السميدع

بارت 17

عيناكِ غابتا نَخيلٍ سَاعة السَحرِ

او شُرفتانِ رأح يَنأىٰ عَنهُما القَمرُ

عَيناكِ حينَ تَبسُمانِ تُورِق الكُرومُ

و تَرقُص الأضواء كالأقمارِ فيّ نَهر

يَرجهُ المِجدافُ وَهنًا ساعة السَحرِ

كأنَما تنبِض في غُورَيهِما ، النُجوم

و تَغرقانِ في ضَبابٍ مِن أسىٰ شَفيفُ

كالبَحرِ سَرَح اليَدينِ فَوقهُ المَساء

دِفءُ الشِتاء فيهِ و ارتِعاشةُ الخَريفِ

و الموتُ، و الميلادُ ، و الظلامُ و الضِياءُ

فَتستَفيقُ مِلء رُوحي ، رَعشةُ البُكاء

و نَشوةٌ وحشيّةٌ تُعانقُ السَماء

كنَشوة الطِفلٍ إذا خافَ مِن القَمر .

بقلمي انا ايڤين

لاتنسون التصويت عمري + التعليق بين الفقرات احبكم حيل سَومرياتي 🩷.

________________________________

سميدع - ديغم هذا
زمرد - منين تعرفه سميدع مـ منين

ديغم - ههه كتلك احفظ وجهي زين بس ماتوقعت بهل السرعه اشوفك هنا
سميدع - ولا اني توقعتك اخو مرتي

عكد حاجبه مستغرب يباوع عليه و على شهرزاد :- ليش منو مرتك

حجي سعد - وجودك هنا اكبرررر اكبرررر خطاااا فهمت لو لاااا امشي يلاااا برااا بيتي لا بارك الله بيككك يا عار
ديغم - عاد شويه جيبولي مي نشف ريكي هيج تكرمون الضيف الي جاي الكم

حجي سعد - ولككك اني ويامن جاي احجيييي شهل تصرررفاات الررعنه والله راح تموتني بمكاني من هل حركات السخيفه ولك بطلها بطلهااا
ديغم - احجي منا لصبح هذا البيت على جثتي اطلع منه ماعوفه ،، واني مامسوي اي حركات سخيفه يابه شمسوي ماتكلي شمسوي هو بس اريد ارجع اعيش بهذا البيت من جديد شنو حرام

حجي سعد - واني ماريدك ولااا اتشرررف بيك فهمت لووو لاااا ، حرااام مووو حراااام اني ماريدك اطللع براااا يلااا لككك براا
ديغم - منو مرتك

سميدع - الزمُرد
ديغم - عبالي اللقاء ياخذ منا ايام و ايام بعد اكثر بس مو بهل سرعه حتى ما صار شهر من شفتني

حجي سعد - منين تعرفه بويه سميدع
سميدع - هو الرجال الي ساعدني ارجع لبغداد بوقت القصف

ديغم - شفت شكد اني خير بس انت تضل تظلم بيه
حجي سعد - شعجب سويتلك حاجه بيها خير بحياتك

ديغم - هواي مسوي خير مو شرط اكُله
حجي سعد - و اني اشك بيك تسوي خير

ديغم - شك بيه مايهمي
حجي سعد - لانك عااارررر

ديغم - كافي مامسوي شي يستحق هل كلام
حجي سعد - هههههههه سمعتوا شكال سمعتوا مايستحق هل كلام .. مو زين مني مخليك ببيتي يلحرامي

زمرد - لحضه شنو حرامي شديصير بابا ليش دتحجي هيج وياه ليش تتعامل هيج والله مجاي افهم
ديغم - مامسوي شي يمعوده كاعد يظلم بيه انت الاب الظالم

زمرد - مستحيل ابوي ظالم شبيك بعمره مامسوي شي مو زين
حجي سعد - يالله احجي لاختك كول الها شسويت اني حتى ابوي هيج مايقبل بيه كول الها

ماتكدر تحجي مو ماتكدر .. بس لتخاف اني احجيلها اني اكول الها ترا اخوج الي جان يبوك فلوس المخبز الي جنتن تشتغلن بي ليل و نهار حتى بس تحصلن الفلوس بتعبكم

زمرد - لا مستحيل صدُك يعني .. ديغم باوع عليه و كول أنتَ ماتسوي هيج ماتبوك فلوسنا ماتبوك تعبنا
ديغم - لا تثقين هواي بالعالم حتى لا تنكسر ثقتج بعدين

زمرد - ليش هيج سويت بشنو جان ابوي مقصر عليك
شهرزاد - باوع بعيني كول ليش هيج سويت و أنت تدري لو محتاج و تجي تطلب مني عيوني انطيها الك

