لا حول ولا قوة الا بالله منين اجته هل سالفه
مُلهم - ابوه سيد حازم يلي عنده املاك الدنيا يجي يبوك من عدنا حسافه بي تربايه ماغزر بي شي
سميدع - مو طبيعي هذا مغسول عقله مغسووول
مُلهم - امشوا للبيت كافي صرنا سينما للي يسوه والي مايسوه
سميدع - رايح لبيتي
حجي سعد - روح ابني روح الله يعينك
سميدع - اعذرني عمي على يلي صار هسه
حجي سعد - مو ذنبك يا ابني هذا كُله مو ذنبك
سميدع - صار كُلشي خارج عن إرادتي والله
حجي سعد - امشي نام والصباح رباح ابني
سميدع - مع السلامه
تركتهم امشي باتجااه البيت ايدي بجيبي امشي ورافع راسي للسما اطلب العون من ربي .. فتحت الباب ادخل للبيت بهدوء .. صرت اتمشى بكل ركن من البيت بدون لا احجي اي كلمه
كعدت على القنفه ايدي على راسي يلي حاسس بي راح ينفجر .. صرت احجي وي نفسي بهدوء :- ليش سرمد ليش سويت هيج ماتسوي اي شي مثل هذا الا واصل لمرحله من الجزع اني حافضك بصم ماتوقعتها منك ابد
شمنتضرك بعد يا سميدع شراح تنصدم بعد بمنو راح يخيب آملك بعد .. يا تُرى شمضموم عني بعد اكثر من هذا شتريد مني الحياة بعد
حسيت ايد على متني تتحرك بهدوء ، عرفتها من عطرها الفواح يلي يترس ريتي بالحياة .. نمت على رجلها بدون صوت مركز نظرتي عليها مُباشرةً
صارت تحرك بشعري بهدوء و هيه تتمتم بصوت خافت قريب لمسامعي :- اللهم أنَت ربِّي، لا يخفى عليك ما في قلبي، فاللهم طمأنينة منك، وغنى بك
حركت اصابعها داخل شعري خلت كهرباء تسري بجسمي .. حسيت اطرافي ترخى و هيه مستمره تدعي بهدوء يريح الاعصاب :- ياكاشف الكرب عن وجه أخيك الحسين اكشف كربنا بحق أخيك الحسين
زمرد - رددها سوسو رددها لحد ماتحس نفسك ارتاحيت
بدون ماتناقش وياها غمضت عيوني و صرت اردد بيها بهدوء ..
ياكاشف الكرب عن وجه أخيك الحسين اكشف كربنا بحق أخيك الحسين
زمرد - ماكو دخان بلا نار ولا اكو سؤال ماله جواب ولا اكو مُشكله ماكو الها حل .. خلي بالك متطمن راح تكدر تعرف كُلشي و وراح تكشف الحقيقه صدكني
سميدع - شنو ينتضرني اكثر من هذا زمُرده
زمرد - هاي الحياة مليانه تجارب بيها الزينه و بيها الموزينه لازم نتقبل كُلشي يصير ويانا
سميدع - شنو مُمكن يصير لو انتِ ماموجوده بحياتي .. إنتِ زدتيني قوه ، أنتِ نور عيني يابعد عيني
زمرد - اشش غمض هل العيون الحلوات و خليك مركز بس على صوتي واني ادعي
سميدع - سويت مثل ما كالت سويت ، غمضت عيوني و اكتفيت بس اسمع صوتها يلي يلامس روحي .. الهدوء و السكينه يلي اتجمعت بداخلي وهيه تردد بهدوء :
لا إله إلا الله رب السماوات السبع ورب العرش العظيم ربيُّ إنيّ أسّألك أنّ تريحَ قلبيّ وفكريّ وأنّ تصرفَ عنَّي شتاتّ العقل والتفكير ربَّي إنّ فيَ قلبيّ أمَورًا لا يعرفها سِواك فحققها ليَ يآ رحيمّ.. ربي كنّ معيُّ فيّ أصَعبّ الظروف وأرينيّ عجائب قدرّتك فيّ أصعبُ الأيام
