أحببت المطلقة💗

الحلقة 3

أسماء حارت من كلامو بعتالي تفكرت لهو شارب تلفاتو طلعاتو للبيت وهو يقول ويعاود مانحبهاش تمشي قلها يامزيانة نحاتلو صباطو و تكاتو على الفرش وخرجت مشات رقدت في بيت الضيوف ماتحبش تزيد حتى لحظة بحذاه
تعدات ليام لف لف بين المحكمة و القصر وأخيرا أسماء خرجت مالحبس لكانت فيه ليوم حست بالحرية ليوم إسمها أسماء الصويعي مش مدام الجماعي روحت لمت دبشها وسلمت على أمها لطيفة عطتها فلوس بش تشد بيهم يدها ماللول ماقبلتش أما شدت فيها الصحيح هزتهم و مشات لدار بوها لي لازمها تنظيف . نمشو لتيم لقرر إنو يخرج يتولها بشركاتو لي لبرا ماعادش عندو حاجة شداتو توا لازمو يمشي
هدى-بسم الله شكون حلها الدار
هدى تسمع في صوت جاي تفجعت بعتالي طلت شوية تلقاها أسماء -هدهد ياحبيييي ويينك توحشتكك🥺🥺💔
-أسومتيي صار هي إنت توحشتني؟؟ توحشتني 4 سنين ماتكلمنيش؟؟؟؟ وينك يابنتي تقول متت اللطف
-إسكت بركا هو إنا كان عندي تاليفون من أصلو كنت في ربطية مش في دار راجل
-أما ربطية يابنتي شبيك
أسماء ناضت تبكي وحكتلها لتعدا عليها الكل في ها4سنين هدى سخفتها عشيرتها مسكينة من قبل تعاني مارات خير مشا فيبالها بش تعرس وترتاح ياخي زادت تمرمدت بقات تسكت فيها
-أياا عااد يزينيي مالبكاء وأمسح عليا خناينكك إنت توا أسماء جديدة لازمك تتبدل وتولي أقوى هيا هيا نكملو نخملو الدار وتو نقلك شنعملو
أسماء فرحت لهدى وقفت معاها و ماخلتهاش كملو خملو الدار ضحكو ولعبو و باعد قعدو
-هدى
-نعم
-أنا نحب نرجع نقرى
-ياااا أسماء بالحق تحكي
-اي نحب نكمل نحقق حلم أمي و نولي مهندسة كيما هي حبتني نكون
-اي عزيزتي أرجع أقرى وهاني أنا معاك مانخليكش (هدى بنية عاقلة ومتربية صحاب هي و أسماء مالصغرة قراو مع بعضهم ونداد هدى تقرى حتا هي هندسة و هذا عامها الثالث  خاطر هدى ماقراتش بعد الباك العام لول تأزمت كي مشات عليها أسماء وتوا رجعتلها )
-عيشك ياروحي ربي يخليك ليا⁦❤️⁩