ديغم - الي صار صار واني ما ندمان و ماعوف اترك هل بيت و اروح بعد باقي هنا .. ها ياب
حجي سعد - ابقى هنا ابقى

شهرزاد - تقرب مُتيم الي جان كتله من العصبيه خله راسه براس ديغم صاك على اسنانه يحجي بفحيح .. جان يخزر بي من اول مادخل لحد هل لحضه

مُتيم- جان فكرت بعقلك قبل لا تخطي هل خطوه
ديغم - و انت منو كال الك مافكرت بيها ها

شهرزاد - هييي انتواااا وخروا شهل حركات هاي انتوا اخوااان وخرواااا .. وين احنا حتى واحد يخلي راسه براسه الثاني شنوووو نسيتوا جهال منوو انتوا تربايته منووو

رشا - يمهه عزاا العزااني ولكم شهل تصرفااات ولكم اخوااان انتواااا والله كلبي كام يوجعني منكم ومن هل حركااات شوكت تكبرووون بطلوووهن

حجي سعد - لو خلفتي بس بنات اشرفلي من هل مشاكل
ديغم بعياط - قاااابللل اروووححح اذذذب نفسييي من الجسرررر حتى نخلصصص من هلللل سااالفه التعبااانههه دكااافييي والله لعبتتتت نفسييييي مااامسويييب جرييييمه كااافييي عااادد كااافييي

حجي سعد - ترفع صوتك بوجه ابوك
ديغم - جاي تجبرني احجي هيج بويه جاي تجبرني ارفع صوتي عليك والله مليت و بزعت من هل سالفه صارلي سنين ماوصلت لهنا كافي عاد

حجي سعد - قليل ادب ماربيتك عدل
ديغم - اني ربيت روحي محد رباني

حجي سعد - و ترادد بوجهي هماتين
ديغم - ماسكت لان مامسوي شي خطا .. و حتى الفلوس ارجعهن كُلها و بس سد هل سالفه الكشره سددها يابه سددها مرمرتني والله

حجي سعد - ماتحسن صورتك بعيني
ديغم - لا تتحسن ماريدها تتحسن المهم ابقى هنا يمك ماعوفكم بعد

حجي سعد - ابقيك هنا حتى تبقى تبوك من اخياتك بكيفك لو تاخذ حصت اخواتك و تشمرهن بشوارع
ديغم - انتَ تدري كُلش زين مو سوالفي هاي ليش دتحجي هل كلام

حجي سعد - لان ماصدك بيك ابد ولا راح اصدك انت تتوب من هل سوالف الماصخه
ديغم - خليني هنا فتره و إذًا شفت اكو نقص بفلوسكم طردوني

رشا - كافي سعد فدوه ماتشوفه يتوسل بيك بس حتى يبقى هنا يمنا والله حرام الي ديصير بي الله عليك فدوه وافق يبقى ، الي سواه من زمان و قديم حيل جان هو طايش مايفهم شي لا تلومه فدوه

حجي سعد - مادام هيج الموضوع خلي هنا ماتدخل بعد اني
ديغم - بس..

حجي سعد - ولا كلمه ماريد تحجي حرف واحد فهمت لو لا ماريد تحجي اسكت شبعت من هل التبريرات الكذابه
ديغم - تأمر مثل ماتحب

رشا - كلللووووووشششش ابني شمعه بيتي رجعلي يمه يا فرحتي يمه جهالي كلهم هنا بحضني داير ما دايري ملتمين يمي اوووف يافرحتي اووووف

مُلهم - يلا لعد راح اركصلكم بمناسبه هاي السالفه
مُتيم - خالي اكعد واسكت لا يحطك و يكتلك سعد

مُلهم - شنو سعد ولك هاز كاروكك
مُتيم - لعد هو اسمه سعد شكول اله قابل

ديغم - محد عاجبه يسلم عليه مو
شهرزاد - تقربت من عنده صافنه عليه

ديغم - مضيعه شي بوجهي ست شهرزاد
شهرزاد - طلعت غثيث حيل

ديغم - ليش شمسوي الج حتى تكولين غثيث
شهرزاد - برودك يغث

ديغم - جايه ترزليني تسلمين عليه
شهرزاد - حقير تعال

حضنته بكل لهفه بوسط دموعي الي صارت تنزل على قربه من يمي .. شد حضنته بايده اقوى صرت اسمع همساته وهو يحمد الله و يشكره على هل موقف الي خلاه ينجمع بينا

ديغم - ادري شنو مخليه تنكر مال مي بعيونج هيج تبجين دكافي من يمي نعلس كلبي
شهرزاد - ههههههه هواي تكول دكاافي