ضلينا ساكتين لمده طويله بس صوت انفاسنا مسموع .. رفعت نفسي مركز عيوني بعيونها يلي الضوه الخافت يعكس جزء بسيط من جمالها
سميدع - ما تخافين زمُرده
ميلت راسها تبتسم بوجهي بهدوء .. رجعت خصلة شعرها وره اذنها تتأملني و بعيونها اكدر اقره كلام الحُب :- تتوقع من عندي اخاف واني عندي شخص يشوف عيوني اندر شي بهذهِ الدُنيا
سميدع - ياريت لو جنت اشوفهن بس اندر شي بهل الدنيا .. اني اشوف كُل تفصيله من تفاصيلج نادره و ثمينه عندي .. انتِ الزمُرد اسم على مُسمى
فزينا ثنينا على وجه قريب من عدنا يحجي بهمس :- هاي شدتسووون لزمتكمممم
زمرد - يمه عزاا طااح كلبي ياااا
سميدع - لككك شهل تصررفات صدُكككك جذذذب
ضِغاب - لعد شنو حرام الواحد يَكعُد عطشان يريد مي شنو نموووت نموووت قابل
زمرد - اني تارسه الكم دولكه بغرفتكم و مخليتها شون بعد تعطشون
ضِغاب - هو غير أسيد بلوعه يشفط المي شفط حلكه عبالك هايشه مفجوعه
سميدع - والله هسه عرفت الجينات صدُك تطفر تأكدت حاليًا
ضِغاب - شمسوي هسه اني هو بس عطشان ميي مييي اررريد ميي
زمرد - شبيك عيني سوسو وليدي عطشان يريد ميي
سميدع - كيفتي عليه لان يشبه سوالف مُلهم و مُتيم
زمرد - ياا عيني احنا عائله حشاشه
سميدع - و حلوين
ضِغاب - هاا شكو سالمين خالي
سميدع - دباع يحجي مثل ديغم
ضِغاب - شبيك خالي شبيك
زمرد - يااا تدري ستوي انتبهت ديغم بين كلمه وثانيه يكول خالي
سميدع - من زمان ملاحظ عليه و هذا ابنج كام يحجي مثله
كمت على حيلي متخصره هزيت راسي احجي بضوجه :- شنووو شتقصُد يعني هوو بس ابني مو ابنك أنتَ هم
سميدع - امشي منا اشرب مي و ارجع نام
ضِغاب - عجبتني كعدتكم
سميدع - مو صرت جبير و دخلت للمدرسه
ضِغاب - لعد إذًا ادخل للمدرسه بعد ماكعد وياكم و احجي
سميدع - لا عمي قابل شعدنا
زمرد - يمه وليدي حبيبي الكبران شوف شحلاته صاير
سميدع - اي شحلاته لسانه مترين لكدام من الوكاحه وجهه مجلخ
ضِغاب - لا يابه هذا واحد تفل على أسيد كتله اليوم اشعل ابوك ورحنا تمالخنا
سميدع - ولكككك منووو علمك تحجي هيييج و تكول اشعل ابوك
ضِغاب - خالي ديغم كالي شكو واحد يضوجك كُله اشعل ابوك
سميدع - استغفر الله هذا اخوج شديعلمهم
زمرد - هههههه يمهه يكُله اشعل ابوك
سميدع - ضحكي انتِ ضحكي شكو عليج
زمرد - مو زين ديعلمه يدافع عن نفسه و اني زعلانه لا تحجي وياي ماريد
سميدع - ياعمري إذًا كبر يصير الغلط زلاطه بلسانه و منو يشوفه كدامه يغلط عليه و على شنو تزعلين ياعيني ابنا ثنينا والله