ديغم - غير بزعتوني دكاافي كافي
شهرزاد - امداك حقير انتَ

زمرد - لعد واني
ديغم - هههههههه الزمُرد تعالي

تقربت من عنده حضنته اشم بعطره
سميدع - احمم ، يالله جيبي الي مي آريـا
زمرد - ابتعدت من حضنه موجهه نظرتي على سميدع الي جان مخلي اديه بجيوبه صافن علينا

ديغم - بس لا تغار عليه من اختي
سميدع - ما اغار انت كلت بلسانك اختك ليش اغار عليها منك

ديغم - التقينا من جديد هاا
سميدع - و هسه كدرت اعرف ليش الولد بذاك البيت جانوا يدورون عليك

رشا - يا بيت هذا يمه
ديغم - احمم احمم ، مي جيبولي مي غصيت

رشا - ولجن ركضن جيبن لاخوجن غص خطيه يمه سوده عليه وليدي
شهرزاد بهمس - زمرده رجلج شيعرف على ديغم ليش هيج يراقبه

زمرد بنفس النبره - أصلًا كومي شون ملتقين و شنو هيه الطريقه
شهرزاد - لازم تخلين رجلج و تفهمين من عنده و تجين تسولفين الي لان حطك من الفضول

آريـا - من الفضول
شهرزاد - عزاا ولج جنيه شسوين هنا بس لا تسمعين علينا

زمرد - شجاج شهرزاد هيه طفله شون تعرف شكاعد نحجي لو ننتبه
آريـا - اني سمعتك و اعرف شنو حجيتن هسه اروح اكول لامي عليجن

شهرزاد - نجبي آريـا والله اذا تحجين لامي ماخلي مالك يشتري الج ابددد و اخليج تبجين تبجين للصبح
آريـا - ما خاف منج عادي اني اخلي مالك يشتري الي بدون مايحجي شي أصلًا

زمرد - لا تهددين بيها خطيه
آريـا - خطيه اني ماتحبني اهى اهى اريد امي وينج امييي مايحبني

شهرزاد - خلي تروح المهم هيج احجي حتى لا تضل تحجي سوالف سخيفه
زمرد - شوكت تفرغين شهرزاد

شهرزاد - اني فارغه ليش شبيج
زمرد - شاكه بنفسي حامل

شهرزاد - عزااااا زمرررد تحجين صدُك يمهه شكد حلو يصير عدنا اطفال بعد صوتهم بنص البيت يرد الروح والله الف مبرووك
زمرد - بس صيحي صيحي كولي زمرده تجذب ماشاكه بنفسها

شهرزاد - يااا عابت شبيج فوك ما جاي احجي وياج وهم اساعدج تعرفين
ديغم - هواي تبسبسن بيناتجن

شهرزاد - شي مو يمك لا تخاف
ديغم - على راحتجن يابه عليمن هل عصبيه

سميدع - رايح للوزاره اني زمرده
زمرد - دير بالك على نفسك

سميدع - ان شاء الله
تركتهم و طلعت بعد الموضوع الي صار اليوم .. صرت امشي حتى اوصل على الوقت للوزاره ما أتأخر

حجيت بيني و بين نفسي :- خل نشوف قصتك شنو استاذ ديغم

سميدع - سلام عليكم
- حياك الله تفضل

سميدع - اني جاي اسئل على شهادتي بلكي اكدر اخذ منها نسخه لان صار اكو حريق بمستشفى الرمادي بقسم *****

- خل اتاكد من الموضوع انطيني اسمك الكامل
سميدع - انطيت كل المعلومات و رحت على صفحه انتضر اشوفهم شوكت يجون شون اكدر احصل على شهادتي

مر واحد من يمي يحجي بحركة كلب وياه شخص ثاني يسد بحلكه حتى مايحجي شي ولا يطلع صوته ماكدرت افهم شي مجرد مقتطفات من الكلام الي جان بصوت شبه مسموع و هم يطلعون

:- الله يدمرهم دمرونا اخذوا مستقبلنا منا

التفت على صوت المراجع الي كعد بصفي ستوه و هو يسئلني
- هم حجه شي منا منا سمعته

سميدع - حجي مثل شنو مافهمت عليك
- يعني مثلا يغلط يسب على شخصيه مهمه

بسرعه لكفت الموضوع من كلامه و حركاته

أردفت اله بسرعه :- لا خالي ماحجه شي و ماسمعت شي

- خوش لعد بالتوفيق الك بشي الي جاي تسوي
سميدع - تسلم

مرت وقت طويل لا ساعه ولا ساعتين اي احد اسئله يذبني على الثاني بدون جواب مقنع يريح كلبي أصلا ماردت بس شهادتي استعيدها

سميدع - ترا الوقت حيل تاخر لشوكت تماطلون هيج
صاروا واحد يباوع بوجه الثاني بدون مافهم شي عليهم حجه الموظف وي الي كاعد بصفه :- احجيله

- بس احنا مامسؤولين على يلي راح يصير
سميدع - بس احجوا

- للاسف صار حريق بقسم الشهادات خلت هواي شهادات تنتلف بسبب هل شي و..
سميدع - كمل كلامك احتركن بعض الشهايد و شنو

- شهادتك من ضمنهن ماموجوده
سميدع - عكدت حاجبي على البرود الي ديحجي بي و كررت عليه سؤالي - يعني شنو

- يعني يا طويل العمر و السلامه لازم ترجع تدرس طب من جديد
سميدع - شنو شنو شدتحجي أنتَ يا طب هذا الي ادرسه من جديد ماتفهمني

- احنا مالنا علاقه الشهايد احتركت وأنتَ من ضمن الي لاحهم الحريق رجاءًا إذًا تريد تعيد دراسه حتى نقدم الك ..
سميدع - مايحتاج كافي

طلعت من الوزاره ايدي على كلبي امشي بشوارع تايه ماعرف نفسي شنو اريد .. حاير والحيرني زماني اكثر .. لكيت نفسي متوجهه للمحل الي يكعد بي سرمد

سرمد - هاا ولك رجعت بسرعه لبغداد حتى ماودعتني ستوك تذكرت تجي الي
سميدع - سرمد

سرمد - شبيك سميدع شصاير خالتي بيها شي نيار زمرده
سميدع - خسرت كُلشي سرمد

سرمد - ولك حيلي باد شصاير
سميدع - خسرت دراستي الي تعبت عليها سنين

سرمد - لا تخبلني ليش تخسرها هو اكو مثلك شو مخلصها ملتزم بكل الاوقات لا تتأخر لا تسوي سوالف تعبانه و فوكاها عفت اهلك و رحت هناك بالفاو تعالج الوادم شون تخسرها

سميدع - خسرت كُلشي سرمد خسرته اخ يابويه
سرمد - سميدع باوعي بعيوني و كول شصار

سميدع - احتركت شهادتي .. نار اكلت تعبي بليله و ضحاها اكلت التعب والسهر الضيم الي شفته كُله راح برمشه عين
سرمد - الله عليك شكاعد تحجي شبيك مو هيج لا لا مدا اصدك

سميدع - شسوي سرمد .. تحملت ياما و ياما علمود دراستي ومن شفت الدنيا ضحكت بوجهي لجمتني بهل شي ليش
سرمد - سميدع

سميدع - روحي دتحترك سرمد جاي تحترك
سرمد - عساها بروحي ولك بروحي عساها كول يالله بلكي نحاول نلكه طريقه

سميدع - الطريقه ارجع ادرس طب من جديد
سرمد - شنوووو لعد الي درسته صار سنين

سميدع - راح بالشط راح
سرمد - فركت وجهي بنرفزه استغفر الله على الحاله الي وصلنا الها

سميدع - جان أملي كُلها بيها ... جنت اشتغل واني اكول مارح اخلي شخص بيوم من الايام يحتاج مساعده و ما ساعده وهسه راح حلمي و راح تعبي

ماعترضت على قضاء و حكم ربي بيوم بس ليش سرمد ليش صار هيج بيه .. انتَ شاهد شكد تعبت انتَ شاااهد على الايام الي جنت اسهر بيها للصبح على ضوه لاله حتى بس ادرس

صرت اشتغل اي شغله كدامي بس حتى اكدر ادرس وادفع المصاريف من جيبي ... تالي اجت ريح و طيرت كل احلامي

سرمد - لازم اكو حل غير ماتعيد الطب
سميدع - ماكو حل ابد ماكو انتهى كُلشي

سرمد - استغفر الله ربي لا اعتراض على حكمك شون هسه
سميدع - اني رايد حل و مادري ضايع ضايع

سرمد - بس اهدئ ولك
سميدع - كلبي سرمد .. اخخ يابويه ليش ماتاخذني يمك

سرمد - نجب لككك لا تحجي هيج اسم الله على كلبك كافي
سميدع - نار مشتعله بيه

سرمد - عساها هل نار بيه تحركني حرك ولك خويه لا تسوي بروحك هيج دباع شون مخطوف وجهك
سميدع - ولك كلبي راح يوكف ماجاي استوعب ماكدر