ضِغاب - لااا لااا يابه بس يلي يأذيني و يأذي نياارا و أسيد
سميدع - عيب بابا هل كلام
ضِغاب - حاضر مارح اكُله ابد
سميدع - دافع عن نفسك بس لا تغلط ابدد لان حتى لو جان وياك الحق من راح تكول كلام مو حلو راح تقلل من قيمة نفسك و هم راح تخلي الناس ماتحترمك و يروح كُل حقك
ضِغاب - لعد خالي كالي هيج احجي
سميدع - مو اي شي نسمعه يعني لازم احنا نحجي مثله خالك يريد يعلمك شون تدافع عن نفسك .. بس ماكو دفاع من تروح تكله اشعل ابوك
ضِغاب - لا لتخاف بعد يابه بعد ماحجي حجي مو زين
زمرد - خليك محبوب حتى الناس تحبك
ضِغاب - بس اني احبج شكد حلوه انتِ
زمرد - ههههههههه يابعددد امكك
سميدع - كوم نام بفراشك كوم كافي
ضِغاب - مشتاق لامي شبيك
سميدع - نعسااان نعساااان صار الصبح اريد انام
ضِغاب - لا اني مشتاق لامي خلي احجي و ياها شويه
سميدع - كوم منا عوفها ضِغاب
ضِغاب - هاي سوالف مو علينا ندري ندري ماتقبل
سميدع - اي ماقبل يلا روح منا تدعبل
ضِغاب - بس عطشااان
سميدع - اشرب مي واخذ للبلوعه مالتك وياك
ضِغاب - اي والله همزين ذكدرتني يابه نسيته من وره جمال امي
سميدع - بس نام مو تضل تحوص ضِغااااب
ضِغاب - راح انام والله
سميدع - عفيه امشي على كيفك مو تركض و توكع
ضِغاب - اني رجل حديدي ما اصير رضروضه تراا قوي حيل اني
سميدع - شنو شنو رضروضه
زمرد - يعني رضه يعني ركعه خفيفه ياا عيني
سميدع - يالله كومي ننام
زمرد - همزين حسيت على دمك و خليتنا ننام كُله من وراك مخلينا نسهر للصباحيات
سميدع - سوسو يتدلل عليج هاا
زمرد - اووي شون سوسو مايحب زمُرده
سميدع - تعاي ننام و الصباح رباح زمُرده عود وره ما نكعد نعرف نحبج لو لا
زمرد - بس لا تريد تخليني انام تخلص من عندي
سميدع - مو اني تعبان و نعسان خطيه و لسه مانسيت سالفه سرمد و يلي سواه
زمرد - يووو غمض عيونك الحلوات و تخيل شي حلو و نام
سميدع - ماكو داعي اتخيل و كُل حلاوته الدنيا كدامي
لطيفه - يمه شبيج حبابه لا تسوين هيج بيه اقنعي اخوي يوافق مو تدرين بلي صار وياي ليش هيج توكفين بطريقي شنو ذنبي اني ماحجيتوا اله
- اششش لا اكسر راسج تماديتي هواي مو زين مني ساكته اطمطم سالفتج العوجه
حسين - كافي لعبت نفسي من هل موضوع سدوووه
لطيفه - مادام اجه خطبني ليش ماتوافقون هااا بس فهموووني لييش تسون بيه هيججج
حسن - شوفي لطيفه مو شويه جنج صايره صلفه زياده عن اللزوم
لطيفه - والله احررركها لرووووحي احررركها
سميدع - شتحركين ولج
التفت عليه بفزع على منضره شون عاكد حواجبه يباوع بتساؤل حسيت الرجفه تسري بجسمي و رحت اختل وره امي
سميدع - محد جاوب ليش تحركين روحج
لطيفه - دتشاقه وي حسن و حسين
حسين - عرفت انتَ ان ..