سرمد - لاااا لاااا خشمك ينزف ولك اكيد صعد ضغطك مادري شصار شو هاك كلينس اجيبلك مي
سميدع - صافن على الفراغ احس روحي مشتعله نار تحركني من جوه تاخذ حيل من حيلي مني

سرمد - اشرب مي اشرب لا تسوي بنفسك هيج فدوه الك الشهاده والله هذا المحل كُله الك شتريد انطي الك بس اشر بايدك لو تريد روحي انطيها الك و اني الممنون بس لا تسوي هيج

سميدع - انتهى كُلشي صارت احلامي رماد ، النار ماحركت شهادتي حركت روحي حرك

سرمد - شكد ماعرف بالسميدع ذيب و كُلها تدري بي قوي ومحد ينكر قوته بس الي صار وياه هسه هد حيله .. الدموع الي صارت تنزل من عينه على تعبه جنها تلجم بروحي

سميدع - ما ناوي الزمن يفتحها بوجهي .. يمه وليدج معلعل من يوم يومه ليش

سرمد - سميدع فدوه اسمعني
سميدع - سرمد تحس بهل نار الي بكلبي تحس بالوجع خسرت شي غالي على كلبي الشي الي تعبت و دفعت دم كلبي عليه ذبيت روحي لحلك الموت لان احب هل شي حلمي هذا حلمي بس صار العكس سرمد صار العكس و خسرته

سرمد - شراح تسوي هسه
سميدع - ارجع للبيت

سرمد - مستحيل ترجع بهاي الحاله وحدك سميدع مستحيل
سميدع - ماكو شي مستحيل وياي

سرمد - لا تسوي شي طايش انت العاقل سميدع
سميدع - هههههههه هو هاي الي حضيت بيها انت العاقل و هذا العاقل لازم يبقى هيج حتى لو خسر احلامه

سرمد - ماقصدت هيج
سميدع - تحس بالوجع يلي بگلبي

سرمد - شبيدي عليك وماسويته فهمني
سميدع - راجع للبيت

سرمد - ماترجع وحدك رجلي على رجلك
سميدع - سرمد لا تسوي هيج

سرمد - ماعوفك
سميدع - امشي مابيه حيل اتجادل وياك أصلًا

مشينا وكفنا ننتضر الفورتات تجي نركب بوحده جنت هادئ و بس صدى كلماتهم ترردد باذني .. صعب شخص تنهدم احلامه والاصعب من تكون الشخص الي عليك كل الاعتماد

نزلت بدون حتى ماهتم لصياح سرمد وراي دخلت للبيت رايح الها هيه الي تفهمني راح تحس بيه .. مثل عادتها نفس الكعده بصفها المهفايه و قوري الجاي صينية الاستكاين و الشكر

- ها يمه اجيت بعد حيلي
سميدع - يمه

- شبيك يمه شجرالك
سميدع - ضاع حلمي يمه ضاع

سرمد - وكفت بمقدمه الباب اراقبه شون شمر نفسه بحضن امه يبجي بقهر .. لحضات حسدته بيهن يكدر يشكي لامه ينام بحضنها وتطبطب على ظهره

سميدع - راح شهادتي حتركت يمه
- ماعرفت شنو السبب

سميدع - حتركن صار حريق يمه
- سوده عليه الله لاينطي الي جان السبب و دمركم و دمر شبابكم

سميدع - يمه يحجي بكل برود ادرس طب من جديد بدون حساااس بدون حساس يمه بدون
- محد يحس بالنار الي تحرك بيك بس يلي منك و بيك

سميدع - يمه كلبي
- عساها بكلبي يايمه تعال اروحلك فدوه ابوس عيونك الحلوات و اشمهن رمشه رمشه شبيدي شسويلك بس كول تريد ابيع البقالي وانطيهن بايدك و اشتغل يلي تريده

سميدع - لا يمه ماكو داعي لا تحجين هيج فدوه لعمرج ماكو داعي اني ادبر أموري
- الخساير بهل الحياة هواي لا تستسلم بأول خساره

سميدع - مو اول خساره هاي يمه مو اول وحده
- الدنيا جبيره و خسايرها هواي .. افرش سجادتك و ارفع اديك لفوك لفوك وباوع زين ترا اكو هناك رب كريم رب جبار قادر مقتدر مغير الاحوال من حال لحال

من حقك تحزن يايمه احزن و عيش حزنك بس لا تستسلم هاي هيه الحياة مصاعبها هواي بس تذكر عوض ربك جبير على كل دمعه تنزل و على كل خيبه و كسره الها عوض جبير و إذًا مانطاها الك بالدنيا ينطيها آلك بالآخره