سميدع - ابن سيد عباس خطب لطيفه و اني رفضت
لطيفه بهمس - يمه ابوس ايددج احجي شيي
- يمه ليش رفضته هو خوش وليد وهم اقاربنا ليش توكف بوجه سعاده اختك
سميدع - يمه شقصدج اوكف بوجه سعادتها .. ليش يعني ماتدرين ابن سيد عباس متزوج و مرته الاولى شرانيه
- اي يمه ادري بس ..
سميدع - سدوا الموضوع ماريده ينفتح بهل البيت أبد
حسن - بس سميدع يعني فشله من عمي
سميدع - ماكو بهل الاشياء فشله اني ماقبل بهل رجال يصير رجل اختي ماقبل بي
لطيفه - بس اني اريده و مو من حق اي احد يوكف بطريق سعادتي
سميدع - شنو شنو شكلتي
زمرد - بحركه سريعه لزمت ايده اضغط عليها احاول اخلي يكتم اعصابه .. لاول مره اشوف شرايين كصته واضحه لدرجه مو طبيعيه .. حجه بهدوء يقتل و هو مركز نضرته على لطيفه
سميدع - كُلت ماكو لطيفه .. ماكو يعني ماااكو لا تعاندين و يصير غير تصرف وياج
لطيفه - مو بكيفك
حجت هل كلمه و راحت ركض لغرفتها .. كمت وراها بدون ما اباوع على وجه السيد لان متأكده مارح اكدر اعرفه
دخلت لغرفتها علكيفي سديت الباب و قفلتها بالمفتاح للاحتياط .. صرت قريبه عليها و احرك شعرها بهدوء اريد انصحها تبتعد عن شي يلي مايفيدها
لطيفه - شتردوووون منييي عوفوووني
زمرد - اكيد سميدع ماقبل تسوين هيج او تزوجي علمود شي واحد هو يعرفه .. و همين شون تكدرين تتحملين تعيشين وي مره ثانيه تشاركج وي زوجج
لطيفه - بس اني ارررريده ارررررييييده
زمرد - اشششششش لاااا تصيحين ولجج
لطيفه - اتركيني بحالي ماريد احد يجي يمي ماريد احد يحجي وياي والله والله اكتلها لنفسي إذًا ماخليتوني اتزوجه
زمرد - هاي صدُك تحجين لطيفه لعد مو اكول عليج انتِ العاقله الحبابه شون تقبلين تزوجين هيج واحد
لطيفه - اي اقبل ليش ما اقبل شاب و اخلاق و كُلشي زين بي ليش ماتزوجه هاا لو انتِ ماتردين الخير اليه
زمرد - يااا صدُك تحجين لطيفه اني ما أتمنى الخير الج لعد شعندي وياج بس غير دنكول الج الرجال متزوووح متزووج وحتى عنده ولد من مرته الاولى
لطيفه - مووووو من مررررته الاولى موووو منهااا
زمرد - شنو .. شقصدج بـ مو منها
تقربت عليه لزمت وجهي باديها الثنين مقربه وجهه الي .. حجت بـ فحيح و عيونها متركزه على عيوني :- هذا أبني إني أمه
دفعتها بكُل قوتي اباوع عليها بصدمه ، صارت تزحف باتجاهي تهمس بهدوء .. أبني هذا أبني والله اكتلج والله اموتج إذًا حجيتي حجايه وحده للسميدع
زمرد - لا لا لا أكيد تخبلتي مو صاحيه انتِ ابددد لج شددتحجيين شددتحجيين اسُكتِ
وكفت على حيلها تحرك شعرها بغرور و تضحك بهستيريا و تردد نفس الكلمه :- اني أمه .. اني أمه
زمرد - شوفي لطيفه لا تتخبلين تدرين هاي كلمتج شون تخلي الدنيا تنكلب على راسنا لو احد عرف انوا هيج تحجين الزمي لسانج و كافي لا تصرفين بهل التصرفات الطايشه