تعال امسحلك دموعك يابعد شيبي ابوسن راسك و اريد اشوفك اقوى من قبل خليك جبل لا يهزك ريح ترا الحياة قوانينها صعبه .. بكل مشكله تصير وياك لا تترك ربك هو العلاج لروحنا المتعوبه بس تفتح كتابه تنزل السكينه لكلبك يايمه

سميدع - كايم اصلي يمه .. ابوس راسج تعالي
- يايمه ادري بروحك متعوبه بس تحمل لخاطرنا

حسين - ها شكو
سرمد - طيح الله حضك يا زمال فززتني بالعباس اجيت اموت

حسين - لعد أنتَ منو كالك اوكف هنا جنك شمعه فكر .. شبيك سوسو
سميدع - مابيه شي

حسين - يمعود عليه دباع شكلك شونه تكول ارمله
سميدع - رايح اصلي

حسين - تعال باوع لعيني شبيك بعد اخوك ليش هيج شصاير
سميدع - احتركت شهادتي

حسين - شنوووو شدتحجي
سميدع - الي سمعته احتركت

حسن - لحضه لحضه ستوي راجع من طياح الحظ شدتحجي شكاعد تسمع اذني
حسين - سميدع شنو احتركت شون

سميدع - علمي من علمكم كُلشي مادري بس راح الحلم و خسرت كُلشي
حسن - لا مستحيل لازم اكو حل شنو يعني خسرت كُلشي تعبك و دراستك و سهرك شنو موقعهن

سميدع - انكعهن و اشرب مايهن من رخصتكم
حسين - يمه

- شبيدي عليه
حسن - اني انطي فلوس الي مجمعهن حتى يدرس من جديد

لطيفه - و اني ابيع ذهبي وانطوا اله
حسين - استغفر الله العظيم وين جانت هل سالفه واجتنا وين جانت

- مايقبل يدرس بعد
لطيفه - يمه والله احس روحي احتركت من يمي واني مادارسه ولا شايفه التعب

حسين - شون نعوفه هيج اني ماكدر
سرمد - حنين بعد اخوك

حسين - لا تصير سخيف
سرمد - يمعود هو شنو بايدنا ومانسوي بس فهمني

- يمه لطيفه بنت اخوج
لطيفه - يمي يمه لا تخافين عليها بس احجي النا بالسميدع

زمرد - شبي سميدع شصاير
حسن - احم ها شوكت رجعتي

زمرد - هاي ستوي اجيت متت من الحر ركض ركض اجينا
لطيفه - اوكفيلي خل اجيبلج مي وجهج احمر

زمرد - لا حبيبتي ماكو داعي تعاي بس محد كال شبي ..
حسين - اكُلج زمرده شعجب قررتي هيج تطلعين للسوك مو من عوايدج

زمرد - هههههههه لان اكو شي حلو راح احجي
- شنو هو بنيتي

حسن - محتاجين جرعه من الاخبار الحلوه
سرمد - كولي بلكي حميد احترك

زمرد - لااا مابي شي عار كُلشي مايصيبه .. بس اني حامل
لطيفه - عزاااااا زمررررد

- الف الحمدلله الف الحمدلله الك يارب
حسين - وين واحد يطكنه بهلهوله حلووه

سرمد - كلللووووووشششش هاي الرادها وهاي التمناها
حسن - الف مبروك زمرده

زمرد - الله يبارك بيكم بس السميدع لسه مارجع من الوزاره
حسين - يعني تعرفين

زمرد - اي هو كال رايح للوزاره يشوف شهادته حتى ياخذها لان يلي بالمستشفى احتركت حرامات
حسن بلا وعي - والي بالوزاره هم احتركت

زمرد - شنو
حسين - احتركت روحك على هل جفصه

لطيفه - شوفي زمرده
زمرد - شنو احتركت حبابين شصاير

سرمد - احتركت شهاده السميدع يعني بعد ماله اي حق يباشر باي مستشفى ويكمل شغله دكتور الا يعيد دراسه الطب
زمرد - طاحت الغراض الي جنت شايلتهم بايدي بحماس بالكاع .. صرت ارجع و الدموع تنزل من على عيوني ادري بي مايتحمل هيج صدمه

حسين - زمرده لا تبجين حبابه
زمرد - وينه هو شون حاله

- صعد يصلي فوك
زمرد - اني رايحه رايحه اله

حسن - علكيفج يمعوده لا توكعين
حسين - غبي غبي الا تحجي الها

حسن - والله مادري بدون قصد والله

زمرد - دفعت الباب و دخلت للغرفه جان كاعد يصلي بكل هدوء صرت انزع حجابي بشكل سريع حسيت حراره صارت بكل جسمي من الكلام الي سمعته .. صرت افتر بإرجاء الغرفه لازمه راسي

حسيت بنفسي انركعت بي لزمني من ايدي يحجي بهدوء
سميدع - الله زمُرده علكيفج شبيج

زمرد - صحيح الي سمعته
اخذ نفس بقله حيله و رد عليه :- اي صحيح

زمرد - و شراح تسوي
سميدع - ماسوي شي

زمرد - تدرس من جديد
سميدع - لا زمُرده مادرس من جديد

زمرد - بسس
سميدع - لا بس ولا اي شي ثاني مارجع للدراسه من جديد

زمرد - والله حرام و مستقبلك
سميدع - ههههههههه هو ضايع بقت على هاي

زمرد - الله عليك لا تحجي هيج فدوه
سميدع - لا تبجين

زمرد - أنتَ ابجي مارح اكول الك لا تبجي
سميدع - مارح يفيد البجي بشي بعد الي صار صار وخلاص

زمرد - لازم اكو حل لازم
سميدع - ماكو حل حبيبتي انتهى كُلشي صار السميدع بالماضي دكتور و خلص الامل بي بعد

زمرد - لااا تحجي هييج أنتَ دكتوور غصبًا على اليرضى والي مايرضى لعد وسنين الي خلصتها تدرس هاا كولي شنو ماتثبت عوف سنوات الدراسه

الصور الي ماخذها وي اصدقائك يلي بالمعهد والجامعه هم جنت بوقتها مو دكتور لا تحجي هيج سميدع لا تحجي حتى لو العالم كُله كال انتَ مو هيج فا اني باقيه اصدك بهذا الشي باقيه للموت

سميدع - اااخ زمُردتي
زمرد - كون هل الآخ بضلوعي

سميدع - اكول لا تحجين هيج لا نخرب
زمرد - احجي هيج احجي

سميدع - زمُرده
زمرد - سكتت سكتت

سميدع - لا تزعلين زمُرده
زمرد - مازعلت أصلًا عادي

سميدع - الي صار صار لا اول ولا اخر واحد اني يصير بيه هيج
زمرد - وتعبك

سميدع - ربج كريم زمرده ربج كريم مايترك عبده محتار
زمرد - اوووف حتى فرحتي نكسرت والله

سميدع - ليش نكسرت فرحتج حبيبتي لا تخليها ببالج خليج فرحانه برجوع اخوانج
زمرد - يا اخواني ماقصدي عليهم

سميدع - لعد شنو صاير زمُردتي
زمرد - اني حامل

سميدع - شنو
زمرد - حامل

سميدع - هههه تحجين صدُك
زمرد - اي عفيه اضحك لا تضل هيج زعلان

سميدع - زمُرده تحجين صدُك
زمرد - وداعت عيونك الاموت بيها

سميدع - ولج ياابويه شكد احبج
زمرد - ههههههه هسه رجعت فرحتي

سميدع - شكد احبج يا احلى شي بحياتي
زمرد - يلا تعال ياروح زمُرده ننزل ناكل ترا خالتي حيل مقهوره بس تشوفك هسه تفك و تاكل لاتنسى عدها علاج لازم تاخذه يلا تعال

سميدع - شكد احب حنيتج
زمرد - شعندي غيرك سوسو ديلا تعال لا تضل تفكر بهل موضوع ادري صعبه بس حبيبي شنو بيدنا

خليت ايدي على وجهه امسح على كيف .. ابتسم بوجهي اختلطت انفاسه بانفاسي .. باسني من جبهتي وهو يردد
سميدع - الله لا يحرمني منج يابعد حيلي

زمرد - يلااا
اخذت بايده و نزلنا مثل ماتوقعت بس شافته خالتي نزل كامت على حيلها تحضن بي

- يمه يابعد امك انتَ
سميدع - لا تبجين غاليتي

- شون ما ابجي واني اشوفك شون تتنغص فرحتك مافرحت بيوم و الا وهيج صار بيك سوده عليه
سميدع - مادامج طيبه و يمي مابيه شي مدامكم يمي اني بخير حيل بخير اني

- تعال يمي اكعد نتغده
سميدع - صار غاليتي تعاي

ابتسمت على منظرهم وهمه واحد قريب على الثاني .. سوه مجاي و صار يدك عليه بايده حتى اجي اكعد يمه

لطيفه - نيار نايمه زمرد
زمرد - شعجب ماكعدت

لطيفه - شكد حاولنا نكعدها ماتقبل تكعد
حسين - الادبسزز لان مشتاق الها اريد اشوفها كامت تسوي هل سوالف