لطيفه - بس اني متزوجته بالسر .. كُلها تعرف بس انتوا ماتعرفون
زمرد - شـ شنو شـ شدتحجين لطيييفه والله رايحه اكول للسميدع
اخذت المبرد يلي على ميز المرايه متقربه من عندي مبتسمه بهدوء صارت قريبه عليه صرت احس بنبضات گلبها و صوت انفاسها المتطربه .. خليت المبرد على ركبتي تحركه على كيف
لطيفه - اكتلج هيج اذبحج إذًا عرف هل شي عني
زمرد - انتِ مخبله مو صاحيه
لطيفه - مو صاحيه اي مخبله مخبله ديري بالج تحجين كلمه وحده اكتلج ومارح يرف الي جفن
استجمعت قوتي و دفعتها على الجربايه و كمت اركض افتح قفل الباب و اعيط بكُل ما أجتني من قوه .. دفعتي خلت راسها ينركع بالكومدي الي قريب من عدها .. ايدي ترجف و المفاتيح ماتفتح وياي .. عين عليها و عين على القفل انتضره يفتح
صارت اصوات دكات الباب تتزايد وسط كلامهم و صياحهم حتى افتح الباب .. حسيت بصوت القفل ينفتح وياي سحبته بكُل قوتي طالعه من الغرفه
شمرت نفسي بحضن السميدع اتنفس سريع مركزه عيوني عليها بعد ما دخل حسن و حسين الها يكوموها
- ياربي شكاعد يصير بهذا البيت دخيلك ياربي ولجن شبيجن اول تالي هيج
زمرد - وديني لاهلي بسرعه بسرررعه بسررعه اخذني من هنا
سميدع - اششش اهدئي و فهميني يلي صار زمُردتي
زمرد - اخذني مناااا اخذذذذنيييي مااررريددد ابقى
سميدع - بس اهدئي جسمج يختض مثل السعفه ولجج لا يصير بيج شي
خليت عيوني بعيونه احجي بثقل - طلعني من هل بيت بسررررعه طلعني ماريد ابقى ثانيه بعد هنا
سميدع - امشي اخذج
زمرد - ماصدكت سمعت هيج اخذت غراض جهالي وطلعت امشي كدامه .. احس بجسمي يرجف من فوك لجوه نيار تباوع عليه بحيره لازمه ايدي تحرك اصابعها الصغيره على كيف تحاول تطمني
اول ماوصلنا لبيت اهلي حسيت النفس رجع يجري داخل ريتي خليتهم يدخلون لجوه و باوعت على السميدع يلي جان مرتجي على الباب بدون مايحجي شي
تقربت عليه اطكطك باصابيعي متوتره .. قطع الصمت وهو مركز عيونه بعيوني :- شبيهًا لطيفه ها يلـ الزمُرد
حجيت كُلشي مره وحده بدوه ماخذ نفس - ابن سيد عباس عنده ولد من لطيفه و هيه كالت الي و هددتني
عدل وكفته مقربني من عنده اكثر عاكد حواجبه .. بدون لا يحجي شي عرفت بي يريد اعيد يلي حجيته ، اخذت نفس اعيد الكلام :- لطيفه جانت متزوجه ابن سيد عباس و اهلك يدرون
حركني بسرعه يحجي بهدوء قاتل بوجهي :- شدددتحجييييين الزمُرد
زمرد - هيه كالت الي هيج والله مالي دخل
سميدع - شايفه إذًا طلعتي تجذبين عليه
ماكمل كلامه و تركني وراح يركض باتجاه البيت سديت الباب وارتجيت عليها احجي على نفسي شسويت
شهرزاد - زمرده
زمرد - روحي منا شهرزاد
شهرزاد - سمعتكم
زمرد - ادري بيج جنتي واكفه ردتج تسمعين حتى ماتسئليني اكثر
شهرزاد - ماعرفتي ليش هيج سوت
زمرد - تحبه .. لان تحبه
شهرزاد - متأكده يعرفون
زمرد - متاكده لا الموضوع قديم مامعقوله محد شك بيها كُل هل لحضه إلا اذا جانوا يحيكون من وره ظهر السميدع
شهرزاد - تعالي فوتي جهالج مخترعه
زمرد - اريد اشم هوى مختنكه
شهرزاد - بس زمرده
زمرد - خليني هل مره شهرزاد خليني ماكدر انسى يلي شفته
شهرزاد - احجيلي شصار اكو شي اكبر من هذا مو
زمرد - رادت تكتلني .. هددتني
شهرزاد - لا لا ماصدُك لج لطيفه الخانسه
زمرد - خوفج من الخويسن لو سكت
شهرزاد - مدا استوعب والله
زمرد - ولا اني اكدر استوعب يلي شفته و سمعته ما لومج على كُلشي
شهرزاد - ليش عفتي البيت
زمرد - ماكدر ابقى وياها عندي ثلاث اطفال و واحد ببطني
شهرزاد - لحضه لحضه شنو واحد ببطنج .. زمُرده حامل انتِ
زمرد - اي
شهرزاد - ليش ماحجيتي هاي صدُك تحجين
زمرد - مادري شهرزاد صارت هواي اشياء اليوم هواي صارت
شهرزاد - أريد اسئلج سؤال
زمرد - شنو شصار اسئلي شبيج متوتره
شهرزاد - صدُك سرمد جان يبوك من مُتيم و ابوي
زمرد - اوووف يا شهرزاد اي صدُك هو جان يسوي هيج
شهرزاد - بس مافتهمت ليش هيج
زمرد - من وراهن صدكيني من وراهن ضيم ذني مادري شون اوصفهن بس الي اكدر اكُله هنه .. فلك اسود
شهرزاد - من حجه الي مالك ماصدكت
زمرد - ليش اني كدرت اصدُك يلي سواه و مشكله خله سميدع ايد وره و ايد كدام ميدري شيسوي
سميدع - يمهههه وينجججج
- ها ها يمه كول
سميدع - شسمعت هااا شنووو سمعت
- بس اهدئ افهمك كُلشي اليوم والله
سميدع - يمهههه لااا تخبلينيييي شتفهمييين يمه تدرين شنووو الي صااير
- يمه غلطنه غلطنه من ضمينا عليك بس بربك اسكُت بروح ابوك احلفك بروح ابوك اسكُت
سميدع - لا تحلفيني بي يمه تدري بيه شكد احبه و اعزه وحق هاي لجمه روووحي لاا تحلفيني ياايمه
- يمه بداعت زمرده وراس جهالك اكعد افهمك السالفه بس اهدئ
سميدع - شهددددئ شهدددددئ ولكمممم هل سااالفه تهجممم بيوووووت تهجمهااا
حسين - خويه ..
سميدع - شوووكت فهمووووني شوووكت
حسين - من جنت بالبصره
سميدع - حلوووو حلوووو جان ينحاك من وراي الله يعلم شنو مضموم عليه بعد
حسين - بس خل نفهمك السالفه
سميدع - مخليها تزوج بالسر من وراي .. وهسه عود جايين تنتضرون موافقتي لو لا هو غير حتى مخلفه واني مثل الاطرش بالزفه
حسين - حقك والله بس
سميدع - انجب ولا كلمه
- يمه اختك خطيه صارلها شكد محرومه من وليدها واخوانك جانوا يدرون موافقين على هل زواج
سميدع - مادام هيج موافقين ماله اي داعي رائي بالمبارك كُلشي يصير وياها مالي علاقه بعد
- يمه بس اصبر احجي وياك وينك
حسين - خووويه والله ما جنا نريد نضم عليكم بس والله مجبورين نسكت حتى تتزوج والله استحينا من سيد عباس و نرفض ابنه
سميدع - خل تفيدكم المستحه بعد اني طالع من هنا لحد يلحكني خل صبري وياكم
- بس اوكف لا تروح اني افهمك الموضوع والله
سميدع - يمه من جنت اسئلج عليها وينها وتكليلي بيت سيد عباس لان محتاجيها بشغل ما جانت تشتغل شي ومحد محتاجها بس انتوا جنتوا مزوجيها من ورايه