حسن - هسه تكعد و نكتلها
سميدع - تكتلون منو ولكم

حسين - اكتل حسن لككك حسن ادبسزز انت شنو تعال ارفسك
حسن - تجيك التهايم و انت نايم عمي واحد فقير اني قابل مثلك و مثل سوالفك التعبانه لا تخليني احجي

حسين - تاج راسي انتَ اسكت
حسن - لا لا خل احجي

حسين - مو راح اصفكك
حسن - لااااا لاااا سميدع حسين مامخلي وحده ماا

حسين - نجب لككك
سميدع - كمل حسن كمل

حسين - لا يمعود مو اني هذا يتبلى عليه اني واحد امشي بطريق و ارجع بطريق
سميدع - اشك بالموضوع

لطيفه - خلي انطيك ذهبي تبيعهم و تشوف شنو تكدر تسوي
زمرد - اي اني هم

سميدع - اسكتن انتن ماتبيعن شي كعدن و اسكتن ربجن يحلها
- اكلوا يمه لا تضلون تسولفون

دناكل و نسولف حتى نخلق جو يخلي السميدع يضحك و مايفكر بالموضوع .. ادري بي جان يضحك مجامله بينا و الي بداخله مايكدر يحجي حتى محد يضوج بينا

من يوم يومه يفكر بينا قبل لا يفكر بنفسه .. التعب اكدر اقراه بعيونه

حسن - هاي مره زمرده تدرين شصار
زمرد - شصار

حسن - امي جانت ضايجه و مقهرره و حال الضيم حالها ايدها على خدها صافنه شو جان يجيها هذا الهتلي حسين يكلها اني انطيج الحل حتى تروح من عندج الضوجه

حسين - لااا يمعووود لا تذكرررهااا ماريد ارجع انكتل من جديد على بختك لسه الكتله تحكني من الوجع
لطيفه - الي اعرفه الكتله تاذيك مو تحكك

حسين - نجبي انتِ معليج
زمرد - حسسنننن كمل حباااب و اخلي نيار بحضنك

حسن - هذا عرض مغري بالنسبه الي
زمرد - ديلااا كمل بسرعه

حسن - المهم جان يجي حسين يكلها اني انطيج الحل حتى تطلعين من ضوجتج انطاها جكاره و كعد يقنعنها تدخن
زمرد - عزااااا ههههههه وهو منين اله الجكاره

حسين - طاح صبغك حسن
سميدع - جاوبها منيلك

حسين - موو مالتي مووو مالتي لكيتها بالزباله
- عزااااااا لكك حسيييين

حسين - هيه نلاصت نلاصت خرب بليسك
حسن - حتى مره ثانيه ماتحجي عليه

حسين - عبالي احرك فلمك شو انت حركت فلمي
زمرد - كمللل يوووه والله تكطعون بسوالفكم

حسن - جان امي مدري شجاها سمعت بكلام هذا الخبل و اخذت الجكاره تدخن .. بعدها ستوها جرت نفس جان تختنك و تضل تكح
زمرد - هههههههه خطيه يمه شمسوي بيج

- هذا الحقير والله خنكني بيها كلت اله ماريد ماريد ضحك عليه و خلاني اكله
حسين - دخيلج يمه شتاكلين قصدج تشربين

- ياا يمه هيه نفس شي اكل اشرب
حسن - انت اضبط من امك قصدكم تدخنون

زمرد - ولحد هسه ماعرفت شصار وراها
سميدع - الي صار امي نزعت النعال و كتلته بي

زمرد - هههههههههههه عزاااا صدُك يعنيي
حسين - اي بالعباس كتلتني كتل مال زمايل بحيث الا شويه ابجي بس كلت لا اني رجال عيب ابجي شيكولن عليه صاحباتي

حسن - خايب يا صاحبات يضحكن عليك والله
حسين - اني محبوب الجماهير ماسمح الك

حسن - غير محبوب جماهير فاكس
لطيفه - هاي اني طحت على وجهي من الضحك عليه بحيث صار مضحكه لو تشوفين شكلهم من امي دتكتله والله سينما

زمرد - ههههههههه يمه هاي تدرين..

بعدني ماكملت كلامي و ندفر الباب بكل حيله .. دخل سرمد يلهث يصيح :- الحككككك لكككك سميدع بسرعه ..

...يتبع

____________________________

سَومرياتي ماوصيكم على التفاعل الحلوه منكم قدروا تعبي فدوه .. البارحه تاخرت بنشر البارت بس ان شاء الله اعوضكم اكتبلي توقعاتكم للبارتات الجايه حيل يهمني هل شي

تعالوا بقناة التلي بيها هواي اشياءات حلوه تفوتكم
هذا اليوزر evinoq

حساب الانستگرام