بس فهمووني ليش هيج سويتواااا ليييش انكسر ظهري واني احير شسوي علمودكم و انتوا هيج تجازوني .. ولكم حسن و حسين ليش يعني لهل درجه مو مهم عدكم كلامي
حسن - حشاك خويه بس
سميدع - كااافي كااافي اي واحد احجي وياه صاح بس بس اسكتوااا لا تكملون كُلشي نفضح كُلشي صار واضح وضوح الشمس
- يمه وافق على ابن سيد عباس لان خطيه ابنها ضال يم مرت ابوه والله خطيه
سميدع - شسون سوا بعد مالي اي علاقه .. بس اريد افهم ليش هيج سويتوا بيه
حسين - هيه رادته سميدع هيه كتلت روحه عليه يعني شنو نسوي الها قابل نكتل نفسنا شنسوي فهمنا غير هيه تريده ها اها اخذته و خلفت منه
سميدع - هاي اها يعني عندك عادي اختك تتزوج بالسر
حسين - هسه جاي يخطبها رسمي و نشوف يسويلها عرس ما يسويلها ماندخل بس هيه حتى مرته الاولى ماتدري بيها بس تدري يريد يتزوجها
سميدع - حلو حلو تحيكون من وره ظهري الله يعلم شضامين الي بالمستقبل اكثر من هيج
حسن - لا تحجي هيج ياخويه
سميدع - روحوا روحوا الباب تندك اكيد اجو الكم
- بس اسمعني يايمه والله اني لان مقهوره عليها و على الصار بيها بوقتها ماجنت موافقه صدكني يمه
سميدع - بس بعدين وافقتي و خليتيها تزوج ذاك و تخلف منه بالله من احجي هل سالفه منو يصدكني هاا .. منو يصدك ان اختي متزوجه بالسر برضات كُلها و بس اني مثل الاطرش بالزفه
- لااا لااا يمه حشاك لا تحجي هيج ماقصدي هيج والله
سميدع - قصدج يايمه قصدج والله الكلام راح من عندي اخر ناس توقعتكم تسون هيج بيه
سكتنا واحد يباوع لوجه الثاني بعد ماا تفلشت الباب علينا
- يمه دخيلك ياربي منو اجانه بهيج وقت ليش يدك هيج
سميدع - اني طالع اشوف
حسن - اكعددد معليك اني اطلع اشوف
سميدع - ولك اوكف اني طالعه ... مال سمع كلامي وطلع حسن يفتح الباب .. طلعت وراه بدون ماطلع حركه او صوت
حسن - منو شكو فلشت الباب اصبر شجاااك يمعووود شتعلوااا
الامن - افتح بسرعه وبلا كلام زايد لككك
فتحت الباب واحس جمد الدم بيه بعد ما شفت الأمن متسطرين كلهم بابنا
حسن - تـ تـفضلوا شـ شنو محتاجين
الامن - انت السميدع
حسن - اي اني تفضلو شرايدين مني
الامن - تعال ويانا الامر رايدك و بلا صوت لا تخلينا نصرف غير تصرف
حسن - جاي وياكم جاي
سميدع - لك حسن اوكف وين رايح هايييي تحجيي صدُك يمعودين اخذوني اخذوني اني
الامن - ليش منو انت و ناخذ ماسمعت شنوو كلنا كلنا السميدع نريده
سميدع - اي اني السميدع
الامن - تعال نضيفك يمنا اليوم
...يتبع
__________________________
تفاعلكم كُلش محلو على البارتات القديمه صراحه اني حاولت التزم وياكم بالتنزيل اليومي بس انتوا مدا تساعدوني ابد .. كم وحده جانت بس وياي
قناة التلي بيها أشياءات محد يعرفها غيرهم
يوزرها evinoq
حساب الانستگرام